Theddid, Vjolenza u Ħsara
Sensiela ta' Taħriġ dwar ir-Regoli tal-Komunità
Aġġornat: Marzu 2026
Ħarsa Ġenerali
Is-sigurtà u l-benesseri tal-komunità tagħna huma prijorità ewlenija fi Snapchat, u aħna nieħdu l-każijiet kollha ta' theddid, vjolenza u ħsara bis-serjetà. Ma nippermettux kontenut li jinkoraġġixxi, jippromwovi, jhedded, jipprovdi struzzjonijiet, jew juri b'mod grafiku mġiba vjolenti jew perikoluża. Nipprojbixxu wkoll kontenut li jippromwovi, jigglorifika, jew jinkoraġġixxi l-ħsara fuq il-persuna nnifisha jew is-suwiċidju. Theddid imminenti għall-ħajja u s-sigurtà tal-bniedem jistgħu jiġu riferuti lill-forzi tal-ordni.
Filwaqt li l-politiki u l-metodi ta' filtrazzjoni tagħna jtejbu s-sigurtà għall-utenti kollha, ninvestu wkoll b'mod proattiv f'faċilitajiet u riżorsi biex ngħinu nappoġġjaw il-benesseri tal-komunità tagħna. Inħeġġu lill-iSnapchatters biex jirrappurtaw kontenut li jindika ħsara fuq il-persuna nnifisha jew tbatija emozzjonali sabiex it-timijiet tagħna jkunu jistgħu jibagħtu riżorsi u potenzjalment javżaw lil ħaddiema li jwieġbu f'każ ta' emerġenza tas-saħħa.
Imġiba Pprojbita
Aħna nipprojbixxu dan li ġej:
L-inkoraġġiment, il-promozzjoni, jew il-glorifikazzjoni tal-ħsara fuq il-persuna nnifisha, inkluż ħsara fuq il-persuna nnifisha, awtomutilazzjoni, suwiċidju, jew problemi psikoloġiċi marbuta mar-relazzjoni tal-persuna mal-ikel.
L-għoti ta' struzzjonijiet jew dettalji dwar metodi ta' kif wieħed jagħmel ħsara lilu nnifsu (inkluż dieti estremi) jew suwiċidju.
L-inkoraġġiment jew l-involviment f'imġieba vjolenti jew ta' theddid, inkluż kwalunkwe kontenut li jesprimi intenzjoni li jikkawża ħsara fiżika jew emozzjonali serja lil persuna, grupp ta' nies, jew ħsara lill-proprjetà tagħhom. Fejn il-kontenut jindika theddida kredibbli u imminenti għall-ħajja jew is-sikurezza tal-bniedem, it-timijiet tagħna jistgħu javżaw lill-aġenziji taż-żamma tal-liġi li jistgħu jkunu lesti biex jintervjenu.
Attività ta' persuna li tipprova tipprevjeni jew tikkastiga atti kriminali mingħajr awtorità uffiċjali Dan jinkludi sforzi kkoordinati biex tintimida jew tieħu azzjoni fiżika kontra individwi jew komunitajiet barra mill-proċess legali uffiċjali.
L-inkoraġġiment, il-promozzjoni, l-għoti ta' struzzjonijiet, jew l-involviment f'imġiba perikoluża. Dan jinkludi l-involviment f'attivitajiet li x'aktarx jiġu imitati li jistgħu jwasslu għal ħsara jew korriment serju, bħal sfidi ta' riskju għoli, stunts, sewqan traskurat, jew imġiba oħra li toħloq riskju għall-persuna li tagħmilha, għal xi ħadd ieħor, jew għall-pubbliku.
L-inkoraġġiment tal-inġestjoni, l-injezzjoni, l-inalazzjoni, jew amministrazzjoni oħra ta' sustanzi fiżikament perikolużi jew ta' sustanzi fi kwantitajiet suffiċjenti biex ikunu fiżikament perikolużi.
Kontenut li jigglorifika, jew jirriskja li jipprovoka, imġieba vjolenti jew ta' ħsara lejn nies jew annimali.
Vjolenza bla bżonn jew grafika, inkluż abbuż tal-annimali.
Il-ħidma tagħna biex nipproteġu lill-utenti
Aħna impenjati li nibbilanċjaw is-sigurtà u l-privatezza fl-istrateġija tagħna għall-protezzjoni tal-utenti. Aħna nużaw taħlita ta' għodod awtomatizzati u reviżjoni umana biex nipprevjenu li l-utenti jkunu esposti għal kontenut li jippromwovi jew jinkoraġġixxi l-ħsara fuq il-persuna nnifisha, problemi psikoloġiċi relatati mar-relazzjoni ta' persuna ma' l-ikel, jew suwiċidju, kif ukoll theddid u attivitajiet perikolużi, fuq uċuħ pubbliċi (bħal Spotlight, Public Stories u Maps). Aħna dejjem inħeġġu lill-utenti biex jirrappurtaw kwalunkwe kontenut li jikser ir-regoli sabiex it-timijiet tagħna jkunu jistgħu jirreveduh u jieħdu azzjoni xierqa.
Fejn l-utenti jirrappurtaw kontenut li jindika riskju ta' ħsara fuq il-persuna nnifisha, problemi psikoloġiċi relatati ma' relazzjoni ħażina ma' l-ikel, jew suwiċidju, irridu ngħinu. Fejn xieraq, nipprovdu riżorsi utli u nistgħu nidentifikaw opportunitajiet biex is-servizzi ta' emerġenza jintervjenu. Informazzjoni addizzjonali dwar ir-riżorsi tas-sigurtà tagħna hija disponibbli fuq iċ-Ċentru tal-Privatezza, is-Sigurtà u l-Politika tagħna.
Biex tkompli tappoġġja l-benessri tal-komunità tagħna, Hawn Għalik jgħin biex jinstabu r-riżorsi minn imsieħba esperti lokalizzati meta l-utenti jfittxu fuq ċerti suġġetti relatati mas-saħħa mentali, ansjetà, depressjoni, stress, ħsibijiet ta' suwiċidju, niket u bullying.
Aħna ngħaddu każijiet lill-forzi tal-ordni fejn nemmnu li jista' jkun hemm theddida imminenti għall-ħajja tal-bniedem. L-istrateġija ta' Snap huwa li żżomm protokolli stabbiliti biex tassisti lill-awtoritajiet tal-forzi tal-ordni madwar id-dinja, inklużi għejun iddedikati biex jirrispondu għal sitwazzjonijiet ta' ħsara imminenti potenzjali, suġġetti għal salvagwardji legali stretti. Aktar informazzjoni għall-forzi tal-ordni tista' tinstab hawn.
Punti Ewlenin
L-istrateġija tagħna biex nirrispondu għat-theddid, il-vjolenza u l-ħsara huwa mfassal għas-sitwazzjoni. Fir-rigward tat-theddid lilek innifsek, it-timijiet tagħna jaħdmu biex jidentifikaw l-aħjar mezzi ta' appoġġ permezz ta' riżorsi ta' sikurezza. Fejn oħrajn huma mhedda, aħna nistinkaw għal riżultati siguri kemm permezz tat-twettiq tal-politiki tagħna kif ukoll, fejn meħtieġ, b'kollaborazzjoni mal-forzi tal-ordni.
Li nagħmlu l-parti tagħna biex nappoġġjaw is-sigurtà u l-benessri tal-komunità tagħna hija prijorità għolja fil-kumpanija tagħna.
Informazzjoni Qarrieqa jew Falza li Tagħmel il-Ħsara