ਨੁਕਸਾਨਦੇਹ ਝੂਠੇ ਜਾਂ ਧੋਖਾ ਦੇਣ ਵਾਲੇ ਅਭਿਆਸ

ਨੁਕਸਾਨਦੇਹ ਝੂਠੇ ਜਾਂ ਗੁੰਮਰਾਹਕੁੰਨ ਅਭਿਆਸਾਂ ਨਾਲ ਸੰਬੰਧਿਤ ਸਾਡੀਆਂ ਭਾਈਚਾਰਕ ਸੇਧਾਂ ਨੁਕਸਾਨ ਦੀਆਂ ਵੱਖਰੀਆਂ ਪਰ ਸੰਬੰਧਿਤ ਸ਼੍ਰੇਣੀਆਂ ਮੁਤਾਬਕ ਜਾਣਕਾਰੀ ਦਿੰਦੀਆਂ ਹਨ: (1) ਨੁਕਸਾਨਦੇਹ ਝੂਠੀ ਜਾਣਕਾਰੀ, (2) ਪ੍ਰਤੀਰੂਪਣ, (3) ਧੋਖਾਧੜੀ ਅਤੇ (4) ਸਪੈਮ।

1. ਨੁਕਸਾਨਦੇਹ ਝੂਠੀ ਜਾਣਕਾਰੀ

ਤੱਥਾਂ ਨੂੰ ਵਿਗਾੜਨ ਵਾਲੀ ਸਮੱਗਰੀ ਦੇ ਵਰਤੋਂਕਾਰਾਂ ਅਤੇ ਸਮਾਜ ਲਈ ਨੁਕਸਾਨਦੇਹ ਨਤੀਜੇ ਹੋ ਸਕਦੇ ਹਨ। ਅਸੀਂ ਜਾਣਦੇ ਹਾਂ ਕਿ ਕਈ ਵਾਰ ਇਹ ਜਾਣਨਾ ਮੁਸ਼ਕਿਲ ਹੋ ਸਕਦਾ ਹੈ ਕਿ ਸਹੀ ਹੈ, ਖਾਸ ਤੌਰ 'ਤੇ ਜਦੋਂ ਗੱਲ ਤੇਜ਼ੀ ਨਾਲ ਬਦਲ ਰਹੀਆਂ ਮੌਜੂਦਾ ਘਟਨਾਵਾਂ, ਜਾਂ ਵਿਗਿਆਨ, ਸਿਹਤ ਅਤੇ ਦੁਨੀਆਵੀ ਮਸਲਿਆਂ ਦੇ ਗੁੰਝਲਦਾਰ ਮਾਮਲਿਆਂ ਦੀ ਹੋਵੇ। ਇਸ ਕਾਰਨ ਕਰਕੇ, ਸਾਡੀਆਂ ਨੀਤੀਆਂ ਨਾ ਕੇਵਲ ਇਸ ਗੱਲ 'ਤੇ ਧਿਆਨ ਕੇਂਦਰਿਤ ਕਰਦੀਆਂ ਹਨ ਕਿ ਜਾਣਕਾਰੀ ਗਲਤ ਹੈ ਜਾਂ ਗੁੰਮਰਾਹਕੁੰਨ ਹੈ, ਸਗੋਂ ਨੁਕਸਾਨ ਦੀ ਇਸਦੀ ਸੰਭਾਵਨਾ 'ਤੇ ਵੀ ਧਿਆਨ ਕੇਂਦਰਿਤ ਕਰਦੀਆਂ ਹਨ।

ਜਾਣਕਾਰੀ ਦੀਆਂ ਕਈ ਸ਼੍ਰੇਣੀਆਂ ਹਨ, ਜਿਹਨਾਂ ਵਿੱਚ ਤੱਥਾਂ ਦੀ ਗਲਤ ਜਾਣਕਾਰੀ ਦੇਣ ਨਾਲ ਵਿਲੱਖਣ ਖਤਰੇ ਪੈਦਾ ਹੋ ਸਕਦੇ ਹਨ। ਇਹਨਾਂ ਖੇਤਰਾਂ ਵਿੱਚ, ਸਾਡੀਆਂ ਟੀਮਾਂ ਗੁੰਮਰਾਹਕੁੰਨ ਜਾਂ ਗਲਤ ਸਮੱਗਰੀ ਦੇ ਖਿਲਾਫ ਕਾਰਵਾਈ ਕਰਦੀਆਂ ਹਨ, ਚਾਹੇ ਗਲਤ-ਬਿਆਨੀਆਂ ਜਾਣਬੁੱਝ ਕੇ ਕੀਤੀਆਂ ਗਈਆਂ ਹੋਣ ਜਾਂ ਨਾ। ਇਸ ਤਰ੍ਹਾਂ, ਸਾਡੀਆਂ ਨੀਤੀਆਂ ਹਰ ਕਿਸਮ ਦੀ ਜਾਣਕਾਰੀ ਦੇ ਖਤਰਿਆਂ ਦੇ ਵਿਰੁੱਧ ਕੰਮ ਕਰਦੀਆਂ ਹਨ, ਜਿਸ ਵਿੱਚ ਗਲਤ ਜਾਣਕਾਰੀ, ਵਿਗਾੜ, ਭੈੜੀ ਜਾਣਕਾਰੀ ਅਤੇ ਹੇਰਾਫੇਰੀ ਵਾਲੇ ਮੀਡੀਆ ਸ਼ਾਮਲ ਹਨ।

ਜਾਣਕਾਰੀ ਸ਼੍ਰੇਣੀਆਂ ਦੀਆਂ ਉਦਾਹਰਨਾਂ ਜਿਨ੍ਹਾਂ ਨੂੰ ਅਸੀਂ ਨੁਕਸਾਨ ਲਈ ਖਾਸ ਤੌਰ 'ਤੇ ਜੋਖ਼ਮਮਈ ਮੰਨਦੇ ਹਾਂ ਉਨ੍ਹਾਂ ਵਿੱਚ ਸ਼ਾਮਲ ਹਨ:

• ਅਜਿਹੀ ਸਮੱਗਰੀ ਜੋ ਦੁਖਦਾਈ ਘਟਨਾਵਾਂ ਦੀ ਹੌਂਦ ਤੋਂ ਇਨਕਾਰ ਕਰਦੀ ਹੈ। ਅਸੀਂ ਸਮੱਗਰੀ ਦੀ ਮਨਾਹੀ ਕਰਦੇ ਹਾਂ ਜੋ ਵਿਵਾਦ ਕਰਦੀ ਜਾਂ ਨਕਾਰਦੀ ਹੈ, ਉਦਾਹਰਨ ਲਈ, ਅਮਰੀਕਾ ਵਿੱਚ ਕਤਲੇਆਮ ਜਾਂ ਸੈਂਡੀ ਹੁੱਕ ਸਕੂਲ ਵਿੱਚ ਹੋਈ ਗੋਲੀਬਾਰੀ ਅਤੇ ਅਜਿਹੀਆਂ ਤ੍ਰਾਸਦੀਆਂ ਸੰਬੰਧੀ ਬੇਬੁਨਿਆਦ ਸਿਧਾਂਤ, ਉਨ੍ਹਾਂ ਵਰਤੋਂਕਾਰਾਂ ਦਾ ਨੁਕਸਾਨ ਕਰਨ ਤੋਂ ਇਲਾਵਾ ਜਿਨ੍ਹਾਂ ਦਾ ਜੀਵਨ ਅਤੇ ਪਰਿਵਾਰ ਅਜਿਹੀਆਂ ਘਟਨਾਵਾਂ ਤੋਂ ਪ੍ਰਭਾਵਿਤ ਹੋਏ ਹਨ, ਹਿੰਸਾ ਅਤੇ ਨਫ਼ਰਤ ਵਿੱਚ ਯੋਗਦਾਨ ਪਾ ਸਕਦੇ ਹਨ।

• ਉਹ ਸਮੱਗਰੀ ਜੋ ਬੇਬੁਨਿਆਦ ਡਾਕਟਰੀ ਦਾਅਵਿਆਂ ਦਾ ਪ੍ਰਚਾਰ ਕਰਦੀ ਹੈ। ਅਸੀਂ ਅਜਿਹੀ ਸਮੱਗਰੀ ਦੀ ਮਨਾਹੀ ਕਰਦੇ ਹਾਂ ਜੋ ਉਦਾਹਰਨ ਲਈ, COVID-19 ਦੇ ਫੈਲਣ ਨੂੰ ਰੋਕਣ ਲਈ ਬਿਨਾਂ ਪਰਖੇ ਇਲਾਜਾਂ ਦੀ ਸਿਫ਼ਾਰਸ਼ ਕਰਦੀ ਹੈ; ਜਿਸ ਵਿੱਚ ਟੀਕਿਆਂ ਬਾਰੇ ਬੇਬੁਨਿਆਦ ਸਿਧਾਂਤ ਦਿਸਦੇ ਹਨ; ਜਾਂ ਜੋ ਅਖੌਤੀ “ਰੂਪਾਂਤਰਨ ਥੈਰੇਪੀ” ਵਰਗੇ ਅਣਜਾਣੇ, ਨੁਕਸਾਨਦੇਹ ਅਭਿਆਸਾਂ ਨੂੰ ਉਤਸ਼ਾਹਤ ਕਰਦੀ ਹੈ। ਹਾਲਾਂਕਿ ਦਵਾਈ ਦਾ ਖੇਤਰ ਹਮੇਸ਼ਾ-ਬਦਲਦਾ ਰਹਿੰਦਾ ਹੈ, ਅਤੇ ਜਨਤਕ ਸਿਹਤ ਅਦਾਰੇ ਅਕਸਰ ਮਾਰਗ-ਦਰਸ਼ਨ ਵਿੱਚ ਸੋਧ ਕਰ ਸਕਦੇ ਹਨ, ਅਜਿਹੀਆਂ ਭਰੋਸੇਯੋਗ ਸੰਸਥਾਵਾਂ ਮਿਆਰਾਂ ਅਤੇ ਜਵਾਬਦੇਹੀ ਦੇ ਅਧੀਨ ਹੁੰਦੀਆਂ ਹਨ ਅਤੇ ਅਸੀਂ ਜ਼ਿੰਮੇਵਾਰ ਸਿਹਤ ਅਤੇ ਡਾਕਟਰੀ ਮਾਰਗ-ਦਰਸ਼ਨ ਵਾਸਤੇ ਮਾਪਦੰਡ ਦੇਣ ਲਈ ਉਹਨਾਂ ਵੱਲ ਦੇਖ ਸਕਦੇ ਹਾਂ।

• ਉਹ ਸਮੱਗਰੀ ਜੋ ਨਾਗਰਿਕ ਪ੍ਰਕਿਰਿਆਵਾਂ ਦੀ ਅਖੰਡਤਾ ਨੂੰ ਕਮਜ਼ੋਰ ਕਰਦੀ ਹੈ। ਚੋਣਾਂ ਅਤੇ ਹੋਰ ਨਾਗਰਿਕ ਪ੍ਰਕਿਰਿਆਵਾਂ ਅਧਿਕਾਰਾਂ ਦਾ ਸਨਮਾਨ ਕਰਨ ਵਾਲੇ ਸਮਾਜਾਂ ਦੇ ਕੰਮਕਾਜ ਵਿੱਚ ਜ਼ਰੂਰੀ ਭੂਮਿਕਾ ਨਿਭਾਉਂਦੀਆਂ ਹਨ, ਅਤੇ ਜਾਣਕਾਰੀ ਵਿੱਚ ਹੇਰਾਫੇਰੀ ਲਈ ਵਿਲੱਖਣ ਟੀਚੇ ਵੀ ਪੇਸ਼ ਕਰਦੀਆਂ ਹਨ। ਅਜਿਹੀਆਂ ਘਟਨਾਵਾਂ ਦੇ ਆਲੇ-ਦੁਆਲੇ ਦੀ ਜਾਣਕਾਰੀ ਦੀ ਰੱਖਿਆ ਕਰਨ ਲਈ, ਅਸੀਂ ਨਾਗਰਿਕ ਪ੍ਰਕਿਰਿਆਵਾਂ ਲਈ ਹੇਠ ਲਿਖੀਆਂ ਕਿਸਮਾਂ ਦੇ ਖਤਰਿਆਂ ਲਈ ਆਪਣੀਆਂ ਨੀਤੀਆਂ ਨੂੰ ਲਾਗੂ ਕਰਦੇ ਹਾਂ:

  • ਪ੍ਰਕਿਰਿਆਤਮਕ ਦਖਲਅੰਦਾਜ਼ੀ: ਅਸਲ ਚੋਣ ਜਾਂ ਨਾਗਰਿਕ ਪ੍ਰਕਿਰਿਆਵਾਂ ਨਾਲ ਸੰਬੰਧਿਤ ਗਲਤ ਜਾਣਕਾਰੀ, ਜਿਵੇਂ ਕਿ ਮਹੱਤਵਪੂਰਨ ਤਾਰੀਖਾਂ ਅਤੇ ਸਮਿਆਂ ਜਾਂ ਭਾਗੀਦਾਰੀ ਲਈ ਯੋਗਤਾ ਦੀਆਂ ਲੋੜਾਂ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕਰਨਾ।

  • ਭਾਗੀਦਾਰੀ ਵਿੱਚ ਦਖਲਅੰਦਾਜ਼ੀ: ਉਹ ਸਮੱਗਰੀ ਜਿਸ ਵਿੱਚ ਨਿੱਜੀ ਸੁਰੱਖਿਆ ਸਬੰਧੀ ਡਰਾਉਣਾ-ਧਮਕਾਉਣਾ ਸ਼ਾਮਲ ਹੈ ਜਾਂ ਚੋਣ ਜਾਂ ਨਾਗਰਿਕ ਪ੍ਰਕਿਰਿਆ ਵਿੱਚ ਭਾਗੀਦਾਰੀ ਨੂੰ ਰੋਕਣ ਲਈ ਅਫਵਾਹਾਂ ਫੈਲਾਉਂਦੀ ਹੈ।

  • ਧੋਖਾਧੜੀ ਵਾਲੀ ਜਾਂ ਗੈਰ-ਕਾਨੂੰਨੀ ਭਾਗੀਦਾਰੀ: ਉਹ ਸਮੱਗਰੀ ਜੋ ਲੋਕਾਂ ਨੂੰ ਨਾਗਰਿਕ ਪ੍ਰਕਿਰਿਆ ਵਿੱਚ ਭਾਗ ਲੈਣ ਲਈ ਆਪਣੇ ਆਪ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕਰਨ ਜਾਂ ਗੈਰ-ਕਾਨੂੰਨੀ ਤਰੀਕੇ ਨਾਲ ਵੋਟਾਂ ਪਾਉਣ ਜਾਂ ਖ਼ਰਾਬ ਕਰਨ ਲਈ ਉਤਸਾਹਿਤ ਕਰਦੀ ਹੈ।

• ਨਾਗਰਿਕ ਪ੍ਰਕਿਰਿਆਵਾਂ ਦੀ ਅਪ੍ਰਮਾਣਿਕਤਾ: ਚੋਣ ਨਤੀਜਿਆਂ ਬਾਰੇ ਝੂਠੇ ਜਾਂ ਗੁੰਮਰਾਹਕੁੰਨ ਦਾਅਵਿਆਂ ਦੇ ਆਧਾਰ 'ਤੇ ਲੋਕਤਾਂਤਰਿਕ ਸੰਸਥਾਵਾਂ ਨੂੰ ਅਪ੍ਰਮਾਣਿਤ ਕਰਨ ਦਾ ਟੀਚਾ ਰੱਖਣ ਵਾਲੀ ਸਮੱਗਰੀ, ਉਦਾਹਰਨ ਲਈ।

2. ਪ੍ਰਤੀਰੂਪਣ

ਸਾਡੀਆਂ ਨੀਤੀਆਂ ਕੋਈ ਅਜਿਹਾ ਵਿਅਕਤੀ (ਜਾਂ ਕੁਝ) ਹੋਣ ਦਾ ਦਿਖਾਵਾ ਕਰਨ ਜਾਂ ਲੋਕਾਂ ਨੂੰ ਇਸ ਬਾਰੇ ਧੋਖਾ ਦੇਣ ਦੀ ਕੋਸ਼ਿਸ਼ ਕਰਨ ਦੀ ਮਨਾਹੀ ਕਰਦੀਆਂ ਹਨ ਕਿ ਤੁਸੀਂ ਕੌਣ ਹੋ। ਇਸ ਵਿੱਚ ਤੁਹਾਡੇ ਦੋਸਤਾਂ, ਜਾਣਕਾਰਾਂ, ਮਸ਼ਹੂਰ ਹਸਤੀਆਂ, ਬ੍ਰਾਂਡਾਂ ਜਾਂ ਹੋਰ ਸੰਸਥਾਵਾਂ ਦੀ ਨਕਲ ਕਰਨਾ ਸ਼ਾਮਲ ਹੈ। ਹਾਲਾਂਕਿ ਪ੍ਰਸ਼ੰਸਕ, ਵਿਅੰਗ ਅਤੇ ਟਿੱਪਣੀਕਾਰੀ ਖਾਤਿਆਂ ਦੀ ਆਮ ਤੌਰ 'ਤੇ ਇਜਾਜ਼ਤ ਹੁੰਦੀ ਹੈ, ਉਨ੍ਹਾਂ ਨੂੰ ਪਾਰਦਰਸ਼ਕ ਹੋਣਾ ਚਾਹੀਦਾ ਹੈ ਅਤੇ ਇਸ ਤੱਥ ਦਾ ਸਪਸ਼ਟ ਤੌਰ 'ਤੇ ਪ੍ਰਦਰਸ਼ਿਤ ਨਾਮ ਸਮੇਤ ਖੁਲਾਸਾ ਕਰਨਾ ਚਾਹੀਦਾ ਹੈ। 

3. ਧੋਖਾਧੜੀ

ਧੋਖਾਧੜੀ Snapchatters ਨੂੰ ਵਿੱਤੀ ਨੁਕਸਾਨ, ਸਾਈਬਰ ਸੁਰੱਖਿਆ ਜੋਖਮਾਂ ਅਤੇ ਇੱਥੋਂ ਤੱਕ ਕਿ ਕਾਨੂੰਨੀ ਜੋਖਮਾਂ ਦੇ ਚੱਕਰਾਂ ਵਿੱਚ ਪਾ ਸਕਦੀ ਹੈ। ਇਨ੍ਹਾਂ ਜੋਖਮਾਂ ਨੂੰ ਘਟਾਉਣ ਵਿੱਚ ਮਦਦ ਕਰਨ ਲਈ ਅਸੀਂ ਗੁੰਮਰਾਹਕੁੰਨ ਅਭਿਆਸਾਂ ਦੀ ਮਨਾਹੀ ਕਰਦੇ ਹਾਂ ਜੋ ਸਾਡੇ ਭਾਈਚਾਰੇ ਵਿੱਚ ਭਰੋਸਾ ਕਮਜ਼ੋਰ ਕਰਦੇ ਹਨ।

ਮਨਾਹੀ ਅਭਿਆਸਾਂ ਵਿੱਚ ਅਜਿਹੀ ਸਮੱਗਰੀ ਸ਼ਾਮਲ ਹੈ ਜੋ ਕਿਸੇ ਵੀ ਕਿਸਮ ਦੇ ਘੁਟਾਲਿਆਂ ਨੂੰ ਉਤਸ਼ਾਹਤ ਕਰਦੀ ਹੈ; ਜਲਦੀ ਅਮੀਰ ਹੋਣ ਦੀਆਂ ਸਕੀਮਾਂ; ਅਣਅਧਿਕਾਰਤ ਜਾਂ ਬੇ-ਖੁਲਾਸਾ ਕੀਤੀ ਭੁਗਤਾਨ ਜਾਂ ਪ੍ਰਯੋਜਿਤ ਸਮੱਗਰੀ; ਬਹੁ-ਪੱਧਰੀ ਮਾਰਕੀਟਿੰਗ ਜਾਂ ਪਿਰਾਮਿਡ ਸਕੀਮਾਂ; ਅਤੇ ਨਕਲੀ ਸਮਾਨ ਜਾਂ ਦਸਤਾਵੇਜ਼ਾਂ ਸਮੇਤ ਧੋਖਾਧੜੀ ਵਾਲੀਆਂ ਚੀਜ਼ਾਂ ਜਾਂ ਸੇਵਾਵਾਂ ਦਾ ਪ੍ਰਚਾਰ ਅਤੇ Snapchat ਖਾਤਿਆਂ ਸਮੇਤ ਸੋਸ਼ਲ ਮੀਡੀਆ ਖਾਤਿਆਂ ਦੀ ਵਿਕਰੀ

ਅਸੀਂ ਕਿਸੇ ਵੀ ਕਿਸਮ ਦੇ ਕਾਲੇ ਧਨ (ਕਿਸੇ ਨੂੰ ਭੇਜਣ ਜਾਂ ਕਿਸੇ ਤਰਫ਼ੋ ਲੈਣ-ਦੇਣ ਸਮੇਤ) ਦੀ ਵੀ ਮਨਾਹੀ ਕਰਦੇ ਹਾਂ। ਇਸ ਵਿੱਚ ਕਿਸੇ ਹੋਰ ਦੀ ਤਰਫੋਂ ਗੈਰ-ਕਾਨੂੰਨੀ ਤੌਰ 'ਤੇ ਪ੍ਰਾਪਤ ਕੀਤੇ ਜਾਂ ਕਿਸੇ ਅਣਜਾਣੇ ਸਰੋਤ ਤੋਂ ਪੈਸਾ ਪ੍ਰਾਪਤ ਕਰਨਾ ਅਤੇ ਤਬਾਦਲਾ ਕਰਨਾ, ਅਣਅਧਿਕਾਰਤ ਅਤੇ ਗੈਰ-ਕਾਨੂੰਨੀ ਧਨ ਟ੍ਰਾਂਸਫ਼ਰ ਜਾਂ ਮੁਦਰਾ ਵਟਾਂਦਰਾ ਸੇਵਾਵਾਂ ਅਤੇ ਇਨ੍ਹਾਂ ਸਰਗਰਮੀਆਂ ਦੀ ਮੰਗ ਕਰਨਾ ਅਤੇ ਪ੍ਰਚਾਰ ਕਰਨਾ ਸ਼ਾਮਲ ਹੈ।

ਅਖੀਰ ਵਿੱਚ ਸਾਡੀਆਂ ਨੀਤੀਆਂ ਹੋਰ ਵਰਤੋਂਕਾਰਾਂ ਨੂੰ ਧੋਖਾ ਦੇਣ ਲਈ Snapchat ਜਾਂ Snap Inc. ਬ੍ਰਾਂਡਿੰਗ ਦੀ ਨਕਲ ਕਰਨ ਦੀ ਮਨਾਹੀ ਕਰਦੀਆਂ ਹਨ।

4. ਸਪੈਮ

ਸਪੈਮ Snapchatters ਲਈ ਉਲਝਣ ਵਾਲਾ ਅਤੇ ਤੰਗ ਕਰਨ ਵਾਲਾ ਹੋ ਸਕਦਾ ਹੈ। ਅਸੀਂ ਅਜਿਹੇ ਅਭਿਆਸਾਂ ਦੀ ਮਨਾਹੀ ਕਰਦੇ ਹਾਂ, ਜਿਸ ਵਿੱਚ ਨਕਲੀ ਤੌਰ 'ਤੇ ਸ਼ਮੂਲੀਅਤ ਨੂੰ ਵਧਾਉਣਾ ਸ਼ਾਮਲ ਹੈ, ਜਿਵੇਂ ਕਿ ਫਾਲੋਅਰ ਲਈ ਭੁਗਤਾਨ ਜਾਂ ਹੋਰ ਫਾਲੋਅਰ-ਵਿਕਾਸ ਸਕੀਮਾਂ; ਸਪੈਮ ਐਪਲੀਕੇਸ਼ਨਾਂ ਨੂੰ ਉਤਸ਼ਾਹਤ ਕਰਨਾ; ਜਾਂ ਸਮੂਹਿਕ, ਦੁਹਰਾਉਣ ਵਾਲੀ ਜਾਂ ਅਕਸਰ ਪੋਸਟਿੰਗ ਜਾਂ ਸਾਂਝਾ ਕਰਨਾ।

Snap ਇਹ ਯਕੀਨੀ ਬਣਾਉਣ ਵਿੱਚ ਮਦਦ ਕਰਨ ਲਈ ਕੰਮ ਕਰਦਾ ਹੈ ਕਿ Snapchat 'ਤੇ ਜਾਣਕਾਰੀ ਜ਼ਿੰਮੇਵਾਰ ਤਰੀਕੇ ਨਾਲ ਸਾਂਝੀ ਕੀਤੀ ਜਾਵੇ। ਅਸੀਂ Snapchatters ਨੂੰ ਨੁਕਸਾਨਦੇਹ ਝੂਠੇ ਜਾਂ ਗੁੰਮਰਾਹਕੁੰਨ ਅਭਿਆਸਾਂ ਦੇ ਜੋਖਮਾਂ ਤੋਂ ਬਚਾਉਣ ਵਿੱਚ ਮਦਦ ਕਰਨ ਲਈ ਨਵੀਨਤਾਕਾਰੀ ਤਰੀਕਿਆਂ ਦੀ ਪੜਚੋਲ ਕਰਨਾ ਜਾਰੀ ਰੱਖਾਂਗੇ।

ਜਿਵੇਂ ਕਿ ਅਸੀਂ ਇਹਨਾਂ ਕੋਸ਼ਿਸ਼ਾਂ ਨੂੰ ਜਾਰੀ ਰੱਖਦੇ ਹਾਂ, ਅਸੀਂ ਆਪਣੇ ਰਵੱਈਏ ਦੀ ਪ੍ਰਭਾਵਸ਼ੀਲਤਾ ਵਿੱਚ ਪਾਰਦਰਸ਼ੀ ਅੰਦਰੂਨੀ-ਝਾਤਾਂ ਦੇਣ ਲਈ ਵਚਨਬੱਧ ਹਾਂ। ਸਾਡੀਆਂ ਪਾਰਦਰਸ਼ਤਾ ਰਿਪੋਰਟਾਂ ਰਾਹੀਂ ਅਸੀਂ ਵਿਸ਼ਵ ਪੱਧਰ 'ਤੇ ਗਲਤ ਜਾਣਕਾਰੀ ਦੇ ਵਿਰੁੱਧ ਸਾਡੇ ਅਮਲੀਕਰਨ ਨਾਲ ਸੰਬੰਧਿਤ ਦੇਸ਼-ਪੱਧਰ ਦੀ ਜਾਣਕਾਰੀ ਦਿੰਦੇ ਹਾਂ।

ਅਸੀਂ ਨੁਕਸਾਨਦੇਹ ਸਮੱਗਰੀ ਜਾਂ ਵਤੀਰੇ ਨੂੰ ਹੱਲ ਕਰਨ ਦੀ ਸਾਡੀ ਯੋਗਤਾ ਨੂੰ ਬਿਹਤਰ ਬਣਾਉਣ ਲਈ ਨਿਯਮਿਤ ਤੌਰ 'ਤੇ ਆਪਣੀਆਂ ਨੀਤੀਆਂ ਦੇ ਸੰਚਾਲਨ ਨੂੰ ਮਾਪਣ ਲਈ ਵਚਨਬੱਧ ਹਾਂ ਅਤੇ ਅਸੀਂ ਗਲੋਬਲ ਸੁਰੱਖਿਆ ਭਾਈਚਾਰੇ ਦੇ ਵਿਭਿੰਨ ਆਗੂਆਂ ਨਾਲ ਕੰਮ ਕਰਨ ਲਈ ਵਚਨਬੱਧ ਹਾਂ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਅਸੀਂ ਇਨ੍ਹਾਂ ਉਦੇਸ਼ਾਂ ਨੂੰ ਜ਼ਿੰਮੇਵਾਰ ਤਰੀਕੇ ਨਾਲ ਅੱਗੇ ਵਧਾਉਣ ਵਿੱਚ ਮਦਦ ਕਰ ਰਹੇ ਹਾਂ।