ಕಮ್ಯುನಿಟಿ ಮಾರ್ಗಸೂಚಿಗಳು

• ಮಕ್ಕಳ ಲೈಂಗಿಕ ಶೋಷಣೆ ಅಥವಾ ದೌರ್ಜನ್ಯದ ಚಿತ್ರಗಳು, ಲೈಂಗಿಕವಾಗಿ ಅಲಂಕರಿಸಿಕೊಳ್ಳುವಿಕೆ ಅಥವಾ ಲೈಂಗಿಕ ಸುಲಿಗೆ (ಸೆಕ್ಸ್‌ಟಾರ್ಶನ್) ಅಥವಾ ಮಕ್ಕಳ ಲೈಂಗಿಕಗೊಳಿಸುವಿಕೆ ಸೇರಿದಂತೆ, ಅಪ್ರಾಪ್ತ ವಯಸ್ಕರ ಲೈಂಗಿಕ ಶೋಷಣೆ ಅಥವಾ ದೌರ್ಜನ್ಯವನ್ನು ಒಳಗೊಂಡ ಯಾವುದೇ ಚಟುವಟಿಕೆಯನ್ನು ನಾವು ನಿಷೇಧಿಸುತ್ತೇವೆ. ಅಂತಹ ನಡವಳಿಕೆಯಲ್ಲಿ ತೊಡಗಿಕೊಳ್ಳುವ ಪ್ರಯತ್ನಗಳು ಸೇರಿದಂತೆ, ಮಕ್ಕಳ ಲೈಂಗಿಕ ಶೋಷಣೆಯ ಎಲ್ಲ ಗುರುತಿಸಿದ ಘಟನೆಗಳನ್ನು ನಾವು ಅಧಿಕಾರಿಗಳಿಗೆ ವರದಿ ಮಾಡುತ್ತೇವೆ. 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಯಾರಾದರೂ ಇರುವ ನಗ್ನ ಅಥವಾ ಅಶ್ಲೀಲ ವಿಷಯವನ್ನು ಎಂದಿಗೂ ಪೋಸ್ಟ್ ಮಾಡಬೇಡಿ, ಉಳಿಸಬೇಡಿ, ಕಳುಹಿಸಬೇಡಿ, ಫಾರ್ವರ್ಡ್ ಮಾಡಬೇಡಿ, ವಿತರಿಸಬೇಡಿ ಅಥವಾ ಅಂತಹ ವಿಷಯವನ್ನು ಕೇಳಬೇಡಿ (ಇದು ನಿಮ್ಮದೇ ಆದ ಅಂತಹ ಚಿತ್ರಗಳನ್ನು ಕಳುಹಿಸುವುದು ಅಥವಾ ಉಳಿಸುವುದನ್ನು ಒಳಗೊಂಡಿದೆ). 

• ಕಾಮಪ್ರಚೋದಕ ವಿಷಯವನ್ನು ಪ್ರಚಾರ ಮಾಡುವುದು, ವಿತರಿಸುವುದು ಅಥವಾ ಹಂಚಿಕೊಳ್ಳುವುದು ಹಾಗೂ ಕಾಮಪ್ರಚೋದಕ ಅಥವಾ ಲೈಂಗಿಕ ಸಂಭೋಗಗಳಿಗೆ ಸಂಬಂಧಿಸಿದ ವಾಣಿಜ್ಯ ಚಟುವಟಿಕೆಗಳನ್ನು ನಾವು ನಿಷೇಧಿಸುತ್ತೇವೆ (ಅದು ಆನ್‌ಲೈನ್ ಅಥವಾ ಆಫ್‌ಲೈನ್ ಆಗಿರಬಹುದು). 

• ಸ್ತನ್ಯಪಾನ ಮತ್ತು ಲೈಂಗಿಕವಲ್ಲದ ಸನ್ನಿವೇಶಗಳಲ್ಲಿ ನಗ್ನತೆಯ ಇತರ ಚಿತ್ರಣಗಳನ್ನು ಸಾಮಾನ್ಯವಾಗಿ ಅನುಮತಿಸಲಾಗುತ್ತದೆ.

• ಹಿಂಸಾತ್ಮಕ ಅಥವಾ ಅಪಾಯಕಾರಿ ನಡವಳಿಕೆಯನ್ನು ಪ್ರೋತ್ಸಾಹಿಸುವುದು ಅಥವಾ ತೊಡಗಿಸಿಕೊಳ್ಳುವುದನ್ನು ನಿಷೇಧಿಸಲಾಗಿದೆ. ಒಬ್ಬ ವ್ಯಕ್ತಿ, ಜನರ ಗುಂಪು ಅಥವಾ ಒಬ್ಬರ ಸ್ವತ್ತನ್ನು ಹಾನಿ ಮಾಡುವುದಾಗಿ ಎಂದಿಗೂ ಬೆದರಿಕೆ ಹಾಕಬೇಡಿ.

• ಪ್ರಾಣಿ ಹಿಂಸೆ ಸೇರಿದಂತೆ, ಅನಪೇಕ್ಷಿತ ಅಥವಾ ಹಿಂಸೆಯ ಚಿತ್ರಣವಿರುವ Snap ಗಳಿಗೆ ಅವಕಾಶವಿಲ್ಲ.

• ಸ್ವಯಂ-ಗಾಯ ಮಾಡಿಕೊಳ್ಳುವಿಕೆ, ಆತ್ಮಹತ್ಯೆ ಅಥವಾ ತಿನ್ನುವ ಕಾಯಿಲೆಗಳ ಪ್ರಚಾರ ಸೇರಿದಂತೆ, ಸ್ವಯಂ-ಹಾನಿಯ ವೈಭವೀಕರಣಕ್ಕೆ ನಾವು ಅವಕಾಶ ನೀಡುವುದಿಲ್ಲ.

• ಭಯೋತ್ಪಾದನಾ ಸಂಘಟನೆಗಳು, ಹಿಂಸಾತ್ಮಕ ಉಗ್ರಗಾಮಿಗಳು ಮತ್ತು ದ್ವೇಷದ ಗುಂಪುಗಳು ನಮ್ಮ ವೇದಿಕೆಯನ್ನು ಬಳಸದಂತೆ ನಿಷೇಧಿಸಲಾಗಿದೆ. ಭಯೋತ್ಪಾದನೆ ಅಥವಾ ಹಿಂಸಾತ್ಮಕ ಉಗ್ರವಾದವನ್ನು ಪ್ರತಿಪಾದಿಸುವ ಅಥವಾ ಪ್ರಚೋದಿಸುವ ವಿಷಯಕ್ಕೆ ನಾವು ಸಹಿಷ್ಣುತೆಯನ್ನು ಹೊಂದಿಲ್ಲ.

• ದ್ವೇಷ ಭಾಷಣ ಅಥವಾ ಜನಾಂಗ, ಬಣ್ಣ, ಜಾತಿ, ಕುಲ, ರಾಷ್ಟ್ರೀಯ ಮೂಲ, ಧರ್ಮ, ಲೈಂಗಿಕ ಒಲವು, ಲಿಂಗ, ಲಿಂಗ ಗುರುತು, ವೈಕಲ್ಯ ಅಥವಾ ಪರಿಣಿತ ಸ್ಥಿತಿ, ವಲಸೆ ಸ್ಥಿತಿ, ಸಾಮಾಜಿಕ-ಆರ್ಥಿಕ ಸ್ಥಿತಿ, ವಯಸ್ಸು, ತೂಕ ಅಥವಾ ಗರ್ಭಾವಸ್ಥೆ ಸ್ಥಿತಿ ಆಧಾರದಲ್ಲಿ ಕೀಳಾಗಿ ಕಾಣುವ, ಅವಮಾನಿಸುವ ಅಥವಾ ತಾರತಮ್ಯ ಅಥವಾ ಹಿಂಸೆಯನ್ನು ಪ್ರಚೋದಿಸುವ ವಿಷಯವನ್ನು ನಿಷೇಧಿಸಲಾಗಿದೆ.

• ಯಾವುದೇ ಬಗೆಯ ಬೆದರಿಸುವ ಅಥವಾ ಕಿರುಕುಳ ನೀಡುವ ಕೃತ್ಯವನ್ನು ನಾವು ನಿಷೇಧಿಸುತ್ತೇವೆ. ಒಂದು ವೇಳೆ ಯಾರಾದರೂ ನಿಮ್ಮನ್ನು ನಿರ್ಬಂಧಿಸಿದರೆ, ನೀವು ಬೇರೊಂದು Snapchat ಖಾತೆಯಿಂದ ಅವರನ್ನು ಸಂಪರ್ಕಿಸುವಂತಿಲ್ಲ.

• ಒಬ್ಬ ವ್ಯಕ್ತಿಯ ಅರಿವಿಗೆ ಬಾರದಂತೆ ಮತ್ತು ಅವರ ಸಮ್ಮತಿಯಿಲ್ಲದೆ — ಸ್ನಾನದ ಕೋಣೆ, ಮಲಗುವ ಕೋಣೆ, ಲಾಕರ್ ರೂಮ್ ಅಥವಾ ಆಸ್ಪತ್ರೆಯಂತಹ — ಖಾಸಗಿ ಸ್ಥಳಗಳಲ್ಲಿ ಅವರು ಇರುವಾಗಿನ ಚಿತ್ರಗಳನ್ನು ಹಂಚಿಕೊಳ್ಳುವುದನ್ನು, ಅದೇ ರೀತಿ ಇನ್ನೊಬ್ಬ ವ್ಯಕ್ತಿಯ ಅರಿವಿಗೆ ಬಾರದಂತೆ ಮತ್ತು ಅವರ ಸಮ್ಮತಿಯಿಲ್ಲದೆ ಅಥವಾ ಕಿರುಕುಳ ನೀಡುವ ಉದ್ದೇಶಕ್ಕಾಗಿ (ಅಂದರೆ "ಡಾಕ್ಸಿಂಗ್") ಅವರ ಖಾಸಗಿ ಮಾಹಿತಿ ಹಂಚಿಕೊಳ್ಳುವುದನ್ನು ನಿಷೇಧಿಸಲಾಗಿದೆ.

• ಒಂದು ವೇಳೆ ನಿಮ್ಮ Snap ನಲ್ಲಿ ಒಬ್ಬರು ಕಾಣಿಸಿಕೊಂಡಿದ್ದು ಮತ್ತು ಅದನ್ನು ತೆಗೆದುಹಾಕುವಂತೆ ನಿಮ್ಮನ್ನು ಕೇಳಿದರೆ, ದಯವಿಟ್ಟು ಹಾಗೆ ಮಾಡಿ! ಇತರರ ಗೌಪ್ಯತೆ ಹಕ್ಕುಗಳನ್ನು ಗೌರವಿಸಿ. 

• ಜೊತೆಗೆ ದಯವಿಟ್ಟು ನಮ್ಮ ವರದಿ ಮಾಡುವಿಕೆ ಕಾರ್ಯವಿಧಾನಗಳ ದುರ್ಬಳಕೆ ಮಾಡಿಕೊಂಡು ಇನ್ನೊಬ್ಬ Snapchatter ಗೆ ಕಿರುಕುಳ ನೀಡಬೇಡಿ, ಉದಾಹರಣೆಗೆ ಅನುಮತಿಸಬಹುದಾದ ವಿಷಯವನ್ನು ಉದ್ದೇಶಪೂರ್ವಕವಾಗಿ ವರದಿ ಮಾಡುವುದು.

• ನಿಮ್ಮ ಅಧಿಕಾರ ವ್ಯಾಪ್ತಿಯಲ್ಲಿ ಕಾನೂನುಬಾಹಿರವಾದ ವಿಷಯವನ್ನು ಕಳುಹಿಸಲು ಅಥವಾ ಪೋಸ್ಟ್ ಮಾಡಲು ಅಥವಾ ಯಾವುದೇ ಕಾನೂನುಬಾಹಿರ ಚಟುವಟಿಕೆಗಳಿಗಾಗಿ Snapchat ಅನ್ನು ಬಳಸಬೇಡಿ. ಇದು ಕಾನೂನುಬಾಹಿರ ಅಥವಾ ನಿರ್ಬಂಧಿತ ಔಷಧಗಳು, ಖೋಟಾ ಸರಕುಗಳು ಅಥವಾ ಶಸ್ತ್ರಾಸ್ತ್ರಗಳನ್ನು ಖರೀದಿಸುವುದು, ಮಾರಾಟ ಮಾಡುವುದು, ವಿನಿಮಯ ಮಾಡುವುದು ಅಥವಾ ಮಾರಾಟಕ್ಕೆ ಸೌಕರ್ಯ ಕಲ್ಪಿಸುವುದು ಮುಂತಾದ ಅಪರಾಧ ಚಟುವಟಿಕೆಯನ್ನು ಪ್ರೋತ್ಸಾಹಿಸುವುದು, ಅದಕ್ಕೆ ಸೌಲಭ್ಯ ಕಲ್ಪಿಸುವುದು ಅಥವಾ ಅದರಲ್ಲಿ ಭಾಗವಹಿಸುವುದನ್ನು ಒಳಗೊಂಡಿದೆ. ಲೈಂಗಿಕ ಕಳ್ಳಸಾಗಣೆ, ಕಾರ್ಮಿಕರ ಕಳ್ಳಸಾಗಣೆ ಅಥವಾ ಇತರ ಮಾನವ ಕಳ್ಳಸಾಗಣೆ ಸೇರಿದಂತೆ, ಯಾವುದೇ ಸ್ವರೂಪದ ಶೋಷಣೆಯ ಪ್ರಚಾರ ಮಾಡುವುದು ಅಥವಾ ಅದಕ್ಕೆ ಸೌಲಭ್ಯ ಕಲ್ಪಿಸುವುದನ್ನು ಕೂಡ ಇದು ಒಳಗೊಳ್ಳುತ್ತದೆ.

• ಜೂಜು, ತಂಬಾಕು ಅಥವಾ ಭಾಷ್ಪ (ವೇಪ್) ಉತ್ಪನ್ನಗಳು ಮತ್ತು ಮದ್ಯದ ಅನಧಿಕೃತ ಪ್ರಚಾರ ಸೇರಿದಂತೆ ನಿರ್ಬಂಧಿತ ಸರಕುಗಳು ಅಥವಾ ಉದ್ಯಮಗಳ ಕಾನೂನುಬಾಹಿರ ಪ್ರಚಾರವನ್ನು ನಾವು ನಿಷೇಧಿಸುತ್ತೇವೆ.

• ದುರಂತ ಘಟನೆಗಳ ಅಸ್ತಿತ್ವವನ್ನು ನಿರಾಕರಿಸುವುದು, ಆಧಾರರಹಿತ ವೈದ್ಯಕೀಯ ದಾವೆಗಳು, ನಾಗರಿಕ ಪ್ರಕ್ರಿಯೆಗಳ ಸಮಗ್ರತೆಯನ್ನು ಕಡೆಗಣಿಸುವುದು ಅಥವಾ ಸುಳ್ಳು ಅಥವಾ ದಾರಿತಪ್ಪಿಸುವ ಉದ್ದೇಶಗಳಿಗಾಗಿ ವಿಷಯವನ್ನು ತಿರುಚುವುದು (ಜನರೇಟಿವ್ AI ಮೂಲಕ ಅಥವಾ ವಂಚನೆಯ ಎಡಿಟಿಂಗ್ ಮೂಲಕ) ಮುಂತಾದ ಹಾನಿ ಉಂಟುಮಾಡುವ ಅಥವಾ ದುರುದ್ದೇಶಪೂರಿತವಾದ ಸುಳ್ಳು ಮಾಹಿತಿ ಹರಡುವುದನ್ನು ನಾವು ನಿಷೇಧಿಸುತ್ತೇವೆ.

• ನೀವಲ್ಲದ ಬೇರೊಬ್ಬರಂತೆ (ಅಥವಾ ಬೇರೆ ವಿಷಯದಂತೆ) ಸೋಗು ಹಾಕುವುದನ್ನು ಅಥವಾ ನೀವು ಯಾರೆನ್ನುವುದನ್ನು ಜನರಿಂದ ಮರೆಮಾಚುವುದನ್ನು ನಾವು ನಿಷೇಧಿಸುತ್ತೇವೆ. ಇದು ಹಾನಿಕಾರಕ, ವಿಡಂಬನಾತ್ಮಕವಲ್ಲದ ಉದ್ದೇಶಗಳಿಗಾಗಿ ನಿಮ್ಮ ಸ್ನೇಹಿತರು, ಸೆಲೆಬ್ರಿಟಿಗಳು, ಪ್ರಖ್ಯಾತರು, ಬ್ರ್ಯಾಂಡ್‌ಗಳು ಅಥವಾ ಇತರ ಜನರ ಅಥವಾ ಸಂಸ್ಥೆಗಳ ಸೋಗುಹಾಕುವುದನ್ನು ಒಳಗೊಂಡಿದೆ.

• ಫಾಲೋವರ್‌ಗಾಗಿ ಪಾವತಿಸಿ ಪ್ರಚಾರಗಳು ಅಥವಾ ಇತರ ಫಾಲೋವರ್ ಹೆಚ್ಚಿಸಿಕೊಳ್ಳುವ ಸ್ಕೀಮ್‌ಗಳು, ಸ್ಪ್ಯಾಮ್ ಅಪ್ಲಿಕೇಶನ್‌ಗಳ ಪ್ರಚಾರ ಅಥವಾ ಬಹುಹಂತದ ಮಾರ್ಕೆಟಿಂಗ್ ಅಥವಾ ಪಿರಾಮಿಡ್ ಸ್ಕೀಮ್‌ಗಳು ಸೇರಿದಂತೆ ಸ್ಪ್ಯಾಮ್ ಅನ್ನು ನಾವು ನಿಷೇಧಿಸುತ್ತೇವೆ.

• ಬಹಿರಂಗಪಡಿಸದೆ ಇರುವ ಪಾವತಿಸಿದ ಅಥವಾ ಪ್ರಾಯೋಜಿತ ಕಂಟೆಂಟ್, ವಂಚನೆಯ ಸರಕುಗಳು ಅಥವಾ ಸೇವೆಗಳು ಅಥವಾ ಶೀಘ್ರದಲ್ಲಿ ಶ್ರೀಮಂತರಾಗಿ ಸ್ಕೀಮ್‌ಗಳು ಅಥವಾ Snapchat ಅಥವಾ Snap Inc. ಅನ್ನು ನಕಲು ಮಾಡುವುದು ಸೇರಿದಂತೆ, ವಂಚನೆ ಮತ್ತು ಇತರ ಮೋಸಗೊಳಿಸುವ ಅಭ್ಯಾಸಗಳನ್ನು ನಾವು ನಿಷೇಧಿಸುತ್ತೇವೆ.

ನಮ್ಮ ಆ್ಯಪ್‌ನಲ್ಲಿನ ವರದಿ ಮಾಡುವಿಕೆ ವೈಶಿಷ್ಟ್ಯಗಳನ್ನು ಬಳಸಿಕೊಂಡು ನಮ್ಮ ಸುರಕ್ಷತಾ ತಂಡಗಳಿಗೆ ವರದಿಯನ್ನು ಸಲ್ಲಿಸುವ ಮೂಲಕ ಅಥವಾ ನೀವು Snapchat ಅಕೌಂಟ್ ಹೊಂದಿದ್ದೀರೇ ಇಲ್ಲವೇ ಎನ್ನುವುದನ್ನು ಪರಿಗಣಿಸದೆ ನಿಮ್ಮ ಕಳವಳವನ್ನು ವರದಿ ಮಾಡಲು ಅವಕಾಶ ಕಲ್ಪಿಸುವ ಈ ಫಾರ್ಮ್ ಭರ್ತಿ ಮಾಡುವ ಮೂಲಕ ನೀವು ಯಾವಾಗಲೂ ಒಂದು ವರದಿಯನ್ನು ಸಲ್ಲಿಸಬಹುದು. ಈ ಮಾರ್ಗಸೂಚಿಗಳ ಉಲ್ಲಂಘನೆಗಳನ್ನು ನಿರ್ಧರಿಸಲು ಈ ವರದಿಗಳನ್ನು ನಾವು ವಿಮರ್ಶಿಸುತ್ತೇವೆ.

ಒಂದು ವೇಳೆ ನೀವು ಈ ಕಮ್ಯುನಿಟಿ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದರೆ, ನಾವು ಆಕ್ಷೇಪಾರ್ಹ ವಿಷಯವನ್ನು ತೆಗೆದುಹಾಕಬಹುದು, ನಿಮ್ಮ ಖಾತೆಯ ಗೋಚರತೆಯನ್ನು ಮುಕ್ತಾಯಗೊಳಿಸಬಹುದು ಅಥವಾ ಸೀಮಿತಗೊಳಿಸಬಹುದು ಮತ್ತು/ಅಥವಾ ಕಾನೂನು ಜಾರಿ ಸಂಸ್ಥೆಗಳಿಗೆ ತಿಳಿಸಬಹುದು. ಚಟುವಟಿಕೆಯು ಮಾನವರ ಜೀವಕ್ಕೆ ತಕ್ಷಣದ ಅಪಾಯವನ್ನು ಒಡ್ಡುತ್ತದೆ ಎಂದು ನಾವು ನಂಬಿದಾಗ, ಸಂಬಂಧಿತ ವಿಷಯ ಮತ್ತು ಇತರ ಖಾತೆ ಡೇಟಾವನ್ನು ಒಳಗೊಂಡಂತೆ ಮಾಹಿತಿಯನ್ನು ಕಾನೂನು ಜಾರಿ ಸಂಸ್ಥೆಗಳಿಗೆ ಉಲ್ಲೇಖಿಸುವುದು ನಮ್ಮ ನೀತಿಯಾಗಿದೆ. ಈ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ನಿಮ್ಮ ಖಾತೆಯನ್ನು ನಿಷ್ಕ್ರಿಯಗೊಳಿಸಿದ್ದರೆ, ನಮ್ಮ ಅನುಮತಿಯಿಲ್ಲದೆ ಮತ್ತೆ Snapchat ಬಳಸಲು ನಿಮಗೆ ಅನುಮತಿ ಇಲ್ಲ.

ನಮ್ಮ ಸ್ವಂತ ವಿವೇಚನೆ ಮೇರೆಗೆ, Snapchat ನಲ್ಲಿ ಅಥವಾ ಹೊರಗೆ ಅಪಾಯ ಒಡ್ಡುತ್ತಾರೆ ಎಂದು ಭಾವಿಸಲು ನಾವು ಕಾರಣಗಳನ್ನು ಹೊಂದಿರುವ ಬಳಕೆದಾರರಿಗೆ ಖಾತೆ ಪ್ರವೇಶವನ್ನು ತೆಗೆದುಹಾಕುವ ಅಥವಾ ನಿರ್ಬಂಧಿಸುವ ಹಕ್ಕನ್ನು Snap ಕಾಯ್ದಿರಿಸಿದೆ. ಉದಾಹರಣೆಗಳಲ್ಲಿ, ಶಿಕ್ಷೆಗೊಳಗಾದ ಲೈಂಗಿಕ ಅಪರಾಧಿಗಳು, ಭಯೋತ್ಪಾದಕ ಸಂಘಟನೆಗಳ ನಾಯಕರು, ಹಿಂಸೆಯನ್ನು ಪ್ರಚೋದಿಸುವ ಅಥವಾ ಇತರರ ವಿರುದ್ಧ ತೀವ್ರ ಹಾನಿಕರವಾದ ಅಪರಾಧ ಎಸಗುವ ವ್ಯಕ್ತಿಗಳು, ಅಥವಾ ಮಾನವರ ಜೀವಕ್ಕೆ ಅಪಾಯ ಒಡ್ಡುತ್ತದೆ ಎಂದು ನಾವು ಭಾವಿಸುವ ನಡವಳಿಕೆ ಸೇರಿವೆ. ಅಂತಹ ನಡವಳಿಕೆಯನ್ನು ಮೌಲ್ಯಮಾಪನ ಮಾಡುವಾಗ, ಖಾತೆ ಪ್ರವೇಶವನ್ನು ತೆಗೆದುಹಾಕಬೇಕೇ ಅಥವಾ ನಿರ್ಬಂಧಿಸಬೇಕೇ ಎಂದು ನಿರ್ಧರಿಸಲು ವಿಷಯ ತಜ್ಞರು ಅಥವಾ ಕಾನೂನು ಜಾರಿ ಸಂಸ್ಥೆಗಳಂತಹ ಇತರ ಮೂಲಗಳಿಂದ ನಾವು ಮಾರ್ಗದರ್ಶನವನ್ನು ಪರಿಗಣಿಸಬಹುದು.

Snapchat ನಲ್ಲಿ ಸುರಕ್ಷತೆಯ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ದಯವಿಟ್ಟು ನಮ್ಮ ಸುರಕ್ಷತಾ ಕೇಂದ್ರಕ್ಕೆ ಭೇಟಿ ನೀಡಿ. ಅಲ್ಲಿ, ನೀವು ನಿಮ್ಮ ಗೌಪ್ಯತೆ ಸೆಟ್ಟಿಂಗ್‌ಗಳನ್ನು ಅಪ್‌ಡೇಟ್ ಮಾಡುವುದು, ನಿಮ್ಮ ವಿಷಯವನ್ನು ಯಾರು ನೋಡಬಹುದು ಎಂದು ಆಯ್ಕೆ ಮಾಡುವುದು ಮತ್ತು ಇತರ ಬಳಕೆದಾರರನ್ನು ನಿರ್ಬಂಧಿಸುವುದು ಮುಂತಾದ ಕ್ರಮ ಕೈಗೊಳ್ಳುವುದು ಸೇರಿದಂತೆ, ನಿಮ್ಮ Snapchat ಅನುಭವವನ್ನು ನಿರ್ವಹಿಸಲು ವಿವರವಾದ ಸೂಚನೆಗಳನ್ನು ಕಾಣುತ್ತೀರಿ.