Snapchat ನಾದ್ಯಂತ, ನಮ್ಮ ಸಮುದಾಯದ ಸುರಕ್ಷತಾ ಹಿತಾಸಕ್ತಿಗಳನ್ನು ಗೌರವಿಸುತ್ತಲೇ ಸುರಕ್ಷತೆಯನ್ನು ಹೆಚ್ಚಿಸುವುದಕ್ಕೆ ನಾವು ಬದ್ಧರಾಗಿದ್ದೇವೆ. ಸಂಭಾವ್ಯ ಹಾನಿಗಳ ವಿರುದ್ಧ ಹೋರಾಡಲು ನಾವು ಸಮತೋಲಿತ, ಅಪಾಯ-ಆಧರಿತ ವಿಧಾನವನ್ನು ತೆಗೆದುಕೊಳ್ಳುತ್ತೇವೆ — ಪಾರದರ್ಶಕ ಕಂಟೆಂಟ್ ಮಾಡರೇಷನ್ ಅಭ್ಯಾಸಗಳು, ಸ್ಥಿರ ಮತ್ತು ಸಮಾನವಾದ ಕ್ರಮ ಜಾರಿಗೊಳಿಸುವಿಕೆ ಮತ್ತು ನಮ್ಮ ನೀತಿಗಳನ್ನು ನ್ಯಾಯೋಚಿತವಾಗಿ ಅನ್ವಯಿಸಲು ನಮ್ಮನ್ನು ಉತ್ತರದಾಯಿಗಳಾಗಿಸಿಕೊಳ್ಳುವ ಸ್ಪಷ್ಟ ಸಂವಹನವನ್ನು ಸಂಯೋಜಿಸುತ್ತೇವೆ.

ಕಂಟೆಂಟ್ ಮಾಡರೇಷನ್

ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ನಾವು Snapchat ಅನ್ನು ವಿನ್ಯಾಸಗೊಳಿಸಿದ್ದೇವೆ ಮತ್ತು ಸಂಭಾವ್ಯತಃ ಹಾನಿಕಾರಕ ಕಂಟೆಂಟ್ ಹರಡುವಿಕೆಯನ್ನು ತಡೆಯಲು ಸಹಾಯ ಮಾಡುವಲ್ಲಿ ಈ ವಿನ್ಯಾಸ ಪ್ರಮುಖವಾಗಿದೆ. ಉದಾಹರಣೆಗೆ, ಸಂಭಾವ್ಯತಃ ಹಾನಿಕಾರಕ ಅಥವಾ ಉಲ್ಲಂಘಿಸುವ ಕಂಟೆಂಟ್ ಪ್ರಸಾರ ಮಾಡುವ ಅವಕಾಶವನ್ನು ಕ್ರಿಯೇಟರ್‌ಗಳು ಹೊಂದಿರುವ ಮುಕ್ತ ನ್ಯೂಸ್ ಫೀಡ್‌ ಅನ್ನು Snapchat ಒದಗಿಸುವುದಿಲ್ಲ ಮತ್ತು ಸ್ನೇಹಿತರ ಪಟ್ಟಿಗಳು ಖಾಸಗಿಯಾಗಿರುತ್ತವೆ. 

ಈ ವಿನ್ಯಾಸ ಸುರಕ್ಷತಾ ಕ್ರಮಗಳ ಜೊತೆಗೆ, ನಮ್ಮ ಸಾರ್ವಜನಿಕ ವಿಷಯ ಮೇಲ್ಮೈಗಳನ್ನು (ಉದಾಹರಣೆಗೆ ಸ್ಪಾಟ್‌ಲೈಟ್, ಸಾರ್ವಜನಿಕ ಕಥೆಗಳು ಮತ್ತು ಮ್ಯಾಪ್‌ಗಳು) ಮಾಡರೇಟ್ ಮಾಡಲು ನಾವು ಸ್ವಯಂಚಾಲಿತ ಟೂಲ್‌ಗಳು ಮತ್ತು ಮಾನವ ವಿಮರ್ಶೆಯ ಸಂಯೋಜನೆಯನ್ನು ಬಳಸುತ್ತೇವೆ. ಸಾರ್ವಜನಿಕ ಮೇಲ್ಮೈಗಳಲ್ಲಿ ಶಿಫಾರಸು ಮಾಡಲಾಗಿರುವ ಕಂಟೆಂಟ್ ಅನ್ನು ಉನ್ನತ ಮಾನದಂಡದಿಂದ ಪರಿಶೀಲಿಸಲಾಗುತ್ತದೆ ಮತ್ತು ಹೆಚ್ಚುವರಿ ಮಾರ್ಗಸೂಚಿಗಳನ್ನು ಕಡ್ಡಾಯವಾಗಿ ಪೂರೈಸಬೇಕು. ಉದಾಹರಣೆಗೆ, ಹೆಚ್ಚು ವಿಸ್ತಾರವಾದ Snapchat ಸಮುದಾಯದೊಂದಿಗೆ ಹಂಚಿಕೊಳ್ಳಲು ಕ್ರಿಯೇಟರ್‌ಗಳು ಸೃಜನಶೀಲ ಮತ್ತು ಮನರಂಜನೆಯ ವೀಡಿಯೊಗಳನ್ನು ಸಲ್ಲಿಸಬಹುದಾದ ಸ್ಪಾಟ್‌ಲೈಟ್‌ನಲ್ಲಿ, ಯಾವುದೇ ವಿತರಣೆ ಪಡೆಯುವುದಕ್ಕೆ ಮುನ್ನ ಎಲ್ಲ ಕಂಟೆಂಟ್ ಅನ್ನು ಮೊದಲು ಸ್ವಯಂಚಾಲಿತವಾಗಿ ಕೃತಕ ಬುದ್ಧಿಮತ್ತೆ ಮತ್ತು ಇತರ ತಂತ್ರಜ್ಞಾನಗಳಿಂದ ಪರಿಶೀಲಿಸಲಾಗುತ್ತದೆ. ಕಂಟೆಂಟ್ ಹೆಚ್ಚು ವೀಕ್ಷಣೆಯನ್ನು ಪಡೆದುಕೊಂಡ ಬಳಿಕ, ಬೃಹತ್ ಪ್ರೇಕ್ಷಕರಿಗೆ ವಿತರಣೆಗಾಗಿ ಶಿಫಾರಸು ಮಾಡುವ ಅವಕಾಶ ನೀಡುವುದಕ್ಕೆ ಮೊದಲು ಮಾನವ ಮಾಡರೇಟರ್‌ಗಳು ಅದನ್ನು ಪರಿಶೀಲಿಸುತ್ತಾರೆ. ಸ್ಪಾಟ್‌ಲೈಟ್‌ನಲ್ಲಿ ವಿಷಯವನ್ನು ಮಾಡರೇಟ್ ಮಾಡುವ ಈ ಹಂತಹಂತದ ವಿಧಾನವು ಸಂಭಾವ್ಯತಃ ಹಾನಿಕಾರಕ ಕಂಟೆಂಟ್ ಹರಡಬಹುದಾದ ಅಪಾಯವನ್ನು ಕಡಿಮೆ ಮಾಡುತ್ತದೆ ಮತ್ತು ಎಲ್ಲರಿಗೂ ವಿನೋದಮಯ ಮತ್ತು ಸಕಾರಾತ್ಮಕ ಅನುಭವವನ್ನು ಒದಗಿಸುತ್ತದೆ. 

ಅದೇ ರೀತಿಯಲ್ಲಿ, ಪ್ರಕಾಶಕರ ಕಥೆಗಳು ಅಥವಾ ಶೋಗಳಂತಹ, ಮಾಧ್ಯಮ ಕಂಪನಿಗಳು ಸೃಷ್ಟಿಸಿದ ಸಂಪಾದಕೀತ ವಿಷಯವನ್ನು ಸುರಕ್ಷತೆ ಮತ್ತು ಪ್ರಾಮಾಣಿಕತೆಗಾಗಿ ಉನ್ನತ ಮಾನದಂಡಗಳಿಗೆ ಒಳಪಡಿಸಲಾಗುತ್ತದೆ. ಹೆಚ್ಚುವರಿಯಾಗಿ, ಸಂಭಾವ್ಯತಃ ಹಾನಿಕಾರಕ ಕಂಟೆಂಟ್ ಗುರುತಿಸಲು ನೆರವು ಪಡೆದುಕೊಳ್ಳುವುದಕ್ಕೆ, ಕಥೆಗಳು ರೀತಿಯ ಸಾರ್ವಜನಿಕ ಅಥವಾ ಹೆಚ್ಚು ಗೋಚರತೆಯ ತಾಣಗಳಲ್ಲಿ ಪೂರ್ವಭಾವಿ ಹಾನಿ-ಪತ್ತೆ ತಂತ್ರಜ್ಞಾನಗಳನ್ನು ಬಳಸುತ್ತೇವೆ ಮತ್ತು ಹುಡುಕಾಟ ಫಲಿತಾಂಶಗಳಲ್ಲಿ ಅಂತಹ ಕಂಟೆಂಟ್ (ಉದಾಹರಣೆಗೆ ಅಕ್ರಮ ಮಾದಕಪದಾರ್ಥ ಅಥವಾ ಇತರ ಅಕ್ರಮ ವಸ್ತುಗಳ ಜಾಹೀರಾತು ನೀಡಲು ಪ್ರಯತ್ನಿಸುತ್ತಿರುವ ಖಾತೆಗಳು) ಮರಳುವುದನ್ನು ತಡೆಯಲು ನಾವು ಕೀವರ್ಡ್ ಫಿಲ್ಟರಿಂಗ್ ಬಳಸುತ್ತೇವೆ.  

ನಮ್ಮ ಎಲ್ಲ ಉತ್ಪನ್ನ ತಾಣಗಳಾದ್ಯಂತ, ನಮ್ಮ ನೀತಿಗಳ ಸಂಭಾವ್ಯತಃ ಉಲ್ಲಂಘನೆಗಾಗಿ ಬಳಕೆದಾರರು ಖಾತೆಗಳು ಮತ್ತು ಕಂಟೆಂಟ್ ಅನ್ನು ವರದಿ ಮಾಡಬಹುದು. ವರದಿಯನ್ನು ಮೌಲ್ಯಮಾಪನ ಮಾಡಲು; ನಮ್ಮ ನೀತಿಗಳ ಅನುಸಾರ ಸೂಕ್ತ ಕ್ರಮ ಕೈಗೊಳ್ಳಲು; ಮತ್ತು ವರದಿ ಮಾಡಿದ ಪಕ್ಷಕ್ಕೆ--ಸಾಮಾನ್ಯವಾಗಿ ಕೆಲವು ಗಂಟೆಗಳ ಒಳಗೆ -- ಫಲಿತಾಂಶದ ಕುರಿತು ಸೂಚನೆ ನೀಡಲು ತರಬೇತಾಗಿರುವ ನಮ್ಮ ಸುರಕ್ಷತಾ ತಂಡಗಳಿಗೆ ನೇರವಾಗಿ ಒಂದು ಗೌಪ್ಯ ವರದಿ ಸಲ್ಲಿಸುವುದನ್ನು ನಾವು Snapchatter ಗಳಿಗೆ ಸುಲಭವಾಗಿಸಿದ್ದೇವೆ. ಸಂಭಾವ್ಯತಃ ಹಾನಿಕಾರಕ ಕಂಟೆಂಟ್ ಅಥವಾ ನಡವಳಿಕೆಯನ್ನು ವರದಿ ಮಾಡುವ ಕುರಿತು ಹೆಚ್ಚಿನ ಮಾಹಿತಿಗಾಗಿ, ನಮ್ಮ ಬೆಂಬಲ ಸೈಟ್‌ನಲ್ಲಿ ಈ ಸಂಪನ್ಮೂಲಕ್ಕೆ ಭೇಟಿ ನೀಡಿ. Snapchat ನಲ್ಲಿ ಉಲ್ಲಂಘಿಸುವ ಕಂಟೆಂಟ್ ಅನ್ನು ಗುರುತಿಸಲು ಮತ್ತು ತೆಗೆದುಹಾಕಲು ಹಾಗೂ ಸುರಕ್ಷತೆ ಮತ್ತು ಯೋಗಕ್ಷೇಮವನ್ನು ಪ್ರಚಾರ ಮಾಡಲು ಮಾಡುತ್ತಿರುವ ಪ್ರಯತ್ನಗಳ ಕುರಿತು ನೀವು ಇಲ್ಲಿ ಕೂಡ ಇನ್ನಷ್ಟು ತಿಳಿದುಕೊಳ್ಳಬಹುದು. ನೀವು ಸಲ್ಲಿಸಿರುವ ಒಂದು ವರದಿಯ ಫಲಿತಾಂಶದ ಕುರಿತು ನೀವು ಪ್ರಶ್ನೆ ಅಥವಾ ಕಳವಳವನ್ನು ಹೊಂದಿದ್ದರೆ, ನೀವು ನಮ್ಮ ಬೆಂಬಲ ಸೈಟ್ ಮೂಲಕ ಫಾಲೋ ಅಪ್ ಮಾಡಬಹುದು.

ನೀವು ಒಂದು ವರದಿಯನ್ನು ಸಲ್ಲಿಸಿದಾಗ, ನಿಮ್ಮ ಅತ್ಯುತ್ತಮ ಅರಿವಿನ ಮೇರೆಗೆ ಅದು ಸಂಪೂರ್ಣ ಮತ್ತು ನಿಖರವಾಗಿದೆ ಎಂದು ನೀವು ದೃಢಪಡಿಸುತ್ತೀರಿ. ನಕಲು ಅಥವಾ ಇಲ್ಲದಿದ್ದಲ್ಲಿ "ಸ್ಪ್ಯಾಮ್‌ನಂತಹ" ವರದಿಗಳನ್ನು ಪದೇಪದೆ ಕಳುಹಿಸುವುದು ಸೇರಿದಂತೆ, ದಯವಿಟ್ಟು Snap ನ ವರದಿ ಮಾಡುವಿಕೆ ವ್ಯವಸ್ಥೆಗಳನ್ನು ದುರುಪಯೋಗ ಮಾಡಬೇಡಿ. ನೀವು ಈ ನಡವಳಿಕೆಯಲ್ಲಿ ತೊಡಗಿಸಿಕೊಂಡರೆ, ನಿಮ್ಮ ವರದಿಗಳ ಪರಿಶೀಲನೆಯನ್ನು ಆದ್ಯತೆಯಿಂದ ತೆಗೆದುಹಾಕುವ ಹಕ್ಕನ್ನು ನಾವು ಕಾಯ್ದಿರಿಸಿದ್ದೇವೆ. ಇತರರ ಕಂಟೆಂಟ್ ಅಥವಾ ಖಾತೆಗಳ ವಿರುದ್ಧ ನೀವು ಆಗಾಗ್ಗೆ ಆಧಾರರಹಿತವಾದ ವರದಿಗಳನ್ನು ಸಲ್ಲಿಸಿದರೆ, ನಿಮಗೆ ಎಚ್ಚರಿಕೆಯನ್ನು ಕಳುಹಿಸಿದ ಬಳಿಕ ನಾವು ಒಂದು ವರ್ಷದವರೆಗೆ ನಿಮ್ಮ ವರದಿಯ ಪರಿಶೀಲನೆಯನ್ನು ಅಮಾನತುಗೊಳಿಸಬಹುದು ಮತ್ತು ಅತಿರೇಕದ ಸನ್ನಿವೇಶಗಳಲ್ಲಿ, ನಿಮ್ಮ ಖಾತೆಯನ್ನು ನಿಷ್ಕ್ರಿಯಗೊಳಿಸಬಹುದು.

Snap ನಲ್ಲಿ ನೀತಿ ಜಾರಿಗೊಳಿಸುವಿಕೆ

ನಮ್ಮ ನೀತಿಗಳು ಸ್ಥಿರ ಮತ್ತು ನ್ಯಾಯೋಚಿತ ಜಾರಿಗೊಳಿಸುವಿಕೆಯನ್ನು ಉತ್ತೇಜಿಸುವುದು Snap ನಲ್ಲಿ ನಮಗೆ ಬಹಳ ಮುಖ್ಯವಾಗಿದೆ. ನಮ್ಮ ಸಮುದಾಯ ಮಾರ್ಗಸೂಚಿಗಳ ಉಲ್ಲಂಘನೆಗಳಿಗಾಗಿ ಸೂಕ್ತ ದಂಡಗಳನ್ನು ನಿರ್ಧರಿಸಲು ನಾವು ಸನ್ನಿವೇಶ, ಹಾನಿಯ ತೀವ್ರತೆ ಮತ್ತು ಖಾತೆಯ ಇತಿಹಾಸವನ್ನು ಪರಿಗಣಿಸುತ್ತೇವೆ. 

ತೀವ್ರ ಹಾನಿಗಳಲ್ಲಿ ತೊಡಗಿಕೊಂಡಿಸಿಕೊಂಡಿವೆ ಎಂದು ನಾವು ನಿರ್ಧರಿಸಿದ ಖಾತೆಗಳನ್ನು ತಕ್ಷಣವೇ ನಿಷ್ಕ್ರಿಯಗೊಳಿಸುತ್ತೇವೆ. ತೀವ್ರ ಹಾನಿಯ ಉದಾಹರಣೆಗಳಲ್ಲಿ ಮಕ್ಕಳ ಲೈಂಗಿಕ ಶೋಷಣೆ ಅಥವಾ ದೌರ್ಜನ್ಯ, ಅಕ್ರಮ ಮಾದಕಪದಾರ್ಥಗಳ ವಿತರಣೆಗೆ ಪ್ರಯತ್ನಿಸುವುದು ಮತ್ತು ಹಿಂಸಾತ್ಮಕ ತೀವ್ರವಾದ ಅಥವಾ ಭಯೋತ್ಪಾದನಾ ಚಟುವಟಿಕೆಯ ಪ್ರಚಾರ ಸೇರಿವೆ.

ಕಡಿಮೆ ತೀವ್ರವಾದ ಹಾನಿಗಳಿಗಾಗಿದ್ದರೂ ಸಹ, ನಮ್ಮ ಸಮುದಾಯ ಮಾರ್ಗಸೂಚಿಗಳನ್ನು ಉಲ್ಲಂಘಿಸಲು ಮೂಲತಃ ರಚಿಸಲಾಗಿರುವ ಅಥವಾ ಬಳಸಲಾಗುವ ಖಾತೆಗಳನ್ನು ಕೂಡ ನಾವು ನಿಷ್ಕ್ರಿಯಗೊಳಿಸುತ್ತೇವೆ. ಉದಾಹರಣೆಗೆ, ಉಲ್ಲಂಘಿಸುವ ಕಂಟೆಂಟ್ ಅನ್ನು ಪೋಸ್ಟ್ ಮಾಡುವ ಮತ್ತು ಉಲ್ಲಂಘಿಸುವ ಬಳಕೆದಾರರ ಹೆಸರು ಅಥವಾ ಡಿಸ್‌ಪ್ಲೇ ಹೆಸರನ್ನು ಹೊಂದಿರುವ ಖಾತೆಯನ್ನು ತಕ್ಷಣವೇ ನಿಷ್ಕ್ರಿಯಗೊಳಿಸಬಹುದು. 

ನಮ್ಮ ಸಮುದಾಯ ಮಾರ್ಗಸೂಚಿಗಳ ಇತರ ಉಲ್ಲಂಘನೆಗಳಿಗಾಗಿ, Snap ಸಾಮಾನ್ಯವಾಗಿ ಮೂರು-ಭಾಗಗಳ ಕ್ರಮಜಾರಿಗೊಳಿಸುವಿಕೆ ಪ್ರಕ್ರಿಯೆಯನ್ನು ಅನುಸರಿಸುತ್ತದೆ:

• ಹಂತ ಒಂದು: ಉಲ್ಲಂಘಿಸುವ ಕಂಟೆಂಟ್ ಅನ್ನು ತೆಗೆದುಹಾಕಲಾಗುತ್ತದೆ.

• ಹಂತ ಎರಡು: ಆ Snapchatter ಗೆ ಅವರು ಸಲ್ಲಿಸಿದ ಕಂಟೆಂಟ್ ನಮ್ಮ ಸಮುದಾಯ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದೆ ಎಂದು, ಅವರ ಕಂಟೆಂಟ್ ಅನ್ನು ತೆಗೆದುಹಾಕಲಾಗಿದೆ ಎಂದು ಮತ್ತು ಪುನರಾವರ್ತಿತ ಉಲ್ಲಂಘನೆಗಳು ಅವರ ಖಾತೆಯನ್ನು ನಿಷ್ಕ್ರಿಯಗೊಳಿಸುವುದು ಸೇರಿದಂತೆ, ಹೆಚ್ಚುವರಿ ಜಾರಿ ಕ್ರಮಗಳಿಗೆ ಕಾರಣವಾಗುತ್ತದೆ ಎನ್ನುವುದನ್ನು ಸೂಚಿಸುವ ಅಧಿಸೂಚನೆಯನ್ನು ರವಾನಿಸಲಾಗುತ್ತದೆ.

• ಹಂತ ಮೂರು: ನಮ್ಮ ತಂಡವು Snapchatter ಗಳ ಖಾತೆಯ ವಿರುದ್ಧ "ಸ್ಟ್ರೈಕ್" ಅನ್ನು ದಾಖಲಿಸುತ್ತದೆ.

ಒಂದು ಸ್ಟ್ರೈಕ್ ನಿರ್ದಿಷ್ಟ Snapchatter ನಿಂದ ಉಲ್ಲಂಘನೆಗಳನ್ನು ದಾಖಲಿಸುತ್ತದೆ. ಸ್ಟ್ರೈಕ್‌ಗಳು Snapchatter ಗೆ ಒಂದು ನೋಟಿಸ್ ಅನ್ನು ಹೊಂದಿರುತ್ತವೆ. ನಿರ್ದಿಷ್ಟಪಡಿಸಿದ ಸಮಯಾವಧಿಯಲ್ಲಿ ಒಬ್ಬ Snapchatter ತುಂಬಾ ಹೆಚ್ಚು ಸ್ಟ್ರೈಕ್‌ಗಳನ್ನು ಪಡೆದುಕೊಂಡರೆ, ಅವರ ಖಾತೆಯನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ. ನಾವು ಸಮುದಾಯ ಮಾರ್ಗಸೂಚಿಗಳನ್ನು ಸ್ಥಿರವಾಗಿ ಮತ್ತು ಬಳಕೆದಾರರಿಗೆ ಎಚ್ಚರಿಕೆ ಮತ್ತು ಶಿಕ್ಷಣವನ್ನು ಒದಗಿಸುವ ರೀತಿಯಲ್ಲಿ ಅನ್ವಯಿಸುತ್ತೇವೆ ಎಂದು ಖಚಿತಪಡಿಸಿಕೊಳ್ಳಲು ಈ ಸ್ಟ್ರೈಕ್ ಸಿಸ್ಟಮ್ ಸಹಾಯ ಮಾಡುತ್ತದೆ. 

ನೋಟಿಸ್ ಮತ್ತು ಮೇಲ್ಮನವಿ ಪ್ರಕ್ರಿಯೆಗಳು

Snapchatter ಗಳ ವಿರುದ್ಧ ಒಂದು ಕ್ರಮ ಜಾರಿಗೊಳಿಸುವಿಕೆಯನ್ನು ಏಕೆ ಮಾಡಲಾಗಿದೆ ಎಂಬ ಬಗ್ಗೆ ಅವರಿಗೆ ಸ್ಪಷ್ಟ ಅರಿವನ್ನು ಮೂಡಿಸಲು ಮತ್ತು ಮೇಲ್ಮನವಿ ಸಲ್ಲಿಸುವುದಕ್ಕೆ ಅವಕಾಶ ಕಲ್ಪಿಸಲು, Snapchatter ಗಳ ಹಕ್ಕುಗಳನ್ನು ರಕ್ಷಿಸುವುದರ ಜೊತೆಗೆ ನಮ್ಮ ಸಮುದಾಯದ ಹಿತಾಸಕ್ತಿಗಳನ್ನು ಕಾಪಾಡುವ ಗುರಿ ಹೊಂದಿರುವ ನೋಟಿಸ್ ಮತ್ತು ಮೇಲ್ಮನವಿ ಪ್ರಕ್ರಿಯೆಗಳನ್ನು ನಾವು ಸ್ಥಾಪಿಸಿದ್ದೇವೆ.

ಒಂದು ಖಾತೆಯ ವಿರುದ್ಧ ದಂಡಗಳನ್ನು ಜಾರಿಗೊಳಿಸಬೇಕೇ ಎಂದು ಮೌಲ್ಯಮಾಪನ ಮಾಡಲು ನಾವು ನಮ್ಮ ಸಮುದಾಯ ಮಾರ್ಗಸೂಚಿಗಳು ಮತ್ತು ಸೇವೆಯ ನಿಯಮಗಳನ್ನು ಅನ್ವಯಿಸುತ್ತೇವೆ ಮತ್ತು ಪ್ರಸಾರ ಮಾಡಲಾಗುವ ಅಥವಾ ಶಿಫಾರಸು ಮಾಡಲಾಗುವ ಕಂಟೆಂಟ್ ಅನ್ನು ಮಾಡರೇಟ್ ಮಾಡಲು ನಮ್ಮ ಸಮುದಾಯ ಮಾರ್ಗಸೂಚಿಗಳು, ಸೇವೆಯ ನಿಯಮಗಳು, ಮತ್ತು ಶಿಫಾರಸಿಗೆ ಅರ್ಹತೆ ಪಡೆಯಲು ಅನುಸರಿಸಬೇಕಾದ ಕಂಟೆಂಟ್ ಮಾರ್ಗಸೂಚಿಗಳು ಅನ್ನು ಅನ್ವಯಿಸುತ್ತೇವೆ. ನಮ್ಮ ಮೇಲ್ಮನವಿಗಳ ಪ್ರಕ್ರಿಯೆಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎನ್ನುವ ಕುರಿತ ಮಾಹಿತಿಗಾಗಿ, ನಾವು ಖಾತೆ ಮೇಲ್ಮನವಿಗಳು ಮತ್ತು ಕಂಟೆಂಟ್ ಮೇಲ್ಮನವಿಗಳು ಕುರಿತು ಬೆಂಬಲ ಲೇಖನಗಳನ್ನು ಸಿದ್ಧಪಡಿಸಿದ್ದೇವೆ. Snapchat ಒಂದು ಖಾತೆ ಲಾಕ್‌ನ ಮೇಲ್ಮನವಿಗೆ ಅನುಮತಿ ಒದಗಿಸಿದಾಗ, Snapchatter ರ ಖಾತೆಗೆ ಪ್ರವೇಶವನ್ನು ಮರುಸ್ಥಾಪಿಸಲಾಗುತ್ತದೆ. ಮೇಲ್ಮನವಿ ಯಶಸ್ವಿಯಾಗಿದೆಯೋ ಇಲ್ಲವೋ ಎನ್ನುವ ಕುರಿತು, ಮೇಲ್ಮನವಿ ಸಲ್ಲಿಸುವ ಪಕ್ಷಕ್ಕೆ ನಮ್ಮ ನಿರ್ಧಾರವನ್ನು ನಾವು ಸಕಾಲಿಕವಾಗಿ ತಿಳಿಸುತ್ತೇವೆ.

ನಿಮ್ಮ ಮೇಲ್ಮನವಿ ಕುರಿತು ಪದೇಪದೆ ವಿನಂತಿಗಳನ್ನು ಸಲ್ಲಿಸುವ ಮೂಲಕ ದಯವಿಟ್ಟು Snap ನ ಮೇಲ್ಮನವಿ ಕಾರ್ಯವಿಧಾನವನ್ನು ದುರ್ಬಳಕೆ ಮಾಡಬೇಡಿ. ನೀವು ಈ ನಡವಳಿಕೆಯಲ್ಲಿ ತೊಡಗಿಸಿಕೊಂಡರೆ, ನಿಮ್ಮ ವಿನಂತಿಗಳ ಪರಿಶೀಲನೆಯನ್ನು ಆದ್ಯತೆಯಿಂದ ತೆಗೆದುಹಾಕುವ ಹಕ್ಕನ್ನು ನಾವು ಕಾಯ್ದಿರಿಸಿದ್ದೇವೆ. ನೀವು ಆಗಾಗ್ಗೆ ಆಧಾರರಹಿತವಾದ ಮೇಲ್ಮನವಿಗಳನ್ನು ಸಲ್ಲಿಸಿದರೆ, ನಿಮಗೆ ಎಚ್ಚರಿಕೆಯನ್ನು ಕಳುಹಿಸಿದ ಬಳಿಕ, ನಾವು ಒಂದು ವರ್ಷದವರೆಗೆ ನಿಮ್ಮ ಮೇಲ್ಮನವಿಗಳ (ಸಂಬಂಧಿಸಿದ ವಿನಂತಿಗಳು ಸೇರಿದಂತೆ) ಪರಿಶೀಲನೆಯನ್ನು ಅಮಾನತುಗೊಳಿಸಬಹುದು.