Privatezza Permezz tas-Sigurtà
Diffiċli li jkollok sens ta' privatezza jekk ma tħossokx sigur ukoll. Din hi r-raġuni għaliex nagħmlu sforzi konsiderevoli biex inżommu l-infrastruttura tagħna stess sigura. Snapchat tipprovdilek ukoll funzjonijiet bħall-awtentikazzjoni b'żewġ fatturi u li jkollok kontroll fuq is-sessjoni biex tgħin iżżomm il-kont tiegħek sigur. Iżda hemm ukoll ftit passi addizzjonali li int tista' tieħu biex iżżomm il-kont ta’ Snapchat tiegħek aktar sigur:
Uża Password Sigura
Agħżel password twila, kumplessa u unika li tgħin biex timpedixxi atturi ħżiena milli jaqtgħu l-password tiegħek jew milli jużaw listi ta' passwords kompromessi biex jaċċessaw il-kont tiegħek. Biex tgħin tiżgura li l-kont tiegħek huwa sigur, ipprova kun kreattiv ħafna biex toħloq sentenza password twila bħal "Jien inħ0bb il-gall3ttinI tan-nAnnA!" (billi tuża ittri, numri u simboli speċjali) — u le, "Password123" mhix se tinganna lil ħadd. Jekk issibha diffiċli biex tiftakar il-passwords, ikkunsidra li tuża maniġer tal-passwords biex jiġġenera passwords siguri li ma tkunx teħtieġ tiftakarhom! Ikun xi jkun il-metodu tiegħek, ftakar: qatt taqsam il-password tiegħek ma' ħadd.
Ivverifika ✅ n-Numru tal-Mowbajl u l-Indirizz tal-Email Tiegħek
Ara li żżid in-numru tal-mowbajl tiegħek u l-indirizz tal-email mal-kont tiegħek u li tivverifika t-tnejn li huma. B'hekk ikollna iktar minn mod wieħed kif nikkuntattjawk u iktar minn mod wieħed kif nivverifikaw li int min qed tgħid li int (u mhux xi ħadd ieħor!). Din il-ħaġa hija importanti ħafna jekk qatt tiġi biex tibdel in-numru tal-mowbajl, ma tkunx tista' tidħol fil-kont tal-email tiegħek jew tkun tixtieq tibdel il-password. Iftaħ din il-ħolqa għall-istruzzjonijiet ta' kif tivverifika n-numru tal-mowbajl u l-indirizz tal-email tiegħek.
Min-naħa l-oħra, iżżidx numru tal-mowbajl jew l-indirizz tal-email tiegħek ma' kont ta' Snapchat li mhux tiegħek. Jekk tagħmel hekk, taf tkun qed tagħti aċċess lil ħaddieħor għall-kont tiegħek. Jekk xi ħadd jistaqsik biex iżżid in-numru tat-telefon jew l-indirizz elettroniku tiegħu fil-kont tiegħek, għarrafna.
Uża l-Awtentikazzjoni b'2️⃣ Fatturi
Ixgħel l-awtentikazzjoni b'żewġ fatturi. L-awtentikazzjoni b'żewġ fatturi (jew, fil-qosor, "2FA") iżżid saff ieħor ta' sigurtà billi jirrikjedu li int tipprovdi kodiċi minbarra l-login/password tiegħek. Nirrakkomandaw li tuża applikazzjoni tal-awtentikazzjoni fdata, bħal Google Authenticator jew Duo għat-2FA, iżda tista' tissettja t-2FA bl-SMS ukoll. Meta tissettja t-2FA tista' tgħin biex tevita li xi ħadd li jkun sab (jew qata') il-password tiegħek milli jaċċessa l-kont tiegħek.
Int qatt m'għandek tipprovdi l-kodiċi li tirċievi mingħand Snap jew mingħand applikazzjoni tal-awtentikazzjoni fdata lil xi ħadd ieħor—jaf ikunu jistgħu jużawh biex jidħlu fil-kont tiegħek!
Jekk titlef l-apparat tiegħek jew jinsteraq, jew jekk tissuspetta li xi ħadd uża apparat li mhuwiex taħt il-kontroll tiegħek biex jidħol fil-kont tiegħek, tinsiex tneħħi dak l-apparat minn fost l-apparati verifikati.
Immaniġġja s-Sessjonijiet Tiegħek 🔑
Tista' tuża ċ-Ċentru tal-Kontroll tas-Sessjonijiet ta' Snap biex issib is-sessjonijiet kollha mdaħħla fil-kont tiegħek. Jekk ma tafx kif jaħdmu, “sessjoni” tfisser tagħmir jew brawżer imdaħħal fil-kont tiegħek. Importanti żżomm għajnejk fuq iċ-Ċentru tal-Kontroll tas-Sessjonijiet biex tħares is-sigurtà tal-kont tiegħek, l-iktar jekk taħseb li xi ħadd seta' daħal fil-kont tiegħek mingħajr permess. Jekk issib xi tagħmir jew brawżer li ma tagħrfux, għandek ittemm is-sessjoni minnufih u tibdel il-password. Jekk jogħġbok għarrafna jekk ma tkunx tista' tidħol fil-kont tiegħek.
❌ Tużax Apps Mhux Awtorizzati ta’ Partijiet Terzi
Tużax apps mhux awtorizzati ta’ partijiet terzi. Applikazzjonijiet u plugins (jew irfinar) ta’ partijiet terzi mhux awtorizzati huma maħluqa minn żviluppaturi ta’ softwer mhux affiljati ma’ Snapchat u ħafna drabi jippretendu li jżidu karatteristiċi jew funzjonalità addizzjonali ma’ Snapchat. Iżda, dawn l-apps u l-plugins ta’ partijiet terzi mhux awtorizzati mhumiex appoġġjati jew permessi minn Snapchat għaliex xi drabi jistgħu jikkompromettu s-sigurtà tal-kontijiet tiegħek u ta’ Snapchatters oħrajn.
Aktar Suġġerimenti biex Iżżomm il-Kont Tiegħek Sigur
Int l-aħjar linja tad-difiża kontra atturi ħżiena! Hawn huma aktar suġġerimenti biex jgħinuk iżżomm il-kont tiegħek sigur:
Iżżidx numru tat-telefown jew indirizz tal-email fil-kont ta’ Snapchat tiegħek li mhux tiegħek. Jekk tagħmel dan, għandu mnejn tkun qed tagħti aċċess lil oħrajn għall-kont tiegħek. Jekk xi ħadd jitolbok iżżid in-numru tat-telefown jew l-indirizz tal-email tagħhom fil-kont tiegħek, għarrafna.
Tilloggjax fi Snapchat mill-apparat ta' xi ħadd ieħor. Jekk tagħmel dan, għandu mnejn tkun qed tagħtihom aċċess għall-kont tiegħek. Jekk tilloggja minn apparat li mhux tiegħek, dejjem ftakar biex tilloggja 'l barra wara!
Żid passcode jew passphrase b'saħħitha fuq l-apparat mobbli tiegħek jew, ferm aħjar, uża awtentikazzjoni bijometrika li tuża l-marka tas-saba' tiegħek jew wiċċek biex tiftaħ l-apparat tiegħek. Jekk m'għandekx dawn il-kontrolli addizzjonali attivati u l-apparat tiegħek jintilef, jinsteraq jew tħallih mitluq, xi ħadd ieħor għandu mnejn ikun jista' jaċċessa l-kontenut tal-kont ta’ Snapchat tiegħek.
Oqgħod attent(a) għal messaġġi suspettużi, speċjalment dawk li jippruvaw iġegħluk tikklikkja fuq links suspettużi — dawn jistgħu jwasslu għal sit web malizzjużi jew iqarrquk biex iddaħħal il-password tiegħek. Aħsibha sew qabel ma tikklikkja!
Għal aktar suġġerimenti dwar kif iżżomm ruħek sigur fuq Snapchat, mur hawn u abbona għal Safety Snapshot.