Snap Values
Community Guidelines

Pangha-harass at Bullying

Explainer Series ng Community Guidelines

Na-update: Marso 2026

Pangkalahatang Ideya

Ang bullying at pangha-harass ay salungat sa values ng Snapchat. Pwedeng magkaroon ng maraming anyo ang mga pinsalang ito, kaya gumagamit kami ng multifaceted na diskarte para tulungang labanan ang mga ito. Kasama sa patakaran at pagpapatupad namin, gumagamit kami ng mga pagpapagaan sa kaligtasan ng product at nagbibigay ng mga mapagkukunan sa mga gumagamit.

Bilang panimulang bagay, ipinagbabawal ng aming mga patakaran ang content at gawi na nanunukso, nagpapahiya, o nang-iinsulto sa isang tao batay sa kanilang pisikal na anyo, personalidad, talino, o personal na katangian, pati na rin ang paulit-ulit na pang-aabuso o hindi gustong pakikipag-ugnayan. Ipinagbabawal din namin ang pagbabahagi ng pribadong impormasyon o larawan ng isang tao nang wala silang kaalaman o pahintulot-- lalo na ang mga miyembro ng vulnerable na populasyon kabilang ang mga minor-de-edad, walang tirahan, o ang mga nasa medikal o mga assisted-living na facility o nursing homes.

Bilang karagdagan sa patuloy na pagpapatupad ng mga patakarang ito, ginagamit namin ang aming disenyo ng produkto upang makatulong na limitahan ang mapaminsalang gawi na maaaring lumalabag sa mga panuntunang ito. Halimbawa, gumagamit kami ng mga default na setting na kailangan parehong tanggapin ng magkaibigan ang connection bago sila makapag-chat sa isa't isa.


Ipinagbabawal na Gawi

Kasama sa mga paglabag sa mga patakaran namin sa pangha-harass at pambu-bully ang anumang hindi gustong pag-uugali na puwedeng magdulot ng emosyonal na pagkabalisa sa ordinaryong tao. Ipinagbabawal namin ang mga sumusunod: 

  • Pag-post ng content na nanlalait, nagpapahiya, nagpapababa ng dangal, nagdudulot ng stigma, o nangmamaliit ng isang tao batay sa kanilang pisikal na anyo, pesonalidad, talino, o personal na katangian, kabilang ang agresibo o pagbibigay ng bastos na palayaw.

  • Pagkakalat ng tsismis, kabilang ang mga account na nakatuon sa anonymous na pambu-bully o pamamahiya ng mga indibidwal. 

  • Panlalait sa mga biktima ng karahasan, kamatayan, o trahedya o ang paghiling ng karahasan, kamatayan, o trahedya sa ibang partido. 

  • Pag-anyaya sa pangha-harass ng ibang tao sa pamamagitan ng pagbabahagi ng personal o makikilalang impormasyon at naghihikayat na i-harass ang taong iyon (hal., "doxxing"). 

  • Pagbabahagi ng manipuladong larawan ng ibang tao (kabilang ang AI-generated, ginawa digitally, manipulado, iginuhit na larawan (gaya ng mga cartoon o edited na sticker) para sa layuning mamahiya. 

  • Paulit-ulit, hindi gustong pakikipag-ugnayan, kabilang ang paggamit ng bagong account para i-contact ang isang tao matapos silang i-block o hilingin na huwag na makipag-ugnayan. 

Pinapayagan ng Snap ang komentaryo at kritisismo ng mga pampublikong personalidad na 18 taong gulang o mas matanda, basta walang kasamang diskriminasyon, pangha-harass, o panawagan ng karahasan o pinsala ang nasabing content. 

Inaasahan naming igagalang ng mga user ang pribadong buhay ng iba. Ipinagbabawal ng Snap ang mga sumusunod:

  • Pagbabahagi ng pribado o personal na makikilalang impormasyon (personally identifiable information o PII) ng ibang tao. 

  • Pagbabahagi ng pribadong content, kabilang ang mga screenshot o recording ng pribadong larawan o usapan. 

  • Pagbabahagi ng content na nagtatampok ng mga vulnerable na tao na posibleng hindi makapagbigay ng pahintulot para makuhanan o ibahagi ang kanilang content, kabilang ang mga menor-de-edad, walang tirahan, taong may mababang mental na kapasidad, at ang mga nasa medical facility, nursing home, o assisted living facility.  

Ang aming mga pagsisikap na protektahan ang mga user


Nilalayon naming balansehin ang kaligtasan at privacy sa aming pamamaraan sa pagprotekta sa mga user. Gumagamit kami ng kombinasyon ng mga automated na tool at pagsusuri ng tao para pigilan ang mga user na malantad sa pangha-harass o pambu-bully sa mga pampublikong surface (gaya ng Spotlight, Public Stories at Maps).

Binuo namin ang Snapchat para kumonekta sa mga tunay na kaibigan at limitahan ang hindi gustong exposure. Bilang default, makakatanggap lang ang mga user ng mga mensahe mula sa mga taong idinagdag nila bilang kaibigan. Puwede ring gawing pribado ng mga user ang kanilang mga profile at i-block ang mga user para hindi sila makita o ma-contact. Para sa mga user na wala pang 18 taong gulang, pribado ang mga profile bilang default, at para sa mga user na wala pang 16 na taong gulang, maaari lang itakda sa pribado ang mga profile. 

Hinihikayat namin ang mga user na mag-ulat kapag nakaranas o nakakita sila ng mga paglabag sa panuntunang ito. Nagsasagawa kami ng pamamaraang nakasentro sa biktima kapag sinusuri ang pangha-harass at pambu-bully sa pamamagitan ng pagsasaalang-alang kung nakikita ng isang user ang isang sitwasyon bilang pambu-bully o pangha-harass kapag sila ang target ng naturang pag-uugali. Nilalayon ng aming mga moderation team na tiyaking nararamdaman ng bawat user na ligtas at komportable sila sa paggamit ng Snapchat.

Takeaway

Ipinagbabawal namin ang pangha-harass at pambu-bully. Gusto naming maging ligtas ang mga user habang ginagamit ang Snapchat. Kung sakaling hindi ka kumportable, huwag mag-atubiling mag-send sa amin ng report at i-block ang ibang user––ibinigay ang mga feature na ito para sa kaligtasan mo. Sa pamamagitan ng aming portal na Here for You , tinutulungan naming siguruduhin na may access ang mga user sa mga in-app na resource at impormasyon para matulungan na makilala at matugunan ang pambu-bully at pangha-harass. Nagbibigay rin kami ng mga tool para mapadali ang madaling pag-uulat ng anumang lumalabag na pag-uugali sa Snapchat.

Magkaroon ng konsiderasyon sa dignidad at privacy ng mga tao––kung nagpahayag sila ng discomfort, igalang ang kanilang mga hangganan. Kung hihilingin nilang tanggalin mo ang content tungkol sa kanila, gawin ito, at sa pangkalahatan, iwasang magbahagi ng mga larawan o impormasyon tungkol sa ibang tao nang wala nilang pahintulot.