ಗೌಪ್ಯತೆ ಕಾಯ್ದೆ 1988 ಮತ್ತು ಆನ್‌ಲೈನ್ ಸುರಕ್ಷತಾ ಕಾಯ್ದೆ 2021 ರ ಸಾಮಾಜಿಕ ಮಾಧ್ಯಮ ಕನಿಷ್ಠ ವಯಸ್ಸು (“SMMA”) ಅಗತ್ಯಗಳು ಸೇರಿದಂತೆ, ಆಸ್ಟ್ರೇಲಿಯಾದ ಕಾನೂನುಗಳನ್ನು ಅನುಸರಣೆ ಮಾಡಲು ವೈಯಕ್ತಿಕ ಮಾಹಿತಿಯನ್ನು ನಾವು ಹೇಗೆ ನಿಭಾಯಿಸುತ್ತೇವೆ ಎಂಬುದನ್ನು ವಿವರಿಸಲು ನಿರ್ದಿಷ್ಟವಾಗಿ ಆಸ್ಟ್ರೇಲಿಯಾದ ಬಳಕೆದಾರರಿಗಾಗಿ ನಾವು ಈ ಸೂಚನೆಯನ್ನು ರಚಿಸಿದ್ದೇವೆ.

ನಮ್ಮ ಗೌಪ್ಯತೆ ತತ್ವಗಳು ಮತ್ತು ಎಲ್ಲ ಬಳಕೆದಾರರಿಗೆ ನಾವು ಒದಗಿಸುವ ಗೌಪ್ಯತೆ ನಿಯಂತ್ರಣಗಳು ಈ ಕಾನೂನುಗಳ ಅನುಸಾರವಾಗಿವೆ. ಉದಾಹರಣೆಗಾಗಿ, ಎಲ್ಲ ಬಳಕೆದಾರರು ತಮ್ಮ ಡೇಟಾದ ಪ್ರತಿಗಾಗಿ ವಿನಂತಿಸಬಹುದು, ಅಳಿಸುವಿಕೆಯನ್ನು ವಿನಂತಿಸಬಹುದು ಮತ್ತು ಆ್ಯಪ್‌ನಲ್ಲಿ ತಮ್ಮ ಗೌಪ್ಯತಾ ಸೆಟ್ಟಿಂಗ್‌ಗಳನ್ನು ನಿಯಂತ್ರಿಸಬಹುದು. ಇತರ ಎಲ್ಲ ಹಕ್ಕುಗಳು ಮತ್ತು ಬಾಧ್ಯತೆಗಳಿಗಾಗಿ, ನಮ್ಮ ಗೌಪ್ಯತೆ ಸೂಚನೆಯನ್ನು ಪರಿಶೀಲಿಸಿ.

ನೀವು ಗೌಪ್ಯತಾ ನೀತಿಯ ನಿಮ್ಮ ಮಾಹಿತಿಯ ಮೇಲಿನ ನಿಯಂತ್ರಣ ವಿಭಾಗದಲ್ಲಿ ವಿವರಿಸಲಾಗಿರುವಂತೆ ನಿಮ್ಮ ಪ್ರವೇಶ, ತಿದ್ದುಪಡಿ ಮತ್ತು ರದ್ದುಮಾಡುವಿಕೆಯ ಹಕ್ಕುಗಳನ್ನು ಚಲಾಯಿಸಬಹುದು.

ಯುನೈಟೆಡ್ ಸ್ಟೇಟ್ಸ್ ಮತ್ತು ನೀವು ವಾಸಿಸುವ ಸ್ಥಳದಿಂದ ಹೊರಗೆ ಇತರ ದೇಶಗಳಿಂದ ನಿಮ್ಮ ವೈಯಕಿಕ್ತ ಮಾಹಿತಿಯನ್ನು ನಾವು ಸಂಗ್ರಹಿಸಬಹುದು, ವರ್ಗಾಯಿಸಬಹುದು ಮತ್ತು ಶೇಖರಿಸಬಹುದು ಮತ್ತು ಪ್ರಕ್ರಿಯೆಗೊಳಿಸಬಹುದು. ನಿಮ್ಮ ವೈಯಕ್ತಿಕ ಮಾಹಿತಿಗೆ ಸಂಬಂಧಿಸಿ ಸಾಗರೋತ್ತರ ಸ್ವೀಕೃತಿದಾರರು ಆಸ್ಟ್ರೇಲಿಯಾದ ಗೌಪ್ಯತೆ ಕಾನೂನುಗಳನ್ನು ಉಲ್ಲಂಘಿಸುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ನಾವು ಸಮಂಜಸವಾದ ಕ್ರಮಗಳನ್ನು ಕೈಗೊಳ್ಳುತ್ತೇವೆ. ನೀವು ಮಾಹಿತಿಯನ್ನು ಮೂರನೇ ಪಕ್ಷಕಾರರೊಂದಿಗೆ ಹಂಚಿಕೊಳ್ಳುವ ವರ್ಗಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಇಲ್ಲಿ ಕಂಡುಕೊಳ್ಳಬಹುದು.

SMMA ಅಡಿಯಲ್ಲಿ, 16 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಆಸ್ಟ್ರೇಲಿಯನ್ ಬಳಕೆದಾರರು ಕೆಲವು ಸೇವೆಗಳಲ್ಲಿ ಖಾತೆಗಳನ್ನು ಹೊಂದಿರಬಾರದು.

ನಿಮ್ಮ ಕುರಿತು ನಾವು ಹೊಂದಿರುವ ಪ್ರಸ್ತುತ ಇರುವ ಮಾಹಿತಿಯನ್ನು ಆಧರಿಸಿ, ನೀವು ಆಸ್ಟ್ರೇಲಿಯಾದಲ್ಲಿ ನೆಲೆಸಿದ್ದೀರಾ ಮತ್ತು 16 ವರ್ಷಕ್ಕಿಂತ ಕಡಿಮೆ ವಯಸ್ಸಿನರಾಗಿದ್ದೀರಾ ಎಂದು ಮೌಲ್ಯಮಾಪನ ಮಾಡಲು ನಾವು ಕ್ರಮಗಳನ್ನು ಕೈಗೊಳ್ಳುತ್ತೇವೆ. ಇದು ಇವುಗಳನ್ನು ಒಳಗೊಂಡಿದೆ, ನಿಮ್ಮ:

• ಜನ್ಮದಿನ

• IP ವಿಳಾಸ 

• ಬಳಕೆಯ ಮಾಹಿತಿ (Snapchat ಜೊತೆಗೆ ನೀವು ಹೇಗೆ ಸಂವಹನ ನಡೆಸುತ್ತೀರಿ ಎಂಬ ನಡವಳಿಕೆಯ ಮಾಹಿತಿ - ಉದಾಹರಣೆಗೆ, ನೀವು ಯಾವ ಲೆನ್ಸ್‌ಗಳನ್ನು ನೋಡುತ್ತೀರಿ ಮತ್ತು ಅನ್ವಯಿಸುತ್ತೀರಿ, ನಿಮ್ಮ ಪ್ರೀಮಿಯಂ ಸಬ್‌ಸ್ಕ್ರಿಪ್ಶನ್‌ಗಳು, ನೀವು ವೀಕ್ಷಿಸುವ ಕಥೆಗಳು ಮತ್ತು ಇತರ Snapchatter ಗಳ ಜೊತೆಗೆ ನೀವು ಎಷ್ಟು ಆಗಾಗ್ಗೆ ಸಂವಹನ ನಡೆಸುತ್ತೀರಿ) 

• ಕಂಟೆಂಟ್ ಮಾಹಿತಿ (ನೀವು ರಚಿಸುವ ಅಥವಾ ಒದಗಿಸುವ ಕಂಟೆಂಟ್ ಕುರಿತ ಮಾಹಿತಿ, ಕ್ಯಾಮೆರಾ ಮತ್ತು ಕ್ರಿಯೇಟಿವ್ ಟೂಲ್‌ಗಳ ಜೊತೆಗೆ ನಿಮ್ಮ ತೊಡಗಿಸಿಕೊಳ್ಳುವಿಕೆ, My AI ಮತ್ತು ಮೆಟಾಡೇಟಾ ಜೊತೆಗೆ ನಿಮ್ಮ ಸಂವಹನಗಳು - ಉದಾಹರಣೆಗೆ, ಕಂಟೆಂಟ್ ಅನ್ನು ಪೋಸ್ಟ್ ಮಾಡಿದ ದಿನಾಂಕ ಮತ್ತು ಸಮಯ ಹಾಗೂ ಅದನ್ನು ಯಾರು ನೋಡಿದ್ದಾರೆ ಎಂಬಂತಹ ಸ್ವತಃ ಕಂಟೆಂಟ್ ಕುರಿತ ಮಾಹಿತಿ)

• ನಿಮ್ಮ Snapchat ಸ್ನೇಹಿತರ ವಯಸ್ಸುಗಳು ಸೇರಿದಂತೆ, ಸ್ನೇಹದ ಮಾಹಿತಿ.

ನೀವು ಆಸ್ಟ್ರೇಲಿಯಾದಲ್ಲಿ ನೆಲೆಸಿದ್ದರೆ, Snapchat ಆ್ಯಕ್ಸೆಸ್ ಮಾಡುವುದನ್ನು ಮುಂದುವರಿಸಲು ನಮ್ಮ ತೃತೀಯ-ಪಕ್ಷದ ಪೂರೈಕೆದಾರರಾದ k-ID ಜೊತೆಗೆ ನೀವು ಹೆಚ್ಚುವರಿ ವಯೋ ಪರಿಶೀಲನೆಯ ಕ್ರಮಗಳಿಗೆ ಒಳಗಾಗಬೇಕಾಗಬಹುದು. ಈ ಕ್ರಮಗಳ ಕುರಿತು ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ನಮ್ಮ ಸಹಾಯ ಪುಟವನ್ನು ಪರಿಶೀಲಿಸಿ.

ವೈಯಕ್ತಿಕ ಮಾಹಿತಿಯ ಸಂಗ್ರಹವನ್ನು ಕನಿಷ್ಠಗೊಳಿಸಲು, ನೀವು 16 ವರ್ಷಕ್ಕಿಂತ ಹೆಚ್ಚಿನ ವಯಸ್ಸಿನವರೇ ಎನ್ನುವ ಕುರಿತು Snap ಕೇವಲ ಬೈನರಿ ಹೌದು/ಇಲ್ಲ ಫಲಿತಾಂಶವನ್ನು ಸ್ವೀಕರಿಸುತ್ತದೆ ಮತ್ತು ಸೂಕ್ತವಾಗಿದ್ದಲ್ಲಿ Snapchat ಗೆ ನಿಮಗೆ ನಿರಂತರ ಆ್ಯಕ್ಸೆಸ್ ಒದಗಿಸಲು ಈ ಫಲಿತಾಂಶವನ್ನು ಬಳಸುತ್ತದೆ. ಫಲಿತಾಂಶವು ನೀವು 16 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು ಎಂದು ಸೂಚಿಸಿದರೆ, ನಿಮ್ಮ ಖಾತೆಯನ್ನು ಲಾಕ್ ಮಾಡಲಾಗುತ್ತದೆ. k-ID ಪರಿಶೀಲನೆ ಪ್ರಕ್ರಿಯೆ ಸಂದರ್ಭ ನೀವು ಒದಗಿಸುವ ಮುಖದ ಸ್ಕ್ಯಾನ್‌ಗಳು, ಬ್ಯಾಂಕ್ ಖಾತೆ ವಿವರಗಳು ಅಥವಾ ಇತರ ಯಾವುದೇ ವೈಯಕ್ತಿಕ ಮಾಹಿತಿಯನ್ನು ನಾವು ಸ್ವೀಕರಿಸುವುದಿಲ್ಲ. 

ಅನ್ವಯಿಸುವ ಕಾನೂನುಗಳಿಗೆ ಬದಲಾವಣೆಗಳನ್ನು ಬಿಂಬಿಸಲು ನಾವು ಈ ಸೂಚನೆಯನ್ನು ಅಪ್‌ಡೇಟ್ ಮಾಡಬಹುದು.

ನಿಮ್ಮ ಯಾವುದೇ ವಿಚಾರಣೆಗಳನ್ನು ನಮ್ಮ ಗೌಪ್ಯತೆ ಬೆಂಬಲ ತಂಡಕ್ಕೆ ಅಥವಾ dpo [at] snap [dot] com ನಲ್ಲಿ ಡೇಟಾ ಸಂರಕ್ಷಣಾ ಅಧಿಕಾರಿಯವರಿಗೆ ಸಲ್ಲಿಸಬಹುದು ಎಂದು ನಿಮಗೆ ತಿಳಿಸಲು ನಾವು ಬಯಸುತ್ತೇವೆ.

ಗೌಪ್ಯತೆ ದೂರನ್ನು ಸಲ್ಲಿಸಲು ನೀವು ಆಸ್ಟ್ರೇಲಿಯಾದ ಮಾಹಿತಿ ಆಯುಕ್ತರ ಕಚೇರಿಯನ್ನು (OAIC) ಕೂಡ ಸಂಪರ್ಕಿಸಬಹುದು.