ਨਕਸਾਨਦੇਹ ਝੂਠੇ ਜਾਂ ਧੋਖੇਬਾਜ਼ੀ ਦੇ ਢੰਗ-ਤਰੀਕੇ

ਨੁਕਸਾਨਦੇਹ ਗਲਤ ਜਾਂ ਧੋਖਾਧੜੀ ਵਾਲੇ ਅਭਿਆਸਾਂ ਨਾਲ ਸੰਬੰਧਿਤ ਸਾਡੀਆਂ ਭਾਈਚਾਰਕ ਸੇਧਾਂ ਨੁਕਸਾਨ ਦੀਆਂ ਵੱਖ-ਵੱਖ, ਪਰ ਸੰਬੰਧਿਤ, ਸ਼੍ਰੇਣੀਆਂ ਦੀ ਜਾਣਕਾਰੀ ਦਿੰਦੀਆਂ ਹਨ: (1) ਨੁਕਸਾਨਦੇਹ ਗਲਤ ਜਾਣਕਾਰੀ, (2) ਧੋਖਾਧੜੀ ਅਤੇ 3) ਸਪੈਮ।

1. ਨੁਕਸਾਨਦੇਹ ਗਲਤ ਜਾਣਕਾਰੀ

ਤੱਥਾਂ ਨੂੰ ਵਿਗਾੜ ਕੇ ਪੇਸ਼ ਕਰਨ ਵਾਲੀ ਸਮੱਗਰੀ ਵਰਤੋਂਕਾਰਾਂ ਅਤੇ ਸਮਾਜ ਲਈ ਨੁਕਸਾਨਦੇਹ ਨਤੀਜਿਆਂ ਵਾਲੀ ਹੋ ਸਕਦੀ ਹੈ। ਅਸੀਂ ਜਾਣਦੇ ਹਾਂ ਕਿ ਇਹ ਜਾਣਨਾ ਕਈ ਵਾਰ ਔਖਾ ਹੋ ਸਕਦਾ ਹੈ ਕਿ ਸਹੀ ਕੀ ਹੈ, ਖਾਸ ਤੌਰ 'ਤੇ ਜਦੋਂ ਤੇਜ਼ੀ ਨਾਲ ਹੋਣ ਵਾਲੀਆਂ ਮੌਜੂਦਾ ਘਟਨਾਵਾਂ ਜਾਂ ਵਿਗਿਆਨ, ਸਿਹਤ ਅਤੇ ਦੁਨੀਆ ਭਰ ਦੇ ਮੁੱਦਿਆਂ ਦੇ ਜਟਿਲ ਮਾਮਲਿਆਂ ਦੀ ਗੱਲ ਹੋਵੇ। ਇਸ ਕਾਰਨ ਕਰਕੇ ਸਾਡੀਆਂ ਨੀਤੀਆਂ ਨਾ ਸਿਰਫ਼ ਇਸ ਗੱਲ 'ਤੇ ਧਿਆਨ ਦਿੰਦੀਆਂ ਹਨ ਕਿ ਜਾਣਕਾਰੀ ਗਲਤ ਹੈ ਜਾਂ ਗੁੰਮਰਾਹਕੁੰਨ ਹੈ, ਸਗੋਂ ਇਸਦੇ ਨੁਕਸਾਨ ਦੀ ਸੰਭਾਵਨਾ 'ਤੇ ਵੀ ਧਿਆਨ ਦਿੰਦੀਆਂ ਹਨ।

ਇੱਥੇ ਜਾਣਕਾਰੀ ਦੀਆਂ ਕਈ ਅਜਿਹੀ ਸ਼੍ਰੇਣੀਆਂ ਹਨ ਜਿਸ ਵਿੱਚ ਤੱਥਾਂ ਦੀ ਗਲਤ ਪੇਸ਼ਕਾਰੀ ਵਿਲੱਖਣ ਜੋਖਮ ਪੈਦਾ ਕਰ ਸਕਦੀ ਹੈ। ਇਨ੍ਹਾਂ ਖੇਤਰਾਂ ਵਿੱਚ ਸਾਡੀਆਂ ਟੀਮਾਂ ਗੁੰਮਰਾਹਕੁੰਨ ਜਾਂ ਗਲਤ ਸਮੱਗਰੀ ਦੇ ਵਿਰੁੱਧ ਕਾਰਵਾਈ ਕਰਦੀਆਂ ਹਨ, ਭਾਵੇਂ ਕਿ ਗਲਤ ਪੇਸ਼ਕਾਰੀ ਜਾਣਬੁੱਝ ਕੇ ਕੀਤੀ ਹੋਵੇ। ਇਸ ਤਰ੍ਹਾਂ ਸਾਡੀਆਂ ਨੀਤੀਆਂ ਹਰ ਕਿਸਮ ਦੇ ਸੂਚਨਾ ਖਤਰਿਆਂ ਵਿਰੁੱਧ ਕੰਮ ਕਰਦੀਆਂ ਹਨ, ਜਿਸ ਵਿੱਚ ਗਲਤ ਸੂਚਨਾ, ਦੁਰਸੂਚਨਾ, ਗਲਤ ਜਾਣਕਾਰੀ ਅਤੇ ਮੀਡੀਆ ਨਾਲ ਹੇਰਾਫੇਰੀ ਸ਼ਾਮਲ ਹੈ।

ਜਾਣਕਾਰੀ ਸ਼੍ਰੇਣੀਆਂ ਦੀਆਂ ਉਦਾਹਰਨਾਂ ਜਿਨ੍ਹਾਂ ਨੂੰ ਅਸੀਂ ਨੁਕਸਾਨ ਲਈ ਵਿਸ਼ੇਸ਼ ਤੌਰ 'ਤੇ ਸੰਵੇਦਨਸ਼ੀਲ ਮੰਨਦੇ ਹਾਂ, ਇਨ੍ਹਾਂ ਸਮੇਤ:

• ਅਜਿਹੀ ਸਮੱਗਰੀ ਜੋ ਦੁਖਦਾਈ ਘਟਨਾਵਾਂ ਦੀ ਹੋਂਦ ਤੋਂ ਇਨਕਾਰ ਕਰਦੀ ਹੈ। ਅਸੀਂ ਅਜਿਹੀ ਸਮੱਗਰੀ ਦੀ ਮਨਾਹੀ ਕਰਦੇ ਹਾਂ ਜੋ ਵਿਵਾਦ ਵਾਲੀ ਸਮੱਗਰੀ ਜਿਵੇਂ ਕਿ ਨਸਲਕੁਸ਼ੀ ਜਾਂ ਅਮਰੀਕਾ ਵਿੱਚ ਸੈਂਡੀ ਹੁੱਕ ਸਕੂਲ ਦੀ ਗੋਲੀਬਾਰੀ ਦੀਆਂ ਘਟਨਾਵਾਂ ਤੋਂ ਇਨਕਾਰ ਕਰਦੀ ਹੈ ਅਤੇ ਅਜਿਹੇ ਹਾਦਸਿਆਂ ਬਾਰੇ ਬੇਬੁਨਿਆਦ ਸਿਧਾਂਤ ਉਨ੍ਹਾਂ ਵਰਤੋਂਕਾਰਾਂ ਦਾ ਨੁਕਸਾਨ ਕਰਨ ਤੋਂ ਇਲਾਵਾ ਹਿੰਸਾ ਅਤੇ ਨਫ਼ਰਤ ਵਿੱਚ ਯੋਗਦਾਨ ਪਾ ਸਕਦੇ ਹਨ ਜਿਨ੍ਹਾਂ ਦੀਆਂ ਜ਼ਿੰਦਗੀਆਂ ਅਤੇ ਪਰਿਵਾਰ ਅਜਿਹੀਆਂ ਘਟਨਾਵਾਂ ਨਾਲ ਪ੍ਰਭਾਵਿਤ ਹੋਏ ਹਨ।

• ਅਜਿਹੀ ਸਮੱਗਰੀ ਜੋ ਬੇਬੁਨਿਆਦ ਡਾਕਟਰੀ ਦਾਅਵਿਆਂ ਦਾ ਪ੍ਰਚਾਰ ਕਰਦੀ ਹੈ। ਅਸੀਂ ਅਜਿਹੀ ਸਮੱਗਰੀ 'ਤੇ ਪਾਬੰਦੀ ਲਗਾਉਂਦੇ ਹਾਂ, ਉਦਾਹਰਨ ਵੱਜੋਂ, ਜੋ Covid-19 ਦੇ ਫੈਲਣ ਨੂੰ ਰੋਕਣ ਲਈ ਗੈਰ-ਜਾਂਚ ਕੀਤੇ ਇਲਾਜਾਂ ਦੀ ਸਿਫ਼ਾਰਸ਼ ਕਰਦੀ ਹੈ; ਜਿਸ ਵਿੱਚ ਟੀਕਿਆਂ ਬਾਰੇ ਬੇਬੁਨਿਆਦ ਸਿਧਾਂਤ ਸ਼ਾਮਲ ਹਨ; ਜਾਂ ਜੋ "ਪਰਿਵਰਤਨ ਥੈਰੇਪੀ" ਵਰਗੇ ਅਖੌਤੀ, ਅਸਵੀਕਾਰ, ਹਾਨੀਕਾਰਕ ਅਭਿਆਸਾਂ ਨੂੰ ਹੱਲਾਸ਼ੇਰੀ ਦਿੰਦੀ ਹੈ। ਜਦ ਕਿ ਦਵਾਈ ਦਾ ਖੇਤਰ ਹਮੇਸ਼ਾ ਬਦਲਦਾ ਰਹਿੰਦਾ ਹੈ ਅਤੇ ਜਨਤਕ ਸਿਹਤ ਏਜੰਸੀਆਂ ਅਕਸਰ ਮਾਰਗਦਰਸ਼ਨ ਵਿੱਚ ਸੋਧ ਕਰ ਸਕਦੀਆਂ ਹਨ, ਅਜਿਹੀਆਂ ਭਰੋਸੇਯੋਗ ਸੰਸਥਾਵਾਂ ਮਿਆਰਾਂ ਅਤੇ ਜਵਾਬਦੇਹੀ ਦੇ ਅਧੀਨ ਹੁੰਦੀਆਂ ਹਨ ਅਤੇ ਅਸੀਂ ਜ਼ਿੰਮੇਵਾਰ ਸਿਹਤ ਅਤੇ ਡਾਕਟਰੀ ਮਾਰਗਦਰਸ਼ਨ ਵਾਸਤੇ ਪੈਮਾਨਾ ਦੇਣ ਲਈ ਉਨ੍ਹਾਂ ਵੱਲ ਧਿਆਨ ਦੇ ਸਕਦੇ ਹਾਂ।

• ਅਜਿਹੀ ਸਮੱਗਰੀ ਜੋ ਨਾਗਰਿਕ ਪ੍ਰਕਿਰਿਆਵਾਂ ਦੀ ਅਖੰਡਤਾ ਨੂੰ ਕਮਜ਼ੋਰ ਕਰਦੀ ਹੈ। ਚੋਣਾਂ ਅਤੇ ਹੋਰ ਨਾਗਰਿਕ ਪ੍ਰਕਿਰਿਆਵਾਂ ਅਧਿਕਾਰਾਂ ਦਾ ਸਤਿਕਾਰ ਕਰਨ ਵਾਲੇ ਸਮਾਜਾਂ ਦੇ ਕੰਮਕਾਜ ਵਿੱਚ ਜ਼ਰੂਰੀ ਭੂਮਿਕਾ ਨਿਭਾਉਂਦੀਆਂ ਹਨ ਅਤੇ ਜਾਣਕਾਰੀ ਵਿੱਚ ਹੇਰਾਫੇਰੀ ਲਈ ਵਿਲੱਖਣ ਟੀਚੇ ਵੀ ਪੇਸ਼ ਕਰਦੀਆਂ ਹਨ। ਅਜਿਹੀਆਂ ਘਟਨਾਵਾਂ ਦੇ ਆਲੇ-ਦੁਆਲੇ ਜਾਣਕਾਰੀ ਦੇ ਮਾਹੌਲ ਨੂੰ ਸੁਰੱਖਿਅਤ ਰੱਖਣ ਲਈ ਅਸੀਂ ਨਾਗਰਿਕ ਪ੍ਰਕਿਰਿਆਵਾਂ ਲਈ ਹੇਠ ਦਿੱਤੀਆਂ ਕਿਸਮਾਂ ਸੰਬੰਧੀ ਖਤਰਿਆਂ ਵਾਸਤੇ ਆਪਣੀਆਂ ਨੀਤੀਆਂ ਨੂੰ ਲਾਗੂ ਕਰਦੇ ਹਾਂ:

• ਪ੍ਰਕਿਰਿਆਤਮਕ ਦਖਲਅੰਦਾਜ਼ੀ: ਅਸਲ ਚੋਣ ਜਾਂ ਨਾਗਰਿਕ ਪ੍ਰਕਿਰਿਆਵਾਂ ਨਾਲ ਸੰਬੰਧਿਤ ਗਲਤ ਸੂਚਨਾ, ਜਿਵੇਂ ਕਿ ਜ਼ਰੂਰੀ ਮਿਤੀਆਂ ਅਤੇ ਸਮੇਂ ਜਾਂ ਭਾਗੀਦਾਰੀ ਲਈ ਯੋਗਤਾ ਦੀਆਂ ਲੋੜਾਂ ਨੂੰ ਗਲਤ ਢੰਗ ਨਾਲ ਪੇਸ਼ ਕਰਨਾ।

• ਭਾਗੀਦਾਰੀ ਵਿੱਚ ਦਖਲਅੰਦਾਜ਼ੀ: ਅਜਿਹੀ ਸਮੱਗਰੀ ਜਿਸ ਵਿੱਚ ਨਿੱਜੀ ਸੁਰੱਖਿਆ ਲਈ ਖਤਰੇ ਸ਼ਾਮਲ ਹਨ ਜਾਂ ਜੋ ਕਿਸੇ ਚੋਣ ਜਾਂ ਨਾਗਰਿਕ ਪ੍ਰਕਿਰਿਆ ਵਿੱਚ ਭਾਗੀਦਾਰੀ ਨੂੰ ਰੋਕਣ ਲਈ ਅਫਵਾਹਾਂ ਫੈਲਾਉਂਦੀ ਹੈ।

• ਧੋਖਾਧੜੀ ਜਾਂ ਗੈਰ-ਕਨੂੰਨੀ ਭਾਗੀਦਾਰੀ: ਅਜਿਹੀ ਸਮੱਗਰੀ ਜੋ ਲੋਕਾਂ ਨੂੰ ਨਾਗਰਿਕ ਪ੍ਰਕਿਰਿਆ ਵਿੱਚ ਹਿੱਸਾ ਲੈਣ ਜਾਂ ਗੈਰ-ਕਨੂੰਨੀ ਢੰਗ ਨਾਲ ਵੋਟ ਪਾਉਣ ਜਾਂ ਵੋਟ ਖਤਮ ਕਰਨ ਲਈ ਆਪਣੇ ਆਪ ਨੂੰ ਗਲਤ ਢੰਗ ਨਾਲ ਪੇਸ਼ ਕਰਨ ਲਈ ਉਤਸ਼ਾਹਤ ਕਰਦੀ ਹੈ।

• ਨਾਗਰਿਕ ਪ੍ਰਕਿਰਿਆਵਾਂ ਦਾ ਗੈਰ-ਕਨੂੰਨੀਕਰਨ: ਉਦਾਹਰਨ ਲਈ, ਚੋਣ ਨਤੀਜਿਆਂ ਬਾਰੇ ਝੂਠੇ ਜਾਂ ਗੁੰਮਰਾਹਕੁੰਨ ਦਾਅਵਿਆਂ ਦੇ ਆਧਾਰ 'ਤੇ ਲੋਕਤੰਤਰੀ ਸੰਸਥਾਵਾਂ ਨੂੰ ਗੈਰ-ਕਨੂੰਨੀ ਦੱਸਣ ਵਾਲੀ ਸਮੱਗਰੀ ਸ਼ਾਮਲ ਹੈ।

ਨੁਕਸਾਨਦੇਹ ਗਲਤ ਜਾਣਕਾਰੀ ਦੇ ਵਿਰੁੱਧ ਸਾਡੀਆਂ ਨੀਤੀਆਂ ਉਤਪਾਦ ਡਿਜ਼ਾਈਨ ਦੀ ਵਿਆਪਕ ਸੁਰੱਖਿਆ ਅਤੇ ਵਿਗਿਆਪਨ ਨਿਯਮਾਂ ਵੱਲੋਂ ਪੂਰਕ ਹਨ ਜੋ ਕਿਸੇ ਚੀਜ਼ ਦੇ ਚਰਚਾ ਵਿੱਚ ਆਉਣ ਨੂੰ ਸੀਮਤ ਕਰਦੀਆਂ ਹਨ, ਪਾਰਦਰਸ਼ਤਾ ਨੂੰ ਉਤਸ਼ਾਹਤ ਕਰਦੀਆਂ ਹਨ ਅਤੇ ਸਾਡੇ ਪਲੇਟਫਾਰਮ 'ਤੇ ਪ੍ਰਮਾਣਿਕਤਾ ਦੀ ਭੂਮਿਕਾ ਨੂੰ ਵਧਾਉਂਦੀਆਂ ਹਨ। ਸਾਡੇ ਪਲੇਟਫਾਰਮ ਦੀ ਬਣਤਰ ਦੇ ਇਨ੍ਹਾਂ ਉਦੇਸ਼ਾਂ ਦਾ ਸਮਰਥਨ ਕਰਨ ਦੇ ਤਰੀਕਿਆਂ ਬਾਰੇ ਵਧੇਰੇ ਜਾਣਕਾਰੀ ਲਈ, ਇਸ ਬਲੌਗ ਪੋਸਟ 'ਤੇ ਜਾਓ।

2. ਧੋਖਾਧੜੀ

ਧੋਖਾਧੜੀ Snapchatters ਨੂੰ ਵਿੱਤੀ ਨੁਕਸਾਨ, ਸਾਈਬਰ ਸੁਰੱਖਿਆ ਜੋਖਮਾਂ ਅਤੇ ਇੱਥੋਂ ਤੱਕ ਕਿ ਕਨੂੰਨੀ ਜੋਖਮ ਦਾ ਸਾਹਮਣਾ ਕਰਵਾ ਸਕਦੀ ਹੈ। ਅਸੀਂ ਇਨ੍ਹਾਂ ਜੋਖਮਾਂ ਨੂੰ ਘਟਾਉਣ ਵਿੱਚ ਮਦਦ ਕਰਨ ਲਈ ਅਜਿਹੇ ਧੋਖੇਬਾਜ਼ ਅਭਿਆਸਾਂ 'ਤੇ ਪਾਬੰਦੀ ਲਗਾਉਂਦੇ ਹਾਂ ਜੋ ਸਾਡੇ ਭਾਈਚਾਰੇ ਵਿੱਚ ਭਰੋਸੇ ਨੂੰ ਕਮਜ਼ੋਰ ਕਰਦੇ ਹਨ।

ਪਾਬੰਦੀਸ਼ੁਦਾ ਅਭਿਆਸਾਂ ਵਿੱਚ ਅਜਿਹੀ ਸਮੱਗਰੀ ਸ਼ਾਮਲ ਹੁੰਦੀ ਹੈ ਜੋ ਕਿਸੇ ਵੀ ਕਿਸਮ ਦੇ ਘੁਟਾਲਿਆਂ ਦਾ ਪ੍ਰਚਾਰ ਕਰਦੀ ਹੈ; ਜਲਦੀ ਅਮੀਰ ਬਣਨ ਦੀਆਂ ਸਕੀਮਾਂ; ਅਣਅਧਿਕਾਰਤ ਜਾਂ ਅਣਦੱਸੀ ਭੁਗਤਾਨਸ਼ੁਦਾ ਜਾਂ ਪ੍ਰਾਯੋਜਿਤ ਸਮੱਗਰੀ; ਬਹੁ-ਪੱਧਰੀ ਮਾਰਕੀਟਿੰਗ ਜਾਂ ਪਿਰਾਮਿਡ ਸਕੀਮਾਂ; ਅਤੇ ਜਾਅਲੀ ਵਸਤੂਆਂ ਜਾਂ ਦਸਤਾਵੇਜ਼ਾਂ ਸਮੇਤ ਧੋਖਾਧੜੀ ਵਾਲੀਆਂ ਵਸਤੂਆਂ ਜਾਂ ਸੇਵਾਵਾਂ ਦਾ ਪ੍ਰਚਾਰ। ਅਸੀਂ ਕਿਸੇ ਵੀ ਤਰੀਕੇ ਕਾਲੇ ਧਨ ਨੂੰ ਜਾਇਜ਼ ਬਣਾਉਣ (ਹਵਾਲਾ ਕਾਰੋਬਾਰ ਜਾਂ ਪੈਸਿਆਂ ਦੇ ਗੈਰ-ਕਨੂੰਨੀ ਲੈਣ-ਦੇਣ ਸਮੇਤ) ਦੀ ਮਨਾਹੀ ਵੀ ਕਰਦੇ ਹਾਂ। ਇਸ ਵਿੱਚ ਗੈਰ-ਕਾਨੂੰਨੀ ਤੌਰ 'ਤੇ ਪੈਸੇ ਲੈਣਾ ਜਾਂ ਭੇਜਣਾ ਜਾਂ ਕਿਸੇ ਹੋਰ ਵਿਅਕਤੀ ਦੀ ਤਰਫੋਂ ਕਿਸੇ ਅਣਜਾਣ ਸਰੋਤ ਤੋਂ ਪੈਸੇ ਲੈਣਾ ਅਤੇ ਦੇਣਾ, ਅਣਅਧਿਕਾਰਤ ਅਤੇ ਗੈਰ-ਕਾਨੂੰਨੀ ਤੌਰ 'ਤੇ ਪੈਸੇ ਭੇਜਣਾ ਜਾਂ ਮੁਦਰਾ ਵਟਾਂਦਰਾ ਸੇਵਾਵਾਂ ਅਤੇ ਇਹਨਾਂ ਸਰਗਰਮੀਆਂ ਦੀ ਮੰਗ ਅਤੇ ਪ੍ਰਚਾਰ ਕਰਨਾ ਸ਼ਾਮਲ ਹੈ।

ਅੰਤ ਵਿੱਚ ਸਾਡੀਆਂ ਨੀਤੀਆਂ ਕਿਸੇ ਅਜਿਹੇ ਵਿਅਕਤੀ (ਜਾਂ ਕੋਈ ਚੀਜ਼) ਹੋਣ ਦਾ ਦਿਖਾਵਾ ਕਰਨ ਉੱਤੇ ਪਾਬੰਦੀ ਲਗਾਉਂਦੀਆਂ ਹਨ ਜੋ ਤੁਸੀਂ ਨਹੀਂ ਹੋ ਜਾਂ ਲੋਕਾਂ ਨੂੰ ਧੋਖਾ ਦੇਣ ਦੀ ਕੋਸ਼ਿਸ਼ ਕਰਦੇ ਹੋ ਕਿ ਤੁਸੀਂ ਕੌਣ ਹੋ। ਇਸ ਵਿੱਚ ਤੁਹਾਡੇ ਦੋਸਤਾਂ, ਸਾਥੀਆਂ, ਮਸ਼ਹੂਰ ਹਸਤੀਆਂ, ਬ੍ਰਾਂਡਾਂ ਜਾਂ ਹੋਰ ਸੰਗਠਨਾਂ ਦੀ ਨਕਲ ਕਰਨਾ ਸ਼ਾਮਲ ਹੈ। ਇਨ੍ਹਾਂ ਨਿਯਮਾਂ ਦਾ ਮਤਲਬ ਇਹ ਵੀ ਹੈ ਕਿ Snapchat ਜਾਂ Snap Inc. ਦੀ ਬ੍ਰਾਂਡਿੰਗ ਦੀ ਨਕਲ ਕਰਨਾ ਉਲੰਘਣਾ ਹੈ।

3. ਸਪੈਮ

ਸਪੈਮ Snapchatters ਨੂੰ ਉਲਝਣ ਵਿੱਚ ਪਾ ਅਤੇ ਪਰੇਸ਼ਾਨ ਕਰ ਸਕਦਾ ਹੈ। ਅਸੀਂ ਅਜਿਹੇ ਅਭਿਆਸਾਂ ਦੀ ਮਨਾਹੀ ਕਰਦੇ ਹਾਂ, ਜਿਸ ਵਿੱਚ ਨਕਲੀ ਤੌਰ 'ਤੇ ਸ਼ਮੂਲੀਅਤ ਸ਼ਾਮਲ ਹੈ, ਜਿਵੇਂ ਕਿ ਫ਼ਾਲੋ ਕਰਨ ਲਈ ਭੁਗਤਾਨ ਸਕੀਮਾਂ ਜਾਂ ਫ਼ਾਲੋਅਰ ਵਾਧੇ ਦੀਆਂ ਹੋਰ ਸਕੀਮਾਂ; ਸਪੈਮ ਐਪਲੀਕੇਸ਼ਨਾਂ ਦਾ ਪ੍ਰਚਾਰ ਕਰਨਾ; ਜਾਂ ਵੱਡੇ ਪੱਧਰ 'ਤੇ ਪੋਸਟ ਕਰਨਾ, ਦੁਹਰਾਉਣਾ ਜਾਂ ਅਕਸਰ ਪੋਸਟ ਜਾਂ ਸਾਂਝਾ ਕਰਨਾ ਸ਼ਾਮਲ ਹੈ।

ਜ਼ਿੰਮੇਵਾਰੀ ਵਾਲੀ ਜਾਣਕਾਰੀ ਵਾਲੇ ਮਾਹੌਲ ਨੂੰ ਉਤਸ਼ਾਹਤ ਕਰਨਾ ਸਾਡੀ ਕੰਪਨੀ ਵਿੱਚ ਪ੍ਰਮੁੱਖ ਤਰਜੀਹ ਹੈ ਅਤੇ ਅਸੀਂ Snapchatters ਨੂੰ ਨੁਕਸਾਨਦੇਹ ਝੂਠੀ ਜਾਂ ਗੁੰਮਰਾਹਕੁੰਨ ਸਮੱਗਰੀ ਦੇ ਜੋਖਮਾਂ ਤੋਂ ਬਚਾਉਣ ਲਈ ਨਵੀਨਤਾਕਾਰੀ ਦ੍ਰਿਸ਼ਟੀਕੋਣਾਂ ਦੀ ਪੜਚੋਲ ਕਰਨਾ ਜਾਰੀ ਰੱਖਾਂਗੇ।

ਜਿਵੇਂ ਕਿ ਅਸੀਂ ਇਨ੍ਹਾਂ ਯਤਨਾਂ ਨੂੰ ਜਾਰੀ ਰੱਖਦੇ ਹਾਂ, ਅਸੀਂ ਸਾਡੇ ਨਜ਼ਰੀਏ ਦੀ ਪ੍ਰਭਾਵਸ਼ੀਲਤਾ ਬਾਰੇ ਪਾਰਦਰਸ਼ੀ ਅੰਦਰੂਨੀ-ਝਾਤਾਂ ਦੇਣ ਲਈ ਵਚਨਬੱਧ ਹਾਂ। ਸਾਡੀ ਪਾਰਦਰਸ਼ਤਾ ਰਿਪੋਰਟ ਰਾਹੀਂ ਅਸੀਂ ਵਿਸ਼ਵ ਪੱਧਰ 'ਤੇ ਗਲਤ ਜਾਣਕਾਰੀ ਦੇ ਵਿਰੁੱਧ ਸਾਡੀਆਂ ਕਾਰਵਾਈਆਂ ਬਾਰੇ ਦੇਸ਼-ਪੱਧਰ ਦੀ ਜਾਣਕਾਰੀ ਦਿੰਦੇ ਹਾਂ -- ਅਤੇ ਅਸੀਂ ਸਾਡੀਆਂ ਭਵਿੱਖੀ ਰਿਪੋਰਟਾਂ ਵਿੱਚ ਇਨ੍ਹਾਂ ਉਲੰਘਣਾਵਾਂ ਬਾਰੇ ਵਧੇਰੇ ਵਿਸਤਾਰ ਨਾਲ ਜਾਣਕਾਰੀ ਦੇਣ ਦੀ ਯੋਜਨਾ ਬਣਾ ਰਹੇ ਹਾਂ।

ਅਸੀਂ ਹਮੇਸ਼ਾ ਨੁਕਸਾਨਦੇਹ ਸਮੱਗਰੀ ਜਾਂ ਵਤੀਰੇ ਨੂੰ ਹੱਲ ਕਰਨ ਦੀ ਸਾਡੀ ਯੋਗਤਾ ਵਿੱਚ ਸੁਧਾਰ ਲਈ ਸਾਡੀਆਂ ਨੀਤੀਆਂ ਦੀ ਕਾਰਵਾਈ ਵਧਾਉਣ ਲਈ ਵਚਨਬੱਧ ਹਾਂ ਅਤੇ ਅਸੀਂ ਸੁਰੱਖਿਆ ਭਾਈਚਾਰੇ ਦੇ ਵੱਖ-ਵੱਖ ਆਗੂਆਂ ਨਾਲ਼ ਕੰਮ ਕਰਨ ਲਈ ਵਚਨਬੱਧ ਹਾਂ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਅਸੀਂ ਇਹਨਾਂ ਉਦੇਸ਼ਾਂ ਨੂੰ ਜ਼ਿੰਮੇਵਾਰੀ ਨਾਲ ਅੱਗੇ ਵਧਾ ਰਹੇ ਹਾਂ।