Snap Inc. ನ ಗೌಪ್ಯತಾ ನೀತಿಗೆ ಸ್ವಾಗತ. ನಾವು ನಿಮ್ಮ ಡೇಟಾವನ್ನು ಹೇಗೆ ಸಂಗ್ರಹಿಸುತ್ತೇವೆ ಮತ್ತು ಬಳಸುತ್ತೇವೆ ಹಾಗೂ ನೀವು ನಿಮ್ಮ ಮಾಹಿತಿಯನ್ನು ಹೇಗೆ ನಿಯಂತ್ರಿಸಬಹುದು ಎನ್ನುವುದನ್ನು ಈ ನೀತಿಯು ವಿವರಿಸುತ್ತದೆ. ನಮ್ಮ ಗೌಪ್ಯತೆ ಅಭ್ಯಾಸಗಳ ಕುರಿತ ತ್ವರಿತ ಸಾರಾಂಶಕ್ಕಾಗಿ ಹುಡುಕುತ್ತಿದ್ದೀರಾ? ಈ ಪುಟ ಅಥವಾ ಈ ವೀಡಿಯೊ ನೋಡಿ. ಮತ್ತು ನೀವು ನಿರ್ದಿಷ್ಟ ಉತ್ಪನ್ನ ಗೌಪ್ಯತೆ ಮಾಹಿತಿಗಾಗಿ, ಉದಾಹರಣೆಗೆ, ನಾವು ನಿಮ್ಮ ಚಾಟ್‌ಗಳು ಮತ್ತು Snap ಗಳನ್ನು ಹೇಗೆ ಪ್ರಕ್ರಿಯೆಗೊಳಿಸುತ್ತೇವೆ ಎನ್ನುವಂತಹ ಮಾಹಿತಿಗಾಗಿ ಹುಡುಕುತ್ತಿದ್ದರೆ, ನಮ್ಮ ಉತ್ಪನ್ನದ ಪ್ರಕಾರ ಗೌಪ್ಯತೆ ಪುಟವನ್ನು ಪರಿಶೀಲಿಸಿ. ಈ ಡಾಕ್ಯುಮೆಂಟ್‌ಗಳ ಜೊತೆಯಲ್ಲಿ ಹೆಚ್ಚುವರಿಯಾಗಿ, ನಮ್ಮ ಉತ್ಪನ್ನಗಳು ಮತ್ತು ಸೇವೆಗಳ ಕುರಿತಾಗಿ ನಿಮಗೆ ಹೆಚ್ಚುವರಿ ಮಾಹಿತಿಯನ್ನು ಒದಗಿಸುವ ಆ್ಯಪ್‌ನಲ್ಲಿನ ಸೂಚನೆಗಳನ್ನು ಕೂಡ ನಾವು ತೋರಿಸುತ್ತೇವೆ.

ಪಾರದರ್ಶಕತೆ Snap ನಲ್ಲಿ ನಮ್ಮ ಪ್ರಧಾನ ಮೌಲ್ಯಗಳಲ್ಲಿ ಒಂದಾಗಿದೆ. ನಾವು ಸಂಗ್ರಹಿಸುವ ಡೇಟಾ ಮತ್ತು ಅದನ್ನು ನಾವು ಹೇಗೆ ಬಳಸುತ್ತೇವೆ ಎನ್ನುವುದರ ಕುರಿತು ಯಾವುದೇ ಆಶ್ಚರ್ಯಗಳು ಇರಬಾರದು ಎಂದು ನಾವು ನಂಬಿದ್ದೇವೆ — ಆದಕಾರಣ ಅದನ್ನು ನಾವು ಹೇಗೆ ಪ್ರಕ್ರಿಯೆಗೊಳಿಸುತ್ತೇವೆ ಎನ್ನುವುದನ್ನು ನಾವು ಬಹಿರಂಗಪಡಿಸುತ್ತೇವೆ. ಉದಾಹರಣೆಗೆ, ನಿಮ್ಮ ಅನುಭವಕ್ಕೆ ಅತ್ಯಂತ ಪ್ರಸ್ತುತವಾಗಿರುವ ವಿಷಯ ಮತ್ತು ಮಾಹಿತಿಯನ್ನು ಹಾಗೂ ಹೆಚ್ಚು ಪ್ರಸ್ತುತವಾಗಿರುವ ಜಾಹೀರಾತುಗಳನ್ನು ನಿಮಗೆ ತೋರಿಸುವುದು ಸೇರಿದಂತೆ, ನಿಮಗೆ ಹೆಚ್ಚು ವೈಯಕ್ತಿಕಗೊಳಿಸಿದ ಅನುಭವವನ್ನು ಒದಗಿಸಲು ನಾವು ನಿಮ್ಮ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸುತ್ತೇವೆ. ನಿಮ್ಮ ಆಸಕ್ತಿಗಳು ಮತ್ತು ಆದ್ಯತೆಗಳನ್ನು ಅರ್ಥಮಾಡಿಕೊಳ್ಳುವುದರಿಂದ ನಿಮಗೆ ಇನ್ನಷ್ಟು ಉತ್ತಮ ಉತ್ಪನ್ನ ಅನುಭವವನ್ನು ಒದಗಿಸಲು ನಮಗೆ ಸಹಾಯವಾಗುತ್ತದೆ.

ಇಷ್ಟೇ ಅಲ್ಲದೆ, ವೈಯಕ್ತಿಕಗೊಳಿಸಿದ ಅನುಭವವು ನಿಮ್ಮ ಗೌಪ್ಯತೆಯೊಂದಿಗೆ ರಾಜಿ ಆಗಬಾರದು ಎಂದು ನಾವು ನಂಬಿದ್ದೇವೆ. ನೈಜ ಬದುಕಿನ ರೀತಿಯಲ್ಲಿ, ನಿಮ್ಮ ಆತ್ಮೀಯ ಸ್ನೇಹಿತರೊಂದಿಗೆ ಖಾಸಗಿಯಾಗಿ ಹಂಚಿಕೊಳ್ಳಲು ಬಯಸುವ ಕೆಲವು ಕ್ಷಣಗಳಿರುತ್ತವೆ ಮತ್ತು ನೀವು ಇತರರೊಂದಿಗೆ ಸಾರ್ವಜನಿಕವಾಗಿ ಹಂಚಿಕೊಳ್ಳಲು ಬಯಸುವ ಕ್ಷಣಗಳಿರುತ್ತವೆ. ಆದಕಾರಣ, ಕಂಟೆಂಟ್ ಅನ್ನು ಡೀಫಾಲ್ಟ್ ಆಗಿ ಅಳಿಸುವುದು ಮತ್ತು ಅದನ್ನು ಯಾರೊಂದಿಗೆ ಹಂಚಿಕೊಳ್ಳಬೇಕು ಮತ್ತು ಯಾವಾಗ ಉಳಿಸಬೇಕು ಎನ್ನುವ ಮುಂತಾದ ಕಂಟೆಂಟ್‌ಗೆ ಸಂಬಂಧಿಸಿದ ನಿರ್ಣಯಗಳನ್ನು ಕೈಗೊಳ್ಳಲು ಉಪಕರಣಗಳನ್ನು ಒದಗಿಸುವ ಮೂಲಕ Snapchatter ಗಳಿಗೆ ನಿಯಂತ್ರಣ ಒದಗಿಸುವುದು ಮೊದಲ ದಿನದಿಂದಲೇ ನಮ್ಮ ಸಿದ್ಧಾಂತವಾಗಿದೆ.

ಈ ನೀತಿಯು ನಮ್ಮ Snapchat ಆ್ಯಪ್ ಜೊತೆಗೆ Bitmoji, Spectacles ಮತ್ತು ನಮ್ಮ ಜಾಹೀರಾತು ನೀಡುವಿಕೆ ಹಾಗೂ ವಾಣಿಜ್ಯ ಉಪಕ್ರಮಗಳಂತಹ ನಮ್ಮ ಇತರ ಉತ್ಪನ್ನಗಳು, ಸೇವೆಗಳು ಮತ್ತು ವೈಶಿಷ್ಟ್ಯಗಳನ್ನು ಒಳಗೊಳ್ಳುತ್ತದೆ. ಈ ನೀತಿಯಲ್ಲಿ ನೀವು "ಸೇವೆಗಳು" ಎಂಬುದನ್ನು ಓದುವಾಗ, ನಾವು ಎಲ್ಲವುಗಳ ಕುರಿತಾಗಿಯೂ ಹೇಳುತ್ತಿದ್ದೇವೆ ಎಂದರ್ಥ. ಜೊತೆಗೆ, ನಮ್ಮ "ನಿಯಮಗಳು" ಕುರಿತಾಗಿ ನಾವು ಉಲ್ಲೇಖಿಸುವುದನ್ನು ನೀವು ಕಂಡರೆ, ಅದು ನಮ್ಮ ಸೇವೆಗಳಿಗೆ ಸೈನ್ ಅಪ್ ಮಾಡುವಾಗ ನೀವು ಒಪ್ಪಿಕೊಳ್ಳುವ ಸೇವೆಯ ನಿಯಮಗಳು ಎಂಬ ಅರ್ಥವಾಗಿದೆ. ಅಂತಿಮವಾಗಿ, ನಾವು ಆಗಾಗ್ಗೆ ಬಳಸುವ "Snapchatter" ಎಂಬ ಪದವನ್ನು ನೀವು ಕಂಡರೆ ಅದು ನಮ್ಮ ಸೇವೆಗಳ ಯಾವುದೇ ಬಳಕೆದಾರರನ್ನು ಉಲ್ಲೇಖಿಸಲು ನಾವು ಬಳಸುವ ಪದವಾಗಿದೆ.

ನಿಮ್ಮ ಮಾಹಿತಿಯ ಮೇಲೆ ನೀವು ಹೊಂದಿರುವ ನಿಯಂತ್ರಣಗಳೊಂದಿಗೆ ಆರಂಭಿಸೋಣ:

ನಿಮ್ಮ ಮಾಹಿತಿ ಮತ್ತು ಸೆಟ್ಟಿಂಗ್‌ಗಳ ಮೇಲೆ ನಿಯಂತ್ರಣವು Snapchat ಅನುಭವದ ಮೂಲ ಭಾಗವಾಗಿದೆ. ಇಲ್ಲಿ, ಲಭ್ಯವಿರುವ ಸೆಟ್ಟಿಂಗ್‌ಗಳ ವಿಧಗಳ ಕುರಿತ ನಿಮಗೆ ಇನ್ನಷ್ಟು ಮಾಹಿತಿಯನ್ನು, ನಮ್ಮ ಡೇಟಾ ಡೌನ್‌ಲೋಡ್ ಟೂಲ್‌ಗೆ ಲಿಂಕ್ ಅನ್ನು ಒದಗಿಸುತ್ತೇವೆ ಮತ್ತು ಡೇಟಾ ಅಥವಾ ನಿಮ್ಮ ಖಾತೆಯನ್ನು ಅಳಿಸುವುದು ಹೇಗೆ ಎನ್ನುವ ಕುರಿತು ಸೂಚನೆಗಳನ್ನು ನಾವು ಒದಗಿಸುತ್ತೇವೆ.

ನಿಮ್ಮ ಮಾಹಿತಿಯ ಮೇಲೆ ನೀವು ನಿಯಂತ್ರಣ ಹೊಂದಿರಬೇಕು ಎಂದು ನಾವು ಬಯಸುತ್ತೇವೆ, ಹಾಗಾಗಿ ಈ ಕೆಳಗಿನವು ಸೇರಿದಂತೆ ನಾವು ಹಲವು ಟೂಲ್‌ಗಳನ್ನು ನಿಮಗೆ ಒದಗಿಸುತ್ತೇವೆ:

• ನಿಮ್ಮ ಮಾಹಿತಿಯನ್ನು ಪ್ರವೇಶಿಸಿ ಮತ್ತು ಅಪ್‌ಡೇಟ್ ಮಾಡಿ. ನೀವು ನಿಮ್ಮ ಖಾತೆಯ ಬಹುತೇಕ ಪ್ರಾಥಮಿಕ ಮಾಹಿತಿಯನ್ನು ನಮ್ಮ ಸೇವೆಗಳಲ್ಲೇ ಪ್ರವೇಶಿಸಬಹುದು ಮತ್ತು ಎಡಿಟ್ ಮಾಡಬಹುದು. ನಿಮ್ಮ ಸೆಟ್ಟಿಂಗ್‌ಗಳಿಗೆ ನ್ಯಾವಿಗೇಟ್ ಮಾಡಿ ಮತ್ತು ನಿಮಗೆ ಲಭ್ಯವಿರುವ ಆಯ್ಕೆಗಳನ್ನು ನೀವು ಕಾಣುತ್ತೀರಿ.

• ನಿಮ್ಮ ಮಾಹಿತಿಯನ್ನು ಅಳಿಸಿ. ಒಂದು ವೇಳೆ, ನಿಮ್ಮ ಖಾತೆಯನ್ನು ನೀವು ಅಳಿಸಲು ಬಯಸಿದರೆ, ಹೇಗೆ ಎಂದು ಇಲ್ಲಿ ತಿಳಿಯಿರಿ. ನೀವು ನೆನಪುಗಳಿಗೆ ಉಳಿಸಿದ ವಿಷಯ, ನೀವು My AI ಜೊತೆಗೆ, ಸ್ಪಾಟ್‌ಲೈಟ್‌ ಸಲ್ಲಿಕೆಗಳಲ್ಲಿ ಮತ್ತು ಇನ್ನಷ್ಟರಲ್ಲಿ ನೀವು ಹಂಚಿಕೊಂಡ ವಿಷಯವನ್ನು ನಮ್ಮ ಸೇವೆಗಳ ಒಳಗಿನ ಒಂದಿಷ್ಟು ಮಾಹಿತಿಯನ್ನು ಕೂಡ ನೀವು ಅಳಿಸಬಹುದು.

• ನಿಮ್ಮ ವಿಷಯವನ್ನು ಯಾರು ನೋಡಬಹುದು ಎಂದು ನಿಯಂತ್ರಿಸಿ. ನೀವು ಯಾರೊಂದಿಗೆ ನಿಮ್ಮ ವಿಷಯವನ್ನು ಹಂಚಿಕೊಳ್ಳುತ್ತಿದ್ದೀರಿ ಎಂದು ಆಯ್ಕೆ ಮಾಡಲು ನಿಮಗೆ ಅವಕಾಶ ಕಲ್ಪಿಸುವ ಕೆಲವು ಟೂಲ್‌ಗಳನ್ನು ನಾವು ನಿರ್ಮಿಸಿದ್ದೇವೆ. ಕೆಲವು ಸಂದರ್ಭಗಳಲ್ಲಿ ನೀವು ನಿಮ್ಮ ಸ್ನೇಹಿತರೊಂದಿಗೆ ವಿಷಯವನ್ನು ಹಂಚಿಕೊಳ್ಳಲು ಬಯಸಬಹುದು ಮತ್ತು ಇನ್ನು ಕೆಲವು ಸಂದರ್ಭಗಳಲ್ಲಿ ಅದನ್ನು ಸಾರ್ವಜನಿಕರೊಂದಿಗೆ ಹಂಚಿಕೊಳ್ಳಲು ಬಯಸಬಹುದು. ಇನ್ನಷ್ಟು ತಿಳಿದುಕೊಳ್ಳಲು, ಇಲ್ಲಿ ಹೋಗಿ.

• ನಿಮ್ಮನ್ನು ಯಾರು ಸಂಪರ್ಕಿಸಬಹುದು ಎಂದು ನಿಯಂತ್ರಿಸಿ. Snapchat, ಸ್ನೇಹಿತರು ಮತ್ತು ಆತ್ಮೀಯ ಸ್ನೇಹಿತರಿಗಾಗಿ ಉದ್ದೇಶಿತವಾಗಿದೆ, ಆದಕಾರಣ ನಿಮ್ಮನ್ನು ಯಾರು ಸಂಪರ್ಕಿಸಬಹುದು ಎಂದು ನಿರ್ಧರಿಸಲು ನಿಮಗೆ ಸಹಾಯ ಮಾಡುವ ನಿಯಂತ್ರಣಗಳನ್ನು ನಾವು ನಿರ್ಮಿಸಿದ್ದೇವೆ. ಒಂದು ವೇಳೆ ನೀವು ಅನಪೇಕ್ಷಿತ ಸಂವಹನಗಳನ್ನು ಸ್ವೀಕರಿಸಿದರೆ, ನೀವು ಯಾವಾಗಲೂ ಆ ವ್ಯಕ್ತಿಯನ್ನು ನಿರ್ಬಂಧಿಸಬಹುದು ಮತ್ತು ವರದಿ ಮಾಡಬಹುದು. ಇನ್ನಷ್ಟು ತಿಳಿಯಲು ಇಲ್ಲಿಗೆಹೋಗಿ.

• ನಿಮ್ಮ ಅನುಮತಿಗಳನ್ನು ಬದಲಾಯಿಸಿ. ಬಹುತೇಕ ಸಂದರ್ಭಗಳಲ್ಲಿ, ಯಾವುದೇ ಸಮಯದಲ್ಲಿ ನೀವು ನಿಮ್ಮ ಅನುಮತಿಗಳನ್ನು ಬದಲಾಯಿಸಬಹುದು. ಉದಾಹರಣೆಗೆ, ಸ್ನೇಹವನ್ನು ಸುಲಭವಾಗಿಸಲು ಒಂದು ವೇಳೆ ನಿಮ್ಮ ಫೋನ್ ಸಂಪರ್ಕಗಳಿಗೆ ನೀವು ಪ್ರವೇಶ ಒದಗಿಸಿದ್ದರೆ, ಅದನ್ನು ನೀವು ನಂತರ ಸೆಟ್ಟಿಂಗ್‌ಗಳಲ್ಲಿ ಬದಲಾಯಿಸಬಹುದು. ಖಂಡಿತವಾಗಿ, ನೀವು ಹಾಗೆ ಮಾಡಿದರೆ, ನಿಮ್ಮ ಸಂಪರ್ಕ ಪುಸ್ತಕದಲ್ಲಿ ಸ್ನೇಹಿತರನ್ನು ಹುಡುಕುವಂತಹ ಕೆಲವು ವೈಶಿಷ್ಟ್ಯಗಳು ಮತ್ತು ಸೇವೆಗಳು ಕಾರ್ಯನಿರ್ವಹಿಸುವುದಿಲ್ಲ.

• ಪ್ರಚಾರ ಸಂದೇಶಗಳಿಂದ ಹೊರಗುಳಿಯಿರಿ. SMS ಅಥವಾ ಇತರ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್‌ಗಳಿಂದ ಕಳುಹಿಸಿದ ಪ್ರಚಾರ ಇಮೇಲ್‌ಗಳು ಮತ್ತು ಸಂದೇಶಗಳಿಂದ ಹೊರಗುಳಿಯುವ ಅಥವಾ ಅನ್‌ಸಬ್‌ಸ್ಕ್ರೈಬ್ ಮಾಡುವ ಆಯ್ಕೆಯನ್ನು ನೀವು ಹೊಂದಿದ್ದೀರಿ. ಹಾಗೆ ಮಾಡಲು, ಅನ್‌ಸಬ್‌ಸ್ಕ್ರೈಬ್ ಲಿಂಕ್ ಅಥವಾ ಅದೇ ರೀತಿಯ ಕಾರ್ಯವೈಶಿಷ್ಟ್ಯಗಳಂತಹ ಸಂದೇಶದಲ್ಲಿನ ಸೂಚನೆಗಳನ್ನು ಅನುಸರಿಸಿ.

• ನಿಮ್ಮ ಡೇಟಾವನ್ನು ಡೌನ್‌ಲೋಡ್ ಮಾಡಿ. Snapchat ಪೋರ್ಟಬಲ್ ಸ್ವರೂಪದಲ್ಲಿ ಲಭ್ಯವಿಲ್ಲದಿರಬಹುದಾದ ಮಾಹಿತಿಯ ಪ್ರತಿಯನ್ನು ಪಡೆಯಲು ನೀವು ನಮ್ಮ ನನ್ನ ಡೇಟಾ ಡೌನ್‌ಲೋಡ್ ಮಾಡಿ ಟೂಲ್ ಬಳಸಬಹುದು, ಇದರಿಂದಾಗಿ ನೀವು ಅದನ್ನು ನೀವು ಬಯಸುವ ಎಲ್ಲಿಗಾದರೂ ಸರಿಸಬಹುದು ಅಥವಾ ಶೇಖರಣೆ ಮಾಡಬಹುದು.

• ಪ್ರಕ್ರಿಯೆಗೊಳಿಸುವಿಕೆಗೆ ಆಕ್ಷೇಪ. ನೀವು ಎಲ್ಲಿ ವಾಸಿಸುತ್ತಿದ್ದೀರಿ ಮತ್ತು ನಾವು ಪ್ರಕ್ರಿಯೆಗೊಳಿಸುತ್ತಿರುವ ನಿರ್ದಿಷ್ಟ ಡೇಟಾ ಅವಲಂಬಿಸಿ, ಆ ಮಾಹಿತಿಯ ನಮ್ಮ ಪ್ರಕ್ರಿಯೆಗೊಳಿಸುವಿಕೆಗೆ ಆಕ್ಷೇಪಿಸುವ ಹಕ್ಕನ್ನು ನೀವು ಹೊಂದಿರಬಹುದು. ಇದು ಒಂದಿಷ್ಟು ತಾಂತ್ರಿಕವಾಗಿದೆ, ಹಾಗಾಗಿ ಅದರ ಕುರಿತು ಇನ್ನಷ್ಟು ವಿಸ್ತೃತವಾಗಿ ನಾವು ಇಲ್ಲಿ ವಿವರಿಸಿದ್ದೇವೆ.

• ಜಾಹೀರಾತು ನೀಡುವಿಕೆ ಆದ್ಯತೆಗಳನ್ನು ಹೊಂದಿಸಿ. ನಿಮ್ಮ ಆಸಕ್ತಿಗಳಿಗೆ ಪ್ರಸ್ತುತವಾಗಿರಬಹುದು ಎಂದು ನಾವು ಭಾವಿಸುವ ಜಾಹೀರಾತುಗಳನ್ನು ನಿಮಗೆ ತೋರಿಸಲು ನಾವು ಪ್ರಯತ್ನಿಸುತ್ತೇವೆ, ಆದರೆ ನೀವು ಕಡಿಮೆ ವೈಯಕ್ತಿಕಗೊಳಿಸಿದ ಅನುಭವ ಹೊಂದಲು ಬಯಸಿದರೆ, Snapchat ಆ್ಯಪ್‌ನಲ್ಲಿ ನೀವು ನಿಮ್ಮ ಜಾಹೀರಾತು ನೀಡುವಿಕೆ ಸೆಟ್ಟಿಂಗ್‌ಗಳನ್ನು ಬದಲಾಯಿಸಬಹುದು. ಇಲ್ಲಿ ಇನ್ನಷ್ಟು ತಿಳಿಯಿರಿ.

• ಟ್ರ್ಯಾಕ್ ಮಾಡುವುದು. ನೀವು iOS 14.5 ಅಥವಾ ಇನ್ನಷ್ಟು ಇತ್ತೀಚಿನ iPhone ಬಳಸುತ್ತಿದ್ದರೆ, ಕೆಲವು ನಿರ್ದಿಷ್ಟ ಅಗತ್ಯಗಳು ಅನ್ವಯಿಸುತ್ತವೆ, ಅವುಗಳನ್ನು ಇಲ್ಲಿ.

ನಾವು ಯಾವ ಮಾಹಿತಿಯನ್ನು ಸಂಗ್ರಹಿಸುತ್ತೇವೆ ಎನ್ನುವ ಕುರಿತು ಈ ವಿಭಾಗವು ನಿಮಗೆ ವಿವರಗಳನ್ನು ಒದಗಿಸುತ್ತದೆ. ಇದನ್ನು ನಾವು ಕೆಲವು ವರ್ಗಗಳಲ್ಲಿ ಆಯೋಜಿಸಿದ್ದೇವೆ: ನೀವು ನಮಗೆ ಒದಗಿಸುವ ಮಾಹಿತಿ, ನಮ್ಮ ಸೇವೆಗಳ ನಿಮ್ಮ ಬಳಕೆಯನ್ನು ಆಧರಿಸಿ ನಾವು ರಚಿಸುವ ಮಾಹಿತಿ ಮತ್ತು ಇತರರಿಂದ ನಾವು ಸ್ವೀಕರಿಸುವ ಮಾಹಿತಿ. ಕೆಲವೊಮ್ಮೆ, ನಿಮ್ಮ ಸಮ್ಮತಿಯೊಂದಿಗೆ ನಾವು ಹೆಚ್ಚುವರಿ ಮಾಹಿತಿಯನ್ನು ಕೂಡ ಸಂಗ್ರಹಿಸಬಹುದು.

ನೀವು Snapchat ನಂತಹ ನಮ್ಮ ಸೇವೆಗಳನ್ನು ಬಳಸಿದಾಗ, ನೀವು ನಮಗೆ ಒದಗಿಸುವ ಮಾಹಿತಿಯನ್ನು ನಾವು ಸಂಗ್ರಹಿಸುತ್ತೇವೆ, ನಮ್ಮ ಸೇವೆಗಳನ್ನು ನೀವು ಬಳಸಿದಾಗ ಮಾಹಿತಿಯನ್ನು ರಚಿಸುತ್ತೇವೆ ಮತ್ತು ಕೆಲವು ಪ್ರಕರಣಗಳಲ್ಲಿ ಇತರರಿಂದ ಡೇಟಾ ಸ್ವೀಕರಿಸುತ್ತೇವೆ. ಇದನ್ನು ಇನ್ನಷ್ಟು ವಿವರವಾಗಿ ತಿಳಿದುಕೊಳ್ಳೋಣ.

ನಮ್ಮ ಹಲವು ಸೇವೆಗಳಿಗೆ ನೀವು ಒಂದು ಖಾತೆ ರಚಿಸಬೇಕಾದ ಅಗತ್ಯವಿದೆ. ಇದನ್ನು ಮಾಡಲು, ನಮಗೆ ಖಾತೆ ವಿವರಗಳನ್ನು ಒದಗಿಸುವಂತೆ ನಾವು ನಿಮ್ಮನ್ನು ಕೇಳುತ್ತೇವೆ (ನಿಮ್ಮ ಹೆಸರು, ಬಳಕೆದಾರರ ಹೆಸರು, ಇಮೇಲ್ ವಿಳಾಸ, ಜನ್ಮದಿನ ಮತ್ತು ಫೋನ್ ಸಂಖ್ಯೆಯಂತಹ ನಿಮ್ಮ ಕುರಿತ ಮಾಹಿತಿ). ನೀವು ನಿಮ್ಮ ಪ್ರೊಫೈಲ್ ಸೆಟಪ್ ಮಾಡಿದಾಗ, ನೀವು ನಮಗೆ ಪ್ರೊಫೈಲ್ ವಿವರಗಳನ್ನು ಕೂಡ ಒದಗಿಸುತ್ತೀರಿ (ನಿಮ್ಮ Bitmoji ಮತ್ತು ಪ್ರೊಫೈಲ್ ಚಿತ್ರಗಳಂತಹವು). ಇತ್ತೀಚಿನ ಸ್ನೀಕರ್‌ಗಳಂತಹ ಏನನ್ನಾದರೂ ಖರೀದಿಸಲು ನೀವು ನಮ್ಮ ವಾಣಿಜ್ಯ ಉತ್ಪನ್ನಗಳನ್ನು ಬಳಸಿದರೆ, ನಾವು ನಿಮ್ಮ ಪಾವತಿ ಮತ್ತು ಸಂಬಂಧಿತ ಮಾಹಿತಿ ಯನ್ನು ಕೇಳಬಹುದು (ಉದಾಹರಣೆಗೆ ನಿಮ್ಮ ಭೌತಿಕ ವಿಳಾಸ, ಇದರಿಂದಾಗಿ ನಾವು ನಿಮಗೆ ಉತ್ಪನ್ನವನ್ನು ರವಾನಿಸಬಹುದು, ಪಾವತಿ ಮಾಹಿತಿ, ಇದರಿಂದಾಗಿ ನಾವು ಪಾವತಿ ಮತ್ತು ವಹಿವಾಟಿನ ಇತಿಹಾಸವನ್ನು ಪ್ರಕ್ರಿಯೆಗೊಳಿಸಬಹುದು).

ಖಂಡಿತವಾಗಿ, ಸೇವೆಗಳ ಮೂಲಕ ಕಳುಹಿಸುವ ಅಥವಾ ಸೇವೆಗಳಲ್ಲಿ ಉಳಿಸುವ ಮಾಹಿತಿಯನ್ನು ಕೂಡ ನೀವು ನಮಗೆ ಒದಗಿಸುತ್ತೀರಿ. ಈ ಮಾಹಿತಿಯಲ್ಲಿ ಕೆಲವನ್ನು ನಾವು ಖಾಸಗಿ ವಿಷಯ ಮತ್ತು ಸಂವಹನಗಳು ಎಂದು ಪರಿಗಣಿಸುತ್ತೇವೆ (ಉದಾಹರಣೆಗೆ ಸ್ನೇಹಿತರೊಂದಿಗಿನ Snap ಗಳು ಮತ್ತು ಚಾಟ್‌ಗಳು, ಸ್ನೇಹಿತರಿಗೆ ಹೊಂದಿಸಿದ ನನ್ನ ಕಥೆ, ಖಾಸಗಿ ಕಥೆಗಳು, ಧ್ವನಿ ಮತ್ತು ವೀಡಿಯೊ ಕರೆಗಳು ಮತ್ತು ನನಗೆ ಮಾತ್ರ ದಲ್ಲಿ ಉಳಿಸಿರುವ ವಿಷಯ). ವಿಸ್ತಾರದ ಇನ್ನೊಂದು ಬದಿಯಲ್ಲಿ, ಸೇವೆಗಳ ಮೂಲಕ ನೀವು ಕಳುಹಿಸುವ ಅಥವಾ ಸೇವೆಗಳಲ್ಲಿ ಉಳಿಸುವ ಒಂದಿಷ್ಟು ಮಾಹಿತಿಯು ಎಲ್ಲರಿಗೂ ಪ್ರವೇಶಾರ್ಹವಾಗಿರಬಹುದಾದ ಸಾರ್ವಜನಿಕ ವಿಷಯ ಆಗಿರಬಹುದು (ಉದಾಹರಣೆಗೆ ಎಲ್ಲರಿಗೂ ಹೊಂದಿಸಿರುವ ನನ್ನ ಕಥೆ ಸೇರಿದಂತೆ ಸಾರ್ವಜನಿಕ ಕಥೆ ವಿಷಯ, ಹಂಚಿಕೊಂಡ ಕಥೆಗಳು ಮತ್ತು ಕಮ್ಯುನಿಟಿ ಕಥೆಗಳು, ಸ್ಪಾಟ್‌ಲೈಟ್‌ ಅಥವಾ Snap ಮ್ಯಾಪ್ ಸಲ್ಲಿಕೆಗಳು ಮತ್ತು ಸಾರ್ವಜನಿಕ ಪ್ರೊಫೈಲ್ ಮಾಹಿತಿ). ನಿಮ್ಮ Snap ಗಳು, ಚಾಟ್‌ಗಳು ಮತ್ತು ಇತರ ಯಾವುದೇ ವಿಷಯವನ್ನು ವೀಕ್ಷಿಸುವ Snapchattter ಗಳು ಯಾವಾಗಲೂ ವಿಷಯವನ್ನು ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಬಹುದು, ಉಳಿಸಬಹುದು ಅಥವಾ Snapchat ಆ್ಯಪ್‌ನ ಹೊರಗೆ ಅದನ್ನು ನಕಲಿಸಬಹುದು ಎನ್ನುವುದನ್ನು ಗಮನದಲ್ಲಿಟ್ಟುಕೊಳ್ಳಿ. ಹಾಗಾಗಿ ಯಾರಾದರು ಉಳಿಸಬಾರದು ಅಥವಾ ಹಂಚಿಕೊಳ್ಳಬಾರದು ಎಂದು ನೀವು ಬಯಸುವ ಸಂದೇಶಗಳನ್ನು ಕಳುಹಿಸಬೇಡಿ ಅಥವಾ ವಿಷಯವನ್ನು ಹಂಚಿಕೊಳ್ಳಬೇಡಿ.

ಕೊನೆಯದಾಗಿ, ನೀವು ಬೆಂಬಲವನ್ನು (ಬೆಂಬಲದೊಂದಿಗೆ ಹಂಚಿಕೊಂಡ ವಿಷಯ ಮತ್ತು ಸಂವಹನಗಳು) ಅಥವಾ ಸುರಕ್ಷತಾ ತಂಡವನ್ನು ಸಂಪರ್ಕಿಸಿದಾಗ ಅಥವಾ ನಮ್ಮ ಸಂಶೋಧನಾ ಪ್ರಯತ್ನಗಳು ಸೇರಿದಂತೆ ಯಾವುದೇ ಇತರ ವಿಧಾನಗಳಲ್ಲಿ (ಸಮೀಕ್ಷೆಗಳು, ಗ್ರಾಹಕ ಪ್ಯಾನೆಲ್‌ಗಳಿಗೆ ಪ್ರತಿಕ್ರಿಯೆಗಳು ಅಥವಾ ಇತರ ಸಂಶೋಧನಾ ಪ್ರಶ್ನೆಗಳಂತಹವು) ನಮ್ಮೊಂದಿಗೆ ಸಂವಹನ ನಡೆಸಿದಾಗ ನೀವು ಒದಗಿಸುವ ಯಾವುದೇ ಮಾಹಿತಿಯನ್ನು ಅಥವಾ ನಿಮ್ಮ ಪ್ರಶ್ನೆಯನ್ನು ಬಗೆಹರಿಸಲು ನಮಗೆ ಅಗತ್ಯವಿರುವ ಮಾಹಿತಿಯನ್ನು ನಾವು ಸಂಗ್ರಹಿಸುತ್ತೇವೆ.

ನೀವು ನಮ್ಮ ಸೇವೆಗಳನ್ನು ಬಳಸಿದಾಗ, ನೀವು ಯಾವ ಸೇವೆಗಳನ್ನು ಬಳಸಿದ್ದೀರಿ ಮತ್ತು ಅವುಗಳನ್ನು ಹೇಗೆ ಬಳಸಿದಿರಿ ಎನ್ನುವ ಕುರಿತು ನಾವು ಮಾಹಿತಿಯನ್ನು ಸಂಗ್ರಹಿಸುತ್ತೇವೆ. ನಮ್ಮ ಸೇವೆಗಳನ್ನು ನಮ್ಮ ಸಮುದಾಯ ಬಳಸುವ ವಿಧಾನಗಳನ್ನು ಇನ್ನಷ್ಟು ಉತ್ತಮವಾಗಿ ಅರ್ಥಮಾಡಿಕೊಳ್ಳಲು ಇದು ನಮಗೆ ಸಹಾಯ ಮಾಡುತ್ತದೆ ಇದರಿಂದಾಗಿ ನಾವು ಸುಧಾರಣೆಗಳನ್ನು ಮಾಡಬಹುದು.

ಇದು ಬಳಕೆಯ ಮಾಹಿತಿ (ನೀವು ನಮ್ಮ ಸೇವೆಗಳ ಜೊತೆಯಲ್ಲಿ ಹೇಗೆ ಸಂವಹನ ಮಾಡುತ್ತೀರಿ ಎನ್ನುವ ಕುರಿತ ಮಾಹಿತಿ — ಉದಾಹರಣೆಗೆ, ನೀವು ಯಾವ ಲೆನ್ಸ್‌ಗಳನ್ನು ನೋಡುತ್ತೀರಿ ಮತ್ತು ಅನ್ವಯಿಸುತ್ತೀರಿ, ನೀವು ವೀಕ್ಷಿಸುವ ಕಥೆಗಳು ಇತರ Snapchatter ಗಳ ಜೊತೆ ನೀವು ಎಷ್ಟು ಆಗಾಗ್ಗೆ ಸಂವಹನ ನಡೆಸುತ್ತೀರಿ) ಮತ್ತು ವಿಷಯ ಮಾಹಿತಿ (ನೀವು ರಚಿಸುವ ಅಥವಾ ಒದಗಿಸುವ ವಿಷಯದ ಕುರಿತ ಮಾಹಿತಿ, ಕ್ಯಾಮೆರಾ ಮತ್ತು ಕ್ರಿಯೇಟಿವ್ ಟೂಲ್ಸ್ ಜೊತೆಗೆ ನಿಮ್ಮ ತೊಡಗಿಕೊಳ್ಳುವಿಕೆ, My AI ಜೊತೆಗೆ ನಿಮ್ಮ ಸಂವಹನಗಳು ಮತ್ತು ಮೆಟಾಡೇಟಾ — ಉದಾಹರಣೆಗೆ, ವಿಷಯವನ್ನು ಪೋಸ್ಟ್ ಮಾಡಿದ ದಿನಾಂಕ ಮತ್ತು ಸಮಯ ಮತ್ತು ಅದನ್ನು ಯಾರು ವೀಕ್ಷಿಸಿದರು ಎನ್ನುವಂತಹ ಸ್ವತಃ ವಿಷಯ ಕುರಿತಾದ ಮಾಹಿತಿ) ಅನ್ನು ಒಳಗೊಂಡಿದೆ. ವಿಷಯ ಮಾಹಿತಿಯು ಚಿತ್ರ, ವೀಡಿಯೊ ಅಥವಾ ಆಡಿಯೋದ ವಿಷಯವನ್ನು ಆಧರಿಸಿದ ಮಾಹಿತಿಯನ್ನು ಒಳಗೊಳ್ಳುತ್ತದೆ — ಹಾಗಾಗಿ ನೀವು ಬಾಸ್ಕೆಟ್‌ಬಾಲ್ ಆಟದ ಸ್ಪಾಟ್‌ಲೈಟ್ ಪೋಸ್ಟ್ ಮಾಡಿದರೆ, ಬಾಸ್ಕೆಟ್‌ಬಾಲ್ ಕುರಿತು ಸ್ಪಾಟ್‌ಲೈಟ್‌ನಲ್ಲಿ ನಿಮಗೆ ಇನ್ನಷ್ಟು ವಿಷಯ ತೋರಿಸಲು ಆ ಮಾಹಿತಿಯನ್ನು ನಾವು ಬಳಸಬಹುದು.

ಇದು ಸಾಧನ ಮಾಹಿತಿ (ಉದಾಹರಣೆಗೆ ನಿಮ್ಮ ಹಾರ್ಡ್‌ವೇರ್ ಅಥವಾ ಸಾಫ್ಟ್‌ವೇರ್, ಆಪರೇಟಿಂಗ್ ಸಿಸ್ಟಂ, ಸಾಧನದ ಮೆಮೊರಿ, ಜಾಹೀರಾತು ಗುರುತಿಸುವಿಕೆಗಳು, ಇನ್‌ಸ್ಟಾಲ್ ಮಾಡಿದ ಆ್ಯಪ್‌ಗಳು, ಬ್ರೌಸರ್ ವಿಧ, ನೀವು ಹೆಡ್‌ಫೋನ್ ಕನೆಕ್ಟ್ ಮಾಡಿದ್ದೀರಾ ಎನ್ನುವುದು ಸೇರಿದಂತೆ, ನಿಮ್ಮ ಸಾಧನದ ಚಲನೆಯನ್ನು ಅಳೆಯುವ ಸಾಧನ ಸಂವೇದಕಗಳ ಮಾಹಿತಿ ಅಥವಾ ದಿಕ್ಸೂಚಿಗಳು ಮತ್ತು ಮೈಕ್ರೋಫೋನ್‌ಗಳಿಂದ ಮಾಹಿತಿ ಮತ್ತು ನಿಮ್ಮ ವೈರ್‌ಲೆಸ್ ಮತ್ತು ಮೊಬೈಲ್ ಸಂಪರ್ಕಗಳ ಕುರಿತ ಮಾಹಿತಿ), ಸ್ಥಳ ಮಾಹಿತಿ (IP ವಿಳಾಸ), ನಿಮ್ಮ ಸೆಟ್ಟಿಂಗ್‌ಗಳನ್ನು ಆಧರಿಸಿ ಕುಕೀಗಳು ಮತ್ತು ಅದೇ ರೀತಿಯ ತಂತ್ರಜ್ಞಾನಗಳಿಂದ ಸಂಗ್ರಹಿಸಿದ ಮಾಹಿತಿ (ಕುಕೀಗಳು, ವೆಬ್ ಬೀಕಾನ್‌ಗಳು (ಬಳಕೆದಾರರ ಚಟುವಟಿಕೆಯನ್ನು ಗುರುತಿಸುವ ಸಣ್ಣ ಗ್ರಾಫಿಕ್ ಡೇಟಾ, ಉದಾಹರಣೆಗೆ ಬಳಕೆದಾರ ಒಂದು ವೆಬ್‌ಸೈಟ್‌ಗೆ ಭೇಟಿ ನೀಡಿದ್ದಾರೆಯೇ ಮತ್ತು ಹೌದು ಎಂದಾದರೆ ಎಷ್ಟು ಬಾರಿ ಭೇಟಿ ನೀಡಿದ್ದಾರೆ), ವೆಬ್ ಶೇಖರಣೆ, ವಿಶಿಷ್ಟ ಜಾಹೀರಾತು ನೀಡುವಿಕೆ ಗುರುತಿಸುವಿಕೆಗಳು) ಮತ್ತು ಲಾಗ್ ಮಾಹಿತಿ (ಉದಾಹರಣೆಗೆ ನಮ್ಮ ಸೇವೆಗಳನ್ನು ನೀವು ಹೇಗೆ ಬಳಸಿದಿರಿ, ಎಷ್ಟು ಬಾರಿ ಪ್ರವೇಶಿಸಿದಿರಿ, ವೀಕ್ಷಿಸಿದ ಪುಟಗಳು, IP ವಿಳಾಸ ಮತ್ತು ಕುಕೀಗಳಂತಹ ವಿಶಿಷ್ಟ ಗುರುತಿಸುವಿಕೆಗಳು) ಅನ್ನು ಕೂಡ ಒಳಗೊಳ್ಳುತ್ತದೆ.

ಒಂದು ವೇಳೆ ನೀವು ಸಾಧನ ಮಟ್ಟದ ಅನುಮತಿಗಳನ್ನು ಸ್ಪಷ್ಟವಾಗಿ ನೀಡಿದ್ದರೆ, ಸಾಧನ ಮಾಹಿತಿಯು ನಿಮ್ಮ ಸಾಧನದ ಫೋನ್‌ಬುಕ್ (ಸಂಪರ್ಕಗಳು ಮತ್ತು ಸಂಬಂಧಿತ ಮಾಹಿತಿ), ನಿಮ್ಮ ಸಾಧನದ ಕ್ಯಾಮೆರಾ, ಫೋಟೋಗಳು ಮತ್ತು ಮೈಕ್ರೋಫೋನ್‌ನಿಂದ ಚಿತ್ರಗಳು ಮತ್ತು ಇತರ ಮಾಹಿತಿ (ಉದಾಹರಣೆಗೆ ಫೋಟೋಗಳು, ವೀಡಿಯೊಗಳನ್ನು ತೆಗೆದುಕೊಳ್ಳುವ, ಶೇಖರಿಸಿದ ಫೋಟೋಗಳು ಮತ್ತು ವೀಡಿಯೊಗಳನ್ನು ವೀಕ್ಷಿಸುವ ಮತ್ತು ವೀಡಿಯೊ ರೆಕಾರ್ಡ್ ಮಾಡುವಾಗ ಆಡಿಯೋ ರೆಕಾರ್ಡ್ ಮಾಡಲು ಮೈಕ್ರೋಫೋನ್ ಪ್ರವೇಶಿಸುವ ಸಾಮರ್ಥ್ಯ) ಮತ್ತು ಸ್ಥಳ ಮಾಹಿತಿ (GPS ಸಂಕೇತಗಳಂತಹ ವಿಧಾನಗಳ ಮೂಲಕ ನಿಖರ ಸ್ಥಳ ಮಾಹಿತಿ) ಅನ್ನು ಕೂಡ ಒಳಗೊಳ್ಳಬಹುದು.

ನಾವು ಸಂಗ್ರಹಿಸುವ ಡೇಟಾದ ಕೊನೆಯ ವರ್ಗವು, ಇತರ ಬಳಕೆದಾರರು, ನಮ್ಮ ಅಂಗಸಂಸ್ಥೆಗಳು ಮತ್ತು ತೃತೀಯ ಪಕ್ಷಗಳಂತಹ ಇತರರಿಂದ ನಾವು ನಿಮ್ಮ ಕುರಿತು ಸ್ವೀಕರಿಸಬಹುದಾದ ಮಾಹಿತಿಯಾಗಿದೆ. ಇದು ಲಿಂಕ್ ಮಾಡಿರುವ ತೃತೀಯ ಪಕ್ಷದ ಸೇವೆಯ ಡೇಟಾ (ನೀವು ನಿಮ್ಮ Snapchat ಖಾತೆಯನ್ನು ಇನ್ನೊಂದು ಸೇವೆಯೊಂದಿಗೆ ಲಿಂಕ್ ಮಾಡಿದಾಗ ನಾವು ಪಡೆಯುವ ಮಾಹಿತಿ), ಜಾಹೀರಾತುದಾರರಿಂದ ಡೇಟಾ (ಜಾಹೀರಾತುಗಳನ್ನು ಗುರಿಯಾಗಿಸಲು ಅಥವಾ ಅವುಗಳ ಕಾರ್ಯಕ್ಷಮತೆಯನ್ನು ಅಳೆಯಲು ಸಹಾಯ ಪಡೆಯುವುದಕ್ಕಾಗಿ ಜಾಹೀರಾತುದಾರರು, ಆ್ಯಪ್ ಡೆವಲಪರ್‌ಗಳು, ಪ್ರಕಾಶಕರು ಮತ್ತು ಇತರ ತೃತೀಯ ಪಕ್ಷಗಳಿಂದ ಮಾಹಿತಿ), ಇತರ Snapchatter ಗಳು ಅಥವಾ ತೃತೀಯ ಪಕ್ಷಗಳಿಂದ ಸಂಪರ್ಕ ಮಾಹಿತಿ (ಒಂದು ವೇಳೆ ನಿಮ್ಮ ಮಾಹಿತಿಯನ್ನು ಒಳಗೊಂಡ ಅವರ ಸಂಪರ್ಕ ಪಟ್ಟಿಯನ್ನು ಇನ್ನೊಬ್ಬ Snapchatter ಅಪ್‌ಲೋಡ್ ಮಾಡಿದರೆ, ನಿಮ್ಮೊಂದಿಗೆ ಯಾರು ಸಂವಹನ ಮಾಡಲು ಬಯಸಬಹುದು ಎಂದು ಇನ್ನಷ್ಟು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ನಾವು ನಿಮ್ಮ ಕುರಿತು ಹೊಂದಿರುವ ಮಾಹಿತಿಯನ್ನು ಅದರೊಂದಿಗೆ ಸಂಯೋಜಿಸಬಹುದು. ಅಥವಾ ಒಂದು ವೇಳೆ ನೀವು ನಿಮ್ಮ ಮಾಹಿತಿಯನ್ನು ನಮಗೆ ಒದಗಿಸಿದರೆ, SMS, ಇಮೇಲ್ ಅಥವಾ ಇತರ ಮೆಸೇಜಿಂಗ್ ಸೇವೆಗಳಂತಹ ಇತರ ವಿಧಾನಗಳ ಮೂಲಕ ನಾವು ನಿಮ್ಮೊಂದಿಗೆ ಸಂವಹನ ಮಾಡಬಹುದೇ ಎಂದು ನಿರ್ಧರಿಸಲು ಅದನ್ನು ನಾವು ಬಳಸಬಹುದು) ಮತ್ತು ನಮ್ಮ ನಿಯಮಗಳ ಸಂಭಾವ್ಯ ಉಲ್ಲಂಘನೆಗಳಿಗೆ ಸಂಬಂಧಿಸಿದ ಮಾಹಿತಿ (ವೆಬ್‌ಸೈಟ್ ಪ್ರಕಾಶಕರು, ಸಾಮಾಜಿಕ ನೆಟ್‌ವರ್ಕ್ ಪೂರೈಕೆದಾರರು, ಕಾನೂನು ಜಾರಿ ಸಂಸ್ಥೆಗಳು ಮತ್ತು ಇತರರು ಸೇರಿದಂತೆ ತೃತೀಯ ಪಕ್ಷಗಳಿಂದ ನಮ್ಮ ಸೇವೆಯ ನಿಯಮಗಳು ಮತ್ತು ಕಮ್ಯುನಿಟಿ ಮಾರ್ಗಸೂಚಿಗಳ ಸಂಭಾವ್ಯ ಉಲ್ಲಂಘನೆಗಳ ಕುರಿತು ನಾವು ಮಾಹಿತಿಯನ್ನು ಸ್ವೀಕರಿಸಬಹುದು) ಅನ್ನು ಒಳಗೊಳ್ಳುತ್ತದೆ.

ಹೆಚ್ಚುವರಿಯಾಗಿ, ನೀವು ನಮ್ಮ ಸೇವೆಗಳೊಂದಿಗೆ ಸಂವಹನ ನಡೆಸಿದಾಗ ಹೆಚ್ಚುವರಿ ಮಾಹಿತಿ ಸಂಗ್ರಹಿಸಲು ನಾವು ನಿಮ್ಮ ಅನುಮತಿಯನ್ನು ಕೇಳುವ ಸಂದರ್ಭಗಳು ಇರಬಹುದು. ಉದಾಹರಣೆಗೆ, ನಿಮ್ಮ ಸಾಧನದ ಕ್ಯಾಮೆರಾ ರೋಲ್ ಅಥವಾ ಸಂಪರ್ಕ ಪುಸ್ತಕವನ್ನು ಪ್ರವೇಶಿಸುವುದಕ್ಕೆ ಮೊದಲು.

ಈ ವಿಭಾಗವು ನಾವು ಸಂಗ್ರಹಿಸುವ ಮಾಹಿತಿಯನ್ನು ನಾವು ಹೇಗೆ ಬಳಸುತ್ತೇವೆ ಎಂದು ವಿವರಿಸುತ್ತದೆ. ಇತರ ಸಂಗತಿಗಳ ಜೊತೆಗೆ, ನಾವು ಸಂಗ್ರಹಿಸಿದ ಮಾಹಿತಿಯನ್ನು, ನಾವು ಕಠಿಣ ಪರಿಶ್ರಮದೊಂದಿಗೆ ಸಿದ್ಧಪಡಿಸುವ ಮತ್ತು ಸುಧಾರಿಸುವ ವೈಯಕ್ತಿಕಗೊಳಿಸಿದ ಉತ್ಪನ್ನಗಳು ಮತ್ತು ಸೇವೆಗಳನ್ನು ನಿಮಗೆ ಒದಗಿಸಲು ನಾವು ಬಳಸುತ್ತೇವೆ. ಕೆಳಗೆ, ನಾವು ಮಾಹಿತಿಯನ್ನು ಬಳಸುವ ಪ್ರತಿ ಉದ್ದೇಶವನ್ನು ವಿವರವಾಗಿ ತಿಳಿಸಿದ್ದೇವೆ. ಒಂದು ವೇಳೆ ನಾವು ಸಂಗ್ರಹಿಸಿದ ಡೇಟಾವನ್ನು ಅದನ್ನು ಸಂಗ್ರಹಿಸಿದ ಉದ್ದೇಶಗಳ ಜೊತೆಗೆ ಮಾಡಿದ ಮ್ಯಾಪಿಂಗ್ ನೋಡಲು ನೀವು ಬಯಸಿದರೆ, ಇಲ್ಲಿ ಒಂದು ಕೋಷ್ಟಕ ಇದೆ.

ನಮ್ಮ ಸೇವೆಗಳನ್ನು ಕಾರ್ಯಾಚರಿಸುವ, ತಲುಪಿಸುವ ಮತ್ತು ನಿರ್ವಹಿಸುವ ಸಲುವಾಗಿ ನಾವು ಸಂಗ್ರಹಿಸುವ ಮಾಹಿತಿಯನ್ನು ನಾವು ಬಳಸುತ್ತೇವೆ. ಉದಾಹರಣೆಗೆ, ನೀವು ಒಬ್ಬ ಸ್ನೇಹಿತರಿಗೆ ಕಳುಹಿಸಲು ಬಯಸುವ Snap ಅನ್ನು ತಲುಪಿಸುವ ಮೂಲಕ ಅಥವಾ ಒಂದು ವೇಳೆ ನೀವು Snap ಮ್ಯಾಪ್‌ನಲ್ಲಿ ನಿಮ್ಮ ಸ್ಥಳ ಹಂಚಿಕೊಂಡರೆ, ನಿಮ್ಮ ನೆರೆಹೊರೆಯಲ್ಲಿ ನೀವು ಇಷ್ಟಪಡಬಹುದಾದ ಸ್ಥಳಗಳು, ಇತರರು ಮ್ಯಾಪ್‌ನಲ್ಲಿ ಪೋಸ್ಟ್ ಮಾಡಿರುವ ವಿಷಯ ಅಥವಾ ನಿಮ್ಮ ಸ್ನೇಹಿತರು ನಿಮ್ಮೊಂದಿಗೆ ಅವರ ಸ್ಥಳ ಹಂಚಿಕೊಳ್ಳುತ್ತಿದ್ದರೆ ಆ ಸ್ನೇಹಿತರು ಮುಂತಾದ ಸಲಹೆಗಳನ್ನು ನಿಮಗೆ ತೋರಿಸಲು. ನಮ್ಮ ಉತ್ಪನ್ನಗಳನ್ನು ನವೀಕೃತವಾಗಿರಿಸಲು ಸಹಾಯ ಪಡೆದುಕೊಳ್ಳುವುದಕ್ಕೆ ಕೂಡ ನಾವು ನಿಮ್ಮ ಕೆಲವು ಮಾಹಿತಿಯನ್ನು ಬಳಸುತ್ತೇವೆ, ಉದಾಹರಣೆಗೆ ನಮ್ಮ ಸೇವೆಗಳು ಇತ್ತೀಚಿನ ಆಪರೇಟಿಂಗ್ ಸಿಸ್ಟಂಗಳು ಮತ್ತು ಸಾಧನಗಳ ಜೊತೆಗೆ ಕಾರ್ಯನಿರ್ವಹಿಸುತ್ತವೆ ಎಂದು ಖಚಿತಪಡಿಸಿಕೊಳ್ಳಲು.

Snapchatter ಗಳಿಗೆ ನಾವು ವೈಯಕ್ತಿಕಗೊಳಿಸಿದ ಸೇವೆಗಳನ್ನು ಒದಗಿಸುತ್ತೇವೆ. ಇ
ದು ನಾವು ಮಾಡುವ ವಿಧಾನಗಳಲ್ಲಿ, ನಿಮಗೆ ಪ್ರಸ್ತುತವಾಗಿರುವ ಅಥವಾ ನೀವು ನಮ್ಮೊಂದಿಗೆ ಹಂಚಿಕೊಂಡಿರುವ ಮಾಹಿತಿಯನ್ನು ಆಧರಿಸಿ ನೀವು ಆನಂದಿಸಬಹುದು ಎಂದು ನಾವು ಭಾವಿಸುವ ವಿಷಯವನ್ನು ನಿಮಗೆ ತೋರಿಸುವುದು ಒಂದಾಗಿದೆ. ಹಾಗೆ ಮಾಡಲು, ನಿಮ್ಮ Snapchat ಅನುಭವಕ್ಕೆ ಸನ್ನಿವೇಶವನ್ನು ಸೇರಿಸುವ ಸಲುವಾಗಿ ಸೇವೆಗಳ ವಿವಿಧ ಪ್ರದೇಶಗಳಾದ್ಯಂತ ನಿಮ್ಮ ಕುರಿತ ಮಾಹಿತಿಯನ್ನು ನಾವು ಬಳಸುತ್ತೇವೆ. ಉದಾಹರಣೆಗೆ, ನಾವು ವಿಷಯ, ನಿಮ್ಮ ಸ್ಥಳ ಅಥವಾ ದಿನದ ಸಮಯವನ್ನು ಆಧರಿಸಿ ಲೇಬಲ್‌ಗಳೊಂದಿಗೆ ವಿಷಯವನ್ನು ನಾವು ಸ್ವಯಂಚಾಲಿತವಾಗಿ ಟ್ಯಾಗ್ ಮಾಡುತ್ತೇವೆ. ಆದ್ದರಿಂದ ಒಂದು ವೇಳೆ ಫೋಟೋದಲ್ಲಿ ನಾಯಿ ಇದ್ದರೆ, "ನಾಯಿ" ಎನ್ನುವ ಪದದ ಮೂಲಕ ನೆನಪುಗಳಲ್ಲಿ ಅದನ್ನು ಹುಡುಕಬಹುದು, ನೀವು ನೆನಪನ್ನು ರಚಿಸಿದ ಸ್ಥಳದಲ್ಲಿ ಮ್ಯಾಪ್‌ನಲ್ಲಿ ಕಾಣಿಸಿಕೊಳ್ಳಬಹುದು ಮತ್ತು ನಾಯಿಗಳ ಕುರಿತು ನೀವು ಆಸಕ್ತರಿದ್ದೀರಿ ಎಂದು ನಮಗೆ ತಿಳಿಸಬಹುದು ಇದರಿಂದಾಗಿ ನಾವು ನಿಮಗೆ ಸ್ಪಾಟ್‌ಲೈಟ್‌ನಂತಹ ನಮ್ಮ ಸೇವೆಗಳ ಇತರ ಭಾಗಗಳಲ್ಲಿ ವಿನೋದದ ನಾಯಿ ವೀಡಿಯೊಗಳು ಮತ್ತು ನಾಯಿ ಆಹಾರದ ಜಾಹೀರಾತುಗಳನ್ನು ತೋರಿಸಬಹುದು.

ನೀವು ಯಾರೊಂದಿಗೆ ಅತಿಹೆಚ್ಚು Snap ಮಾಡುತ್ತೀರಿ ಎನ್ನುವುದನ್ನು ಆಧರಿಸಿ ಸ್ನೇಹಿತರನ್ನು ಸಲಹೆ ಮಾಡಲು ಅಥವಾ ಒಂದು Snap ಕಳುಹಿಸುವಂತೆ ಹೊಸ ಸ್ನೇಹಿತನಿಗೆ ಶಿಫಾರಸು ಮಾಡಲು ಕೂಡ ವೈಯಕ್ತಿಕಗೊಳಿಸುವಿಕೆ ಸಹಾಯ ಮಾಡಬಲ್ಲದು. ನಾವು ನಿಮಗೆ Snap ಮ್ಯಾಪ್‌ನಲ್ಲಿ ಶಿಫಾರಿತ ಸ್ಥಳಗಳನ್ನು ತೋರಿಸಬಹುದು, ಸ್ಟಿಕ್ಕರ್‌ಗಳನ್ನು ರಚಿಸಬಹುದು ಅಥವಾ ಸ್ನೇಹಿತರೊಂದಿಗೆ ಹಂಚಿಕೊಳ್ಳಲು AI ಬಳಸಿಕೊಂಡು Snap ಗಳು ಮತ್ತು ಇತರ ವಿಷಯವನ್ನು ರಚಿಸಬಹುದು, ನಿಮ್ಮ ವಿಷಯ ಮತ್ತು ಚಟುವಟಿಕೆಯನ್ನು ಆಧರಿಸಿ ನಿಮ್ಮ ಆಸಕ್ತಿಗಳನ್ನು ಊಹಿಸಬಹುದು ಅಥವಾ ಜಾಹೀರಾತುಗಳು ಸೇರಿದಂತೆ ನಾವು ನಿಮಗೆ ತೋರಿಸುವ ವಿಷಯವನ್ನು ಕಸ್ಟಮೈಸ್ ಮಾಡಬಹುದು. ಉದಾಹರಣೆಗೆ, ಸ್ಪಾಟ್‌ಲೈಟ್‌ನಲ್ಲಿ ನೀವು ಬರಿಸ್ಟಾ ವಿಷಯವನ್ನು ವೀಕ್ಷಿಸಿದರೆ, ನಿಮ್ಮ ಮೆಚ್ಚಿನ ಎಸ್ಪ್ರೆಸೊ ಯಂತ್ರದ ಕುರಿತು My AI ಜೊತೆಗೆ ಮಾತನಾಡಿದರೆ ಅಥವಾ ನಿಮ್ಮ ನೆನಪುಗಳಲ್ಲಿ ಸಾಕಷ್ಟು ಕಾಫೀ ಸಂಬಂಧಿತ Snap ಗಳನ್ನು ಉಳಿಸಿದರೆ, ನೀವು ಹೊಸ ನಗರಕ್ಕೆ ಭೇಟಿ ನೀಡಿದಾಗ Snap ಮ್ಯಾಪ್‌ನಲ್ಲಿ ನಾವು ಕಾಫೀ ಶಾಪ್‌ಗಳನ್ನು ಹೈಲೈಟ್ ಮಾಡಬಹುದು ಅಥವಾ ನಿಮಗೆ ಆಸಕ್ತಿಕರ ಅಥವಾ ಪ್ರಸ್ತುತ ಅನ್ನಿಸಬಹುದಾದ ಕಾಫಿ ಕುರಿತ ವಿಷಯವನ್ನು ತೋರಿಸಬಹುದು. ಅಥವಾ ಒಂದು ವೇಳೆ ನೀವು ಸಾಕಷ್ಟು ಸಂಗೀತ ಸ್ಥಳಗಳೊಂದಿಗೆ ಸಂವಹನ ನಡೆಸಿದರೆ ನಗರದಲ್ಲಿ ಮುಂಬರುವ ಶೋಗಳ ಕುರಿತು ನಿಮಗೆ ಜಾಹೀರಾತುಗಳನ್ನು ತೋರಿಸಲು ನಾವು ಅದನ್ನು ಬಳಸಬಹುದು. ಸ್ಪಾಟ್‌ಲೈಟ್‌ನಲ್ಲಿ ನಿಮ್ಮ ಸ್ನೇಹಿತರು ಯಾವ ವಿಷಯವನ್ನು ರಚಿಸುತ್ತಾರೆ, ಇಷ್ಟಪಡುತ್ತಾರೆ ಅಥವಾ ಆನಂದಿಸುತ್ತಾರೆ ಎನ್ನುವುದನ್ನು ಅಥವಾ ನಿಮ್ಮ ಸ್ನೇಹಿತರೊಂದಿಗೆ ಜನಪ್ರಿಯವಾಗಿರುವ ಸ್ಥಳ ಶಿಫಾರಸುಗಳನ್ನು ನಿಮಗೆ ತೋರಿಸುವುದು ಸೇರಿದಂತೆ, ನಿಮ್ಮ ಸ್ನೇಹಿತರು ಏನು ಮಾಡುತ್ತಿದ್ದಾರೆ ಎನ್ನುವುದನ್ನು ಆಧರಿಸಿ ನಿಮ್ಮ ಅನುಭವಗಳನ್ನು ಹೊಂದಿಕೆಯಾಗಿಸುವುದು ಕೂಡ ವೈಯಕ್ತಿಕಗೊಳಿಸುವಿಕೆಯಲ್ಲಿ ಸೇರಿದೆ.

ನಿಮಗೆ ಇನ್ನಷ್ಟು ಪ್ರಸ್ತುತ ಮತ್ತು ಆಸಕ್ತಿಕರವಾದ ವಿಷಯವನ್ನು ನಿರಂತರವಾಗಿ ಒದಗಿಸುವುದು ನಮ್ಮ ಗುರಿಯಾಗಿದೆ.

ಉದಾಹರಣೆಗೆ, ನೀವು ಬಹಳಷ್ಟು ಕ್ರೀಡಾ ವಿಷಯವನ್ನು ವೀಕ್ಷಿಸುತ್ತಿದ್ದು ಆದರೆ ಕೂದಲು ಮತ್ತು ಮೇಕಪ್ ಸಲಹೆಗಳನ್ನು ಸ್ಕಿಪ್ ಮಾಡುತ್ತಿದ್ದರೆ, ನಮ್ಮ ಆಲ್ಗಾರಿದಂಗಳು ಕ್ರೀಡೆಗಳನ್ನು ಆದ್ಯತೆಗೊಳಿಸುತ್ತದೆ ಆದರೆ ಮೇಕಪ್ ಸಲಹೆಗಳನ್ನು ಆದ್ಯತೆಗೊಳಿಸುವುದಿಲ್ಲ. Snapchatter ಆದ್ಯತೆಗಳನ್ನು ನಾವು ಹೇಗೆ ಅರ್ಥಮಾಡಿಕೊಳ್ಳುತ್ತೇವೆ ಮತ್ತು ವಿಷಯಗಳಿಗೆ
ಹೇಗೆ ಶ್ರೇಯಾಂಕ ನೀಡುತ್ತೇವೆ ಮತ್ತು ಮಾಡರೇಟ್ ಮಾಡುತ್ತೇವೆ ಎನ್ನುವ ಕುರಿತು ನೀವು ಇಲ್ಲಿ ಇನ್ನಷ್ಟು ತಿಳಿದುಕೊಳ್ಳಬಹುದು.

ನಮ್ಮ Snapchatter ಗಳ ಗೌಪ್ಯತೆಯ ನಿರೀಕ್ಷೆಗಳೊಂದಿಗೆ ವೈಯಕ್ತಿಕಗೊಳಿಸುವಿಕೆಯ ಪ್ರಯೋಜನಗಳನ್ನು ಸಮತೋಲನ ಮಾಡುವುದು ಕೂಡ ನಿರ್ಣಾಯಕವಾಗಿದೆ ಎಂದು ನಾವು ನಂಬಿದ್ದೇವೆ. ಉದಾಹರಣೆಗೆ, ನೆನಪುಗಳ ಒಳಗಿರುವ ವಿಷಯವನ್ನು ಆಧರಿಸಿ ನೆನಪುಗಳಿಗೆ ನೀವು ಉಳಿಸುವ Snap ಗಳನ್ನು ನಾವು ಸ್ವಯಂಚಾಲಿತವಾಗಿ ಟ್ಯಾಗ್ ಮಾಡಬಹುದು (ಉದಾ., Snap ನಲ್ಲಿ ನಾಯಿ ಇರುವುದು) ಮತ್ತು ನಂತರ ನಿಮ್ಮ ಅನುಭವವನ್ನು ವೈಯಕ್ತಿಕಗೊಳಿಸಲು, ಶಿಫಾರಸುಗಳನ್ನು ಮಾಡಲು ಅಥವಾ ನಿಮಗೆ ಜಾಹೀರಾತುಗಳನ್ನು ತೋರಿಸಲು ಆ ಟ್ಯಾಗ್ ಅನ್ನು ಬಳಸಬಹುದು (ಉದಾಹರಣೆಗೆ ನಾಯಿಗಳನ್ನು ಒಳಗೊಂಡಿರುವ ಸ್ಪಾಟ್‌ಲೈಟ್ Snap ಗಳನ್ನು ನಿಮಗೆ ತೋರಿಸುವುದು). ನಿಮ್ಮ ಅನುಭವವನ್ನು ವೈಯಕ್ತಿಕಗೊಳಿಸಲು, ಶಿಫಾರಸುಗಳನ್ನು ಮಾಡಲು ಅಥವಾ ನಿಮಗೆ ಜಾಹೀರಾತುಗಳನ್ನು ತೋರಿಸಲು ನಿಮ್ಮ ಸ್ನೇಹಿತರಿಗೆ ನೀವು ಕಳುಹಿಸುವ ಖಾಸಗಿ ವಿಷಯ ಮತ್ತು ಸಂವಹನಗಳನ್ನು ನಾವು ಬಳಸುವುದಿಲ್ಲ.

ವೈಯಕ್ತಿಕಗೊಳಿಸಿದ ಸೇವೆಗಳನ್ನು ಒದಗಿಸುವ ಇನ್ನೊಂದು ವಿಧಾನವೆಂದರೆ ನಾವು ತೋರಿಸುವ ಜಾಹೀರಾತುಗಳ ಮೂಲಕ. ಜಾಹೀರಾತುಗಳನ್ನು ವೈಯಕ್ತಿಕಗೊಳಿಸಲು, ಗುರಿಯಾಗಿಸಲು ಮತ್ತು ಅಳೆಯಲು ನಾವು ಸಂಗ್ರಹಿಸಿದ ಮಾಹಿತಿಯಿಂದ ನಿಮ್ಮ ಆಸಕ್ತಿಗಳು ಮತ್ತು ಆದ್ಯತೆಗಳನ್ನು ನಾವು ಬಳಸುತ್ತೇವೆ. ಜಾಹೀರಾತುಗಳು ಪ್ರಸ್ತುತವಾಗಿರುವಾಗ ಅತ್ಯುತ್ತಮವಾಗಿರುತ್ತವೆ ಎಂದು ನಾವು ಭಾವಿಸುತ್ತೇವೆ. ಆದಕಾರಣ ನಾವು ಸರಿಯಾದ ಜಾಹೀರಾತುಗಳನ್ನು ಆಯ್ಕೆ ಮಾಡುತ್ತೇವೆ ಮತ್ತು ಅವುಗಳನ್ನು ನಿಮಗೆ ಸರಿಯಾದ ಸಮಯದಲ್ಲಿ ತೋರಿಸುತ್ತೇವೆ. ಉದಾಹರಣೆಗೆ, ವೀಡಿಯೊ ಗೇಮ್‌ಗಳಿಗಾಗಿ ನೀವು ಜಾಹೀರಾತುಗಳೊಂದಿಗೆ ಸಂವಹನ ನಡೆಸಿದ್ದರೆ, ನೀವು ವೀಡಿಯೊ ಗೇಮ್‌ಗಳನ್ನು ಇಷ್ಟಪಡುತ್ತೀರಿ ಎಂದು ನಾವು ಊಹಿಸುತ್ತೇವೆ ಮತ್ತು ಅದೇ ರೀತಿಯ ಜಾಹೀರಾತುಗಳನ್ನು ನಿಮಗೆ ತೋರಿಸುತ್ತೇವೆ ಆದರೆ ನೀವು ನೋಡುವ ಜಾಹೀರಾತುಗಳು ಕೇವಲ ಅವುಗಳಷ್ಟೇ ಆಗಿರುವುದಿಲ್ಲ. ನಮ್ಮ ವಿಷಯ ಕಾರ್ಯತಂತ್ರದ ರೀತಿಯಲ್ಲೇ, ನೀವು ವಿಭಿನ್ನ ಜಾಹೀರಾತುಗಳನ್ನು ಸ್ವೀಕರಿಸುತ್ತೀರಿ ಎಂದು ನಾವು ಖಚಿತಪಡಿಸಿಕೊಳ್ಳುತ್ತೇವೆ. ನೀವು ಸಂಭಾವ್ಯತಃ ಆಸಕ್ತರಾಗಿಲ್ಲದ ಜಾಹೀರಾತುಗಳನ್ನು ನಿಮಗೆ ತೋರಿಸುವುದನ್ನು ತಪ್ಪಿಸಲು ಕೂಡ ನಾವು ನಿಮ್ಮ ಮಾಹಿತಿಯನ್ನು ಬಳಸುತ್ತೇವೆ. ಉದಾಹರಣೆಗೆ, ಒಂದು ಟಿಕೆಟಿಂಗ್ ಸೈಟ್ ಈ ಹಿಂದೆ ನೀವು ಒಂದು ಸಿನಿಮಾಗಾಗಿ ಟಿಕೆಟ್ ಖರೀದಿಸಿದ್ದೀರಿ ಎಂದು ನಮಗೆ ತಿಳಿಸಿದರೆ — ಅದಕ್ಕಾಗಿ ಜಾಹೀರಾತುಗಳನ್ನು ತೋರಿಸುವುದನ್ನು ನಾವು ನಿಲ್ಲಿಸಬಹುದು. ವಿವಿಧ ರೀತಿಯ ಜಾಹೀರಾತು ನೀಡುವಿಕೆ ಮತ್ತು ನೀವು ಯಾವ ಜಾಹೀರಾತುಗಳನ್ನು ಸ್ವೀಕರಿಸುತ್ತೀರಿ ಎನ್ನುವ ಕುರಿತ ನಿಮ್ಮ ಆಯ್ಕೆಗಳ ಬಗ್ಗೆ ನೀವು ಇಲ್ಲಿ ತಿಳಿದುಕೊಳ್ಳಬಹುದು.

ಜಾಹೀರಾತು ನೀಡುವಿಕೆ ಉದ್ದೇಶಗಳಿಗಾಗಿ ನಾವು ನಿಮ್ಮ ಮಾಹಿತಿಯನ್ನು ಹೇಗೆ ಸಂಗ್ರಹಿಸುತ್ತೇವೆ, ಬಳಸುತ್ತೇವೆ ಮತ್ತು ಹಂಚಿಕೊಳ್ಳುತ್ತೇವೆ ಎನ್ನುವ ಕುರಿತು ನೀವು ಇಲ್ಲಿ ಇನ್ನಷ್ಟು ತಿಳಿದುಕೊಳ್ಳಬಹುದು.

ಕುಕೀಗಳು ಮತ್ತು ಇತರ ತಂತ್ರಜ್ಞಾನಗಳ ಮೂಲಕ ಸಂಗ್ರಹಿಸಿದ ಮಾಹಿತಿಯ ಕುರಿತು ಒಂದು ಟಿಪ್ಪಣಿ: ನಮ್ಮ ಒಬ್ಬ ಪಾಲುದಾರರ ಮೂಲಕ ನಾವು ನೀಡುವ ಸೇವೆಗಳೊಂದಿಗೆ ನೀವು ಸಂವಹನ ನಡೆಸಿದಾಗ ಮಾಹಿತಿಯನ್ನು ಸಂಗ್ರಹಿಸಲು ಈ ತಂತ್ರಜ್ಞಾನಗಳನ್ನು ನಾವು ಬಳಸಬಹುದು. ಉದಾಹರಣೆಗೆ, ನಿಮಗೆ ಇನ್ನಷ್ಟು ಪ್ರಸ್ತುತವಾದ ಜಾಹೀರಾತುಗಳನ್ನು ತೋರಿಸಲು ಒಬ್ಬ ಜಾಹೀರಾತುದಾರರ ವೆಬ್‌ಸೈಟ್‌ನಲ್ಲಿ ಸಂಗ್ರಹಿಸಿದ ಮಾಹಿತಿಯನ್ನು ನಾವು ಬಳಸಬಹುದು. ಹೆಚ್ಚಿನ ವೆಬ್ ಬ್ರೌಸರ್‌ಗಳನ್ನು ಪೂರ್ವನಿಯೋಜಿತವಾಗಿ ಕುಕೀಗಳನ್ನು ಸ್ವೀಕರಿಸಲು ಹೊಂದಿಸಲಾಗಿದೆ. ನೀವು ಬಯಸಿದರೆ, ನಿಮ್ಮ ಬ್ರೌಸರ್ ಅಥವಾ ಸಾಧನದಲ್ಲಿನ ಸೆಟ್ಟಿಂಗ್‌ಗಳ ಮೂಲಕ ನೀವು ಸಾಮಾನ್ಯವಾಗಿ ಬ್ರೌಸರ್ ಕುಕೀಗಳನ್ನು ತೆಗೆದುಹಾಕಬಹುದು ಅಥವಾ ತಿರಸ್ಕರಿಸಬಹುದು. ಅದಾಗ್ಯೂ, ಕುಕೀಗಳನ್ನು ತೆಗೆದುಹಾಕುವುದು ಅಥವಾ ತಿರಸ್ಕರಿಸುವುದರಿಂದ ನಮ್ಮ ಸೇವೆಗಳ ಲಭ್ಯತೆ ಮತ್ತು ಕ್ರಿಯಾತ್ಮಕತೆಯ ಮೇಲೆ ಪರಿಣಾಮ ಬೀರಬಹುದು ಎನ್ನುವುದನ್ನು ಗಮನದಲ್ಲಿ ಇಟ್ಟುಕೊಳ್ಳಿ. ನಮ್ಮ ಸೇವೆಗಳಲ್ಲಿ ಕುಕೀಗಳನ್ನು ನಾವು ಮತ್ತು ನಮ್ಮ ಪಾಲುದಾರರು ಹೇಗೆ ಬಳಸುತ್ತೇವೆ ಎನ್ನುವ ಕುರಿತು ಹಾಗೂ ನಿಮ್ಮ ಆಯ್ಕೆಗಳ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ನಮ್ಮ ಕುಕೀ ನೀತಿ ಪರಿಶೀಲಿಸಿ.

ವೈಶಿಷ್ಟ್ಯಗಳು ಮತ್ತು ನಮ್ಮ ಸೇವೆಗಳನ್ನು ಸುಧಾರಿಸುವ ವಿಧಾನಗಳಿಗಾಗಿ ನಮ್ಮ ತಂಡಗಳು ನಿರಂತರವಾಗಿ ಹೊಸ ವಿಚಾರಗಳನ್ನು ಅನ್ವೇಷಿಸುತ್ತವೆ. ಇದನ್ನು ಮಾಡುವ ಸಲುವಾಗಿ, ಜನರೇಟಿವ್ AI ವೈಶಿಷ್ಟ್ಯಗಳ ಮೂಲಕ ಸೇರಿದಂತೆ, (ಜನರೇಟಿವ್ ಮಾಡೆಲ್‌ಗಳನ್ನು ಬಳಸಿಕೊಂಡು ಪಠ್ಯ, ಚಿತ್ರಗಳು ಅಥವಾ ಇತರ ಮಾಧ್ಯಮವನ್ನು ಸೃಷ್ಟಿಸುವ ಸಾಮರ್ಥ್ಯವಿರುವ ಕೃತಕ ಬುದ್ಧಿಮತ್ತೆ. ಜನರೇಟಿವ್ AI ಮಾಡೆಲ್‌ಗಳು ತಮ್ಮ ಇನ್‌ಪುಟ್ ತರಬೇತಿ ಡೇಟಾದ ಮಾದರಿಗಳು ಮತ್ತು ಸಂರಚನೆಯನ್ನು ಕಲಿಯುತ್ತವೆ ಮತ್ತು ಅದೇ ರೀತಿಯ ಗುಣಲಕ್ಷಣಗಳನ್ನು ಹೊಂದಿರುವ ಹೊಸ ಡೇಟಾವನ್ನು ರಚಿಸುತ್ತವೆ) ನಮ್ಮ ವೈಶಿಷ್ಟ್ಯಗಳು ಮತ್ತು ಸೇವೆಗಳನ್ನು ಕಾರ್ಯನಿರ್ವಹಿಸುವಂತೆ ಮಾಡುವ ಆಲ್ಗಾರಿದಂಗಳು ಮತ್ತು ಮೆಷಿನ್ ಲರ್ನಿಂಗ್ ಮಾಡೆಲ್‌ಗಳನ್ನು (ಮಾದರಿಗಳನ್ನು ಹುಡುಕಲು ಮತ್ತು ಊಹೆಗಳನ್ನು ಮಾಡಲು ಗಮನಾರ್ಹ ಪ್ರಮಾಣದ ಡೇಟಾದ ಮೂಲಕ ಜಾಲಾಡುವ ಆಲ್ಗಾರಿದಂನ ಒಂದು ಎಕ್ಸ್‌ಪ್ರೆಷನ್) ಕೂಡ ನಾವು ಅಭಿವೃದ್ಧಿಪಡಿಸುತ್ತೇವೆ ಮತ್ತು ಸುಧಾರಿಸುತ್ತೇವೆ. ವೈಯಕ್ತಿಕಗೊಳಿಸುವಿಕೆ, ಜಾಹೀರಾತು ನೀಡುವಿಕೆ, ಸುರಕ್ಷತೆ ಮತ್ತು ಭದ್ರತೆ, ನ್ಯಾಯಸಮ್ಮತತೆ ಮತ್ತು ಒಳಗೊಳ್ಳುವಿಕೆ, ವರ್ಧಿತ ವಾಸ್ತವಕ್ಕಾಗಿ ಮತ್ತು ದುರ್ಬಳಕೆ ಅಥವಾ ಸೇವೆಯ ಇತರ ನಿಯಮಗಳ ಉಲ್ಲಂಘನೆಯನ್ನು ತಡೆಯುವುದಕ್ಕಾಗಿ ನಾವು ಆಲ್ಗಾರಿದಂಗಳು ಮತ್ತು ಮೆಷಿನ್ ಲರ್ನಿಂಗ್ ಮಾಡೆಲ್‌ಗಳನ್ನು ಬಳಸುತ್ತೇವೆ. ಉದಾಹರಣೆಗೆ, ನಮ್ಮ ಆಲ್ಗಾರಿದಂಗಳು ಮತ್ತು ಮೆಷಿನ್ ಲರ್ನಿಂಗ್ ಮಾಡೆಲ್‌ಗಳು My AI ನಿಂದ ಪ್ರತಿಕ್ರಿಯೆಗಳನ್ನು ಸುಧಾರಿಸುವ ಸಲುವಾಗಿ My AI ಜೊತೆಗೆ Snapchatter ಗಳು ನಡೆಸುವ ಸಂಭಾಷಣೆಯನ್ನು ಪರಿಗಣನೆಗೆ ತೆಗೆದುಕೊಳ್ಳುತ್ತವೆ.

ನಾವು ಯಾವ ರೀತಿಯ ಸುಧಾರಣೆಗಳನ್ನು ಮಾಡಬೇಕು ಎಂದು ನಿರ್ಧರಿಸಲು ನಿಮ್ಮ ಮಾಹಿತಿಯು ನಮಗೆ ಸಹಾಯ ಮಾಡಬಲ್ಲದು, ಆದರೆ ನಾವು ಯಾವಾಗಲೂ ಗೌಪ್ಯತೆ ಕುರಿತು ಗಮನ ಕೇಂದ್ರೀಕರಿಸಿರುತ್ತೇವೆ — ಮತ್ತು ನಮ್ಮ ವೈಶಿಷ್ಟ್ಯಗಳು ಮತ್ತು ಮಾಡೆಲ್‌ಗಳನ್ನು ಅಭಿವೃದ್ಧಿಪಡಿಸಲು ಅವಶ್ಯಕವಿರುವುದಕ್ಕಿಂತ ಹೆಚ್ಚು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಬಳಸಲು ನಾವು ಬಯಸುವುದಿಲ್ಲ.

ಏನನ್ನು ರೂಪಿಸಬೇಕು ಅಥವಾ ನಮ್ಮ ಸೇವೆಗಳನ್ನು ಸುಧಾರಿಸುವುದು ಹೇಗೆ ಎಂದು ಅರ್ಥಮಾಡಿಕೊಳ್ಳುವ ಸಲುವಾಗಿ, ನಮ್ಮ ವೈಶಿಷ್ಟ್ಯಗಳಿಗೆ ನಾವು ಟ್ರೆಂಡ್‌ಗಳು ಮತ್ತು ಬೇಡಿಕೆಗಳನ್ನು ಅರ್ಥಮಾಡಿಕೊಳ್ಳಬೇಕು. ಉದಾಹರಣೆಗೆ, ಒಂದು ಗುಂಪಿನ ಗರಿಷ್ಠ ಗಾತ್ರದಂತಹ, ಗುಂಪು ಚಾಟ್‌ ವೈಶಿಷ್ಟ್ಯದ ಭಾಗಗಳಲ್ಲಿ ನಾವು ಬದಲಾವಣೆ ಮಾಡಬೇಕೇ ಎಂದು ನಿರ್ಧರಿಸಲು ಸಹಾಯ ಪಡೆದುಕೊಳ್ಳುವುದಕ್ಕೆ ಗುಂಪು ಚಾಟ್ ಬಳಕೆಯ ಕುರಿತ ಮೆಟಾಡೇಟಾ ಮತ್ತು ಪ್ರವೃತ್ತಿಗಳ ಮೇಲೆ ನಾವು ನಿಗಾ ವಹಿಸುತ್ತೇವೆ. Snapchatter ಗಳಿಂದ ಡೇಟಾ ಅಧ್ಯಯನ ಮಾಡುವುದು ಸೇವೆಗಳನ್ನು ಜನರು ಬಳಸುತ್ತಿರುವ ವಿಧಾನಗಳಲ್ಲಿನ ಪ್ರವೃತ್ತಿಗಳನ್ನು ನೋಡಲು ನಮಗೆ ಸಹಾಯ ಮಾಡಬಹುದು. ಇದು Snapchat ಅನ್ನು ಬೃಹತ್ ಪ್ರಮಾಣದಲ್ಲಿ ಸುಧಾರಿಸಲು ನಮಗೆ ಸ್ಫೂರ್ತಿ ನೀಡುತ್ತದೆ. ಟ್ರೆಂಡ್‌ಗಳು ಮತ್ತು ಬಳಕೆಯನ್ನು ಗುರುತಿಸಲು, ನಿಗಾವಹಿಸಲು ಮತ್ತು ವಿಶ್ಲೇಷಿಸಲು ನಾವು ವಿಶ್ಲೇಷಣೆಗಳನ್ನು ಮಾಡುತ್ತೇವೆ. ಈ ಮಾಹಿತಿಯನ್ನು ಆಧರಿಸಿ, ಇತರ ವಿಷಯಗಳ ಜೊತೆಗೆ ಬೇಡಿಕೆಯನ್ನು ಅರ್ಥಮಾಡಿಕೊಳ್ಳಲು ನಮಗೆ ಸಹಾಯ ಪಡೆದುಕೊಳ್ಳುವುದಕ್ಕಾಗಿ ನಾವು ನಮ್ಮ ಬಳಕೆದಾರರ ಕುರಿತ ಮಾಹಿತಿಯನ್ನು ರಚಿಸುತ್ತೇವೆ.

ಸಾಮಾನ್ಯ ಗ್ರಾಹಕ ಹಿತಾಸಕ್ತಿಗಳು, ಪ್ರವೃತ್ತಿಗಳನ್ನು ಮತ್ತು ನೀವು ಮತ್ತು ನಿಮ್ಮ ಸಮುದಾಯದಲ್ಲಿನ ಇತರರು ಸೇವೆಗಳನ್ನು ಹೇಗೆ ಬಳಸುತ್ತಿದ್ದೀರಿ ಎಂದು ಇನ್ನಷ್ಟು ಉತ್ತಮವಾಗಿ ಅರ್ಥಮಾಡಿಕೊಳ್ಳಲು ನಾವು ಸಂಶೋಧನೆಯನ್ನು ನಡೆಸುತ್ತೇವೆ. ವಿಶ್ಲೇಷಕಗಳ (ನಾವು ಮೇಲೆ ವಿವರಿಸಿರುವಂತೆ) ಜೊತೆಗೆ ಈ ಮಾಹಿತಿಯು, ನಮ್ಮ ಸಮುದಾಯದ ಕುರಿತು ಮತ್ತು ನಮ್ಮ ನಮ್ಮ ಸಮುದಾಯದಲ್ಲಿ ಇರುವವರ ಬದುಕಿನಲ್ಲಿ ನಮ್ಮ ಸೇವೆಗಳು ಹೇಗೆ ಹೊಂದಿಕೊಳ್ಳುತ್ತವೆ ಎನ್ನುವ ಕುರಿತು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತವೆ. ಹೊಸ ತಂತ್ರಗಳು ಮತ್ತು ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸಲು ನಾವು ಸಂಶೋಧನೆ ಮತ್ತು ಅಭಿವೃದ್ಧಿಯಲ್ಲಿಯೂ ತೊಡಗಿಕೊಳ್ಳುತ್ತೇವೆ (ಉದಾ., ಹೊಸ ಮೆಷಿನ್ ಲರ್ನಿಂಗ್ ಮಾಡೆಲ್‌ಗಳು ಅಥವಾ Spectacles ರೀತಿಯ ಹಾರ್ಡ್‌ವೇರ್). ನಮ್ಮ ಸಂಶೋಧನೆಯ ಫಲಿತಾಂಶಗಳನ್ನು ಕೆಲವೊಮ್ಮೆ Snapchat ನಲ್ಲಿನ ವೈಶಿಷ್ಟ್ಯಗಳಲ್ಲಿ ಬಳಸಲಾಗುತ್ತದೆ ಮತ್ತು ಒಟ್ಟಾರೆ ನಡವಳಿಕೆಗಳು ಮತ್ತು ಗ್ರಾಹಕ ಪ್ರವೃತ್ತಿಗಳಂತಹ ಸಂಗತಿಗಳ ಕುರಿತು ನಾವು ಕೆಲವೊಮ್ಮೆ ವರದಿಗಳನ್ನು ಪ್ರಕಟಿಸುತ್ತೇವೆ (ಇದು ನಮ್ಮ ಬಳಕೆದಾರ ನೆಲೆಯಾದ್ಯಂತ ಒಟ್ಟುಗೂಡಿಸಿದ ಡೇಟಾವನ್ನು ಮಾತ್ರ ಹೊಂದಿರುತ್ತದೆ ಮತ್ತು ನಿರ್ದಿಷ್ಟವಾಗಿ ನಿಮ್ಮ ಕುರಿತ ಯಾವುದೇ ಖಾಸಗಿ ಮಾಹಿತಿಯನ್ನು ಒಳಗೊಂಡಿರುವುದಿಲ್ಲ).

ನಮ್ಮ ಸೇವೆಗಳ ಸುರಕ್ಷತೆ ಮತ್ತು ಭದ್ರತೆಯನ್ನು ಹೆಚ್ಚಿಸಲು, Snapchatter ಗುರುತನ್ನು ಪರಿಶೀಲಿಸಲು ಮತ್ತು ವಂಚನೆ ಮತ್ತು ಇತರ ಅನಧಿಕೃತ ಅಥವಾ ಅಕ್ರಮ ಚಟುವಟಿಕೆಯನ್ನು ತಡೆಯಲು ನಾವು ನಿಮ್ಮ ಮಾಹಿತಿಯನ್ನು ಬಳಸುತ್ತೇವೆ. ಉದಾಹರಣೆಗೆ, ನಿಮ್ಮ ಖಾತೆಯನ್ನು ರಕ್ಷಿಸಲು ಸಹಾಯ ಮಾಡುವುದಕ್ಕಾಗಿ ನಾವು ಎರಡು-ಅಂಶಗಳ ದೃಢೀಕರಣವನ್ನು ಒದಗಿಸುತ್ತೇವೆ ಮತ್ತು ಯಾವುದೇ ಸಂದೇಹಾಸ್ಪದ ಚಟುವಟಿಕೆಯನ್ನು ನಾವು ಗಮನಿಸಿದರೆ ನಿಮಗೆ ಇಮೇಲ್ ಅಥವಾ ಪಠ್ಯ ಸಂದೇಶಗಳನ್ನು ಕಳುಹಿಸಬಹುದು. Snapchat ‌ನಲ್ಲಿ ಕಳುಹಿಸಿದ URL ಗಳನ್ನು ಸಹ ಸ್ಕ್ಯಾನ್ ಮಾಡುತ್ತೇವೆ ಮತ್ತು ಒಂದುವೇಳೆ ಆ ವೆಬ್‌ಪುಟವು ಹಾನಿಕಾರಕವಾಗಿದ್ದಲ್ಲಿ, ನಾವು ಅದರ ಬಗ್ಗೆ ನಿಮಗೆ ಎಚ್ಚರಿಕೆ ನೀಡಬಹುದು.

ಕೆಲವೊಮ್ಮೆ ಹೊಸ ಅಥವಾ ಅಸ್ತಿತ್ವದಲ್ಲಿರುವ ವೈಶಿಷ್ಟ್ಯಗಳನ್ನು ಪ್ರಚಾರ ಮಾಡುವುದಕ್ಕಾಗಿ ನಾವು ನಿಮ್ಮನ್ನು ಸಂಪರ್ಕಿಸುತ್ತೇವೆ. ಇದು Snapchat, ಇಮೇಲ್, SMS ಅಥವಾ ಅನುಮತಿಸಿರುವಲ್ಲಿ, ಇತರ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ಸ್ ಮೂಲಕ Snapchatter ಗಳಿಗೆ ಸಂವಹನಗಳನ್ನು ಕಳುಹಿಸುವುದನ್ನು ಒಳಗೊಂಡಿದೆ. ಉದಾಹರಣೆಗೆ, ನಿಮಗೆ ಆಸಕ್ತಿಕರವಾಗಿರಬಹುದು ಎಂದು ನಾವು ಭಾವಿಸುವ ನಮ್ಮ ಸೇವೆಗಳು ಮತ್ತು ಪ್ರಚಾರ ಆಫರ್‌ಗಳ ಕುರಿತ ಮಾಹಿತಿಯನ್ನು ಹಂಚಿಕೊಳ್ಳಲು ನಾವು Snapchat ಆ್ಯಪ್, ಇಮೇಲ್, SMS ಅಥವಾ ಇತರ ಮೆಸೇಜಿಂಗ್ ಪ್ಲ್ಯಾಟ್‌ಫಾರ್ಮ್ಸ್ ಅನ್ನು ಬಳಸಬಹುದು.

ಬೇರೆ ಸಮಯಗಳಲ್ಲಿ, ಮಾಹಿತಿ, ಅಲರ್ಟ್‌ಗಳನ್ನು ನೀಡಲು ಅಥವಾ ನಮ್ಮ ಬಳಕೆದಾರರ ವಿನಂತಿ ಮೇರೆಗೆ ಅವರಿಗೆ ಸಂದೇಶಗಳನ್ನು ತಲುಪಿಸಲು ನಾವು ನಿಮ್ಮೊಂದಿಗೆ ಸಂವಹನ ನಡೆಸಬೇಕಾಗುತ್ತದೆ. ಖಾತೆ ಸ್ಥಿತಿ ಅಪ್‌ಡೇಟ್‌ಗಳು, ಭದ್ರತಾ ಎಚ್ಚರಿಕೆಗಳು ಮತ್ತು ಚಾಟ್ ಅಥವಾ ಫ್ರೆಂಡ್ ಕೋರಿಕೆ ಜ್ಞಾಪನೆಗಳನ್ನು ತಲುಪಿಸಲು, Snapchat, ಇಮೇಲ್, SMS ಅಥವಾ ಅನುಮತಿಸಿರುವಲ್ಲಿ ಇತರ ಮೆಸೇಜಿಂಗ್ ಪ್ಲ್ಯಾಟ್‌ಫಾರ್ಮ್ಸ್ ಮೂಲಕ ಸಂವಹನಗಳನ್ನು ಕಳುಹಿಸುವುದನ್ನು ಇದು ಒಳಗೊಂಡಿರಬಹುದು; Snapchatter ಗಳಲ್ಲದವರಿಗೆ ಆಹ್ವಾನಗಳನ್ನು ಅಥವಾ Snapchat ವಿಷಯವನ್ನು ಕಳುಹಿಸುವಂತೆ ನಮ್ಮ ಬಳಕೆದಾರರು ಮಾಡಿದ ವಿನಂತಿಗಳನ್ನು ಪೂರೈಸುವುದನ್ನು ಸಹ ಇದು ಒಳಗೊಂಡಿರಬಹುದು.

ನೀವು ಸಹಾಯಕ್ಕಾಗಿ ಕೇಳಿದಾಗ, ಸಾಧ್ಯವಿರುವಷ್ಟು ಬೇಗ ನಿಮಗೆ ಬೆಂಬಲ ಒದಗಿಸಲು ನಾವು ಬಯಸುತ್ತೇವೆ. ನಿಮಗೆ, Snapchatter ಸಮುದಾಯಕ್ಕೆ ಮತ್ತು ನಮ್ಮ ವ್ಯವಹಾರ ಪಾಲುದಾರರಿಗೆ ನಮ್ಮ ಸೇವೆಗಳೊಂದಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಬಗೆಹರಿಸಲು ಅಗತ್ಯವಿರುವ ಸಹಾಯ ಒದಗಿಸುವ ಸಲುವಾಗಿ, ಪ್ರತಿಕ್ರಿಯಿಸಲು ಸಾಮಾನ್ಯವಾಗಿ ನಾವು ಸಂಗ್ರಹಿಸಿದ ಮಾಹಿತಿಯನ್ನು ನಾವು ಬಳಸಬೇಕಾಗುತ್ತದೆ.

ನಮ್ಮ ನಿಯಮಗಳು ಮತ್ತು ಕಾನೂನನ್ನು ಜಾರಿಗೊಳಿಸಲು ನಾವು ಸಂಗ್ರಹಿಸಿದ ಡೇಟಾವನ್ನು ನಾವು ಬಳಸುತ್ತೇವೆ. ಇದು ನಮ್ಮ ನಿಯಮಗಳು, ನೀತಿಗಳು ಅಥವಾ ಕಾನೂನನ್ನು ಉಲ್ಲಂಘಿಸುವ ನಡವಳಿಕೆಯ ವಿರುದ್ಧ ಕ್ರಮ ಜಾರಿಗೊಳಿಸುವುದು, ತನಿಖೆ ಮಾಡುವುದು ಮತ್ತು ವರದಿ ಮಾಡುವುದು, ಕಾನೂನು ಜಾರಿ ಸಂಸ್ಥೆಗಳ ವಿನಂತಿಗಳಿಗೆ ಪ್ರತಿಸ್ಪಂದಿಸುವುದು ಮತ್ತು ಕಾನೂನು ಅಗತ್ಯಗಳ ಅನುಸರಣೆ ಮಾಡುವುದನ್ನು ಒಳಗೊಂಡಿದೆ. ಉದಾಹರಣೆಗೆ, ನಮ್ಮ ಸೇವೆಗಳಲ್ಲಿ ಕಾನೂನುಬಾಹಿರ ವಿಷಯವನ್ನು ಪೋಸ್ಟ್ ಮಾಡಿದಾಗ, ನಾವು ನಮ್ಮ ನಿಯಮಗಳು ಮತ್ತು ಇತರ ನೀತಿಗಳನ್ನು ಜಾರಿಗೊಳಿಸಬೇಕಾಗಬಹುದು. ಕೆಲವು ಪ್ರಕರಣಗಳಲ್ಲಿ, ಕಾನೂನು ಜಾರಿ ಸಂಸ್ಥೆಗಳ ವಿನಂತಿಗಳೊಂದಿಗೆ ಸಹಕರಿಸಲು, ಕಾನೂನು ಜಾರಿ ಸಂಸ್ಥೆಗಳು, ಉದ್ಯಮ ಪಾಲುದಾರರು ಅಥವಾ ಇತರರಿಗೆ ಸುರಕ್ಷತಾ ವಿಷಯಗಳ ಕುರಿತು ದೂರು ಸಲ್ಲಿಸಲು ಅಥವಾ ನಮ್ಮ ಕಾನೂನು ಬಾಧ್ಯತೆಗಳ ಅನುಸರಣೆ ಮಾಡಲು ಕೂಡ ನಾವು ನಿಮ್ಮ ಮಾಹಿತಿಯನ್ನು ಬಳಸಬಹುದು ಅಥವಾ ಹಂಚಿಕೊಳ್ಳಬಹುದು. ಇನ್ನಷ್ಟು ತಿಳಿದುಕೊಳ್ಳಲು ನಮ್ಮ ಪಾರದರ್ಶಕತೆಯ ವರದಿ ಪರಿಶೀಲಿಸಿ.

ನಾವು ಯಾರೊಂದಿಗೆ ಮಾಹಿತಿಯನ್ನು ಹಂಚಿಕೊಳ್ಳುತ್ತೇವೆ, ಮಾಹಿತಿ ಏನನ್ನು ಒಳಗೊಂಡಿರಬಹುದು ಮತ್ತು ಮಾಹಿತಿಯನ್ನು ಸಂಗ್ರಹಿಸಿದ ದೇಶದಿಂದ ಹೊರಗೆ ಅದನ್ನು ಯಾವಾಗ ವರ್ಗಾಯಿಸಬೇಕಾಗುತ್ತದೆ ಎನ್ನುವುದು ಸೇರಿದಂತೆ, ಆ ಮಾಹಿತಿಯನ್ನು ಹಂಚಿಕೊಳ್ಳುವುದಕ್ಕೆ ಕಾರಣಗಳನ್ನು ಈ ವಿಭಾಗವು ವಿವರಿಸುತ್ತದೆ.

• Snapchat. ನಿಮಗೆ ಮತ್ತು ನಮ್ಮ ಸಮುದಾಯಕ್ಕೆ ನಮ್ಮ ಸೇವೆಗಳನ್ನು ಒದಗಿಸಲು, Snapchat ನಲ್ಲಿ ನಿಮ್ಮ ಸ್ನೇಹಿತರೊಂದಿಗೆ ಅಥವಾ ಇತರ Snapchatter ಗಳ ಜೊತೆಗೆ ನಾವು ಮಾಹಿತಿಯನ್ನು ಹಂಚಿಕೊಳ್ಳಬಹುದು. ಉದಾಹರಣೆಗೆ, ನೀವು ಅವಕಾಶ ನೀಡಿದರೆ, ಕಥೆಗಳಲ್ಲಿ ನೀವು ಪೋಸ್ಟ್ ಮಾಡುವ ವಿಷಯವನ್ನು ನಿಮ್ಮ ಸ್ನೇಹಿತರು ನೋಡಬಹುದು. ಯಾರು ಏನನ್ನು ಮತ್ತು ಯಾವಾಗ ನೋಡುತ್ತಾರೆ ಎನ್ನುವುದರ ಮೇಲೆ ನೀವು ಹೊಂದಿರುವ ನಿಯಂತ್ರಣಗಳಿಗಾಗಿ ನಿಮ್ಮ ಮಾಹಿತಿಯ ಮೇಲೆ ನಿಯಂತ್ರಣ ಮತ್ತು ನಿಮ್ಮ ಸೆಟ್ಟಿಂಗ್‌ಗಳನ್ನು ನೋಡಿ.

• ಕೌಟುಂಬಿಕ ಕೇಂದ್ರದಲ್ಲಿ ಭಾಗವಹಿಸುವವರು. ನೀವು ಕೌಟುಂಬಿಕ ಕೇಂದ್ರವನ್ನು ಸಕ್ರಿಯಗೊಳಿಸಿದಾಗ, ಖಾತೆಯನ್ನು ಹೇಗೆ ಬಳಸಲಾಗುತ್ತಿದೆ ಎನ್ನುವ ಕುರಿತು ಒಳನೋಟಗಳನ್ನು ಒದಗಿಸಲು ಸಂಪರ್ಕಿತ ಖಾತೆಯ ಕುರಿತು ನಾವು ಮಾಹಿತಿಯನ್ನು ಹಂಚಿಕೊಳ್ಳುತ್ತೇವೆ, ಉದಾಹರಣೆಗೆ, Snapchat ನಲ್ಲಿ ನಿಮ್ಮ ಸ್ನೇಹಿತರು ಯಾರು ಎನ್ನುವ ಮಾಹಿತಿ. ಸಂದೇಶದ ವಿಷಯವನ್ನು ನಾವು ಹಂಚಿಕೊಳ್ಳುವುದಿಲ್ಲ. ಇನ್ನಷ್ಟು ತಿಳಿಯಿರಿ.

• ಸಾರ್ವಜನಿಕರು. Snapchat ನಲ್ಲಿನ ಬಹುತೇಕ ವೈಶಿಷ್ಟ್ಯಗಳು ಖಾಸಗಿ ಮತ್ತು ಸ್ನೇಹಿತರಿಗಾಗಿ ಮಾತ್ರ ಆಗಿವೆ, ಆದರೆ ಜಗತ್ತಿಗೆ ನಿಮ್ಮ ಅತ್ಯುತ್ತಮ Snap ಗಳನ್ನು ಪ್ರದರ್ಶಿಸಲು ಆಯ್ಕೆ ಮಾಡಿಕೊಳ್ಳುವುದಕ್ಕೆ ನಿಮಗೆ ಅವಕಾಶ ಕಲ್ಪಿಸುವ ಸಾರ್ವಜನಿಕ ವೈಶಿಷ್ಟ್ಯಗಳನ್ನು ಕೂಡ ನಾವು ಒದಗಿಸುತ್ತೇವೆ, ಉದಾಹರಣೆಗೆ ಸ್ಪಾಟ್‌ಲೈಟ್, Snap ಮ್ಯಾಪ್, ಸಮುದಾಯ ಕಥೆಗಳು ಅಥವಾ ನಿಮ್ಮ ಸಾರ್ವಜನಿಕ ಪ್ರೊಫೈಲ್. ನೀವು ಇದನ್ನು ಮಾಡಿದಾಗ, ಆ Snap ಗಳು Snapchat ಹೊರಗಡೆ ಕೂಡ ಕಂಡುಹಿಡಿಯಲ್ಪಡಬಹುದು, ಉದಾಹರಣೆಗೆ ವೆಬ್‌ನಲ್ಲಿ. ನಿಮ್ಮ ಬಳಕೆದಾರರ ಹೆಸರು ಮತ್ತು Bitmoji ಯಂತಹ ಕೆಲವು ಮಾಹಿತಿಯು ಸಾರ್ವಜನಿಕರಿಗೆ ಕಾಣಿಸುತ್ತದೆ.

• ತೃತೀಯ-ಪಕ್ಷದ ಆ್ಯಪ್‌ಗಳು. ಕೆಲವೊಮ್ಮೆ ನಾವು ತೃತೀಯ-ಪಕ್ಷಗಳೊಂದಿಗೆ ಸಂಪರ್ಕಗೊಳ್ಳಲು ನಿಮಗೆ ಅನುಮತಿಸುವ ವೈಶಿಷ್ಟ್ಯಗಳನ್ನು ಒದಗಿಸುತ್ತೇವೆ. ನಿಮ್ಮ Snapchat ಖಾತೆಯನ್ನು ತೃತೀಯ-ಪಕ್ಷದ ಆ್ಯಪ್‌ನೊಂದಿಗೆ ಸಂಪರ್ಕಿಸಲು ನೀವು ಬಯಸಿದರೆ, ನೀವು ನಮಗೆ ನಿರ್ದೇಶಿಸುವ ಯಾವುದೇ ಹೆಚ್ಚುವರಿ ಮಾಹಿತಿಯನ್ನು ನಾವು ಹಂಚಿಕೊಳ್ಳುತ್ತೇವೆ.

• ಸೇವಾ ಪೂರೈಕೆದಾರರು. ನಮ್ಮ ಪರವಾಗಿ ನಿಮ್ಮ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸುವ ನಮ್ಮ ಸೇವಾ ಪೂರೈಕೆದಾರರ ಜೊತೆಗೆ, ನಾವು ನಿಮ್ಮ ಚಟುವಟಿಕೆಯ ಕುರಿತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇವೆ.  ಉದಾಹರಣೆಗೆ, ಪಾವತಿಗಳನ್ನು ಒದಗಿಸಲು ಅಥವಾ ಜಾಹೀರಾತುಗಳ ಕಾರ್ಯಕ್ಷಮತೆಯನ್ನು ಅಳೆಯಲು ಮತ್ತು ಉತ್ತಮಗೊಳಿಸಲು ಅಂತಹ ಸೇವಾ ಪೂರೈಕೆದಾರರ ಮೇಲೆ ನಾವು ಅವಲಂಬಿತರಾಗಿದ್ದೇವೆ. ಅವರೊಂದಿಗೆ ನಾವು ಖಾಸಗಿ ಸಂವಹನಗಳನ್ನು ಹಂಚಿಕೊಳ್ಳುವುದಿಲ್ಲ. ಸೇವಾ ಪೂರೈಕೆದಾರರ ವರ್ಗಗಳ ಪಟ್ಟಿಯನ್ನು ನಾವು ಇಲ್ಲಿ ನಿರ್ವಹಿಸುತ್ತೇವೆ.

• ವ್ಯವಹಾರ ಮತ್ತು ಏಕೀಕೃತ ಪಾಲುದಾರರು. ಸೇವೆಗಳನ್ನು ಒದಗಿಸುವ ಸಲುವಾಗಿ ವ್ಯವಹಾರ ಮತ್ತು ಏಕೀಕೃತ ಪಾಲುದಾರರೊಂದಿಗೆ ನಿಮ್ಮ ಚಟುವಟಿಕೆಯ ಕುರಿತ ಮಾಹಿತಿಯನ್ನು ನಾವು ಹಂಚಿಕೊಳ್ಳುತ್ತೇವೆ. ಉದಾಹರಣೆಗೆ, ಒಂದು ಟೇಬಲ್ ಕಾಯ್ದಿರಿಸಲು Snapchat ಒಳಗೆ ನೀವು OpenTable ಬಳಸಬಹುದು. ಇದು ಖಾಸಗಿ ಸಂವಹನಗಳನ್ನು ಒಳಗೊಳ್ಳುವುದಿಲ್ಲ. ಈ ಪಾಲುದಾರರ ಪಟ್ಟಿಯನ್ನು ನಾವು ಇಲ್ಲಿ ನಿರ್ವಹಿಸುತ್ತೇವೆ.

• ವಂಚನೆ-ತಡೆ ಪಾಲುದಾರರು. ನಿಮ್ಮ ಸಾಧನ ಮತ್ತು ಬಳಕೆಯ ಮಾಹಿತಿಯಂತಹ ನಿಮ್ಮ ಚಟುವಟಿಕೆಯ ಕುರಿತ ಮಾಹಿತಿಯನ್ನು ನಾವು ವಂಚನೆಯನ್ನು ತಡೆಯಲು ಕಾರ್ಯನಿರ್ವಹಿಸುತ್ತಿರುವ ಉದ್ಯಮ ಪಾಲುದಾರರೊಂದಿಗೆ ಹಂಚಿಕೊಳ್ಳುತ್ತೇವೆ.

• ಕಾನೂನು, ಸುರಕ್ಷತೆ ಮತ್ತು ಭದ್ರತಾ ಪಾಲುದಾರರು. ಈ ಕೆಳಗಿನ ಕಾನೂನು, ಸುರಕ್ಷತೆ ಮತ್ತು ಭದ್ರತಾ ಕಾರಣಗಳಿಗಾಗಿ ಅವಶ್ಯಕವಿರುವಂತೆ ನಿಮ್ಮ ಚಟುವಟಿಕೆಯ ಕುರಿತ ಮಾಹಿತಿಯನ್ನು ನಾವು ಹಂಚಿಕೊಳ್ಳುತ್ತೇವೆ.

  • ಯಾವುದೇ ಮಾನ್ಯವಾದ ಕಾನೂನು ಪ್ರಕ್ರಿಯೆ, ಸರ್ಕಾರದ ವಿನಂತಿ ಅಥವಾ ಅನ್ವಯವಾಗುವ ಕಾನೂನು, ನಿಯಮ ಅಥವಾ ನಿಯಂತ್ರಣದ ಅನುಸರಣೆ ಮಾಡಲು.

  • ಸಂಭಾವ್ಯ ಸೇವೆಯ ನಿಯಮಗಳು ಮತ್ತು ಕಮ್ಯುನಿಟಿ ಮಾರ್ಗಸೂಚಿಗಳ ಉಲ್ಲಂಘನೆಗಳ ತನಿಖೆ, ಪರಿಹಾರೋಪಾಯ ಅಥವಾ ಕ್ರಮ ಜಾರಿ ಮಾಡಲು.

  • ನಮ್ಮ ಮತ್ತು ನಮ್ಮ ಬಳಕೆದಾರರ ಅಥವಾ ಇತರರ ಹಕ್ಕುಗಳು, ಆಸ್ತಿಯ ಸಂರಕ್ಷಣೆ ಅಥವಾ ಸುರಕ್ಷತೆಗಾಗಿ.

  • ಯಾವುದೇ ವಂಚನೆ ಅಥವಾ ಭದ್ರತಾ ಕಾಳಜಿಗಳನ್ನು ಪತ್ತೆ ಮಾಡಿ ಪರಿಹರಿಸಲು.

• ಅಂಗಸಂಸ್ಥೆಗಳು. Snap Inc. ನಮ್ಮ ಮಾಲೀಕತ್ವದ ವಿವಿಧ ಅಂಗಸಂಸ್ಥೆಗಳನ್ನು ಒಳಗೊಂಡಿದೆ.  ನಮ್ಮ ಸೇವೆಯನ್ನು ನೀಡಲು ಅಗತ್ಯವಿರುವಂತೆ ಆಂತರಿಕ ಅಂಗಸಂಸ್ಥೆಗಳ ಒಳಗೆ ನಾವು ನಿಮ್ಮ ಮಾಹಿತಿಯನ್ನು ಹಂಚಿಕೊಳ್ಳಬಹುದು.

• ವಿಲೀನ ಅಥವಾ ಸ್ವಾಧೀನದ ಉದ್ದೇಶಗಳಿಗಾಗಿ. ನಮ್ಮ ವ್ಯವಹಾರವನ್ನು ಖರೀದಿದಾರರಿಗೆ ಅಥವಾ ಸಂಭಾವ್ಯ ಖರೀದಿದಾರನಿಗೆ ನಾವು ಮಾರಾಟ ಅಥವಾ ಮಾರಾಟದ ಮಾತುಕತೆ ನಡೆಸಬೇಕಿದ್ದರೆ, ಆ ವಹಿವಾಟಿನ ಭಾಗವಾಗಿ ಉತ್ತರಾಧಿಕಾರಿ ಅಥವಾ ಅಂಗಸಂಸ್ಥೆಗೆ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನಾವು ವರ್ಗಾಯಿಸಬಹುದು.

ನಮ್ಮ ಏಕೀಕೃತ ಪಾಲುದಾರರು ಒದಗಿಸಿದ ವಿಷಯ ಮತ್ತು ಏಕೀಕರಣಗಳನ್ನು ನಮ್ಮ ಸೇವೆಗಳು ಒಳಗೊಂಡಿರಬಹುದು. ಉದಾಹರಣೆಗಳಲ್ಲಿ ಸ್ಕ್ಯಾನ್ ಫಲಿತಾಂಶಗಳನ್ನು ಒದಗಿಸಲು ಲೆನ್ಸ್‌ಗಳು, ಕ್ಯಾಮೆರಾ ಎಡಿಟಿಂಗ್‌ ಟೂಲ್‌ಗಳಲ್ಲಿ ಏಕೀಕರಣಗಳು ಮತ್ತು ತೃತೀಯ ಪಕ್ಷದ ಡೆವಲಪರ್ ಏಕೀಕರಣಗಳು ಸೇರಿವೆ. ಈ ಏಕೀಕರಣಗಳ ಮೂಲಕ, ನೀವು ಏಕೀಕೃತ ಪಾಲುದಾರ ಹಾಗೂ Snap ಗೆ ಮಾಹಿತಿಯನ್ನು ಒದಗಿಸುತ್ತಿರಬಹುದು. ನಿಮ್ಮ ಮಾಹಿತಿಯನ್ನು ಆ ಪಾಲುದಾರರು ಹೇಗೆ ಸಂಗ್ರಹಿಸುತ್ತಾರೆ ಅಥವಾ ಬಳಸುತ್ತಾರೆ ಎನ್ನುವುದಕ್ಕೆ ನಾವು ಜವಾಬ್ದಾರರಲ್ಲ. ಎಂದಿನಂತೆ, ನಮ್ಮ ಸೇವೆಗಳ ಮೂಲಕ ನೀವು ಸಂವಹನ ನಡೆಸುವ ಆ ತೃತೀಯ ಪಕ್ಷಗಳು ಸೇರಿದಂತೆ ನೀವು ಭೇಟಿ ನೀಡುವ ಅಥವಾ ಬಳಸುವ ಪ್ರತಿ ತೃತೀಯ ಪಕ್ಷದ ಸೇವೆಯ ಗೌಪ್ಯತೆ ನೀತಿಗಳನ್ನು ವಿಮರ್ಶಿಸುವಂತೆ ನಾವು ನಿಮ್ಮನ್ನು ಪ್ರೋತ್ಸಾಹಿಸುತ್ತೇವೆ. Snapchat ನಲ್ಲಿ ನಮ್ಮ ಏಕೀಕರಣಗಳ ಕುರಿತು ನೀವು ಇಲ್ಲಿ ಇನ್ನಷ್ಟನ್ನು ತಿಳಿದುಕೊಳ್ಳಬಹುದು.

ಲೆನ್ಸ್‌ಗಳ ಗುಣಮಟ್ಟವನ್ನು ಸುಧಾರಿಸಲು iOS ನಲ್ಲಿ ನಾವು Apple ನ TrueDepth ಕ್ಯಾಮೆರಾವನ್ನು ಬಳಸುತ್ತೇವೆ. ಅದಾಗ್ಯೂ, ಈ ಮಾಹಿತಿಯನ್ನು ನೈಜ ಸಮಯದಲ್ಲಿ ಬಳಸಲಾಗುತ್ತದೆ — ನಮ್ಮ ಸರ್ವರ್‌ಗಳಲ್ಲಿ ನಾವು ಈ ಮಾಹಿತಿಯನ್ನು ಶೇಖರಿಸುವುದಿಲ್ಲ ಅಥವಾ ತೃತೀಯ ಪಕ್ಷಗಳೊಂದಿಗೆ ಅದನ್ನು ಹಂಚಿಕೊಳ್ಳುವುದಿಲ್ಲ ಎನ್ನುವುದನ್ನು ಗಮನಿಸಿ.

ನಮ್ಮ ಸೇವೆಗಳು ವಿಶ್ವದಾದ್ಯಂತದ ನಿಮ್ಮ ಸ್ನೇಹಿತರೊಂದಿಗೆ ನಿಮ್ಮನ್ನು ಸಂಪರ್ಕಪಡಿಸುತ್ತವೆ. ಅದನ್ನು ಸಾಧ್ಯವಾಗಿಸಲು, ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ಅಥವಾ ನೀವು ವಾಸಿಸುವ ದೇಶದ ಹೊರಗಿನ ದೇಶಗಳಿಂದ ನಾವು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸಬಹುದು, ಅದನ್ನು ವರ್ಗಾಯಿಸಬಹುದು ಮತ್ತು ಶೇಖರಿಸಬಹುದು ಮತ್ತು ಪ್ರಕ್ರಿಯೆಗೊಳಿಸಬಹುದು. ನೀವು ವಾಸಿಸುವ ದೇಶದ ಹೊರಗಿನ ದೇಶಕ್ಕೆ ನಾವು ನಿಮ್ಮ ಮಾಹಿತಿಯನ್ನು ಹಂಚಿಕೊಂಡಾಗಲೆಲ್ಲ, ನೀವು ವಾಸಿಸುವ ದೇಶದ ಕಾನೂನು ಅಗತ್ಯಪಡಿಸಿರುವಂತೆ ಡೇಟಾವನ್ನು ರಕ್ಷಿಸಲು ಸುರಕ್ಷತಾ ಕ್ರಮಗಳು ಜಾರಿಯಲ್ಲಿವೆ ಎಂದು ನಾವು ಖಚಿತಪಡಿಸಿಕೊಳ್ಳುತ್ತೇವೆ. ಇದರ ಕುರಿತು ನೀವು ಇನ್ನಷ್ಟು ತಿಳಿದುಕೊಳ್ಳಲು ಬಯಸಿದರೆ, ಹೆಚ್ಚಿನ ವಿವರಗಳಿಗಾಗಿ ಪ್ರದೇಶ ನಿರ್ದಿಷ್ಟ ಮಾಹಿತಿ ವಿಭಾಗವನ್ನು ನೋಡಿ.

ಈ ವಿಭಾಗದಲ್ಲಿ ನಿಮ್ಮ ಮಾಹಿತಿಯನ್ನು ನಾವು ಎಷ್ಟು ಸಮಯದವರೆಗೆ ಇರಿಸಿಕೊಳ್ಳುತ್ತೇವೆ, ನಾವು ನಿಮ್ಮ ಮಾಹಿತಿಯನ್ನು ಯಾಕಾಗಿ ಇರಿಸಿಕೊಳ್ಳುತ್ತೇವೆ ಎನ್ನುವ ಕುರಿತ ಮಾಹಿತಿಯನ್ನು ನಾವು ನಿಮಗೆ ಒದಗಿಸುತ್ತೇವೆ ಮತ್ತು ಕಾನೂನುಗಳು, ನ್ಯಾಯಾಲಯಗಳು ಮತ್ತು ಇತರ ಬಾಧ್ಯತೆಗಳೊಂದಿಗೆ ಅನುಸರಣೆ ಮಾಡಲು ನಾವು ನಿಮ್ಮ ಮಾಹಿತಿಯನ್ನು ಇರಿಸಿಕೊಳ್ಳಬೇಕಾಗಬಹದು ಎನ್ನುವುದನ್ನೂ ಕೂಡ ನಾವು ಹೈಲೈಟ್ ಮಾಡುತ್ತೇವೆ.

ಸಾಮಾನ್ಯ ನಿಯಮವಾಗಿ, ನೀವು ನಮಗೆ ಹೇಳುವವರೆಗೆ ಮತ್ತು ಇಲ್ಲದಿದ್ದಲ್ಲಿ ನಮ್ಮ ಸೇವೆಗಳನ್ನು ಒದಗಿಸಲು ಅಥವಾ ಕಾನೂನಿನಿಂದ ಅಗತ್ಯಪಡಿಸಿದಂತೆ ನಮಗೆ ಅದು ಅಗತ್ಯವಾಗಿರುವಷ್ಟು ಸಮಯ ನಾವು ಮಾಹಿತಿಯನ್ನು ಇರಿಸಿಕೊಳ್ಳುತ್ತೇವೆ. ಉದಾಹರಣೆಗೆ, ನೆನಪುಗಳಲ್ಲಿ ನೀವು ಏನನ್ನಾದರೂ ಶೇಖರಣೆ ಮಾಡಿದರೆ, ನಿಮಗೆ ಅದು ಅಗತ್ಯವಿರುವ ತನಕ ಅದನ್ನು ನಾವು ಇರಿಸಿಕೊಳ್ಳುತ್ತೇವೆ ಆದರೆ ಒಬ್ಬ ಸ್ನೇಹಿತನೊಂದಿಗೆ ನೀವು ಚಾಟ್ ಮಾಡಿದಾಗ, ನಿಮ್ಮ ಸ್ನೇಹಿತ ಅದನ್ನು ಓದಿದ 24 ಗಂಟೆಗಳ ಒಳಗೆ ನೀವು ಕಳುಹಿಸಿದ (ಅಥವಾ ನಿಮ್ಮ ಸೆಟ್ಟಿಂಗ್‌ಗಳನ್ನು ಆಧರಿಸಿ — ಅದನ್ನು ನೋಡಿದ ಬಳಿಕ ಸ್ವಯಂಚಾಲಿತವಾಗಿ) ಚಾಟ್ ಅನ್ನು ಅಳಿಸುವ ರೀತಿಯಲ್ಲಿ ನಮ್ಮ ಸಿಸ್ಟಂಗಳನ್ನು ವಿನ್ಯಾಸಗೊಳಿಸಲಾಗಿದೆ. ನಾವು ನಿಮ್ಮ ಡೇಟಾವನ್ನು ಇರಿಸಿಕೊಳ್ಳುತ್ತೇವೆಯೇ ಎನ್ನುವುದು ನಿರ್ದಿಷ್ಟ ವೈಶಿಷ್ಟ್ಯ, ನಿಮ್ಮ ಸೆಟ್ಟಿಂಗ್‌ಗಳು ಮತ್ತು ನೀವು ಸೇವೆಗಳನ್ನು ಹೇಗೆ ಬಳಸುತ್ತಿದ್ದೀರಿ ಎನ್ನುವುದನ್ನು ಅವಲಂಬಿಸಿದೆ. ನಿಮ್ಮ ಮಾಹಿತಿಯನ್ನು ಎಷ್ಟು ಸಮಯ ಇರಿಸಿಕೊಳ್ಳಬೇಕು ಎಂದು ನಾವು ನಿರ್ಧರಿಸುವಾಗ ಪರಿಗಣಿಸುವ ಇನ್ನಷ್ಟು ಅಂಶಗಳು ಇಲ್ಲಿವೆ:

• ನಮ್ಮ ಸೇವೆಗಳನ್ನು ಕಾರ್ಯಾಚರಿಸಲು ಅಥವಾ ಒದಗಿಸಲು ನಮಗೆ ಮಾಹಿತಿ ಅಗತ್ಯವಿದ್ದರೆ. ಉದಾಹರಣೆಗೆ, ನಿಮ್ಮ ಖಾತೆಯನ್ನು ನಿರ್ವಹಿಸಲು — ನಿಮ್ಮ ಹೆಸರು, ಫೋನ್ ಸಂಖ್ಯೆ ಮತ್ತು ಇಮೇಲ್‌ ವಿಳಾಸದಂತಹ — ಪ್ರಾಥಮಿಕ ಖಾತೆ ವಿವರಗಳನ್ನು ನಾವು ಶೇಖರಿಸುತ್ತೇವೆ.

• ನಮ್ಮ ಸೇವೆಗಳಿಂದ ನೀವು ನಿರೀಕ್ಷಿಸುವ ಮತ್ತು ಈ ಗೌಪ್ಯತಾ ನೀತಿಯೊಳಗೆ ನಾವು ವಿವರಿಸಿರುವ ಕಾರ್ಯಗಳನ್ನು ಮಾಡಲು. ಉದಾಹರಣೆಗೆ, ನೀವು ಅಳಿಸುವಂತೆ ನಮ್ಮನ್ನು ಕೇಳುವವರೆಗೆ ನಿಮ್ಮ ಸ್ನೇಹಿತರ ಪಟ್ಟಿಯನ್ನು ನಾವು ಇರಿಸಿಕೊಳ್ಳುತ್ತೇವೆ ಏಕೆಂದರೆ ನಿಮ್ಮನ್ನು ಅಭಿವ್ಯಕ್ತಪಡಿಸಲು ಸ್ನೇಹಿತರು ಮುಖ್ಯವಾಗಿದ್ದಾರೆ. ವ್ಯತಿರಿಕ್ತವಾಗಿ, ನೀವು ನಿಮ್ಮ ಡಿಫಾಲ್ಟ್ ಸೆಟ್ಟಿಂಗ್‌ಗಳನ್ನು ಬದಲಾಯಿಸದ್ದಲ್ಲಿ ಅಥವಾ ಏನನ್ನಾದರೂ ಉಳಿಸಲು ನಿರ್ಧರಿಸಿದ್ದಲ್ಲಿ ಆ ಸಂದರ್ಭ ನಾವು ನಿಮ್ಮ ಆಯ್ಕೆಗಳನ್ನು ಗೌರವಿಸುತ್ತೇವೆ, ಅದನ್ನು ಹೊರತುಪಡಿಸಿ Snapchat ನಲ್ಲಿ ಕಳುಹಿಸಿದ Snap ಗಳು ಮತ್ತು ಚಾಟ್‌ಗಳನ್ನು ಎಲ್ಲ ಸ್ವೀಕೃತಿದಾರರು ತೆರೆದಿದ್ದಾರೆ ಅಥವಾ ಅವು ಅವಧಿ ಮೀರಿವೆ ಎಂದು ನಾವು ಪತ್ತೆ ಮಾಡಿದ ಬಳಿಕ 24 ಗಂಟೆಗಳ ಒಳಗೆ ನಮ್ಮ ಸರ್ವರ್‌ಗಳಿಂದ ಡಿಫಾಲ್ಟ್ ಆಗಿ ಅವುಗಳನ್ನು ಅಳಿಸಲಾಗುತ್ತದೆ.

• ಸ್ವತಃ ಮಾಹಿತಿ. ಉದಾಹರಣೆಗೆ, ಸ್ಥಳ ಮಾಹಿತಿಯು ಎಷ್ಟು ನಿಖರವಾಗಿದೆ ಮತ್ತು ನೀವು ಯಾವ ಸೇವೆಗಳನ್ನು ಬಳಸುತ್ತಿದ್ದೀರಿ ಎನ್ನುವುದನ್ನು ಆಧರಿಸಿ ಭಿನ್ನ ಅವಧಿಗಳವರೆಗೆ ನಾವು ಅದನ್ನು ಶೇಖರಿಸುತ್ತೇವೆ. ಒಂದುವೇಳೆ ಸ್ಥಳ ಮಾಹಿತಿಯು Snap ನೊಂದಿಗೆ ಸಹಭಾಗಿಯಾಗಿದ್ದರೆ — ಅವುಗಳು ಮೆಮೊರಿಗಳಲ್ಲಿ ಸೇವ್ ಆಗಿದ್ದರೆ ಅಥವಾ Snap Map ಅಥವಾ Spotlight ನಲ್ಲಿ ಪೋಸ್ಟ್ ಮಾಡಲ್ಪಟ್ಟಿದ್ದರೆ — ನಾವು Snap ಅನ್ನು ಶೇಖರಿಸಿಟ್ಟಿರುವವರೆಗೆ ಆ ಸ್ಥಳವನ್ನು ನಾವು ಉಳಿಸಿಕೊಳ್ಳುತ್ತೇವೆ. ವೃತ್ತಿಪರ ಸಲಹೆ: ನಿಮ್ಮ ಡೇಟಾವನ್ನು ಡೌನ್‌ಲೋಡ್ ಮಾಡುವ ಮೂಲಕ ನಿಮ್ಮ ಕುರಿತು ನಾವು ಉಳಿಸಿಕೊಂಡಿರುವ ಸ್ಥಳ ಡೇಟಾವನ್ನು ನೀವು ನೋಡಬಹುದು.

• ಕೆಲವು ಕಾನೂನು ಬಾಧ್ಯತೆಗಳ ಅನುಸರಣೆ ಮಾಡಲು ಮಾಹಿತಿಯನ್ನು ನಾವು ಎಷ್ಟು ಸಮಯದವರೆಗೆ ಇರಿಸಿಕೊಳ್ಳಬೇಕಾಗುತ್ತದೆ.

• ಹಾನಿಯನ್ನು ತಡೆಯಲು, ನಮ್ಮ ಸೇವೆಯ ನಿಯಮಗಳು ಅಥವಾ ಇತರ ನೀತಿಗಳ ಸಂಭಾವ್ಯ ಉಲ್ಲಂಘನೆಗಳ ತನಿಖೆ ಮಾಡಲು, ದುರ್ಬಳಕೆಯ ವರದಿಗಳನ್ನು ತನಿಖೆ ಮಾಡಲು ಅಥವಾ ನಮ್ಮನ್ನು ಅಥವಾ ಇತರರನ್ನು ರಕ್ಷಿಸಲು ಮುಂತಾದ ಕಾನೂನುಬದ್ಧ ಉದ್ದೇಶಗಳಿಗಾಗಿ ನಮಗೆ ಅದು ಅಗತ್ಯವಿದ್ದರೆ.

• ಉತ್ಪನ್ನಗಳಿಗಾಗಿ ನಿರ್ದಿಷ್ಟ ಉಳಿಸಿಕೊಳ್ಳುವಿಕೆ ಅವಧಿಗಳ ಕುರಿತ ವಿವರಗಳಿಗಾಗಿ ನಮ್ಮ ಉತ್ಪನ್ನದ ಪ್ರಕಾರ ಗೌಪ್ಯತೆ ಪುಟ ಮತ್ತು ಬೆಂಬಲ ಪುಟವನ್ನು ಪರಿಶೀಲಿಸಿ.

ನಿಮ್ಮ ಕೆಲವು ಮಾಹಿತಿಯನ್ನು ಸ್ವಯಂಚಾಲಿತವಾಗಿ ಅಳಿಸುವಂತೆ ನಮ್ಮ ಸಿಸ್ಟಂಗಳನ್ನು ವಿನ್ಯಾಸಗೊಳಿಸಲಾಗಿದ್ದರೂ ಸಹ, ನಿರ್ದಿಷ್ಟ ಸಮಯದೊಳಗೆ ಅಳಿಸುವಿಕೆ ಮಾಡಲಾಗುತ್ತದೆ ಎಂದು ನಾವು ಭರವಸೆ ನೀಡಲಾಗದು.

ಕೆಲವು ಪ್ರಕರಣಗಳಲ್ಲಿ ನಾವು ಕಾನೂನು ಅಗತ್ಯಗಳ ಅನುಸರಣೆ ಮಾಡುವ ಸಲುವಾಗಿ ನಿಮ್ಮ ಡೇಟಾವನ್ನು ಶೇಖರಣೆ ಮಾಡಬೇಕಾಗುತ್ತದೆ, ಇದು ನಿಮ್ಮ ಮಾಹಿತಿಯನ್ನು ಅಳಿಸದಂತೆ ನಮ್ಮನ್ನು ತಡೆಯುತ್ತದೆ. ಉದಾಹರಣೆಗೆ, ನಿಮ್ಮ ವಿಷಯದ ನಕಲನ್ನು ಇರಿಸಿಕೊಳ್ಳುವಂತೆ ಕೋರಿ ನ್ಯಾಯಾಲಯದಿಂದ ನಾವು ಸೂಚನೆಯನ್ನು ಸ್ವೀಕರಿಸಿದರೆ. ನಿಮ್ಮ ಡೇಟಾದ ಪ್ರತಿಯನ್ನು ನಾವು ಇರಿಸಿಕೊಳ್ಳಬೇಕಾಗುವ ಇತರ ಕಾರಣಗಳಲ್ಲಿ ದುರ್ಬಳಕೆ ಅಥವಾ ಇತರ ನಿಯಮಗಳು ಅಥವಾ ನೀತಿಗಳ ಉಲ್ಲಂಘನೆಗಳ ವರದಿಗಳನ್ನು ನಾವು ಸ್ವೀಕರಿಸಿದರೆ, ನಿಮ್ಮ ಖಾತೆ, ನೀವು ರಚಿಸಿದ ವಿಷಯ ಅಥವಾ ಇತರ Snapchatter ಗಳ ಜೊತೆ ನೀವು ರಚಿಸಿದ ವಿಷಯವನ್ನು ದುರ್ಬಳಕೆ ಅಥವಾ ಇತರ ನಿಯಮಗಳು ಅಥವಾ ನೀತಿ ಉಲ್ಲಂಘನೆಗಳಿಗಾಗಿ ಇತರರು ಅಥವಾ ನಮ್ಮ ಸಿಸ್ಟಂಗಳು ವರದಿ ಮಾಡಿದರೆ. ಅಂತಿಮವಾಗಿ, ಸೀಮಿತ ಅವಧಿಯವರೆಗೆ ಅಥವಾ ಕಾನೂನಿನಿಂದ ಅಗತ್ಯಪಡಿಸಿರುವಂತೆ ಒಂದಿಷ್ಟು ಮಾಹಿತಿಯನ್ನು ನಾವು ಬ್ಯಾಕಪ್‌ನಲ್ಲಿಯೂ ಇರಿಸಬಹುದು.

ವಿವಿಧ ರೀತಿಯ ವಿಷಯವನ್ನು ನಾವು ಎಷ್ಟು ಸಮಯದವರೆಗೆ ಶೇಖರಿಸುತ್ತೇವೆ ಎನ್ನುವ ಕುರಿತ ಇತ್ತೀಚಿನ ಮಾಹಿತಿಗಾಗಿ ನಮ್ಮ ಗ್ರಾಹಕ ಸೇವಾ ಸೈಟ್ ಪರಿಶೀಲಿಸಿ.

ನೀವು ವಾಸಿಸುವ ಸ್ಥಳವನ್ನು ಅವಲಂಬಿಸಿ, ನೀವು ಹೆಚ್ಚುವರಿ ಹಕ್ಕುಗಳನ್ನು ಹೊಂದಿರಬಹುದು, ಈ ವಿಭಾಗವು ಪ್ರದೇಶ ನಿರ್ದಿಷ್ಟವಾದ ಮಾಹಿತಿಯ ಕುರಿತು ಇನ್ನಷ್ಟು ವಿವರಗಳನ್ನು ಒದಗಿಸುತ್ತದೆ.

ನಮ್ಮ ನೀತಿಗಳನ್ನು ಸಾಧ್ಯವಾದಷ್ಟು ಸರಳವಾಗಿ ಇರಿಸಲು ನಾವು ನಮ್ಮ ಅತ್ಯುತ್ತಮ ಪ್ರಯತ್ನ ಮಾಡುತ್ತೇವೆ, ಆದರೆ ನೀವು ಎಲ್ಲಿ ವಾಸಿಸುತ್ತಿದ್ದೀರಿ ಎನ್ನುವುದನ್ನು ಅವಲಂಬಿಸಿ ನೀವು ಒಂದಿಷ್ಟು ಹೆಚ್ಚುವರಿ ಹಕ್ಕುಗಳನ್ನು ಹೊಂದಿರಬಹುದು ಅಥವಾ ನೀವು ತಿಳಿದುಕೊಳ್ಳಬೇಕಾದ ನಿರ್ದಿಷ್ಟ ಮಾಹಿತಿ ಇರಬಹುದು. ಯಾವುದಾದರೂ ನಿಮಗೆ ಅನ್ವಯಿಸುತ್ತದೆಯೇ ಎಂದು ನೋಡಲು ದಯವಿಟ್ಟು ಕೆಳಗಿನ ಪಟ್ಟಿಯನ್ನು ಪರಿಶೀಲಿಸಿ!

• ಬ್ರೆಝಿಲ್ 🇧🇷

• ಕೆನಡಾ 🇨🇦

• ಯುರೋಪ್ 🇪🇺

• ಮೆಕ್ಸಿಕೋ 🇲🇽

• ರಿಪಬ್ಲಿಕ್ ಆಫ್ ಕೊರಿಯಾ 🇰🇷

• ಟರ್ಕಿ 🇹🇷

• ಯುನೈಟೆಡ್ ಸ್ಟೇಟ್ಸ್ 🇺🇸

  • ಗಮನಿಸಿ: ನೀವು ರಾಜ್ಯ ಮಟ್ಟದ ಗೌಪ್ಯತೆ ಕಾನೂನುಗಳನ್ನು ಅನುಷ್ಠಾನಗೊಳಿಸಿರುವ ಕೆಲವು U.S. ರಾಜ್ಯಗಳ ನಿವಾಸಿಯಾಗಿದ್ದರೆ ಮಾತ್ರ U.S. ರಾಜ್ಯದ ಗೌಪ್ಯತೆ ಸೂಚನೆ ಅನ್ವಯಿಸುತ್ತದೆ.

ನಿರ್ದಿಷ್ಟ ಉದ್ದೇಶಗಳಿಗಾಗಿ ಡೇಟಾ ಪ್ರಕ್ರಿಯೆಗೊಳಿಸುವುದಕ್ಕಾಗಿ ನಮ್ಮ ಕಾನೂನು ಆಧಾರಗಳನ್ನು ನಾವು ತಿಳಿಸುವುದನ್ನುಕೆಲವು ಅಧಿಕಾರವ್ಯಾಪ್ತಿಗಳು ಅಗತ್ಯವಾಗಿಸುತ್ತವೆ. ಆ ಮಾಹಿತಿಯನ್ನು ನೀವು ಇಲ್ಲಿ ನೋಡಬಹುದು.

ನಮ್ಮ ಸೇವೆಗಳನ್ನು 13 ವರ್ಷಗಳು ಮತ್ತು ಹೆಚ್ಚಿನ ವಯಸ್ಸಿನ ವ್ಯಕ್ತಿಗಳಿಗೆ ಉದ್ದೇಶಿಸಲಾಗಿದೆ.

ನಮ್ಮ ಸೇವೆಗಳನ್ನು 13 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗಾಗಿ ಉದ್ದೇಶಿಸಿಲ್ಲ ಮತ್ತು ಒಂದು ಖಾತೆ ರಚಿಸಲು ಮತ್ತು ನಮ್ಮ ಸೇವೆಗಳನ್ನು ಬಳಸಲು ನೀವು 13 ವರ್ಷ ಅಥವಾ ಹೆಚ್ಚಿನ ವಯಸ್ಸಿನವರು ಎನ್ನುವುದನ್ನು ನೀವು ದೃಢೀಕರಿಸಬೇಕು. ನೀವು 13 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದೀರಿ (ಅಥವಾ ನಿಮ್ಮ ರಾಜ್ಯ, ಪ್ರಾಂತ್ಯ ಅಥವಾ ದೇಶದಲ್ಲಿ ಒಂದು ವೇಳೆ ಈ ವಯೋ ಮಾನದಂಡ ಹೆಚ್ಚಿನದಾಗಿದ್ದರೆ, ಪೋಷಕರ ಸಮ್ಮತಿಯಿಲ್ಲದೆ ಒಬ್ಬ ವ್ಯಕ್ತಿ ಸೇವೆಗಳನ್ನು ಬಳಸಬಹುದಾದ ಕನಿಷ್ಟ ವಯಸ್ಸಿಗಿಂತ ನೀವು ಸಣ್ಣವರಾಗಿದ್ದೀರಿ) ಎನ್ನುವ ಕುರಿತು ನಮಗೆ ನಿಜವಾದ ಅರಿವು ಇದ್ದರೆ, ನಿಮಗೆ ಸೇವೆಗಳನ್ನು ಒದಗಿಸುವುದನ್ನು ನಾವು ನಿಲ್ಲಿಸುತ್ತೇವೆ ಮತ್ತು ನಿಮ್ಮ ಖಾತೆ ಮತ್ತು ಡೇಟಾವನ್ನು ಅಳಿಸುತ್ತೇವೆ.

ಇದರ ಜೊತೆಗೆ, 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ Snapchatter ಗಳ ಒಂದಿಷ್ಟು ಮಾಹಿತಿಯನ್ನು ಸಂಗ್ರಹಿಸುವ, ಬಳಸುವ ಅಥವಾ ಶೇಖರಣೆ ಮಾಡುವುದನ್ನೂ ಕೂಡ ನಾವು ಮಿತಿಗೊಳಿಸಬಹುದು. ಕೆಲವು ಪ್ರಕರಣಗಳಲ್ಲಿ, 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಜನರಿಗೆ ಕೆಲವು ಕಾರ್ಯವೈಶಿಷ್ಟ್ಯಗಳನ್ನು ಒದಗಿಸಲು ನಮಗೆ ಸಾಧ್ಯವಾಗುವುದಿಲ್ಲ ಎನ್ನುವುದು ಇದರ ಅರ್ಥವಾಗಿದೆ.

ಕಾಲಕಾಲಕ್ಕೆ ನಾವು ನಮ್ಮ ಗೌಪ್ಯತಾ ನೀತಿಯನ್ನು ನವೀಕರಿಸಬಹುದು ಮತ್ತು ನೀವು ತಿಳಿದುಕೊಳ್ಳಬೇಕು ಎಂದು ನಾವು ಭಾವಿಸುವ ಯಾವುದೇ ಬದಲಾವಣೆಗಳನ್ನು ಮಾಡಿದಲ್ಲಿ ನಾವು ನಿಮಗೆ ಹೆಡ್ಸ್ ಅಪ್ ನೀಡುತ್ತೇವೆ.

ನಾವು ಈ ಗೌಪ್ಯತೆ ನೀತಿಯನ್ನು ಕಾಲಕಾಲಕ್ಕೆ ಬದಲಾಯಿಸಬಹುದು. ಆದರೆ ನಾವು ಹಾಗೆ ಮಾಡಿದಾಗ, ನಾವು ನಿಮಗೆ ಯಾವುದಾದರೂ ರೀತಿಯಲ್ಲಿ ತಿಳಿಸುತ್ತೇವೆ. ಕೆಲವೊಮ್ಮೆ, ನಮ್ಮ ವೆಬ್‌ಸೈಟ್ ಮತ್ತು ಮೊಬೈಲ್ ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಗೌಪ್ಯತೆ ನೀತಿಯ ಮೇಲ್ಭಾಗದಲ್ಲಿರುವ ದಿನಾಂಕವನ್ನು ಪರಿಷ್ಕರಿಸುವ ಮೂಲಕ ನಾವು ನಿಮಗೆ ತಿಳಿಸುತ್ತೇವೆ. ಇತರ ಸಮಯಗಳಲ್ಲಿ, ನಾವು ನಿಮಗೆ ಹೆಚ್ಚುವರಿ ನೋಟಿಫಿಕೇಶನ್‌ಗಳನ್ನು ಒದಗಿಸಬಹುದು (ನಮ್ಮ ವೆಬ್‌ಸೈಟ್‌ನ ಮುಖಪುಟದಲ್ಲಿ ಹೇಳಿಕೆಯನ್ನು ಸೇರಿಸುವುದು ಅಥವಾ ಅಪ್ಲಿಕೇಶನ್‌ನಲ್ಲಿನ ನೋಟಿಫಿಕೇಶನ್‌ ಅನ್ನು ನಿಮಗೆ ಒದಗಿಸುವಂತಹ).

ಇಲ್ಲಿರುವ ಮಾಹಿತಿ ಕುರಿತು ಯಾವುದಾದರೂ ಪ್ರಶ್ನೆಗಳನ್ನು ಹೊಂದಿದ್ದೀರಾ? ನೀವು ನಮ್ಮನ್ನು ಇಲ್ಲಿ ಸಂಪರ್ಕಿಸಬಹುದು.