ਨੀਤੀ ਕੇਂਦਰ
ਭਾਈਚਾਰਕ ਸੇਧਾਂ
Snap ਵਿਖੇ ਅਸੀਂ ਲੋਕਾਂ ਨੂੰ ਆਪਣੇ ਆਪ ਨੂੰ ਜ਼ਾਹਰ ਕਰਨ, ਮੌਜੂਦਾ ਸਮੇਂ ਵਿੱਚ ਜੀਉਣ, ਸੰਸਾਰ ਬਾਰੇ ਸਿੱਖਣ ਅਤੇ ਇਕੱਠੇ ਮਸਤੀ ਕਰਨ ਦੀ ਸਮਰੱਥਾ ਦਿੰਦੇ ਹਾਂ। ਅਸੀਂ ਇਹ ਭਾਈਚਾਰਕ ਸੇਧਾਂ ਮਨੁੱਖੀ ਅਧਿਕਾਰਾਂ ਦਾ ਆਦਰ ਕਰਨ ਪ੍ਰਤੀ ਸਾਡੀ ਵਚਨਬੱਧਤਾ ਦੇ ਅਨੁਸਾਰ ਬਣਾਈਆਂ ਹਨ ਤਾਂ ਜੋ Snapchatters ਨੂੰ ਸੁਰੱਖਿਅਤ ਰਹਿਣ ਵਿੱਚ ਮਦਦ ਕੀਤੀ ਜਾ ਸਕੇ ਅਤੇ ਸਵੈ-ਪ੍ਰਗਟਾਵੇ ਨੂੰ ਉਤਸ਼ਾਹਤ ਕੀਤਾ ਜਾ ਸਕੇ।
ਭਾਈਚਾਰਕ ਸੇਧਾਂ ਉਹ ਨਿਯਮ ਹਨ ਜੋ ਇਹ ਤੈਅ ਕਰਦੇ ਹਨ ਕਿ Snapchat 'ਤੇ ਕਿਸ ਦੀ ਇਜਾਜ਼ਤ ਹੈ ਅਤੇ ਕਿਸ ਦੀ ਇਜਾਜ਼ਤ ਨਹੀਂ ਹੈ। ਇਹ ਸੇਧਾਂ ਸਾਰੀ ਸਮੱਗਰੀ ਅਤੇ ਉਨ੍ਹਾਂ ਸਾਰਿਆਂ 'ਤੇ ਲਾਗੂ ਹੁੰਦੀਆਂ ਹਨ ਜੋ Snapchat ਦੀ ਵਰਤੋਂ ਕਰਦੇ ਹਨ ਜਾਂ ਇਸ ਨਾਲ ਅੰਤਰਕਿਰਿਆ ਕਰਦੇ ਹਨ। ਇਸ ਵਿੱਚ ਵਰਤੋਂਕਾਰ ਨਾਮ ਅਤੇ ਡਿਸਪਲੇ ਨਾਮ, Bitmojis, ਟੈਕਸਟ, ਤਸਵੀਰਾਂ, ਵੀਡੀਓਜ਼, ਜਨਰੇਟਿਵ AI, ਲਿੰਕ ਜਾਂ ਅਟੈਚਮੈਂਟ, ਇਮੋਜੀ, ਸਟਿੱਕਰ, ਲੈਂਜ਼ ਅਤੇ ਹੋਰ ਰਚਨਾਤਮਕ ਔਜ਼ਾਰ ਸ਼ਾਮਲ ਹਨ। ਇਹ Snapchat 'ਤੇ ਸਾਰੇ ਵਤੀਰੇ 'ਤੇ ਵੀ ਲਾਗੂ ਹੁੰਦਾ ਹੈ, ਜਿਸ ਵਿੱਚ ਵਰਤੋਂਕਾਰ ਤੋਂ ਵਰਤੋਂਕਾਰ ਅੰਤਰਕਿਰਿਆ ਸ਼ਾਮਲ ਹੈ, ਨਾਲ ਹੀ ਉਹ ਵਤੀਰਾ ਜੋ ਸਾਡੇ ਮਾਹੌਲ ਦੀ ਅਖੰਡਤਾ ਨੂੰ ਪ੍ਰਭਾਵਿਤ ਕਰਦਾ ਹੈ, ਜਿਵੇਂ ਕਿ Snap ਦੇ ਪਲੇਟਫ਼ਾਰਮ ਜਾਂ ਉਤਪਾਦਾਂ ਵਿੱਚ ਹੇਰਾਫੇਰੀ ਕਰਨ ਲਈ ਤਿਆਰ ਕੀਤੀ ਗੈਰ-ਪ੍ਰਮਾਣਿਕ ਸਰਗਰਮੀ ਜਾਂ ਧੋਖਾਧੜੀ ਵਾਲੇ ਅਭਿਆਸ।
ਜੇਕਰ ਇਨ੍ਹਾਂ ਨੀਤੀਆਂ ਦੀ ਉਲੰਘਣਾ ਕੀਤੀ ਜਾਂਦੀ ਹੈ, ਤਾਂ ਅਸੀਂ ਉਲੰਘਣਾ ਕਰਨ ਵਾਲੇ ਖਾਤੇ 'ਤੇ ਕਾਰਵਾਈ ਕਰ ਸਕਦੇ ਹਾਂ, ਜਿਸ ਵਿੱਚ ਉਲੰਘਣਾ ਕਰਨ ਵਾਲੀ ਸਮੱਗਰੀ ਨੂੰ ਹਟਾਉਣਾ, ਚੇਤਾਵਨੀਆਂ ਜਾਰੀ ਕਰਨਾ, ਖਾਤੇ ਜਾਂ ਸਮੱਗਰੀ ਦੀ ਦ੍ਰਿਸ਼ਟਤਾ ਨੂੰ ਸੀਮਿਤ ਕਰਨਾ ਜਾਂ ਖਾਤੇ ਨੂੰ ਖਤਮ ਕਰਨਾ ਸ਼ਾਮਲ ਹੈ। ਜੇ ਇਨ੍ਹਾਂ ਸੇਧਾਂ ਦੀ ਉਲੰਘਣਾ ਕਰਨ ਲਈ ਤੁਹਾਡਾ ਖਾਤਾ ਅਯੋਗ ਕਰ ਦਿੱਤਾ ਗਿਆ ਹੈ, ਤਾਂ ਤੁਹਾਨੂੰ ਸਾਡੀ ਇਜਾਜ਼ਤ ਤੋਂ ਬਿਨਾਂ ਦੁਬਾਰਾ Snapchat ਵਰਤਣ ਦੀ ਇਜਾਜ਼ਤ ਨਹੀਂ ਹੁੰਦੀ।
ਅਸੀਂ ਚਾਹੁੰਦੇ ਹਾਂ ਕਿ ਇਹ ਸੇਧਾਂ ਸਪਸ਼ਟ ਅਤੇ ਸਮਝਣ ਵਿੱਚ ਅਸਾਨ ਹੋਣ। ਜਿਵੇਂ ਕਿ ਸਾਡੀਆਂ ਸੇਵਾ ਦੀਆਂ ਮਦਾਂ ਵਿੱਚ ਨੋਟ ਕੀਤਾ ਗਿਆ ਹੈ, ਇਹ ਸੇਧਾਂ ਜਿਨ੍ਹਾਂ ਵਿੱਚ ਲਿੰਕ ਕੀਤੇ ਵਿਆਖਿਆਕਾਰ ਸ਼ਾਮਲ ਹਨ Snap ਨਾਲ ਤੁਹਾਡੇ ਸਮਝੌਤੇ ਦਾ ਹਿੱਸਾ ਹਨ। ਕਿਰਪਾ ਕਰਕੇ ਸਾਡੀਆਂ ਸੇਵਾ ਦੀਆਂ ਮਦਾਂ ਨੂੰ ਵੇਖੋ ਅਤੇ ਇਹ ਯਕੀਨੀ ਬਣਾਉਣ ਲਈ ਆਪਣੇ ਸਥਾਨਕ ਕਾਨੂੰਨਾਂ ਦੀ ਜਾਂਚ ਕਰੋ ਕਿ ਤੁਸੀਂ ਸਾਡੇ ਭਾਈਚਾਰੇ ਵਿੱਚ ਸ਼ਾਮਲ ਹੋਣ ਲਈ ਕਾਫ਼ੀ ਉਮਰ ਦੇ ਹੋ।
