Linji Gwida Komunitarji

• Nipprojbixxu kwalunkwe attività li tinvolvi l-isfruttar jew l-abbuż sesswali ta' minorenni, inkluż l-ixxerjar ta' ritratti ta' sfruttar jew abbuż sesswali tat-tfal, grooming, jew estorsjoni sesswali (sesstorsjoni), jew is-sesswalizzazzjoni tat-tfal. Nirrapportaw l-istanzi kollha identifikati ta’ sfruttament sesswali tat-tfal lill-awtoritajiet, inklużi tentattivi biex wieħed jidħol f’imġiba bħal din. Qatt tippubblika, tissejvja, tibgħat, tgħaddi, tqassam, jew titlob kontenut ta' persuni għarwenin jew sesswalment espliċiti li jinvolvu lil xi ħadd li għandu inqas minn 18-il sena (dan jinkludi li tibgħat jew tissejvja tali ritratti tiegħek stess) 

• La naċċettaw riklami, tixrid jew qsim ta' kontenut pornografiku u lanqas għemil kummerċjali marbut mal-pornografija jew mal-imġiba sesswali (kemm onlajn kif ukoll offlajn). 

• It-treddigħ u rappreżentazzjonijiet oħra ta’ nudità f’kuntesti mhux sesswali huma ġeneralment permessi.

• L-inkoraġġiment jew l-involviment f'imġieba vjolenti jew perikoluża huwa pprojbit. Qatt m'għandek tintimida jew thedded li tagħmel ħsara lil persuna, grupp ta' nies jew il-proprjetà ta' xi ħadd.

• Snaps ta' vjolenza gratwita jew grafika, inkluż abbuż fuq l-annimali, m'humiex permessi.

• Aħna ma nippermettux il-glorifikazzjoni ta' awto-ħsara, inkluża l-promozzjoni ta' awto-korriment, suwiċidju, jew disturbi fl-ikel.
  

• Organizzazzjonijiet terroristiċi, estermisti vjolenti, u gruppi ta' mibegħda huma pprojbiti milli jużaw il-pjattaforma tagħna. Ma nittollerawx kontenut li jappoġġa jew jippromwovi t-terroriżmu jew l-estremiżmu vjolenti.

• Diskors ta’ mibegħda jew kontenut li jbaxxi, jimmalafama, jew jippromwovi diskriminazzjoni jew vjolenza fuq il-bażi ta’ razza, kulur, kasta, etniċità, oriġini nazzjonali, reliġjon, orjentazzjoni sesswali, sess, identità tal-ġeneru, diżabilità, jew status ta’ veteran, status ta’ immigrazzjoni, status soċjoekonomiku, l-età, il-piż, jew l-istatus tat-tqala huma pprojbiti.

• Ma naċċettaw l-ebda xorta ta' bullying u fastidju. Jekk xi ħadd jimblukkak, ma tistax tipprova tikkuntattjah minn xi kont ta' Snapchat ieħor.

• Ma tistax taqsam ritratti ta' persuna fi spazji privati — bħal ngħidu aħna, kamra tal-banju, kamra tas-sodda, kamra għat-tibdil tal-ilbies jew f'post għall-kura tas-saħħa — jekk dik il-persuna ma tkunx taf b'dan u qatt ma tat il-kunsens tagħha, u lanqas ma tista' taqsam informazzjoni privata dwar persuni oħra mingħajr ma jkunu jafu f'dan u mingħajr il-kunsens tagħhom jew bl-iskop li tagħti fastidju (bħal, ngħidu aħna, “doxxing”).

• Jekk xi persuna oħra tidher fi Snap tiegħek u t-tali persuna titolbok tneħħi dik l-iSnap, jekk jogħġbok neħħieha! Ħares il-jeddijiet tal-privatezza tal-oħrajn. 

• Barra minn dan, jekk jogħġbok tagħtix fastidju lil xi Snapchatter ieħor billi tabbuża l-proċess tar-rapporti tagħna, bħal, ngħidu aħna, li tieħu deċiżjoni apposta biex tirrapporta kontenut li ma jiksirx ir-regoli tagħna).

• Tużax Snapchat biex tibgħat jew tippubblika kontenut li jikser il-liġi fil-ġurisdizzjoni tiegħek jew biex twettaq xi attività illegali. Dan ifisser li ma tistax tirriklama, ixxerred jew tieħu sehem f'attività kriminali bħal li tixtri, tbigħ, tpartat jew tgħin tirriklama sustanzi illegali jew li ma jistgħux jinbiegħu fuq l-idejn, kutrabandu jew armi. Dan jiġbor fih ukoll li tirriklama jew tgħin biex iseħħ xi forma ta' sfruttament fosthom it-traffikar sesswali, it-traffikar għax-xogħol jew xi traffikar tal-bnedmin.

• Ma tistax tuża l-pjattaforma tagħna biex tirriklama oġġetti jew industriji regolati, fosthom riklami mhux awtorizzati tal-logħob tal-azzard, tat-tabakk jew tas-sigaretti elettroniċi u tal-alkoħol.

• Ma naċċettawx kontenut li jxerred informazzjoni falza li tagħmel il-ħsara jew li hi qarrieqa bħal, ngħidu aħna, iċ-ċaħda li avvenimenti traġiċi qatt seħħew, stqarrijiet dwar is-saħħa u l-mediċina mingħajr provi, kontenut li jxekkel l-integrità tal-proċessi ċiviċi jew manipulazzjoni tal-kontenut għal għanijiet qarrieqa jew giddieba (kemm permezz tal-IA ġenerattiv, kif ukoll b'bidliet qarrieqa).

• Ma naċċettawx li tagħmilha tabirruħek li int xi ħadd (jew xi ħaġa) li m'intix, jew li tipprova tqarraq bin-nies dwar l-identità tiegħek. Dan ifisser li ma tistax tagħmilha tabirruħek li int xi ħadd minn sħabek, xi persuna famuża, xi persuna magħrufa sew fil-ħajja pubblika, xi ditta jew nies jew għaqdiet oħra għal għanijiet mhux satiriċi li jagħmlu l-ħsara.

• Ma naċċettawx li l-pjattaforma tagħna tintuża għall-ispam, li tħallas biex tixtri s-segwaċi, li tmexxi xi skema biex tikseb iktar segwaċi, li tirreklama apps mhux mixtieqa jew li tirriklami skemi ta' tiswiq multilevel jew skemi piramidi.

• Ma naċċettawx qerq u mġibiet qarrieqa oħra fosthom kontenut sponsorizzat bil-flus fejn il-pubbliku ma jkunx mgħarraf bil-ħlas li sar, riklami ta' oġġetti jew servizzi qarrieqa fosthom dokumenti, ċertifikati jew prodotti foloz, skemi biex tagħmel il-flus malajr jew xi ħadd jagħmilha tabirruħu Snapchat jew Snap Inc.

Kemm jekk għandek kont ta' Snapchat kif ukoll jekk le, dejjem tista' tirrapporta t-tħassib tiegħek lit-timijiet tas-sigurtà tagħna, kemm bil-faċilitajiet tar-rapporti fl-app jew billi timla dil-formola. Aħna nqisu dar-rapporti kollha biex nifhmu jekk dar-regoli nkisrux.

Jekk tikser dar-Regoli tal-Komunità, nistgħu nneħħu l-kontenut li jmur kontra dar-regoli, nagħlqulek jew nillimitaw min jista' jsib il-kont tiegħek u/jew ngħarrfu lill-forzi tal-ordni. Il-politika tagħna hija li meta nsibu mġibiet li naħsbu li jafu jkunu ta' theddida serja għall-ħajja tal-bniedem, ngħaddu l-informazzjoni lill-forzi tal-ordni, kultant flimkien ma' kontenut u dejta tal-kont siewja oħra marbuta mal-kont. Jekk nimblukkawlek il-kont talli tkun ksirt dar-regoli, ma tistax terġa' tuża Snapchat mingħajr il-permess tagħna.

Snap għandha l-jedd li tneħħi jew tillimita l-aċċess għall-kont ta' l-utenti fejn għandna raġuni li nemmnu, kif jidhrilna aħna, li huma ta' ħsara għall-oħrajn, kemm fuq Snapchat kif ukoll barra minn Snapchat. Fost dawn hemm nies li nstabu ħatja ta' reati sesswali, il-mexxejja ta' gruppi ta' mibegħda jew għaqdiet terroristiċi, nies li jkebbsu l-vjolenza jew li jwettqu ħsarat kbar lil ħaddieħor, jew li jġibu ruħhom b'mod li nemmnu li hu ta' theddida għall-ħajja tal-bniedem. Aħna u nqisu dix-xorta ta' mġiba u nqisu jekk għandniex inneħħu jew nillimitaw l-aċċess għall-kont, nistgħu nqisu xi jgħidu sorsi oħra bħala gwida, bħal, ngħidu aħna, l-esperti fis-suġġett jew il-forzi tal-ordni.

Jekk jogħġbok żur iċ-Ċentru tas-Sigurtà tagħna għal aktar informazzjoni dwar is-sigurtà fuq Snapchat. Hemm se ssib istruzzjonijiet dettaljati dwar kif timmaniġġja l-esperjenza tiegħek ta' Snapchat, inkluż kif tieħu azzjonijiet bħall-aġġornament tas-settings tal-privatezza tiegħek, kif tagħżel min jista' jara l-kontenut tiegħek, u timblokka utenti oħrajn.