சமூக வழிகாட்டுதல்கள்

சிறார் பாலியல் சுரண்டல் அல்லது துன்புறுத்தல் படங்களைப் பகிர்ந்துகொள்வது; பாலியல் நோக்கங்களுக்காக உறவில் வசப்படவைத்தல்; பாலியல் மிரட்டல் (செக்ஸ்டார்ஷன்); அல்லது பாலியல் துன்புறுத்தல் அல்லது சுரண்டல் நோக்கத்துடன் சிறார் ஒருவரை வற்புறுத்தல், ஏமாற்றுதல் அல்லது கட்டாயப்படுத்துதல் உள்ளிட்ட எந்தவொரு நடவடிக்கை செய்கிறோம். பாலியல் மிரட்டல் (செக்ஸ்டார்ஷன்) அல்லது குழந்தைகளை பாலியல் ரீதியாக சித்தரிப்பது ஆகியவற்றையும் நாங்கள் தடைசெய்கிறோம். அத்தகை நடத்தையில் ஈடுபடும் முயற்சிகள் உட்பட சிறார் பாலியல் சுரண்டல் பற்றி கண்டறியப்பட்ட அனைத்து நிகழ்வுகளையும் நாங்கள் அதிகாரிகளிடம் புகாரளிக்கிறோம். 18 வயதுக்கு கீழ் உள்ள ஒருவரை ஈடுபடுத்தும் நிர்வாண அல்லது பாலியலை அப்பட்டமாக வெளிப்படுத்தும் உள்ளடக்கத்தை ஒருபோதும் இடுகையிட, அனுப்ப, முன்னனுப்ப, விநியோகிக்க அல்லது கேட்க வேண்டாம் (இதில் உங்களது அத்தகையப் படங்களை அனுப்புவது அல்லது சேமிப்பதும் அடங்கும்). 

நாங்கள் ஆபாச உள்ளடக்கங்களை விளம்பரப்படுத்துவது, விநியோகிப்பது அல்லது பகிர்வதைத் தடை செய்கிறோம். இதில் கோரப்படாத பாலியல் படங்கள் (உதாரணமாக சைபர்ஃப்ளாஷிங்) மற்றும் ஆபாசம் அல்லது பாலியல் தொடர்புகள் சார்ந்த வணிக நடவடிக்கைகள் (ஆன்லைன் அல்லது ஆஃப்லைன்) அடங்கும். 

பாலியல் அல்லாத சூழல்களில் தாய்ப்பால் மற்றும் பிற நிர்வாணமான சித்தரிப்புகள் அவர்களின் ஒப்புதல் இல்லாமல் இடுகையிடப்பட்டால் தவிர, பொதுவாக அனுமதிக்கப்படுகின்றன.

வன்முறை அல்லது ஆபத்தான நடத்தைக்கு ஊக்கமளிப்பது அல்லது அவற்றில் ஈடுபடுவது தடை செய்யப்பட்டுள்ளது. ஒரு நபர், ஒரு குழு அல்லது ஒருவரின் சொத்துக்குத் தீங்கு விளைவிக்கவோ மிரட்டவோ அச்சுறுத்தவோ வேண்டாம்.

விலங்குகள் துன்புறுத்தல் உள்ளிட்ட தேவையற்ற அல்லது கற்பனையான வன்முறையைப் சித்தரிக்கும் உள்ளடக்கம் அனுமதிக்கப்படாது.

மனிதர்களுக்கோ விலங்குகளுக்கோ ஏற்படும் கடுமையான காயங்களை தத்ரூபமாகவோ (உண்மையானதாகவோ அல்லது உண்மையானதைப் போன்றோ) சித்தரிக்கும் காட்சி அனுமதிக்கப்படாது. செய்தி வெளியீடுகள் சூழலில் மட்டும் விலக்கு அளிக்கப்படும் (உதாரணமாக போர் மண்டலங்களில் இருந்து அறிக்கை செய்வது —அத்தகைய சூழல்களில் கூட, கொடூரமான காயங்களை மங்கலாக்கவோ மறைக்கவோ நாங்கல் ஊக்குவிக்கிறோம்).

சுய காயம், தற்கொலை, உணவு உண்ணும் கோளாறுகள் அல்லது கடுமையான சுய தீங்கின் பிற வடிவங்களை ஊக்குவிப்பது உள்ளிட்ட சுய தீங்கை பெருமைப்படுத்துதல், ஊக்குவித்தல் அல்லது உதவி செய்வது ஆகியவற்றை நாங்கள் அனுமதிக்கவில்லை.

பயங்கரவாத அமைப்புகள், வன்முறை தீவிரவாதிகள் அல்லது வெறுப்புக் குழுக்களை ஆதரிக்க எங்கள் தளத்தைப் பயன்படுத்துவதை நாங்கள் தடைசெய்கிறோம். பயங்கரவாதம், வன்முறைத் தீவிரவாதம் அல்லது வெறுப்பை ஆதரிக்கும் அல்லது புகழும் அல்லது பரிந்துரைக்கும் உள்ளடக்கத்தையும் நாங்கள் தடைசெய்கிறோம்.

இனம், நிறம், சாதி, இனக்குழு, மதம், பாலியல் விருப்பத்தேர்வு, பாலின அடையாளம் அல்லது பாலின மாற்றம், இயலாமை, முன்னாள் ராணுவத்தினர் அந்தஸ்து, குடியேற்ற நிலை, வயது, எடை அல்லது கர்ப்ப நிலை ஆகியவற்றின் அடிப்படையில் வெறுப்பைத் தூண்டுபடியாகக் கருதக்கூடிய வெறுப்புப் பேச்சு அல்லது ஒருவரைத் துன்புறுத்தும், இழிவுபடுத்தும், அவதூறு பரப்பும், பாகுபாடு அல்லது வன்முறைத் தூண்டும் அல்லது வெறுப்பைத் தூண்டும் உள்ளடக்கம் தடை செய்யப்படுகிறது.

கொடுமைப்படுத்துதல் மற்றும் தொந்தரவளித்தல் ஆகியவற்றை நாங்கள் தடைசெய்கிறோம். உங்களை யாரேனும் தடை செய்தால், வேறு Snapchat கணக்கிலிருந்து அவர்களைத் தொடர்பு கொள்ள முடியாது.

கேலி செய்வது, அவமானப்படுத்துதல் வதந்திகளைப் பரப்புவது, மற்றொரு நபருக்கு தீங்கு vilai, அவமானப்படுத்துதல் அல்லது வதந்தியைப் பரப்புவது, மற்றொரு நபருக்கு தீங்கு நேர வேண்டும் என்று விரும்புதல், அவமானப்படுத்தும் படங்களைப் பகிர்வது (கையாளுதல் அல்லது AI மூலம் உருவாக்கப்பட்ட படங்கள் உட்பட) அல்லது தொடர்ச்சியான அல்லது தேவையற்ற தொடர்பு ஆகியவற்றை ஒரு சாதாரண நபரை உணர்ச்சி துன்பத்தை அனுபவிக்க வழிவகுக்கும் எந்தவொரு தேவையற்ற நடத்தையையும் நாங்கள் தொந்தரவளித்தல் என்று கருதுகிறோம்.

தனிப்பட்ட அடையாளம் காணக்கூடிய தகவல்கள் (PII) அல்லது ஸ்கிரீன் ஷாட்கள் அல்லது தனிப்பட்ட உரையாடல்களின் பதிவுகளைப் பகிர்வது உட்பட மற்றொரு நபரின் தனிப்பட்ட உள்ளடக்கம், படங்கள் அல்லது தகவல்களை அவர்களின் சம்மதமில்லாமல் பகிர்வதையும் நாங்கள் தடைசெய்கிறோம்.

தொந்தரவளித்தல் நோக்கத்திற்காக மற்றொரு நபரின் தனிப்பட்ட அல்லது அடையாளம் காணக்கூடிய தகவல்களைப் பகிர்வதையும் நாங்கள் தடைசெய்கிறோம் (அதாவது, “doxxing”).

சட்டவிரோத நடவடிக்கையில் ஈடுபட Snapchat ஐப் பயன்படுத்துவதன் காரணமாக கணக்கு நிறுத்தப்படலாம், மேலும் அது ஒரு குற்றமாகவும் இருக்கலாம்! சட்டவிரோத செயல்பாட்டில் ஈடுபட, அதை ஊக்குவிக்க அல்லது பெருமைப்படுத்த Snapchat-ஐப் பயன்படுத்த வேண்டாம். 

ஆட்கடத்தல் அல்லது ஆட்கடத்தலுக்குத் துணை போதல் அத்துடன் வன்முறை கும்பல்கள், திட்டமிடப்பட்ட குற்றங்கள் ஆகியவற்றை ஊக்குவிப்பது அல்லது குற்றச் செயல்பாட்டுக்கு ஆட்சேர்ப்பு செய்வது ஆகியவற்றை நாங்கள் தடைசெய்கிறோம். 

சட்டவிரோத போதைப் பொருட்களை (ஓபியாய்டுகள், பார்பிடூரேட்டுகள் மற்றும் ஆம்பீடமைன்கள் போன்ற பொதுவாக தவறாகப் பயன்படுத்தப்படும் பரிந்துரைக்கப்படும் மருந்துகள் உட்பட) பெருமைப்படுத்துதல், விற்பனை செய்தல் அல்லது விநியோகத்தை நாங்கள் தடைசெய்கிறோம்.  

ஒழுங்குபடுத்தப்பட்ட மருந்துகள் (பரிந்துரைக்கப்படும் மருந்துகள் உட்பட) மற்றும் பொருட்கள் விற்பனை செய்வது அல்லது விநியோகத்தை நாங்கள் தடைசெய்கிறோம். 

ஆயுதங்கள் (பட்டாசு அல்லது வெடிபொருட்கள் உட்பட) விற்பனை செய்வது அல்லது விளம்பரப்படுத்துதல் மற்றும் கவனக்குறைவான அல்லது பொறுப்பற்ற ஆயுதங்கள் பயன்பாட்டை சித்தரிப்பதையும் நாங்கள் தடைசெய்கிறோம். 

அடிக்கடி ஒழுங்குபடுத்தப்படும் சில பொருட்கள் அல்லது செயல்பாடுகளை விளம்பரப்படுத்துவதைத் தடைசெய்கிறோம். இதில் புகையிலை, ஆல்கஹால், வேப் பொருட்கள் போன்ற ஒழுங்குபடுத்தப்பட்ட பொருட்களை விற்பனை செய்வது அல்லது விளம்பரப்படுத்தும் முயற்சி அடங்கும். நிதிக் கடன்கள் அல்லது பிற நிதித் தயாரிப்புகள் அல்லது சேவைகளை வழங்குவது அல்லது சூதாட்ட சேவைகளை மேம்படுத்துவது (பந்தய இணையதளங்கள், சூதாட்ட செயலிகள், டிப் அல்லது கணிப்பு சேவைகள் அல்லது பரிந்துரை குறியீடுகள் உட்பட) போன்ற ஒழுங்குபடுத்தப்பட்ட சேவைகள் மற்றும் செயல்பாடுகளை விற்பனை செய்வது, வசதி செய்வது அல்லது விளம்பரப்படுத்துவதையும் நாங்கள் தடைசெய்கிறோம்.

துன்பகரமான நிகழ்வுகள் இருப்பதை மறுப்பது, ஆதாரமற்ற மருத்துவக் கூற்றுகள், குடிமைச் செயல்முறைகளின் ஒருமைப்பாட்டைக் குறைமதிப்பிற்கு உட்படுத்துதல் அல்லது தவறான அல்லது தவறான நோக்கங்களுக்காக உள்ளடக்கத்தைக் கையாளுதல் (உருவாக்கும் AI மூலமாகவோ அல்லது ஏமாற்றும் திருத்தங்கள் மூலமாகவோ) போன்ற தீங்கு விளைவிக்கும் அல்லது தீங்கிழைக்கும் தவறான தகவலைப் பரப்புவதை நாங்கள் தடைசெய்கிறோம்.

நீங்கள் வேறு ஒருவராக (அல்லது வேறொன்றாக) நடிப்பதை அல்லது நீங்கள் யார் என்பதைக் குறித்து மக்களை ஏமாற்ற முயற்சிப்பதை நாங்கள் தடைசெய்கிறோம். தீங்கு விளைவிக்கும், நையாண்டி அல்லாத நோக்கங்களுக்காக உங்களின் நண்பர்கள், பிரபலங்கள், பொது நபர்கள், பிராண்டுகள் அல்லது மற்ற நபர்கள் அல்லது நிறுவனங்களைப் போல் ஆள்மாறாட்டம் செய்வதும் இதில் அடங்கும்.

பணம் கொடுத்துப் பின்தொடர்பவர்களை அதிகரிப்பது அல்லது பின்தொடர்பவர்களை அதிகரிக்கும் மற்ற திட்டங்கள், ஸ்பேம் செயலிகளின் விளம்பரம் அல்லது பல அடுக்கு சந்தைப்படுத்தல் அல்லது பிரமிட் திட்டங்களின் விளம்பரம் உள்ளிட்ட ஸ்பேமை நாங்கள் தடைசெய்துள்ளோம்.

வெளியிடப்படாத பணம் வழங்கப்பட்ட அல்லது ஸ்பான்சர் செய்யப்பட்ட உள்ளடக்கம், மோசடியான பொருட்கள் அல்லது சேவைகளை ஊக்குவிப்பது அல்லது விரைவாக பணக்காரர் ஆக திட்டங்கள் அல்லது Snapchat அல்லது Snap Inc-ஐப் போன்று தோற்றமளிப்பது உள்ளிட்ட மோசடி மற்றும் பிற ஏமாற்றும் நடைமுறைகளை நாங்கள் தடைசெய்கிறோம்.