Snapchat 'ਤੇ ਸੰਭਾਵਿਤ ਨੁਕਸਾਨਦੇਹ ਸਮੱਗਰੀ ਅਤੇ ਸਰਗਰਮੀ ਨੂੰ ਸੀਮਿਤ ਕਰਨ ਵਿੱਚ ਮਦਦ ਕਰਨ ਲਈ ਸਭ ਤੋਂ ਮਹੱਤਵਪੂਰਨ ਗੱਲਾਂ ਵਿੱਚੋਂ ਇੱਕ ਇਹ ਹੈ ਕਿ ਜਦੋਂ ਤੁਹਾਨੂੰ ਕੋਈ ਅਜਿਹੀ ਚੀਜ਼ ਮਿਲੇ ਜੋ ਤੁਹਾਨੂੰ ਅਸਹਿਜ ਮਹਿਸੂਸ ਕਰਵਾਏ ਤਾਂ ਸਾਡੇ ਨਾਲ ਸੰਪਰਕ ਕਰੋ। ਤੁਸੀਂ ਸਿਰਫ਼ ਸਮੱਗਰੀ ਦੇ ਹਿੱਸੇ ਜਾਂ ਚੈਟ ਸੁਨੇਹੇ ਨੂੰ ਦਬਾਈ ਰੱਖਣਾ ਹੈ ਅਤੇ ਮੀਨੂ ਖੁੱਲ੍ਹ ਜਾਵੇਗਾ। ਫਿਰ "ਰਿਪੋਰਟ ਕਰੋ" 'ਤੇ ਟੈਪ ਕਰੋ ਤਾਂ ਜੋ ਵਿਕਲਪਾਂ ਦੀ ਸੂਚੀ ਦੇਖ ਸਕੋ। ਤੁਹਾਨੂੰ ਫਿਰ ਕੁਝ ਜਾਣਕਾਰੀ ਦੇਣ ਲਈ ਕਿਹਾ ਜਾਵੇਗਾ। ਆਮ ਤੌਰ 'ਤੇ ਜੇਕਰ ਤੁਸੀਂ ਐਪ ਵਿੱਚ ਮੀਡੀਆ ਦੇ ਕਿਸੇ ਹਿੱਸੇ ਦੀ ਰਿਪੋਰਟ ਕਰਦੇ ਹੋ, ਤਾਂ ਉਸ ਦੀ ਕਾਪੀ ਆਪਣੇ ਆਪ ਹੀ ਤੁਹਾਡੀ ਰਿਪੋਰਟ ਵਿੱਚ ਸ਼ਾਮਲ ਹੋ ਜਾਵੇਗੀ। ਜਦੋਂ ਤੁਸੀਂ ਚੈਟ ਸੁਨੇਹੇ ਦੀ ਰਿਪੋਰਟ ਕਰਦੇ ਹੋ ਤਾਂ ਪਿਛਲੇ ਕੁਝ ਸੁਨੇਹੇ ਵੀ ਆਪਣੇ ਆਪ ਹੀ ਸ਼ਾਮਲ ਹੋ ਜਾਣਗੇ, ਤਾਂ ਜੋ ਸਾਡੇ ਕੋਲ ਇਸ ਬਾਰੇ ਸੰਦਰਭ ਹੋਵੇ ਕਿ ਹੋਇਆ ਕੀ ਹੈ।

ਸਾਡੀਆਂ ਸੁਰੱਖਿਆ ਟੀਮਾਂ Snapchat 'ਤੇ ਜਾਂ ਸਾਡੀ ਸਹਾਇਤਾ ਸਾਈਟ ਰਾਹੀਂ ਕੀਤੀਆਂ ਰਿਪੋਰਟਾਂ ਦੀ ਸਮੀਖਿਆ ਕਰਨ ਲਈ 24/7 ਕੰਮ ਕਰਦੀਆਂ ਹਨ ਅਤੇ ਉਹ ਰਿਪੋਰਟ ਕੀਤੀ ਸਮੱਗਰੀ ਅਤੇ ਖਾਤਿਆਂ ਵਿਰੁੱਧ ਕਾਰਵਾਈ ਕਰਨਗੀਆਂ ਜੋ ਸਾਡੀਆਂ ਭਾਈਚਾਰਕ ਸੇਧਾਂ ਜਾਂ ਸਾਡੀਆਂ ਸੇਵਾ ਦੀਆਂ ਮਦਾਂ ਸਮੇਤ ਸਾਡੀਆਂ ਨੀਤੀਆਂ ਦੀ ਉਲੰਘਣਾ ਕਰਦੇ ਹਨ। ਇਹ ਯਾਦ ਰੱਖਣਾ ਮਹੱਤਵਪੂਰਨ ਹੈ ਕਿ ਰਿਪੋਰਟਿੰਗ ਗੁਪਤ ਰਹਿੰਦੀ ਹੈ ਅਤੇ ਤੁਹਾਡੇ ਵੱਲੋਂ ਰਿਪੋਰਟ ਕੀਤੇ ਖਾਤਾ-ਧਾਰਕ ਨੂੰ ਇਹ ਨਹੀਂ ਦੱਸਿਆ ਜਾਵੇਗਾ ਕਿ ਉਨ੍ਹਾਂ ਦੀ ਰਿਪੋਰਟ ਕਿਸ ਨੇ ਕੀਤੀ ਹੈ। ਜੇਕਰ ਤੁਹਾਨੂੰ ਅਜਿਹੀ ਕੋਈ ਚੀਜ਼ ਮਿਲਦੀ ਹੈ ਜੋ ਗੈਰ-ਕਾਨੂੰਨੀ ਜਾਂ ਖਤਰਨਾਕ ਲੱਗਦੀ ਹੈ ਜਾਂ ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਕਿਸੇ ਨੂੰ ਨੁਕਸਾਨ ਜਾਂ ਸਵੈ-ਨੁਕਸਾਨ ਦਾ ਖਤਰਾ ਹੈ, ਤਾਂ ਤੁਰੰਤ ਸਥਾਨਕ ਕਾਨੂੰਨੀ ਅਮਲੀਕਰਨ ਨਾਲ ਸੰਪਰਕ ਕਰੋ ਅਤੇ ਫਿਰ Snapchat ਨੂੰ ਵੀ ਇਸ ਦੀ ਰਿਪੋਰਟ ਕਰੋ। 

ਤੁਸੀਂ ਸਾਡੀਆਂ ਭਾਈਚਾਰਕ ਸੇਧਾਂ ਅਤੇ ਸੇਵਾ ਦੀਆਂ ਮਦਾਂ ਨੂੰ ਪੜ੍ਹ ਸਕਦੇ ਹੋ ਤਾਂ ਜੋ ਇਹ ਜਾਣ ਸਕੋ ਕਿ Snapchat 'ਤੇ ਕਿਹੜੀ ਸਮੱਗਰੀ ਦੀ ਮਨਾਹੀ ਹੈ। ਚੰਗਾ ਨਿਯਮ: ਜੇਕਰ ਤੁਸੀਂ ਜੋ ਕਹਿ ਰਹੇ ਹੋ ਉਹ ਕਿਸੇ ਲਈ ਅਸੁਰੱਖਿਅਤ ਜਾਂ ਨਕਾਰਾਤਮਕ ਤਜ਼ਰਬਾ ਪੈਦਾ ਕਰ ਸਕਦਾ ਹੈ, ਤਾਂ ਇਸ ਨੂੰ ਬਿਨਾਂ ਕਹੇ ਛੱਡ ਦੇਣਾ ਬਿਹਤਰ ਹੈ। 

ਇਸ ਤੋਂ ਇਲਾਵਾ ਜੇਕਰ ਤੁਹਾਨੂੰ Snapchat 'ਤੇ ਕੋਈ ਅਜਿਹੀ ਚੀਜ਼ ਦਿਸਦੀ ਹੈ ਜੋ ਤੁਹਾਨੂੰ ਪਸੰਦ ਨਹੀਂ ਹੈ, ਪਰ ਇਹ ਸਾਡੀਆਂ ਭਾਈਚਾਰਕ ਸੇਧਾਂ ਦੀ ਉਲੰਘਣਾ ਨਹੀਂ ਕਰਦੀ, ਤਾਂ ਤੁਸੀਂ ਗਾਹਕੀ ਛੱਡਣ, ਸਮੱਗਰੀ ਨੂੰ ਲੁਕਾਉਣ, ਜਾਂ ਦੋਸਤੀ ਹਟਾਉਣ ਜਾਂ ਭੇਜਣ ਵਾਲੇ ਨੂੰ ਬਲੌਕ ਕਰਨ ਨੂੰ ਚੁਣ ਸਕਦੇ ਹੋ।

ਕੀ Snapchat 'ਤੇ ਰਿਪੋਰਟ ਕਰਨਾ ਗੁਪਤ ਹੈ? 

ਹਾਂ। ਜਦੋਂ ਤੁਸੀਂ ਰਿਪੋਰਟ ਕਰਦੇ ਹੋ ਤਾਂ ਅਸੀਂ ਹੋਰ Snapchatters (ਰਿਪੋਰਟ ਕੀਤੇ ਖਾਤਾ-ਧਾਰਕ ਸਮੇਤ) ਨੂੰ ਨਹੀਂ ਦੱਸਦੇ ਹਾਂ। ਜੇਕਰ ਅਸੀਂ ਉਨ੍ਹਾਂ ਦੀ ਸਮੱਗਰੀ ਨੂੰ ਹਟਾਉਂਦੇ ਹਾਂ ਜਾਂ ਉਨ੍ਹਾਂ ਦੇ ਖਾਤੇ 'ਤੇ ਕਾਰਵਾਈ ਕਰਦੇ ਹਾਂ ਤਾਂ ਅਸੀਂ ਆਮ ਤੌਰ 'ਤੇ ਰਿਪੋਰਟ ਕੀਤੇ ਖਾਤਾ-ਧਾਰਕ ਨੂੰ ਐਪ ਵਿੱਚ ਅਤੇ/ਜਾਂ ਈਮੇਲ ਰਾਹੀਂ ਸੂਚਿਤ ਕਰਦੇ ਹਾਂ, ਪਰ ਸਾਡੀ ਨੀਤੀ ਉਨ੍ਹਾਂ ਨੂੰ ਤੁਹਾਡੀ ਕੀਤੀ ਰਿਪੋਰਟ ਬਾਰੇ ਸੂਚਿਤ ਨਾ ਕਰਨ ਦੀ ਹੈ, ਭਾਵੇਂ ਉਹ ਸਾਡੇ ਫੈਸਲੇ ਖਿਲਾਫ ਅਪੀਲ ਕਰਦੇ ਹਨ।

ਕੀ ਮੇਰੇ ਵੱਲੋਂ ਗੁਪਤ ਤੌਰ 'ਤੇ ਰਿਪੋਰਟ ਸਪੁਰਦ ਕੀਤੀ ਜਾ ਸਕਦੀ ਹੈ? 

ਹਾਂ। ਸਾਡੀ ਸਹਾਇਤਾ ਸਾਈਟ 'ਤੇ ਰਿਪੋਰਟਿੰਗ ਫਾਰਮ ਉਪਲਬਧ ਹੈ ਜੋ ਤੁਹਾਨੂੰ ਆਪਣਾ ਨਾਮ ਦੇਣ ਦਾ ਵਿਕਲਪ ਦਿੰਦਾ ਹੈ, ਪਰ ਇਸ ਲਈ ਉਸ ਜਾਣਕਾਰੀ ਦੀ ਲੋੜ ਨਹੀਂ ਹੈ। ਫਾਰਮ ਵਿੱਚ ਇਹ ਵੀ ਬੇਨਤੀ ਕੀਤੀ ਜਾਂਦੀ ਹੈ ਕਿ ਤੁਸੀਂ ਆਪਣਾ Snapchat ਵਰਤੋਂਕਾਰ ਨਾਮ ਜਾਂ ਉਸ ਖਾਤੇ ਦਾ ਵਰਤੋਂਕਾਰ ਨਾਮ ਦੇਵੋ ਜਿਸ ਦੀ ਤਰਫੋਂ ਤੁਸੀਂ ਰਿਪੋਰਟ ਕਰ ਰਹੇ ਹੋ ਜਾਂ ਜਿਸ ਦੀ ਤੁਸੀਂ ਰਿਪੋਰਟ ਕਰ ਰਹੇ ਹੋ ਉਸ ਖਾਤੇ ਨਾਲ ਜਿਸ ਰਾਹੀਂ ਗੱਲਬਾਤ ਕੀਤੀ ਗਈ ਹੈ, ਪਰ ਜੇਕਰ ਤੁਸੀਂ ਵਰਤੋਂਕਾਰ ਨਾਮ ਦੇਣਾ ਨਹੀਂ ਚਾਹੁੰਦੇ ਤਾਂ ਤੁਸੀਂ “ਕੋਈ ਵੀ ਨਹੀਂ” ਲਿਖ ਸਕਦੇ ਹੋ। ਕਿਰਪਾ ਕਰਕੇ ਧਿਆਨ ਦਿਓ ਕਿ ਵਰਤੋਂਕਾਰ ਨਾਮ ਨਾ ਦੇਣ ਨਾਲ ਤੁਹਾਡੀ ਰਿਪੋਰਟ ਦੀ ਜਾਂਚ ਕਰਨ ਦੀ ਸਾਡੀ ਯੋਗਤਾ ਸੀਮਿਤ ਹੋ ਸਕਦੀ ਹੈ।

ਤੁਹਾਨੂੰ ਈਮੇਲ ਪਤਾ ਦੇਣਾ ਪਵੇਗਾ ਤਾਂ ਜੋ ਅਸੀਂ ਤੁਹਾਡੀ ਰਿਪੋਰਟ ਬਾਰੇ ਤੁਹਾਡੇ ਨਾਲ ਸੰਪਰਕ ਕਰ ਸਕੀਏ। ਕਿਰਪਾ ਕਰਕੇ ਧਿਆਨ ਦਿਓ ਕਿ ਐਪ ਵਿੱਚ ਗੁਪਤ ਤੌਰ ‘ਤੇ ਰਿਪੋਰਟ ਕਰਨ ਦਾ ਵਿਕਲਪ ਵਿਆਪਕ ਤੌਰ 'ਤੇ ਉਪਲਬਧ ਨਹੀਂ ਹੈ। ਭਾਵੇਂ ਤੁਸੀਂ ਗੁਪਤ ਤੌਰ ‘ਤੇ ਰਿਪੋਰਟ ਕਰਨ ਦਾ ਵਿਕਲਪ ਚੁਣੋ ਜਾਂ ਨਾ ਚੁਣੋ, ਤੁਹਾਡੀ ਰਿਪੋਰਟਿੰਗ ਗੁਪਤ ਰਹੇਗੀ (ਉੱਪਰ “ਕੀ Snapchat 'ਤੇ ਰਿਪੋਰਟ ਕਰਨਾ ਗੁਪਤ ਹੈ?” ਨੂੰ ਦੇਖੋ)।

Snap ਮੇਰੀ ਰਿਪੋਰਟ ਬਾਰੇ ਮੇਰੇ ਨਾਲ ਕਿਵੇਂ ਸੰਪਰਕ ਕਰੇਗਾ? 

ਜਦੋਂ ਤੁਸੀਂ Snapchat 'ਤੇ ਕੋਈ ਸੁਰੱਖਿਆ ਚਿੰਤਾ ਦੀ ਰਿਪੋਰਟ ਕਰਦੇ ਹੋ ਤਾਂ ਤੁਹਾਨੂੰ ਇਹ ਤਸਦੀਕ ਮਿਲਦੀ ਹੈ ਕਿ ਤੁਹਾਡੀ ਰਿਪੋਰਟ ਸਪੁਰਦ ਕਰ ਦਿੱਤੀ ਗਈ ਹੈ। ਅਸੀਂ ਤੁਹਾਡੇ Snapchat ਖਾਤੇ 'ਤੇ ਦਰਜ ਈਮੇਲ ਪਤੇ ਜਾਂ ਉਸ ਈਮੇਲ ਪਤੇ 'ਤੇ ਸੰਪਰਕ ਕਰਾਂਗੇ ਜੋ ਤੁਸੀਂ ਸਾਡੀ ਸਹਾਇਤਾ ਸਾਈਟ ਰਾਹੀਂ ਆਪਣੀ ਰਿਪੋਰਟ ਸਪੁਰਦ ਕਰਨ ਵੇਲੇ ਦਿੱਤਾ ਸੀ। Snapchatters ਆਪਣੀਆਂ ਹਾਲੀਆ ਰਿਪੋਰਟਾਂ ਦੀ ਸਥਿਤੀ ਨੂੰ ਮੇਰੀਆਂ ਰਿਪੋਰਟਾਂ ਵਿਸ਼ੇਸ਼ਤਾ ਰਾਹੀਂ ਵੀ ਵੇਖ ਸਕਦੇ ਹਨ। 

ਮੇਰੀ ਸਪੁਰਦ ਕੀਤੀ ਰਿਪੋਰਟ ਦੀ ਸਮੀਖਿਆ ਕੌਣ ਕਰਦਾ ਹੈ? 

ਸਾਡੀਆਂ ਸੁਰੱਖਿਆ ਟੀਮਾਂ ਅਤੇ ਪ੍ਰਣਾਲੀਆਂ ਤੁਹਾਡੀ ਸਪੁਰਦ ਕੀਤੀ ਰਿਪੋਰਟ ਦੀ ਸਮੀਖਿਆ ਕਰਨ ਲਈ 24/7 ਕੰਮ ਕਰਦੀਆਂ ਹਨ। 

Snap ਦੀਆਂ ਸੁਰੱਖਿਆ ਟੀਮਾਂ ਨੂੰ ਰਿਪੋਰਟ ਦੀ ਸਮੀਖਿਆ ਕਰਨ ਅਤੇ ਫੈਸਲਾ ਲੈਣ ਵਿੱਚ ਕਿੰਨਾ ਸਮਾਂ ਲੱਗੇਗਾ?

ਸਾਡੀ ਸਮੀਖਿਆ ਆਮ ਤੌਰ 'ਤੇ ਕੁਝ ਘੰਟਿਆਂ ਵਿੱਚ ਹੋ ਜਾਂਦੀ ਹੈ, ਪਰ ਕੁਝ ਮਾਮਲਿਆਂ ਵਿੱਚ ਵਧੇਰੇ ਸਮਾਂ ਲੱਗ ਸਕਦਾ ਹੈ।

Snap ਦੀ ਸਮੀਖਿਆ ਦੇ ਕਿਹੜੇ ਸੰਭਾਵਿਤ ਨਤੀਜੇ ਹਨ?

• ਜੇਕਰ ਅਸੀਂ ਇਹ ਤਸਦੀਕ ਕਰਦੇ ਹਾਂ ਕਿ ਰਿਪੋਰਟ ਕੀਤੀ ਸਮੱਗਰੀ ਜਾਂ ਖਾਤਾ Snapchat ਦੀਆਂ ਭਾਈਚਾਰਕ ਸੇਧਾਂ ਜਾਂ ਸੇਵਾ ਦੀਆਂ ਮਦਾਂ ਦੀ ਉਲੰਘਣਾ ਕਰਦਾ ਹੈ, ਤਾਂ ਅਸੀਂ ਸਮੱਗਰੀ ਨੂੰ ਹਟਾ ਸਕਦੇ ਹਾਂ। ਕੁਝ ਮਾਮਲਿਆਂ ਵਿੱਚ ਅਸੀਂ ਖਾਤੇ ਨੂੰ ਲਾਕ ਕਰ ਸਕਦੇ ਹਾਂ ਜਾਂ ਮਿਟਾ ਸਕਦੇ ਹਾਂ ਅਤੇ ਜੇਕਰ ਠੀਕ ਲੱਗੇ ਤਾਂ ਅਥਾਰਟੀਆਂ ਨੂੰ ਉਲੰਘਣਾ ਕਰਨ ਵਾਲੇ ਦੀ ਰਿਪੋਰਟ ਕਰ ਸਕਦੇ ਹਾਂ। ਕੁਝ ਜਨਤਕ ਸਮੱਗਰੀ ਲਈ ਜੇਕਰ ਅਸੀਂ ਆਪਣੀਆਂ ਭਾਈਚਾਰਕ ਸੇਧਾਂ ਜਾਂ ਸੇਵਾ ਦੀਆਂ ਮਦਾਂ ਦੀ ਉਲੰਘਣਾ ਦੀ ਤਸਦੀਕ ਨਹੀਂ ਕਰਦੇ ਪਰ ਇਸਦੇ ਬਜਾਏ ਸਾਡੀਆਂ ਸਮੱਗਰੀ ਸੇਧਾਂ ਦੀ ਉਲੰਘਣਾ ਦੀ ਪਛਾਣ ਕਰਦੇ ਹਾਂ, ਤਾਂ ਅਸੀਂ ਇਸ ਨੂੰ ਹਟਾਉਣਾ, ਵੰਡ ਨੂੰ ਸੀਮਿਤ ਕਰਨਾ, ਮੁਅੱਤਲ ਕਰਨਾ, ਇਸ ਦਾ ਪ੍ਰਚਾਰ ਨਾ ਕਰਨਾ ਜਾਂ ਇਸ ਦੀ ਉਪਲਬਧਤਾ ਨੂੰ ਤੈਅ ਉਮਰ ਤੱਕ ਸੀਮਿਤ ਕਰਨ ਸਮੇਤ ਸਮੱਗਰੀ ਦੇ ਵਿਰੁੱਧ ਕਾਰਵਾਈ ਕਰ ਸਕਦੇ ਹਾਂ। Snapchat 'ਤੇ ਅਮਲੀਕਰਨ ਬਾਰੇ ਵਾਧੂ ਜਾਣਕਾਰੀ ਇੱਥੇ ਉਪਲਬਧ ਹੈ।

• ਜੇਕਰ ਅਸੀਂ ਆਪਣੀਆਂ ਨੀਤੀਆਂ ਜਾਂ ਸੇਵਾ ਦੀਆਂ ਮਦਾਂ ਦੀ ਉਲੰਘਣਾ ਦੀ ਪਛਾਣ ਨਹੀਂ ਕਰਦੇ ਤਾਂ ਅੱਗੇ ਕੋਈ ਕਾਰਵਾਈ ਨਹੀਂ ਕੀਤੀ ਜਾਂਦੀ ਹੈ।

• ਕਿਸੇ ਵੀ ਸਥਿਤੀ ਵਿੱਚ ਅਸੀਂ ਤੁਹਾਨੂੰ ਆਪਣੇ ਫੈਸਲੇ ਬਾਰੇ ਸੂਚਿਤ ਕਰਾਂਗੇ।

ਮੈਂ Snapchat 'ਤੇ ਕੁਝ ਰਿਪੋਰਟ ਕੀਤਾ ਸੀ ਪਰ ਇਸ ਨੂੰ ਹਟਾਇਆ ਨਹੀਂ ਗਿਆ। ਅਜਿਹਾ ਕਿਉਂ ਹੋਇਆ? 

ਸਾਰੀ ਰਿਪੋਰਟ ਕੀਤੀ ਸਮੱਗਰੀ ਨੂੰ ਹਟਾਇਆ ਨਹੀਂ ਜਾਂਦਾ ਹੈ। ਅਸੀਂ ਅਜਿਹੀ ਸਮੱਗਰੀ ਨੂੰ ਹਟਾਉਂਦੇ ਹਾਂ ਜੋ ਸਾਡੀਆਂ ਭਾਈਚਾਰਕ ਸੇਧਾਂ ਜਾਂ ਸੇਵਾ ਦੀਆਂ ਮਦਾਂ ਸਮੇਤ ਸਾਡੀਆਂ ਨੀਤੀਆਂ ਦੀ ਉਲੰਘਣਾ ਕਰਦੀ ਹੈ। ਜੇਕਰ ਤੁਹਾਨੂੰ ਅਜਿਹੀ ਸਮੱਗਰੀ ਦਿੱਖਦੀ ਹੈ ਜੋ ਤੁਹਾਨੂੰ ਪਸੰਦ ਨਹੀਂ ਹੈ, ਪਰ ਸਾਡੀਆਂ ਨੀਤੀਆਂ ਜਾਂ ਸੇਵਾ ਦੀਆਂ ਮਦਾਂ ਦੇ ਅਨੁਸਾਰ ਇਸ ਦੀ ਇਜਾਜ਼ਤ ਹੈ, ਤਾਂ ਤੁਸੀਂ ਸਮੱਗਰੀ ਨੂੰ ਲੁਕਾ ਕੇ ਜਾਂ ਭੇਜਣ ਵਾਲੇ ਨੂੰ ਬਲੌਕ ਕਰਕੇ ਜਾਂ ਹਟਾ ਕੇ ਇਸ ਨੂੰ ਦੇਖਣ ਤੋਂ ਬਚ ਸਕਦੇ ਹੋ।