Linji Gwida Komunitarji

• Aħna nipprojbixxu kwalunkwe attività li tinvolvi sfruttament jew abbuż sesswali ta' minorenni, inkluż il-kondiviżjoni ta' immaġnijiet ta' sfruttament jew abbuż sesswali tat-tfal; grooming għal skopijiet sesswali; estorsjoni sesswali (sesstorsjoni); jew tentattivi biex tipperswadi, tqarraq, jew tisforza minorenni bl-intenzjoni ta' abbuż jew sfruttament sesswali. Nipprojbixxu wkoll l-estorsjoni sesswali (sesstorsjoni), jew is-sesswalizzazzjoni tat-tfal. Nirrapportaw l-istanzi kollha identifikati ta’ sfruttament sesswali tat-tfal lill-awtoritajiet, inklużi tentattivi biex wieħed jidħol f’imġiba bħal din. Qatt tippubblika, tissejvja, tibgħat, tgħaddi, tqassam, jew titlob kontenut ta' persuni għarwenin jew sesswalment espliċiti li jinvolvu lil xi ħadd li għandu inqas minn 18-il sena (dan jinkludi li tibgħat jew tissejvja tali ritratti tiegħek stess) 

• Aħna nipprojbixxu l-promozzjoni, id-distribuzzjoni, jew il-kondiviżjoni ta' kontenut pornografiku, inkluż immaġni sesswali mhux mitluba (bħal cyberflashing), kif ukoll attivitajiet kummerċjali li għandhom x'jaqsmu mal-pornografija jew interazzjonijiet sesswali (kemm fuq l-internet kif ukoll fil-ħajja ta' vera).

• It-treddigħ u xbihat oħra ta’ nudità f’kuntesti mhux sesswali huma ġeneralment permessi, sakemm ma jiġux ippubblikati mingħajr il-kunsens tal-persuna.

• L-inkoraġġiment jew l-involviment f'imġieba vjolenti jew perikoluża huwa pprojbit. Qatt m'għandek tintimida jew thedded li tagħmel ħsara lil persuna, grupp ta' nies jew il-proprjetà ta' xi ħadd.

• Kontenut li juri vjolenza bla bżonn jew vjolenza grafika, inkluż abbuż fuq l-annimali, mhux permess.

• Rappreżentazzjonijiet grafiċi ta’ korriment serju (kemm jekk reali kif ukoll realistiku) lil bnedmin jew annimali mhumiex permessi, ħlief fil-kuntest ta’ kopertura tal-aħbarijiet (pereżempju, rappurtar minn żoni ta’ gwerra — u anke f’każijiet bħal dawn, inħeġġu li ħsara grafika tiġi mċajpra).

• Ma nippermettux il-glorifikazzjoni, l-inkoraġġiment, jew l-għajnuna ta kif wirhed iwegga għall-ħsara fuq il-persuna nnifisha, inkluż il-promozzjoni tal-ħsara fuq il-persuna nnifisha, is-suwiċidju, id-disturbi fl-ikel, jew forom oħra ta' ħsara serja fuq il-persuna nnifisha.

• Aħna nipprojbixxu l-użu tal-pjattaforma tagħna biex nappoġġjaw organizzazzjonijiet terroristiċi, estremisti vjolenti, jew gruppi ta' mibegħda. Nipprojbixxu wkoll kontenut li jappoġġja, jigglorifika, ifaħħar, jew jippromwovi t-terroriżmu, l-estremiżmu vjolenti, jew il-mibegħda.

• Diskors jew kontenut ta' mibegħda li jabbuża, jumilja, jimmalafama, jippromwovi d-diskriminazzjoni jew il-vjolenza, jew jinċita l-mibegħda abbażi ta' razza, kulur, kasta, etniċità, oriġini nazzjonali, reliġjon, orjentazzjoni sesswali, sess, identità jew assenjazzjoni mill-ġdid tal-ġeneru, diżabilità, status ta' veteran, status ta' immigrazzjoni, età, piż, jew status ta' tqala huwa pprojbit.
  

• Aħna nipprojbixxu l-bullying u l-fastidju. Jekk xi ħadd jimblokkak, ma tistax tikkuntattjahom minn kont Snapchat ieħor.

• Aħna nqisu l-fastidju bħala kwalunkwe mġiba mhux mixtieqa li tikkawża li persuna ordinarja tesperjenza tbatija emozzjonali, inkluż tgħajjir, umiljazzjoni, tixrid ta’ xnigħat, xewqat li ssir ħsara lil ħaddieħor, kondiviżjoni ta’ immaġni umiljanti (inkluż immaġnijiet manipulati jew iġġenerati mill-IA), jew kuntatt ripetut u mhux mixtieq.

• Nipprojbixxu wkoll il-kondiviżjoni mhux kunsenswali ta' kontenut, immaġnijiet jew informazzjoni privata ta' persuna oħra, inkluż il-kondiviżjoni ta' informazzjoni personalment identifikabbli (PII) jew screenshots jew ir-reġistrazzjoni ta' konversazzjonijiet privati.

• Aħna nipprojbixxu wkoll il-kondiviżjoni ta' informazzjoni privata jew identifikabbli ta' persuna oħra għall-iskop ta' fastidju (jiġifieri, "doxxing").

• L-użu ta' Snapchat biex tieħu sehem f'attività illegali jista' jirriżulta fit-terminazzjoni tal-kont, u jista' jkun reat! Tużax Snapchat biex tieħu sehem f'attività illegali, tinkoraġġiha, jew tigglorifikaha.

• Aħna nipprojbixxu l-iffaċilitar jew il-parteċipazzjoni fit-traffikar tal-bnedmin, kif ukoll il-promozzjoni ta' gruppi kriminali, kriminalità organizzata, jew reklutaġġ għal attività kriminali.

• Aħna nipprojbixxu l-glorifikazzjoni, il-bejgħ, jew id-distribuzzjoni ta' drogi illeċiti (inklużi mediċini bir-riċetta li huma abbużati b'mod komuni, bħal opjojdi, barbiturati, u anfetamini).

• Aħna nipprojbixxu l-bejgħ jew id-distribuzzjoni ta' drogi regolati (inklużi drogi bir-riċetta) u sustanzi.

• Aħna nipprojbixxu l-bejgħ jew il-promozzjoni ta' armi (inklużi logħob tan-nar jew splussivi), kif ukoll id-deskrizzjoni ta' użu traskurat jew irresponsabbli ta' armi.

• Aħna nipprojbixxu l-promozzjoni ta' ċerti oġġetti jew attivitajiet li ħafna drabi huma regolati. Dan jinkludi t-tentattiv ta' bejgħ jew promozzjoni ta' oġġetti regolati bħat-tabakk, l-alkoħol, prodotti tal-vape. Aħna nipprojbixxu wkoll il-bejgħ, il-faċilitazzjoni, jew il-promozzjoni ta' servizzi u attivitajiet regolati, bħall-offerta ta' self finanzjarju jew prodotti jew servizzi finanzjarji oħra, jew il-promozzjoni ta' servizzi tal-logħob tal-azzard (inklużi websites tal-imħatri, apps tal-logħob tal-azzard, servizzi ta' pariri jew tbassir, jew kodiċijiet ta' riferiment).

• Ma naċċettawx kontenut li jxerred informazzjoni falza li tagħmel il-ħsara jew li hi qarrieqa bħal, ngħidu aħna, iċ-ċaħda li avvenimenti traġiċi qatt seħħew, stqarrijiet dwar is-saħħa u l-mediċina mingħajr provi, kontenut li jxekkel l-integrità tal-proċessi ċiviċi jew manipulazzjoni tal-kontenut għal għanijiet qarrieqa jew giddieba (kemm permezz tal-IA ġenerattiv, kif ukoll b'bidliet qarrieqa).

• Ma naċċettawx li tagħmilha tabirruħek li int xi ħadd (jew xi ħaġa) li m'intix, jew li tipprova tqarraq bin-nies dwar l-identità tiegħek. Dan ifisser li ma tistax tagħmilha tabirruħek li int xi ħadd minn sħabek, xi persuna famuża, xi persuna magħrufa sew fil-ħajja pubblika, xi ditta jew nies jew għaqdiet oħra għal għanijiet mhux satiriċi li jagħmlu l-ħsara.

• Ma naċċettawx li l-pjattaforma tagħna tintuża għall-ispam, li tħallas biex tixtri s-segwaċi, li tmexxi xi skema biex tikseb iktar segwaċi, li tirreklama apps mhux mixtieqa jew li tirriklami skemi ta' tiswiq multilevel jew skemi piramidi.

• Ma naċċettawx qerq u mġibiet qarrieqa oħra fosthom kontenut sponsorizzat bil-flus fejn il-pubbliku ma jkunx mgħarraf bil-ħlas li sar, riklami ta' oġġetti jew servizzi qarrieqa fosthom dokumenti, ċertifikati jew prodotti foloz, skemi biex tagħmel il-flus malajr jew xi ħadd jagħmilha tabirruħu Snapchat jew Snap Inc.

Tista' tissottometti rapport lit-timijiet tas-sigurtà tagħna billi tuża l-faċilitajiet għar-rappurtar fl-app tagħna jew billi timla din il-formola, li tippermettilek tirrapporta tħassib kemm jekk għandek kont ta' Snapchat kif ukoll jekk le. Aħna nirrevedu dawn ir-rapporti biex niddeterminaw ksur ta' dawn il-linji gwida. L-aħjar mod u l-aktar mod effiċjenti biex tirrapporta tħassib potenzjali dwar sigurtà lit-timijiet tas-sigurtà tagħna huwa permezz tal-faċilità għar-rappurtar fl-app ta' Snapchat.

Ir-residenti ta’ ċerti ġurisdizzjonijiet (pereżempju, l-UE jew ir-Renju Unit) jista’ jkollhom ukoll għażliet addizzjonali biex jirrappurtaw kontenut li jemmnu li huwa illegali. Tista' ssib aktar informazzjoni fuq is-Sit ta' Appoġġ tagħna.

Jekk tikser dawn il-Linji Gwida tal-Komunità, nistgħu nneħħu l-kontenut offensiv, intemmu jew nillimitaw il-viżibilità tal-kont jew tal-kontenut tiegħek, nillimitaw l-aċċess tiegħek għal ċerti faċilitajiet fuq Snapchat, ninnotifikaw lill-forzi tal-ordni, u/jew nieħdu passi tekniċi biex nipprevjenu li int toħloq jew tuża kont ieħor. Il-politika tagħna hi li nirreferu l-informazzjoni lill-forzi tal-ordni, potenzjalment billi ninkludu kontenut rilevanti u data oħra tal-kont, meta nemmnu li attività toħloq theddida imminenti għall-ħajja tal-bniedem. Jekk il-kont tiegħek jiġi diżattivat talli ksirt dawn il-linji gwida, m'intix permess li terġa' tuża Snapchat mingħajr il-permess tagħna. Sir af aktar fl-ispjegazzjoni tal-Filtrazzjonitagħna.

Snap għandha l-jedd li tneħħi jew tillimita l-aċċess għall-kont ta' l-utenti fejn għandna raġuni li nemmnu, kif jidhrilna aħna, li huma ta' ħsara għall-oħrajn, kemm fuq Snapchat kif ukoll barra minn Snapchat. Fost dawn hemm nies li nstabu ħatja ta' reati sesswali, il-mexxejja ta' gruppi ta' mibegħda jew għaqdiet terroristiċi, nies li jkebbsu l-vjolenza jew li jwettqu ħsarat kbar lil ħaddieħor, jew li jġibu ruħhom b'mod li nemmnu li hu ta' theddida għall-ħajja tal-bniedem. Aħna u nqisu dix-xorta ta' mġiba u nqisu jekk għandniex inneħħu jew nillimitaw l-aċċess għall-kont, nistgħu nqisu xi jgħidu sorsi oħra bħala gwida, bħal, ngħidu aħna, l-esperti fis-suġġett jew il-forzi tal-ordni.

Jekk jogħġbok, żur iċ-Ċentru tas-Sigurtà tagħna għal iktar informazzjoni dwar is-sigurtà u l-benesseri fuq Snapchat. Hemm tista' ssib istruzzjonijiet dettaljati fuq kif tieħu ħsieb l-esperjenza tiegħek fuq Snapchat, fosthom kif tibdel l-għażliet tal-privatezza tiegħek, tagħżel min jista' jara l-kontenut li ttella' u kif timblokka utenti oħra.