பாலியல் உள்ளடக்கம்

நாங்கள் பின்வரும் பாலியல் தீங்குகளைத் தடைசெய்கிறோம்: 

• சிறார் பாலியல் சுரண்டல் அல்லது துஷ்பிரயோகப் படங்களைப் பகிர்தல், பாலியல் நோக்கங்களுக்காக உறவில் வசப்படவைத்தல், செக்ஸ்டார்ஷன் (பாலியல் மிரட்டல்) அல்லது சிறார்களைப் பாலியல் ரீதியாகச் சித்தரித்தல் உள்ளிட்ட சிறார் பாலியல் சுரண்டல் அல்லது துஷ்பிரயோகம் அடங்கிய அனைத்துச் செயல்பாடுகள். 18 வயதுக்கு கீழ் உள்ள எவரையும் ஈடுபடுத்தும் நிர்வாண அல்லது பாலியலை அப்பட்டமாக வெளிப்படுத்தும் உள்ளடக்கத்தை ஒருபோதும் இடுகையிட, சேமிக்க, அனுப்ப, முன்னனுப்ப, விநியோகிக்க அல்லது கேட்க வேண்டாம் (இதில் உங்களது அத்தகையப் படங்களை அனுப்புவது அல்லது சேமிப்பதும் அடங்கும்). நாங்கள் அடையாளம் காணும் சிறார் பாலியல் சுரண்டல் உள்ளடக்கங்கள் அனைத்தையும் (அதுபோன்ற நடத்தையில் ஈடுபடுவதற்கான முயற்சிகள் உட்பட) சட்டத் தேவைகளுக்கு ஏற்ப அமெரிக்காவின் காணாமல் போன சுரண்டலுக்குள்ளான சிறார்களுக்கான தேசிய மையம் (NCMEC) உள்ளிட்ட பொருத்தமான அதிகார அமைப்புகளுக்குப் புகாரளிக்கிறோம். 

• பாலியல் துஷ்பிரயோகம் அல்லது சுரண்டல் நோக்கத்துடன் சிறாரை வற்புறுத்த, ஏமாற்ற, கட்டாயப்படுத்த முயற்சிக்கும், அல்லது அச்சம், அவமானத்தைத் தூண்டி சிறார்கள் அதை வெளிப்படுத்தாத வண்ணம் தடுக்கும் நோக்கிலான தகவல்தொடர்புகள் மற்றும் நடத்தை.

• பாலியல் கடத்தல், பாலியல் ரீதியான மிரட்டல், ஏமாற்றும் பாலியல் நடத்தைகள், நிர்வாணப் படங்களைப் பகிர பயனர்களை வற்புறுத்தும் அல்லது தூண்டும் முயற்சிகள் உள்ளிட்ட அனைத்து வடிவிலான பாலியல் சுரண்டல்கள். 

• ஒப்புதல் இல்லாமல் அந்தரங்கப் படங்களை (NCII) தயாரித்தல், பகிர்தல் அல்லது பகிர்வதாக அச்சுறுத்தல், இதில் அனுமதியின்றி எடுத்த அல்லது பகிர்ந்த பாலியல் ரீதியான புகைப்படங்கள் அல்லது வீடியோக்கள், "ரிவெஞ்ச் பார்ன்" அல்லது தனிநபர்களின் ஒப்புதல் இல்லாமல் அவர்களின் அந்தரங்கப் படங்கள் அல்லது வீடியோக்களைப் பகிர்வதாக, பயன்படுத்துவதாக அல்லது வெளிப்படுத்துவதாக அச்சுறுத்தும் நடத்தை போன்றவையும் அடங்கும்.

• அனைத்து வடிவிலான பாலியல் தொந்தரவளித்தல். தேவையற்ற பாலியல் நோக்கிலான முன்னெடுப்புகள், கிராஃபிக் மற்றும் கோரப்படாத உள்ளடக்கத்தைப் பகிர்தல் அல்லது பிற பயனர்களுக்கு ஆபாசமான கோரிக்கைகள் அல்லது பாலியல் ரீதியான அழைப்புகளை அனுப்புதல் ஆகியவையும் இதில் அடங்கும்.

• போர்னோகிராஃபி உள்ளடக்கத்தை விளம்பரப்படுத்துதல், விநியோகித்தல் அல்லது பகிர்தல், இதில் வெளிப்படையான பாலியல் செயல்பாடுகள் அல்லது (பாலுணர்வைத் தூண்டும் நோக்குடன்) நிர்வாணப் புகைப்படங்கள், வீடியோக்கள் அல்லது நிஜத்தைப் போன்ற அனிமேஷன், ஓவியங்கள் அல்லது பிற உருவகிப்புகளும் அடங்கும்.

• பாலியல் ரீதியான சேவைகளை வழங்குதல், இதில் ஆஃப்லைன் (எடுத்துக்காட்டாக பாலியல் மசாஜ் போன்றவை) மற்றும் ஆன்லைன் சேவைகள் (எடுத்துக்காட்டாக, ஆபாச அரட்டை அல்லது வீடியோ போன்றவை) இரண்டும் அடங்கும்.

குறிப்பிட்ட சூழ்நிலைகளில் பாலியல் ரீதியில் இல்லாத நிர்வாணத்தை நாங்கள் அனுமதிக்கிறோம், எடுத்துக்காட்டாக தாய்ப்பாலூட்டுதல், மருத்துவ நடைமுறைகள் அல்லது இதுபோன்ற பிற சித்தரிப்புகள்.

Snapchat பயனர்கள் தங்களை வெளிப்படுத்த ஒரு பாதுகாப்பான சமூகத்தை பேணுவதே எங்கள் இலக்காகும், மேலும் அப்பட்டமாக பாலியிலை வெளிப்படுத்தும் அல்லது சுரண்டும் உள்ளடக்கத்தை நாங்கள் பொறுத்துக்கொள்ள மாட்டோம். நீங்கள் எப்போதாவது சங்கடமாக உணர்ந்தால், உங்கள் வாழ்க்கையில் நம்பகமான நபரைத் தொடர்புகொள்ளவும், உள்ளடக்கத்தை மீறுவதாகப் புகாரளிக்கவும் மற்றும் புண்படுத்தும் பயனர்களைத் தடைசெய்யவும் தயங்காதீர்கள்.