Attivitajiet Illegali jew Regolati
Sensiela ta' Taħriġ dwar ir-Regoli tal-Komunità
Aġġornati: Frar 2025
Ħarsa ġenerali
Il-fatt li aħna nipprojbixxu kull għemil illegali jew li hu marbut ma' għemil li jeħtieġ liċenzja jirrifletti kemm aħna tassew ddedikati għall-impenn li nħarsu għas-sigurtà fuq Snapchat. Dar-regoli mhux biss qed jgħinuna niżguraw li l-pjattaforma tagħna ma tintużax b'mod ħażin għal għanijiet illegali, imma jgħinuna wkoll nħarsu lill-iSnapchatters mir-riskji ta' ħsara serja. Biex inkomplu navanzaw f'dawn l-għanijiet, aħna nissieħbu ma' għadd ta' partijiet interessati fil-qasam tas-sigurtà, għaqdiet indipendenti u ma' għaqdiet tal-infurzar tal-liġi biex nipprovdu lill-komunità tagħna b'riżorsi edukattivi u biex inrawmu s-sigurtà pubblika b'mod ġenerali.
Anki jekk il-liġijiet u r-regolamenti mhumiex l-istess bejn ġurisdizzjoni u oħra madwar id-dinja — u Snapchat hija komunità dinjija — il-politiki tagħna ġeneralment jipprojbixxu kwalunkwe għemil li jhedded is-sigurtà pubblika jew li jikser il-jeddijiet umani, il-liġijiet tal-Istati Uniti tal-Amerka jew il-liġijiet tal-pajjiż fejn ikun jinsab l-utent.
Fil-każijiet kollha, għemil illegali li hu pprojbit jinkludi r-reklamar ta' għemil kriminali; l-għajnuna jew is-sehem f'reati diġitali; u x-xiri, il-bejgħ jew l-għajnuna fil-bejgħ ta' sustanzi illegali jew li jeħtieġu permess tal-liġi, kutrabandu, armi jew prodotti jew dokumenti foloz.
X'għandek tistenna
Ir-regoli tagħna jipprojbixxu dawn li ġejjin:
Tuża Snapchat għal kwalunkwe għemil lillegali. Dan jinkludi li tirriklama, tgħin jew tieħu sehem f'attività kriminali, bħax-xiri, il-bejgħ, it-tpartit jew l-għajnuna fil-bejgħ ta' sustanzi illegali jew li jeħtieġu permess bil-liġi, kutrabandu (bħal xbihat li juru l-isfruttament jew l-abbuż sesswali fuq it-tfal), annimali fil-periklu tal-estinzjoni, armi, jew prodotti jew dokumenti foloz. Jinkludi wkoll li tirriklama jew li tgħin fi kwalunkwe xorta ta' sfruttament, fosthom it-traffikar uman jew it-traffikar uman għal għanijiet sesswali.
Ir-riklami llegali ta' prodotti jew industriji li jeħtieġu liċenzja. Eżempji ta' attivitajiet li jeħtieġu liċenzja li jeħtieġu permess minn qabel mingħand Snapchat jinkludu kontenut li jiffaċilita attivitajiet ta' logħob tal-azzard fuq l-internet; il-bejgħ tax-xorb alkoħoliku; it-tabakk jew il-prodotti tas-sigaretti tal-fwar; u r-riklami tan-negozji tat-THC. In-negozji huma mħeġġa biex jaqraw dal-materjal għall-gwida dwar kummerċ u attivitajiet ta' reklamar xierqa fuq Snapchat.
Aħna impenjati li niżguraw li l-iSnapchatters ikollhom kemm jista' jkun informazzjoni dwar ix-xorta ta' mġiba u għemil fuq l-internet li jista' jikser il-liġi u jkun ta' riskju serju għas-sigurtà tagħhom. Grazzi għas-sħubiji ma' għaqdiet mingħajr skop ta' qligħ u għall-ħidma id f'id ma' għadd ta' esperti fil-qasam tas-sigurtà, aħna nippruvaw inkabbru l-għarfien dwar għemil riskjuż u dwar kif l-iSnapchatters jistgħu jħarsu rwieħhom. Fosthom hemm ir-riżorsi fl-app, bħal Here For You u Heads Up, kif ukoll is-sħubiji ma' għaqdiet oħr.. Aħna naħdmu wkoll ma' aġenziji tal-infurzar tal-liġi biex nimxu mal-proċessi legali meħtieġa b'rabta mal-għemil fuq Snapchat li jista' jkun prova ta' xi reat.
Punti Ewlenin
Li nagħtu sehemna biex inrawmu s-sigurtà pubblika u biex inħarsu lill-iSnapchatters minn għemil li hu potenzjalment illegali jew ta' ħsara hija responsabbiltà li nieħdu b'serjetà kbira.
Aħna u nkomplu b'din il-ħidma, aħna impenjati li nipprovdu dettalji trasparenti dwar il-kisbiet fil-ħidma tagħna. Aħna naqsmu dil-informazzjoni pajjiż b'pajjiż fir-Rapporti tat-Trasparenza tagħna fejn nuru l-azzjonijiet li ħadna b'rabta mal-attività illegali jew li teħtieġ permess tal-liġi. Biex nipprovdu dettall addizzjonali dwar il-ħidma tagħna, qsamna d-dejta dwar x'qed nagħmlu u kif nirrappurtaw ix-xorta ta' vjolazzjonjiet relatati ma' sustanzi illegali u armi fir-Rapport tat-Trasparenza tagħna, u fil-ġejjieni beħsiebna nagħtu iktar dettalji dwar dax-xorta ta' vjolazzjonjiet.
Aħna nħeġġu lill-utenti jirrappurtaw kull għemil li jmur kontra l-liġi li jħabbtu wiċċhom miegħu biex jgħinuna nżommu l-pjattaforma ta' Snapchat post sigur u addattat għal kulħadd. Aħna dejjem infittxu opportunitajiet biex intejbu l-ħila tagħna li nilqgħu kontra l-kontenut u l-imġiba li jistgħu jagħmlu l-ħsara u aħna impenjati li naħdmu ma' għadd ta' esperti mill-komunità tas-sigurtà biex niżguraw li qed navanzaw dawn l-għanijiet b'mod responsabbli. Jekk jogħġbok żur iċ-Ċentru tal-Privatezza u s-Sigurtà u l-Politiki tagħna għal iktar informazzjoni dwar il-ħidma tagħna b'rabta mas-sigurtà.
Kontenut ta' Mibegħda, Terroriżmu u Estremiżmu Vjolenti