Hawn taħt nagħtu tifsira tal-iktar kliem, politiki u proċessi ta' ħidma msemmija fir-rapport tat-trasparenza tagħna.


Kontenut Sesswali: Jirreferi għall-promozzjoni jew it-tixrid tal-għerija sesswali, tal-pornografija jew tas-servizzi sesswali kummerċjali. Jekk jogħġbok aqra t-taħriġ dwar il-Kontenut Sesswali tagħna għal iktar tagħrif. Innota li għall-finijiet tar-rapporti tat-trasparenza tagħna, aħna niddefinixxu u nsegwu d-dejta dwar l-Isfruttament u l-Abbuż Sesswali tat-Tfal separatament minn tipi oħra ta' Kontenut Sesswali. 


Fastidju u Bullying: Jirreferi għal imġiba mhux mixtieqa li tista' twassal biex persuna ordinarja tesperjenza tbatija emozzjonali bħal abbuż verbali. Jekk jogħġbok aqra t-taħriġ tagħna dwar Fastidju u Bullying għal iktar tagħrif.


Theddid u Vjolenza: Tirreferi għal kontenut li juri l-għan li jikkawża ħsara fiżika jew emozzjonali serja. Vjolenza tirreferi għal kontenut li jħeġġeġ, jigglorifika jew juri l-vjolenza umana, abbuż ta' annimali, id-dmija jew stampi grafiċi. Jekk jogħġbok aqra t-taħriġ tagħna dwar Theddid, Vjolenza u Ħsara għal iktar tagħrif.


Awtokorriment u Suwiċidju: Jirreferu għall-glorifikazzjoni tal-awtokorriment fosthom il-promozzjoni tal-awto-leżjoni, suwiċidju jew disturbi fil-komportament alimentari. Jekk jogħġbok aqra t-taħriġ tagħna dwar Theddid, Vjolenza u Ħsara għal iktar tagħrif.


Informazzjoni Falza: Tinkludi kontenut falz jew qarrieqi li jikkawża ħsara jew li ttella' bi ħsieb malizzjuż, bħal ċaħda tal-eżistenza ta' avvenimenti traġiċi, stqarrijiet mediċi mhux sostanzjati, jew li jdgħajjef l-integrità ta' proċessi ċiviċi, jew manipulazzjoni ta' kontenut għal skopijiet foloz jew qarrieqa, inkluż permezz ta' IA ħallieqa ġenerattiva jew permezz ta' editjar qarrieqi. Jekk jogħġbok aqra t-taħriġ dwar l-Informazzjoni Falza jew Qarrieqa li Tagħmel il-Ħsara tagħna għal iktar tagħrif.


Għemil Tabirruħ Ħaddieħor: Isseħħ meta xi kont jagħmilha tabirruħu li huwa assoċjat ma' persuna jew ditta oħra. Jekk jogħġbok aqra t-taħriġ dwar l-Informazzjoni Falza jew Qarrieqa li Tagħmel il-Ħsara għal iktar tagħrif.


Spam: Spam jirreferi għal messaġġi mhux mixtieqa jew kontenut bla siwi maqsum mal-oħrajn li hemm ċans kbir li jħawwad lil dak li jkun jew joħloq riskju jew idejjaq lill-utenti ġenwini. Jekk jogħġbok aqra t-taħriġ dwar l-Informazzjoni Falza jew Qarrieqa li Tagħmel il-Ħsara tagħna għal iktar tagħrif.


Drogi: Jirreferu għat-tqassim jew l-użu ta' drogi illegali (fosthom pilloli foloz) u attività oħra pprojbita li tinvolvi drogi. Jekk jogħġbok aqra t-taħriġ dwar Għemejjel Illegali u li Jeħtieġu Liċenzja tagħna għal iktar tagħrif.


Armi: Jirreferu għal għodda ddisinjati jew użati jikkawżaw mewt, korriment jew ħsara fiżika oħra. Jekk jogħġbok aqra t-taħriġ dwar Għemejjel Illegali u li Jeħtieġu Liċenzja tagħna għal iktar tagħrif.


Ħwejjeġ Oħra li Jeħtieġu Liċenzja: Jirreferu għall-promozzjoni ta' oġġetti jew industriji li jeħtieġu liċenzja, fosthom il-logħob tal-ażżard, il-prodotti tat-tabbakk u l-alkoħol. Din il-kategorija tiġbor fiha wkoll għemejjel perikolużi jew illegali li jafu jħeġġu mġibiet, fosthom imġibiet kriminali jew li jistgħu jwasslu għal riskju serju għall-ħajja, għas-sigurtà u għall-benesseri ta' dak li jkun.
Għal iktar tagħrif, jekk jogħġbok aqra t-taħriġ tagħna dwar Għemejjel Illegali u li Jeħtieġu Liċenzja.


Kliem ta' Mibegħda: Jirreferi għal kontenut li jwaqqgħa d-dinjita tal-bniedem, li jimmalafama jew li jħeġġeġ il-vjolenza jew id-diskriminazzjoni lejn individwu jew grupp abbażi tar-razza, il-kulur tal-ġilda, il-kasta, l-etniċità, in-nazzjonalità, ir-reliġjon, l-orjentazzjoni sesswali, il-ġens, id-diżabbiltà, il-fatt li xi ħadd fl-imgħoddi qeda lill-forzi armati (veteran status), l-istatus tal-immigrazzjoni, l-istatus soċjoekonomiku, l-età, il-piż jew it-tqala. Jekk jogħġbok aqra t-taħriġ tagħna dwar il-Kontenut ta' Mibegħda, Terroriżmu u Estremiżmu Vjolenti għal iktar tagħrif.


Sfruttament u Abbuż Sesswali fuq it-Tfal: Jirreferi għal kontenut li fih kwalubnkwe forma ta' sfruttament u abbuż sesswali fuq it-tfal fosthom stampi ta' sfruttament u abbuż sesswali fuq it-tfal (CSEAI) u t-trawwim u t-tħeġġiġ ta' minorenni għal għanijiet sesswali. Aħna nirrappurtaw lill-awtoritajiet kull ħaġa marbuta ma sfruttament u abbuż sesswali fuq it-tfal. Jekk jogħġbok aqra t-taħriġ tagħna dwar Kontenut Sesswali għal iktar tagħrif.

Terroriżmu u Estremiżmu Vjolenti: Jirreferi għall-kontenut li jippromwovi jew jappoġġja t-terroriżmu jew atti kriminali vjolenti oħra li jitwettqu min-nies u/jew gruppi biex iwettqu għanijiet ideoloġiċi, bħal dawk ta' natura politika, reliġjuża, soċjali jew ambjentali. Dan jinkludi kull kontenut li jippromwovi jew jappoġġja xi organizzazzjoni terroristika barranija jew grupp ta' mibgħeda estremist vjolenti, kif ukoll kontenut li jgħin lil dawn l-organizzazzjonijiet isibu u jdaħħlu membri ġodda jew iwettqu atti estremisti vjolenti. Għal iktar informazzjoni, jekk jogħġbok irrevedi l-ispjegazzjoni tagħna fuq Kontenut ta' Mibgħeda, u Estremiżmu Vjolenti.


Kontenut u Rapporti tal-Kontijiet: Numru totali ta' biċċiet ta' kontenut u kontijiet irrappurtati lil Snap permezz tal-għażla li tirrapporta mill-app. Żomm f'moħħok li l-kontenut jinkludi ritratti, vidjows, u chats.


Infurzar (Infurzat): Azzjoni meħuda kontra xi kontenut jew kont (e.ż. tħassir, twissija, qfil). Żomm f'moħħok li l-kontenut jinkludi ritratti, vidjows, u chats. Vjolazzjonijiet tal-kontenut irrappurtati jistgħu jiġu mmexxija minn aġenti umani jew awtomatizzati (fejn l-awtomazzjoni preċiża hija possibbli).


Għadd ta' Kontenut Infurzat: In-numru totali ta' biċċiet ta' kontenut (e.ż. Snaps, Stories) li ġew imwissija minn Snapchat. 


Għadd ta' Kontijiet Uniċi Infurzati: In-numru totali ta' kontijiet uniċi li ġew imwissija minn Snapchat. Ngħidu aħna, jekk kont wieħed ġie mwissi ħafna drabi għal raġunijiet differenti, (e.ż. utent ġie mwissi għax tefa' informazzjoni falza u wara, il-kont tiegħu ġie maqful għax ta fastidju lil utent ieħor), skont din is-sistema, se jiġi biss ikkalkulat li utent wieħed biss ġie mwissi. Iż-żewġ twissijiet, però, se jkunu inklużi fil-"Ħarsa Ġenerali tal-Vjolazzjonijiet tal-Kontenut u Kontijiet", bi twissija waħda dwar "Informazzjoni Falza" u twissija oħra fuq "Fastidju u Bullying."


% tar-Rapporti Infurzati minn Snap: Dan juri l-perċentwal ta' biċċiet ta' kontenut u kontijiet infurzati għal raġuni partikolari, diviża bil-biċċiet totali ta' kontenut u kontijiet infurzati għar-raġunijiet kollha. 


Ħin Meħtieġ għal Reazzjoni: Il-ħin bejn xħin it-tim tas-Sigurtà tagħna jirċievi rapport (normalment meta jitressaq rapport), u l-aħħar ħin imniżżel li jkun sar l-infurzar. Jekk isiru diversi reviżjonijiet, il-ħin finali kkalkulat hu dak ta' meta ssir l-aħħar azzjoni.


Rata tal-Ksur għal Kull Dehra (VVR): VVR hija l-perċentwal ta' kemm utenti raw Stories u Snaps b'kontenut vjolenti, bħala proporzjon għal kull Story u Snap li raw l-utenti fuq Snapchat. (Snap huwa ritratt jew vidjow meħud bil-kamera ta' Snapchat.  Iktar informazzjoni tista' ssibha hawn.) Ngħidu aħna, jekk il-VVR tagħna hija 0.03%, dak ifisser li minn kull 10,000 Snap u Story li dehru fuq Snapchat, 3 kien fihom kontenut li mar kontra r-regoli tagħna. Din il-metrika tħallina nifhmu liema perċentwal ta' dehriet tal-Isnaps u Stories fuq Snapchat jiġi minn kontenut li jmur kontra r-Regoli tal-Komunità tagħna (li kien irrappurtat jew infurzajnieh b'mod proattiv).


Appell: Appell isir meta utent idaħħal talba biex aħna nerġgħu nirrevedu infurzar li wassal għal deċizjoni li jinqafel kont, u dan huwa possibbli jekk il-kont kien magħluq minħabba vjolazzjonijiet tar-Regoli tal-Komunità. Ngħidu aħna, nistgħu nneħħu kont li mar kontra r-regoli tagħna dwar il-fastidju. Utent jista' ma jaqbilx mal-assessjar tagħna u jibgħat appell biex nerġgħu nikkunsidraw id-deċiżjoni tagħna.


Treġġiegħ lura: Treġġiegħ lura huwa meta nreġġgħu lura d-deċiżjoni moderattiva oriġinali, bħala riżultat tal-appell. Meta nirċievu appell, aħna nirrevedu u nevalwaw jekk l-azzjoni ta' infurzar fil-bidu kinitx korretta. Jekk niddeterminaw li għamilna żball fejn infurzajna kontenut jew kont dwar il-linji gwida tar-regoli tagħna fuq il-pjattaforma, aħna nreġġgħu lura d-deċiżjoni dwar il-kontenut jew kont appellat biex dan jitħalla fuq il-pjattaforma tagħna.