Theddid, Vjolenza, u Ħsara

Il-Linji Gwida tal-Komunità tagħna relatati mat-theddid, il-vjolenza, u l-ħsara jirriflettu impenn għat-tneħħija ta’ kontenut li jimmina s-sigurtà tal-komunità tagħna, filwaqt li jkunu attenti wkoll għal espressjonijiet urġenti ta’ dwejjaq fuq il-pjattaforma tagħna.

Biex tippromwovi s-sigurtà, dan li ġej huwa pprojbit fuq Snapchat:

• Glorifikazzjoni ta' atti ta' ħsara li persuna tikkawża lilha nnifisha, inkluż il-promozzjoni biex wieħed iweġġa' lilu nnifsu jew iwettaq atti ta' mutilazzjoni fuqu nnifsu, suwiċidju, jew problemi psikoloġiċi relatati ma' disturbi fl-imġieba tal-persuna relatati ma' l-ikel.

• L-inkoraġġiment jew l-involviment f'imġieba vjolenti jew ta' theddid, inkluż kwalunkwe kontenut li jesprimi intenzjoni li jikkawża ħsara fiżika jew emozzjonali serja lil persuna, grupp ta' nies, jew ħsara lill-proprjetà tagħhom. Fejn il-kontenut jindika theddida kredibbli u imminenti għall-ħajja jew is-sikurezza tal-bniedem, it-timijiet tagħna jistgħu javżaw lill-aġenziji taż-żamma tal-liġi li jistgħu jkunu lesti biex jintervjenu. 

• Attività ta' persuna li tipprova tipprevjeni jew tikkastiga atti kriminali mingħajr awtorità uffiċjali Dan jinkludi sforzi kkoordinati biex tintimida jew tieħu azzjoni fiżika kontra individwi jew komunitajiet barra mill-proċess legali uffiċjali. 

• Inkoraġġiment jew involviment f'imġieba perikoluża. Dan jinkludi l-involviment f'attivitajiet li x'aktarx se jiġu imitati li jistgħu jwasslu għal ħsara serja, bħal sfidi ta' riskju għoli, sewqan bl-addoċċ, jew imġieba oħra li toħloq riskju għas-sigurtà pubblika. 

• Kontenut li jigglorifika, jew jirriskja li jipprovoka, imġieba vjolenti jew ta' ħsara lejn nies jew annimali.  

• Snaps ta' vjolenza eċċessiva jew grafika, inkluż abbuż fuq l-annimali.

Fejn l-utenti jirrappurtaw kontenut li jindika li hemm riskju li persuna tagħmel ħsara lilha nnifisha, it-timijiet tagħna jirrevedu dawn ir-rapporti bil-ħsieb li jipprovdu riżorsi ta’ għajnuna u potenzjalment jidentifikaw opportunitajiet għas-servizzi ta’ emerġenza biex jintervjenu, fejn possibbli. Informazzjoni addizzjonali dwar ir-riżorsi tas-sigurtà tagħna hija disponibbli fuq iċ-Ċentru tal-Privatezza, is-Sigurtà u l-Politika tagħna.

Biex tkompli tappoġġja l-benessri tal-komunità tagħna, Here For You jgħin biex jinstabu r-riżorsi minn imsieħba esperti lokalizzati meta l-utenti jfittxu fuq ċerti suġġetti relatati mas-saħħa mentali, ansjetà, depressjoni, stress, ħsibijiet ta' suwiċidju, niket u bullying.

L-approċċ tagħna biex nirrispondu għat-theddid, il-vjolenza u l-ħsara huma mfassla għas-sitwazzjoni. Fir-rigward tat-theddid lilek innifsek, it-timijiet tagħna jaħdmu biex jidentifikaw l-aħjar mezzi ta' appoġġ permezz ta' riżorsi ta' sikurezza. Fejn oħrajn huma mhedda, aħna nistinkaw għal riżultati siguri kemm permezz tat-twettiq tal-politiki tagħna kif ukoll, fejn meħtieġ, b'kollaborazzjoni mal-infurzar tal-liġi.

Li nagħmlu l-parti tagħna biex nappoġġjaw is-sigurtà u l-benessri tal-komunità tagħna hija prijorità għolja fil-kumpanija tagħna.