Privacy, Safety, and Policy Hub
Linji Gwida Komunitarji

Kontenut Sesswali

Serje ta' Spjegazzjonijiet dwar il-Linji Gwida Komunitarji.

L-aħħar Aġġornament: Jannar 2024

Ħarsa Ġenerali

Nipproteġu l-iSnapchatters minn kontenut abbużiv jew li jagħmel ħsara.

Għal dak il-għan, żviluppajna l-Linji Gwida Komunitarji tagħna bil-mira li niżguraw li l-persuni jistgħu jħossuhom komdi jesprimu lilhom infushom u jikkomunikaw b'mod liberu fuq Snapchat mingħajr ma jkunu esposti għal kontenut jew abbuż sesswali mhux mixtieq. Dawn il-politiki jipprojbixxu l-ixxerjar, il-promozzjoni jew it-tqassim ta' kontenut sesswalment espliċitu––li jkopri firxa ta' kontenut inkluż pornografija, nudità sesswali jew joffri servizzi sesswali––u jikkundanna fit-termini l-aktar qawwijin, kwalunkwe kontenut li jisfratta t-tfal.

  • Nipprojbixxu kwalunkwe attività li tinvolvi l-isfruttar jew l-abbuż sesswali ta' minorenni, inkluż l-ixxerjar ta' ritratti ta' sfruttar jew abbuż sesswali tat-tfal, grooming, jew estorsjoni sesswali (sesstorsjoni), jew is-sesswalizzazzjoni tat-tfal. Nirrapportaw l-istanzi kollha identifikati ta’ sfruttament sesswali tat-tfal lill-awtoritajiet, inklużi tentattivi biex wieħed jidħol f’imġiba bħal din. Qatt tippubblika, tissejvja, tibgħat, tgħaddi, tqassam, jew titlob kontenut ta' persuni għarwenin jew sesswalment espliċiti li jinvolvu lil xi ħadd li għandu inqas minn 18-il sena (dan jinkludi li tibgħat jew tissejvja tali ritratti tiegħek stess) 

  • Nipprojbixxu l-promozzjoni, it-tqassim jew l-ixxerjar ta' kontenut pornografiku kif ukoll attivitajiet kummerċjali marbuta mal-pornografija jew ma' interazzjonijiet sesswali (kemm onlajn kif ukoll offlajn). 

  • Bħala regola ġenerali, il-kontenut marbut mat-treddigħ jew nudità f'kuntesti mhux sesswali jista' jittella' fuq il-pjattaforma tagħna.

X'għandek tistenna

Kontenut pornografiku huwa pprojbit, inkluża n-nudità fejn l-intenzjoni primarja hija t-tqanqil sesswali jew nudità li turi tqanqil sesswali.

Eżempji ta' kontenut pornografiku jinkludu ritratti jew vidjows, jew anke animazzjoni, tpinġijiet, jew illustrazzjonijiet oħra realistiċi ħafna ta' atti sesswali espliċiti. Iżda dan ma japplikax għal, pereżempju, nudità fejn l-iskop huwa espressjoni artistika, jew id-dehra ta' nudità f'kuntesti mhux sesswali bħal treddigħ, proċeduri mediċi, jew avvenimenti attwali jew storiċi fl-interess pubbliku.

Dawn il-politiki jipprojbixxu wkoll offerti ta' servizzi sesswali, fosthom servizzi offlajn (bħal, per eżempju, massaġġi erotiċi) u esperjenzi onlajn (bħal, per eżempju, offerti li jinkludu servizzi sesswali b'chat jew vidjow).

L-isfruttament sesswali ta' kwalunkwe membru tal-komunità tagħna, speċjalment minorenni, huwa illegali, inaċċettabbli u pprojbit. L-isfruttament jista' jinkludi traffikar għas-sess; sforzi biex iġiegħlu jew iħajru lill-persuni biex jipprovdu ritratti ta' nudità; kif ukoll kwalunkwe mġiba li tuża stampi intimi jew materjal sesswali biex tagħmel pressjoni jew thedded membri tal-Komunità tagħna. Nipprojbixxu kwalunkwe komunikazzjoni jew imġiba li tipprova tipperswadi jew iġġiegħel minorenni bl-intenzjoni ta' abbuż jew sfruttament sesswali, jew li tabbuża mill-biża' jew mill-misħija biex minorenni jibqa' sieket.

Kif ninforzaw dawn il-politiki

Kontenut li jikser il-Linji Gwida Komunitarji tagħna jkunu suġġetti għal tneħħija.

Dawk li jixxerjaw, jippromwovu jew iqassmu kontenut ta' vjolazzjoni jkunu avżati dwar il-vjolazzjoni. Vjolazzjonijiet severi jew ripetuti tal-politiki tagħna jkollhom impatt fuq l-aċċess għall-kont tal-persuna.

Jekk qatt tirċievi jew tara Snap li temmen li hija espliċita sesswalment — jekk tħossok skomdu/a — toqgħodx lura milli tuża l-menu tar-rapportar tagħna fl-app stess. Dawn ir-rapporti jiġu riveduti għal azzjoni f'modi li jgħinu biex jipproteġu l-privatezza u s-sigurtà tal-persuna li tagħmel ir-rapport. Inħeġġu wkoll lill-persuni biex jikkunsidraw jimblokkaw messaġġi mhux mixtieqa.

Il-pjattoformi tagħna b'udjenza għolja, inklużi Spotlight u Discover, huma suġġetti għal monitoraġġ proattiv u salvagwardji oħrajn. Dawn il-pjattaformi kultant jistgħu jinkludu kontenut suġġestiv li mhux meqjus sesswalment espliċitu (per eżempju malji tal-għawm skullati); madankollu, l-utenti huma mħeġġa li jirrappurtaw kwalunkwe kontenut li tħoss li huwa inkonsistenit mal-Linji Gwida Komunitarji tagħna.

Il-prevenzjoni, is-sejba u l-qerda tal-Immaġini ta' Sfruttament u Abbuż Sesswali tat-tfal
(CESAI) fuq il-pjattaforma tagħna hija prijorità ewlenija għalina, u aħna kontinwament nevolvu l-kapaċitajiet tagħna biex nindirizzaw is-CSEAI u tipi oħra ta' kontenut ta' sfruttament sesswali tat-tfal. Nirrapportaw ksur ta' dawn il-politiki lin-National Center for Missing and Exploited Children (NCMEC) tal-Istati Uniti, kif meħtieġ mil-liġi. In-National Center for Missing and Exploited Children imbagħad, min-naħa tagħhom, tikkoordina mal-infurzar tal-liġi domestika jew internazzjonali, kif meħtieġ.

Għeluq

L-għan tagħna huwa li nrawmu komunità sigura fejn l-iSnapchatters jistgħu jesprimu ruħhom, u ma nittollerawx kontenut sesswalment espliċitu jew ta' sfruttament. Jekk qatt tħossok skomdu/a, toqgħodx lura milli tikkuntattja persuna fdata f'ħajtek, u tirrapporta kontenut ta' vjolazzjoni u timblokka kwalunkwe persuna li toħloq offiża.