In order to be eligible for algorithmic recommendation beyond the creator’s friends or subscribers (for example, on Stories, Spotlight, or the Map), Content must meet the additional, stricter standards described in the Content Guidelines on this page.
ਨੀਤੀ ਕੇਂਦਰ
ਸਿਫ਼ਾਰਸ਼ ਯੋਗਤਾ ਲਈ ਸਮੱਗਰੀ ਸੇਧਾਂ
ਇਹ ਸਮੱਗਰੀ ਸੇਧਾਂ ਕਿੱਥੇ ਲਾਗੂ ਹੁੰਦੀਆਂ ਹਨ?
Snapchat ਮੁੱਖ ਤੌਰ 'ਤੇ ਦ੍ਰਿਸ਼ਟੀਗਤ ਸੁਨੇਹਾ ਐਪ ਹੈ ਜੋ ਲੋਕਾਂ ਨੂੰ ਉਨ੍ਹਾਂ ਦੇ ਪਰਿਵਾਰ ਅਤੇ ਦੋਸਤਾਂ ਨਾਲ ਸੰਚਾਰ ਕਰਨ ਵਿੱਚ ਮਦਦ ਕਰਨ ਲਈ ਬਣਾਈ ਗਈ ਹੈ। ਪਰ ਐਪ ਦੇ ਕੁਝ ਹਿੱਸੇ ਹਨ ਜਿੱਥੇ ਜਨਤਕ ਸਮੱਗਰੀ ਐਲਗੋਰਿਦਮਕ ਸਿਫਾਰਸ਼ਾਂ ਰਾਹੀਂ ਦਰਸ਼ਕਾਂ ਦੀ ਵੱਡੀ ਗਿਣਤੀ ਤੱਕ ਪਹੁੰਚ ਸਕਦੀ ਹੈ; ਅਜਿਹੀ ਸਮੱਗਰੀ ਨੂੰ ਸਿਫਾਰਸ਼ੀ ਸਮੱਗਰੀ ਵਜੋਂ ਪਰਿਭਾਸ਼ਿਤ ਕੀਤਾ ਗਿਆ ਹੈ। ਉਦਾਹਰਨ ਲਈ:
ਕਹਾਣੀਆਂ ਟੈਬ 'ਤੇ Snapchatters ਪੇਸ਼ੇਵਰ ਮੀਡੀਆ ਭਾਈਵਾਲਾਂ ਅਤੇ ਪ੍ਰਸਿੱਧ ਰਚਨਾਕਾਰਾਂ ਤੋਂ ਸਿਫਾਰਸ਼ੀ ਸਮੱਗਰੀ ਦੇਖ ਸਕਦੇ ਹਨ।
ਸਪੌਟਲਾਈਟ 'ਤੇ Snapchatters ਸਾਡੇ ਭਾਈਚਾਰੇ ਵੱਲ਼ੋਂ ਰਚੀ ਅਤੇ ਸਪੁਰਦ ਕੀਤੀ ਸਮੱਗਰੀ ਨੂੰ ਦੇਖ ਸਕਦੇ ਹਨ।
ਨਕਸ਼ੇ 'ਤੇ Snapchatters ਦੁਨੀਆ ਭਰ ਦੀਆਂ ਘਟਨਾਵਾਂ, ਨਵੀਆਂ ਖ਼ਬਰਾਂ ਅਤੇ ਹੋਰ ਬਹੁਤ ਕੁਝ ਦੀਆਂ Snaps ਦੇਖ ਸਕਦੇ ਹਨ।
ਇਹ ਸਮੱਗਰੀ ਸੇਧਾਂ ਕਿਵੇਂ ਲਾਗੂ ਕੀਤੀਆਂ ਜਾਂਦੀਆਂ ਹਨ?
ਅਸੀਂ ਤਕਨਾਲੋਜੀ ਅਤੇ ਮਨੁੱਖੀ ਸਮੀਖਿਆ ਦੇ ਸੁਮੇਲ ਦੀ ਵਰਤੋਂ ਕਰਕੇ ਸੰਜਮ ਨਾਲ ਇਹਨਾਂ ਸਮੱਗਰੀ ਸੇਧਾਂ ਨੂੰ ਲਾਗੂ ਕਰਦੇ ਹਾਂ। ਅਸੀਂ Snapchatters ਨੂੰ ਇਤਰਾਜਯੋਗ ਸਮੱਗਰੀ ਦੀ ਰਿਪੋਰਟ ਕਰਨ ਲਈ ਐਪ-ਅੰਦਰ ਔਜ਼ਾਰ ਵੀ ਦਿੰਦੇ ਹਾਂ। ਅਸੀਂ ਤੇਜ਼ੀ ਨਾਲ ਵਰਤੋਂਕਾਰ ਰਿਪੋਰਟਾਂ ਦਾ ਜਵਾਬ ਦਿੰਦੇ ਹਾਂ ਅਤੇ ਅਸੀਂ Snapchatters ਦੇ ਸਮੱਗਰੀ ਤਜ਼ਰਬੇ ਨੂੰ ਬਿਹਤਰ ਕਰਨ ਲਈ ਫੀਡਬੈਕ ਵਰਤਦੇ ਹਾਂ।
ਇਹਨਾਂ ਸਮੱਗਰੀ ਸੇਧਾਂ ਵਿੱਚ ਸਿਫ਼ਾਰਸ਼ ਯੋਗਤਾ ਲਈ ਸੇਧਾਂ ਕਿਸੇ ਵੀ ਸਰੋਤ ਤੋਂ ਸਮੱਗਰੀ 'ਤੇ ਬਰਾਬਰ ਲਾਗੂ ਹੁੰਦੀਆਂ ਹਨ, ਭਾਵੇਂ ਇਹ ਕੋਈ ਭਾਈਵਾਲ, ਵਿਅਕਤੀਗਤ ਰਚਨਾਕਾਰ ਜਾਂ ਕਿਸੇ ਵੀ ਕਿਸਮ ਦੀ ਸੰਸਥਾ ਹੋਵੇ।
Snap ਦੇ ਰਾਖਵੇਂ ਅਧਿਕਾਰ
ਅਸੀਂ ਇਹਨਾਂ ਸਮੱਗਰੀ ਸੇਧਾਂ ਨੂੰ ਆਪਣੀ ਮਰਜ਼ੀ ਨਾਲ ਲਾਗੂ ਕਰਨ ਅਤੇ ਇਹਨਾਂ ਨੂੰ ਪੂਰਾ ਕਰਨ ਲਈ ਕੋਈ ਵੀ ਕਾਰਵਾਈ ਕਰਨ ਦਾ ਅਧਿਕਾਰ ਰਾਖਵਾਂ ਰੱਖਦੇ ਹਾਂ, ਜਿਸ ਵਿੱਚ ਤੁਹਾਡੀ ਸਮੱਗਰੀ ਨੂੰ ਹਟਾਉਣਾ, ਵੰਡ ਨੂੰ ਸੀਮਿਤ ਕਰਨਾ, ਮੁਅੱਤਲ ਕਰਨਾ, ਪ੍ਰਚਾਰ-ਵਧਾਵਾ ਸੀਮਿਤ ਕਰਨਾ ਜਾਂ ਉਮਰ-ਦਰਜਾਬੰਦੀ ਸ਼ਾਮਲ ਹੋ ਸਕਦੀ ਹੈ।
ਰਚਨਾਕਾਰਾਂ ਜਾਂ ਭਾਈਵਾਲਾਂ ਵੱਲੋਂ ਸਾਡੀਆਂ ਭਾਈਚਾਰਕ ਸੇਧਾਂ ਜਾਂ ਸੇਵਾ ਦੀਆਂ ਮਦਾਂ ਦੀ ਉਲੰਘਣਾ ਕਰਨ ਨੂੰ ਇਹਨਾਂ ਸਮੱਗਰੀ ਸੇਧਾਂ ਦੀ ਉਲੰਘਣਾ ਮੰਨਿਆ ਜਾਵੇਗਾ।
ਇਸ ਤੋਂ ਇਲਾਵਾ, ਸਾਰੀ ਸਮੱਗਰੀ ਨੂੰ ਲਾਗੂ ਕਾਨੂੰਨ ਦੀ ਪਾਲਣਾ ਕਰਨੀ ਚਾਹੀਦੀ ਹੈ ਜਿੱਥੇ ਵੀ ਇਹ ਵੰਡੀ ਜਾਂਦੀ ਹੈ ਅਤੇ ਤੁਹਾਡੇ ਨਾਲ਼ ਸਾਡੇ ਸਮੱਗਰੀ ਸਮਝੌਤੇ ਦੀਆਂ ਮਦਾਂ ਦੀ ਵੀ। ਜਿੱਥੇ ਸਾਨੂੰ ਲੱਗਦਾ ਹੈ ਕਿ ਉਪਰੋਕਤ ਦੀ ਉਲੰਘਣਾ ਕੀਤੀ ਗਈ ਹੈ, ਅਸੀਂ ਅਪਮਾਨਜਨਕ ਸਮੱਗਰੀ ਨੂੰ ਹਟਾਉਣ ਦੇ ਸਾਰੇ ਅਧਿਕਾਰ ਰਾਖਵੇਂ ਰੱਖਦੇ ਹਾਂ।
ਵਿਅਕਤੀਗਤਕਰਨ ਅਤੇ ਸੰਵੇਦਨਸ਼ੀਲ ਸਮੱਗਰੀ
Snapchatters ਉਮਰਾਂ, ਸੱਭਿਆਚਾਰਾਂ ਅਤੇ ਵਿਸ਼ਵਾਸਾਂ ਦੀ ਵਿਭਿੰਨ ਸ਼੍ਰੇਣੀ ਦੀ ਨੁਮਾਇੰਦਗੀ ਕਰਦੇ ਹਨ ਅਤੇ ਅਸੀਂ ਸਾਰੇ ਵਰਤੋਂਕਾਰਾਂ ਨੂੰ ਸੁਰੱਖਿਅਤ, ਸਿਹਤਮੰਦ, ਕਦਰਯੋਗ ਤਜ਼ਰਬਾ ਦੇਣਾ ਚਾਹੁੰਦੇ ਹਾਂ, ਜਿਸ ਵਿੱਚ 13 ਸਾਲ ਤੱਕ ਦੇ ਨੌਜਵਾਨ ਵੀ ਸ਼ਾਮਲ ਹਨ। ਇਹ ਮੰਨਦੇ ਹੋਏ ਕਿ ਕਈ Snapchatters ਸਰਗਰਮੀ ਨਾਲ ਅਜਿਹਾ ਕਰਨ ਦੀ ਚੋਣ ਕੀਤੇ ਬਿਨਾਂ ਸਮੱਗਰੀ ਦੇਖ ਸਕਦੇ ਹਨ, ਅਸੀਂ Snapchatters ਨੂੰ ਉਨ੍ਹਾਂ ਤਜ਼ਰਬਿਆਂ ਤੋਂ ਬਚਾਉਣ ਲਈ ਇਨ੍ਹਾਂ ਸੇਧਾਂ ਨੂੰ ਡਿਜ਼ਾਈਨ ਕੀਤਾ ਹੈ ਜੋ ਅਢੁਕਵੇਂ ਜਾਂ ਅਣਚਾਹੇ ਹੋ ਸਕਦੇ ਹਨ।
ਸਿਫ਼ਾਰਸ਼ੀ ਸਮੱਗਰੀ ਦੇ ਦਾਇਰੇ ਅੰਦਰ ਅਸੀਂ ਸਿਫ਼ਾਰਸ਼ਾਂ ਨੂੰ ਵਿਅਕਤੀਗਤ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ, ਖਾਸ ਤੌਰ 'ਤੇ ਜਿਸਨੂੰ ਅਸੀਂ "ਸੰਵੇਦਨਸ਼ੀਲ" ਸਮੱਗਰੀ ਕਹਿੰਦੇ ਹਾਂ। ਉਦਾਹਰਨ ਲਈ, ਸੰਵੇਦਨਸ਼ੀਲ ਸਮੱਗਰੀ ਇਹ ਹੋ ਸਕਦੀ ਹੈ:
ਫ਼ਿਣਸੀਆਂ ਦੇ ਇਲਾਜਾਂ ਨੂੰ ਦਰਸਾਉਣਾ ਜੋ ਕੁਝ Snapchatters ਨੂੰ ਗੰਭੀਰ ਲੱਗ ਸਕਦਾ ਹੈ, ਜਦੋਂ ਕਿ ਹੋਰਨਾਂ ਨੂੰ ਇਹ ਲਾਹੇਵੰਦ ਜਾਂ ਦਿਲਚਸਪ ਲੱਗ ਸਕਦਾ ਹੈ; ਜਾਂ
ਤੈਰਾਕੀ ਵਾਲੇ ਕੱਪੜਿਆਂ ਵਿੱਚ ਲੋਕਾਂ ਨੂੰ ਇਸ ਤਰੀਕੇ ਨਾਲ ਪੇਸ਼ ਕਰਨਾ ਜੋ ਸੰਦਰਭ ਜਾਂ ਦਰਸ਼ਕ ਦੇ ਆਧਾਰ 'ਤੇ ਜਿਨਸੀ ਸੁਝਾਅ ਦੇਣ ਵਾਲਾ ਲੱਗ ਸਕਦਾ ਹੈ।
ਹਾਲਾਂਕਿ ਕੁਝ ਸੰਵੇਦਨਸ਼ੀਲ ਸਮੱਗਰੀ ਸਿਫ਼ਾਰਸ਼ ਲਈ ਯੋਗ ਹੁੰਦੀ ਹੈ, ਅਸੀਂ ਕੁਝ Snapchatters ਨੂੰ ਉਹਨਾਂ ਦੀ ਉਮਰ, ਟਿਕਾਣੇ, ਤਰਜੀਹਾਂ ਜਾਂ ਹੋਰ ਮਾਪਦੰਡਾਂ ਦੇ ਆਧਾਰ 'ਤੇ ਇਸਦੀ ਸਿਫ਼ਾਰਸ਼ ਕਰਨ ਤੋਂ ਨਾਂਹ ਕਰ ਸਕਦੇ ਹਾਂ। ਕਿਰਪਾ ਕਰਕੇ ਨੋਟ ਕਰੋ ਕਿ ਇਨ੍ਹਾਂ ਸਮੱਗਰੀ ਸੇਧਾਂ ਵਿਚਲੇ "ਸੰਵੇਦਨਸ਼ੀਲ" ਮਾਪਦੰਡ ਨੂੰ ਉਦਾਹਰਨਾਂ ਦੀ ਗੈਰ-ਸੰਪੂਰਨ ਸੂਚੀ ਵਜੋਂ ਪੇਸ਼ ਕਰਨਾ ਚਾਹੀਦਾ ਹੈ। ਅਸੀਂ ਸੰਚਾਲਨ ਇਤਿਹਾਸ, ਵਰਤੋਂਕਾਰ ਫੀਡਬੈਕ, ਰੁਝੇਵੇਂ ਦੇ ਸੰਕੇਤਾਂ ਜਾਂ ਸਾਡੇ ਆਪਣੇ ਸੰਪਾਦਕੀ ਵਿਵੇਕ ਦੇ ਆਧਾਰ 'ਤੇ ਕਿਸੇ ਵੀ ਸਮੱਗਰੀ ਦੀ ਸਿਫ਼ਾਰਸ਼ ਕਰਨ ਨੂੰ ਪਾਬੰਦ ਜਾਂ ਅਸਵੀਕਾਰ ਕਰ ਸਕਦੇ ਹਾਂ।
Keep in mind
All content everywhere on Snapchat, public or private, must adhere to our Community Guidelines and Terms of Service.
ਅੱਗੇ:
ਸਿਫਾਰਸ਼ ਯੋਗਤਾ