ਜਿਵੇਂ ਕਿ ਨਵਾਂ ਸਕੂਲੀ ਸਾਲ ਸ਼ੁਰੂ ਹੁੰਦਾ ਹੈ, ਇਹ ਮਹੱਤਵਪੂਰਨ ਹੈ ਕਿ ਕਿਸ਼ੋਰ ਆਪਣੀ ਔਨਲਾਈਨ ਅਤੇ ਔਫ਼ਲਾਈਨ ਦੋਸਤੀ ਦੋਵਾਂ ਵਿੱਚ ਖੁਸ਼ ਅਤੇ ਪ੍ਰਫੁੱਲਤ ਹੋਣ। 

Snapchat ਨੇ ਯੂਕੇ ਦੀ ਇੰਟਰਨੈੱਟ ਸੁਰੱਖਿਆ ਚੈਰਿਟੀ Childnet ਦੇ ਸਹਿਯੋਗ ਨਾਲ ਮਾਪਿਆਂ ਲਈ ਨਵੀਂ ਗਾਈਡ ਤਿਆਰ ਕੀਤੀ ਹੈ ਤਾਂ ਜੋ ਉਨ੍ਹਾਂ ਦੇ ਬੱਚਿਆਂ ਨਾਲ ਔਨਲਾਈਨ ਸੁਰੱਖਿਆ ਬਾਰੇ ਖੁੱਲ੍ਹੀ ਅਤੇ ਇਮਾਨਦਾਰੀ ਨਾਲ ਗੱਲਬਾਤ ਕਰਨ ਵਿੱਚ ਮਦਦ ਕੀਤੀ ਜਾ ਸਕੇ।

SnapSavvy ਗਾਈਡ ਜਿਸ ਨੂੰ ਤੁਸੀਂ
ਇੱਥੇ
ਪੜ੍ਹ ਸਕਦੇ ਹੋ, ਇਸ ਵਿੱਚ ਮਹੱਤਵਪੂਰਨ ਗੱਲਬਾਤਾਂ ਕਰਨ ਵਾਸਤੇ ਪਰਿਵਾਰਾਂ ਨੂੰ ਸਹਿਯੋਗ ਦੇਣ ਲਈ ਅਤੇ ਪਰਿਵਾਰ ਕੇਂਦਰ ਸਮੇਤ ਕਿਸ਼ੋਰ ਵਰਤੋਂਕਾਰਾਂ ਦੀ ਸੁਰੱਖਿਆ ਲਈ Snapchat ਦੇ ਸੁਰੱਖਿਆ ਔਜ਼ਾਰਾਂ ਅਤੇ ਵਿਸ਼ੇਸ਼ਤਾਵਾਂ ਬਾਰੇ ਹੋਰ ਜਾਣਨ ਵਿੱਚ ਮਾਪਿਆਂ ਦੀ ਮਦਦ ਕਰਨ ਲਈ ਸੁਝਾਅ ਅਤੇ ਸਲਾਹ ਸ਼ਾਮਲ ਹਨ।

Snapchat ਦੇ ਤਾਜ਼ਾ ਡਿਜੀਟਲ ਤੰਦਰੁਸਤੀ ਅੰਕ (DWBI) ਖੋਜ ਦੀਆਂ ਸ਼ੁਰੂਆਤੀ ਲੱਭਤਾਂ, ਜਿਸ ਨੇ - ਸਿਰਫ Snapchat ਹੀ ਨਹੀਂ - ਬਲਕਿ ਸਾਰੀਆਂ ਐਪਾਂ, ਪਲੇਟਫਾਰਮਾਂ ਅਤੇ ਸੇਵਾਵਾਂ ਵਿੱਚ ਉਨ੍ਹਾਂ ਦੇ ਤਜ਼ਰਬੇ ਬਾਰੇ ਛੇ ਦੇਸ਼ਾਂ ਦੇ ਕਿਸ਼ੋਰਾਂ, ਨੌਜਵਾਨ ਬਾਲਗਾਂ ਅਤੇ ਮਾਪਿਆਂ ਦਾ ਸਰਵੇਖਣ ਕੀਤਾ ਅਤੇ ਦਰਸਾਇਆ ਕਿ ਮਾਪਿਆਂ ਨੇ ਔਨਲਾਈਨ ਜੋਖਮਾਂ ਨੂੰ ਘਟਾਉਣ ਲਈ ਆਪਣੇ ਯਤਨਾਂ ਵਿੱਚ ਵਾਧਾ ਕੀਤਾ ਹੈ। 

ਸਰਵੇਖਣ ਕੀਤੇ ਯੂਕੇ ਦੇ ਲਗਭਗ ਅੱਧੇ ਮਾਪੇ (44 ਫ਼ੀਸਦ) ਹੁਣ ਆਪਣੇ ਕਿਸ਼ੋਰਾਂ ਬੱਚਿਆਂ ਦੀਆਂ ਔਨਲਾਈਨ ਸਰਗਰਮੀਆਂ ਬਾਰੇ ਉਨ੍ਹਾਂ ਨਾਲ ਨਿਯਮਤ ਤੌਰ 'ਤੇ ਗੱਲ ਕਰਦੇ ਹਨ, ਜੋ ਪਿਛਲੇ ਸਾਲ ਦੀ ਤੁਲਨਾ ਵਿੱਚ 8 ਫ਼ੀਸਦ ਅੰਕਾਂ ਦਾ ਵਾਧਾ ਹੈ। 

ਕਿਸ਼ੋਰ ਖ਼ੁਦ ਔਨਲਾਈਨ ਸੁਰੱਖਿਆ ਬਾਰੇ ਵਧੇਰੇ ਜਾਗਰੂਕ ਹੋ ਰਹੇ ਹਨ। ਜੂਨ 2024 ਤੋਂ DWBI ਖੋਜ ਅਨੁਸਾਰ 13 ਅਤੇ 17 ਸਾਲ ਦੀ ਉਮਰ ਦੇ ਲਗਭਗ ਦੋ-ਤਿਹਾਈ (62 ਫ਼ੀਸਦ) ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਔਨਲਾਈਨ ਜੋਖਮਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਮਦਦ ਮੰਗੀ ਸੀ, ਜੋ ਪਿਛਲੇ ਸਾਲ ਦੀ ਤੁਲਨਾ ਵਿੱਚ 6 ਫ਼ੀਸਦ ਅੰਕਾਂ ਦਾ ਵਾਧਾ ਹੈ।

ਹਾਲਾਂਕਿ ਖੋਜ ਨੇ ਸੰਬੰਧਿਤ ਰੁਝਾਨ ਨੂੰ ਵੀ ਉਜਾਗਰ ਕੀਤਾ: ਕਿਸ਼ੋਰ ਬੱਚਿਆਂ ਦੇ ਆਪਣੇ ਮਾਪਿਆਂ ਨੂੰ ਵਧੇਰੇ ਗੰਭੀਰ ਔਨਲਾਈਨ ਜੋਖਮਾਂ ਬਾਰੇ ਦੱਸਣ ਦੀ ਘੱਟ ਸੰਭਾਵਨਾ ਹੈ। 

ਇਸ ਤੋਂ ਇਲਾਵਾ ਲਗਭਗ 21 ਫ਼ੀਸਦ ਮਾਪਿਆਂ ਨੇ ਮੰਨਿਆ ਕਿ ਉਹਨਾਂ ਨੂੰ ਪਤਾ ਨਹੀਂ ਸੀ ਕਿ ਆਪਣੇ ਬੱਚਿਆਂ ਦੀਆਂ ਔਨਲਾਈਨ ਸਰਗਰਮੀਆਂ ਦੀ ਪ੍ਰਭਾਵਸ਼ਾਲੀ ਢੰਗ ਨਾਲ ਨਿਗਰਾਨੀ ਕਿਵੇਂ ਕਰਨੀ ਹੈ। 

SnapSavvy ਗਾਈਡ ਪੜ੍ਹੋ
ਅਤੇ ਮਾਪਿਆਂ ਵਾਸਤੇ ਹੋਰ ਮਾਰਗਦਰਸ਼ਨ ਅਤੇ ਸਰੋਤਾਂ ਲਈ ਸਾਡੀ ਛੋਟੀ-ਸਾਈਟ parents.snapchat.com 'ਤੇ ਜਾਓ।