ಕಾನೂನುಬಾಹಿರ ಅಥವಾ ನಿರ್ಬಂಧಿತ ಚಟುವಟಿಕೆಗಳು

ಕಾನೂನುಬಾಹಿರ ಮತ್ತು ನಿಯಂತ್ರಿತ ಚಟುವಟಿಕೆಗಳ ವಿರುದ್ಧ ನಮ್ಮ ನಿಷೇಧವು Snapchat ನಲ್ಲಿ ಸುರಕ್ಷತೆಗೆ ನಮ್ಮ ದೃಢವಾದ ಬದ್ಧತೆಯನ್ನು ಬಿಂಬಿಸುತ್ತದೆ. ಎತ್ತಿಹಿಡಿಯುವುದು. ಈ ನಿಯಮಗಳನ್ನು ಜಾರಿಗೊಳಿಸುವ ಮೂಲಕ, ಕಾನೂನುಬಾಹಿರ ಉದ್ದೇಶಗಳಿಗಾಗಿ ನಮ್ಮ ಪ್ಲ್ಯಾಟ್‌ಫಾರ್ಮ್ ದುರುಪಯೋಗವನ್ನು ತಡೆಯಲು ನಾವು ಸಹಾಯ ಮಾಡುತ್ತೇವೆ ಮತ್ತು Snapchatter ಗಳನ್ನು ಗಂಭೀರ ಹಾನಿಯ ಅಪಾಯಗಳಿಂದ ರಕ್ಷಿಸುತ್ತೇವೆ. ನಮ್ಮ ಸಮುದಾಯಕ್ಕೆ ಶೈಕ್ಷಣಿಕ ಸಂಪನ್ಮೂಲಗಳನ್ನು ಒದಗಿಸಲು ಮತ್ತು ಸುರಕ್ಷತೆಯನ್ನು ಹೆಚ್ಚು ವಿಶಾಲವಾಗಿ ಪ್ರೋತ್ಸಾಹಿಸಲು ನಾವು ಸುರಕ್ಷತಾ ಪಾಲುದಾರರು, NGO ಗಳು ಮತ್ತು ಕಾನೂನು ಜಾರಿ ಸಂಸ್ಥೆಗಳ ಜೊತೆಗೆ ಕೂಡ ಪಾಲುದಾರಿಕೆ ಮಾಡಿಕೊಂಡಿದ್ದೇವೆ.

ಪ್ರಪಂಚದಾದ್ಯಂತ ಅಧಿಕಾರ ವ್ಯಾಪ್ತಿಗಳಲ್ಲಿ ಕಾನೂನುಗಳು ಮತ್ತು ನಿಬಂಧನೆಗಳು ಭಿನ್ನವಾಗಿರುತ್ತವೆ——ಮತ್ತು Snapchat ಒಂದು ಜಾಗತಿಕ ಸಮುದಾಯವಾಗಿದ್ದು—ನಮ್ಮ ನೀತಿಗಳು ಸಾಮಾನ್ಯವಾಗಿ ಸಾರ್ವಜನಿಕ ಸುರಕ್ಷತೆಯನ್ನು ಹಾಳುಮಾಡುವ ಯಾವುದೇ ಚಟುವಟಿಕೆಯನ್ನು ನಿಷೇಧಿಸುತ್ತವೆ.

ಈ ಕೆಳಗಿನವುಗಳು ಸೇರಿದಂತೆ, ಕಾನೂನುಬಾಹಿರ ಚಟುವಟಿಕೆಗಾಗಿ Snapchat ಬಳಸುವುದನ್ನು ನಾವು ನಿಷೇಧಿಸುತ್ತೇವೆ: 

• ಮಾನವ ಕಳ್ಳಸಾಗಣೆ – ಕಾರ್ಮಿಕರ ಕಳ್ಳಸಾಗಣೆ, ಲೈಂಗಿಕ ಕಳ್ಳಸಾಗಣೆ ಮತ್ತು ಇತರ ರೀತಿಯ ವಯಸ್ಕರು ಅಥವಾ ಅಪ್ರಾಪ್ತ ವಯಸ್ಕರ ಕಳ್ಳಸಾಗಣೆ ಸೇರಿದಂತೆ, ಮಾನವ ಕಳ್ಳಸಾಗಣೆಯನ್ನು ಪ್ರೋತ್ಸಾಹಿಸುವ ಅಥವಾ ಸುಗಮಗೊಳಿಸುವ ಕಂಟೆಂಟ್ ಅನ್ನು Snap ನಿಷೇಧಿಸುತ್ತದೆ. Snap ಮಾನವರ ಐಚ್ಛಿಕ ಕಳ್ಳಸಾಗಣೆಯನ್ನು (ಸ್ಮಗ್ಲಿಂಗ್) ಕೂಡ ನಿಷೇಧಿಸುತ್ತದೆ. 

• ಸಂಘಟಿತ ಅಪರಾಧ ಅಥವಾ ಅಪರಾಧ ನಡವಳಿಕೆ – ಗ್ಯಾಂಗ್‌ಗಳು, ಕಾರ್ಟೆಲ್‌ಗಳು ಅಥವಾ ಇತರ ಸಂಘಟಿತ ಅಪರಾಧದ ಪ್ರಚಾರ ಮಾಡುವುದನ್ನು ಹಾಗೂ ಅಪರಾಧ ನಡವಳಿಕೆಯಲ್ಲಿ ತೊಡಗಿಸಿಕೊಳ್ಳಲು ಜನರನ್ನು ಪ್ರೋತ್ಸಾಹಿಸುವ ಅಥವಾ ನೇಮಕ ಮಾಡುವ ಕಂಟೆಂಟ್ ಅನ್ನು Snap ನಿಷೇಧಿಸುತ್ತದೆ. 

• ಶಸ್ತ್ರಾಸ್ತ್ರಗಳು – ಪಟಾಕಿ ಸೇರಿದಂತೆ ಶಸ್ತ್ರಾಸ್ತ್ರಗಳು, ಮದ್ದುಗುಂಡು ಅಥವಾ ಸ್ಫೋಟಕಗಳ ಖರೀದಿ, ಮಾರಾಟ ಅಥವಾ ಉತ್ಪಾದನೆಗೆ ಪ್ರಚಾರ ಮಾಡುವುದನ್ನು Snap ನಿಷೇಧಿಸುತ್ತದೆ. ನಾವು ಶಸ್ತ್ರಾಸ್ತ್ರಗಳ ಅಜಾಗರೂಕತೆಯ ಅಥವಾ ಬೇಜವಾಬ್ದಾರಿಯುತ ಬಳಕೆಯ ಚಿತ್ರಣವನ್ನು ನಿಷೇಧಿಸುತ್ತೇವೆ. 

• ಔಷಧಗಳು ಮತ್ತು ಔಷಧೀಯ ಉತ್ಪನ್ನಗಳು – ಅಕ್ರಮ ಅಥವಾ ವೈದ್ಯರ ಸಲಹಾ ಪಟ್ಟಿಯ ನಿಯಂತ್ರಿತ ಔಷಧಿಗಳ ಖರೀದಿ, ಮಾರಾಟ, ವಿನಿಮಯ ಅಥವಾ ಮಾರಾಟಕ್ಕೆ ನೆರವಾಗುವುದನ್ನು Snap ನಿಷೇಧಿಸುತ್ತದೆ. ಇದರಲ್ಲಿ ಗಾಂಜಾ, ಸೈಲೋಸಿಬಿನ್‌ನಂತಹ ನಿಯಂತ್ರಿತ ಔಷಧಗಳು, ವೈದ್ಯರ ಸಲಹಾ ಪಟ್ಟಿಯ ಔಷಧಗಳು, ಚುಚ್ಚುಮದ್ದಿನ ಮೂಲಕ ನೀಡುವ ಪೆಪ್ಟೈಡ್‌ಗಳಂತಹ ಎಫ್‌ಡಿಎ ಅನುಮೋದನೆ ಪಡೆಯದ ಪದಾರ್ಥಗಳು, ಅನುಮತಿಸಲಾದ ವೈದ್ಯಕೀಯ ಸಂದರ್ಭದ ಹೊರಗೆ ಬಳಸುವ ಪದಾರ್ಥಗಳು ಮತ್ತು ಮಾದಕ ವಸ್ತುಗಳು ಸೇವಿಸಲು ಬಳಸುವ ಉಪಕರಣಗಳು ಸೇರಿವೆ. ಇದು ಹೆರಾಯಿನ್, ಕೊಕೇನ್, ಮೆಥಾಂಫೆಟಮೈನ್ ಅಥವಾ ಫೆಂಟನಿಲ್‌ನಂತಹ) ಮಾದಕ ವಸ್ತುಗಳನ್ನು ಅಥವಾ ಸಾಮಾನ್ಯವಾಗಿ ದುರುಪಯೋಗಪಡಿಸಿಕೊಳ್ಳುವ ವೈದ್ಯರ ಸಲಹಾ ಪಟ್ಟಿಯ ಔಷಧಗಳನ್ನು (ಓಪಿಯಾಯ್ಡ್‌ಗಳು, ಬಾರ್ಬಿಟ್ಯುರೇಟ್‌ಗಳು ಮತ್ತು ಆಂಫೆಟಮೈನ್‌ಗಳಂತಹ) ಸಹ ಒಳಗೊಂಡಿದೆ. ಕಾನೂನುಬಾಹಿರ ಅಥವಾ ಸಾಮಾನ್ಯವಾಗಿ ದುರುಪಯೋಗಪಡಿಸಿಕೊಳ್ಳುವ ವೈದ್ಯರ ಸಲಹಾ ಪಟ್ಟಿಯ ಔಷಧಿಗಳಿಗೆ, Snap ಅಂತಹ ಔಷಧಿಗಳ ಚಿತ್ರಣ ಅಥವಾ ಚಿತ್ರಿತ ಬಳಕೆಯನ್ನು ಸಹ ನಿಷೇಧಿಸುತ್ತದೆ.

ಈ ಕೆಳಗಿನವುಗಳು ಸೇರಿದಂತೆ, ಆಗಾಗ್ಗೆ ನಿಯಂತ್ರಿಸಲಾಗುವ ಕೆಲವು ಸರಕುಗಳು ಅಥವಾ ಚಟುವಟಿಕೆಗಳ ಪ್ರಚಾರವನ್ನು ಕೂಡ Snap ನಿಷೇಧಿಸುತ್ತದೆ: 

• ಹಣಕಾಸಿನ ಸಾಲಗಳು ಅಥವಾ ಇತರ ಹಣಕಾಸು ಉತ್ಪನ್ನಗಳು ಅಥವಾ ಸೇವೆಗಳನ್ನು ಒದಗಿಸುವುದು. 

• ಆನ್‌ಲೈನ್ ಜೂಜಿನ ಚಟುವಟಿಕೆಗಳನ್ನು ಸುಗಮಗೊಳಿಸುವುದು. ಜೂಜು ಅಥವಾ ಜೂಜಿನಂತಹ ಆ್ಯಪ್‌ಗಳು, ಜಾಲತಾಣಗಳು ಅಥವಾ ಸೇವೆಗಳಿಗೆ ನೇರವಾಗಿ ಅನುಕೂಲ ಮಾಡಿಕೊಡುವ ಅಥವಾ ನೇರ ಪ್ರವೇಶವನ್ನು ಒದಗಿಸುವ ಆ್ಯಪ್‌ಗಳು, ಜಾಲತಾಣಗಳು ಅಥವಾ ಸೇವೆಗಳನ್ನು ಹಂಚಿಕೊಳ್ಳುವುದನ್ನು ಇದು ಒಳಗೊಂಡಿದೆ, ಇವು ಹಣಕಾಸಿನ ಮಾಹಿತಿಯನ್ನು ಸಂಗ್ರಹಿಸುತ್ತವೆ ಅಥವಾ ನೈಜ-ಹಣದ ದ್ಯೂತ ಕ್ರೀಡಾಕೂಟಗಳು ಅಥವಾ ಪಂಥದ ಮಾಹಿತಿಗೆ ಪ್ರವೇಶವನ್ನು ಸುಲಭಗೊಳಿಸುತ್ತವೆ ಮತ್ತು/ಅಥವಾ ಹಣಗಳಿಸಲು ಸಹಾಯ ಮಾಡುತ್ತವೆ.

• ಮದ್ಯಸಾರಯುಕ್ತ ಪಾನೀಯಗಳು; ತಂಬಾಕು ಅಥವಾ ಹುಕ್ಕಾ/ವೇಪ್ ಸೇವನೆಯ ಉತ್ಪನ್ನಗಳನ್ನು ಮಾರಾಟ ಮಾಡುವುದು.   

• CBD ವ್ಯವಹಾರಗಳನ್ನು ಪ್ರಚಾರ ಮಾಡುವುದು.

• ವೈದ್ಯಕೀಯ ಫಲಿತಾಂಶವನ್ನು ಖಾತರಿಪಡಿಸುವ ಪೂರಕಗಳನ್ನು ಪ್ರಚಾರ ಮಾಡುವುದು ಅಥವಾ ಮಾರಾಟ ಮಾಡುವುದು (ಉದಾಹರಣೆಗೆ ಅನಾರೋಗ್ಯ ಅಥವಾ ಗಾಯದ ಶಮನ ಅಥವಾ ಚಿಕಿತ್ಸೆ).

• ಸೌಂದರ್ಯವರ್ಧಕ ಕಾರ್ಯವಿಧಾನಗಳಿಗಾಗಿ ಬಳಸಲಾಗುವ ನಿಯಂತ್ರಿತ ಪದಾರ್ಥಗಳನ್ನು ಪ್ರಚಾರ ಮಾಡುವುದು ಅಥವಾ ಮಾರಾಟ ಮಾಡುವುದು, ಉದಾಹರಣೆಗೆ ಬೊಟುಲಿನಮ್ ಟಾಕ್ಸಿನ್ (“ಬೊಟೊಕ್ಸ್”), ಚರ್ಮ ತುಂಬುವ ಪದಾರ್ಥಗಳು ಅಥವಾ ಅದೇ ರೀತಿಯ ಚುಚ್ಚುಮದ್ದುಗಳು.

• GLP1 ಗಳು ಅಥವಾ ಸೆಮಗ್ಲುಟೈಡ್ ಅನ್ನು ಒಳಗೊಂಡಿರುವ ಶಿಫಾರಸು ಮಾಡದ ಔಷಧಿ ಸೇರಿದಂತೆ ತೂಕ ಕಡಿಮೆ ಉತ್ಪನ್ನಗಳನ್ನು ಮಾರಾಟ ಮಾಡುವುದು ಅಥವಾ ಪ್ರಚಾರ ಮಾಡುವುದು.

• ಚಾಲಕರನ್ನು ಬಾಡಿಗೆಗೆ ಕೋರುವುದು ಅಥವಾ ನೀಡುವುದು. 

• CITES ವ್ಯಾಖ್ಯಾನಿಸಿರುವಂತೆ, ಅಳಿವಿನಂಚಿನಲ್ಲಿರುವ ಪ್ರಾಣಿಗಳ ತಳಿಗಳ ಮಾರಾಟ ಅಥವಾ ಸ್ವಾಧೀನಪಡಿಸಿಕೊಳ್ಳುವಿಕೆ.

• ಕಾರಾಗೃಹಗಳ ಒಳಗೆ ಚಿತ್ರೀಕರಿಸುವುದು ಅಥವಾ ಕಾನೂನುಬಾಹಿರ ಚಟುವಟಿಕೆಯನ್ನು (ಉದಾಹರಣೆಗೆ, ಮಾದಕ ವಸ್ತುಗಳ ಬಳಕೆಯನ್ನು) ದಾಖಲಿಸುವುದು ಸೇರಿದಂತೆ ಕಾರಾಗೃಹ ನಿಯಮಗಳನ್ನು ತಪ್ಪಿಸಲು Snapchat ಬಳಸುವುದು. ಈ ನಿಷೇಧವು ಮಾನವ ಹಕ್ಕುಗಳ ಉಲ್ಲಂಘನೆಗಳನ್ನು ದಾಖಲಿಸುವುದನ್ನು ಒಳಗೊಂಡಿರುವುದಿಲ್ಲ.

ಅಪ್ರಾಪ್ತ ವಯಸ್ಕರ ವಿಷಯಕ್ಕೆ ಬಂದಾಗ, ಅಪ್ರಾಪ್ತ ವಯಸ್ಕರು ಎಲ್ಲ ಮಾದಕದ್ರವ್ಯಗಳು ಮತ್ತು ತಂಬಾಕು ಉತ್ಪನ್ನಗಳನ್ನು (ಆವಿಯನ್ನು ಒಳಗೊಂಡಂತೆ) ಬಳಸುವುದನ್ನು Snap ನಿಷೇಧಿಸುತ್ತದೆ.

ನಿಯಂತ್ರಿತ ಸರಕುಗಳು ಅಥವಾ ಚಟುವಟಿಕೆಗಳನ್ನು ಜಾಹೀರಾತು ಮಾಡಲು ಬಯಸುವ ವ್ಯವಹಾರಗಳು ವ್ಯವಹಾರ ಖಾತೆಯಾಗಿ ಅನುಮೋದನೆ ಪಡೆಯಬೇಕು ಮತ್ತು ನಮ್ಮ ಜಾಹೀರಾತು ನೀತಿಗಳನ್ನು ಅನುಸರಣೆ ಮಾಡಬೇಕು. Snapchat ನಲ್ಲಿ ಸೂಕ್ತವಾದ ವಾಣಿಜ್ಯ ಮತ್ತು ಜಾಹೀರಾತು ಚಟುವಟಿಕೆಗಳ ಕುರಿತು ಮಾರ್ಗದರ್ಶನಕ್ಕಾಗಿ ದಯವಿಟ್ಟು ಈ ಸಂಪನ್ಮೂಲವನ್ನು ಸಂಪರ್ಕಿಸಿ.

ಗಮನಿಸಿ: Snapchat ಬಳಸುವಾಗ ಬಳಕೆದಾರರು ಸಾಮಾನ್ಯವಾಗಿ ತಮ್ಮ ಸ್ಥಳೀಯ ಕಾನೂನುಗಳನ್ನು ಪಾಲಿಸಬೇಕು. ಅದಾಗ್ಯೂ, ಕೆಲವು ಕಾನೂನುಗಳು ಬಳಕೆದಾರರ ಅಧಿಕಾರ ವ್ಯಾಪ್ತಿಗೆ ನಿರ್ದಿಷ್ಟವಾಗಿರಬಹುದು ಮತ್ತು ವಿಶಾಲವಾಗಿ ಅಥವಾ ಜಾಗತಿಕವಾಗಿ ಅನ್ವಯಿಸುವುದಿಲ್ಲ ಎಂಬುದನ್ನು ನಾವು ಗುರುತಿಸುತ್ತೇವೆ. ಇದರ ಜೊತೆಗೆ, ಕೆಲವು ಕಾನೂನುಗಳು ಮಾನವ ಹಕ್ಕುಗಳನ್ನು ಗೌರವಿಸುವ Snap ನ ಬದ್ಧತೆಗೆ ಹೊಂದಿಕೆಯಾಗದೆ ಇರಬಹುದು. ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳನ್ನು ಉಲ್ಲಂಘಿಸುವುದಿಲ್ಲ ಎಂದು ನಾವು ನಿರ್ಧರಿಸುವ ಕಂಟೆಂಟ್ ಅಥವಾ ಖಾತೆಗಳ ವಿರುದ್ಧ ಕ್ರಮ ಜಾರಿಗೊಳಿಸಲು ನಾವು ವಿನಂತಿಗಳನ್ನು ಸ್ವೀಕರಿಸಿದಾಗ, ಮಾನವ ಹಕ್ಕುಗಳನ್ನು ಗೌರವಿಸುವ ಬದ್ಧತೆಯನ್ನು ಗಮನದಲ್ಲಿಟ್ಟುಕೊಂಡು ನಾವು ಆ ವರದಿಗಳನ್ನು ವಿಮರ್ಶಿಸುತ್ತೇವೆ. ಕೆಲವು ಪ್ರಕರಣಗಳಲ್ಲಿ, ನಾವು ಕಂಟೆಂಟ್ ಅನ್ನು ತೆಗೆದುಹಾಕದಿದ್ದರೂ ಸಹ, ಆಕ್ಷೇಪಾರ್ಹವಾಗಿರುವ ಖಾತೆ ಅಥವಾ ಕಂಟೆಂಟ್‌ ಸ್ಥಳೀಯವಾಗಿ ನಿಷೇಧಿತವಾಗಿರುವ ನಿರ್ದಿಷ್ಟ ಅಧಿಕಾರ ವ್ಯಾಪ್ತಿಯಲ್ಲಿ ಅದರ ಗೋಚರತೆಯನ್ನು ನಾವು ಕಡಿಮೆ ಮಾಡಬಹುದು. ಅಂತಹ ವರದಿಗಳ ವಿಮರ್ಶೆ ಮತ್ತು ಕ್ರಮ ಜಾರಿಗೊಳಿಸುವಿಕೆಯ ಕುರಿತು ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ನಮ್ಮ ಮಾಡರೇಷನ್ ಎಕ್ಸ್‌ಪ್ಲೇನರ್ ಅನ್ನು ಪರಿಶೀಲಿಸಿ.

ಬಳಕೆದಾರರನ್ನು ರಕ್ಷಿಸುವ ನಮ್ಮ ವಿಧಾನದಲ್ಲಿ ಸುರಕ್ಷತೆ ಮತ್ತು ಗೌಪ್ಯತೆಯನ್ನು ಸಮತೋಲನಗೊಳಿಸುವ ಗುರಿಯನ್ನು ನಾವು ಹೊಂದಿದ್ದೇವೆ. ಕಾನೂನುಬಾಹಿರ ಮಾದಕಪದಾರ್ಥಗಳು ಅಥವಾ ಶಸ್ತ್ರಾಸ್ತ್ರಗಳ ಮಾರಾಟ, ಅಪರಾಧ ಚಟುವಟಿಕೆ ಅಥವಾ ಸಾರ್ವಜನಿಕ ವೇದಿಕೆಗಳಲ್ಲಿ (ಉದಾಹರಣೆಗೆ ಸ್ಪಾಟ್‌ಲೈಟ್, ಸಾರ್ವಜನಿಕ ಕಥೆಗಳು ಮತ್ತು ಮ್ಯಾಪ್‌ಗಳು) ವ್ಯಾಪಕವಾಗಿ ನಿಯಂತ್ರಿಸಲಾದ ಸರಕುಗಳು ಅಥವಾ ಚಟುವಟಿಕೆಗಳ ಪ್ರಚಾರ ಮಾಡುವಂತಹ ಕಾನೂನುಬಾಹಿರ ಅಥವಾ ನಿಯಂತ್ರಿತ ಚಟುವಟಿಕೆಗಳಿಗೆ ಬಳಕೆದಾರರು ಒಡ್ಡಿಕೊಳ್ಳುವುದನ್ನು ತಡೆಯಲು ನಾವು ಸ್ವಯಂಚಾಲಿತ ಪರಿಕರಗಳು ಮತ್ತು ಮಾನವನ ವಿಮರ್ಶೆಯ ಸಂಯೋಜನೆಯನ್ನು ಬಳಸುತ್ತೇವೆ.

ಮಾನವ ಕಳ್ಳಸಾಗಣೆ ಅಥವಾ ಕಳ್ಳಸಾಗಣೆ ಯತ್ನ ಮತ್ತು ಕಾನೂನುಬಾಹಿರ ಮಾದಕಪದಾರ್ಥಗಳು ಅಥವಾ ಶಸ್ತ್ರಾಸ್ತ್ರಗಳ ಮಾರಾಟದಂತಹ ಗಂಭೀರ ಉಲ್ಲಂಘನೆಗಳಿಗಾಗಿ, ನಾವು ಉಲ್ಲಂಘಿಸುವ ವಿಷಯವನ್ನು ಪತ್ತೆಮಾಡಲು ಮತ್ತು ತೆಗೆದುಹಾಕಲು ಪೂರ್ವಭಾವಿ, ಸ್ವಯಂಚಾಲಿತಗೊಳಿಸಿದ ಪರಿಕರಗಳನ್ನು ಬಳಸುತ್ತೇವೆ. ಮಾನವರ ಜೀವಕ್ಕೆ ತಕ್ಷಣದ ಅಪಾಯವಿರಬಹುದು ಎಂದು ನಾವು ನಂಬಿರುವಲ್ಲಿ, ಸೂಕ್ತವಾಗಿರುವಂತೆ, ಕಾನೂನು ಜಾರಿ ಸಂಸ್ಥೆಯೊಂದಿಗೆ ನಾವು ನಿಕಟವಾಗಿ ಕೆಲಸ ಮಾಡುತ್ತೇವೆ. ಕಠಿಣ ಕಾನೂನು ಸುರಕ್ಷತೆಗಳಿಗೆ ಒಳಪಟ್ಟು ಸಂಭಾವ್ಯ ಸನ್ನಿವೇಶಗಳಿಗೆ ಪ್ರತಿಕ್ರಿಯಿಸಲು ಮೀಸಲಾದ ಮಾರ್ಗಗಳು ಸೇರಿದಂತೆ, ಜಾಗತಿಕವಾಗಿ ಕಾನೂನು ಜಾರಿ ಅಧಿಕಾರಿಗಳಿಗೆ ಸಹಾಯ ಮಾಡುವುದಕ್ಕಾಗಿ ಸ್ಥಾಪಿತ ನಿಯಮಾವಳಿಗಳನ್ನು ನಿರ್ವಹಿಸುವುದು Snap ನ ವಿಧಾನವಾಗಿದೆ. ಕಾನೂನು ಜಾರಿಗೊಳಿಸುವಿಕೆಗಾಗಿ ಹೆಚ್ಚಿನ ಮಾಹಿತಿಯನ್ನು ಇಲ್ಲಿ ನೋಡಬಹುದು.

ಕಾನೂನನ್ನು ಉಲ್ಲಂಘಿಸಬಹುದಾದ ಮತ್ತು Snapchatter ಗಳ ಸುರಕ್ಷತೆಗೆ ಗಂಭೀರ ಅಪಾಯವನ್ನು ಒಡ್ಡಬಹುದಾದ ಆನ್‌ಲೈನ್ ನಡವಳಿಕೆ ಮತ್ತು ಚಟುವಟಿಕೆಗಳ ವಿಧಗಳಿಗೆ ಸಂಬಂಧಿಸಿ ಸಾಧ್ಯವಾದಷ್ಟು ಹೆಚ್ಚು ಮಾಹಿತಿಯನ್ನು ಅವರು ಹೊಂದಿರುತ್ತಾರೆ ಎಂದು ಖಚಿತಪಡಿಸಿಕೊಳ್ಳಲು ನಾವು ಬದ್ಧರಾಗಿದ್ದೇವೆ. ಲಾಭರಹಿತ ಸಂಸ್ಥೆಗಳೊಂದಿಗೆ ಪಾಲುದಾರಿಕೆಗಳು ಮತ್ತು ವೈವಿಧ್ಯಮಯ ಸುರಕ್ಷತಾ ಪಾಲುದಾರರೊಂದಿಗೆ ಸಹಭಾಗಿತ್ವಗಳ ಮೂಲಕ, ಅಧಿಕ ಅಪಾಯದ ಚಟುವಟಿಕೆಗಳು ಮತ್ತು Snapchatter ಗಳು ಸುರಕ್ಷಿತವಾಗಿ ಉಳಿಯಬಹುದಾದ ವಿಧಾನಗಳ ಕುರಿತು ಜಾಗೃತಿ ಮೂಡಿಸಲು ನಾವು ಗುರಿ ಹೊಂದಿದ್ದೇವೆ. ಇದರಲ್ಲಿ Here for You ಮತ್ತು ಹೆಡ್ಸ್ ಅಪ್‌ ನಂತಹ ಆ್ಯಪ್‌ನಲ್ಲಿನ ಸಂಪನ್ಮೂಲಗಳು ಹಾಗೂ ಸುರಕ್ಷತಾ ಪಾಲುದಾರರೊಂದಿಗೆ ಸಹಭಾಗಿತ್ವಗಳು ಕೂಡ ಸೇರಿವೆ. ಯಾವುದೇ ಅಪರಾಧದ ಸಾಕ್ಷ್ಯವನ್ನು ಒದಗಿಸಬಹುದಾದ Snapchat ನಲ್ಲಿನ ಚಟುವಟಿಕೆಗಳಿಗೆ ಸಂಬಂಧಿಸಿದ ಮಾನ್ಯವಾದ ಕಾನೂನಾತ್ಮಕ ಪ್ರಕ್ರಿಯೆಗಳಿಗೆ ಪ್ರತಿಕ್ರಿಯೆಯಾಗಿ ನಾವು ಕಾನೂನು ಜಾರಿ ಸಂಸ್ಥೆಗಳಿಗೆ ಸಹಕಾರ ಕೂಡ ನೀಡುತ್ತೇವೆ.

ಸಾರ್ವಜನಿಕ ಸುರಕ್ಷತೆಯನ್ನು ಪ್ರಚಾರ ಮಾಡಲು ಮತ್ತು Snapchatter ಗಳನ್ನು ಹಾನಿಕಾರಕ ಅಥವಾ ಕಾನೂನುಬಾಹಿರ ಚಟುವಟಿಕೆಗಳಿಂದ ರಕ್ಷಿಸಲು ನಾವು ಕೈಗೊಳ್ಳಬೇಕಾಗುವ ಕ್ರಮಗಳ ನಮ್ಮ ಜವಾಬ್ದಾರಿಯನ್ನು ನಾವು ಗಂಭೀರವಾಗಿ ಪರಿಗಣಿಸುತ್ತೇವೆ.

ನಾವು ಈ ಪ್ರಯತ್ನಗಳನ್ನು ಮುಂದುವರಿಸುತ್ತಿರುವಂತೆಯೇ, ನಮ್ಮ ವಿಧಾನದ ಪರಿಣಾಮಕಾರಿತ್ವದ ಕುರಿತು ಪಾರದರ್ಶಕ ಒಳನೋಟಗಳನ್ನು ಒದಗಿಸಲು ನಾವು ಬದ್ಧರಾಗಿದ್ದೇವೆ. ನಮ್ಮ ಪಾರದರ್ಶಕತೆಯ ವರದಿಗಳ ಮೂಲಕ, ಕಾನೂನುಬಾಹಿರ ಅಥವಾ ನಿಯಂತ್ರಿತ ಚಟುವಟಿಕೆಗಳ ವಿರುದ್ಧ ನಾವು ಜಾರಿಗೊಳಿಸುವ ಕ್ರಮಗಳಿಗೆ ಸಂಬಂಧಿಸಿದಂತೆ ನಾವು ದೇಶಗಳ ರಾಷ್ಟ್ರೀಯ-ಮಟ್ಟದ ಮಾಹಿತಿಯನ್ನು ಒದಗಿಸುತ್ತೇವೆ. ಹೆಚ್ಚುವರಿ ವಿವರಗಳನ್ನು ಒದಗಿಸಲು, ನಮ್ಮ ಪಾರದರ್ಶಕತೆಯ ವರದಿಯಲ್ಲಿ ನಾವು ಅಕ್ರಮ ಮಾದಕಪದಾರ್ಥಗಳು ಮತ್ತು ಶಸ್ತ್ರಾಸ್ತ್ರಗಳ ಉಲ್ಲಂಘನೆಗಳಿಗಾಗಿ ನಮ್ಮ ವರದಿ ಮಾಡುವಿಕೆ ಮತ್ತು ಶಿಸ್ತುಕ್ರಮಗಳ ದತ್ತಾಂಶವನ್ನು ವಿವರವಾಗಿ ತಿಳಿಸಿದ್ದೇವೆ.

Snapchat ಅನ್ನು ಸುರಕ್ಷಿತ ಮತ್ತು ಆರೋಗ್ಯಕರವಾಗಿ ಇರಿಸಲು ಸಹಾಯ ಮಾಡುವುದಕ್ಕಾಗಿ ಕಾನೂನುಬಾಹಿರ ಚಟುವಟಿಕೆಗಳ ಘಟನೆಗಳನ್ನು ವರದಿ ಮಾಡುವಂತೆ ನಾವು ಬಳಕೆದಾರರನ್ನು ಪ್ರೋತ್ಸಾಹಿಸುತ್ತೇವೆ. ಹಾನಿಕಾರಕ ವಿಷಯಗಳು ಅಥವಾ ನಡವಳಿಕೆಗಳನ್ನು ಎದುರಿಸುವುದಕ್ಕಾಗಿ ನಮ್ಮ ಸಾಮರ್ಥ್ಯವನ್ನು ಸುಧಾರಿಸಿಕೊಳ್ಳುವ ಅವಕಾಶಗಳಿಗಾಗಿ ನಾವು ಸದಾ ಎದುರು ನೋಡುತ್ತೇವೆ, ಹಾಗೂ ಈ ಉದ್ದೇಶಗಳನ್ನು ನಾವು ಜವಾಬ್ದಾರಿಯುತವಾಗಿ ನಿಭಾಯಿಸುತ್ತಿದ್ದೇವೆ ಎನ್ನುವುದನ್ನು ಖಚಿತಪಡಿಸಿಕೊಳ್ಳಲು ಸುರಕ್ಷತಾ ಸಮುದಾಯದಾದ್ಯಂತದ ವೈವಿಧ್ಯಮಯ ನಾಯಕರ ಜೊತೆ ಕೆಲಸ ಮಾಡಲು ನಾವು ಬದ್ಧರಾಗಿದ್ದೇವೆ. ನಮ್ಮ ಪ್ರಯತ್ನಗಳ ಕುರಿತು ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ನಮ್ಮ ಗೌಪ್ಯತೆ, ಸುರಕ್ಷತೆ ಮತ್ತು ನೀತಿಗಳ ಕೇಂದ್ರಕ್ಕೆ ಭೇಟಿ ನೀಡಿ.