ಹಾನಿಕಾರಕ ಸುಳ್ಳು ಅಥವಾ ವಂಚನೆಯ ಮಾಹಿತಿಗೆ ಸಂಬಂಧಿಸಿದ ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳು ಅವಶ್ಯಕವಾಗಿ ಎರಡು ವಿಶಿಷ್ಟ ಆದರೆ ಸಂಬಂಧಿತ ಹಾನಿಯ ವರ್ಗಗಳನ್ನು ಒಳಗೊಳ್ಳುತ್ತವೆ: (1) ಸುಳ್ಳು ಮಾಹಿತಿ ಮತ್ತು (2) ವಂಚನೆಯ ಅಥವಾ ಸ್ಪ್ಯಾಮ್ ಮಾಡುವ ನಡವಳಿಕೆ.
1. ಸುಳ್ಳು ಮಾಹಿತಿ
ವಾಸ್ತವವನ್ನು ತಿರುಚುವ ವಿಷಯವು ಬಳಕೆದಾರರಿಗೆ ಮತ್ತು ಸಮಾಜಕ್ಕೆ ಹಾನಿಕಾರಕ ಪರಿಣಾಮಗಳನ್ನು ಉಂಟುಮಾಡಬಹುದು. ಯಾವುದು ನಿಖರ ಎಂದು ತಿಳಿದುಕೊಳ್ಳುವುದು ಕೆಲವೊಮ್ಮೆ, ನಿರ್ದಿಷ್ಟವಾಗಿ ತ್ವರಿತವಾಗಿ ಹರಡಲ್ಪಡುವ ಪ್ರಸ್ತುತ ಘಟನೆಗಳ ವಿಷಯದಲ್ಲಿ ಅಥವಾ ವಿಜ್ಞಾನ, ಆರೋಗ್ಯ ಮತ್ತು ವಿಶ್ವದ ಘಟನೆಗಳಂತಹ ಸಂಕೀರ್ಣ ವಿಷಯಗಳಲ್ಲಿ ಕಷ್ಟವಾಗಬಹುದು ಎಂದು ನಮಗೆ ತಿಳಿದಿದೆ. ಈ ಕಾರಣಕ್ಕಾಗಿ, ನಮ್ಮ ನೀತಿಗಳು ಮಾಹಿತಿ ನಿಖರವಾಗಿದೆಯೇ ಅಥವಾ ದಾರಿತಪ್ಪಿಸುತ್ತಿದೆಯೇ ಎನ್ನುವುದರ ಕುರಿತಾಗಿ ಅಷ್ಟೇ ಅಲ್ಲ, ಅದರ ಜೊತೆಗೆ ಅದರ ಸಂಭಾವ್ಯ ಹಾನಿಯ ಕುರಿತಾಗಿಯೂ ಗಮನ ಕೇಂದ್ರೀಕರಿಸುತ್ತವೆ.
ಅನೇಕ ಬಗೆಯ ವರ್ಗಗಳಿದ್ದು ಅವುಗಳಲ್ಲಿ ವಾಸ್ತವಾಂಶಗಳ ತಪ್ಪು ಪ್ರತಿನಿಧಿಸುವಿಕೆಗಳು ವಿಶಿಷ್ಟ ಅಪಾಯಗಳನ್ನು ಒಡ್ಡಬಹುದು. ಈ ಕ್ಷೇತ್ರಗಳಾದ್ಯಂತ, ತಪ್ಪಾಗಿ ಪ್ರತಿನಿಧಿಸುವಿಕೆಗಳು ಉದ್ದೇಶಪೂರ್ವಕವೇ ಅಲ್ಲವೇ ಎನ್ನುವುದನ್ನು ಪರಿಗಣಿಸದೆ, ದಾರಿತಪ್ಪಿಸುವ ಅಥವಾ ನಿಖರವಲ್ಲದ ವಿಷಯದ ವಿರುದ್ಧ ನಮ್ಮ ತಂಡಗಳು ಕ್ರಮ ಕೈಗೊಳ್ಳುತ್ತವೆ. ಈ ರೀತಿಯಲ್ಲಿ, ತಪ್ಪುಮಾಹಿತಿ, ಸುಳ್ಳು ಮಾಹಿತಿ, ದಾರಿತಪ್ಪಿಸುವ ಮಾಹಿತಿ ಮತ್ತು ತಿರುಚಿದ ಮಾಧ್ಯಮ ಸೇರಿದಂತೆ, ನಮ್ಮ ನೀತಿಗಳು ಎಲ್ಲ ಸ್ವರೂಪದ ಮಾಹಿತಿ ಬೆದರಿಕೆಗಳ ವಿರುದ್ಧ ಕಾರ್ಯನಿರ್ವಹಿಸುತ್ತವೆ.
ನಿರ್ದಿಷ್ಟವಾಗಿ ಹಾನಿಗೆ ಕಾರಣವಾಗಬಹುದು ಎಂದು ನಾವು ಭಾವಿಸುವ ಮಾಹಿತಿ ವರ್ಗಗಳ ಉದಾಹರಣೆಗಳಲ್ಲಿ ಈ ಕೆಳಗಿನವು ಸೇರಿವೆ:
ದುರಂತದ ಘಟನೆಗಳ ಅಸ್ತಿತ್ವವನ್ನು ನಿರಾಕರಿಸುವ ವಿಷಯ. ವಿವಾದಕ್ಕೆಡೆ ಮಾಡುವ ಅಥವಾ ನಿರಾಕರಿಸುವ ವಿಷಯವನ್ನು ನಾವು ನಿಷೇಧಿಸುತ್ತೇವೆ, ಉದಾಹರಣೆಗೆ ಜರ್ಮನಿಯಲ್ಲಿ ಯಹೂದಿಗಳ ಮಾರಣಹೋಮ ಅಥವಾ ಸ್ಯಾಂಡಿ ಹುಕ್ ಶಾಲೆಯ ಶೂಟಿಂಗ್ ಘಟನೆಗಳನ್ನು ನಿರಾಕರಿಸುವಂತಹವು. ಅಂತಹ ದುರ್ಘಟನೆಗಳನ್ನು ತಪ್ಪಾಗಿ ಪ್ರತಿನಿಧಿಸುವುದು ಮತ್ತು ಅವುಗಳಿಗೆ ಸಂಬಂಧಿಸಿ ಆಧಾರರಹಿತ ಪಿತೂರಿ ಸಿದ್ಧಾಂತಗಳು ಹಿಂಸೆ ಮತ್ತು ದ್ವೇಷಕ್ಕೆ ಕೊಡುಗೆ ನೀಡಬಹುದು, ಜೊತೆಗೆ ಅಂತಹ ಘಟನೆಗಳಿಂದ ನೊಂದಿರುವ ಜೀವಗಳು ಮತ್ತು ಕುಟುಂಬಗಳ ಮೇಲೆ ಹಾನಿಯುಂಟುಮಾಡಬಹುದು.
ಆಧಾರರಹಿತ ವೈದ್ಯಕೀಯ ದಾವೆಗಳನ್ನು ಪ್ರಚಾರ ಮಾಡುವ ವಿಷಯ. ಕೋವಿಡ್ 19 ರ ಹರಡುವಿಕೆಯನ್ನು ತಡೆಯುವ ಸಲುವಾಗಿ ಪ್ರಯೋಗಗಳ ಮೂಲಕ ಪರೀಕ್ಷೆಗಳಿಗೆ ಒಳಪಟ್ಟಿಲ್ಲದ ಚಿಕಿತ್ಸೆಗಳನ್ನು ಶಿಫಾರಸು ಮಾಡುವುದು; ಲಸಿಕೆಗಳ ಕುರಿತು ಆಧಾರವಿಲ್ಲದ ಪಿತೂರಿ ಸಿದ್ಧಾಂತಗಳು; ಅಥವಾ "ಪರಿವರ್ತನಾ ಚಿಕಿತ್ಸೆ" ಎಂದು ಸಂಬೋಧಿಸಲ್ಪಡಲಾಗುತ್ತಿರುವ ಹಾನಿಕರ ತಿರಸ್ಕೃತ ಪದ್ಧತಿಗಳಂತಹ ವಿಷಯಗಳನ್ನು ನಾವು ಅನುಮತಿಸುವುದಿಲ್ಲ. ವೈದ್ಯಕೀಯ ಕ್ಷೇತ್ರವು ನಿರಂತರ ಬದಲಾವಣೆಯಾಗುತ್ತಿದೆ ಮತ್ತು ಸಾರ್ವಜನಿಕ ಆರೋಗ್ಯ ಸಂಸ್ಥೆಗಳು ಆಗಾಗ ಮಾರ್ಗದರ್ಶನವನ್ನು ಬದಲಾಯಿಸಬಹುದಾದರೂ, ಅಂತಹ ವಿಶ್ವಾಸಾರ್ಹ ಸಂಸ್ಥೆಗಳು ಮಾನದಂಡಗಳು ಮತ್ತು ಉತ್ತರದಾಯಿತ್ವಕ್ಕೆ ಒಳಪಡುತ್ತವೆ ಮತ್ತು ಜವಾಬ್ದಾರಿಯುತ ಆರೋಗ್ಯ ಮತ್ತು ವೈದ್ಯಕೀಯ ಮಾರ್ಗದರ್ಶನಕ್ಕಾಗಿ ಒಂದು ಮಾನದಂಡವನ್ನು ಒದಗಿಸುವುದಕ್ಕಾಗಿ ನಾವು ಅವರಲ್ಲಿ ನಿರೀಕ್ಷೆ ಇರಿಸಿಕೊಳ್ಳಬಹುದು.
ನಾಗರಿಕ ಪ್ರಕ್ರಿಯೆಗಳ ವಿಶ್ವಾಸಾರ್ಹತೆಯನ್ನು ನಿರ್ಲಕ್ಷಿಸುವ ವಿಷಯ. ಚುನಾವಣೆಗಳು ಮತ್ತು ಇತರ ನಾಗರಿಕ ಪ್ರಕ್ರಿಯೆಗಳು ಸಮಾಜದ ಹಕ್ಕುಗಳ ಕಾರ್ಯಚಟುವಟಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ ಮತ್ತು ಮಾಹಿತಿ ತಿರುಚುವಿಕೆಗೆ ವಿಶಿಷ್ಟ ಗುರಿಗಳನ್ನೂ ಪ್ರಸ್ತುತಪಡಿಸುತ್ತವೆ. ಅಂತಹ ಘಟನೆಗಳ ಸುತ್ತಲಿನ ಮಾಹಿತಿ ವಾತಾವರಣವನ್ನು ರಕ್ಷಿಸಲು, ನಾಗರಿಕ ಪ್ರಕ್ರಿಯೆಗಳಿಗೆ ಈ ಕೆಳಗಿನ ವಿಧಗಳ ಬೆದರಿಕೆಗಳ ವಿಧಗಳನ್ನು ಅನ್ವಯಿಸಲು ನಾವು ನಮ್ಮ ನೀತಿಗಳನ್ನು ಜಾರಿಗೊಳಿಸುತ್ತೇವೆ:
ಕಾರ್ಯವಿಧಾನದ ಹಸ್ತಕ್ಷೇಪ: ಪ್ರಮುಖ ದಿನಾಂಕಗಳು ಮತ್ತು ಸಮಯ ಅಥವಾ ಭಾಗವಹಿಸುವಿಕೆಗೆ ಅರ್ಹತೆಯ ಅಗತ್ಯಗಳಂತಹ ನೈಜ ಚುನಾವಣೆ ಅಥವಾ ನಾಗರಿಕ ಕಾರ್ಯವಿಧಾನಗಳಿಗೆ ಸಂಬಂಧಿಸಿದ ತಪ್ಪುಮಾಹಿತಿ.
ಭಾಗವಹಿಸುವಿಕೆಯ ಹಸ್ತಕ್ಷೇಪ: ವೈಯಕ್ತಿಕ ಸುರಕ್ಷತೆಗೆ ಬೆದರಿಕೆಯೊಡ್ಡುವ ಅಥವಾ ಚುನಾವಣೆಯಲ್ಲಿ ಅಥವಾ ನಾಗರಿಕ ಪ್ರಕ್ರಿಯೆಯಲ್ಲಿ ಭಾಗವಹಿಸುವಿಕೆಯನ್ನು ತಡೆಯಲು ವದಂತಿಗಳನ್ನು ಹರಡುವ ವಿಷಯ.
ವಂಚನೆಯ ಅಥವಾ ಕಾನೂನುಬಾಹಿರ ಭಾಗವಹಿಸುವಿಕೆ: ಒಂದು ನಾಗರಿಕ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ತಮ್ಮನ್ನು ತಪ್ಪಾಗಿ ಪ್ರತಿನಿಧಿಸಿಕೊಳ್ಳಲು ಅಥವಾ ಅಕ್ರಮವಾಗಿ ಮತ ಚಲಾಯಿಸಲು ಅಥವಾ ಮತಪತ್ರ ನಾಶಪಡಿಸಲು ಜನರನ್ನು ಪ್ರೋತ್ಸಾಹಿಸುವ ವಿಷಯ.
ನಾಗರಿಕ ಪ್ರಕ್ರಿಯೆಗಳ ಅಮಾನ್ಯಗೊಳಿಸುವಿಕೆ: ಚುನಾವಣಾ ಫಲಿತಾಂಶಗಳ ಕುರಿತು ಸುಳ್ಳು ಅಥವಾ ದಾರಿತಪ್ಪಿಸುವ ದಾವೆಗಳ ಆಧಾರದಲ್ಲಿ ಪ್ರಜಾತಾಂತ್ರಿಕ ಸಂಸ್ಥೆಯನ್ನು ಅಮಾನ್ಯಗೊಳಿಸುವ ಉದ್ದೇಶದ ವಿಷಯ, ಉದಾಹರಣೆಗೆ.
ಹಾನಿಕಾರಕ ಸುಳ್ಳು ಮಾಹಿತಿ ವಿರುದ್ಧದ ನಮ್ಮ ನೀತಿಗಳು, ವೈರಲ್ ಆಗುವಿಕೆಯನ್ನು ಮಿತಿಗೊಳಿಸುವ, ಪಾರದರ್ಶಕತೆಯನ್ನು ಪ್ರಚಾರ ಮಾಡುವ ಮತ್ತು ನಮ್ಮ ವೇದಿಕೆಯಾದ್ಯಂತ ನೈಜತೆಯ ಪಾತ್ರವನ್ನು ಹೆಚ್ಚಿಸುವ ವಿಸ್ತೃತವಾದ ಉತ್ಪನ್ನ ವಿನ್ಯಾಸ ಸುರಕ್ಷತಾ ಕ್ರಮಗಳು ಮತ್ತು ಜಾಹೀರಾತು ನಿಯಮಗಳಿಂದ ಪೂರಕಗೊಳಿಸಲ್ಪಟ್ಟಿವೆ. ಈ ಉದ್ದೇಶಗಳನ್ನು ನಮ್ಮ ವೇದಿಕೆಯ ಸಂರಚನೆಯು ಬೆಂಬಲಿಸುವ ವಿಧಾನಗಳ ಕುರಿತ ಹೆಚ್ಚುವರಿ ಮಾಹಿತಿಗಾಗಿ ಈ ಬ್ಲಾಗ್ ಪೋಸ್ಟ್‌ಗೆ ಭೇಟಿ ನೀಡಿ.
2. ವಂಚನೆಯ ಅಥವಾ ಸ್ಪ್ಯಾಮ್ ಮಾಡುವ ನಡವಳಿಕೆ
ವಂಚನೆ ಮತ್ತು ಸ್ಪ್ಯಾಮ್, Snapchatter ಗಳನ್ನು ಗಮನಾರ್ಹ ಆರ್ಥಿಕ ಹಾನಿ, ಸೈಬರ್ ಸುರಕ್ಷತೆ ಅಪಾಯಗಳು ಮತ್ತು ಕಾನೂನಿಗೆ ಒಡ್ಡಿಕೊಳ್ಳುವಿಕೆಗೂ ಕೂಡ ಒಳಪಡಿಸಬಹುದು (ಅಹಿತಕರ ಮತ್ತು ಕಿರಿಕಿರಿಯ ಅನುಭವವನ್ನು ಪ್ರತ್ಯೇಕವಾಗಿ ಉಲ್ಲೇಖಿಸಬೇಕಾಗಿಲ್ಲ). ಈ ಅಪಾಯಗಳನ್ನು ಕಡಿಮೆ ಮಾಡಲು, ನಮ್ಮ ಸಮುದಾಯದಲ್ಲಿ ವಿಶ್ವಾಸವನ್ನು ಕಡೆಗಣಿಸುವ ವಂಚನೆಯ ಅಭ್ಯಾಸಗಳನ್ನು ನಾವು ನಿಷೇಧಿಸುತ್ತೇವೆ.
ನಿಷೇಧಿತ ಪದ್ಧತಿಗಳಲ್ಲಿ ಯಾವುದೇ ಬಗೆಯ ಹಗರಣಗಳನ್ನು ಉತ್ತೇಜಿಸುವ ವಿಷಯಗಳು; ತ್ವರಿತವಾಗಿ ಶ್ರೀಮಂತರಾಗಿಸುವುದಾಗಿ ಭರವಸೆ ನೀಡುವ ಯೋಜನೆಗಳು; ಅನಧಿಕೃತವಾದ ಅಥವಾ ಬಹಿರಂಗಪಡಿಸದ ಪಾವತಿಗಳನ್ನೊಳಗೊಂಡ ಅಥವಾ ಪ್ರಾಯೋಜಿತ ವಿಷಯಗಳು; ಮತ್ತು ಖೋಟಾ ಸರಕುಗಳು, ದಾಖಲೆಗಳು ಅಥವಾ ಪ್ರಮಾಣಪತ್ರಗಳನ್ನು ಒಳಗೊಂಡಂತೆ, ವಂಚನೆಯ ಸರಕುಗಳು ಅಥವಾ ಸೇವೆಗಳ ಪ್ರಸರಣಗಳು ಸೇರಿವೆ. ಫಾಲೋವರ್‌ಗಾಗಿ ಪಾವತಿಸುವ ಪ್ರಚಾರಗಳು ಅಥವಾ ಇತರ ಫಾಲೋವರ್ ಹೆಚ್ಚಿಸಿಕೊಳ್ಳುವ ಯೋಜನೆಗಳು; ಸ್ಪ್ಯಾಮ್ ಅಪ್ಲಿಕೇಶನ್‌ಗಳ ಪ್ರಚಾರ; ಮತ್ತು ಬಹುಹಂತದ ಮಾರ್ಕೆಟಿಂಗ್ ಅಥವಾ ಪಿರಮಿಡ್ ಯೋಜನೆಗಳ ಪ್ರಚಾರವನ್ನು ಕೂಡ ನಾವು ನಿಷೇಧಿಸುತ್ತೇವೆ. ಯಾವುದೇ ಬಗೆಯ ಅಕ್ರಮ ಹಣ ಚಲಾವಣೆಯನ್ನು (ಹಣ ಕಳಿಸುವುದು ಅಥವಾ ಹಣ ಕಸರತ್ತುಗಳು ಸೇರಿದಂತೆ) ಕೂಡ ನಾವು ನಿಷೇಧಿಸುತ್ತೇವೆ. ಇದು ಅಕ್ರಮವಾಗಿ ಪಡೆದಿರುವ ಅಥವಾ ಬೇರೊಬ್ಬರ ಪರವಾಗಿ ಅಪರಿಚಿತ ಮೂಲದಿಂದ ಪಡೆದಿರುವ ಹಣವನ್ನು ಸ್ವೀಕರಿಸುವುದು ಮತ್ತು ವರ್ಗಾಯಿಸುವುದು, ಅನಧಿಕೃತ ಮತ್ತು ಕಾನೂನುಬಾಹಿರ ಹಣ ಪ್ರಸರಣ ಅಥವಾ ಕರೆನ್ಸಿ ವಿನಿಮಯ ಸೇವೆಗಳು ಮತ್ತು ಈ ಚಟುವಟಿಕೆಗಳನ್ನು ಕೋರುವುದು ಮತ್ತು ಪ್ರಚಾರ ಮಾಡುವುದನ್ನು ಒಳಗೊಂಡಿದೆ.
ಅಂತಿಮವಾಗಿ, ನಮ್ಮ ನೀತಿಗಳು ನೀವಲ್ಲದಿರುವ ಬೇರೊಬ್ಬರ ಸೋಗು ಹಾಕುವುದನ್ನು ಅಥವಾ ನೀವು ಯಾರು ಎನ್ನುವ ಕುರಿತು ಜನರನ್ನು ವಂಚಿಸಲು ಪ್ರಯತ್ನಿಸುವುದನ್ನು ಕೂಡ ನಿಷೇಧಿಸುತ್ತವೆ. ಇದು, ನಿಮ್ಮ ಸ್ನೇಹಿತರು, ಸೆಲೆಬ್ರಿಟಿಗಳು, ಬ್ರ್ಯಾಂಡ್‌ಗಳು ಅಥವಾ ಇತರ ಸಂಘಟನೆಗಳ ಸೋಗುಹಾಕುವುದನ್ನು ಒಳಗೊಂಡಿದೆ. Snapchat ಅಥವಾ Snap, Inc. ಬ್ರ್ಯಾಂಡಿಂಗ್ ಅನ್ನು ನಕಲು ಮಾಡುವುದು ಸರಿಯಲ್ಲ ಎನ್ನುವುದೂ ಕೂಡ ಈ ನಿಯಮಗಳ ತಾತ್ಪರ್ಯವಾಗಿದೆ.