Snapchatters ਦੀ ਸੁਰੱਖਿਆ ਪ੍ਰਮੁੱਖ ਤਰਜੀਹ ਹੈ। ਅਸੀਂ ਅਜਿਹੇ ਵਤੀਰੇ ਨੂੰ ਬੜੀ ਗੰਭੀਰਤਾ ਨਾਲ ਲੈਂਦੇ ਹਾਂ ਜੋ ਸਾਡੇ ਭਾਈਚਾਰੇ ਦੀ ਸੁਰੱਖਿਆ ਲਈ ਖਤਰਾ ਹੈ, ਖਾਸ ਕਰਕੇ ਜਦੋਂ ਨੁਕਸਾਨ ਦਾ ਖਤਰਾ ਗੰਭੀਰ ਹੈ। ਅਸੀਂ ਅਜਿਹੇ ਨੁਕਸਾਨਾਂ ਨੂੰ ਗੰਭੀਰ ਮੰਨਦੇ ਹਾਂ ਜਿਸ ਵਿੱਚ ਇਹ ਦੋਵੇਂ ਹੋਣ (1) Snapchatters ਦੀ ਸਰੀਰਕ ਜਾਂ ਭਾਵਨਾਤਮਕ ਤੰਦਰੁਸਤੀ ਦੇ ਕਾਫ਼ੀ ਨੁਕਸਾਨ ਦਾ ਜੋਖਮ ਅਤੇ (2) ਗੰਭੀਰ ਨੁਕਸਾਨ ਦਾ ਸੰਭਾਵੀ, ਮੰਨਣਯੋਗ ਜੋਖਮ ਜਿਸ ਵਿੱਚ ਮਨੁੱਖੀ ਜੀਵਨ, ਸੁਰੱਖਿਆ ਅਤੇ ਤੰਦਰੁਸਤੀ ਲਈ ਖਤਰੇ ਸ਼ਾਮਲ ਹਨ। ਅਸੀਂ ਆਪਣੇ ਆਪ ਨੂੰ ਅਤੇ ਆਪਣੇ ਭਾਈਚਾਰੇ ਨੂੰ ਬਿਹਤਰ ਢੰਗ ਨਾਲ ਸਿੱਖਿਅਤ ਕਰਨ ਅਤੇ ਢੁੱਕਵੀਂ ਕਾਰਵਾਈ ਕਰਨ ਲਈ ਇਨ੍ਹਾਂ ਵਿਸ਼ਿਆਂ 'ਤੇ ਮਾਹਰਾਂ, ਸੁਰੱਖਿਆ ਸਮੂਹਾਂ ਅਤੇ ਕਾਨੂੰਨੀ ਅਮਲੀਕਰਨ ਨਾਲ ਸਹਿਯੋਗ ਕਰਦੇ ਹਾਂ ਜਿੱਥੇ ਇਹ ਖਤਰੇ ਸਾਡੇ ਪਲੇਟਫਾਰਮ 'ਤੇ ਪੈਦਾ ਹੋ ਸਕਦੇ ਹਨ।

ਸਮੱਗਰੀ ਅਤੇ ਵਤੀਰੇ ਦੀਆਂ ਕੁਝ ਸ਼੍ਰੇਣੀਆਂ—ਜਿਵੇਂ ਕਿ ਬੱਚਿਆਂ ਦਾ ਜਿਨਸੀ ਸ਼ੋਸ਼ਣ, ਅੱਤਵਾਦ-ਸੰਬੰਧੀ ਸਰਗਰਮੀ, ਖਤਰਨਾਕ ਅਤੇ ਗੈਰ-ਕਾਨੂੰਨੀ ਨਸ਼ਿਆਂ ਜਾਂ ਹਥਿਆਰਾਂ ਦਾ ਪ੍ਰਚਾਰ ਕਰਨਾ, ਮਨੁੱਖੀ ਤਸਕਰੀ ਅਤੇ ਹੋਰ ਗੰਭੀਰ ਅਪਰਾਧਿਕ ਵਤੀਰਾ—ਸ਼ਾਮਲ ਜੋਖਮਾਂ ਦੀ ਗੰਭੀਰਤਾ ਅਤੇ ਤੁਰੰਤ ਹੋਣ ਦੇ ਕਾਰਨ ਅਕਸਰ ਇਸ ਹੱਦ ਨੂੰ ਪੂਰਾ ਕਰਦੀਆਂ ਹਨ। ਅਸੀਂ ਇਨ੍ਹਾਂ ਕਿਸਮ ਦੇ ਨੁਕਸਾਨਾਂ ਨੂੰ ਵਧੇਰੇ ਪੱਧਰ ਦੀ ਪੜਤਾਲ ਦੇ ਯੋਗ ਮੰਨਦੇ ਹਾਂ ਅਤੇ ਨਾਲ ਹੀ ਉਲੰਘਣਾ ਕਰਨ ਵਾਲੇ ਖਾਤਿਆਂ ਦੇ ਜਲਦ, ਸਖਤ ਅਤੇ ਸਥਾਈ ਸਿੱਟੇ ਮੰਨਦੇ ਹਾਂ। 

ਜਦੋਂ ਅਸੀਂ ਹੇਠ ਲਿਖੀਆਂ ਸਰਗਰਮੀਆਂ ਵਿੱਚ ਸ਼ਾਮਲ Snapchatters ਦੀ ਪਛਾਣ ਕਰਦੇ ਹਾਂ ਤਾਂ ਅਸੀਂ ਤੁਰੰਤ ਸੰਬੰਧਿਤ ਸਮੱਗਰੀ ਨੂੰ ਹਟਾਉਂਦੇ ਹਾਂ, ਉਨ੍ਹਾਂ ਦੇ ਖਾਤਿਆਂ ਨੂੰ ਅਯੋਗ ਕਰਦੇ ਹਾਂ ਅਤੇ ਕੁਝ ਮਾਮਲਿਆਂ ਵਿੱਚ ਵਤੀਰੇ ਨੂੰ ਕਾਨੂੰਨੀ ਅਮਲੀਕਰਨ ਦੇ ਹਵਾਲੇ ਕਰਦੇ ਹਾਂ:

• ਅਜਿਹੀ ਸਰਗਰਮੀ ਜਿਸ ਵਿੱਚ ਜਿਨਸੀ ਸ਼ੋਸ਼ਣ ਜਾਂ ਮਾੜਾ ਸਲੂਕ ਸ਼ਾਮਲ ਹੈ, ਜਿਸ ਵਿੱਚ ਜਿਨਸੀ ਸੰਤੁਸ਼ਟੀ ਦੇ ਉਦੇਸ਼ ਲਈ ਬੱਚਿਆਂ ਦੇ ਜਿਨਸੀ ਸ਼ੋਸ਼ਣ ਨੂੰ ਦਰਸਾਉਣ ਵਾਲੀਆਂ ਤਸਵੀਰਾਂ ਸਾਂਝੀਆਂ ਕਰਨਾ, ਜਿਨਸੀ ਉਦੇਸ਼ਾਂ ਲਈ ਬਹਿਕਾਉਣਾ, ਬੱਚਿਆਂ ਜਾਂ ਬਾਲਗਾਂ ਦੀ ਜਿਨਸੀ ਤਸਕਰੀ ਜਾਂ ਜਿਨਸੀ ਵਸੂਲੀ (ਸੈਕਸਟੋਰਸਨ)

• ਖਤਰਨਾਕ ਅਤੇ ਗੈਰ-ਕਾਨੂੰਨੀ ਨਸ਼ਿਆਂ ਨੂੰ ਵੇਚਣ, ਲੈਣ-ਦੇਣ ਜਾਂ ਵਿਕਰੀ ਦੀ ਸਹੂਲਤ ਦੀ ਕੋਸ਼ਿਸ਼

• ਮਨੁੱਖੀ ਜੀਵਨ, ਸੁਰੱਖਿਆ ਜਾਂ ਤੰਦਰੁਸਤੀ ਲਈ ਮੰਨਣਯੋਗ, ਸੰਭਾਵੀ ਖਤਰੇ ਜਿਸ ਵਿੱਚ ਹਿੰਸਕ ਕੱਟੜਪੰਥੀ ਜਾਂ ਅੱਤਵਾਦ-ਸੰਬੰਧੀ ਸਰਗਰਮੀਆਂ, ਮਨੁੱਖੀ ਤਸਕਰੀ, ਹਿੰਸਾ ਦੇ ਖਾਸ ਖਤਰੇ (ਜਿਵੇਂ ਕਿ ਬੰਬ ਦਾ ਖਤਰਾ) ਜਾਂ ਹੋਰ ਗੰਭੀਰ ਅਪਰਾਧਿਕ ਸਰਗਰਮੀਆਂ ਸ਼ਾਮਲ ਹੋ ਸਕਦੀਆਂ ਹਨ   

ਇਨ੍ਹਾਂ ਉਲੰਘਣਾਵਾਂ ਲਈ ਵਧੇਰੇ ਸਖਤ ਨਤੀਜੇ ਲਾਗੂ ਕਰਨ ਤੋਂ ਇਲਾਵਾ ਅਸੀਂ ਲਾਗੂ ਪਰਦੇਦਾਰੀ ਪਾਬੰਦੀਆਂ ਦਾ ਆਦਰ ਕਰਦੇ ਹੋਏ ਬੇਹੱਦ ਅਤੇ ਗੰਭੀਰ ਉਲੰਘਣਾ ਕਰਨ ਵਾਲੀ ਸਮੱਗਰੀ ਦੀ ਪਛਾਣ ਕਰਨ ਅਤੇ ਹਟਾਉਣ ਲਈ ਸਰਗਰਮ ਪਛਾਣ ਉਪਾਵਾਂ ਦੀ ਵਰਤੋਂ ਕਰ ਸਕਦੇ ਹਾਂ। ਸਾਡੀਆਂ ਅੰਦਰੂਨੀ ਟੀਮਾਂ ਮਾਹਰਾਂ ਨਾਲ ਇਹ ਬਿਹਤਰ ਸਮਝਣ ਲਈ ਲਗਾਤਾਰ ਕੰਮ ਕਰਦੀਆਂ ਹਨ ਕਿ ਅਸੀਂ ਖਤਰਿਆਂ ਨੂੰ ਕਿਵੇਂ ਪਛਾਣ ਅਤੇ ਸੀਮਿਤ ਕਰ ਸਕਦੇ ਹਾਂ, ਨੁਕਸਾਨ ਨੂੰ ਰੋਕ ਸਕਦੇ ਹਾਂ ਅਤੇ ਸੰਭਾਵਿਤ ਨੁਕਸਾਨਦੇਹ ਰੁਝਾਨਾਂ ਬਾਰੇ ਸੁਚੇਤ ਰਹਿ ਸਕਦੇ ਹਾਂ। ਇਸ ਵਿਸ਼ੇ 'ਤੇ ਸਾਡਾ ਕੰਮ ਕਦੇ ਖਤਮ ਨਹੀਂ ਹੁੰਦਾ ਅਤੇ ਇਹ ਸਾਡੇ ਭਾਈਚਾਰੇ ਦੀਆਂ ਲੋੜਾਂ ਦੇ ਨਾਲ ਵਿਕਸਤ ਹੁੰਦਾ ਰਹੇਗਾ। ਅਸੀਂ ਤੁਹਾਨੂੰ ਸੁਰੱਖਿਆ ਚਿੰਤਾ ਦੀ ਰਿਪੋਰਟ ਕਰਨ ਲਈ ਸਾਡੇ ਸੁਰੱਖਿਆ ਕੇਂਦਰ 'ਤੇ ਜਾਣ ਜਾਂ ਨੁਕਸਾਨਦੇਹ ਸਮੱਗਰੀ ਦਾ ਮਸਲਾ ਹੱਲ ਕਰਨ ਅਤੇ ਤੰਦਰੁਸਤੀ ਨੂੰ ਹੱਲਾਸ਼ੇਰੀ ਦੇਣ ਲਈ ਸਾਡੇ ਯਤਨਾਂ ਬਾਰੇ ਹੋਰ ਜਾਣਨ ਲਈ ਸੱਦਾ ਦਿੰਦੇ ਹਾਂ।