ਸਿਫ਼ਾਰਸ਼ ਯੋਗਤਾ ਲਈ ਸਮੱਗਰੀ ਸੇਧਾਂ

Snapchat ਮੁੱਖ ਤੌਰ 'ਤੇ ਦ੍ਰਿਸ਼ਟੀਗਤ ਸੁਨੇਹਾ ਐਪ ਹੈ ਜੋ ਲੋਕਾਂ ਨੂੰ ਆਪਣੇ ਪਰਿਵਾਰ ਅਤੇ ਦੋਸਤਾਂ ਨਾਲ ਗੱਲਬਾਤ ਕਰਨ ਵਿੱਚ ਮਦਦ ਕਰਨ ਲਈ ਬਣਾਈ ਹੈ। ਪਰ ਐਪ ਦੇ ਅਜਿਹੇ ਹਿੱਸੇ ਹਨ ਜਿੱਥੇ ਜਨਤਕ ਸਮੱਗਰੀ ਐਲਗੋਰਿਦਮ ਸਿਫ਼ਾਰਸ਼ਾਂ ਰਾਹੀਂ ਵਿਆਪਕ ਦਰਸ਼ਕਾਂ ਤੱਕ ਪਹੁੰਚ ਸਕਦੀ ਹੈ; ਅਜਿਹੀ ਸਮੱਗਰੀ ਨੂੰ ਸਿਫ਼ਾਰਸ਼ ਕੀਤੀ ਸਮੱਗਰੀ ਵਜੋਂ ਪਰਿਭਾਸ਼ਿਤ ਕੀਤਾ ਜਾਂਦਾ ਹੈ। ਉਦਾਹਰਨ ਲਈ:

• ਕਹਾਣੀਆਂ ਟੈਬ 'ਤੇ Snapchatters ਪੇਸ਼ੇਵਰ ਮੀਡੀਆ ਭਾਈਵਾਲਾਂ ਅਤੇ ਪ੍ਰਸਿੱਧ ਰਚਨਾਕਾਰਾਂ ਤੋਂ ਸਿਫ਼ਾਰਸ਼ ਕੀਤੀ ਸਮੱਗਰੀ ਨੂੰ ਦੇਖ ਸਕਦੇ ਹਨ।

• ਸਪੌਟਲਾਈਟ 'ਤੇ Snapchatters ਸਾਡੇ ਭਾਈਚਾਰੇ ਵੱਲੋਂ ਬਣਾਈ ਅਤੇ ਸਪੁਰਦ ਕੀਤੀ ਸਮੱਗਰੀ ਦੇਖ ਸਕਦੇ ਹਨ।

• ਨਕਸ਼ੇ 'ਤੇ Snapchatters ਸੰਸਾਰ ਭਰ ਤੋਂ ਸਮਾਗਮਾਂ ਦੀਆਂ ਤਸਵੀਰਾਂ, ਤਾਜ਼ਾ ਖਬਰਾਂ ਅਤੇ ਹੋਰ ਬਹੁਤ ਕੁਝ ਦੇਖ ਸਕਦੇ ਹਨ।

ਅਸੀਂ ਇਨ੍ਹਾਂ ਸਮੱਗਰੀ ਸੇਧਾਂ ਨੂੰ ਤਕਨੀਕ ਅਤੇ ਮਨੁੱਖੀ ਸਮੀਖਿਆ ਦੇ ਮਿਸ਼ਰਨ ਦੀ ਵਰਤੋਂ ਕਰਕੇ ਸੰਚਾਲਨ ਨਾਲ ਲਾਗੂ ਕਰਦੇ ਹਾਂ। ਅਸੀਂ Snapchatters ਨੂੰ ਅਜਿਹੀ ਸਮੱਗਰੀ ਦੀ ਰਿਪੋਰਟ ਕਰਨ ਲਈ ਐਪ ਵਿੱਚ ਔਜ਼ਾਰ ਵੀ ਦਿੰਦੇ ਹਾਂ ਜੋ ਉਨ੍ਹਾਂ ਨੂੰ ਇਤਰਾਜ਼ਯੋਗ ਲੱਗਦੀ ਹੈ। ਅਸੀਂ ਵਰਤੋਂਕਾਰ ਰਿਪੋਰਟਾਂ ਦਾ ਜਲਦੀ ਜਵਾਬ ਦਿੰਦੇ ਹਾਂ ਅਤੇ ਸਾਰੇ Snapchatters ਲਈ ਸਮੱਗਰੀ ਤਜ਼ਰਬੇ ਨੂੰ ਬਿਹਤਰ ਬਣਾਉਣ ਲਈ ਫੀਡਬੈਕ ਦੀ ਵਰਤੋਂ ਕਰਦੇ ਹਾਂ।

ਇਨ੍ਹਾਂ ਸਮੱਗਰੀ ਸੇਧਾਂ ਵਿੱਚ ਸਿਫ਼ਾਰਸ਼ ਯੋਗਤਾ ਲਈ ਸੇਧਾਂ ਕਿਸੇ ਵੀ ਸਰੋਤ ਦੀ ਸਮੱਗਰੀ 'ਤੇ ਵਾਂਗੂ ਹੀ ਲਾਗੂ ਹੁੰਦੀਆਂ ਹਨ, ਭਾਵੇਂ ਇਹ ਭਾਈਵਾਲ, ਵਿਅਕਤੀਗਤ ਰਚਨਾਕਾਰ ਜਾਂ ਕਿਸੇ ਵੀ ਕਿਸਮ ਦੀ ਸੰਸਥਾ ਹੋਵੇ।

ਅਸੀਂ ਇਨ੍ਹਾਂ ਸਮੱਗਰੀ ਸੇਧਾਂ ਨੂੰ ਆਪਣੇ ਵਿਵੇਕ ਅਨੁਸਾਰ ਲਾਗੂ ਕਰਨ ਅਤੇ ਉਨ੍ਹਾਂ 'ਤੇ ਅਮਲ ਕਰਨ ਲਈ ਕੋਈ ਕਾਰਵਾਈ ਕਰਨ ਦਾ ਅਧਿਕਾਰ ਰੱਖਦੇ ਹਾਂ, ਜਿਸ ਵਿੱਚ ਹੋਰ ਚੀਜ਼ਾਂ ਦੇ ਨਾਲ ਹੀ ਤੁਹਾਡੀ ਸਮੱਗਰੀ ਨੂੰ ਹਟਾਉਣਾ, ਵੰਡ ਨੂੰ ਸੀਮਿਤ ਕਰਨਾ, ਮੁਅੱਤਲ ਕਰਨਾ, ਪ੍ਰਚਾਰ ਨੂੰ ਸੀਮਿਤ ਕਰਨਾ ਜਾਂ ਉਮਰ-ਦਰਜ਼ਾਬੰਦੀ ਕਰਨਾ ਸ਼ਾਮਲ ਹੋ ਸਕਦਾ ਹੈ।

ਜੋ ਰਚਨਾਕਾਰ ਜਾਂ ਭਾਈਵਾਲ ਸਾਡੀਆਂ ਭਾਈਚਾਰਕ ਸੇਧਾਂ ਜਾਂ ਸੇਵਾ ਦੀਆਂ ਮਦਾਂ ਦੀ ਉਲੰਘਣਾ ਕਰਦੇ ਹਨ, ਉਨ੍ਹਾਂ ਨੂੰ ਇਨ੍ਹਾਂ ਸਮੱਗਰੀ ਸੇਧਾਂ ਦੀ ਉਲੰਘਣਾ ਮੰਨਿਆ ਜਾਵੇਗਾ।

ਇਸ ਤੋਂ ਇਲਾਵਾ ਸਾਰੀ ਸਮੱਗਰੀ ਨੂੰ ਲਾਗੂ ਕਾਨੂੰਨ ਦੀ ਪਾਲਣਾ ਕਰਨੀ ਚਾਹੀਦੀ ਹੈ ਜਿੱਥੇ ਵੀ ਇਹ ਵੰਡੀ ਜਾਂਦੀ ਹੈ ਅਤੇ ਤੁਹਾਡੇ ਨਾਲ ਸਾਡੇ ਸਮੱਗਰੀ ਸਮਝੌਤੇ ਦੀਆਂ ਮਦਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਜਿੱਥੇ ਸਾਨੂੰ ਲੱਗਦਾ ਹੈ ਕਿ ਉਪਰੋਕਤ ਗੱਲਾਂ ਦੀ ਉਲੰਘਣਾ ਹੋਈ ਹੈ, ਅਸੀਂ ਅਪਮਾਨਜਨਕ ਸਮੱਗਰੀ ਨੂੰ ਹਟਾਉਣ ਦੇ ਸਾਰੇ ਅਧਿਕਾਰ ਰਾਖਵੇਂ ਰੱਖਦੇ ਹਾਂ।

Snapchatters ਵਿਭਿੰਨ ਉਮਰ, ਸੱਭਿਆਚਾਰਾਂ ਅਤੇ ਵਿਸ਼ਵਾਸਾਂ ਦੀ ਨੁਮਾਇੰਦਗੀ ਕਰਦੇ ਹਨ ਅਤੇ ਅਸੀਂ ਸਾਰੇ ਵਰਤੋਂਕਾਰਾਂ ਲਈ ਸੁਰੱਖਿਅਤ, ਤੰਦਰੁਸਤ, ਮਹੱਤਵਪੂਰਨ ਤਜ਼ਰਬਾ ਦੇਣਾ ਚਾਹੁੰਦੇ ਹਾਂ, ਜਿਸ ਵਿੱਚ 13 ਸਾਲ ਦੇ ਨੌਜਵਾਨ ਵੀ ਸ਼ਾਮਲ ਹਨ। ਇਹ ਮੰਨਦੇ ਹੋਏ ਕਿ ਬਹੁਤ ਸਾਰੇ Snapchatters ਸਮੱਗਰੀ ਦੇਖਣ ਦੀ ਸਰਗਰਮੀ ਨਾਲ ਚੋਣ ਕੀਤੇ ਬਿਨਾਂ ਸਮੱਗਰੀ ਦੇਖ ਸਕਦੇ ਹਨ, ਅਸੀਂ ਇਹ ਸੇਧਾਂ Snapchatters ਨੂੰ ਅਜਿਹੇ ਤਜ਼ਰਬਿਆਂ ਤੋਂ ਬਚਾਉਣ ਲਈ ਤਿਆਰ ਕੀਤੀਆਂ ਹਨ ਜੋ ਅਢੁਕਵੇਂ ਜਾਂ ਅਣਚਾਹੇ ਹੋ ਸਕਦੇ ਹਨ।

ਸਿਫ਼ਾਰਸ਼ ਕੀਤੀ ਸਮੱਗਰੀ ਦੇ ਦਾਇਰੇ ਵਿੱਚ ਅਸੀਂ ਸਿਫ਼ਾਰਸ਼ਾਂ ਨੂੰ ਨਿੱਜੀ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ, ਖਾਸ ਕਰਕੇ ਉਸ ਲਈ ਜਿਸ ਨੂੰ ਅਸੀਂ “ਸੰਵੇਦਨਸ਼ੀਲ” ਸਮੱਗਰੀ ਕਹਿੰਦੇ ਹਾਂ। ਉਦਾਹਰਨ ਲਈ, ਸੰਵੇਦਨਸ਼ੀਲ ਸਮੱਗਰੀ ਇਹ ਹੋ ਸਕਦੀ ਹੈ:

• ਫ਼ਿਣਸੀਆਂ ਦਾ ਇਲਾਜ ਦਿਖਾਉਣਾ ਜੋ ਕੁਝ Snapchatters ਨੂੰ ਭੈੜਾ ਲੱਗ ਸਕਦਾ ਹੈ, ਜਦ ਕਿ ਦੂਜਿਆਂ ਨੂੰ ਇਹ ਲਾਭਦਾਇਕ ਜਾਂ ਦਿਲਚਸਪ ਲੱਗ ਸਕਦਾ ਹੈ; ਜਾਂ

• ਲੋਕਾਂ ਨੂੰ ਤੈਰਾਕੀ ਵਾਲੇ ਕੱਪੜਿਆਂ ਵਿੱਚ ਇਸ ਤਰ੍ਹਾਂ ਦਿਖਾਉਣਾ ਜੋ ਸੰਦਰਭ ਜਾਂ ਦਰਸ਼ਕਾਂ ਦੇ ਅਧਾਰ 'ਤੇ ਜਿਨਸੀ ਸੰਕੇਤਕ ਵਰਗਾ ਲੱਗ ਸਕਦਾ ਹੈ।

ਹਾਲਾਂਕਿ ਕੁਝ ਸੰਵੇਦਨਸ਼ੀਲ ਸਮੱਗਰੀ ਸਿਫ਼ਾਰਸ਼ ਲਈ ਯੋਗ ਹੈ, ਪਰ ਅਸੀਂ ਕੁਝ Snapchatters ਨੂੰ ਉਨ੍ਹਾਂ ਦੀ ਉਮਰ, ਟਿਕਾਣੇ, ਤਰਜੀਹਾਂ ਜਾਂ ਹੋਰ ਮਾਪਦੰਡਾਂ ਦੇ ਅਧਾਰ 'ਤੇ ਇਸ ਦੀ ਸਿਫ਼ਾਰਸ਼ ਕਰਨ ਤੋਂ ਪਰਹੇਜ਼ ਕਰ ਸਕਦੇ ਹਾਂ। ਕਿਰਪਾ ਕਰਕੇ ਧਿਆਨ ਦਿਓ ਕਿ ਇਨ੍ਹਾਂ ਸਮੱਗਰੀ ਸੇਧਾਂ ਵਿਚਲੇ ਸੰਵੇਦਨਸ਼ੀਲ ਮਾਪਦੰਡ ਨੂੰ ਉਦਾਹਰਨਾਂ ਦੀ ਗੈਰ-ਸੰਪੂਰਨ ਸੂਚੀ ਵਜੋਂ ਮੰਨਣਾ ਚਾਹੀਦਾ ਹੈ। ਅਸੀਂ ਸੰਚਾਲਨ ਇਤਿਹਾਸ, ਵਰਤੋਂਕਾਰ ਫੀਡਬੈਕ ਅਤੇ ਰੁਝੇਵਿਆਂ ਦੇ ਸੰਕੇਤ ਜਾਂ ਸਾਡੀ ਆਪਣੇ ਸੰਪਾਦਕੀ ਵਿਵੇਕ ਦੇ ਅਧਾਰ 'ਤੇ ਕਿਸੇ ਵੀ ਸਮੱਗਰੀ ਦੀ ਸਿਫ਼ਾਰਸ਼ ਕਰਨ ਨੂੰ ਰੋਕ ਸਕਦੇ ਹਾਂ ਜਾਂ ਮਨ੍ਹਾ ਕਰ ਸਕਦੇ ਹਾਂ।