Maħruġ: 30 ta' Jannar 2026

Aġġornat l-aħħar: 31 ta' Jannar 2026 

Dan ir-Rapport tat-Trasparenza nħareġ skont Artikli 7(2) u 7(3) tar-Regolament 2021/784 tal-Parlament Ewropew u tal-Kunsill tal-UE, dwar it-tixrid tal-kontenut terroristiku fuq l-internet (ir-Regolament). Dan ir-rapport ikopri l-perjodu li jibda mill-1 ta' Jannar 2025 u jispiċċa fil-31 ta' Diċembru 2025.

• Artiklu 7(3)(a): informazzjoni dwar il-miżuri tal-operatur tas-servizz fejn jidħol is-sejbien u t-tħassir jew it-tneħħija għall-aċċess għall-kontenut terroristiku

• Artiklu 7(3)(b): informazzjoni dwar il-miżuri meħudin mill-operatur tas-servizz fejn jidħol ir-ritorn ta' materjal fuq l-internet li jkun diġà tneħħa jew li l-aċċess għalih ġie diżattivat għax ġie meqjus bħala kontenut marbut mat-terroriżmu, l-iktar fejn ikunu ntużaw għodda awtomatiċi

Fuq Snapchat ftit li xejn jittella' kontenut terroristiku u fl-2025 ma daħlitilha l-ebda ordni tat-tħassir skont ir-Regolament.

Terroristi, organizzazzjonijiet terroristiċi u estremisti vjolenti huma pprojbiti milli jużaw Snapchat. Kontenut li jirrakkomanda, jippromwovi, jigglorifika jew javvanza t-terroriżmu jew atti vjolenti u kriminali oħra hu pprojbit skont ir-Regoli tal-Komunità tagħna. L-utenti jistgħu jirrapportaw kontenut li jikser ir-Regoli tal-Komunità tagħna permezz tal-menù tar-rappurtar fl-app tagħna u permezz tas-Sit tal-Għajnuna tagħna. Nużaw ukoll id-detezzjoni proattiva biex nippruvaw nidentifikaw kontenut li jikser ir-regoli fuq pjattaformi pubbliċi bħal ​​Spotlight u Discover. 

Irrispettivament minn kif nistgħu nsiru konxji ta' kontenut li jikser ir-regoli, it-timijiet tagħna ta' Fiduċja u s-Sigurtà, permezz ta' taħlita ta' awtomazzjoni u għarbiel uman, jirrevedu minnufih il-kontenut identifikat u jieħdu deċiżjonijiet rigward metodi ta' infurzar. Il-miżuri jistgħu jinkludu t-tneħħija tal-kontenut, notifika ta' twissija lil jew it-tħassir tal-kont li jikser ir-regoli, u, jekk ikun iġġustifikat, ir-rappurtar tal-kont lill-forzi tal-ordni. Biex nipprevjenu r-ritorn ta’ kontenut terroristiku jew kontenut estremista vjolenti ieħor fuq Snapchat, minbarra li naħdmu mal-forzi tal-ordni, nieħdu passi biex nibblokkaw l-apparat assoċjat mal-kont li qed jikser ir-regoli u nipprevjenu lill-utent milli joħloq kont ta' Snapchat ieħor. 

Tista' ssib iktar dettalji dwar il-proċessi tagħna biex insibu u nneħħu l-kontenut marbut mat-terroriżmu fit-Tifsira ta' Kontenut ta' Mibegħda, Terroriżmu u Estremiżmu Vjolenti u fit-Tifsira dwar l-Għarbiel, it-Twettiq tal-Politiki u l-Appelli tagħna. 

• Artiklu 7(3)(ċ): l-għadd ta' oġġetti b'kontenut terroristiku mneħħija jew li l-aċċess għalih tneħħa wara ordnijiet ta' tneħħija jew miżuri partikolari u l-għadd ta' ordnijiet tat-tneħħija fejn il-kontenut ma tneħħiex jew l-aċċess għalih ma jkunx tneħħa skont l-ewwel sottoparagrafu tal-Artiklu 3(7) u l-ewwel sottoparagrafu tal-Artiklu 3(8), flimkien mar-raġunijiet għal dan

Matul il-perjodu tar-rapport, Snap ma rċeviet l-ebda ordni għat-tneħħija u lanqas ma konna obbligati li nimplimentaw xi miżuri speċifiċi skont Artiklu 5 tar-Regolament. Għalhekk, m'aħniex obbligati biex nieħdu azzjoni ta' infurzar skont ir-Regolament.

It-tabella li ġejja tagħti t-tneħħijiet tal-kontenut u tal-kontijiet wara r-rapporti li daħlu mill-utenti u wara li sibna l-kontenut aħna minn rajna, kemm ġewwa l-UE kif ukoll madwar il-bqija tad-dinja. Dan il-kontenut kien jikser ir-Regoli tal-Komunità tagħna fejn jidħol il-kontenut terroristiku u dak li juri estremiżmu vjolenti.

• Artiklu 7(3)(d): l-għadd u r-riżultat tal-ilmenti pproċessati mill-operatur tas-servizz tal-hosting skont l-Artiklu 10

• Artiklu 7(3)(g): in-numru ta' każijiet li fihom il-fornitur tas-servizz ta' hosting reġa' daħħal kontenut jew aċċess għalih wara ilment mill-fornitur tal-kontenut

Minħabba li ma kellna l-ebda azzjonijiet ta' infurzar meħtieġa taħt ir-Regolament matul il-perjodu ta' rappurtar kif innutat hawn fuq, ma ħadna l-ebda ilment skont l-Artiklu 10 tar-Regolament u ma kellna l-ebda dħul mill-ġdid assoċjat.

It-tabella li ġejja fiha informazzjoni relatata ma' appelli u reintegrazzjonijiet, kemm fl-UE kif ukoll f'postijiet oħra madwar id-dinja, li jinvolvu kontenut terroristiku u estremista vjolenti infurzat taħt il-Linji Gwida tal-Komunità tagħna.

• Artiklu 7(3)(e): l-għadd u r-riżultati tal-istħarriġ amministrattiv jew ġudizzjarju mressaq mill-operatur tas-servizz tal-hosting

• Artiklu 7(3)(f): l-għadd ta' każijiet fejn l-operatur tas-servizz tal-hosting kellu jerġa' jtella' jew jerġa' jagħti aċċess għall-kontenut minħabba sentenza ta' stħarriġ amministrattiv jew stħarriġ ġudizzjarju

Billi ma wettaqna l-ebda għemil mitlub minna mir-Regolament matul il-firxa taż-żmien li r-rapport jitħaddet dwarha, ma kellna l-ebda proċess ta' stħarriġ amministrattiv jew ġudizzjarju u għalhekk ma kellna l-ebda dmir li nerġgħu ntellgħu jew nagħtu aċċess għal xi kontenut wara proċess ta' din ix-xorta.