அச்சுறுத்தல்கள், வன்முறை மற்றும் தீங்கு

அச்சுறுத்தல்கள், வன்முறை மற்றும் தீங்கு தொடர்பான எங்கள் சமூக வழிகாட்டுதல்கள், எமது சமூகத்தின் பாதுகாப்பைக் குறைக்கும் உள்ளடக்கத்தை அகற்றுவதற்கான உறுதிப்பாட்டைப் பிரதிபலிக்கின்றன, மற்றும் எங்கள் தளத்தில் அவசரகால ஆபத்து வெளிப்பாடுகளில் கவனம் செலுத்துகின்றன.

பாதுகாப்பை உறுதிப்படுத்துவதற்காக, Snapchatஇல் பின்வருவன தடைசெய்யப்பட்டுள்ளன: 

• சுய தீங்கைப் பெருமைப்படுத்துதல், இதில் சுய காயப்படுத்துதல், உடல் பாகங்களைச் சுயமாகச் சிதைத்தல், தற்கொலை, உண்ணுதல் குறைபாடுகள் போன்றவற்றை ஊக்குவிப்பதும் அடங்கும். 

• வன்முறை அல்லது அச்சுறுத்தும் நடத்தையை ஊக்குவித்தல் அல்லது அதில் ஈடுபடுதல், இதில் ஒரு நபருக்கோ குழுவினருக்கோ கடுமையான உடற்காயம் அல்லது உணர்வுப்பூர்வமான தீங்கை அல்லது அவர்களின் சொத்துக்களுக்குச் சேதம் ஏற்படுத்தும் நோக்கத்தை வெளிப்படுத்தும் உள்ளடக்கங்களும் அடங்கும். மனித உயிர் அல்லது பாதுகாப்புக்கு உடனடி அச்சுறுத்தலை ஏற்படுத்தும் என நம்பத் தகுந்த வகையில் உள்ளடக்கம் இருந்தால், அதுபோன்ற விவகாரங்களில் தலையிடுவதற்காக அமைக்கப்பட்டுள்ள சட்டத் துறைகளுக்கு அந்த உள்ளடக்கம் குறித்து நாங்கள் தகவல் தெரிவிக்கலாம். 

• சட்டத்தைக் கையிலெடுக்கும் செயல்பாடு. இதில் முறையான சட்டச் செயல்முறைக்கு அப்பாற்பட்டு தனிநபர்கள் அல்லது சமூகங்களை அச்சுறுத்துவதற்கான அல்லது அவர்களுக்கு எதிரான நேரடிச் செயல்பாடுகளை மேற்கொள்வதற்கான கூட்டு முயற்சிகளும் அடங்கும். 

• ஆபத்தான நடத்தையை ஊக்குவித்தல் அல்லது அதில் ஈடுபடுதல். பிறர் முயன்று பார்க்கக்கூடிய, கடும் தீங்கு விளைவிக்கக்கூடிய நடவடிக்கைகளில் ஈடுபடுவதும் இதில் அடங்கும், அதாவது அதிக ஆபத்தான சவால்கள், பொறுப்பற்ற முறையில் வாகனம் ஓட்டுதல் அல்லது பொதுப் பாதுகாப்பிற்கு அபாயம் விளைவிக்கும் வகையிலான பிற நடத்தைகள் போன்றவை. 

• மனிதர்கள் அல்லது விலங்குகளுக்கு எதிரான வன்முறை அல்லது தீங்கு விளைவிக்கும் நடத்தையை பெருமைப்படுத்தும் அல்லது அவற்றைத் தூண்டும் ஆபத்து உடைய உள்ளடக்கம்.  

• நியாயமற்ற அல்லது வன்முறையை வெளிப்படையாக காட்டும் வகையிலான Snapகள், இதில் விலங்குகளைக் கொடுமைப்படுத்துவதும் அடங்கும்.

சுய தீங்கு ஆபத்தைக் குறிக்கும் வகையிலான உள்ளடக்கத்தைப் பயனர்கள் புகாரளித்தால், உதவிக்குத் தேவையான வளங்களை வழங்குவதற்கும், அவசரகாலச் சேவைகள் தலையிடுவதற்கான வாய்ப்பும் உள்ளதா என்ற கண்ணோட்டத்தில் எங்கள் குழுக்கள் இந்தப் புகார்களை மதிப்பாய்வு செய்யும். எங்கள் பாதுகாப்பு வளங்கள் பற்றிய கூடுதல்கள் எங்கள் தனியுரிமை, பாதுகாப்பு, & கொள்கை மையத்தில் கிடைக்கும்.

எங்கள் சமூகத்தின் நலத்தை மேலும் ஆதரிக்கும் வகையில், மனநலம், பதட்டம், மனச்சோர்வு, மன அழுத்தம், தற்கொலை எண்ணங்கள், துக்கம் மற்றும் கொடுமைப்படுத்துதல் தொடர்பான சில தலைப்புகளைப் பயனர்கள் தேடும்போது, எங்கள் Here For You போர்ட்டல் நிபுணத்துவம் வாய்ந்த உள்ளூர் கூட்டாளர்களின் வளங்களை அவர்களுக்குக் காட்டுகிறது.

அச்சுறுத்தல்கள், வன்முறை மற்றும் தீங்குகளுக்கு பதிலளிப்பதற்கான எங்கள் அணுகுமுறை சூழ்நிலைக்கு ஏற்ப வடிவமைக்கப்பட்டுள்ளது. ஒருவருக்கு அச்சுறுத்தல்கள் வரும்போது, எங்கள் குழுக்கள் பாதுகாப்பு வளங்கள் மூலம் சிறந்த ஆதரவை அடையாளம் காண வேலை செய்கின்றன. மற்றவர்களுக்கு அச்சுறுத்தல் ஏற்படும் இடங்களில், எங்கள் கொள்கைகளை அமல்படுத்துவதன் மூலமாகவும், தேவைப்படும் இடங்களில் சட்டத் துறைகளின் ஒத்துழைப்புடனும் பாதுகாப்பான முடிவுகளைப் பெற நாங்கள் முயலுகின்றோம்.

எங்கள் சமூகத்தின் பாதுகாப்பிற்கும் நலனிற்கும் உதவுவதற்காக எங்களின் பங்களிப்பைச் செய்வதே எங்கள் நிறுவனத்தின் முன்னுரிமையாகும்.