25 அக்டோபர், 2024

29 நவம்பர், 2024

எங்கள் ஐரோப்பிய ஒன்றியம் (EU) வெளிப்படைத்தன்மை பக்கத்திற்கு வரவேற்கிறோம், இங்கு நாங்கள் டிஜிட்டல் சேவைகள் சட்டம் (DSA), ஒலிபரப்புப் பணிகள் தொடர்பான ஊடக சேவை ஆணை (AVMSD), டச்சு ஊடக சட்டம் (DMA), மற்றும் இணைய வழி பயங்கரவாத உள்ளடக்க ஒழுங்குமுறை (TCO) ஆகியவற்றால் தேவைப்படும் ஐரோப்பிய ஒன்றியத்திற்கு குறிப்பிட்ட தகவலை நாங்கள் வெளியிடுகிறோம். இந்த வெளிப்படைத்தன்மை அறிக்கையின் சமீபத்திய புதுப்பிக்கப்பட்ட பதிப்பு அமெரிக்க ஆங்கில மொழியில் காணப்படும் என்பதை நினைவில் கொள்க.

Snap Group Limited, Snap B.V.-ஐ DSA-இன் நோக்கங்களுக்காக அதன் சட்ட பிரதிநிதியாக நியமித்துள்ளது. DSA தொடர்பாக நீங்கள் dsa-enquiries [at] snapchat.com முகவரியில் பிரதிநிதியை தொடர்பு கொள்ளலாம், AVMSD மற்றும் DMA தொடர்பாக vsp-enquiries [at] snapchat.com முகவரியிலும், TCO தொடர்பாக tco-enquiries [at] snapchat.com முகவரியிலும், எங்கள் ஆதரவு தளத்தின் மூலம் [ இங்கு ],அல்லது கீழே கொடுக்கப்பட்ட முகவரியிலும் தொடர்பு கொள்ளலாம்:

Snap B.V.
B.V.Keizersgracht 165, 1016 DP
ஆம்ஸ்டர்டாம், நெதர்லாந்து

நீங்கள் சட்ட அமலாக்க முகமை எனில் இங்கு கோடிட்டுக் காட்டப்பட்டுள்ள படிகளைப் பின்தொடர்க.

எங்களைத் தொடர்புகொள்ளும் போது ஆங்கிலம் அல்லது டச்சில் தொடர்பு கொள்ளவும்.

DSA-க்கு நாங்கள் ஐரோப்பிய கமிஷன் மற்றும் தி நெதர்லாண்ட்ஸ் ஆதாரிட்டி ஃபார் கன்ஸூமர்ஸ் அண்ட் மார்க்கெட்ஸ் (ACM) ஆகியவற்றால் ஒழுங்குபடுத்தப்படுகிறோம். AVMSD மற்றும் DMA ஆகியவற்றுக்கு நாங்கள் டச்சு மீடியா ஆணையத்தால் (CvdM)-ஆல் ஒழுங்குபடுத்தப்படுகிறோம். TCO தொடர்பாக, நாங்கள் நெதர்லாந்து இணையதள பயங்கரவாத உள்ளடக்கம் மற்றும் குழந்தைகள் பாலியல் சூறைச் செயல்கள் தடுப்பு ஆணையத்தின் (ATKM) கட்டுப்பாட்டில் இருக்கிறோம்.

கடைசியாகப் புதுப்பித்தது: 25 அக்டோபர் 2024

ஐரோப்பிய ஒன்றியத்தின் (EU) டிஜிட்டல் சேவைகள் சட்டம் (ஒழுங்குமுறை (EU) 2022/2065) (“DSA”) விதிகள் 15, 24, 42 ஆகியவற்றில் குறிப்பிடப்பட்டுள்ள அறிக்கையளித்தல் தேவைகளுக்கு ஏற்ப Snapchatஇல் எங்கள் உள்ளடக்க நெறிப்படுத்தல் முயற்சிகள் தொடர்பான இந்த அறிக்கையை நாங்கள் வெளியிடுகிறோம். வேறு வகையில் குறிப்பட்டவற்றைத் தவிர, இந்த அறிக்கையில் உள்ள தகவல்கள் 1 ஜனவரி 2024 - 30 ஜூன் 2024 (H1 2024) அறிக்கைக் காலத்திற்கானது மற்றும் DSAவால் ஒழுங்குபடுத்தப்படும் Snapchatஇன் உள்ளடக்க நெறிப்படுத்தல் அம்சங்கள் பற்றிய விவரங்களை உள்ளடக்கியதாகும். 

நாங்கள் எங்கள் அறிக்கையளித்தலை மேம்படுத்த தொடர்ந்து முயற்சிக்கிறோம். இந்த அறிக்கைக் காலத்தில் (H1 2024), எங்கள் உள்ளடக்க நெறிப்படுத்தல் முயற்சிகள் குறித்த மேம்படுத்தப்பட்ட நுண்ணறிவை வழங்குவதற்காக புதிய மற்றும் கூடுதல் வகைப்பாட்டுடன் கூடிய அட்டவணைகளுடன் எங்கள் அறிக்கைக் கட்டமைப்பில் மாற்றங்கள் செய்துள்ளோம்.

1 அக்டோபர் 2024 நிலவரப்படி, ஐரோப்பிய ஒன்றியத்தில் 92.9 மில்லியன் சராசரி மாதாந்திர செயலில் உள்ள பெறுநர்கள் (“AMAR”) எங்கள் Snapchat செயலிக்கு உள்ளனர். அதாவது, 30 செப்டம்பர் 2024 அன்று முடிவடைந்த 6 மாத காலகட்டத்தில் சராசரியாக, ஐரோப்பிய ஒன்றியத்தில் உள்ள பதிவுசெய்யப்பட்ட பயனர்களில் 92.9 மில்லியன் பயனர்கள் மாதத்தில் ஒருமுறையாவது Snapchat செயலியைத் திறந்துள்ளனர்.

உறுப்பினர் நாடு அடிப்படையில் இந்த எண்ணிக்கை பின்வருமாறு பிரிக்கப்படுகிறது:

இந்தப் புள்ளிவிவரங்கள் தற்போதைய DSA விதிகளைப் பூர்த்தி செய்வதற்காகக் கணக்கிடப்பட்டவை ஆகும், DSA நோக்கங்களுக்காக மட்டுமே இவற்றைச் சார்ந்திருக்க வேண்டும். மாறும் உள்ளார்ந்த கொள்கை, ஒழுங்குமுறை ஆணைய வழிகாட்டல் மற்றும் தொழில்நுட்பத்திற்கு ஏற்ப காலப்போக்கில் இந்தப் புள்ளிவிவரங்களைக் கணக்கிடும் முறையை நாங்கள் மாற்றியுள்ளோம், வெவ்வேறு காலப்பகுதிகளுக்கு இடையேயான புள்ளிவிவரங்களை ஒப்பிடுவது இதன் நோக்கமல்ல. இது பிற நோக்கங்களுக்காக நாங்கள் வெளியிடும் மற்ற செயலில் உள்ள பயனர் புள்ளிவிவரங்களுக்காக பயன்படுத்தப்படும் கணக்கீடுகளிலிருந்து வேறுபடலாம்.

இந்த அறிக்கைக் காலத்தில் (H1 2024), குறிப்பாக அடையாளம் காணப்பட்ட உள்ளடக்கத்திற்கு எதிராக நடவடிக்கை எடுப்பதற்காக பூச்சிய (0) ஆணைகளை EU உறுப்பினர் நாடுகளின் அதிகார அமைப்புகளிலிருந்து பெற்றோம், DSA விதி 9க்கு ஏற்ப வழங்கப்பட்டவையும் இதில் அடங்கும். 

இந்த எண்ணிக்கை பூச்சியம் (0) என்பதால், சட்டவிரோத உள்ளடக்க வகை அல்லது ஆணை வழங்கிய உறுப்பினர் நாடு அல்லது பெற்றுக்கொண்டதற்கு ஒப்புகை வழங்க அல்லது ஆணைகளைச் செயல்படுத்த எடுத்துக் கொண்ட இடைநிலை நேரம் ஆகியவற்றின் அடிப்படையில் இதை எங்களால் பிரித்துக் காட்ட முடியாது.

இந்த அறிக்கைக் காலத்தில் (H1 2024), EU உறுப்பினர் நாடுகளின் அதிகார அமைப்புகளிலிருந்து பயனர் தரவை வெளிப்படுத்துவதற்கான பின்வரும் ஆணைகளைப் பெற்றோம், DSA விதி 10க்கு ஏற்ப வழங்கப்பட்டவையும் இதில் அடங்கும்:

தகவல்களைக் கோரும் இந்த ஆணைகளை நாங்கள் பெற்றுக் கொண்டோம் என்பதைச் சம்பந்தப்பட்ட அதிகாரிக்குத் தெரிவிக்க ஆகும் இடைநிலை நேரம் 0 நிமிடங்கள் ஆகும் — பெற்றுக் கொண்டதை உறுதிப்படுத்த தானியங்கு பதிலை நாங்கள் அனுப்புகிறோம். 

தகவல்களைக் கோரும் இந்த ஆணைகளைச் செயல்படுத்த ஆகும் இடைநிலை நேரம் ~7 நாட்கள் ஆகும். இந்த அளவீடு Snap ஆணையைப் பெற்றதில் இருந்து அந்த விவகாரம் முழுமையாகத் தீர்க்கப்பட்டது என Snap கருதுவது வரையான காலகட்டத்தைப் பிரதிபலிக்கிறது, ஒவ்வொரு வழக்குக்கான கால அளவும் ஆணையைச் செயல்படுத்த Snapக்குத் தேவைப்படும் தெளிவுபடுத்தலுக்கான ஏதேனும் கோரிக்கைகளுக்குச் சம்பந்தப்பட்ட உறுப்பு நாட்டின் அதிகார அமைப்பு பதிலளிக்கும் வேகத்தைப் பகுதியாகச் சார்ந்து இருக்கும்.

குறிப்பு, தகவல்களைக் கோரும் மேற்குறிப்பிட்ட ஆணைகளைச் சம்பந்தப்பட்ட சட்டவிரோத உள்ளடக்கத்தின் வகைகளைப் பிரித்துக் காட்டி நாங்கள் வழங்குவதில்லை, ஏனெனில் பொதுவாக இந்தத் தகவல்கள் எங்களுக்கு கிடைப்பதில்லை.

Snapchatஇல் உள்ள அனைத்து உள்ளடக்கமும் எங்கள் சமூக வழிகாட்டுதல்கள் மற்றும் சேவை நிபந்தனைகளைக் கடைப்பிடிக்க வேண்டும். சில உள்ளடக்கங்கள் கூடுதல் வழிகாட்டுதல்களையும் கொள்கைகளையும் கடைபிடிக்கவேண்டும். எடுத்துக்காட்டாக, எங்கள் பொது வெளியீட்டுப் பரப்புகளில் பரந்த பார்வையாளர்களுக்கான அல்காரிதப் பரிந்துரைகளுக்குச் சமர்ப்பிக்கப்பட்ட உள்ளடக்கம் எங்கள் பரிந்துரைத்தல் தகுதிக்கான உள்ளடக்க வழிகாட்டுதல்களில் வழங்கப்பட்ட கூடுதலான உயர் தரநிலைகளைப் பூர்த்தி செய்ய வேண்டும், விளம்பரங்கள் எங்கள் விளம்பரக் கொள்கைகளுக்கு இணங்க வேண்டும்.

நாங்கள் தொழில்நுட்பத்தையும் மனித மறுஆய்வையும் பயன்படுத்தி இந்தக் கொள்கைகளைச் செயல்படுத்துகிறோம். Snapchat பயனர்கள் சட்டவிரோத உள்ளடக்கம் மற்றும் செயல்பாடுகள் உள்ளிட்ட மீறல்களை நேரடியாகச் செயலியில் அல்லது எங்கள் இணையதளத்தின் மூலம் புகாரளிப்பதற்கான வழிமுறைகளையும் நாங்கள் வழங்குகிறோம். முன்கூட்டியே கண்டறிதல் வழிமுறைகள் மற்றும் புகார்கள் உடனடியாக மதிப்பாய்வுச் செயல்முறையைத் தூண்டுகின்றன, இது தானியங்குக் கருவிகள் மற்றும் மனித நெறியாளர்களின் கலவையைப் பயன்படுத்தி எங்கள் கொள்கைகளுக்கு ஏற்ப பொருத்தமான நடவடிக்கை எடுக்கிறது. 

நாங்கள் H1 2024இல் எங்கள் பொதுப் பரப்புகளில் எங்கள் உள்ளடக்க நெறிப்படுத்தல் பற்றிய கூடுதல் தகவல்களைக் கீழே வழங்குகிறோம்.

DSA விதி 16க்கு ஏற்ப, பயனர்கள் மற்றும் பயனர்கள் அல்லாதவர்கள் Snapchatஇல் தாங்கள் சட்டவிரோதமாகக் கருதும் குறிப்பிட்ட தகவல் உருப்படிகள் இருப்பது குறித்து Snapக்குத் தெரிவிக்க உதவுவதற்கான வழிமுறைகளை Snap செயல்படுத்தியுள்ளது. அவர்கள் நேரடியாக Snapchat செயலியில் அல்லது எங்கள் இணையதளத்தில் உள்ளடக்கம் அல்லது கணக்குகளின் குறிப்பிட்ட பகுதிகளைப் புகாரளிப்பதன் மூலம் இதைச் செய்யலாம். 

அறிக்கைக் காலத்தில் (H1 2024), ஐரோப்பிய ஒன்றியத்தில் DSA விதி 16க்கு ஏற்ப சமர்ப்பிக்கப்பட்ட பின்வரும் அறிவிப்புகளை நாங்கள் பெற்றோம்:

கீழே, இந்த அறிவிப்புகள் எப்படி செயலாக்கப்பட்டன என்ற கட்டமைவை நாங்கள் வழங்குகிறோம் – அதாவது, மனித மதிப்பாய்வை உள்ளடக்கிய செயல்முறையில் அல்லது முற்றிலும் தானியங்கு வழிமுறைகளில் செயலாக்குதல்: 

செயலியில் அல்லது எங்கள் இணையதளத்தில் அறிவிப்புகளைச் சமர்ப்பிப்பதன் மூலம், எங்கள் சமூக வழிகாட்டுதல்களில் பட்டியலிடப்பட்ட மீறல்களை (எ.கா., வெறுப்புப் பேச்சு, போதைப் பொருள் பயன்பாடு அல்லது விற்பனை) பிரதிபலிக்கும் விருப்ப மெனுவில் இருந்து புகாரளிப்பதற்கான குறிப்பிட்ட காரணத்தைப் புகார்தாரர்கள் தேர்வு செய்யலாம். எங்கள் சமூக வழிகாட்டுதல்கள் ஐரோப்பிய ஒன்றியத்தில் சட்டவிரோதமான உள்ளடக்கம் மற்றும் செயல்பாடுகளைத் தடை செய்கிறது, எனவே புகாரளிப்பதற்கான காரணங்கள் பெரும்பாலும் ஐரோப்பிய ஒன்றியத்தில் சட்டவிரோத உள்ளடக்கம் தொடர்பான குறிப்பிட்ட வகைகளைப் பிரதிபலிப்பதாக இருக்கும். எனினும், ஐரோப்பிய ஒன்றியத்தில் உள்ள புகார்தாரர்கள் தாங்கள் புகாரளிக்கும் உள்ளடக்கம் அல்லது கணக்கு எங்கள் புகாரளித்தல் மெனுவில் பிரத்தியேகமாகக் குறிப்பிடப்படாத காரணங்களுக்காகச் சட்டவிரோதமானதாக உள்ளது எனக் கருதினால், அவர்கள் "பிற சட்டவிரோத உள்ளடக்கம்" என்று பிரிவின் கீழ் அதைப் புகாரளிக்க முடியும் மற்றும் அவர்கள் புகாரளிப்பவை சட்டவிரோதமானது என ஏன் கருதுகிறார்கள் என்று விளக்குவதற்கான வாய்ப்பும் அவர்களுக்கு வழங்கப்படுகிறது. 

மதிப்பாய்வின்போது, புகாரளிக்கப்பட்ட உள்ளடக்கம் அல்லது கணக்கு எங்கள் சமூக வழிகாட்டுதல்களை மீறுவதாக நாங்கள் தீர்மானித்தால் (சட்டவிரோதத்தன்மைக்கான காரணங்களுக்காக உட்பட), நாங்கள் (i) மீறும் உள்ளடக்கத்தை அகற்றலாம், (ii) சம்பந்தப்பட்ட கணக்குதாரரை எச்சரித்து அவர்களுக்கு எதிராக ஸ்டிரைக்கைப் பதிவுசெய்யலாம், மற்றும் / அல்லது (iii) சம்பந்தப்பட்ட கணக்கைப் பூட்டலாம், இவை விரிவாக எங்கள் Snapchat நெறிப்படுத்தல், அமலாக்கம் மற்றும் மேல்முறையீடுகளில் விளக்கப்பட்டுள்ளது. 

H1 2024இல், ஐரோப்பிய ஒன்றியத்தில் DSA விதி 16க்கு ஏற்ப சமர்ப்பிக்கப்பட்ட அறிவிப்புகளின் அடிப்படையில் நாங்கள் பின்வரும் அமலாக்க நடவடிக்கைகளை எடுத்தோம்:

H1 2024இல், "பிற சட்டவிரோத உள்ளடக்கம்" என்பதன் கீழ் நாங்கள் பெற்ற அனைத்துப் புகார்களுக்கு எதிராகவும் இறுதியில் எங்கள் சமூக வழிகாட்டுதல்களின் கீழ் நாங்கள் அமலாக்க நடவடிக்கை எடுத்தோம், ஏனெனில் எங்கள் சமூக வழிகாட்டுதல்கள் சம்பந்தப்பட்ட உள்ளடக்கம் அல்லது செயல்பாட்டைத் தடை செய்கின்றன. மேலே உள்ள அட்டவணையில் தொடர்புடைய சமூக வழிகாட்டுதல்களின் மீறல் வகையின் கீழ் இந்த அமலாக்க நடவடிக்கைகளை நாங்கள் வகைப்படுத்தியுள்ளோம்.

மேற்குறிப்பிட்ட அமலாக்க நடவடிக்கைகளுடன் கூடுதலாக, பிற பொருந்தும் Snap கொள்கைகள் மற்றும் வழிகாட்டுதல்களுக்கு ஏற்ப எங்களுக்குத் தெரிவிக்கப்படும் உள்ளடக்கத்திற்கு எதிராகவும் நாங்கள் நடவடிக்கை எடுக்கலாம்: 

• எங்கள் பொது வெளியீட்டுப் பரப்புகளில் உள்ள உள்ளடக்கத்தைப் பொறுத்த வரை, புகாரளிக்கப்பட்ட உள்ளடக்கம் பரிந்துரைத்தல் தகுதிக்கான உள்ளடக்க வழிகாட்டுதல்களின் உயர் தரநிலைகளைப் பூர்த்தி செய்யவில்லை எனில், அல்காரிதப் பரிந்துரைகளுக்கு நாங்கள் அவற்றை நிராகரிக்கலாம் (அந்த உள்ளடக்கம் எங்கள் தகுதி வரையறைகளைப் பூர்த்தி செய்யாவிட்டால்) அல்லது உணர்திறன் பார்வையாளர்களுக்கு அந்த உள்ளடக்கம் பகிரப்படுவதை நாங்கள் வரம்பிடலாம் (அந்த உள்ளடக்கம் பரிந்துரைத்தலுக்கான எங்கள் தகுதிகளைப் பூர்த்தி செய்கிறது ஆனால் உணர்திறன்மிக்கதாக அல்லது முறையற்றதாக உள்ளது).  

H1 2024இல், எங்கள் பரிந்துரைத்தல் தகுதிக்கான உள்ளடக்க வழிகாட்டுதல்களுக்கு ஏற்ப EUவில் Snapchatஇன் பொது வெளியீட்டுப் பரப்புகளில் எங்களிடம் புகார் தெரிவிக்கப்பட்ட உள்ளடக்கத்திற்கு எதிராக பின்வரும் நடவடிக்கைகளை எடுத்துள்ளோம்:

• புகாரளிக்கப்பட்ட விளம்பரம் விளம்பரக் கொள்கைகளை மீறுகிறது என நாங்கள் தீர்மானித்தால், மதிப்பாய்விற்குப் பின் அதை நாங்கள் நீக்கலாம். 

H1 2024இல், EUவில் எங்களிடம் புகாரளிக்கப்பட்ட விளம்பரங்களைப் பொறுத்தவரை பின்வரும் நடவடிக்கைகளை எடுத்துள்ளோம:

DSA விதி 16க்கு ஏற்ப சமர்ப்பிக்கப்படும் அறிவிப்புகளை மதிப்பாய்வு செய்வதோடு, Snapchatஇன் பொதுப் பரப்பில் (எ.கா, ஸ்பாட்லைட், Discover) உள்ள உள்ளடக்கத்தைத் தனது சொந்த முன்னெடுப்பில் Snap நெறிப்படுத்துகிறது. Snapஇன் சொந்த முன்னெடுப்பில் செய்யப்படும் உள்ளடக்க நெறிப்படுத்தல் பற்றிய தகவல்களை நாங்கள் கீழே வழங்குகிறோம், இதில் தானியங்குக் கருவிகளின் பயன்பாடு, உள்ளடக்க நெறிப்படுத்தல் பொறுப்பில் உள்ளவர்களுக்குப் பயிற்சி மற்றும் உதவி வழங்குவதற்காக எடுக்கப்பட்ட நடவடிக்கைகள், முன்கூட்டிய உள்ளடக்க நெறிப்படுத்தல் முயற்சிகளின் விளைவாக விதிக்கப்பட்ட கட்டுப்பாடுகளின் எண்ணிக்கை மற்றும் வகைகள் ஆகியவை அடங்கும்.

• Snap சொந்தமாக முன்னெடுக்கும் நெறிப்படுத்தலில் தானியங்குக் கருவிகளின் பயன்பாடு

நாங்கள் எங்கள் பொது உள்ளடக்கப் பரப்புகளில் எங்கள் விதிமுறைகள் மற்றும் கொள்கைகளின் மீறல்களை முன்கூட்டியே கண்டறிவதற்கும் சில வழக்குகளில் நடவடிக்கை எடுப்பதற்கும் தானியங்குக் கருவிகளைப் பயன்படுத்துகிறோம். இதில் ஹேஷ் பொருத்தக் கருவிகள் (PhotoDNA மற்றும் Google CSAI பொருத்தம் போன்றவை) வசைமொழி கண்டறியும் மாடல்கள் (இவை தவறாகப் பயன்படுத்தப்படும் முக்கியச் சொற்கள் மற்றும் எமோஜிகளின் அடையாளம் காணப்பட்ட மற்றும் வழமையாகப் புதுப்பிக்கப்படும் பட்டியலின் அடிப்படையில் உள்ளடக்கத்தைக் கண்டறிந்து நிராகரிக்கிறது), செயற்கை நுண்ணறிவு/இயந்திரக் கற்றல் தொழில்நுட்பம் ஆகியவை அடங்கும். எங்கள் தானியங்குக் கருவிகள் எங்கள் சமூக வழிகாட்டுதல்கள் (இது பிறவற்றொடு சட்டவிரோத உள்ளடக்கத்தையும் தடைசெய்கிறது) மற்றும் பொருந்தும் இடங்களில் பரிந்துரைத்தல் தகுதிக்கான உள்ளடக்க வழிகாட்டுதல்கள், விளம்பரக் கொள்கைகள் ஆகியவற்றின் மீறல்களைக் கண்டறிவதற்காக வடிவமைக்கப்பட்டுள்ளன. 

H1 2024இல், நாங்கள் முன்கூட்டியே கண்டறிந்தவை அனைத்தும் தானியங்குக் கருவிகள் மூலம் கண்டறியப்பட்டன. எங்கள் தானியங்குக் கருவிகள் எங்கள் கொள்கைகளின் சாத்தியமான மீறலைக் கண்டறியும் போது, அவை எங்கள் கொள்கைகளுக்கு ஏற்ப தானாகவே நடவடிக்கை எடுக்கும் அல்லது மனித மீளாய்விற்கான பணியை உருவாக்கும். இந்தச் செயல்முறை காரணமாக விதிக்கப்பட்ட கட்டுப்பாடுகளின் எண்ணிக்கை மற்றும் வகைகள் கீழே விவரிக்கப்பட்டுள்ளன. 

• Snapஇன் சொந்த முன்னெடுப்பில் விதிக்கப்பட்ட கட்டுப்பாடுகளின் எண்ணிக்கை மற்றும் வகைகள்

H1 2024இல், Snap தானியங்குக் கருவிகள் வழியாக எங்கள் சமூக வழிகாட்டுதல்களின் மீறல்களை முன்கூட்டியே கண்டறிந்த பிறகு பின்வரும் அமலாக்க நடவடிக்கைகளை எடுத்தது (இதில் EU மற்றும் உறுப்பினர் நாட்டுச் சட்டங்களின் கீழ் சட்டவிரோத உள்ளடக்கம் மற்றும் செயல்பாடுகளாகக் கருதப்படும் மீறல்களும் அடங்கு்ம்):

கூடுதலாக, H1 2024 இல், எங்கள் பொது வெளியீட்டுப் பரப்புகளில் உள்ள உள்ளடக்கத்தைப் பொறுத்தவரை, தானியங்குக் கருவிகளைப் பயன்படுத்தி எங்கள் பரிந்துரைத்தல் தகுதிக்கான உள்ளடக்க வழிகாட்டுதல்களின் மீறல்களை Snapchatஇல் முன்கூட்டியே கண்டறிந்த பிறகு பின்வரும் நடவடிக்கைகளுக்கு அனுமதியளித்தோம்:

* எங்கள் பரிந்துரைத்தல் தகுதிக்கான உள்ளடக்க வழிகாட்டுதல்களில் குறிப்பிட்ட படி, எங்கள் பரிந்துரைத்தல் தகுதிக்கான உள்ளடக்க வழிகாட்டுதல்களை மீண்டும் மீண்டும் அல்லது மிக மோசமான வகையில் மீறும் கணக்குகள் எங்கள் பொது வெளியீட்டுப் பரப்புகளில் இருந்து தற்காலிகமாக அல்லது நிரந்தரமாகத் தகுதி நீக்கம் செய்யப்படலாம். முன்கூட்டியே நெறிப்படுத்துவதற்கான எங்கள் முயற்சிகளின் பின்னணியில் இந்த நடவடிக்கைகளை நாங்கள் எடுக்கிறோம்.

மேலும், H1 2024இல் தானியங்குக் கருவிகளைப் பயன்படுத்தி எங்கள் விளம்பரக் கொள்கைகளின் மீறல்களை Snapchatஇல் முன்கூட்டியே கண்டறிந்த பிறகு பின்வரும் நடவடிக்கைகளை நாங்கள் எடுத்தோம்:

• உள்ளடக்க நெறிப்படுத்தல் பொறுப்பில் இருப்பவர்களுக்குப் பயிற்சி மற்றும் உதவி வழங்க எடுக்கப்பட்ட நடவடிக்கைகள்

எங்கள் உள்ளடக்க நெறிப்படுத்தல் குழுக்கள் எங்கள் Snapchat சமூகத்தைப் பாதுகாப்பதற்காக எங்கள் உள்ளடக்க நெறிப்படுத்தல் கொள்கைகளைச் செயல்படுத்துகின்றனர். அவர்களுக்குப் பல வார காலப் பயிற்சி அளிக்கப்படுகிறது, இதில் புதிய குழு உறுப்பினர்களுக்கு Snapஇன் கொள்கைகள், கருவிகள் மற்றும் மேலெடுத்துச் செல்லும் செயல்முறைகளைப் பற்றி பயிற்றுவிக்கப்படுகிறது. எங்கள் நெறிப்படுத்தல் குழுக்கள் தங்கள் பணிச்சூழலுக்குப் பொருத்தமான புத்தாக்கப் பயிற்சியிலும் வழமையாகப் பங்கேற்கின்றனர், குறிப்பாக நாங்கள் கொள்கை-சார்ந்த மற்றும் சூழலைப் பொறுத்த நேர்வுகளை எதிர்கொள்ளும்போது இவற்றில் பங்கேற்கின்றனர். அனைத்து நெறியாளர்களும் நடப்பிலுள்ள மற்றும் புதுப்பிக்கப்பட்ட கொள்கைகளுக்கு இணங்குகின்றனர் என்பதை உறுதிசெய்ய நாங்கள் திறன் மேம்பாட்டுத் திட்டங்கள், சான்றிதழ் பயிற்சிகள், தேர்வுகள் போன்றவற்றையும் நடத்துகிறோம். இறுதியாக, நடப்பு நிகழ்வுகளின் அடிப்படையில் அவசரமான உள்ளடக்கப் போக்குகள் ஏற்படும்போது, கொள்கைத் தெளிவுபடுத்தல்களை நாங்கள் விரைவாகப் பகிர்கிறோம், எனவே இக்குழுக்கள் Snapஇன் கொள்கைகளுக்கு ஏற்ப அவற்றை எதிர்கொள்ள முடியும்.

நாங்கள் எங்கள் உள்ளடக்க நெறிப்படுத்தல் குழுக்களுக்குக் குறிப்பிடத்தக்க ஆதரவையும் வளங்களையும் வழங்குகிறோம், இதில் பணிநல்வாழ்வு ஆதரவு, மனநலச் சேவைகளுக்கான எளிதான அணுகல் போன்றவையும் அடங்கும். 

சமூக வழிகாட்டுதல் மீறல்களுக்காக எங்கள் பாதுகாப்புக் குழுக்களால் கணக்குகள் பூட்டப்பட்ட பயனர்கள் (சட்டவிரோத உள்ளடக்கம் மற்றும் செயல்பாட்டிற்காகப் பூட்டப்பட்டவை உட்பட) பூட்டப்பட்ட கணக்கு முறையீட்டைச் சமர்ப்பிக்கலாம். பயனர்கள் குறிப்பிட்ட உள்ளடக்க நெறிப்படுத்தல் முடிவுகளுக்கு எதிராகவும் முறையீடு செய்யலாம்.

அறிக்கைக் காலத்தில் (H1 2024), ஐரோப்பிய ஒன்றியத்தில் அதன் உள்ளார்ந்த புகாரளித்தல் அமைப்பின் மூலம் சமர்ப்பிக்கப்பட்ட பின்வரும் முறையீடுகளை(பூட்டப்பட்ட கணக்குகள் மற்றும் உள்ளடக்க அளவிலான நெறிப்படுத்தல் முடிவுகள் உட்பட) Snap செயலாக்கியது:

• பண்புசார்ந்த விளக்கம் மற்றும் நோக்கங்கள்

மேலே பிரிவு 3(b)இல் விளக்கப்பட்ட படி, எங்கள் பொது உள்ளடக்கப் பரப்புகளில் எங்கள் விதிமுறைகள் மற்றும் கொள்கைகளின் மீறல்களை முன்கூட்டியே கண்டறிவதற்காகவும், சில வழக்குகளில் நடவடிக்கை எடுப்பதற்காகவும் தானியங்குக் கருவிகளைப் பயன்படுத்துகிறோம். இதில் ஹேஷ் பொருத்தக் கருவிகள் (PhotoDNA மற்றும் Google CSAI பொருத்தம் போன்றவை) துன்புறுத்தும் சொற்களைக் கண்டறியும் மாடல்கள் (இவை தவறாகப் பயன்படுத்தப்படும் முக்கியச் சொற்கள் மற்றும் எமோஜிகளின் அடையாளம் காணப்பட்ட மற்றும் வழமையாகப் புதுப்பிக்கப்படும் பட்டியலின் அடிப்படையில் உள்ளடக்கத்தைக் கண்டறிந்து நிராகரிக்கிறது), செயற்கை நுண்ணறிவு/இயந்திரக் கற்றல் தொழில்நுட்பம் ஆகியவை அடங்கும். எங்கள் தானியங்குக் கருவிகள் எங்கள் சமூக வழிகாட்டுதல்கள் (இது பிறவற்றொடு சட்டவிரோத உள்ளடக்கத்தையும் தடைசெய்கிறது) மற்றும் பொருந்தும் இடங்களில் பரிந்துரைத்தல் தகுதிக்கான உள்ளடக்க வழிகாட்டுதல்கள், விளம்பரக் கொள்கைகள் ஆகியவற்றின் மீறல்களைக் கண்டறிவதற்காக வடிவமைக்கப்பட்டுள்ளன. 

எங்கள் தானியங்குக் கருவிகள் எங்கள் கொள்கைகளின் சாத்தியமான மீறலைக் கண்டறியும்போது, அவை எங்கள் கொள்கைகளுக்கு ஏற்ப தானாகவே நடவடிக்கை எடுக்கும் அல்லது மனித மீளாய்விற்கான பணியை உருவாக்கும். 

• துல்லியத்தன்மையின் குறிக்காட்டிகள் மற்றும் சாத்தியமான பிழை விகிதம், உறுப்பினர் நாடுகளின்படி பிரித்துக் காட்டப்பட்டுள்ளது

நாங்கள் எங்கள் பொதுப் பரப்புகளில் எங்கள் தானியங்குக் கருவிகள் மூலம் செயலாக்கப்பட்ட பணிகளின் ரேண்டமான மாதிரிகளைச் சேகரித்து, அவற்றை மனிதர்களால் கையாளப்படும் எங்கள் நெறிப்படுத்தல் குழுக்களின் மறு ஆய்விற்காகச் சமர்ப்பிப்பதன் மூலம் எங்கள் தானியங்குக் கருவிகளின் துல்லியத்தன்மையைக் கண்காணிக்கிறோம். துல்லியத்தன்மை விகிதம் என்பது இந்த ரேண்டம் மாதிரிகளில் இருந்து எங்கள் மனித நெறியாளர்களால் மறு ஆய்வின் உறுதிசெய்யப்படும் பணிகளின் சதவீதம் ஆகும். பிழை விகிதம் என்பது 100% மற்றும் மேலே விவரிக்கப்பட்ட முறையில் கணக்கிடப்பட்ட துல்லியத்தன்மை ஆகியவற்றுக்கு இடையேயான வேறுபாடு ஆகும். 

சேகரிக்கப்பட்ட மாதிரிகளின் அடிப்படையில் H1 2024இல், அனைத்து வகையான மீறல்களிலும் பயன்படுத்தப்பட்ட தானியங்குக் கருவிகளின் துல்லியத்தன்மை மற்றும் சாத்தியமான பிழை குறிகாட்டிகள் தோராயமாக 93% மற்றும் பிழை விகிதம் தோராயமாக 7% ஆகும். 

பொதுவாக Snapchat இல் நாங்கள் நெறிப்படுத்தும் உள்ளடக்கத்தின் மொழி பற்றிய தகவல்களை நாங்கள் கண்காணிப்பதில்லை, இதனால் உறுப்பினர் நாடுகளின் ஒவ்வொரு அதிகாரப்பூர்வ மொழிக்கும் எங்கள் தானியங்கு நெறிப்படுத்தல் கருவிகளுக்கான துல்லியத்தன்மை மற்றும் பிழை விகிதங்களை எங்களால் பிரித்துக் காட்ட முடியாது.  இந்தத் தகவலுக்குப் பதிலாக, ஒவ்வொரு உறுப்பினர் நாட்டிலிருந்தும் உருவாக்கப்பட்ட உள்ளடக்கங்களின் தானியங்கு நெறிப்படுத்தல் தொடர்பான எங்கள் துல்லியத்தன்மை மற்றும் பிழை விகிதங்களைக் கீழே வழங்குகிறோம். 

• பாதுகாப்புகள்

தானியங்கு நெறிப்படுத்தல் கருவிகள் அடிப்படை உரிமைகள் மீது ஏற்படுத்தும் தாக்கத்தை நாங்கள் கவனத்தில் கொள்கிறோம், அந்தத் தாக்கத்தைக் குறைப்பதற்காக பாதுகாப்புகளை நடைமுறைப்படுத்தியுள்ளோம்.

எங்கள் தானியங்கு உள்ளடக்க நெறிப்படுத்தல் கருவிகள் Snapchat இல் பயன்படுத்தப்படுவதற்கு முன்பாக சோதிக்கப்படுகின்றன. மாடல்கள் முழுமையான தயாரிப்புக் கட்டத்திற்குச் செல்வதற்கு முன்பாக அவை சரியான முறையில் இயங்குவதை உறுதிசெய்வதற்காக அவற்றின் செயல்திறன் ஆஃப்லைனில் சோதிக்கப்பட்டு A/B டெஸ்டிங் மூலம் அவை செயல்படுத்தப்படுகின்றன. நாங்கள் வெளியீட்டிற்கு முந்தைய தரக் காப்புறுதி (QA) மதிப்பாய்வுகள், வெளியீட்டு மதிப்பாய்வுகள், பகுதி (பல கட்ட) வெளியீட்டின்போது தொடர் துல்லிய QA பரிசோதனை ஆகியவற்றை நடத்துகிறோம். 

எங்கள் தானியங்குக் கருவிகள் வெளியிடப்பட்ட பிறகு, அவற்றின் செயல்திறன் மற்றும் துல்லியத்தைத் தொடர்ச்சியான அடிப்படையில் மதிப்பீடு செய்து தேவைக்கு ஏற்ப சரிசெய்கிறோம். இந்தச் செயல்முறையில் துல்லியத்தை மேம்படுத்துவதற்கான சரிசெய்தல்கள் தேவைப்படும் மாதிரிகளை அடையாளம் காண்பதற்காகத் தானியங்குப் பணிகளின் மாதிரிகளை எங்கள் மனித நெறியாளர்கள் மூலம் மறு ஆய்வு செய்கிறோம். பொதுக் கதைகளில் இருந்து ரேண்டமான மாதிரிகளைத் தினசரி சேகரித்து Snapchat இல் நிலவும் குறிப்பிட்ட தீங்குகளையும் நாங்கள் கண்காணிக்கிறோம். மேலும் மேம்பாடு தேவைப்படும் பகுதிகளை அடையாளம் காண்பதற்காக இந்தத் தகவல்களை நாங்கள் பயன்படுத்துகிறோம். 

எங்கள் கொள்கைகள் மற்றும் அமைப்புகள் நிலையான மற்றும் நியாயமான அமலாக்கத்தை ஊக்குவிக்கின்றன, இதில் எங்கள் தானியங்குக் கருவிகளும் அடங்கும், மேலே விவரிக்கப்பட்டுள்ளபடி, அறிவிப்பு மற்றும் முறையீட்டுச் செயல்முறை மூலம் அமலாக்கத்தின் வெளிப்பாடுகளை அர்த்தமுள்ள வகையில் மறுப்பதற்கான வாய்ப்பை Snapchat பயனர்களுக்கு வழங்குகின்றன, இதன் நோக்கம் தனிப்பட்ட Snapchat பயனர்களின் உரிமைகளைப் பாதுகாப்பதன் மூலம் எங்கள் சமூகத்தின் நலன்களைப் பாதுகாப்பதாகும்.

நாங்கள் எங்கள் கொள்கைகளின் நிலையான மற்றும் நியாயமான அமலாக்க நடவடிக்கைகளுக்கு ஆதரவளிப்பதற்காக எங்கள் தானியங்கு உள்ளடக்க நெறிப்படுத்தல் கருவிகளைத் தொடர்ந்து மேம்படுத்தி அவற்றின் துல்லியத்தை மேம்படுத்த முயற்சி செய்கிறோம்.

அறிக்கைக் காலத்தில் (H1 2024), DSA விதி 21க்கு ஏற்ப நீதிமன்றத்திற்கு வெளியே முறையான சான்றிதழ் பெற்ற சர்ச்சைத் தீர்வு அமைப்புகளுக்குச் சமர்ப்பிக்கப்பட்ட சர்ச்சைகளின் எண்ணிக்கை பூச்சியம் (0), எனவே அவற்றின் வெளிப்பாடுகள், இடைநிலை நிறைவு நேரம் அல்லது நீதிமன்றத்திற்கு வெளியே சர்ச்சைத் தீர்வு அமைப்பின் வழங்கப்பட்ட முடிவுகளை Snap நடைமுறைப்படுத்திய சர்ச்சைகளின் எண்ணிக்கை ஆகியவற்றை எங்களால் பிரித்துக் காட்ட முடியவில்லை. 

கவனிக்க, H1 2024இல், நீதிமன்றத்திற்கு வெளியே உள்ள சர்ச்சைத் தீர்வு அமைப்பு என்ற சான்றிதழுக்கு விண்ணப்பித்துள்ள ஓர் அமைப்பிடமிருந்து DSA விதி 21இன் கீழ் சர்ச்சைகள் குறித்த இரண்டு (2) அறிவிப்புகளை நாங்கள் பெற்றோம். இந்தச் சர்ச்சை அறிவிப்புகளை அனுப்பிய அமைப்பினால் எங்கள் கோரிக்கையின் பேரில் அதன் சான்றிதழ் நிலையை உறுதிப்படுத்த இயலவில்லை என்பதால் மேலே சர்ச்சைகளின் எண்ணிக்கையில் அவை சேர்க்கப்படவில்லை.

• விதி 23.1இன் படி இடைநீக்கங்கள்: தெளிவான சட்டவிரோத உள்ளடக்கத்தை அடிக்கடி வழங்கும் கணக்குகளின் இடைநீக்கம் 
  

எங்கள் Snapchat நெறிப்படுத்தல், அமலாக்கம், முறையீடுகள் பற்றிய விளக்கத்தில்குறிப்பிட்ட படி, எங்கள் சமூக வழிகாட்டுதல்களை மீறுவதற்கு (தெளிவான சட்டவிரோத உள்ளடக்கத்தை வழங்குதல் உட்பட) முதன்மையாகப் பயன்படுத்தப்படும் கணக்குகள் மற்றும் கடுமையான தீங்கு செய்யும் கணக்குகள் என நாங்கள் தீர்மானிப்பவை உடனடியாக முடக்கப்படும். எங்களின் சமூக வழிகாட்டுதல்களின் மற்ற மீறல்களுக்கு, மூன்று பகுதி அமலாக்கச் செயல்முறையை Snap பயன்படுத்துகிறது:

• படிநிலை ஒன்று: விதிமீறும் உள்ளடக்கம் நீக்கப்படும்.
  

• படிநிலை இரண்டு: Snapchat பயனர் எங்களின் சமூக வழிகாட்டுதல்களை மீறியுள்ளதாகவும், அவர்களின் உள்ளடக்கம் நீக்கப்பட்டது என்றும், மீண்டும் மீண்டும் விதி மீறப்பட்டால் அவர்களின் கணக்கு முடக்கப்படுவது உட்படக் கூடுதல் அமலாக்க நடவடிக்கைகள் எடுக்கப்படும் என்றும், அவர்கள் அறிவிப்பைப் பெறுவார்கள்.
  

• படிநிலை மூன்று: Snapchat பயனர் கணக்கிற்கு எதிராக எங்கள் குழு ஒரு ஸ்டிரைக்கைப் பதிவு செய்யும்.
  

Snapchat பொதுப் பரப்புகளில் உள்ளடக்கம் அல்லது செயல்பாடுகள் தொடர்பாக ஐரோப்பிய ஒன்றியத்தில் உள்ள கணக்குகளில் H1 2024இல் ஸ்டிரைக்குகள் (அதாவது எச்சரிக்கை) பதிவுசெய்யப்பட்டவை மற்றும் பூட்டப்பட்டவை எண்ணிக்கை குறித்த தகவல்களை மேலே பிரிவு 3(a) மற்றும் 3(b) இல் காணலாம்.

• விதி 23.2இன் படி இடைநீக்கங்கள்: தெளிவான வகையில் கண்டறிப்படாத காரணங்களுக்காக அடிக்கடி அறிவிப்புகள் அல்லது புகார்களைச் சமர்ப்பிக்கும் தனிநபர்கள், நிறுவனங்கள் மற்றும் புகார்தாரர்களிடமிருந்து பெறும் அறிவிப்புகள் மற்றும் புகார்களைச் செயலாக்குவதை இடைநிறுத்துதல்
  

"தெளிவான வகையில் கண்டறியப்படாத" காரணங்களுக்கான அறிவிப்புகள் மற்றும் புகார்கள் என்பதற்கான எங்கள் உள்ளார்ந்த வரையறை மற்றும் அறிவிப்புகளையும் புகார்களையும் அடிக்கடி சமர்ப்பித்தல் என்பதற்கான எங்கள் உள்ளார்ந்த வரம்புகளைப் பயன்படுத்தி, DSA விதி 23.2இன் படி H1 2024இல் அறிவிப்புகள் மற்றும் புகார்களின் செயலாக்கத்தில் விதிக்கப்பட்ட இடைநீக்கங்களின் எண்ணிக்கை பின்வருமாறு:

எங்கள் உள்ளடக்க நெறிப்படுத்தல் குழுக்கள் உலகம் முழுவதும் இயங்கி, Snapchat பயனர்களை 24/7 பாதுகாப்பாக வைத்திருக்க உதவுகின்றன. கீழே 30 ஜூன் 2024 நிலவரப்படி மதிப்பீட்டாளர்களின் மொழி வல்லமையின் (சில மதிப்பீட்டாளர்கள் பல மொழிகளில் நிபுணத்துவம் பெற்றிருக்கக்கூடும் என்பதைக் கவனத்திற்கொள்க) அடிப்படையில் எங்கள் மனித மதிப்பீட்டாளர்களின் பிரிவுகளைக் கீழே காணலாம்:

மேலே உள்ள அட்டவணை 30 ஜூன் 2024 நிலவரப்படி ஐரோப்பிய ஒன்றியத்தின் உறுப்பு நாடுகளின் அதிகாரப்பூர்வ மொழியில் ஆதரவளிக்கும் உள்ளடக்க நெறிப்படுத்தலுக்காக பிரத்தியேகமாக அர்பணிக்கப்பட்ட அனைத்து மனித வளத்துறையினரையும் உள்ளடக்கியதாகும். எங்களுக்குக் கூடுதல் மொழி ஆதரவு தேவைப்படும் சூழ்நிலைகளில், நாங்கள் மொழிபெயர்ப்புச் சேவைகளைப் பயன்படுத்துகிறோம்.

வேலையின் நிலையான விவரங்களைப் பயன்படுத்தி நெறியாளர்கள் வேலைக்கு அமர்த்தப்படுகின்றனர், இதில் (தேவையைப் பொறுத்து) மொழியை அறிந்திருக்க வேண்டிய தேவையும் அடங்கும். மொழித் தேவை என்பது பின்வருமாறு விளக்கப்படுகிறது, வேலைக்கு விண்ணப்பிப்பவர் அந்தந்த மொழியில் பேச்சுத் திறனையும் எழுத்துத் திறனையும் வெளிப்படுத்த வேண்டும், ஆரம்ப நிலைப் பணிகளில் குறைந்தபட்சம் ஒரு ஆண்டாவது  பணி அனுபவம் பெற்றிருக்க வேண்டும். பணிக்குக் கருதப்பட வேண்டுமெனில் விண்ணப்பதாரர்கள் கல்வி மற்றும் பின்னணி நிபந்தனைகளைப் பூர்த்தி செய்ய வேண்டும். விண்ணப்பதாரர்கள் தாங்கள் உள்ளடக்க நெறிப்படுத்தல் ஆதரவு வழங்க உள்ள நாட்டில் அல்லது பிராந்தியத்தில் நிலவும் நடப்பு நிகழ்வுகளைப் பற்றிய புரிதலையும் வெளிப்படுத்த வேண்டும். 

உள்ளடக்க நெறியாளர்களுக்கு Snap வழங்கும் பயிற்சி மற்றும் ஆதரவு பற்றிய தகவல்களை மேலே பார்க்கலாம், இது பின்வருவனவற்றின் அடிப்படையில் தனியாகத் தேவைப்படுகிறது DSA விதி 15(1)(c) மற்றும் பிரிவு 3(b), இறுதி துணைப்பிரிவில் பின்வரும் தலைப்பில் குறிப்பிடப்பட்டவை: “உள்ளடக்க நெறிப்படுத்தல் பொறுப்பில் இருப்பவர்களுக்கு பயிற்சி மற்றும் உதவி வழங்க எடுக்கப்பட்ட நடவடிக்கைகள்”

பின்னணி

எங்கள் சமூகத்தின் எந்தவொரு உறுப்பினரையும், குறிப்பாக சிறார்களை பாலியல் சுரண்டல் செய்வது சட்டவிரோதமானது, வெறுக்கத்தக்கது மற்றும் எங்கள் சமூக வழிகாட்டுதல்களால் தடைசெய்யப்பட்டுள்ளது. எங்கள் தளத்தில் சிறார் பாலியல் சுரண்டல் மற்றும் துன்புறுத்தலை (CSEA) தடுப்பது, கண்டறிவது, ஒழிப்பது Snapஇன் முதன்மை இலக்காகும், இவற்றையும் பிற வகைக் குற்றங்களையும் எதிர்ப்பதற்கான எங்கள் திறன்களை நாங்கள் தொடர்ந்து மேம்படுத்துகிறோம்.

சிறார் பாலியல் துன்புறுத்தல் பற்றிய படங்கள், வீடியோக்களை அடையாளம் காண்பதற்காக முறையே வலுவான ஹேஷ் பொருத்த நுட்பமான PhotoDNA மற்றும் Googleஇன் சிறார் பாலியல் துன்புறுத்தல் இமேஜரிகளை (CSAI) நாங்கள் பயன்படுத்துகிறோம், சட்டத் தேவைகளுக்கு ஏற்ப அவற்றைக் காணாமல் போன மற்றும் சுரண்டலுக்குள்ளான சிறார்களுக்கான அமெரிக்க தேசிய மையத்திற்கு (NCMEC) புகாரளிக்கிறோம். NCMEC பின்னர், தேவைக்கேற்ப, உள்நாட்டு அல்லது சர்வதேச சட்ட அமலாக்கத்துடன் ஒருங்கிணைகிறது.

அறிக்கை

கீழே உள்ள தரவு PhotoDNA அல்லது CSAI பொருத்தத்தைப் பயன்படுத்தி பயனரின் கேமரா ரோலில் இருந்து Snapchatக்குப் பதிவேற்றப்பட்ட ஊடகங்களை முன்கூட்டியே ஸ்கேன் செய்ததன் மூலம் கிடைத்த முடிவை அடிப்படையாகக் கொண்டதாகும்.

குழந்தைகள் பாலியல்ரீதியாகத் தவறாகப் பயன்படுத்தப்படுவதை நிறுத்துவதே எங்கள் முதல் முன்னரிமை ஆகும். Snap குறிப்பிடத்தக்க ஆதாரங்களை இதற்காக ஒதுக்குகிறது மற்றும் அத்தகைய நடத்தைக்கு பூஜ்ஜிய சகிப்புத்தன்மையைக் கொண்டுள்ளது. CSE மேல்முறையீடுகளை மீளாய்வு செய்ய சிறப்புப் பயிற்சி தேவைப்படுகிறது, மேலும் உள்ளடக்கத்தின் கிராஃபிக் தன்மை காரணமாக இந்த மீளாய்வுகளைக் கையாளும் முகவர்களின் வரையறுக்கப்பட்ட குழு உள்ளது. 2023 இலையுதிர் காலத்தில், சில CSE அமலாக்கங்களின் நிலைத்தன்மையை பாதிக்கின்ற கொள்கை மாற்றங்களை Snap நடைமுறைப்படுத்தியது, மேலும் முகவர் மறு-பயிற்சி மற்றும் கடுமையான தர உத்தரவாதம் மூலம் இந்த முரண்பாடுகளை நாங்கள் நிவர்த்தி செய்துள்ளோம். அடுத்த வெளிப்படைத்தன்மை அறிக்கை CSE மேல்முறையீடுக்கான பதிலளிப்பு நேரத்தை மேம்படுத்துதல், ஆரம்பகட்ட அமலாக்கங்களின் துல்லியத்தை மேம்படுத்துதல் ஆகியவற்றுக்கான முன்னேற்றத்தை வெளிப்படுத்தும்.  

உள்ளடக்க நெறிப்படுத்தல் பாதுகாப்புகள்

CSEA ஊடக ஸ்கேனிங்கிற்காகப் பயன்படுத்தப்படும் பாதுகாப்புகள் மேலே எங்கள் DSA அறிக்கையின் "உள்ளடக்க நெறிப்படுத்தல் பாதுகாப்புகள்" பிரிவில் வரையறுக்கப்பட்டுள்ளன.

வெளியிடப்பட்டது: ஜூன் 17, 2024

கடைசியாகப் புதுப்பிக்கப்பட்டது: ஜூன் 17, 2024

இந்த வெளிப்படைத்தன்மை அறிக்கை, பயங்கரவாத உள்ளடக்கம் ஆன்லைன் பகிர்வு (ஒழுங்குபடுத்தல்) தொடர்பான ஐரோப்பிய நாடாளுமன்றம் மற்றும் ஐரோப்பிய ஒன்றிய கவுன்சிலின் ஒழுங்குமுறை 2021/784 இன் விதிகள் 7(2) மற்றும் 7(3)க்கு ஏற்ப வெளியிடப்பட்டுள்ளது. இது ஜனவரி 1 - டிசம்பர் 31, 2023 அறிக்கைக் காலகட்டத்திற்கானதாகும். 

• விதி 7(3)(a): பயங்கரவாத உள்ளடக்கத்தை அடையாளம் காணுதல் மற்றும் அகற்றுதல் அல்லது முடக்குதல் தொடர்பான ஹோஸ்டிங் சேவை வழங்குநரின் நடவடிக்கைகள் பற்றிய தகவல்

• விதி 7(3)(b): குறிப்பாகத் தானியங்குக் கருவிகளைப் பயன்படுத்தி பயங்கரவாத உள்ளடக்கமாகக் கருதப்பட்டு இதற்கு முன்னர் நீக்கப்பட்ட அல்லது அணுகல் முடக்கப்பட்டவை ஆன்லைனில் மீண்டும் தோன்றுவதைக் கையாளுவதற்கு ஹோஸ்டிங் சேவை வழங்குநர் எடுத்துள்ள நடவடிக்கைகள் பற்றிய தகவல்

பயங்கரவாதிகள், பயங்கரவாத அமைப்புகள், வன்முறையாளர்கள் ஆகியோர் Snapchatஐப் பயன்படுத்துவதில் இருந்து தடை செய்யப்பட்டுள்ளனர். பயங்கரவாதம் அல்லது பிற வன்முறை, குற்றச் செயல்களைப் பரப்பும், ஊக்குவிக்கும், புனிதப்படுத்தும் அல்லது முன்னெடுக்கும் உள்ளடக்கங்கள் எங்கள் சமூக வழிகாட்டுதல்களில் தடை செய்யப்பட்டுள்ளன. பயனர்கள் எங்கள் சமூக வழிகாட்டுதல்களை மீறும் உள்ளடக்கத்தை எங்கள் செயலியில் மற்றும் எங்கள் ஆதரவுத் தளத்தில் உள்ள புகாரளித்தல் மெனுவின் மூலம் புகாரளிக்க முடியும். ​​ஸ்பாட்லைட் மற்றும் Discover போன்ற எங்கள் பொதுப் பரப்புகளில் மீறல் உள்ளடக்கத்தை அடையாளம் காண்பதற்காக முன்கூட்டியே கண்டறிதலைப் பயன்படுத்துகிறோம். 

மீறல் உள்ளடக்கத்தை நாங்கள் அறிந்துகொண்ட விதத்தைப் பொருட்படுத்தாமல், எங்கள் நம்பிக்கை & பாதுகாப்புக் குழுக்கள் தானியங்கு மற்றும் மனித மதிப்பாய்வின் கலவையைப் பயன்படுத்தி அடையாளம் காணப்பட்ட உள்ளடக்கத்தை உடனடியாக மதிப்பாய்வு செய்து அமலாக்க முடிவுகளை எடுக்கலாம். அமலாக்க நடவடிக்கைகள் என்பதில் உள்ளடக்கத்தை அகற்றுதல், மீறல் கணக்கிற்கு எச்சரிக்கை விடுதல் அல்லது அதைப் பூட்டுதல், தேவைப்பட்டால் அந்தக் கணக்கைக் சட்ட அமலாக்கத்துறைக்கு அறிக்கையளித்தல் போன்றவை அடங்கும். Snapchat இல் பயங்கரவாத அல்லது பிற வன்முறை உள்ளடக்கம் மீண்டும் தோன்றுவதைத் தடுப்பதற்காக, சட்ட அமலாக்கத்துறையுடன் இணைந்து செயலாற்றுவதுடன் கூடுதலாக மீறல் கணக்குடன் தொடர்புடைய சாதனத்தைத் தடைசெய்தல் மற்றும் மற்றொரு Snapchat கணக்கை உருவாக்குவதிலிருந்து அந்தப் பயனரைத் தடைசெய்தல் போன்ற நடவடிக்கைகளை நாங்கள் எடுக்கிறோம்.

பயங்கரவாத உள்ளடக்கத்தை அடையாளம் காணுதல் மற்றும் அகற்றுதல் தொடர்பான எங்கள் நடவடிக்கைகள் குறித்த கூடுதல் விவரங்களை வெறுப்பு உள்ளடக்கம், பயங்கரவாதம் மற்றும் வன்முறைத் தீவிரவாதம் பற்றிய விளக்கம் மற்றும் நெறிப்படுத்தல், அமலாக்கம் மற்றும் முறையீடுகள் பற்றிய விளக்கம் ஆகியவற்றில் காணலாம். 

• விதி 7(3)(c): அகற்றுதல் ஆணைகள் அல்லது குறிப்பிட்ட நடவடிக்கைகளைத் தொடர்ந்து அகற்றப்பட்ட பயங்கரவாத உருப்படிகள் அல்லது அணுகல் முடக்கப்பட்ட உருப்படிகளின் எண்ணிக்கை, விதி 3(7) இன் முதல் துணைப் பத்தி மற்றும் விதி 3(8) இன் முதல் துணைப் பத்தி ஆகியவற்றின்படி உள்ளடக்கம் அகற்றப்படாத அல்லது அணுகல் முடக்கப்படாத அகற்றுதல் ஆணைகளின் எண்ணிக்கை மற்றும் அவற்றுக்கான காரணம்

அறிக்கைக் காலத்தில், Snap எந்தவொரு அகற்றுதல் ஆணைகளையும் பெறவில்லை, ஒழுங்குமுறையின் விதி 5இன் படி ஏதேனும் குறிப்பிட்ட நடவடிக்கைகளை நாங்கள் நடைமுறைப்படுத்தும் தேவை ஏற்படவில்லை. எனவே, ஒழங்குபடுத்துதல் விதியின் கீழ் அமலாக்க நடவடிக்கையை நாங்கள் எடுக்க வேண்டியதில்லை.

பயங்கரவாதம் மற்றும் வன்முறைத் தீவிரவாத உள்ளடக்கம் தொடர்பான எங்கள் சமூக வழிகாட்டுதல்களை மீறியதற்காக ஐரோப்பிய ஒன்றியம் மற்றும் உலகின் பிற பகுதிகளில் பயனர் புகார்கள் மற்றும் முன்கூட்டியே கண்டறிதலின் அடிப்படையில் உள்ளடக்கம் மற்றும் கணக்குகளுக்கு எதிராக எடுக்கப்பட்ட அமலாக்க நடவடிக்கைகளைப் பின்வரும் அட்டவணை விவரிக்கிறது

• விதி 7(3)(d): விதி 10க்கு ஏற்ப ஹோஸ்டிங் சேவை வழங்குநரால் கையாளப்பட்ட புகார்களின் எண்ணிக்கையும் விளைவுகளும்

• விதி 7(3)(g): உள்ளடக்க வழங்குநரின் புகாரைத் தொடர்ந்து உள்ளடக்கத்தை அல்லது அதற்கான அணுகலை ஹோஸ்டிங் சேவை வழங்குநர் மீட்டமைத்த வழக்குகளின் எண்ணிக்கை

மேலே குறிப்பிட்ட படி அறிக்கைக் காலத்தில் ஒழுங்குமுறை விதியின் கீழ் நாங்கள் அமலாக்க நடவடிக்கை எடுக்கும் தேவை ஏற்படாத காரணத்தால், ஒழுங்குமுறையின் விதி 10இன் கீழ் நாங்கள் எந்தப் புகார்களையும் கையாளவில்லை மற்றும் அது தொடர்பான மீட்டமைத்தல் எதுவும் இல்லை.

EU மற்றும் உலகம் முழுவதும், எங்கள் சமூக வழிகாட்டுதல்களின் கீழ் பயங்கரவாதம் மற்றும் வன்முறை உள்ளடக்கத்திற்கு எதிராக அமலாக்க நடவடிக்கை எடுக்கப்பட்டது சம்பந்தமான முறையீடுகள் மற்றும் மீட்டமைத்தல் தொடர்பான தகவல்கள் பின்வரும் அட்டவணையில் உள்ளது.

• விதி 7(3)(e): ஹோஸ்ட்டிங் சேவை வழங்குநரால் வரப்பெற்ற நிர்வாக அல்லது நீதித்துறை மறுஆய்வு நடவடிக்கைகளின் எண்ணிக்கை மற்றும் வெளிப்பாடு

• விதி 7(3)(f): நிர்வாக அல்லது நீதித்துறை மறுஆய்வு நடவடிக்கைகளின் விளைவாக உள்ளடக்கம் அல்லது அணுகலை ஹோஸ்டிங் சேவை வழங்குநர் மீண்டும் செயற்படுத்தும் தேவையேற்பட்ட நேர்வுகளின் எண்ணிக்கை

அறிக்கைக் காலத்தில் ஒழுங்குமுறை நோக்கங்களுக்காக எந்த அமலாக்க நடவடிக்கையையும் நாங்கள் எடுக்கத் தேவை ஏற்படவில்லை என்பதால், மேலே குறிப்பிட்டபடி சம்பந்தப்பட்ட நிர்வாக அல்லது நீதித்துறை மறுஆய்வு நடவடிக்கைகள் எதுவும் நடைபெறவில்லை மற்றும் அந்த நடவடிக்கைகளின் விளைவாக நாங்கள் உள்ளடக்கத்தை மீண்டும் செயற்படுத்தும் தேவை ஏற்படவில்லை.

ஒழுங்குமுறை (EU) 2022/2065-இன் சட்ட விதிகள் 34 மற்றும் 35-இன் கீழ் குறிப்பிடப்பட்டுள்ள கடமைகளுக்கு Snap இணங்குவதற்காக இந்த அறிக்கை தயாரிக்கப்பட்டுள்ளது. இந்த அறிக்கையில் Snapchat-இன் ஆன்லைன் தளங்களின் வடிவமைப்பு, செயல்பாடு, பயன்பாடு ஆகியவற்றின் மூலம் ஏற்படும் அமைப்புரீதியான இடர்கள் குறித்த எங்கள் மதிப்பீட்டின் முடிவுகள், இடர்களை மதிப்பீடு செய்யப் பயன்படுத்தப்பட்ட வழிமுறைகள், அந்த இடர்களைத் தணிப்பதற்காக எடுக்கப்பட்டுள்ள நடவடிக்கைகள் குறித்த தகவல்கள் இடம்பெற்றுள்ளன.

DSA இடர் மற்றும் தணிப்பு மதிப்பீட்டு அறிக்கை | Snapchat | ஆகஸ்ட் 2023 (PDF)

ஒழுங்குமுறை (EU) 2022/2065இன் சட்ட விதிகள் 37இன் கீழ் குறிப்பிடப்பட்டுள்ள கடமைகளுக்கு Snap இணங்குவதற்காக இந்த அறிக்கைகள்  தயாரிக்கப்பட்டுள்ளன. இவை பின்வரும் தகவல்களை வழங்குகின்றன: (i) ஒழுங்குமுறை (EU) 2022/2065இன் அத்தியாயம் IIIஇல் குறிப்பிடப்பட்டுள்ள கடமைகளுக்கு Snap இணங்குவது தொடர்பான சுயாதீனத் தணிக்கை முடிவுகள் (ii) சுயாதீனத் தணிக்கையில் தெரிவிக்கப்பட்ட செயல்பாட்டுப் பரிந்துரைகளை அமல்படுத்துவதற்கு எடுக்கப்பட்ட நடவடிக்கைகள்.

DSA சுயாதீனத் தணிக்கை அறிக்கை | Snapchat | ஆகஸ்ட் 2024 (PDF)

DSA தணிக்கை அமலாக்க அறிக்கை | Snapchat | செப்டம்பர் 2024 (PDF)

Snap என்பது சட்டவிதி 1(1)(aa) AVMSD-க்கு இணங்க “காணொளிப் பகிர்வுத் தளச் சேவை”(”VSP”) வழங்குநராகும். Dutch Media Act ("DMA") மற்றும் வழிகாட்டுதல் (EU) 2010/13 (வழிகாட்டுதல் (EU) 2018/1808 மூலம் திருத்தப்பட்டவாறு ("ஆடியோவிஷுவல் மீடியா சர்வீசஸ் டைரக்டிவ்" அல்லது "AVMSD")) ஆகியவற்றின் கீழ் ஒரு VSP-ஆக Snap தனது கடமைகளுக்கு எவ்வாறு இணங்குகிறது என்பதை விவரிக்க இந்த நடத்தை நெறிமுறை ("குறியீடு") தயாரிக்கப்பட்டுள்ளது. இந்தக் குறியீடு ஐரோப்பிய ஒன்றியம் மற்றும் ஐரோப்பிய பொருளாதாரப் பகுதி முழுவதும் பொருந்தும்.

EU VSP நடத்தை நெறிமுறை | Snapchat | டிசம்பர் 2024 (PDF)