நீங்கள் பாதுகாப்பாகவும் பத்திரமாகவும் உணராவிட்டால், தனியுரிமை பாதுகாப்பை உணர்வது கடினமான விஷயம். அதனால்தான் எங்கள் சொந்த உள்கட்டமைப்பை பாதுகாக்க கணிசமான முயற்சிகளை நாங்கள் எடுக்கிறோம். Snapchat உங்கள் கணக்கை பாதுகாக்க இரு-காரணி அங்கீகாரம் மற்றும் அமர்வு மேலாண்மை போன்ற அம்சங்களைக் கொண்டுள்ளது. ஆனால் உங்கள் Snapchat கணக்கை குறிப்பாக பாதுகாப்பாக வைத்திருக்க நீங்கள் எடுக்கக்கூடிய சில கூடுதல் படிமுறைகளும் உள்ளன:

நீண்ட, சிக்கலான, மற்றும் தனித்துவமான கடவுச்சொல்லைத் தேர்ந்தெடுங்கள், இது தவறான நபர்கள் உங்கள் கடவுச்சொல்லை யூகிப்பதைத் தடுக்கும் அல்லது உங்கள் கணக்கை அணுக சமரசம் செய்யப்பட்ட கடவுச்சொற்களின் பட்டியலைப் பயன்படுத்துவதைத் தடுக்க உதவும். 

• நீங்கள் ஒரு நீளமான கடவுச்சொல்லை பயன்படுத்த வேண்டும், ஏனென்றால் ஒவ்வொரு ஆண்டும் கடவுச்சொற்களை உடைக்கும் திறன் அதிகரிக்கின்றது, சிறிய கடவுச்சொற்கள் குறிப்பாக பாதிக்கப்படக்கூடியவை;   

• நீங்கள் ஒரு தனித்துவமான கடவுச்சொல்லை பயன்படுத்த வேண்டும், ஏனென்றால் பிற பயன்பாடுகள் மற்றும் சேவைகளில் இருந்து கடவுச்சொற்கள் மீண்டும் பயன்படுத்தப்படுவதால் அந்த கடவுச்சொற்கள் சமரசம் செய்யப்பட்டால், உங்கள் Snapchat கணக்கும் அபாயத்தில் உள்ளது; மேலும்

• நீங்கள் ஒரு கடினமான கடவுச்சொல்லை பயன்படுத்த வேண்டும், ஏனென்றால் உங்கள் கடவுச்சொல்லில் எண்கள், பெரிய மற்றும் சிறிய எழுத்துக்கள் மற்றும் சின்னங்களைச் சேர்ப்பது உங்கள் கடவுச்சொல்லை உடைக்க எடுக்கும் நேரத்தை கணிசமாக அதிகரிக்கிறது. 

அதனால், உங்கள் படைப்பாற்றலை காட்டுங்கள் மற்றும் “I l0ve Gr@ndma’s gingerbread c00kies!” போன்ற ஒரு கடவுச்சொல் வாக்கியத்தை உருவாக்குங்கள். ஆனால், “Password123” போன்றவற்றால் யாரையும் ஏமாற்ற முடியாது என்பதையும் நினைவில் கொள்ளுங்கள். உங்களுக்கு கடவுச்சொற்களை நினைவுகூர்வது கடினமானதாக இருந்தால் பாதுகாப்பான கடவுச்சொற்களை உருவாக்க ஒரு கடவுச்சொல் மேலாளரைப் பயன்படுத்துவதைக் கருத்தில் கொள்ளுங்கள். இதன் மூலம் நீங்கள் கடவுச்சொற்களை மனப்பாடம் செய்யத் தேவையில்லை! உங்கள் முறை என்னவாக இருந்தாலும் பாதுகாப்பாக இருக்க உங்கள் கடவுச்சொல்லை ஒருபோதும் யாரிடமும் பகிரவேண்டாம் என்பதை நினைவில் கொள்ளுங்கள்.

வேறொறு இணையதளம், அல்லது பயன்பாட்டு சேவையில் உள்ள கணக்கு சமரசம் செய்யப்பட்டுள்ளது என்பது உங்களுக்கு தெரிய வந்தால் அதே கடவுச்சொல்லை உங்கள் Snapchat கணக்கிலும் பயன்படுத்தப்பட்டிருந்தால், உங்கள் கடவுச்சொல்லை கண்டிப்பாக மாற்றவும்!

இரு-காரணி அங்கீகாரத்தை இயக்கவும். இரு-காரணி அங்கீகாரம் (அல்லது சுருக்கமாக 2FA)  உங்கள் உள்நுழைவு/கடவுச்சொல்லுக்கு கூடுதலாக ஒரு குறியீட்டை வழங்குவதன் மூலம் கூடுதல் பாதுகாப்பை சேர்க்கிறது. Google Authenticator அல்லது Duo போன்ற நம்பகமான 2FAக்கான அங்கீகரிப்பு பயன்பாட்டைப் பயன்படுத்த பரிந்துரைக்கிறோம், ஆனால் SMS மூலமாகவும் 2FA ஐ அமைக்கலாம்.  2FA ஐ அமைப்பது உங்கள் கடவுச்சொல்லைப் பெற்ற (அல்லது யூகித்த) உங்கள் கணக்கை அணுகுவதைத் தடுக்க உதவும். 

• Snap இல் இருந்து அல்லது நம்பகமான அங்கீகரிப்பு பயன்பாட்டிலிருந்து நீங்கள் பெறும் குறியீட்டை வேறு எவருக்கும் வழங்கக்கூடாது - அவர்கள் உங்கள் கணக்கில் லாக்-இன் செய்ய இதைப் பயன்படுத்தலாம்!

• உங்கள் சாதனத்தை நீங்கள் தொலைத்துவிட்டாலோ அல்லது அது திருடப்பட்டாலோ அல்லது உங்கள் கணக்கில் லாக்-இன் செய்ய நீங்கள் கட்டுப்படுத்தாத சாதனத்தை யாராவது பயன்படுத்தியதாக நீங்கள் சந்தேகித்தால், அந்தச் சாதனத்தை சரிபார்க்கப்பட்ட சாதன பட்டியலிலிருந்து அகற்ற மறக்காதீர்கள். 

அங்கீகரிக்கப்படாத மூன்றாம் நபர் செயலிகளைப் பயன்படுத்த வேண்டாம். அங்கீகரிக்கப்படாத மூன்றாம் நபர் செயலிகள் மற்றும் பிளக்இன்கள் (அல்லது டிவீக்கள்), Snapchat உடன் இணைக்கப்படாத மென்பொருள் உருவாக்குனர்களால் உருவாக்கப்படுகின்றன, மேலும் பெரும்பாலும் Snapchat இல் கூடுதல் அம்சங்கள் அல்லது செயல்பாட்டை சேர்க்கக் கோருகின்றன.
ஆனால், இந்த அங்கீகரிக்கப்படாத மூன்றாம் நபர் செயலிகளும் பிளக் இன்களும் உங்களுடைய மற்றும் பிற Snapchat பயனர்களுடைய கணக்குகளைச் சிலவேளைகளில் சமரசம் செய்யலாம் என்பதால் அவற்றை Snapchat ஆதரிப்பதில்லை அல்லது அனுமதிப்பதில்லை.

தவறான நபர்களுக்கு எதிரான தற்காப்புக் கவசம் நீங்கள் தான்! உங்கள் கணக்கை பாதுகாப்பாக வைத்திருக்க உதவும் மேலும் சில உதவிக்குறிப்புகளைக் காணலாம்:

• Snap அல்லது எங்கள் ஆதரவு குழுவிலிருந்து வந்ததாகக் கூறப்படும் தேவையற்ற செய்திகளுக்கு பதிலளிக்க வேண்டாம், குறிப்பாக அவர்கள் உங்கள் கடவுச்சொல், அல்லது பின் அல்லது உங்கள் கணக்கை அணுக அனுமதிக்கும் பிற தகவல்களை வழங்குமாறு கோரினால் பதிலளிக்க வேண்டாம். உங்கள் கடவுச்சொல், குறியீடுகள் அல்லது பின்-கள் அல்லது உங்கள் கணக்கை அணுகுவதற்கு பயன்படுத்தப்படும் பிற முக்கியமான தகவல்கள் குறித்து நாங்கள் உங்களிடம் ஒருபோதும் கேட்கமாட்டோம்.

• வேறொருவரின் சாதனத்தில் Snapchat இல் உள்நுழைய வேண்டாம். அவ்வாறு செய்தால் உங்கள் கணக்கை மற்றவர்கள் அணுகலாம். நீங்கள் உங்களுக்கு சொந்தமல்லாத சாதனையில் லாக்-இன் செய்தால், முழுமையாக வெளியேறி "கணக்கை அகற்று" என்பதை கிளிக் செய்ய எப்போதும் நினைவில் கொள்ளுங்கள்!

• உங்கள் மொபைல் சாதனத்தில் வலுவான கடவுக்குறியீடு அல்லது கடவுச்சொற்றொடரைச் சேர்க்கவும் அல்லது இன்னும் சிறப்பாக, உங்கள் சாதனத்தைத் திறக்க உங்கள் கைரேகை அல்லது முகத்தைப் பயன்படுத்தும் பயோமெட்ரிக் அங்கீகாரத்தைப் பயன்படுத்தவும். உங்கள் சாதனத்தை பாதுகாக்க இந்தக் கூடுதல் கட்டுப்பாடுகள் இல்லையெனில், உங்கள் சாதனம் தொலைந்துபோனாலோ, திருடப்பட்டாலோ அல்லது கவனிக்கப்படாமலோ இருந்தால், உங்கள் Snapchat கணக்கின்  உள்ளடக்கங்களை எவரேனும் அணுகலாம்.

• சந்தேகத்திற்கிடமான செய்திகளைப் (மின்னஞ்சல், எஸ்எம்எஸ் வழியாக அல்லது வேறுவழியாக) கவனிக்கவும், குறிப்பாக சந்தேகத்திற்குறிய இணைப்புகளைக் கிளிக் செய்ய நீங்கள் முயற்சிக்கும் அவை தீங்கிழைக்கும் வலைத்தளங்களுக்கு வழிவகுக்கும் அல்லது உங்கள் கடவுச்சொல்லை போலி இணையதளத்தில் உள்ளிட உங்களை ஏமாற்றலாம். எங்கள் ஆப்ஸ் மூலமாகவோ அல்லது எங்களின் அதிகாரப்பூர்வ Snapchat டொமைன்களில் உள்ள இணையத்திலோ மட்டுமே நீங்கள் Snapchat-ஐ அணுக வேண்டும். கிளிக் செய்வதற்கு முன் சிந்தியுங்கள்!

Snapchat இல் பாதுகாப்பாக இருப்பதற்கான கூடுதல் உதவிக்குறிப்புகளுக்கு, இங்கே செல்லவும் மற்றும் பாதுகாப்பான ஸ்னாப்ஷாட்டில் குழு சேரவும்.