Sa ibaba, isinama namin ang mga kahulugan ng mga salitang karaniwang ginagamit, mga patakaran, at mga kasanayan sa pagpapatakbo na tinalakay sa aming transparency report.


Sekswal na Content: Tumutukoy sa promotion o pagbabahagi ng sekswal na paghuhubad, pornograpiya, o komersiyal na serbisyong sekswal. Para sa karagdagang impormasyon, tingnan ang paliwanag namin tungkol sa Sekswal na Content. Tandaan, para sa mga layunin ng aming mga transparency report, tinutukoy at sinusubaybayan namin ang data kaugnay ng Sekswal na Pananamantala at Pang-aabuso sa Bata nang hiwalay mula sa iba pang uri ng Sekswal na Content. 


Pangha-harass at Pambu-bully: Tumutukoy sa anumang hindi gustong pag-uugali na posibleng maging dahilan para makaranas ang isang ordinaryong tao ng emosyonal na pagkabalisa, gaya ng berbal na pang-aabuso. Para sa iba pang impormasyon, basahin ang aming paliwanag tungkol sa Pangha-harass at Pambu-bully.


Mga Banta at Karahasan: Tumutukoy sa content na nagpapahayag ng intensyong magdulot ng malalang pisikal o emosyonal na pinsala. Tumutukoy ang karahasan sa anumang content na sumusubok na mag-udyok, magluwalhati, o maglarawan sa karahasan sa tao, pang-aabuso sa hayop, pagdanak ng dugo, o graphic na imahe. Para sa iba pang impormasyon, basahin ang aming paliwanag tungkol sa Mga Banta, Karahasan, at Pinsala.


Pananakit sa Sarili at Pagpapakamatay: Tumutukoy sa pagpuri sa pananakit sa sarili, kasama na ang pagsusulong ng pamiminsala sa sarili, pagpapakamatay, o mga problema sa pagkain. Para sa karagdagang impomasyon, tingnan ang paliwanag namin tungkol sa Mga Banta, Karahasan at Pinsala.


Maling impormasyon: kabilang ang mali o mapanlinlang na content na nagdudulot ng pinsala o mapanlinlang, tulad ng pagtatatwa na may nangyaring trahedya, mga medikal na pahayag na walang ebidensya o pagkuwestyon sa integridad ng mga pangsibikong proseso, o pagmanipula ng content para sa mga mali o mapanlinlang na layunin, kabilang ang paggamit ng AI o mapanlinlang na pag-edit. Para sa karagdagang impormasyon, tingnan ang paliwanag namin tungkol sa Mapaminsalang Kasinungalingan o Mapanlinlang na Impormasyon.


Pagpapanggap: Nangyayari kapag nagpapanggap ang isang account na nauugnay ito sa ibang tao o brand. Para sa karagdagang impormasyon, tingnan ang paliwanag namin tungkol sa Mapaminsalang Kasinungalingan o Mapanlinlang na Impormasyon.


Spam: Tumutukoy ang Spam sa mga hindi hinihinging message o walang kaugnayan na ibinahaging content na posibleng magdulot ng mapaminsalang kalituhan o maging panganib o abala sa mga lehitimong user. Kasama rin dito ang mga halimbawa ng Panloloko. Para sa karagdagang impormasyon, tingnan ang paliwanag namin tungkol sa Mapaminsalang Kasinungalingan o Mapanlinlang na Impormasyon.


Droga: Tumutukoy sa pamamahagi at paggamit ng mga ilegal na gamot (kabilang ang mga pekeng gamot), at ibang ipinagbabawal na aktibidad na may kinalaman sa mga droga. Para sa karagdagang impormasyon, tingnan ang paliwanag namin tungkol sa mga Ilegal o Nililimitahang Aktibidad.


Mga Armas: Tumutukoy sa mga kagamitan na idinisenyo o ginagamit para makapatay, makasakit o iba pang pisikal na pamiminsala. Para sa karagdagang impormasyon, tingnan ang paliwanag namin tungkol sa mga Ilegal o Nililimitahang Aktibidad.


Iba pang Nililimitahang Produkto: Tumutukoy sa pag-promote ng mga nililimitahang produkto o industriya, kabilang ang ilegal na pagsusugal, mga tobacco product, at alak. Kabilang rin sa kategoryang ito ang mga ilegal o mapanganib na aktibidad, na posibleng mag-promote o manghikayat ng mga kriminal na gawi o magdulot ng seryosong panganib sa buhay, kaligtasan o kapakanan ng isang tao
. Para sa karagdagang impormasyon, tingnan angpaliwanag namin tungkol sa mga Ilegal o Nililimitahang Aktibidad.


Mapanirang Salita: Tumutukoy sa content na nangmamaliit, naninira o nagpo-promote ng diskriminasyon o karahasan sa isang tao o grupo ng mga tao batay sa kanilang lahi, kulay, antas sa lipunan, ethnicity, bansang pinagmulan, relihiyon, sexual orientation, gender identity, kapansanan, veteran status, immigration status, socio-economic status, edad, timbang o pagiging buntis. Para sa karagdagang impormasyon, tingnan ang paliwanag namin tungkol sa Mapanirang Content, Terorismo, at Marahas na Extremism.


Sekswal na Pananamantala at Pang-aabuso sa Bata: Tumutukoy sa content na naglalaman ng anumang uri ng sekswal na pananamantala at pang-aabuso sa bata, kabilang ang larawan ng sekswal na pananamantala at pang-aabuso sa bata (CSEAI) at grooming o panghihikayat sa menor-de-edad para sa anumang sekswal na layunin. Iniuulat namin ang lahat ng natukoy na halimbawa ng sekswal na pananamantala at pang-aabuso sa bata sa mga awtoridad. Para sa higit pang impormasyon, paki-review ang aming tagapagpaliwanag sa Sekswal na Content.

Terorismo & Marahas na Extremism : Tumutukoy sa content na nagpo-promote or sumusuporta sa terorismo o iba pang marahas, gawaing kriminal na ginagawa ng mga indibiduwal at/o mga grupo na may layuning pang-ideolohiya, tulad ng pampulitika, relihiyon, panlipunan, lahi, kapaligiran. Kabilang dito ang anumang content na nagpo-promote o sumusuporta sa anumang dayuhang terroristang organisasyon o mararahas na extremist na group, pati na rin ang content na nagsusulong ng recruitment para sa mga organisasyon o mararahas na mga aktibidad ng mga extremist. Para sa iba pang impormasyon, basahin ang aming paliwanag tungkol sa Mapoot na Content, Terorismo, at Marahas na Extremism.


Mga Report ng Content at Account: Kabuuang dami ng content na ni-report at mga account na ni-report sa Snap gamit ang aming reporting menu sa app. Tandaan na kabilang sa content ang mga larawan, video at chat.


Pagpapatupad (Naipatupad) Isang aksyon na ginagawa laban sa isang content o account (hal. pag-delete, pagibigay babala, pag-lock). Tandaan na kabilang sa content ang mga larawan, video, at chat. Posibleng aksyunan ang mga nai-report na paglabag sa content ng mga human agent o automation (kung saan posible ang high-precision automation).


Kabuuang Content na Pinatawan: Ang kabuuang bilang ng content (hal. Snaps, Stories) na inaksyunan sa Snapchat.


Kabuuan ng Mga Natatanging Accont na Pinatawan: Ang kabuuang bilang ng mga natatanging account na pinatawan sa Snapchat. Halimbawa, kung pinatawan ang isang account nang maraming beses para sa iba't ibang dahilan (hal. binalaan ang user para sa pagpo-post ng maling impormasyon, at pagkatapos, ini-lock ang kanyang account para sa pangha-harass sa ibang user), isang account lang ang bibilangin sa metric na ito bilang pinatawan. Gayunpaman, pareho pa ring isasama ang dalawang aksyon ng pagpapatupad sa "Buod ng Mga Paglabag sa Content at Account" table namin, kung saan may isang natatanging pagpapataw sa account para sa "Maling Impormasyon" at isang natatanging account para sa "Pangha-harass at Pambu-bully".


% ng Kabuuang Report na Pinatawan ng Snap: Ipinapakita ng value na ito ang percentage ng mga content at account na pinatawan sa ilalim ng isang partikular na patakaran, kumpara sa lahat ng content at account na pinatawan sa iba't ibang dahilan.


Turnaround Time: Ang oras sa pagitan ng kung kailan unang nakatanggap ang Safety team namin ng report (karaniwang kung kailan nagsumite ng report) at ng huling timestamp ng aksyon ng pagpapatupad. Kung maraming beses ire-review, kukunin ang final na oras sa huling aksyong ginawa.


Violative view Rate (VVR): VVR ang porsiyento ng mga view ng Story at Snap na naglalaman ng lumalabag na content, kumpara sa lahat ng view ng Story at Snap sa Snapchat. Isang larawan o video ang Snap na kinunan gamit ang Snapchat camera.  Makakakita ng higit pang imoprmasyon dito.) Halimbawa, kung 0.03% ang VVR namin, ibig sabihin sa bawat 10,000 na view ng Snap at Story sa Snapchat, 3 ang naglalaman ng content na lumalabag sa patakaran namin. Nagbibigay-daan ang metric na ito para maintindihan natin kung anong porsiyento ng mga view ng Snap at Story sa Snapchat ang galing sa content na lumalabag sa Community Guidelines namin (na ni-report o agad na inaksyonan).


Apela: Nangyayari ang isang apela kapag nagsumite ng request ang isang user para i-review namin ulit ang desisyon na pag-lock ng account, na available kapag na-lock ang account dahil sa mga paglabag sa Community Guidelines. Bilang halimbawa, posible naming alisin ang account na lumabag sa harassment policy namin. Posibleng hindi sumang-ayon ang isang user sa aming assessment at puwedeng magsumite ng apela para pag-isipan ulit namin ang desisyon namin.


Reinstatement: Ang pagbawi ng naunang desisyon bilang tugon sa isang apela. Kapag nakatanggap ng apela, ire-review at ia-assess namin kung tama ba o hindi ang nauna naming desisyon. Kapag natukoy na mali kami sa pagpapataw ng content o account batay sa mga alituntunin at patakaran ng platform namin, ibabalik namin ang inapela na content o account sa platform namin.