Pinakamataas na prayoridad ang kaligtasan ng mga Snapchatter. Seryoso naming isinasaisip ang ugaling nagbabanta sa kaligtasan ng aming kumunidad, lalo na kung ang bantang nakakapinsala ay malala. Itinuturing naming malala ang banta kapag ito ay (1) nakakapinsala sa pisikal at emosyonal na kapakanan ng mga Snapchatter, at (2) ang panganib ng malalang pinsala ay hindi maiiwasan at kapani-paniwala, kasama na ang banta sa buhay, kaligtasan, at kapakanan. Kami ay nakikipagugnayan sa mga bihasa, safety groups, at mga tagapagpatupad ng batas sa mga paksang ito para sa karagdagang kaalaman namin at ng aming kumunidad, at upang gumawa ng akmang aksyon kapag ang mga bantang ito ay umusbong sa aming platform.

Ilang kategorya ng content at pag-uugali—gaya ng sekswal na pananamantala sa bata, aktibidad na nauugnay sa terorismo, promosyon ng mga mapanganib at ilegal na gamot o armas, pagpapakalakal ng tao, at iba pang malubhang kriminal na pag-uugali—madalas na nakakatugon sa pamantayan na ito, dahil sa kalubhaan at kagyat na panganib na kasangkot. Itinuturing namin na ang mga ganitong uri ng pinsala ay nararapat sa mas mataas na antas ng pagsisiyasat, pati na rin ang mabilis, mahigpit, at permanenteng kahihinatnan para sa mga account na lumalabag.

Kapag natukoy namin ang mga gumagamit ng Snapchat na nakikilahok sa mga sumusunod na aktibidad, agad naming tinatanggal ang nauugnay na content, dini-disable ang kanilang mga account at, sa ilang pagkakataon, iniuulat ang pag-uugali sa mga awtoridad:

• Aktibidad na kinasasangkutan ng sekswal na pananamantala o pang-aabuso, kabilang ang pagbabahagi ng mga imahe na nagpapakita ng sekswal na pananamantala sa bata para sa layunin ng sekswal na kasiyahang-loob, pag-aakit para sa sekswal na layunin, sex trafficking ng bata o nasa hustong gulang, o sekswal na pangingikil (sextortion), na tumutukoy sa pangingikil gamit ang sekswal na nilalaman.

• Pagtatangkang magbenta, makipagpalitan, o mangasiwa sa pagbebenta ng mga mapanganib at ipinagbabawal na gamot

• Kapani-paniwala, hindi maiiwasan na banta sa buhay, kaligtasan, o kapakanan, na sakop ang marahas na extremism o gawaing may kinalaman sa terorismo, human trafficking, tugmang banta ng karahasan (katulad ng pambobomba), o iba pang seryosong gawaing kriminal   

Bilang karagdagan sa pagpapatupad ng mas mahigpit na kahihinatnan para sa mga paglabag na ito, maaari kaming gumamit ng mga maagap na hakbang sa pag-detect para tukuyin at tanggalin ang malubha at seryosong lumalabag na content nang mas mabilis, habang iginagalang ang mga naaangkop na paghihigpit sa privacy. Patuloy na nakikipagtulungan ang aming mga internal na team sa mga eksperto para mas maunawaan kung paano namin made-detect at malilimitahan ang mga banta, mapipigilan ang pinsala, at mananatiling may kaalaman tungkol sa potensyal na mga mapaminsalang trend. Hindi nagtatapos ang aming gawain sa paksang ito at ang paglago nito ay alinsunod sa mga pangangailangan ng aming kumunidad. Inaanyayahan namin kayo na i-report ang safety concern, bumisita sa aming Safety Center, o aralin ang aming mga ginagawa ukol sa nakakapinsalang content at isulong ang kalusugan.