Disyembre 1, 2025

Disyembre 1, 2025

Ipina-publish namin ang transparency report na ito nang dalawang beses sa isang taon para magbigay ng mga insight sa mga pagsisikap sa kaligtasan ng Snap. Bilang bahagi ng aming pagtatalaga sa kaligtasan at transparency, patuloy kaming nagsisikap para gawing mas komprehensibo at nagbibigay-kaalaman ang mga ulat na ito para sa maraming stakeholder na lubos na nagmamalasakit sa aming pag-moderate ng content, aming mga kasanayan sa pagpapatupad ng batas, at sa kaligtasan at kagalingan ng komunidad ng Snapchat. 

Sinasaklaw ng Transparency Report na ito ang unang kalahati ng 2025 (Enero 1 - Hunyo 30). Nagbabahagi kami ng pandaigdigang data tungkol sa mga ulat ng mga user at maagap na pagtukoy ng Snap; mga pagpapatupad ng aming mga team ng Kaligtasan sa mga patikular na kategorya ng mga paglabag sa Mga Alituntunin ng Komunidad; kung paano kami tumugon sa mga kahilingan mula sa tagapagpatupad ng batas at mga gobyerno; at kung paano kami tumugon sa mga abiso ng copyright at paglabag sa trademark. Nagbibigay din kami ng mga insight na partikular sa bansa sa isang serye ng mga naka-link na page.

Para maghanap ng mga karagdagang mapagkukunan sa kaligtasan at privacy sa Snapchat, tingnan ang aming tab na Tungkol sa Transparency Reporting sa ibaba ng pahina.

Pakitandaang ang pinakabagong bersiyon ng Transparency Report ay ang Ingles na bersiyon.

Ipinapatupad ng aming mga team ng Kaligtasan ang aming Mga Alituntunin ng Komunidad nang maagap (sa pamamagitan ng paggamit ng mga automated na tool sa pagtukoy) at reaktibo (bilang tugon sa mga ulat), gaya ng higit na idinetalye sa mga sumusunod na seksiyon ng ulat na ito. Sa cycle ng pag-uulat na ito (H1 2025), ginawa ng aming mga team sa Kaligtasan ang mga sumusunod na bilang ng mga pagpapatupad:

Nasa ibaba ang isang breakdown sa bawat uri ng mga nauugnay na paglabag sa Mga Alituntunin ng Komunidad, kabilang ang median na "oras ng turnaround" sa pagitan ng oras na natukoy namin ang paglabag (alinman sa maagap o pagkatanggap ng isang ulat) at ng oras na gumawa kami ng panghuling aksyon sa nauugnay na content o account:

Kasama sa data sa Kabuuang Bilang ng Mga Pagpapatupad ang mga pagpapatupad na ginawa ng Snap pagkatapos ng pagsusuri sa mga in-app na report na isinumite sa pamamagitan ng Snapchat.  Kinakatawan nito ang karamihan sa mga pagpapatupad na ginawa ng mga team ng Kaligtasan ng Snap. Hindi kasama sa bilang na ito ang karamihan sa mga pagpapatupad na ginawa bilang resulta ng mga imbestigasyon batay sa mga report na ginawa sa Snap sa pamamagitan ng aming Support Site o iba pang mekanismo (hal., sa pamamagitan ng email), o bilang resulta ng ilang maagap na imbestigasyong isinagawa ng aming mga team sa Kaligtasan. Kinatawan ng mga hindi kasamang pagpapatupad na ito ang mas mababa sa 0.5% ng dami ng pagpapatupad sa unang kalahati ng 2025.

Sa panahon ng pag-uulat, nakakita kami ng Violative View Rate (VVR) na 0.01 porsyento, na nangangahulugang sa bawat 10,000 na pag-view sa Snap at Story sa Snapchat, 1 ang naglalaman ng content na lumalabag sa aming Mga Alituntunin ng Komunidad. Sa mga pagpapatupad para sa itinuturing naming “Matitinding Panganib,” nakakita kami ng VVR na 0.0003% porsiyento. Nasa talahanayan sa ibaba ang isang breakdown ng VVR ayon sa dahilan ng patakaran.

Mula Enero 1 - Hunyo 30, 2025, bilang tugon sa 19,766,324 na in-app na ulat ng mga paglabag sa aming Mga Alituntunin ng Komunidad, nagsagawa ang mga team ng Kaligtasan ng Snap ng kabuuang 6,278,446 na pagkilos sa pagpapatupad sa buong mundo, kabilang ang mga pagpapatupad laban sa 4,104,624 na mga natatanging account.  Hindi kasama sa dami ng in-app na pag-uulat na ito ang site ng suporta at mga report sa email, na bumubuo nang mas mababa sa 1% ng kabuuang dami ng pag-uulat.  Ang median na oras ng turnaround para magsagawa ang aming mga team ng Kaligtasan ng aksyon ng pagpapatupad bilang tugon sa mga ulat na iyon ay ~2 minuto. Nasa ibaba ang isang breakdown sa bawat dahilan ng patakaran. (Tandaan: Sa mga naunang ulat, minsan namin itong tinukoy bilang "kategorya ng pag-uulat."  Mula ngayon, gagamitin na namin ang terminong "dahilan ng patakaran,"  na sa palagay namin ay mas tumpak na nagpapakita ng uri ng data – dahil nagsisikap ang aming mga team ng Kaligtasan na magpatupad ayon sa naaangkop na dahilan ng patakaran, anuman ang kategorya ng pag-uulat na tinukoy ng taong nagsumite ng ulat.)

Sa unang bahagi ng 2025, patuloy naming binawasan ang mga median na turnaround times sa lahat ng policy categories—pinababa namin ang mga ito sa average na higit sa 75% kumpara sa naunang panahon ng pag-uulat—sa 2 minuto. Ang pagpapababang ito ay pangunahing dahil sa patuloy na pinagsama-samang pagsisikap para pagbutihin ang aming pag-uuna ng mga report para sa pagsusuri batay sa kalubhaan ng pinsala at naka-automate na pagsusuri.

Gumawa rin kami ng ilang naka-target na pagbabago sa aming mga pagsisikap sa kaligtasan sa panahon ng pag-uulat, na nagkaroon ng epekto sa mga data na iniulat dito, kabilang ang pagpapalakas ng aming mga patakaran sa ipinagbabawal na aktibidad na may kinalaman sa mga armas. Nakakita kami ng pagtaas sa mga ulat at pagpapatupad sa kategorya ng Child Sexual Exploitation, na pangunahing naidulot ng pagtaas ng sexualized o sensitibong content na kinasasangkutan ng mga menor-de-edad na lumalabag sa aming mga patakaran pero hindi ilegal sa U.S. o napapailalim sa pag-uulat sa U.S. National Center for Missing and Exploited Children (NCMEC). Ang pagtaas ng daming nauugnay sa Sekswal na Content (at pagbaba ng dami na nauugnay sa Pangha-harass) ay dahil sa aming pag-reclassify ng content na nauugnay sa Sekswal na Pangha-harass sa Sekswal na Content mula sa Pangha-harass.

Gumagamit kami ng mga automated na tool para maagap na matukoy at, sa ilang sitwasyon, magpatupad laban sa mga paglabag sa aming Mga Alituntunin ng Komunidad. Kasama sa mga tool na ito ang teknolohiyang pagtutugma ng hash (kabilang ang PhotoDNA at Child Sexual Abuse Imagery (CSAI)) ng Google, Content Safety API ng Google, at iba pang pagmamay-aring teknolohiyang idinisenyo para matukoy ang ilegal at lumalabag na text at media, at minsan gumagamit ng artificial intelligence at machine learning. Regular na nagbabago ang aming mga maagap na numero ng pagtukoy bilang resulta ng mga pagbabago sa pag-uugali ng user, mga pagpapahusay sa aming mga kakayahan sa pagtukoy, at mga pagbabago sa aming mga patakaran.

Sa unang bahagi ng 2025, ginawa namin ang mga sumusunod na pagkilos sa pagpapatupad pagkatapos naming maagap na matukoy ang mga paglabag sa aming Mga Alituntunin ng Komunidad gamit ang mga automated na tool sa pagtukoy:

Ang seksuwal na pagsasamantala ng sinumang miyembro ng aming komunidad, lalo na ang mga menor de edad, ay ilegal, kasuklam-suklam, at ipinagbabawal ng aming Community Guidelines. Pangunahing priyoridad para sa Snap ang pagpigil, pagtukoy, at pagtanggal ng CSEA sa aming platform, at patuloy naming binabago at pinapahusay ang aming mga kakayahan para labanan ang mga ito at iba pang krimen.

Gumagamit kami ng mga aktibong tool sa detection technology upang makatulong na matukoy ang mga content na nauugnay sa CSEA. Kasama sa mga tool na ito ang mga tool sa pagtutugma ng hash (kabilang ang PhotoDNA at CSAI Match ng Google, para tukuyin mga kilalang ilegal na larawan at video ng CSEA) at Content Safety API ng Google (para tukuyin ang bago, "hindi-pa-naha-hash", at ilegal na imahe). Dagdag pa rito, sa ilang sitwasyon, gumagamit kami ng mga palatandaan sa pag-uugali para magpatupad laban sa iba pang pinaghihinalaang aktibidad ng CSEA. Nagre-report kami ng kaugnay sa CSEA na content sa National Center for Missing and Exploited Children (NCMEC) ng U.S., ayon sa hinihingi ng batas. Pagkatapos, makikipagtulungan ang NCMEC sa pambansa o internasyonal na tagapagpatupad ng batas, kung kinakailangan.

Sa unang bahagi ng 2025, ginawa namin ang mga sumusunod na pagkilos pagkatapos naming makatukoy ng CSEA sa Snapchat (maagap man o pagkatapos naming makatanggap ng ulat):

Nagbibigay ang Snapchat ng kakayahan sa mga kaibigang tulungan ang isa't isa sa mahihirap na panahon sa pamamagitan ng pagbibigay ng mga mapagkukunan at suporta para sa Mga Snapchatter na nangangailangan. 

Nagbibigay ang aming Here For You na mga tool sa paghahanap ng mga mapagkukunan mula sa mga eksperto kapag naghanap ang mga user ng ilang partikular na paksang nauugnay sa kalusugan ng isip, anxiety (pagkabalisa), depresyon, stress (pagkaligalig), mga pag-iisip na magpakamatay, pagluluksa, at pambu-bully. Gumawa rin kami ng page na nakatalaga sa paglaban sa sekswal na pangingikil na pinansyal ang dahilan at iba pang sekswal na peligro at panganib, para masuportahan ang mga nahihirapan.

Kapag nalaman ng aming mga team sa Kaligtasan na may isang Snapchatter na nababalisa, may kakayahan sila para magbigay ng mga mapagkukunan sa pag-iwas sa pananakit sa sarili at ng suporta, at para abisuhan ang mga serbisyong pang-emergency, kung kinakailangan. Available ang mga mapagkukunang ibinabahagi namin sa aming pandaigdigang listahan ng mga mapagkukunan sa kaligtasan, na pampublikong available sa lahat ng Snapchatter sa aming Privacy, Safety & Policy Hub.

Nagbigay kami ng impormasyon sa ibaba tungkol sa mga apelang natanggap namin mula sa mga user na humihiling ng pagsusuri sa aming desisyong i-lock ang kanilang account dahil sa mga paglabag sa Mga Alituntunin ng Komunidad sa unang bahagi ng 2025:

Nagbibigay ang seksiyong ito ng pangkalahatang-ideya ng mga pagkilos ng aming mga team ng Kaligtasan para ipatupad ang aming Mga Alituntunin ng Komunidad, nang maagap at bilang tugon sa mga in-app na ulat ng mga paglabag, sa sampling ng mga heograpikong rehiyon. Nalalapat ang aming Mga Alituntunin ng Komunidad sa lahat ng content sa Snapchat—at sa lahat ng Snapchatter—sa buong mundo, saanman ang lokasyon.

Ang impormasyon para sa indibidwal na mga bansa, kasama na ang lahat ng EU Member States, ay available para i-download sa pamamagitan ng nakalakip na CSV file.

Committed ang Snap sa paninigurong ang lahat ng ad ay ganap na sumusunod sapolicies sa advertising namin. Naniniwala kami sa responsableng pamamaraan sa pag-advertise, na lumilikha ng ligtas na karanasan para sa lahat ng Snapchatter. Lahat ng ad ay sumasailalim sa review at pag-apruba namin. Bilang karagdagan, inilalaan namin ang karapatang tanggalin ang mga ad, kabilang ang bilang tugon sa feedback ng user, na sineseryoso namin. 

Nagsama kami sa ibaba ng insight sa pag-moderate namin para sa mga binabayarang patalastas na nire-report sa amin kasunod ang kanilang publikasyon sa Snapchat. Tandaang pwedeng tanggalin ang mga ad sa Snapchat para sa iba't ibang dahilan gaya ng nakabalangkas sa Policies sa Advertising ng Snap, kabilang ang mapanlinlang na content, adult content, marahas o nakakagambalang content, mapoot na pananalita, at paglabag sa intellectual property. Bilang karagdagan, pwede mong mahanap ang Gallery ng Mga Ad ng Snapchat sa values.snap.com sa ilalim ng “Transparency” tab.