Snap ನಲ್ಲಿ, ಜನರು ತಮ್ಮನ್ನು ಅಭಿವ್ಯಕ್ತಗೊಳಿಸಲು, ಆ ಕ್ಷಣದಲ್ಲಿ ಬದುಕಲು, ಜಗತ್ತಿನ ಕುರಿತು ತಿಳಿದುಕೊಳ್ಳಲು ಮತ್ತು ಜೊತೆಯಾಗಿ ಆನಂದಿಸಲು ಅವರನ್ನು ಸಬಲಗೊಳಿಸುವ ಮೂಲಕ ನಾವು ಮಾನವರ ಪ್ರಗತಿಗೆ ಕೊಡುಗೆ ನೀಡುತ್ತೇವೆ. ನಮ್ಮ ಸೇವೆಗಳನ್ನು Snapchatter ಗಳು ಪ್ರತಿದಿನ ಸುರಕ್ಷಿತವಾಗಿ ಬಳಸಬಹುದು ಎನ್ನುವುದನ್ನು ಖಚಿತಪಡಿಸಿಕೊಳ್ಳಲು ಪರಿಶ್ರಮ ಪಡುವ ಜೊತೆಗೆ, ಸ್ವಯಂ ಅಭಿವ್ಯಕ್ತಿಯ ವಿಶಾಲವಾದ ಶ್ರೇಣಿಯನ್ನು ಪ್ರೋತ್ಸಾಹಿಸುವ ಮೂಲಕ ನಮ್ಮ ಧ್ಯೇಯವನ್ನು ಬೆಂಬಲಿಸಲು ನಾವು ಈ ಕಮ್ಯುನಿಟಿ ಮಾರ್ಗಸೂಚಿಗಳನ್ನು ರಚಿಸಿದ್ದೇವೆ. ನಮ್ಮ ಸಮುದಾಯದ ಎಲ್ಲ ಸದಸ್ಯರಿಗೆ ಈ ಮಾರ್ಗಸೂಚಿಗಳು ಸ್ಪಷ್ಟ ಮತ್ತು ಅರ್ಥವಾಗುವಂತಿರಬೇಕು ಎನ್ನುವುದು ನಮ್ಮ ಉದ್ದೇಶವಾಗಿದೆ. ನಮ್ಮ ಸಮುದಾಯವನ್ನು ಸೇರಲು, ನೀವು ಕನಿಷ್ಟ 13 ವರ್ಷ ವಯಸ್ಸಿನವರಾಗಿರಬೇಕು ಎನ್ನುವುದನ್ನು ದಯವಿಟ್ಟು ಗಮನಿಸಿ. 

ಈ ಮಾರ್ಗಸೂಚಿಗಳು Snapchat ನಲ್ಲಿ ಎಲ್ಲ ಕಂಟೆಂಟ್ (ಇದು ಪಠ್ಯ, ಚಿತ್ರಗಳು, ಜನರೇಟಿವ್ AI, ಲಿಂಕ್‌ಗಳು ಅಥವಾ ಲಗತ್ತುಗಳು, ಇಮೋಜಿಗಳು, ಲೆನ್ಸ್‌ಗಳ ಮತ್ತು ಇತರ ಕ್ರಿಯೇಟಿವ್ ಟೂಲ್ಸ್‌ನಂತಹ ಎಲ್ಲ ಸ್ವರೂಪಗಳ ಸಂವಹನವನ್ನು ಒಳಗೊಳ್ಳುತ್ತದೆ) ಅಥವಾ ನಡವಳಿಕೆಗಳಿಗೆ — ಮತ್ತು ಎಲ್ಲ Snapchatter ಗಳಿಗೆ ಅನ್ವಯಿಸುತ್ತವೆ. Snapchatter ಗಳಿಗೆ ಗಂಭೀರ ಹಾನಿಯ ಅಪಾಯವನ್ನು ಒಡ್ಡುವ ಕಂಟೆಂಟ್ ಅಥವಾ ನಡವಳಿಕೆಯ ಕುರಿತು ನಾವು ನಿರ್ದಿಷ್ಟವಾಗಿ ಸಂವೇದನಾಶೀಲರಾಗಿದ್ದೇವೆ ಮತ್ತು ಅಂತಹ ನಡವಳಿಕೆಯಲ್ಲಿ ತೊಡಗುವ ಬಳಕೆದಾರರ ವಿರುದ್ಧ ತಕ್ಷಣದ, ಶಾಶ್ವತ ಕ್ರಮ ಕೈಗೊಳ್ಳುವ ಹಕ್ಕನ್ನು ಕಾಯ್ದಿರಿಸಿದ್ದೇವೆ. ನಾವು ಯಾವುದನ್ನು ಗಂಭೀರ ಹಾನಿ ಎಂದು ಪರಿಗಣಿಸುತ್ತೇವೆ ಮತ್ತು ಅದರ ವಿರುದ್ಧ ನಾವು ಹೇಗೆ ಕ್ರಮ ಕೈಗೊಳ್ಳುತ್ತೇವೆ ಎನ್ನುವ ಕುರಿತ ಹೆಚ್ಚುವರಿ ಮಾರ್ಗದರ್ಶನ ಇಲ್ಲಿ ಲಭ್ಯವಿದೆ. 

ತಮ್ಮ ಕಂಟೆಂಟ್ ನಿಖರವಾಗಿದೆ ಮತ್ತು ಸೂಕ್ತವಾಗಿರುವಲ್ಲಿ ವಾಸ್ತವ ಪರೀಕ್ಷೆ ಮಾಡಲಾಗಿದೆ ಎನ್ನುವುದರ ಅಗತ್ಯ ಸೇರಿದಂತೆ, ಹೆಚ್ಚುವರಿ ಮಾರ್ಗಸೂಚಿಗಳಿಗೆ ಜಾಹೀರಾತುದಾರರು ಮತ್ತು Discover ನಲ್ಲಿನ ನಮ್ಮ ಮಾಧ್ಯಮ ಪಾಲುದಾರರು ಒಪ್ಪುತ್ತಾರೆ. ಡೆವಲಪರ್‌ಗಳು ಕೂಡ ಹೆಚ್ಚುವರಿ ನಿಯಮಗಳಿಗೆ ಒಳಪಡುತ್ತಾರೆ. ಜನರೇಟಿವ್ AI ಕಂಟೆಂಟ್ ಅನ್ನು ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳ ಅನುಸಾರವಾಗಿ ಇರಿಸಲು ನೆರವಾಗುವುದಕ್ಕೆ ನಾವು ಸುರಕ್ಷತಾ ಕ್ರಮಗಳನ್ನು ಕೂಡ ಜಾರಿಮಾಡುತ್ತೇವೆ. 

Snapchat ನಲ್ಲಿ ನಿಷೇಧಿಸಲ್ಪಟ್ಟಿರುವ ವಿಷಯಕ್ಕಾಗಾಗಿನ ನಿರ್ದಿಷ್ಟ ನಿಯಮಗಳನ್ನು ನಾವು ಇಲ್ಲಿ ಮತ್ತು ನಮ್ಮ ಸೇವೆಯ ನಿಯಮಗಳಲ್ಲಿ ವಿವರಿಸಿದ್ದೇವೆ ಮತ್ತು ಈ ನಿಯಮಗಳನ್ನು ನಿರಂತರವಾಗಿ ಅನ್ವಯಿಸಲಾಗುತ್ತದೆ ಎಂದು ಖಚಿತಪಡಿಸಿಕೊಳ್ಳಲು ನಾವು ಕಾರ್ಯನಿರ್ವಹಿಸುತ್ತೇವೆ. ಈ ನಿಯಮಗಳನ್ನು ಅನ್ವಯಿಸುವಾಗ, ಕಂಟೆಂಟ್ ಸುದ್ದಿಯೋಗ್ಯ, ವಾಸ್ತವಿಕವಾಗಿದೆಯೇ ಮತ್ತು ರಾಜಕೀಯ, ಸಾಮಾಜಿಕ ಅಥವಾ ನಮ್ಮ ಸಮುದಾದಯ ಇತರ ಸಾಮಾನ್ಯ ಕಳವಳಗಳಿಗೆ ಸಂಬಂಧಿಸಿದೆಯೇ ಎನ್ನುವುದು ಸೇರಿದಂತೆ, ಕಂಟೆಂಟ್‌ನ ಸ್ವರೂಪವನ್ನು ನಾವು ಪರಿಗಣನೆಗೆ ತೆಗದುಕೊಳ್ಳುತ್ತೇವೆ. ನಾವು ಕಂಟೆಂಟ್ ಅನ್ನು ಹೇಗೆ ಮಾಡರೇಟ್ ಮಾಡುತ್ತೇವೆ ಮತ್ತು ನಮ್ಮ ನೀತಿಗಳನ್ನು ಹೇಗೆ ಜಾರಿಗೊಳಿಸುತ್ತೇವೆ ಎನ್ನುವ ಕುರಿತು ಹೆಚ್ಚುವರಿ ಸನ್ನಿವೇಶ ಇಲ್ಲಿ ಲಭ್ಯವಿದೆ. ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳ ಕುರಿತು ಇನ್ನಷ್ಟು ವಿವರವಾದ ಮಾಹಿತಿಗಾಗಿ ಕೆಳಗಿನ ಪ್ರತಿ ವಿಭಾಗಗಳ ಮೂಲಕ ನಾವು ಲಿಂಕ್‌ಗಳನ್ನು ಕೂಡ ಒದಗಿಸುತ್ತೇವೆ.

Snapchat ಎಲ್ಲರಿಗೂ ಸುರಕ್ಷಿತ ಮತ್ತು ಸಕಾರಾತ್ಮಕ ಅನುಭವವಾಗಬೇಕೆಂದು ನಾವು ಬಯಸುತ್ತೇವೆ. ನಮ್ಮ ಸ್ವಂತ ವಿವೇಚನೆ ಮೇರೆಗೆ, ಯಾವ ವಿಷಯ ಅಥವಾ ನಡವಳಿಕೆ ನಮ್ಮ ನಿಯಮಗಳ ಸ್ಫೂರ್ತಿಯನ್ನು ಉಲ್ಲಂಘಿಸುತ್ತದೆ ಎಂದು ನಿರ್ಧರಿಸುವ ಹಕ್ಕನ್ನು ನಾವು ಕಾಯ್ದಿರಿಸಿದ್ದೇವೆ.

ನಮ್ಮ ಆ್ಯಪ್‌ನಲ್ಲಿನ ವರದಿ ಮಾಡುವಿಕೆ ವೈಶಿಷ್ಟ್ಯಗಳನ್ನು ಬಳಸಿಕೊಂಡು ಅಥವಾ ಈ ನಮೂನೆ ಭರ್ತಿ ಮಾಡುವ ಮೂಲಕ ನಮ್ಮ ವಿಶ್ವಾಸ ಮತ್ತು ಸುರಕ್ಷತೆ ತಂಡಕ್ಕೆ ನೀವು ಯಾವಾಗಲೂ ಒಂದು ವರದಿ ಸಲ್ಲಿಸಬಹುದು ಎನ್ನುವುದನ್ನು ದಯವಿಟ್ಟು ನೆನಪಿಟ್ಟುಕೊಳ್ಳಿ (ಇದು ನೀವು Snapchat ಖಾತೆ ಹೊಂದಿರಲಿ ಅಥವಾ ಇಲ್ಲದಿರಲಿ ಒಂದು ಕಳವಳವನ್ನು ವರದಿ ಮಾಡಲು ನಿಮಗೆ ಅವಕಾಶ ಕಲ್ಪಿಸುತ್ತದೆ). ಈ ಮಾರ್ಗಸೂಚಿಗಳ ಉಲ್ಲಂಘನೆಯನ್ನು ನಿರ್ಧರಿಸಲು ಈ ವರದಿಗಳನ್ನು ನಾವು ಪರಿಶೀಲಿಸುತ್ತೇವೆ. ಒಂದು ವೇಳೆ ನೀವು ಈ ಸಮುದಾಯ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದರೆ, ನಾವು ಆಕ್ಷೇಪಾರ್ಹ ವಿಷಯವನ್ನು ತೆಗೆದುಹಾಕಬಹುದು, ನಿಮ್ಮ ಖಾತೆಯ ಗೋಚರತೆಯನ್ನು ಮುಕ್ತಾಯಗೊಳಿಸಬಹುದು ಅಥವಾ ಸೀಮಿತಗೊಳಿಸಬಹುದು ಮತ್ತು/ಅಥವಾ ಕಾನೂನು ಜಾರಿಯ ಸೂಚನೆ ನೀಡಬಹುದು. ಚಟುವಟಿಕೆಯು ಮಾನವರ ಬದುಕಿಗೆ ಸನ್ನಿಹಿತ ಬೆದರಿಕೆಯನ್ನು ಒಡ್ಡಿದಾಗ ನಾವು ಕಾನೂನು ಜಾರಿ ಸಂಸ್ಥೆಗೆ ಕೂಡ ಮಾಹಿತಿಯನ್ನು ನೀಡುತ್ತೇವೆ. ಈ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ನಿಮ್ಮ ಖಾತೆಯನ್ನು ಅಂತ್ಯಗೊಳಿಸಿದ್ದರೆ, ಮತ್ತೊಮ್ಮೆ Snapchat ಬಳಸಲು ಅಥವಾ ಯಾವುದೇ ರೀತಿಯಲ್ಲಿ ಈ ಅಂತ್ಯಗೊಳಿಸುವಿಕೆಯಿಂದ ನುಣುಚಿಕೊಳ್ಳಲು ನಿಮಗೆ ಅವಕಾಶವಿಲ್ಲ.  

ನಮ್ಮ ಸ್ವಂತ ವಿವೇಚನೆ ಮೇರೆಗೆ, Snapchat ನಲ್ಲಿ ಅಥವಾ ಹೊರಗೆ ಅಪಾಯ ಒಡ್ಡುತ್ತಾರೆ ಎಂದು ಭಾವಿಸಲು ನಾವು ಕಾರಣಗಳನ್ನು ಹೊಂದಿರುವ ಬಳಕೆದಾರರಿಗೆ ಖಾತೆ ಪ್ರವೇಶವನ್ನು ತೆಗೆದುಹಾಕುವ ಅಥವಾ ನಿರ್ಬಂಧಿಸುವ ಹಕ್ಕನ್ನು Snap ಕಾಯ್ದಿರಿಸಿದೆ. ಇವುಗಳಲ್ಲಿ ದ್ವೇಷ ಗುಂಪುಗಳು ಮತ್ತು ಭಯೋತ್ಪಾದನಾ ಸಂಘಟನೆಗಳ ನಾಯಕರು, ಇತರರ ವಿರುದ್ಧ ಹಿಂಸೆಯನ್ನು ಪ್ರಚೋದಿಸುವ ಅಥವಾ ಗಂಭೀರ ಹಾನಿಗೆ ಸಂಚು ನಡೆಸುವ ಖ್ಯಾತಿ ಹೊಂದಿರುವ ವ್ಯಕ್ತಿಗಳು ಅಥವಾ ಮಾನವರ ಬದುಕಿಗೆ ಅಪಾಯ ಒಡ್ಡುತ್ತದೆ ಎಂದು ನಾವು ನಂಬುವ ನಡವಳಿಕೆಗಳು ಸೇರಿವೆ. ಅಂತಹ ನಡವಳಿಕೆಯ ಮೌಲ್ಯಮಾಪನ ಮಾಡುವಾಗ, ಖಾತೆ ಪ್ರವೇಶವನ್ನು ತೆಗೆದುಹಾಕಬೇಕೇ ಅಥವಾ ನಿರ್ಬಂಧಿಸಬೇಕೇ ಎಂದು ನಿರ್ಧರಿಸಲು ವಿಷಯ ತಜ್ಞರು ಅಥವಾ ಕಾನೂನು ಜಾರಿ ಸಂಸ್ಥೆಗಳಂತಹ ಇತರ ಮೂಲಗಳಿಂದ ನಾವು ಮಾರ್ಗದರ್ಶನವನ್ನು ಪರಿಗಣಿಸಬಹುದು. 

Snapchat ನಲ್ಲಿ ಸುರಕ್ಷತೆಯ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ದಯವಿಟ್ಟು ನಮ್ಮ ಸುರಕ್ಷತಾ ಕೇಂದ್ರಕ್ಕೆ ಭೇಟಿ ನೀಡಿ. ಅಲ್ಲಿ, ನೀವು ನಿಮ್ಮ ಗೌಪ್ಯತೆ ಸೆಟ್ಟಿಂಗ್‌ಗಳನ್ನು ಅಪ್‌ಡೇಟ್ ಮಾಡುವುದು, ನಿಮ್ಮ ವಿಷಯವನ್ನು ಯಾರು ನೋಡಬಹುದು ಎಂದು ಆಯ್ಕೆ ಮಾಡುವುದು ಮತ್ತು ಇತರ ಬಳಕೆದಾರರನ್ನು ನಿರ್ಬಂಧಿಸುವುದು ಮುಂತಾದ ಕ್ರಮ ಕೈಗೊಳ್ಳುವುದು ಸೇರಿದಂತೆ, ನಿಮ್ಮ Snapchat ಅನುಭವವನ್ನು ನಿರ್ವಹಿಸಲು ವಿವರವಾದ ಸೂಚನೆಗಳನ್ನು ಕಾಣುತ್ತೀರಿ.