ਨਫ਼ਰਤ ਵਾਲੀ ਸਮੱਗਰੀ, ਅੱਤਵਾਦ ਅਤੇ ਹਿੰਸਕ ਕੱਟੜਪੰਥੀ

ਸਾਡੇ ਉਤਪਾਦਾਂ ਦੀ ਵਰਤੋਂ ਕਰਨ ਵੇਲੇ Snapchatters ਨੂੰ ਸੁਰੱਖਿਅਤ ਅਤੇ ਸਨਮਾਨਿਤ
ਮਹਿਸੂਸ ਕਰਨਾ ਚਾਹੀਦਾ ਹੈ। ਨਫ਼ਰਤ ਭਰੀ ਸਮੱਗਰੀ ਦੇ ਵਿਰੁੱਧ ਸਾਡੀਆਂ ਨੀਤੀਆਂ ਹੇਠ ਲਿਖੇ 'ਤੇ ਪਾਬੰਦੀ ਲਗਾਉਂਦੀਆਂ ਹਨ: 

• ਅੱਤਵਾਦੀ ਸੰਗਠਨ, ਹਿੰਸਕ ਕੱਟੜਪੰਥੀ ਅਤੇ ਨਫ਼ਰਤ ਵਾਲੇ ਸਮੂਹ। ਇਨ੍ਹਾਂ ਸੰਸਥਾਵਾਂ ਨੂੰ ਸਾਡੇ ਪਲੇਟਫਾਰਮ ਦੀ ਵਰਤੋਂ ਕਰਨ ਤੋਂ ਰੋਕਿਆ ਗਿਆ ਹੈ। ਅਸੀਂ ਉਸ ਸਮੱਗਰੀ ਨੂੰ ਬਰਦਾਸ਼ਤ ਨਹੀਂ ਕਰਦੇ ਜੋ ਹਿੰਸਕ ਕੱਟੜਵਾਦ ਜਾਂ ਅੱਤਵਾਦ ਦੀ ਵਕਾਲਤ ਕਰਦੀ ਜਾਂ ਉਸਨੂੰ ਅੱਗੇ ਵਧਾਉਂਦੀ ਹੈ।

• ਸਾਰੀ ਸਮੱਗਰੀ ਜੋ ਅੱਤਵਾਦ ਜਾਂ ਵਿਚਾਰਧਾਰਕ ਟੀਚਿਆਂ ਨੂੰ ਅੱਗੇ ਵਧਾਉਣ ਲਈ ਵਿਅਕਤੀਆਂ ਜਾਂ ਸਮੂਹਾਂ ਵੱਲੋਂ ਕੀਤੀਆਂ ਹੋਰ ਹਿੰਸਕ, ਅਪਰਾਧਿਕ ਕਾਰਵਾਈਆਂ ਦਾ ਪ੍ਰਚਾਰ ਕਰਦੀ ਹੈ। ਇਹ ਨਿਯਮ ਅਜਿਹੀ ਕਿਸੇ ਵੀ ਸਮੱਗਰੀ 'ਤੇ ਪਾਬੰਦੀ ਲਗਾਉਂਦੇ ਹਨ ਜੋ ਵਿਦੇਸ਼ੀ ਅੱਤਵਾਦੀ ਸੰਗਠਨਾਂ ਜਾਂ ਕੱਟੜਪੰਥੀ ਨਫ਼ਰਤ ਫੈਲਾਉਣ ਵਾਲੇ ਸਮੂਹਾਂ--ਭਰੋਸੇਯੋਗ, ਤੀਜੀ-ਧਿਰ ਦੇ ਮਾਹਰਾਂ ਵੱਲੋਂ ਨਾਮਜ਼ਦ--ਨਾਲ ਹੀ ਅਜਿਹੇ ਸੰਗਠਨਾਂ ਜਾਂ ਹਿੰਸਕ ਕੱਟੜਪੰਥੀ ਸਰਗਰਮੀਆਂ ਲਈ ਭਰਤੀ ਨੂੰ ਉਤਸ਼ਾਹਤ ਕਰਦੀ ਜਾਂ ਉਨ੍ਹਾਂ ਦੀ ਸਹਾਇਤਾ ਕਰਦੀ ਹੈ।

• ਨਫਰਤੀ ਭਾਸ਼ਣ ਉਹ ਸਮੱਗਰੀ ਹੈ ਜੋ ਬੇਇੱਜ਼ਤ, ਬਦਨਾਮ ਕਰਦੀ ਜਾਂ ਨਸਲ, ਰੰਗ, ਜਾਤ, ਪਾਤ, ਰਾਸ਼ਟਰੀ ਮੂਲ, ਧਰਮ, ਜਿਨਸੀ ਝੁਕਾਅ, ਲਿੰਗਕ ਪਛਾਣ, ਅਪਾਹਜਤਾ ਜਾਂ ਸੇਵਾ ਮੁਕਤੀ ਸਥਿਤੀ, ਇਮੀਗ੍ਰੇਸ਼ਨ ਸਥਿਤੀ, ਸਮਾਜਿਕ-ਆਰਥਿਕ ਸਥਿਤੀ, ਉਮਰ, ਭਾਰ ਜਾਂ ਗਰਭ ਅਵਸਥਾ ਦੇ ਅਧਾਰ 'ਤੇ ਵਿਤਕਰੇ ਜਾਂ ਹਿੰਸਾ ਨੂੰ ਉਤਸ਼ਾਹਤ ਕਰਦੀ ਹੈ। ਇਹ ਨਿਯਮ, ਉਦਾਹਰਨ ਲਈ, ਨਸਲੀ, ਜਾਤੀ, ਔਰਤ ਨਾਲ ਨਫ਼ਰਤ ਜਾਂ ਸਮਲਿੰਗੀ ਗਾਲਾਂ ਦੀ ਵਰਤੋਂ ਦੀ ਮਨਾਹੀ ਕਰਦੇ ਹਨ। ਉਹ ਮੀਮਾਂ ਦੀ ਵੀ ਮਨਾਹੀ ਕਰਦੇ ਹਨ ਜੋ ਕਿਸੇ ਸੁਰੱਖਿਅਤ ਸਮੂਹ ਦਾ ਮਜ਼ਾਕ ਉਡਾਉਂਦੀਆਂ ਹਨ ਜਾਂ ਉਨ੍ਹਾਂ ਵਿਰੁੱਧ ਵਿਤਕਰੇ ਕਰਨ ਅਤੇ ਜਾਣਬੁੱਝ ਕੇ ਨਾਮ ਜਾਂ ਗਲਤ ਲਿੰਗ ਨਾਲ ਭੇਦਭਾਵ ਕਰਨ ਵਾਲੀਆਂ ਹਨ। ਨਫ਼ਰਤ ਭਰੇ ਭਾਸ਼ਣ ਵਿੱਚ ਮਨੁੱਖੀ ਤਰਾਸਦੀਆਂ (ਜਿਵੇਂ ਕਿ ਨਸਲਕੁਸ਼ੀ, ਰੰਗ ਭੇਦ ਜਾਂ ਗੁਲਾਮੀ) ਦੇ ਦੋਸ਼ੀਆਂ ਦਾ ਸਮਰਥਨ ਕਰਨਾ ਵੀ ਸ਼ਾਮਲ ਹੈ। ਹੋਰ ਪਾਬੰਦੀਸ਼ੁਦਾ ਨਫ਼ਰਤ ਸਮੱਗਰੀ ਵਿੱਚ ਨਫ਼ਰਤ ਚਿੰਨ੍ਹਾਂ ਦੀ ਵਰਤੋਂ ਸ਼ਾਮਲ ਹੈ, ਜਿਸਦਾ ਮਤਲਬ ਹੈ ਕਿ ਕੋਈ ਵੀ ਚਿੱਤਰਕਾਰੀ ਜੋ ਦੂਜਿਆਂ ਪ੍ਰਤੀ ਨਫ਼ਰਤ ਜਾਂ ਭੇਦਭਾਵ ਪੇਸ਼ ਕਰਦੀ ਹੈ।

ਅਸੀਂ Snapchat 'ਤੇ ਨਫ਼ਰਤ ਭਰੀ ਸਮੱਗਰੀ, ਅੱਤਵਾਦ ਜਾਂ ਹਿੰਸਕ ਕੱਟੜਪੰਥੀ ਨੂੰ ਬਰਦਾਸ਼ਤ ਨਹੀਂ ਕਰਦੇ ਹਾਂ। ਸਾਡੀਆਂ ਨੀਤੀਆਂ ਅਤੇ ਸਾਡੇ ਉਤਪਾਦ ਡਿਜ਼ਾਈਨ ਦੋਵਾਂ ਰਾਹੀਂ ਅਸੀਂ ਅਜਿਹੇ ਮਾਹੌਲ ਨੂੰ ਬਣਾਈ ਰੱਖਣ ਲਈ ਤਨਦੇਹੀ ਨਾਲ ਕੰਮ ਕਰਦੇ ਹਾਂ ਜੋ Snapchatters ਦੀ ਸੁਰੱਖਿਆ ਵਿੱਚ ਸਹਾਇਤਾ ਕਰਦਾ ਅਤੇ ਉਸਨੂੰ ਤਰਜੀਹ ਦਿੰਦਾ ਹੈ।

ਵਰਤੋਂਕਾਰ ਸਾਡੀਆਂ ਨੀਤੀਆਂ ਦੀ ਉਲੰਘਣਾ ਕਰਨ ਵਾਲੀ ਕਿਸੇ ਵੀ ਸਮੱਗਰੀ ਦੀ ਰਿਪੋਰਟ ਕਰਕੇ ਸਾਡੇ ਭਾਈਚਾਰੇ ਦੀ ਰੱਖਿਆ ਕਰਨ ਵਿੱਚ ਸਾਡੀ ਮਦਦ ਕਰ ਸਕਦੇ ਹਨ। ਅਸੀਂ ਇਹ ਯਕੀਨੀ ਬਣਾਉਣ ਲਈ ਸੁਰੱਖਿਆ ਭਾਈਚਾਰੇ ਦੇ ਵਿਭਿੰਨ ਆਗੂਆਂ ਨਾਲ ਕੰਮ ਕਰਨ ਲਈ ਵੀ ਵਚਨਬੱਧ ਹਾਂ ਕਿ ਅਸੀਂ ਜ਼ਿੰਮੇਵਾਰੀ ਨਾਲ ਆਪਣੇ ਸੁਰੱਖਿਆ ਉਦੇਸ਼ਾਂ ਨੂੰ ਅੱਗੇ ਵਧਾ ਰਹੇ ਹਾਂ। ਸਾਡੇ ਸੁਰੱਖਿਆ ਯਤਨਾਂ ਬਾਰੇ ਹੋਰ ਜਾਣਕਾਰੀ ਲਈ ਕਿਰਪਾ ਕਰਕੇ ਸਾਡੇ ਸੁਰੱਖਿਆ ਕੇਂਦਰ 'ਤੇ ਜਾਓ।