ਨਵੀਂ ਖੋਜ ਦਰਸਾਉਂਦੀ ਹੈ ਕਿ 2025 ਵਿੱਚ ਨਵੀਂ ਪੀੜ੍ਹੀ ਦੇ 10 ਵਿੱਚੋਂ ਲਗਭਗ ਛੇ ਮੈਂਬਰਾਂ ਨੇ “ਜ਼ਿਆਦਾ” ਜਾਂ “ਬਹੁਤ ਜ਼ਿਆਦਾ” ਡਿਜੀਟਲ ਤੰਦਰੁਸਤੀ ਦਾ ਆਨੰਦ ਮਾਣਿਆ ਅਤੇ ਔਨਲਾਈਨ “ਪ੍ਰਫੁੱਲਤ” ਹੋਣ ਵਾਲੇ 10 ਵਿੱਚੋਂ ਇੱਕ ਤੋਂ ਵੱਧ ਹੋ ਗਏ – ਜੋ ਕਿ ਅਧਿਐਨ ਸ਼ੁਰੂ ਹੋਣ ਤੋਂ ਬਾਅਦ ਇਸ ਉੱਚ ਨਿਸ਼ਾਨ ਨੂੰ ਛੂਹਣ ਵਾਲਾ ਸਭ ਤੋਂ ਵੱਡਾ ਪ੍ਰਤੀਸ਼ਤ ਹੈ।   

ਪਿਛਲੇ ਸਾਲ ਨਵੀਂ ਪੀੜ੍ਹੀ ਦੇ 45 ਪ੍ਰਤੀਸ਼ਤ ਉੱਤਰਦਾਤਾ ਔਨਲਾਈਨ “ਖੁਸ਼ਹਾਲ” ਮਹਿਸੂਸ ਕਰਦੇ ਸਨ ਅਤੇ 13% ”ਪ੍ਰਫੁੱਲਤ” ਹੋ ਰਹੇ ਸਨ, ਜੋ ਕਿ ਉਸ ਤੋਂ ਪਿਛਲੇ ਸਾਲ ਦੇ ਨਤੀਜਿਆਂ ਦੇ ਮੁਕਾਬਲੇ ਕ੍ਰਮਵਾਰ ਇੱਕ ਅਤੇ ਤਿੰਨ ਪ੍ਰਤੀਸ਼ਤ ਅੰਕ ਵੱਧ ਹਨ। ਖੁਸ਼ਹਾਲ ਰੀਡਿੰਗ ਸਮੁੱਚੇ ਤੌਰ 'ਤੇ “ਬਹੁਤ ਹੀ ਸਕਾਰਾਤਮਕ” ਔਨਲਾਈਨ ਅਨੁਭਵ ਨੂੰ ਦਰਸਾਉਂਦੀ ਹੈ, ਜਦਕਿ ਪ੍ਰਫੁੱਲਤ ਸ਼੍ਰੇਣੀ ਬਹੁਤ ਹੀ ਸਕਾਰਾਤਮਕ ਸੰਚਾਰ ਅਤੇ ਸਰਗਰਮੀਆਂ ਨੂੰ ਦਰਸਾਉਂਦੀ ਹੈ। ਇੱਕ ਤਿਹਾਈ ਤੋਂ ਥੋੜ੍ਹਾ ਜਿਹੇ ਵੱਧ (36%) ਨੇ ਦਰਮਿਆਨੇ ਜਾਂ ਮੱਧਮ-ਰੇਂਜ ਦੇ ਅਨੁਭਵ ਦਰਜ ਕੀਤੇ ਅਤੇ 6% ਨੂੰ ਜੱਦੋ-ਜਹਿਦ ਕਰਦੇ ਮੰਨਿਆ ਗਿਆ, ਮਤਲਬ ਕਿ ਉਨ੍ਹਾਂ ਨੇ ਲਗਾਤਾਰ ਨਕਾਰਾਤਮਕ ਔਨਲਾਈਨ ਅਨੁਭਵਾਂ ਅਤੇ ਨਤੀਜਿਆਂ ਦਾ ਸਾਹਮਣਾ ਕਰਨ ਦੀ ਰਿਪੋਰਟ ਕੀਤੀ ਹੈ। ਦਰਮਿਆਨੇ ਅਤੇ ਜੱਦੋ-ਜਹਿਦ ਕਰਨ ਦੀਆਂ ਸ਼੍ਰੇਣੀਆਂ 2024 ਤੋਂ ਕ੍ਰਮਵਾਰ ਤਿੰਨ ਅਤੇ ਇੱਕ ਪ੍ਰਤੀਸ਼ਤ ਅੰਕ ਘਟੀਆਂ ਸਨ।

ConnectSafely ਦੇ CEO ਲੈਰੀ ਮੈਜਿਡ ਨੇ ਕਿਹਾ, "ਲਗਾਤਾਰ ਚੁਣੌਤੀਆਂ ਅਤੇ ਆਮ 'ਤਬਾਹੀ ਅਤੇ ਉਦਾਸੀ' ਦੇ ਬਿਰਤਾਂਤਾਂ ਦੇ ਬਾਵਜੂਦ ਵਧੇਰੇ ਨੌਜਵਾਨਾਂ ਨੂੰ ਔਨਲਾਈਨ ਪ੍ਰਫੁੱਲਤ ਹੁੰਦੇ ਦੇਖਣਾ ਉਤਸ਼ਾਹਜਨਕ ਹੈ।" “ਦਿਲਚਸਪ ਗੱਲ ਇਹ ਹੈ ਕਿ ਖੋਜ ਦਰਸਾਉਂਦੀ ਹੈ ਕਿ ਜੋ ਲੋਕ ਖੁਸ਼ਹਾਲ ਹੋ ਰਹੇ ਹਨ ਉਹ ਅਕਸਰ ਡਿਜੀਟਲ ਜੀਵਨ ਵਿੱਚ ਸਭ ਤੋਂ ਵੱਧ ਗਹਿਰਾਈ ਨਾਲ ਸ਼ਾਮਲ ਹੁੰਦੇ ਹਨ। ਕਿਸ਼ੋਰਾਂ ਅਤੇ ਮਾਪਿਆਂ ਦਰਮਿਆਨ ਸਹੀ ਸਹਾਇਤਾ ਅਤੇ ਖੁੱਲ੍ਹੀ ਗੱਲਬਾਤ ਨਾਲ ਨੌਜਵਾਨ ਇਨ੍ਹਾਂ ਥਾਵਾਂ ਨੂੰ ਜ਼ਿੰਮੇਵਾਰੀ ਨਾਲ ਨੈਵੀਗੇਟ ਕਰ ਸਕਦੇ ਹਨ ਅਤੇ ਆਪਣੇ ਔਨਲਾਈਨ ਸੰਚਾਰਾਂ ਨੂੰ ਸਕਾਰਾਤਮਕ, ਤੰਦਰੁਸਤ ਤਜ਼ਰਬਿਆਂ ਵਿੱਚ ਬਦਲ ਸਕਦੇ ਹਨ।"

ਪਿਛਲੇ ਚਾਰ ਸਾਲਾਂ ਤੋਂ Snap ਨੇ ਡਿਜੀਟਲ ਤੰਦਰੁਸਤੀ ਬਾਰੇ ਕਈ ਪਲੇਟਫਾਰਮਾਂ ਵਿੱਚ ਖੋਜ ਕੀਤੀ ਹੈ ਅਤੇ ਸੁਰੱਖਿਅਤ ਇੰਟਰਨੈੱਟ ਦਿਵਸ (SID) 'ਤੇ ਖੋਜ ਦੇ ਪੂਰੇ ਨਤੀਜੇ ਪੇਸ਼ ਕੀਤੇ ਹਨ। ਇਹ ਨਤੀਜੇ ਸਮੁੱਚੇ ਤਕਨਾਲੋਜੀ ਵਾਤਾਵਰਣ ਵਿੱਚ ਸਾਡੇ ਮੁੱਖ ਯੋਗਦਾਨ ਵਜੋਂ ਕੰਮ ਕਰਦੇ ਹਨ ਅਤੇ ਸਬੂਤਾਂ ਦੇ ਅਧਾਰ ਵਿੱਚ ਵਾਧਾ ਕਰਦੇ ਹਨ, ਜੋ ਸਾਨੂੰ ਸਭ ਨੂੰ ਸਾਰਿਆਂ ਲਈ ਸੁਰੱਖਿਅਤ, ਸਿਹਤਮੰਦ ਅਤੇ ਵਧੇਰੇ ਸਕਾਰਾਤਮਕ ਡਿਜੀਟਲ ਅਨੁਭਵ ਬਣਾਉਣ ਵਿੱਚ ਮਦਦ ਕਰਦਾ ਹੈ। Snap ਇਹ ਖਾਸ ਅਧਿਐਨ ਇੱਕ ਹੋਰ ਸਾਲ (2026) ਲਈ ਕਰੇਗਾ ਅਤੇ SID 2027 ਮੌਕੇ ਪੰਜਵੇਂ ਅਤੇ ਆਖਰੀ ਸਾਲ ਦੇ ਨਤੀਜੇ ਜਾਰੀ ਕਰੇਗਾ। ਖੋਜ ਸਾਰੇ ਪਲੇਟਫਾਰਮਾਂ, ਸੇਵਾਵਾਂ ਅਤੇ ਡਿਵਾਈਸਾਂ 'ਤੇ ਨਵੀਂ ਪੀੜ੍ਹੀ ਦੇ ਕਿਸ਼ੋਰਾਂ ਅਤੇ ਨੌਜਵਾਨ ਬਾਲਗਾਂ ਦੇ ਤਜ਼ਰਬਿਆਂ ਮੁਤਾਬਕ ਜਾਣਕਾਰੀ ਦਿੰਦੀ ਹੈ, ਜਿਸ ਵਿੱਚ Snapchat 'ਤੇ ਵੱਖ ਤੋਂ ਕੋਈ ਖਾਸ ਧਿਆਨ ਨਹੀਂ ਦਿੱਤਾ ਜਾਂਦਾ ਹੈ।        

ਸੋਸ਼ਲ ਮੀਡੀਆ: ਪ੍ਰਫੁੱਲਤ ਹੋਣ ਵਾਲਿਆਂ ਵਿੱਚ ਸਾਂਝਾ ਨੁਕਤਾ 

ਨਤੀਜੇ ਦਰਸਾਉਂਦੇ ਹਨ ਕਿ ਜ਼ਿਆਦਾ ਡਿਜੀਟਲ ਤੰਦਰੁਸਤੀ ਵਾਲੇ ਨਵੀਂ ਪੀੜ੍ਹੀ ਦੇ ਨੌਜਵਾਨ ਆਨਲਾਈਨ ਜੋਖਮ ਦਾ ਪ੍ਰਬੰਧਨ ਅਤੇ ਉਸ ਨੂੰ ਹੱਲ ਕਰਨ ਵਿੱਚ ਵਧੇਰੇ ਮਾਹਰ ਹਨ। ਉਦਾਹਰਨ ਲਈ, ਪ੍ਰਫ਼ੁਲੱਤ ਸ਼੍ਰੇਣੀ ਦੇ 74% ਲੋਕਾਂ ਨੇ ਪਿਛਲੇ ਸਾਲ ਕਿਸੇ ਆਨਲਾਈਨ ਜੋਖਮ ਦਾ ਸਾਹਮਣਾ ਕਰਨ ਦੀ ਰਿਪੋਰਟ ਕੀਤੀ, ਜਦਕਿ ਜੱਦੋ-ਜਹਿਦ ਕਰਨ ਵਾਲਿਆਂ ਵਿੱਚੋਂ 10 ਵਿੱਚੋਂ ਲਗਭਗ ਨੌਂ (88%) ਨੇ ਕੁਝ ਆਨਲਾਈਨ ਜੋਖਮ ਦਾ ਸਾਹਮਣਾ ਕਰਨ ਦੀ ਰਿਪੋਰਟ ਕੀਤੀ – ਜੋ ਕਿ 14-ਪ੍ਰਤੀਸ਼ਤ ਅੰਕਾਂ ਦਾ ਫਰਕ ਹੈ। ਆਨਲਾਈਨ ਸੰਭਾਵਿਤ ਜਿਨਸੀ ਜਬਰਦਸਤੀ ਵਾਲੀਆਂ ਘਟਨਾਵਾਂ 'ਤੇ ਵਿਚਾਰ ਕਰਨ ਵੇਲੇ ਇਹ ਪਾੜਾ 16 ਪ੍ਰਤੀਸ਼ਤ ਅੰਕਾਂ ਤੱਕ ਵਧਿਆ। ਹੇਠਾਂ ਦਿੱਤਾ ਗ੍ਰਾਫ ਇਨ੍ਹਾਂ ਦੋਵਾਂ ਸ਼੍ਰੇਣੀਆਂ ਵਿੱਚ ਆਉਣ ਵਾਲਿਆਂ ਨੂੰ ਅਤੇ ਜਿਨਸੀ ਜਬਰਦਸਤੀ ਵਸੂਲੀ ਦੇ ਸੰਭਾਵਿਤ ਰਸਤੇ ਵਜੋਂ ਜਾਣੇ ਜਾਂਦੇ ਜੋਖਮ ਵਾਲੇ ਵਤੀਰਿਆਂ ਬਾਰੇ ਉਨ੍ਹਾਂ ਦੇ ਤਜ਼ਰਬੇ ਨੂੰ ਦਰਸਾਉਂਦਾ ਹੈ – ਜਿਵੇਂ ਕਿ ਹੈਕਿੰਗ, ਜਿਨਸੀ ਉਦੇਸ਼ਾਂ ਲਈ ਆਨਲਾਈਨ ਬਹਿਕਾਉਣਾ ਅਤੇ ਕੈਟਫਿਸ਼ਿੰਗ।

ਇਸ ਤੋਂ ਇਲਾਵਾ ਲੱਭਤਾਂ ਤੋਂ ਪਤਾ ਲੱਗਦਾ ਹੈ ਕਿ ਆਨਲਾਈਨ ਪ੍ਰਫੁੱਲਤ ਹੋ ਰਹੇ ਲੋਕਾਂ ਵਿੱਚ ਸੋਸ਼ਲ ਮੀਡੀਆ ਨਾਲ “ਡੂੰਘੀ ਸ਼ਮੂਲੀਅਤ” ਇੱਕ ਮੁੱਖ ਵਿਸ਼ੇਸ਼ਤਾ ਸੀ। ਪ੍ਰਫ਼ੁਲੱਤ ਸ਼੍ਰੇਣੀ ਵਿੱਚ ਤਿੰਨ-ਤਿਹਾਈ ਜਵਾਬ ਦੇਣ ਵਾਲਿਆਂ ਨੇ ਸੋਸ਼ਲ ਮੀਡੀਆ ਨਾਲ ਭਾਰੀ ਤੌਰ 'ਤੇ ਜੁੜੇ ਹੋਣ ਦੀ ਰਿਪੋਰਟ ਕੀਤੀ, ਜਿਸ ਵਿੱਚ ਉਨ੍ਹਾਂ ਦਾ ਬਿਤਾਇਆ ਸਮਾਂ, ਭਾਗੀਦਾਰੀ ਦਾ ਪੱਧਰ ਅਤੇ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਸੋਸ਼ਲ ਮੀਡੀਆ ਦੀ ਸਮੁੱਚੀ ਮਹੱਤਤਾ ਸ਼ਾਮਲ ਹੈ। ਜੱਦੋ-ਜਹਿਦ ਵਜੋਂ ਨਾਮਜ਼ਦ ਕੀਤੇ ਲੋਕਾਂ ਦੀ ਗੱਲ ਕਰੀਏ ਤਾਂ ਸਿਰਫ਼ ਇੱਕ ਚੌਥਾਈ (25%) ਨੇ ਕਿਹਾ ਕਿ ਉਹ ਸੋਸ਼ਲ ਮੀਡੀਆ ਨਾਲ ਡੂੰਘਾਈ ਨਾਲ ਜੁੜੇ ਹਨ। ਇਹ ਨਤੀਜੇ ਹੇਠਾਂ ਦਿੱਤੇ ਗ੍ਰਾਫ ਵਿੱਚ ਵੀ ਦਿਖਾਏ ਗਏ ਹਨ।  

ਨਤੀਜੇ ਨਵੀਂ ਪੀੜ੍ਹੀ ਦੀ ਡਿਜੀਟਲ ਤੰਦਰੁਸਤੀ ਬਾਰੇ Snap ਦੀ ਚੱਲ ਰਹੀ ਖੋਜ ਦਾ ਹਿੱਸਾ ਹਨ ਅਤੇ ਸਾਡੇ ਡਿਜੀਟਲ ਤੰਦਰੁਸਤੀ ਸੂਚਕ ਅੰਕ (DWBI) ਦੀ ਨਵੀਂ ਕਿਸ਼ਤ ਨੂੰ ਦਰਸਾਉਂਦੇ ਹਨ, ਜੋ ਇਸ ਗੱਲ ਦਾ ਸਮੁੱਚਾ ਮਾਪ ਹੈ ਕਿ ਕਿਸ਼ੋਰ (13-17 ਉਮਰ) ਅਤੇ ਨੌਜਵਾਨ ਬਾਲਗ (18-24 ਉਮਰ) ਛੇ ਦੇਸ਼ਾਂ ਵਿੱਚ ਆਨਲਾਈਨ ਕਿਵੇਂ ਵਿਚਰ ਰਹੇ ਹਨ: ਆਸਟ੍ਰੇਲੀਆ, ਫਰਾਂਸ, ਜਰਮਨੀ, ਭਾਰਤ, ਯੂ.ਕੇ. ਅਤੇ ਅਮਰੀਕਾ ਅਸੀਂ 13 ਤੋਂ 19 ਸਾਲ ਦੇ ਬੱਚਿਆਂ ਦੇ ਮਾਪਿਆਂ ਨੂੰ ਆਨਲਾਈਨ ਜੋਖਮ ਨਾਲ ਉਨ੍ਹਾਂ ਦੇ ਕਿਸ਼ੋਰਾਂ ਦੇ ਤਜ਼ਰਬਿਆਂ ਬਾਰੇ ਵੀ ਸਰਵੇਖਣ ਕੀਤਾ। ਇਹ ਤਾਜ਼ਾ ਸਰਵੇਖਣ 29 ਅਪ੍ਰੈਲ ਤੋਂ 10 ਮਈ 2025 ਦੇ ਵਿਚਕਾਰ ਕੀਤਾ ਗਿਆ ਸੀ ਅਤੇ ਤਿੰਨ ਉਮਰ ਦੇ ਜਨ-ਅੰਕੜਿਆਂ ਅਤੇ ਛੇ ਭੂਗੋਲਿਕ ਖੇਤਰਾਂ ਦੇ 9,037 ਜਵਾਬ ਦੇਣ ਵਾਲਿਆਂ ਦਾ ਸਰਵੇਖਣ ਕੀਤਾ ਗਿਆ ਸੀ। 

ਹੇਠਾਂ ਸਾਲ 4 ਤੋਂ ਕੁਝ ਵਾਧੂ ਉੱਚ-ਪੱਧਰ ਦੀਆਂ ਲੱਭਤਾਂ ਹਨ:

• ਛੇ ਦੇਸ਼ਾਂ ਦਰਮਿਆਨ 2025 ਵਿੱਚ ਨਵੀਂ ਪੀੜ੍ਹੀ ਦੇ ਆਨਲਾਈਨ ਜੋਖਮ ਦਾ ਸਾਹਮਣਾ ਕਰਨ ਵਾਲਿਆਂ ਵਿੱਚ 10 ਵਿੱਚੋਂ ਅੱਠ (81%) ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਨਲਾਈਨ ਜੋਖਮ ਦਾ ਕੁਝ ਵੱਧ ਸਾਹਮਣਾ ਕਰਨਾ ਪਿਆ – 2024 ਤੋਂ ਇੱਕ ਪ੍ਰਤੀਸ਼ਤ ਅੰਕ (80%) ਅਤੇ 2022 ਵਿੱਚ ਇਸ ਖੋਜ ਦੀ ਸ਼ੁਰੂਆਤ ਤੋਂ ਪੰਜ ਪ੍ਰਤੀਸ਼ਤ ਅੰਕ (76%) ਵਾਧਾ ਹੋਇਆ।    

• ਜਾਅਲੀ ਖਬਰਾਂ ਦਾ ਸਾਹਮਣਾ ¹/ਗਲਤ ਜਾਣਕਾਰੀ (54%), ਹਿੰਸਾ ਦੀਆਂ ਧਮਕੀਆਂ (47%), ਅਤੇ ਅਣਚਾਹੇ ਸੰਪਰਕ (35%) 2025 ਵਿੱਚ ਤਿੰਨ ਸਭ ਤੋਂ ਵੱਧ ਤਜ਼ਰਬੇ ਕੀਤੇ ਡਿਜੀਟਲ ਜੋਖਮ ਸਨ, ਜੋ ਪਿਛਲੇ ਤਿੰਨ ਸਾਲਾਂ ਦੇ ਨਤੀਜਿਆਂ ਦੇ ਅਨੁਸਾਰ ਹਨ। ਆਨਲਾਈਨ ਪ੍ਰਤੀਰੂਪਣ (30%) ਅਤੇ ਜਿਨਸੀ ਜੋਖਮਾਂ (29%) ਨੇ ਪੰਜ ਸਭ ਤੋਂ ਵੱਧ ਤਜ਼ਰਬਾ ਕੀਤੇ ਖਤਰਿਆਂ ਨੂੰ ਇਕੱਠਾ ਕੀਤਾ। 

• ਅਧਿਐਨ ਸ਼ੁਰੂ ਹੋਣ ਤੋਂ ਬਾਅਦ ਪਹਿਲੀ ਵਾਰ ਅਸੀਂ ਨਵੀਂ ਪੀੜ੍ਹੀ ਨੂੰ ਸਥਾਨਕ ਗੈਂਗ ਦੀ ਭਰਤੀ ਅਤੇ ਅਮਲਿਆਂ ਨਾਲ ਉਨ੍ਹਾਂ ਦਾ ਆਹਮੋ-ਸਾਹਮਣਾ ਹੋਣ, ਜੇਕਰ ਕੋਈ ਹੋਵੇ, ਬਾਰੇ ਪੁੱਛਿਆ। ਛੇ ਦੇਸ਼ਾਂ ਦੇ ਜਵਾਬ ਦੇਣ ਵਾਲਿਆਂ ਵਿੱਚੋਂ ਚਾਰ ਪ੍ਰਤੀਸ਼ਤ ਨੇ ਕਿਹਾ ਕਿ ਉਨ੍ਹਾਂ ਨੇ ਇਹ ਜੋਖਮ ਤਜ਼ਰਬਾ ਕੀਤਾ ਹੈ, ਜੋ ਕਿ ਅਧਿਐਨ ਵਿੱਚ ਸ਼ਾਮਲ 15 ਵਿੱਚੋਂ ਸਭ ਤੋਂ ਘੱਟ ਜੋਖਮ ਵਾਲਾ ਹੈ।   

• ਉਤਸ਼ਾਹਤ ਕਰਨ ਵਾਲੀ ਗੱਲ ਹੈ ਕਿ ਆਨਲਾਈਨ ਜੋਖਮ ਦਾ ਸਾਹਮਣਾ ਕਰਨ ਤੋਂ ਬਾਅਦ ਪਹਿਲਾਂ ਨਾਲੋਂ ਵੱਧ ਕਿਸ਼ੋਰਾਂ ਨੇ ਮਦਦ ਲਈ ਪਹੁੰਚ ਕੀਤੀ। 10 ਵਿੱਚੋਂ ਸੱਤ (71%) ਤੋਂ ਵੱਧ ਨੇ ਕਿਹਾ ਕਿ ਉਨ੍ਹਾਂ ਨੇ ਕਿਸੇ ਨਾਲ ਗੱਲਬਾਤ ਕੀਤੀ ਜਾਂ ਮਦਦ ਮੰਗੀ ਹੈ, ਜੋ ਕਿ 2024 ਵਿੱਚ 68% ਅਤੇ 2023 ਦੇ 59% ਦੇ ਘਾਟੇ ਤੋਂ ਵਾਧੇ ਵੱਲ ਸੀ। 10 ਵਿੱਚੋਂ ਲਗਭਗ ਨੌਂ ਮਾਪਿਆਂ (88%) ਨੇ ਕਿਹਾ ਕਿ ਉਨ੍ਹਾਂ ਦੇ ਕਿਸ਼ੋਰਾਂ ਨੇ ਉਨ੍ਹਾਂ ਨੂੰ ਜੋਖਮ ਵਾਲੀ ਘਟਨਾ ਬਾਰੇ ਦੱਸਿਆ, ਜੋ ਕਿ ਪਿਛਲੇ ਤਿੰਨ ਸਾਲਾਂ (86%) ਵਿੱਚੋਂ ਹਰੇਕ ਨਾਲੋਂ ਦੋ ਪ੍ਰਤੀਸ਼ਤ ਅੰਕ ਵੱਧ ਹੈ। ਫਿਰ ਵੀ ਬਹੁਤ ਘੱਟ ਕਿਸ਼ੋਰ ਸਵੈ-ਨੁਕਸਾਨ ਅਤੇ ਹਿੰਸਕ ਕੱਟੜਪੰਥੀ ਜਾਂ ਅੱਤਵਾਦੀ ਸਮੱਗਰੀ ਦੇ ਸਾਹਮਣੇ ਆਉਣ ਵਰਗੇ ਗੰਭੀਰ ਜੋਖਮਾਂ ਬਾਰੇ ਚਰਚਾ ਕਰਨ ਲਈ ਅੱਗੇ ਆਉਂਦੇ ਰਹੇ। (ਇਨ੍ਹਾਂ ਮਹੱਤਵਪੂਰਨ ਜੋਖਮਾਂ ਬਾਰੇ ਕਿਸ਼ੋਰਾਂ ਦੇ ਤਜ਼ਰਬੇ ਵਿੱਚ ਮੂਲ ਰੂਪ ਵਿੱਚ ਕੋਈ ਤਬਦੀਲੀ ਨਹੀਂ ਹੋਈ ਸੀ।)

• ਪਿਛਲੇ ਅਧਿਐਨਾਂ ਵਾਂਗ ਨਵੇਂ ਨਤੀਜੇ ਇਹ ਦਰਸਾਉਂਦੇ ਹਨ ਕਿ ਵਧੇਰੇ ਸਹਾਇਤਾ ਸਹੂਲਤਾਂ ਵਾਲੀ ਨਵੀਂ ਪੀੜ੍ਹੀ ਵਾਲੇ ਲੋਕਾਂ ਨੂੰ ਡਿਜੀਟਲ ਤੰਦਰੁਸਤੀ ਦਾ ਵਧੇਰੇ ਵਧੀਆ ਫ਼ਾਇਦਾ ਮਿਲਦਾ ਹੈ। ਸਹਾਇਤਾ ਸਹੂਲਤ ਨੂੰ ਘਰ, ਸਕੂਲ, ਕੰਮ ਜਾਂ ਵਿਆਪਕ ਭਾਈਚਾਰੇ ਵਿੱਚ ਕਿਸੇ ਵਿਅਕਤੀ ਵਜੋਂ ਪਰਿਭਾਸ਼ਿਤ ਕੀਤਾ ਜਾਂਦਾ ਹੈ ਜਿਸ ਨੂੰ ਨੌਜਵਾਨ ਕਿਸੇ ਸਮੱਸਿਆ ਜਾਂ ਚਿੰਤਾ ਨਾਲ ਸੰਪਰਕ ਕਰ ਸਕਦਾ ਹੈ, ਜੋ ਉਨ੍ਹਾਂ ਦੀ ਸੁਣੇਗਾ ਜਾਂ ਮੰਨਦਾ ਹੈ ਕਿ ਨੌਜਵਾਨ ਜੀਵਨ ਵਿੱਚ ਸਫਲ ਹੋਵੇਗਾ। ਨੌਂ ਅਤੇ 12 ਦੇ ਵਿਚਕਾਰ ਸਹਾਇਤਾ ਸਹੂਲਤਾਂ (ਸਭ ਤੋਂ ਵੱਧ ਦਾਇਰਾ) ਵਾਲੇ ਨਵੀਂ ਪੀੜ੍ਹੀ ਦੇ ਨੌਜਵਾਨਾਂ ਵਿੱਚੋਂ ਲਗਭਗ ਦੋ-ਤਿਹਾਈ ਪ੍ਰਫੁੱਲਤ ਸ਼੍ਰੇਣੀ (64%) ਤੋਂ ਸਨ। ਜਿਨ੍ਹਾਂ ਕੋਲ ਸਿਫ਼ਰ ਤੋਂ ਚਾਰ ਸਹਾਇਤਾ ਸਹੂਲਤਾਂ (ਸਭ ਤੋਂ ਘੱਟ ਦਾਇਰਾ) ਹਨ, ਉਨ੍ਹਾਂ ਵਿੱਚੋਂ ਤਿੰਨ-ਤਿਹਾਈ (77%) ਤੋਂ ਵੱਧ ਜੱਦੋ-ਜਹਿਦ ਸਮੂਹ ਵਿੱਚ ਸਨ।      

ਇਹਨਾਂ ਵਿੱਚੋਂ ਬਹੁਤ ਸਾਰੀਆਂ ਖੋਜਾਂ ਤੋਂ ਇਹ ਸੰਕੇਤ ਮਿਲਦਾ ਹੈ ਕਿ ਜੋਖਮ ਵਿੱਚ ਵਾਧੇ ਦੇ ਬਾਵਜੂਦ ਬਹੁਤ ਸਾਰੇ ਨਵੀਂ ਪੀੜ੍ਹੀ ਦੇ ਨੌਜਵਾਨਾਂ ਦੀ ਤਰੱਕੀ ਹੋ ਰਹੀ ਹੈ ਅਤੇ ਆਨਲਾਈਨ ਮੁੱਦਿਆਂ ਨੂੰ ਹੱਲ ਕਰਨ ਵਿੱਚ ਮਦਦ ਕਰਨ ਲਈ ਵੱਖ-ਵੱਖ ਔਜ਼ਾਰਾਂ ਅਤੇ ਸਰੋਤਾਂ ਦਾ ਲਾਭ ਲੈ ਰਹੇ ਹਨ। ਇਹ ਸੰਕੇਤ ਡਿਜੀਟਲ ਅਤੇ ਸੋਸ਼ਲ ਮੀਡੀਆ ਸਾਖਰਤਾ ਦੀ ਚੱਲ ਰਹੀ ਲੋੜ ਨੂੰ ਉਜਾਗਰ ਕਰਦੇ ਹਨ ਅਤੇ ਵਿਸ਼ਲੇਸ਼ਣਕਾਰੀ ਅਤੇ ਆਲੋਚਨਾਤਮਕ-ਸੋਚਣ ਦੇ ਹੁਨਰਾਂ 'ਤੇ ਹੋਰ ਜ਼ੋਰ ਦੇਣ ਅਤੇ ਮਜ਼ਬੂਤ ਕਰਨ ਦੀ ਲੋੜ ਨੂੰ ਉਜਾਗਰ ਕਰਦੇ ਹਨ।   

ਸਾਲ 4 DWBI 

ਡਿਜੀਟਲ ਤੰਦਰੁਸਤੀ ਸੂਚਕ ਅੰਕ ਹਰੇਕ ਜਵਾਬਦੇਣ ਵਾਲੇ ਨੂੰ ਉਨ੍ਹਾਂ ਦੇ ਭਾਵਨਾਤਮਕ ਬਿਆਨਾਂ ਦੀ ਲੜੀ ਨਾਲ ਰਜਾਮੰਦੀ ਦੇ ਆਧਾਰ 'ਤੇ 0 ਅਤੇ 100 ਦੇ ਵਿਚਕਾਰ ਅੰਕ ਨਿਰਧਾਰਤ ਕਰਦਾ ਹੈ। ਵਿਅਕਤੀਗਤ ਤੌਰ 'ਤੇ ਜਵਾਬ ਦੇਣ ਵਾਲਿਆਂ ਦੇ ਅੰਕ ਫਿਰ ਖਾਸ ਦੇਸ਼ ਦੇ ਅੰਕ ਅਤੇ ਛੇ-ਦੇਸ਼ਾਂ ਦਾ ਔਸਤ ਤਿਆਰ ਕਰਦੇ ਹਨ। ਸਾਰੇ ਛੇ ਭੂਗੋਲਿਕ ਖੇਤਰਾਂ ਵਿੱਚ ਔਸਤ ਦੇ ਅਨੁਸਾਰ 2025 DWBI ਨੇ 2024 ਵਿੱਚ 63 ਤੋਂ ਇੱਕ ਅੰਕ ਵਧਾਕੇ 64 ਕਰ ਦਿੱਤਾ। ਸਾਰੀ ਗੱਲਾਂ 'ਤੇ ਵਿਚਾਰ ਕੀਤਾ ਜਾਂਦਾ ਹੈ ਕਿ ਇਹ ਔਸਤ ਰਹਿ ਗਿਆ ਹੈ, ਪਰ ਕਿਸ਼ੋਰਾਂ ਲਈ ਜੋਖਮ ਦੇ ਵਾਧੇ ਦੇ ਮੱਦੇਨਜ਼ਰ ਇਹ ਬਿਲਕੁਲ ਸਕਾਰਾਤਮਕ ਹੈ। (ਪਿਛਲੇ ਸਾਲ ਦੇ 73% ਦੇ ਮੁਕਾਬਲੇ 2025 ਵਿੱਚ ਕਿਸ਼ੋਰਾਂ ਦੇ ਤਿੰਨ-ਤਿਹਾਈ (76%) ਨੇ 2025 ਵਿੱਚ ਜੋਖਮ ਦਾ ਸਾਹਮਣਾ ਕਰਨ ਦੀ ਰਿਪੋਰਟ ਕੀਤੀ; ਇਸ ਦੌਰਾਨ, ਨੌਜਵਾਨ ਬਾਲਗਾਂ ਦੇ ਜੋਖਮ ਦੇ ਸਾਹਮਣੇ ਆਉਣ ਦੀ ਪ੍ਰਤੀਸ਼ਤ 2024 ਵਿੱਚ 87% ਤੋਂ ਘਟਾ ਕੇ 86% ਹੋ ਗਈ।) 

ਲਗਾਤਾਰ ਚੌਥੇ ਸਾਲ ਲਈ ਭਾਰਤ ਨੇ 69 ਸਭ ਤੋਂ ਵੱਧ DWBI ਰਜਿਸਟਰ ਕੀਤਾ, ਜੋ 2024 ਤੋਂ ਦੋ ਅੰਕ ਵੱਧ ਹੈ ਅਤੇ ਹੁਣ ਤੱਕ ਕਿਸੇ ਵੀ ਦੇਸ਼ ਲਈ ਸਭ ਤੋਂ ਵੱਧ ਹੈ। ਭਾਰਤ ਦੀਆਂ ਲਗਾਤਾਰ ਵਧੇਰੇ ਮਜ਼ਬੂਤ DWBI ਦੀਆਂ ਰੀਡਿੰਗਾਂ ਨੂੰ ਮਾਪਿਆਂ ਦੇ ਰੁਝੇਵੇਂ ਅਤੇ ਧਿਆਨ ਦੇਣ ਵਾਲੀ ਸਹਾਇਤਾ ਦੇ ਸੱਭਿਆਚਾਰ ਵੱਲੋਂ ਮੰਨਿਆ ਜਾਂਦਾ ਹੈ। ਅਮਰੀਕੀ DWBI ਨੂੰ 67 ਤੱਕ ਲਿਖਿਆ ਗਿਆ, ਜੋ ਕਿ ਅਧਿਐਨ ਸ਼ੁਰੂ ਹੋਣ ਤੋਂ ਬਾਅਦ ਉਸ ਦੇਸ਼ ਲਈ ਸਭ ਤੋਂ ਵੱਧ ਰੀਡਿੰਗ ਵੀ ਹੈ ਅਤੇ 2024 ਤੋਂ ਦੋ ਅੰਕਾਂ ਦਾ ਵਾਧਾ ਹੈ। ਸਾਰੀਆਂ ਕਾਊਂਟੀਆਂ ਲਈ ਰਿਡਿੰਗਾਂ ਪਿਛਲੇ ਸਾਲ ਨਾਲੋਂ ਵਧੇਰੇ ਹੋਈਆਂ। ਯੂ.ਕੇ., ਫਰਾਂਸ ਅਤੇ ਜਰਮਨੀ ਦੇ DWBIs ਕ੍ਰਮਵਾਰ 64, 60 ਅਤੇ 61 'ਤੇ ਖੜ੍ਹੇ ਹਨ। 2024 ਵਿੱਚ ਅੰਕਾਂ ਦੀ ਗਿਣਤੀ ਘਟਾਉਣ ਵਾਲਾ ਇੱਕੋ ਇੱਕ ਦੇਸ਼ ਬਣਨ ਤੋਂ ਬਾਅਦ ਆਸਟ੍ਰੇਲੀਆ ਦੇ DWBI ਨੇ 63 ਦੇ ਅੰਕ ਨੂੰ ਬਰਕਰਾਰ ਰੱਖਿਆ ਹੈ। 

ਅੰਕ PERNA ਮਾਡਲ ਦਾ ਲਾਭ ਲੈਂਦਾ ਹੈ, ਜੋ ਕਿ ਤੰਦਰੁਸਤੀ ਦੇ ਸਥਾਪਤ ਸਿਧਾਂਤ ਮੁਤਾਬਕ ਹੈ ², ਜਿਸ ਵਿੱਚ ਪੰਜ ਸ਼੍ਰੇਣੀਆਂ ਵਿੱਚ 20 ਭਾਵਨਾ ਬਿਆਨ ਸ਼ਾਮਲ ਹਨ: ਸਕਾਰਾਤਮਕ ਭਾਵਨਾ, ਸ਼ਮੂਲੀਅਤ, ਰਿਸ਼ਤੇ, ਨਕਾਰਾਤਮਕ ਭਾਵਨਾ, ਅਤੇ ਪ੍ਰਾਪਤੀ। ਪਿਛਲੇ ਤਿੰਨ ਮਹੀਨਿਆਂ ਵਿੱਚ ਕਿਸੇ ਵੀ ਡਿਵਾਈਸ ਜਾਂ ਐਪ 'ਤੇ ਉਨ੍ਹਾਂ ਦੇ ਸਾਰੇ ਆਨਲਾਈਨ ਤਜ਼ਰਬਿਆਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ - ਸਿਰਫ Snapchat ਹੀ ਨਹੀਂ - ਉੱਤਰਦਾਤਾਵਾਂ ਨੂੰ 20 ਬਿਆਨਾਂ ਵਿੱਚੋਂ ਹਰੇਕ ਨਾਲ ਆਪਣੀ ਸਹਿਮਤੀ ਦੇ ਪੱਧਰ ਨੂੰ ਰਜਿਸਟਰ ਕਰਨ ਲਈ ਕਿਹਾ ਗਿਆ ਸੀ। ਉਦਾਹਰਨ ਲਈ, ਸਕਾਰਾਤਮਕ ਭਾਵਨਾਵਾਂ ਦੀ ਸ਼੍ਰੇਣੀ ਵਿੱਚ “ਆਮ ਤੌਰ 'ਤੇ ਮੈਨੂੰ ਲੱਗਦਾ ਹੈ ਕਿ ਜੋ ਮੈਂ ਆਨਲਾਈਨ ਕੀਤਾ ਉਹ ਮਹੱਤਵਪੂਰਨ ਅਤੇ ਫ਼ਾਇਦੇਮੰਦ ਸੀ” ਅਤੇ “ਰਿਸ਼ਤਿਆਂ ਦੇ ਤਹਿਤ ਅਜਿਹੇ ਦੋਸਤ ਹਨ ਜੋ ਅਸਲ ਵਿੱਚ ਮੇਰੀ ਗੱਲ ਸੁਣਦੇ ਹਨ ਜਦੋਂ ਮੇਰੇ ਕੋਲ ਆਨਲਾਈਨ ਕਹਿਣ ਲਈ ਕੁਝ ਹੁੰਦਾ ਹੈ। (DWBI ਦੇ 20 ਭਾਵਨਾਤਮਕ ਬਿਆਨਾਂ ਦੀ ਸੂਚੀ ਲਈ ਇੱਥੇ ਦੇਖੋ।) 

ਅਮਰੀਕਾ ਵਿੱਚ ਕਿਸ਼ੋਰ: ਡਿਜੀਟਲ ਤੰਦਰੁਸਤੀ ਲਈ ਸਾਡੀ ਕੌਂਸਲ ਦੇ ਦੂਜੇ ਸਮੂਹ ਵਿੱਚ ਸ਼ਾਮਲ ਹੋਣ ਲਈ ਅਰਜ਼ੀ ਦਿਓ 

ਦੋ ਸਾਲ ਪਹਿਲਾਂ ਇਸ ਖੋਜ ਨੂੰ ਆਨਲਾਈਨ ਕਰਨ ਅਤੇ ਕਿਸ਼ੋਰਾਂ ਪ੍ਰਤੀ ਸਾਡੀ ਚੱਲ ਰਹੀ ਵਚਨਬੱਧਤਾ ਨੂੰ ਸਰਗਰਮ ਕਰਨ ਵਿੱਚ ਮਦਦ ਕਰਨ ਲਈ ਅਸੀਂ ਪਿਛਲੇ ਸਾਲ ਅਗਸਤ ਵਿੱਚ ਅਮਰੀਕਾ ਵਿੱਚ 13-16 ਸਾਲ ਦੀ ਉਮਰ ਦੇ ਕਿਸ਼ੋਰਾਂ ਲਈ ਪਾਇਲਟ ਪ੍ਰੋਗਰਾਮ ਵਾਲੀ ਡਿਜੀਟਲ ਤੰਦਰੁਸਤੀ ਲਈ ਆਪਣੀ ਉਦਘਾਟਨੀ ਕੌਂਸਲ (CDWB) ਸ਼ੁਰੂ ਕੀਤੀ, ਅਸੀਂ ਇਹ ਨਤੀਜਾ ਕੱਢਿਆ ਕਿ ਉਦਘਾਟਨੀ ਕੌਂਸਲ ਅਤੇ ਇਸ ਦੀ ਸਫਲਤਾ ਦੇ ਨਤੀਜੇ ਵਜੋਂ ਆਸਟ੍ਰੇਲੀਆ ਅਤੇ ਪੂਰੇ ਯੂਰਪ ਅਤੇ ਯੂਕੇ ਵਿੱਚ ਦੋ ਸਰਗਰਮ “ਸਿਸਟਰ” ਕੌਂਸਲਾਂ ਬਣੀਆਂ। ਅਸੀਂ ਅਮਰੀਕਾ ਵਿੱਚ ਦੂਜੇ ਸਮੂਹ ਲਈ ਉਤਸ਼ਾਹਤ ਹਾਂ, ਇਸ ਲਈ ਅਸੀਂ ਪਿਛਲੇ ਮਹੀਨੇ ਅਰਜ਼ੀ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ। ਜੇਕਰ ਤੁਸੀਂ ਜਾਂ ਤੁਹਾਡਾ ਜਾਣਕਾਰ ਨੌਜਵਾਨ ਕਿਸ਼ੋਰ ਜੋ ਸਾਰਿਆਂ ਲਈ ਡਿਜੀਟਲ ਤਜ਼ਰਬਿਆਂ ਨੂੰ ਬਿਹਤਰ ਬਣਾਉਣ ਦਾ ਚਾਹਵਾਨ ਹੈ, ਤਾਂ ਅਰਜ਼ੀ ਦੇਣ 'ਤੇ ਵਿਚਾਰ ਕਰੋ! ਵੇਰਵੇ ਇੱਥੇ ਮਿਲ ਸਕਦੇ ਹਨ।   

ਅਖੀਰ ਵਿੱਚ Snap ਨੂੰ ਇਸ ਸਾਲ ਦੇ ਸੈਕਰਾਮੈਂਟੇ ਕੈਲੀਫੋਰਨੀਆ ਵਿੱਚ ਹੋਣ ਵਾਲੇ ਰਾਸ਼ਟਰੀ ਸਮਾਗਮ ਵਿੱਚ ਅਮਰੀਕਾ ਵਿੱਚ SID ਦੇ ਅਧਿਕਾਰਤ ਪ੍ਰਬੰਧਕ ConnectSafely ਨਾਲ ਦੁਬਾਰਾ ਸ਼ਾਮਲ ਹੋਣ ਦੀ ਖੁਸ਼ੀ ਹੈ। 100 ਤੋਂ ਵੱਧ ਦੇਸ਼ਾਂ ਵਿੱਚ ਮਨਾਇਆ ਜਾਂਦਾ ਹੈ, SID ਨੌਜਵਾਨਾਂ ਅਤੇ ਬਾਲਗਾਂ ਨੂੰ ਤਕਨੀਕ ਦੀ ਜ਼ਿੰਮੇਵਾਰ, ਆਦਰ, ਆਲੋਚਨਾਤਮਕ ਅਤੇ ਰਚਨਾਤਮਕ ਤਰੀਕੇ ਨਾਲ ਵਰਤੋਂ ਕਰਨ ਲਈ ਸਮਰੱਥ ਬਣਾਉਣ ਬਾਰੇ ਹੈ ਅਤੇ ਅਸੀਂ ਗਲੋਬਲ ਗੱਲਬਾਤ ਨੂੰ ਸੁਚੇਤ ਕਰਨ ਵਿੱਚ ਮਦਦ ਕਰਨ ਲਈ ਇਹਨਾਂ ਕੁਝ ਨਵੀਨਤਮ ਲੱਭਤਾਂ ਨੂੰ ਸਾਂਝਾ ਕਰਨ ਦੀ ਯੋਜਨਾ ਬਣਾਉਂਦੇ ਹਾਂ।     

ਸਭ ਤੋਂ ਨਵੇਂ DWBI ਅਤੇ ਖੋਜ ਬਾਰੇ ਹੋਰ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ, ਅੱਪਡੇਟ ਕੀਤਾ ਵਿਆਖਿਆਕਾਰ, ਪੂਰੇ ਖੋਜ ਨਤੀਜੇ ਅਤੇ ਛੇ ਦੇਸ਼ਾਂ ਵਿੱਚੋਂ ਹਰੇਕ ਲਈ ਸਥਾਨੀਕ੍ਰਿਤ ਜਾਣਕਾਰੀ-ਗ੍ਰਾਫ਼ਿਕ ਵੇਖੋ: ਆਸਟ੍ਰੇਲੀਆ, ਫ਼ਰਾਂਸ, ਜਰਮਨੀ, ਭਾਰਤ, ਯੂਨਾਈਟਿਡ ਕਿੰਗਡਮ ਅਤੇ ਅਮਰੀਕਾ।

— ਜੈਕਲੀਨ ਬੀਊਚੇਰ, ਪਲੇਟਫ਼ਾਰਮ ਸੁਰੱਖਿਆ ਦੀ ਗਲੋਬਲ ਮੁਖੀ