ਜੇਕਰ ਤੁਸੀਂ ਵੀ ਸੁਰੱਖਿਅਤ ਮਹਿਸੂਸ ਨਹੀਂ ਕਰਦੇ ਹੋ, ਤਾਂ ਪਰਦੇਦਾਰੀ ਦੀ ਭਾਵਨਾ ਰੱਖਣਾ ਔਖਾ ਹੈ। ਇਸ ਲਈ ਅਸੀਂ ਆਪਣੇ ਬੁਨਿਆਦੀ ਢਾਂਚੇ ਨੂੰ ਸੁਰੱਖਿਅਤ ਕਰਨ ਲਈ ਕਾਫ਼ੀ ਯਤਨ ਕਰਦੇ ਹਾਂ। Snapchat ਤੁਹਾਨੂੰ ਆਪਣੇ ਖਾਤੇ ਦੀ ਸੁਰੱਖਿਆ ਵਿੱਚ ਮਦਦ ਲਈ ਦੋ-ਕਦਮੀ ਪ੍ਰਮਾਣੀਕਰਨ ਅਤੇ ਸੈਸ਼ਨ ਪ੍ਰਬੰਧਨ ਵਰਗੀਆਂ ਵਿਸ਼ੇਸ਼ਤਾਵਾਂ ਵੀ ਦਿੰਦੀ ਹੈ। ਪਰ ਆਪਣੇ Snapchat ਖਾਤੇ ਨੂੰ ਜ਼ਿਆਦਾ ਸੁਰੱਖਿਅਤ ਰੱਖਣ ਲਈ ਤੁਸੀਂ ਕੁੱਝ ਵਾਧੂ ਕਦਮ ਵੀ ਚੁੱਕ ਸਕਦੇ ਹੋ:

ਲੰਬਾ, ਗੁੰਝਲਦਾਰ ਅਤੇ ਵਿਲੱਖਣ ਪਾਸਵਰਡ ਚੁਣਨਾ ਮਾੜੇ ਲੋਕਾਂ ਨੂੰ ਤੁਹਾਡੇ ਪਾਸਵਰਡ ਦਾ ਅੰਦਾਜ਼ਾ ਲਗਾਉਣ ਜਾਂ ਤੁਹਾਡੇ ਖਾਤੇ ਤੱਕ ਪਹੁੰਚਣ ਲਈ ਛੇੜ-ਛਾੜ ਕੀਤੇ ਪਾਸਵਰਡਾਂ ਦੀ ਸੂਚੀ ਦੀ ਵਰਤੋਂ ਕਰਨ ਤੋਂ ਰੋਕਣ ਵਿੱਚ ਮਦਦ ਕਰੇਗਾ। ਤੁਹਾਡੇ ਖਾਤੇ ਦੀ ਸੁਰੱਖਿਆ ਯਕੀਨੀ ਬਣਾਉਣ ਵਿੱਚ ਮਦਦ ਕਰਨ ਲਈ, "I l0ve gr@ndma's gingerbread c00kies!" ਵਰਗੇ ਲੰਬੇ ਪਾਸਵਰਡ ਵਾਕ ਵਾਂਗ ਕੁਝ ਗੁੰਝਲਦਾਰ ਬਣਾਉਣ ਲਈ ਆਪਣੀ ਰਚਨਾਤਮਕਤਾ ਅਜ਼ਮਾਓ। (ਅੱਖਰਾਂ, ਨੰਬਰਾਂ ਅਤੇ ਵਿਸ਼ੇਸ਼ ਚਿੰਨ੍ਹਾਂ ਦੀ ਵਰਤੋਂ ਕਰਦੇ ਹੋਏ) — ਅਤੇ ਨਾ ਕਿ, "Password123" ਜਿਸ ਨੂੰ ਕੋਈ ਵੀ ਆਸਾਨੀ ਨਾਲ ਜਾਣ ਸਕਦਾ ਹੈ। ਜੇਕਰ ਤੁਹਾਨੂੰ ਪਾਸਵਰਡਾਂ ਨੂੰ ਯਾਦ ਰੱਖਣ ਵਿੱਚ ਦਿੱਕਤ ਹੈ, ਤਾਂ ਅਜਿਹੇ ਸੁਰੱਖਿਅਤ ਪਾਸਵਰਡ ਤਿਆਰ ਕਰਨ ਲਈ ਪਾਸਵਰਡ ਪ੍ਰਬੰਧਕ ਵਰਤਣ 'ਤੇ ਵਿਚਾਰ ਕਰੋ ਜਿਨ੍ਹਾਂ ਨੂੰ ਤੁਹਾਨੂੰ ਯਾਦ ਨਹੀਂ ਰੱਖਣਾ ਪੈਂਦਾ! ਤੁਹਾਡਾ ਜੋ ਵੀ ਤਰੀਕਾ ਹੋਵੇ, ਉਸ ਨੂੰ ਯਾਦ ਰੱਖੋ: ਤੁਹਾਡੇ ਪਾਸਵਰਡ ਨੂੰ ਕਿਸੇ ਨਾਲ ਕਦੇ ਵੀ ਨਾ ਸਾਂਝਾ ਕਰੋ।

ਦੋ-ਕਦਮੀ ਪ੍ਰਮਾਣੀਕਰਨ ਚਾਲੂ ਕਰੋ। ਦੋ-ਕਦਮੀ ਪ੍ਰਮਾਣੀਕਰਨ (ਜਿਸਨੂੰ ਛੋਟੇ ਰੂਪ ਵਿੱਚ 2FA ਕਿਹਾ ਜਾਂਦਾ ਹੈ) ਸੁਰੱਖਿਆ ਦੀ ਇੱਕ ਵਾਧੂ ਤਹਿ ਸ਼ਾਮਲ ਕਰਦਾ ਹੈ, ਜਿੱਥੇ ਤੁਹਾਨੂੰ ਆਪਣੇ ਲੌਗਇਨ/ਪਾਸਵਰਡ ਦੇ ਨਾਲ ਇੱਕ ਕੋਡ ਵੀ ਦਰਜ ਕਰਨ ਦੀ ਲੋੜ ਹੁੰਦੀ ਹੈ। ਅਸੀਂ 2FA ਲਈ ਭਰੋਸੇਯੋਗ ਪ੍ਰਮਾਣਕਰਤਾ ਐਪ ਜਿਵੇਂ Google Authenticator ਜਾਂ Duo ਵਰਤਣ ਦੀ ਸਿਫਾਰਸ਼ ਕਰਦੇ ਹਾਂ, ਪਰ ਤੁਸੀਂ SMS ਰਾਹੀਂ 2FA ਵੀ ਸੈੱਟ ਕਰ ਸਕਦੇ ਹੋ। 2FA ਸੈੱਟ ਕਰਨ ਨਾਲ ਕਿਸੇ ਅਜਿਹੇ ਵਿਅਕਤੀ ਨੂੰ ਤੁਹਾਡੇ ਖਾਤੇ ਤੱਕ ਪਹੁੰਚਣ ਤੋਂ ਰੋਕਣ ਵਿੱਚ ਮਦਦ ਮਿਲ ਸਕਦੀ ਹੈ ਜਿਸ ਕੋਲ ਤੁਹਾਡਾ ਪਾਸਵਰਡ (ਜਾਂ ਅੰਦਾਜ਼ਾ) ਹੈ।

• ਤੁਹਾਨੂੰ Snap ਜਾਂ ਕਿਸੇ ਭਰੋਸੇਯੋਗ ਪ੍ਰਮਾਣਕਰਤਾ ਐਪ ਤੋਂ ਪ੍ਰਾਪਤ ਕੋਡ ਕਿਸੇ ਹੋਰ ਨੂੰ ਕਦੇ ਵੀ ਨਹੀਂ ਦੇਣਾ ਚਾਹੀਦਾ—ਉਹ ਇਸਨੂੰ ਤੁਹਾਡੇ ਖਾਤੇ ਵਿੱਚ ਲੌਗਇਨ ਕਰਨ ਲਈ ਵਰਤ ਸਕਦੇ ਹਨ!

• ਜੇ ਤੁਹਾਡਾ ਡਿਵਾਈਸ ਗੁਆਚ ਜਾਂ ਚੋਰੀ ਹੋ ਜਾਂਦਾ ਹੈ, ਜਾਂ ਤੁਹਾਨੂੰ ਸ਼ੱਕ ਹੈ ਕਿ ਕਿਸੇ ਅਜਿਹੇ ਡਿਵਾਈਸ ਦੀ ਵਰਤੋਂ ਤੁਹਾਡੇ ਖਾਤੇ ਵਿੱਚ ਲੌਗ ਇਨ ਕਰਨ ਲਈ ਕੀਤੀ ਹੈ ਜਿਸ ਨੂੰ ਤੁਸੀਂ ਕਾਬੂ ਨਹੀਂ ਕਰਦੇ, ਤਾਂ ਉਸ ਡਿਵਾਈਸ ਨੂੰ ਪ੍ਰਮਾਣਿਤ ਡਿਵਾਈਸ ਵਜੋਂ ਹਟਾਉਣਾ ਨਾ ਭੁੱਲੋ।

ਤੀਜੀ-ਧਿਰ ਦੀਆਂ ਅਣਅਧਿਕਾਰਤ ਐਪਾਂ ਦੀ ਵਰਤੋਂ ਨਾ ਕਰੋ। ਅਣਅਧਿਕਾਰਤ ਤੀਜੀ-ਧਿਰ ਐਪਲੀਕੇਸ਼ਨ ਅਤੇ ਪਲੱਗਇਨ (ਜਾਂ ਟਵੀਕਸ) ਸਾਫਟਵੇਅਰ ਵਿਕਾਸਕਾਰਾਂ ਵੱਲੋਂ ਬਣਾਏ ਜਾਂਦੇ ਹਨ ਜੋ Snapchat ਨਾਲ ਸੰਬੰਧਿਤ ਨਹੀਂ ਹਨ ਅਤੇ ਅਕਸਰ Snapchat ਵਿੱਚ ਵਾਧੂ ਵਿਸ਼ੇਸ਼ਤਾਵਾਂ ਜਾਂ ਕਾਰਜਕੁਸ਼ਲਤਾ ਸ਼ਾਮਲ ਕਰਨ ਦਾ ਦਾਅਵਾ ਕਰਦੇ ਹਨ। ਪਰ, ਇਹ ਅਣਅਧਿਕਾਰਤ ਤੀਜੀ-ਧਿਰ ਐਪਾਂ ਅਤੇ ਪਲੱਗਇਨ Snapchat ਵੱਲੋਂ ਸਮਰਥਿਤ ਜਾਂ ਆਗਿਆ ਪ੍ਰਾਪਤ ਨਹੀਂ ਹਨ ਕਿਉਂਕਿ ਇਹ ਕਈ ਵਾਰ ਤੁਹਾਡੇ ਅਤੇ ਹੋਰ Snapchatters ਦੇ ਖਾਤਿਆਂ ਦੀ ਸੁਰੱਖਿਆ ਨਾਲ ਸਮਝੌਤਾ ਕਰ ਸਕਦੇ ਹਨ।

ਬੁਰੇ ਲੋਕਾਂ ਤੋਂ ਬਚਣ ਵਿੱਚ ਤੁਹਾਡੀ ਆਪਣੀ ਸੂਝ-ਬੂਝ ਮਾਈਨੇ ਰੱਖਦੀ ਹੈ! ਖਾਤੇ ਨੂੰ ਸੁਰੱਖਿਅਤ ਰੱਖਣ ਲਈ ਮੱਦਦ ਕਰਨ ਵਾਸਤੇ ਇੱਥੇ ਹੋਰ ਸੁਝਾਅ ਹਨ:

• ਆਪਣੇ Snapchat ਖਾਤੇ ਵਿੱਚ ਕੋਈ ਅਜਿਹਾ ਫ਼ੋਨ ਨੰਬਰ ਜਾ ਈਮੇਲ ਪਤਾ ਨਾ ਸ਼ਾਮਲ ਕਰੋ ਜੋ ਤੁਹਾਡਾ ਨਹੀਂ ਹੈ। ਅਜਿਹਾ ਕਰਨਾ ਦੂਸਰਿਆਂ ਨੂੰ ਤੁਹਾਡੇ ਖਾਤੇ ਤੱਕ ਪਹੁੰਚ ਦੇ ਸਕਦਾ ਹੈ। ਜੇਕਰ ਕੋਈ ਤੁਹਾਨੂੰ ਤੁਹਾਡੇ ਖਾਤੇ ਵਿੱਚ ਉਸਦਾ ਫ਼ੋਨ ਨੰਬਰ ਜਾਂ ਈਮੇਲ ਪਤਾ ਸ਼ਾਮਲ ਕਰਨ ਲਈ ਕਹਿੰਦਾ ਹੈ, ਤਾਂ ਸਾਨੂੰ ਦੱਸੋ।

• ਕਿਸੇ ਹੋਰ ਦੀ ਡੀਵਾਈਸ 'ਤੇ Snapchat ਵਿੱਚ ਲੌਗਇਨ ਨਾ ਕਰੋ। ਜੇਕਰ ਤੁਸੀਂ ਅਜਿਹਾ ਕਰਦੇ ਹੋ, ਤਾਂ ਤੁਸੀਂ ਉਹਨਾਂ ਨੂੰ ਤੁਹਾਡੇ ਖਾਤੇ ਤੱਕ ਪਹੁੰਚ ਦੇ ਸਕਦੇ ਹੋ। ਜੇਕਰ ਤੁਸੀਂ ਅਜਿਹੀ ਡੀਵਾਈਸ 'ਤੇ ਲੌਗ ਇਨ ਕਰਦੇ ਹੋ ਜੋ ਤੁਹਾਡੀ ਨਹੀਂ ਹੈ, ਤਾਂ ਬਾਅਦ ਵਿੱਚ ਲੌਗ ਆਊਟ ਕਰਨਾ ਹਮੇਸ਼ਾ ਯਾਦ ਰੱਖੋ!

• ਆਪਣੇ ਮੋਬਾਈਲ ਡੀਵਾਈਸ ਵਿੱਚ ਮਜ਼ਬੂਤ ਪਾਸਕੋਡ ਜਾਂ ਪਾਸ-ਵਾਕਾਂਸ਼ ਸ਼ਾਮਲ ਕਰੋ ਜਾਂ ਇਸ ਤੋਂ ਵੀ ਵਧੀਆ ਹੈ, ਬਾਇਓਮੈਟ੍ਰਿਕ ਪ੍ਰਮਾਣੀਕਰਣ ਦੀ ਵਰਤੋਂ ਕਰੋ ਜੋ ਤੁਹਾਡੀ ਡੀਵਾਈਸ ਨੂੰ ਅਣਲੌਕ ਕਰਨ ਲਈ ਤੁਹਾਡੇ ਫਿੰਗਰਪ੍ਰਿੰਟ ਜਾਂ ਚਿਹਰੇ ਦੀ ਵਰਤੋਂ ਕਰਦਾ ਹੈ। ਜੇਕਰ ਤੁਹਾਡੇ ਕੋਲ ਇਹ ਵਾਧੂ ਨਿਯੰਤਰਣ ਨਹੀਂ ਹਨ ਅਤੇ ਤੁਹਾਡੀ ਡੀਵਾਈਸ ਗੁਆਚ ਗਿਆ ਹੈ, ਚੋਰੀ ਹੋ ਗਿਆ ਹੈ ਜਾਂ ਕਿੱਤੇ ਰੱਖ ਦਿੱਤਾ ਗਿਆ ਹੈ, ਤਾਂ ਕੋਈ ਵੀ ਤੁਹਾਡੇ Snapchat ਖਾਤੇ ਤੱਕ ਪਹੁੰਚ ਕਰਨ ਦੇ ਯੋਗ ਹੋ ਸਕਦਾ ਹੈ।

• ਸ਼ੱਕੀ ਸੁਨੇਹਿਆਂ ਤੋਂ ਸਾਵਧਾਨ ਰਹੋ, ਵਿਸ਼ੇਸ਼ ਤੌਰ 'ਤੇ ਉਹ ਜੋ ਤੁਹਾਨੂੰ ਸ਼ੱਕੀ ਲਿੰਕ ਉੱਤੇ ਕਲਿੱਕ ਕਰਨ ਲਈ ਪ੍ਰੇਰਿਤ ਕਰਦੇ ਹਨ - ਉਹ ਤੁਹਾਨੂੰ ਖ਼ਤਰਨਾਕ ਵੈੱਬਸਾਈਟਾਂ 'ਤੇ ਲਿਜਾ ਸਕਦੇ ਹਨ ਜਾਂ ਧੋਖੇ ਨਾਲ ਤੁਹਾਨੂੰ ਤੁਹਾਡਾ ਪਾਸਵਰਡ ਦਾਖਲ ਕਰਨ ਲਈ ਕਹਿ ਸਕਦੇ ਹਨ। ਤੁਸੀਂ ਕਲਿੱਕ ਕਰਨ ਤੋਂ ਪਹਿਲਾਂ ਸੋਚੋ!

Snapchat 'ਤੇ ਸੁਰੱਖਿਅਤ ਰਹਿਣ ਦੇ ਹੋਰ ਸੁਝਾਵਾਂ ਲਈ, ਇੱਥੇ ਜਾਓ ਅਤੇ ਸੁਰੱਖਿਆ ਸਨੈਪਸ਼ਾਟ ਦੀ ਗਾਹਕੀ ਲਓ।