Snap ਵਿਖੇ, ਅਸੀਂ ਲੋਕਾਂ ਨੂੰ ਆਪਣੇ ਆਪ ਨੂੰ ਜ਼ਾਹਰ ਕਰਨ, ਇਸ ਪਲ਼ ਵਿਚ ਜੀਉਣ, ਦੁਨੀਆਂ ਬਾਰੇ ਸਿੱਖਣ, ਅਤੇ ਇਕੱਠੇ ਮਸਤੀ ਕਰਨ ਦੀ ਸਮਰੱਥਾ ਕੇ ਮਨੁੱਖੀ ਤਰੱਕੀ ਵਿਚ ਯੋਗਦਾਨ ਪਾਉਂਦੇ ਹਾਂ। ਅਸੀਂ ਇਨ੍ਹਾਂ ਭਾਈਚਾਰਕ ਸੇਧਾਂ ਨੂੰ ਸਵੈ-ਪ੍ਰਗਟਾਵੇ ਦੀ ਵਿਸ਼ਾਲ ਸ਼੍ਰੇਣੀ ਨੂੰ ਉਤਸ਼ਾਹਿਤ ਕਰਕੇ ਆਪਣੇ ਮਿਸ਼ਨ ਦੀ ਸਹਾਇਤਾ ਕਰਨ ਲਈ ਬਣਾਇਆ ਹੈ, ਇਹ ਯਕੀਨੀ ਬਣਾਉਂਦੇ ਹੋਏ ਕਿ Snapchatters ਸਾਡੀਆਂ ਸੇਵਾਵਾਂ ਨੂੰ ਹਰ ਰੋਜ਼ ਸੁਰੱਖਿਅਤ ਢੰਗ ਨਾਲ਼ ਵਰਤ ਸਕਣ। ਅਸੀਂ ਚਾਹੁੰਦੇ ਹਾਂ ਕਿ ਇਹ ਸੇਧਾਂ ਸਾਡੇ ਭਾਈਚਾਰੇ ਦੇ ਸਾਰੇ ਮੈਂਬਰਾਂ ਲਈ ਸਪਸ਼ਟ ਅਤੇ ਸਮਝਣਯੋਗ ਹੋਣ। ਕਿਰਪਾ ਕਰਕੇ ਨੋਟ ਕਰੋ ਕਿ ਸਾਡੇ ਭਾਈਚਾਰੇ ਵਿੱਚ ਸ਼ਾਮਲ ਹੋਣ ਲਈ, ਤੁਹਾਡੀ ਉਮਰ ਘੱਟੋ ਘੱਟ 13 ਸਾਲ ਹੋਣੀ ਚਾਹੀਦੀ ਹੈ। 

ਇਹ ਸੇਧਾਂ ਸਾਰੀ ਸਮੱਗਰੀ (ਜਿਸ ਵਿੱਚ ਸੰਚਾਰ ਦੇ ਸਾਰੇ ਰੂਪ ਸ਼ਾਮਲ ਹਨ, ਜਿਵੇਂ ਕਿ ਲਿਖਤ, ਚਿੱਤਰ, ਜਨਰੇਟਿਵ AI, ਲਿੰਕ ਜਾਂ ਅਟੈਚਮੈਂਟਾਂ, ਇਮੋਜੀ, ਲੈਂਜ਼ ਅਤੇ ਹੋਰ ਰਚਨਾਤਮਕ ਔਜ਼ਾਰ) ਜਾਂ Snapchat 'ਤੇ ਵਤੀਰੇ - ਅਤੇ ਸਾਰੇ Snapchatters 'ਤੇ ਲਾਗੂ ਹੁੰਦੀਆਂ ਹਨ। ਅਸੀਂ ਵਿਸ਼ੇਸ਼ ਤੌਰ 'ਤੇ ਅਜਿਹੀ ਸਮੱਗਰੀ ਜਾਂ ਵਤੀਰੇ ਪ੍ਰਤੀ ਸੰਵੇਦਨਸ਼ੀਲ ਹਾਂ ਜਿਸ ਨਾਲ Snapchatters ਦਾ ਗੰਭੀਰ ਨੁਕਸਾਨ ਕਰਨ ਦਾ ਖਤਰਾ ਪੈਦਾ ਹੁੰਦਾ ਹੈ, ਅਤੇ ਅਜਿਹੇ ਵਤੀਰੇ ਵਿੱਚ ਸ਼ਾਮਲ ਵਰਤੋਂਕਾਰਾਂ ਵਿਰੁੱਧ ਤੁਰੰਤ, ਸਥਾਈ ਕਾਰਵਾਈ ਕਰਨ ਦਾ ਅਧਿਕਾਰ ਰਾਖਵਾਂ ਰੱਖਦੇ ਹਾਂ। ਇਸ ਬਾਰੇ ਵਧੀਕ ਸੇਧ ਇੱਥੇ ਉਪਲਬਧ ਹੈ ਕਿ ਅਸੀਂ ਕਿਸ ਚੀਜ਼ ਨੂੰ ਗੰਭੀਰ ਨੁਕਸਾਨ ਮੰਨਦੇ ਹਾਂ ਅਤੇ ਅਸੀਂ ਇਸ ਦੇ ਵਿਰੁੱਧ ਕਾਰਵਾਈ ਕਿਵੇਂ ਕਰਦੇ ਹਾਂ। 

ਡਿਸਕਵਰ ਵਿਚਲੇ ਇਸ਼ਤਿਹਾਰਦਾਤਾ ਅਤੇ ਮੀਡੀਆ ਭਾਈਵਾਲ ਵਧੀਕ ਸੇਧਾਂ ਨਾਲ ਸਹਿਮਤ ਹਨ, ਜਿਸ ਵਿੱਚ ਉਹਨਾਂ ਦੀ ਸਮੱਗਰੀ ਨੂੰ ਸਹੀ ਕਰਨ ਅਤੇ ਜਿੱਥੇ ਢੁਕਵਾਂ ਹੋਵੇ, ਤੱਥਾਂ ਨੂੰ ਜਾਂਚਣ ਦੀ ਲੋੜ ਸ਼ਾਮਲ ਹੈ। ਵਿਕਾਸਕਾਰ ਵੀ ਵਧੀਕ ਨਿਯਮਾਂ ਦੇ ਅਧੀਨ ਹਨ। ਅਸੀਂ ਆਪਣੀਆਂ ਭਾਈਚਾਰਕ ਸੇਧਾਂ ਦੇ ਅਨੁਸਾਰ ਜਨਰੇਟਿਵ AI ਸਮੱਗਰੀ ਨੂੰ ਰੱਖਣ ਵਿੱਚ ਮਦਦ ਕਰਨ ਲਈ ਸੁਰੱਖਿਆ ਉਪਰਾਲੇ ਵੀ ਲਾਗੂ ਕਰਦੇ ਹਾਂ। 

ਅਸੀਂ ਇੱਥੇ ਅਤੇ ਸਾਡੀ ਸੇਵਾ ਦੀਆਂ ਮਦਾਂ ਵਿੱਚ Snapchat 'ਤੇ ਵਰਜਿਤ ਸਮੱਗਰੀ ਲਈ ਖਾਸ ਨਿਯਮਾਂ ਦੀ ਰੂਪਰੇਖਾ ਦਿੱਤੀ ਹੈ, ਅਤੇ ਅਸੀਂ ਇਹ ਯਕੀਨੀ ਬਣਾਉਣ ਲਈ ਕੰਮ ਕਰਦੇ ਹਾਂ ਕਿ ਇਨ੍ਹਾਂ ਨਿਯਮਾਂ ਨੂੰ ਲਗਾਤਾਰ ਲਾਗੂ ਕੀਤਾ ਜਾ ਰਿਹਾ ਹੈ। ਇਹਨਾਂ ਨਿਯਮਾਂ ਨੂੰ ਲਾਗੂ ਕਰਨ ਵੇਲੇ ਅਸੀਂ ਸਮੱਗਰੀ ਦੀ ਕਿਸਮ ਨੂੰ ਧਿਆਨ ਵਿੱਚ ਰੱਖਦੇ ਹਾਂ, ਜਿਸ ਵਿੱਚ ਇਹ ਵੀ ਸ਼ਾਮਲ ਹੈ ਕਿ ਇਹ ਖ਼ਬਰਾਂ ਦੇ ਯੋਗ ਹੈ, ਤੱਥਪੂਰਨ ਹੈ, ਅਤੇ ਸਾਡੇ ਭਾਈਚਾਰੇ ਲਈ ਰਾਜਨੀਤਿਕ, ਸਮਾਜਿਕ ਜਾਂ ਹੋਰ ਆਮ ਚਿੰਤਾ ਦੇ ਮਾਮਲੇ ਨਾਲ ਸੰਬੰਧਿਤ ਹੈ। ਅਸੀਂ ਸਮੱਗਰੀ ਦਾ ਸੰਚਾਲਨ ਕਿਵੇਂ ਕਰਦੇ ਹਾਂ ਅਤੇ ਸਾਡੀਆਂ ਨੀਤੀਆਂ ਨੂੰ ਕਿਵੇਂ ਲਾਗੂ ਕਰਦੇ ਹਾਂ, ਇਸ ਬਾਰੇ ਵਧੀਕ ਸੰਦਰਭ ਇੱਥੇ ਉਪਲਬਧ ਹੈ। ਅਸੀਂ ਹੇਠਾਂ ਦਿੱਤੇ ਹਰੇਕ ਭਾਗ ਵਿੱਚ ਸਾਡੀਆਂ ਭਾਈਚਾਰਕ ਸੇਧਾਂ ਬਾਰੇ ਵਧੇਰੇ ਵੇਰਵੇ ਨਾਲ ਜਾਣਕਾਰੀ ਲਈ ਲਿੰਕ ਵੀ ਦਿੰਦੇ ਹਾਂ।

ਅਸੀਂ ਚਾਹੁੰਦੇ ਹਾਂ ਕਿ Snapchat ਹਰ ਕਿਸੇ ਲਈ ਸੁਰੱਖਿਅਤ ਅਤੇ ਸਕਾਰਾਤਮਕ ਤਜ਼ਰਬਾ ਹੋਵੇ। ਅਸੀਂ ਆਪਣੇ ਵਿਵੇਕ ਨਾਲ ਇਹ ਫੈਸਲਾ ਕਰਨ ਦਾ ਹੱਕ ਰਾਖਵਾਂ ਰੱਖਦੇ ਹਾਂ ਕਿ ਕਿਹੜੀ ਸਮੱਗਰੀ ਜਾਂ ਵਤੀਰੇ ਕਰਕੇ ਸਾਡੇ ਨਿਯਮਾਂ ਦੀ ਭਾਵਨਾ ਦੀ ਉਲੰਘਣਾ ਹੁੰਦੀ ਹੈ।

ਕਿਰਪਾ ਕਰਕੇ ਯਾਦ ਰੱਖੋ ਕਿ ਤੁਸੀਂ ਕਦੇ ਵੀ ਸਾਡੀ ਭਰੋਸਾ ਅਤੇ ਸੁਰੱਖਿਆ ਟੀਮ ਨੂੰ ਸਾਡੀਆਂ ਐਪ-ਅੰਦਰਲੀਆਂ ਰਿਪੋਰਟਿੰਗ ਵਿਸ਼ੇਸ਼ਤਾਵਾਂ ਦੀ ਵਰਤੋਂ ਕਰ ਕੇ ਜਾਂ ਇਸ ਫਾਰਮ (ਜੋ ਤੁਹਾਨੂੰ ਕਿਸੇ ਚਿੰਤਾ ਦੀ ਰਿਪੋਰਟ ਕਰਨ ਦਿੰਦਾ ਹੈ, ਚਾਹੇ ਤੁਹਾਡਾ Snapchat ਖਾਤਾ ਹੋਵੇ ਜਾਂ ਨਾ ਹੋਵੇ) ਨੂੰ ਭਰ ਕੇ ਰਿਪੋਰਟ ਕਰ ਸਕਦੇ ਹੋ। ਅਸੀਂ ਇਨ੍ਹਾਂ ਸੇਧਾਂ ਦੀ ਉਲੰਘਣਾ ਕਰਨ ਸਬੰਧੀ ਇਨ੍ਹਾਂ ਰਿਪੋਰਟਾਂ ਦੀ ਸਮੀਖਿਆ ਕਰਦੇ ਹਾਂ। ਜੇ ਤੁਸੀਂ ਇਹਨਾਂ ਭਾਈਚਾਰਕ ਸੇਧਾਂ ਦੀ ਉਲੰਘਣਾ ਕਰਦੇ ਹੋ, ਤਾਂ ਅਸੀਂ ਅਪਮਾਨਜਨਕ ਸਮੱਗਰੀ ਨੂੰ ਹਟਾ ਸਕਦੇ ਹਾਂ, ਤੁਹਾਡੇ ਖਾਤੇ ਨੂੰ ਬੰਦ ਜਾਂ ਉਸਦੀ ਦਿਸਣਯੋਗਤਾ ਨੂੰ ਸੀਮਤ ਕਰ ਸਕਦੇ ਹਾਂ, ਅਤੇ/ਜਾਂ ਕਨੂੰਨ ਲਾਗੂ ਕਰਨ ਵਾਲ਼ਿਆਂ ਨੂੰ ਸੂਚਿਤ ਕਰ ਸਕਦੇ ਹਾਂ। ਅਸੀਂ ਜਾਣਕਾਰੀ ਨੂੰ ਕਨੂੰਨ ਲਾਗੂ ਕਰਨ ਵਾਲਿਆਂ ਨੂੰ ਵੀ ਭੇਜਦੇ ਹਾਂ ਜਦੋਂ ਸਰਗਰਮੀ ਮਨੁੱਖੀ ਜੀਵਨ ਲਈ ਸੰਭਾਵਿਤ ਖਤਰਾ ਪੈਦਾ ਕਰਦੀ ਹੈ। ਜੇ ਇਹਨਾਂ ਸੇਧਾਂ ਦੀ ਉਲੰਘਣਾ ਕਰਨ ਕਰਕੇ ਤੁਹਾਡਾ ਖਾਤਾ ਬੰਦ ਕਰ ਦਿੱਤਾ ਜਾਂਦਾ ਹੈ, ਤਾਂ ਤੁਹਾਨੂੰ Snapchat ਨੂੰ ਦੁਬਾਰਾ ਵਰਤਣ ਜਾਂ ਕਿਸੇ ਵੀ ਤਰੀਕੇ ਨਾਲ ਇਸ ਸਮਾਪਤੀ ਨੂੰ ਟਾਲਣ ਦੀ ਆਗਿਆ ਨਹੀਂ ਹੈ। 

Snap ਉਨ੍ਹਾਂ ਵਰਤੋਂਕਾਰਾਂ ਦੇ ਖਾਤਿਆਂ ਨੂੰ ਹਟਾਉਣ ਜਾਂ ਉਨ੍ਹਾਂ ਦੀ ਵਰਤੋਂ ਨੂੰ ਪ੍ਰਤਿਬੰਧਿਤ ਕਰਨ ਦਾ ਅਧਿਕਾਰ ਰਾਖਵਾਂ ਰੱਖਦਾ ਹੈ ਜਿਨ੍ਹਾਂ ਬਾਰੇ ਸਾਡੇ ਕੋਲ ਇਹ ਵਿਸ਼ਵਾਸ ਕਰਨ ਦਾ ਕਾਰਨ ਹੈ ਕਿ ਉਹ Snapchat 'ਤੇ ਜਾਂ ਇਸ ਤੋਂ ਬਾਹਰ ਦੂਜਿਆਂ ਲਈ ਖਤਰਾ ਬਣ ਸਕਦੇ ਹਨ। ਇਨ੍ਹਾਂ ਵਿੱਚ ਨਫ਼ਰਤ ਵਾਲੇ ਸਮੂਹਾਂ ਅਤੇ ਅੱਤਵਾਦੀ ਸੰਗਠਨਾਂ ਦੇ ਨੇਤਾ, ਹਿੰਸਾ ਭੜਕਾਉਣ ਜਾਂ ਦੂਜਿਆਂ ਦਾ ਗੰਭੀਰ ਨੁਕਸਾਨ ਕਰਨ ਲਈ ਪ੍ਰਸਿੱਧੀ ਵਾਲੇ ਵਿਅਕਤੀ ਜਾਂ ਅਜਿਹਾ ਵਤੀਰਾ ਸ਼ਾਮਲ ਹੈ ਜੋ ਅਸੀਂ ਮੰਨਦੇ ਹਾਂ ਕਿ ਮਨੁੱਖੀ ਜੀਵਨ ਲਈ ਖਤਰਾ ਹੈ। ਅਜਿਹੇ ਵਤੀਰੇ ਦਾ ਮੁਲਾਂਕਣ ਕਰਨ ਵਿੱਚ, ਅਸੀਂ ਖਾਤੇ ਦੀ ਪਹੁੰਚ ਨੂੰ ਹਟਾਉਣ ਜਾਂ ਸੀਮਤ ਕਰਨ ਦਾ ਨਿਰਣਾ ਕਰਨ ਵਿੱਚ ਹੋਰ ਸਰੋਤਾਂ, ਜਿਵੇਂ ਕਿ ਵਿਸ਼ਾ ਮਾਹਰਾਂ ਜਾਂ ਕਨੂੰਨ ਲਾਗੂ ਕਰਨ ਵਾਲਿਆਂ ਤੋਂ ਸੇਧ 'ਤੇ ਵਿਚਾਰ ਕਰ ਸਕਦੇ ਹਾਂ। 

Snapchat ਉੱਤੇ ਸੁਰੱਖਿਆ ਬਾਰੇ ਹੋਰ ਜਾਣਕਾਰੀ ਲਈ ਕਿਰਪਾ ਕਰਕੇ ਸਾਡੇ ਸੁਰੱਖਿਆ ਕੇਂਦਰ 'ਤੇ ਜਾਓ। ਉੱਥੇ, ਤੁਹਾਨੂੰ ਆਪਣੇ Snapchat ਤਜ਼ਰਬੇ ਦਾ ਪ੍ਰਬੰਧਨ ਕਰਨ ਦੀਆਂ ਵੇਰਵੇ ਸਹਿਤ ਹਿਦਾਇਤਾਂ ਮਿਲਣਗੀਆਂ ਜਿਸ ਵਿੱਚ ਆਪਣੀਆਂ ਪਰਦੇਦਾਰੀ ਸੈਟਿੰਗਾਂ ਨੂੰ ਅੱਪਡੇਟ ਕਰਨਾ, ਤੁਹਾਡੀ ਸਮੱਗਰੀ ਨੂੰ ਕੌਣ ਦੇਖ ਸਕਦਾ ਹੈ ਇਹ ਚੁਣਨਾ, ਅਤੇ ਹੋਰ ਵਰਤੋਂਕਾਰਾਂ ਨੂੰ ਬਲੌਕ ਕਰਨ ਵਰਗੀਆਂ ਕਾਰਵਾਈਆਂ ਸ਼ਾਮਲ ਹਨ।