20 ta' Ġunju 2025

1 ta' Lulju 2025

Aħna nippublikaw dan ir-rapport ta' trasparenza darbtejn fis-sena biex nipprovdu tagħrif dwar l-isforzi ta' sigurtà ta' Snap. Bħala parti mill-impenn tagħna għas-sigurtà u t-trasparenza, aħna kontinwament naħdmu biex dawn ir-rapporti jkunu aktar komprensivi u informattivi għall-ħafna partijiet interessati li jimpurtahom ħafna mill-għarbiel tal-kontenut tagħna, il-prattiċi tal-infurzar tal-liġi, u s-sigurtà u l-benesseri tal-komunità ta' Snapchat. 

Dan ir-Rapport ta' Trasparenza jkopri t-tieni nofs tal-2024 (1 ta' Lulju - 31 ta' Diċembru) Aħna naqsmu dejta globali dwar rapporti mill-utenti u skoperta proattiva minn Snap; infurzar mit-timijiet tas-Sigurtà tagħna f'kategoriji speċifiċi ta' ksur tal-Linji Gwida tal-Komunità; kif irrispondejna għal talbiet mill-infurzar tal-liġi u l-gvernijiet; u kif irrispondejna għal avviżi ta' ksur tad-drittijiet tal-awtur u tat-trademarks. Nipprovdu wkoll tagħrif speċifiku għall-pajjiż f'sensiela ta' paġni marbuta.

Biex issib riżorsi addizzjonali għas-sigurtà u l-privatezza fuq Snapchat, ara t-tab tagħna Dwar ir-Rappurtar tat-Trasparenza fil-qiegħ tal-paġna.

Jekk jogħġbok innota li l-aktar verżjoni aġġornata ta' dan ir-Rapport ta' Trasparenza hija l-verżjoni bl-Ingliż.

It-timijiet tas-Sigurtà tagħna jinfurzaw il-Linji Gwida tal-Komunità kemm b'mod proattiv (permezz tal-użu ta' għodod ta' skoperta awtomatizzati) kif ukoll b'mod reattiv (b'reazzjoni għar-rapporti), kif deskritt aktar fid-detall fit-taqsimiet li ġejjin ta' dan ir-rapport. F'dan iċ-ċiklu ta' rappurtar (H2 2024), it-timijiet tas-Sigurtà tagħna ħadu n-numri ta' infurzar li ġejjin:

Hawn taħt qed nagħtu rendikont ta' kull tip ta' ksur konċernati mal-Linji Gwida tal-Komunità, fosthom iż-żmien medjan li għadda bejn il-ħin li identifikajna l-ksur tar-regoli (jew b'mod proattiv jew malli nirċievu rapport) u l-ħin li ħadna l-azzjoni finali kontra l-kontenut jew il-kont relevanti:

Matul il-perjodu ta' rapportar, sibna Rata ta' Kontenut Muri li Jikser ir-Regoli (VVR) ta' 0.01 fil-mija, li jfisser li minn kull 10,000 Snap u Storja li ntwerew fuq Snapchat, wieħed kien fih kontenut li nstab li kien qed jikser il-Linji Gwida tal-Komunità tagħna.

Mill-1 ta' Lulju sal-31 ta' Diċembru 2024, b'reazzjoni għal rapporti fl-app dwar ksur tal-Linji Gwida tal-Komunità tagħna, it-timijiet tas-Sigurtà ta' Snap ħadu total ta' 6,346,508 azzjoni ta' infurzar globalment, inklużi infurzar kontra 4,075,8383 kont uniku. Il-ħin medjan tat-timijiet tas-Sigurtà tagħna biex jieħdu azzjoni ta' infurzar b'reazzjoni għal dawk ir-rapporti kien ta' madwar 6 minuti. Spjegazzjoni skont il-kategorija ta' rappurtar huwa pprovdut hawn taħt.

Meta mqabbel mal-perjodu ta' rappurtar preċedenti, naqqasna l-ħinijiet medjani ta' tibdil fil-kategoriji tal-politiki kollha b'medja ta' 90%. Dan it-tnaqqis seħħ fil-parti l-kbira għal sforz konġunt biex nespandu l-kapaċità ta' reviżjoni tagħna kif ukoll biex intejbu l-prijoritizzazzjoni ta' rapporti bbażati fuq is-severità tal-ħsara. Għamilna wkoll diversi bidliet immirati fl-isforzi tagħna ta' sigurtà fil-perjodu ta' rappurtar, li kellhom impatt fuq id-dejta rrappurtata hawnhekk, inkluż l-espansjoni tal-isforzi tagħna biex ninfurzaw kontijiet għal usernames u ismijiet murija li jiksru l-Linji Gwida tal-Komunità taghħna, l-introduzzjoni ta' aktar rappurtar u protezzjonijiet għall-Komunitajiet fuq Snapchat, u l-introduzzjoni ta' għażliet ta' rappurtar għal tipi addizzjonali ta' midja, bħal voicenotes, direttament lilna fl-app.

Dawn il-bidliet, kif ukoll sforzi oħra ta' sigurtà u forzi esterni, affettwaw b'mod partikolari ċerti oqsma ta' politika meta mqabbla mal-perjodu ta' rappurtar preċedenti. Dawn il-kategoriji ta' politika jinkludu: Kontenut relatat ma' suspett ta' Sfruttament u Abbuż Sesswali tat-Tfal (CSEA), Informazzjoni Falza li Tagħmel il-Ħsara, u Spam. Speċifikament:

• CSEA: Fit-tieni nofs tal-2024, osservajna tnaqqis ta' 12% fir-rapporti relatati mas-CSEA, u naqqasna l-ħin medjan ta' risposta tagħna għas-CSEA rrappurtata b'99%. Dawn ix-xejriet huma mmexxija fil-parti l-kbira minn avvanzi kontinwi fl-isforzi tagħna ta' skoperta proattiva, li ppermettewlna nneħħu l-kontenut tas-CSEA qabel ma' seta' jiġi rrappurtat lilna u titjib li għamilna fil-proċessi tagħna biex nirrevedu u nieħdu azzjoni fuq rapporti tas-CSEA b'mod aktar effiċjenti. Anke b'dawn it-titjibiet, il-ħin tal-proċessar tas-CSEA tagħna huwa ogħla milli f'oqsma oħra ta' politika għaliex il-kontenut huwa soġġett għal proċess speċjalizzat li jinkludi reviżjoni doppja ma' tim magħżul ta' aġenti mħarrġa apposta.

• Informazzjoni Falza li Tagħmel il-Ħsara: Osservajna żieda ta' 26% fil-volum irrappurtat ta' rapporti relatati ma' Informazzjoni Falza li Tagħmel il-Ħsara, immexxija primarjament minn avvenimenti politiċi, inkluża l-Elezzjoni tal-Istati Uniti ta' Novembru 2024.

• Spam: F'dan il-perjodu ta' rappurtar, rajna tnaqqis ta' ~50% fl-infurzar totali u tnaqqis ta' ~46% fil-kontijiet uniċi totali infurzati b'reazzjoni għal rapporti ta' Spam suspettat, li jirrifletti titjib fl-għodod proattivi tagħna ta' skoperta u infurzar. Din hija kontinwazzjoni tal-isforzi tagħna biex nimmiraw l-ispam permezz ta' sinjali tal-kont, u nneħħu l-atturi tal-ispam aktar kmieni fl-attività tagħhom fuq il-pjattaforma. Dan l-isforz kien diġà għaddej matul l-aħħar perjodu ta' rappurtar, li matulu l-infurzar totali u l-kontijiet uniċi totali infurzati għall-Ispam naqsu b' ~65% u ~60% rispettivament.

Aħna nużaw għodod awtomatizzati biex niskopru b'mod proattiv u, f'xi każijiet, ninfurzaw kontra l-ksur tal-Linji Gwida tal-Komunità tagħna. Dawn l-għodod jinkludu t-teknoloġija tal-hash-matching (inklużi PhotoDNA u ċ-Child Sexual Abuse Imagery (CSAI) Match ta' Google), il-Content Safety API ta' Google,  u teknoloġija oħra mfassla apposta biex tiskopri test u midja abbużivi, xi kultant bl-użu tal-intelliġenza artifiċjali u t-tagħlim awtomatiku. 

Fit-tieni nofs tal-2024, ħadna l-azzjonijiet ta' infurzar li ġejjin wara li skoprejna b'mod proattiv ksur tal-Linji Gwida tal-Kommunità tagħna bl-użu ta' għodod ta' skoperta awtomatizzati:

L-isfruttament sesswali ta' kwalunkwe membru tal-komunità tagħna, l-iktar ta' xi ħadd taħt l-età, huwa illegali, mistmerr u kontra l-Linji Gwida tal-Komunità tagħna. Ir-prevenzjoni, is-sejbiet u l-qerda ta' Child Sexual Exploitation and Abuse (CSEA) fuq il-pjattaforma tagħna hija prijorità ewlenija għal Snap u kontinwament intejbu l-ħiliet tagħna biex niġġieldu kontra dawn ir-reati u reati oħra.

Aħna nużaw għodod ta' skoperta ta' teknoloġija attiva biex ngħinu nidentifikaw kontenut relatat mas-CSEA. Dawn l-għodod jinkludu għodod ta' tqabbil tal-hash (inlużi PhotoDNA u s-CSAI Match ta' Google, biex jidentifikaw immaġni u vidjows illegali magħrufa tas-CSEA, rispettivament) u l-Google Content Safety API (biex jidentifikaw immaġni illegali ġdida, "qatt ma ġiet hashjata qabel"). Barra minn hekk, f'xi każijiet, nużaw sinjali ta' mġiba biex ninforzaw kontra attività oħra suspettata tas-CSEA. Nirrapportaw kontenut relatat mas-CSEA lin-National Center for Missing and Exploited Children (NCMEC) tal-Istati Uniti, kif meħtieġ mil-liġi. L-NCMEC imbagħad jikkoordina mal-infurzar tal-liġi domestiku jew internazzjonali, kif meħtieġ.

Fl-ewwel nofs tas-sena 2024, ħadna dawn l-azzjonjiet malli identifikajna CSEA fuq Snapchat (jew b'mod proattiv jew wara li daħlilna rapport dwaru):

Snapchat jagħti s-setgħa lill-ħbieb biex jgħinu lil xulxin fi żminijiet diffiċli billi jipprovdi riżorsi u appoġġ għas-Snapchatters fil-bżonn. 

L-għodda ta' tiftix tagħna Here For You  tipprovdi riżorsi minn esperti meta l-utenti jfittxu ċerti suġġetti relatati mas-saħħa mentali, ansjetà, dipressjoni, stress, ħsibijiet suwiċidali, niket u bullying. Żviluppajna wkoll paġna ddedikata għas-sesstorsjoni finanzjara u riskji u danni sesswali oħra, fi sforz biex nappoġġjaw lil dawk li jinsabu f'diffikultà. Il-lista globali tagħna ta' riżorsi ta' sigurtà hija disponibbli pubblikament għas-Snapchatters kollha, fiċ-Ċentru tagħna tal-Privatezza, is-Sigurtà u l-Politika. 
Meta t-timijiet tas-Sigurtà tagħna jsiru konxji ta' Snapchatter għaddej/ja minn diffikultà, huma mgħammra biex jipprovdu riżorsi ta' prevenzjoni u appoġġ biex ma jagħmlux ħsara lilhom infushom, u biex ninnotifikaw lis-servizzi ta' emerġenza, kif meħtieġ. Ir-riżorsi li naqsmu huma disponibbli fuq il-lista globali tagħna tar-riżorsi ta' sigurtà, li hija disponibbli għas-Snapchatters kollha.

Hawn taħt nipprovdu informazzjoni dwar appelli li rċevejna mingħand utenti li talbu reviżjoni tad-deċiżjoni tagħna li nsakkru l-kont tagħhom fit-tieni nofs tal-2024.

Din it-taqsima tipprovdi ħarsa ġenerali lejn l-azzjonijiet tat-timijiet tas-Sigurtà tagħna biex jinfurzaw il-Linji Gwida tal-Komunità, tagħna, kemm b'mod proattiv kif ukoll b'reazzjoni għal rapporti ta' ksur fl-app, f'kampjun ta' reġjuni ġeografiċi. il-Linji Gwida tal-Komunità tagħna jgħoddu għall-kontenut kollu fuq Snapchat—u s-Snapchatters kollha—madwar id-dinja kollha; jinsabu fejn jinsabu.

Tista' tniżżel il-fajl CSV mehmuż għal iktar tagħrif dwar pajjiżi individwali, fosthom il-Pajjiżi Membri kollha tal-UE.

Snap hija impenjata li tiżgura li r-reklami kollha jkunu konformi mal- politiki dwar ir-reklamartagħna. Aħna nemmnu f'approċċ responsabbli għar-reklamar, u noħolqu esperjenza sigura għas-Snapchatters kollha. Ir-reklami kollha huma suġġetti għar-reviżjoni u l-approvazzjoni tagħna. Barra minn hekk, nirriżervaw il-jedd li nneħħu reklami, inkluż b'reazzjoni għall-kummenti u ħsibijiet tal-utenti, li huma xi ħaġa li nieħdu bis-serjetà. 

Hawn taħt inkludejna tagħrif dwar l-għarbiel tagħna għal reklami mħallsa li jiġu rrappurtati lilna wara l-publikazzjoni tagħhom fuq Snapchat. Innota li r-reklami fuq Snapchat jistgħu jitneħħew għal varjetà ta’ raġunijiet kif deskrittifil-Politiki dwar ir-Reklamar ta’ Snap, inkluż kontenut qarrieqi, kontenut għall-adulti, kontenut vjolenti jew inkwetanti, diskors ta’ mibegħda, u ksur tal-proprjetà intellettwali. Barra minn hekk, issa tista' ssib il-Gallerija tar-Reklami ta' Snapchat fiċ-ċentru tat-trasparenza ta' Snap, aċċessibli direttament permezz tal-bar tan-navigazzjoni.