Nakatalaga ang Snap sa paggalang sa mga karapatang pantao, gaya ng nakasaad sa United Nations Guiding Principles on Business and Human Rights (UNGPs, Mga Panggabay na Prinsipyo sa Negosyo at Mga Karapatang Pantao ng United Nations). Isinama namin ang pagsasaalang-alang sa mga karapatang pantao sa aming Community Guidelines, mga kasanayan sa pag-moderate ng content, pag-uulat ng transparency, at mga kasanayan sa privacy, kabilang ang sa pamamagitan ng mga sumusunod na hakbang:

• Community Guidelines. Transparent kami tungkol sa kung ano ang pinapayagan at hindi pinapayagan sa aming platform, sa pamamagitan ng aming Community Guidelines at mga naka-link na explainer, at nakikipagtulungan kami sa aming mga safety team para matiyak na ipinapatupad ang mga patakarang ito sa patas at pantay na paraan, nang isinasaalang-alang ang mga lokal na wika at pangkulturang konteksto, at nang binibigyan ang mga user ng proseso ng apela, pati na rin ng mga mapagkukunan ng suporta.

• Transparency. Kusang-loob kaming nagpa-publish ng mga ulat ng transparency nang dalawang beses sa isang taon bilang bahagi ng aming pagtatalaga sa kaligtasan, transparency, at pananagutan, bilang karagdagan sa iba pang legal na kinakailangang transparency report. Patuloy kaming nagsisikap na gawing mas komprehensibo at nagbibigay-kaalaman ang mga ulat na ito para sa aming mga stakeholder.

• Privacy. Pinoprotektahan namin ang data at privacy ng user sa pamamagitan ng aming Patakaran sa Privacy, Community Guidelines, at mga protocol ng pagprotekta ng data. Pinagbabawalan namin ang mga user na labagin ang privacy ng iba sa aming platform o sa pamamagitan ng aming mga serbisyo, at mayroon kaming nakalatag na mahihigpit na prinsipyo sa privacy para sa pag-access ng empleyado sa data ng user.

• Kalayaan ng pagpapahayag. Hinihimok namin ang mga user na ipahayag ang kanilang mga sarili nang malikhain at tunay, at isinasaalang-alang namin ang lokal na wika at kultural na konteksto, pati na rin ang content na maaaring magbigay-kaalaman, makabuluhan, o may halaga sa pampublikong interes, bago alisin ang content o magpataw ng parusa sa mga account.

• Anti-Terrorism. Ipinagbabawal ang mga terorista at marahas na extremist na entity na gamitin ang aming platform. Ipinagbabawal din namin ang content na nagpo-promote ng terorismo o iba pang marahas o kriminal na gawaing isinagawa ng mga indibidwal o grupo para isulong ang mga ideolohikal na layunin, pati na rin ang content na nagpo-promote o sinusuportahan ang mga dayuhang teroristang organisasyon o marahas na extremist na grupo.

• Anti-Trafficking. Ipinagbabawal namin ang paggamit ng aming platform o mga serbisyo para sa human trafficking, kabilang ang sex trafficking, sapilitang labor, sapilitang kriminal na aktibidad, organ trafficking, at sapilitang kasal. 

• Anti-Discrimination. Ipinagbabawal namin ang diskriminasyon sa aming platform sa pamamagitan ng aming mga patakaran laban sa mapoot na pag-uugali, na ipinagbabawal ang content na nangmamaliit, naninira, o nagpo-promote ng diskriminasyon o karahasan batay sa lahi, kulay, caste, etnisidad, bansang pinagmulan, relihiyon, sekswal na oryentasyon, pagkakakilanlan ng kasarian, kapansanan, o beteranong katayuan, katayuan sa imigrasyon, sosyo-ekonomikong katayuan, edad, timbang, o katayuan sa pagbubuntis.

• Makipagtulungan sa nagpapatupad ng batas at sibil na lipunan. Nakikipagtulungan ang Snap sa mga nagpapatupad ng batas, mga ahensya ng gobyerno, NGO, at akademya sa buong mundo para maunawaan ang mga umuusbong na trend, isama ang puna sa aming mga patakaran at proseso ng pag-moderate ng content, at i-promote ang kaligtasan sa aming platform.