“ਅਸੀਂ ਨੌਜਵਾਨਾਂ ਨੂੰ ਆਨਲਾਈਨ ਸੁਰੱਖਿਅਤ ਰੱਖਣ ਦਾ ਟੀਚਾ ਸਾਂਝਾ ਕਰਦੇ ਹਾਂ ਅਤੇ Snapchat 'ਤੇ ਸੰਭਾਵੀ ਨੁਕਸਾਨਦੇਹ ਅੰਤਰਕਿਰਿਆਵਾਂ ਨੂੰ ਘਟਾਉਣ ਲਈ ਬਣਾਏ ਔਜ਼ਾਰਾਂ, ਨੀਤੀਆਂ, ਵਿੱਦਿਅਕ ਸਰੋਤਾਂ ਅਤੇ ਉਤਪਾਦ ਸੁਰੱਖਿਆ ਵਿੱਚ ਲਗਾਤਾਰ ਨਿਵੇਸ਼ ਕਰਦੇ ਹਾਂ। Heat Initiative ਵਕਾਲਤ ਸੰਸਥਾ ਹੈ ਜਿਸ ਦੇ ਦੱਸੇ ਮਿਸ਼ਨ ਵਿੱਚ ਜਵਾਬਦੇਹੀ ਨੂੰ ਵਧਾਉਣ ਲਈ ਤਕਨਾਲੋਜੀ ਕੰਪਨੀਆਂ ਦੇ ਵਿਰੁੱਧ ਮੁਕੱਦਮੇ ਨੂੰ 'ਉਤਸ਼ਾਹਿਤ ਕਰਨਾ' ਸ਼ਾਮਲ ਹੈ। ਹਾਲਾਂਕਿ ਵਕਾਲਤ ਕਰਨ ਵਾਲੀਆਂ ਸੰਸਥਾਵਾਂ ਆਨਲਾਈਨ ਸੁਰੱਖਿਆ ਮੁੱਦਿਆਂ ਬਾਰੇ ਜਾਗਰੂਕਤਾ ਪੈਦਾ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀਆਂ ਹਨ, ਫਿਰ ਵੀ ਅਸੀਂ ਆਪਣੇ ਸਾਂਝੇ ਸੁਰੱਖਿਆ ਦੇ ਹਿੱਤ ਕਰਕੇ ਸਾਡੀਆਂ ਸੁਰੱਖਿਆਵਾਂ ਬਾਰੇ ਜਾਣਕਾਰੀ ਸਾਂਝੀ ਕਰਨ ਲਈ Heat Initiative ਨਾਲ ਸਰਗਰਮੀ ਨਾਲ ਜੁੜੇ ਹਾਂ। ਬਦਕਿਸਮਤੀ ਨਾਲ ਇਹ ਰਿਪੋਰਟ ਉਸ ਗੱਲਬਾਤ ਨੂੰ ਨਹੀਂ ਦਰਸਾਉਂਦੀ ਅਤੇ ਨਾ ਹੀ ਇਹ Snapchat 'ਤੇ ਕਿਸ਼ੋਰਾਂ ਦੀ ਸੁਰੱਖਿਆ ਦਾ ਸੰਤੁਲਿਤ ਜਾਂ ਉਦਾਹਰਨ ਰੂਪੀ ਮੁਲਾਂਕਣ ਦਿੰਦੀ ਹੈ - ਇਹ ਸਾਡੇ ਭਾਈਚਾਰੇ ਦੀ ਸੁਰੱਖਿਆ ਕਰਨ ਵਿੱਚ ਮਦਦ ਕਰਨ ਲਈ ਸਾਡੇ ਵਲੋਂ ਕੀਤੇ ਮਹੱਤਵਪੂਰਨ ਨਿਵੇਸ਼ਾਂ ਦਾ ਲੇਖਾ ਦੇਣ ਵਿੱਚ ਅਸਫਲ ਹੈ।

“ਅਸੀਂ ਅਸਲ ਵਿੱਚ ਸ਼ੁਰੂ ਹੋਣ ਵਾਲੇ ਤਜ਼ਰਬੇ ਦੀ ਬਜਾਏ ਮੁੱਠੀ ਭਰ 'ਖੋਜਕਰਤਾਵਾਂ' ਵੱਲੋਂ ਬਣਾਏ ਖਾਤਿਆਂ ਦੇ ਅਧਾਰ 'ਤੇ ਅਜਿਹੀ ਰਿਪੋਰਟ ਤੋਂ ਵਿਆਪਕ ਸਿੱਟੇ ਕੱਢਣ ਵਿਰੁੱਧ ਸਾਵਧਾਨੀ ਵਰਤਣ ਲਈ ਕਹਿੰਦੇ ਹਾਂ ਅਤੇ ਜੋ ਕਿਸ਼ੋਰਾਂ ਦੀ ਸੁਰੱਖਿਆ ਦਾ ਆਨਲਾਈਨ ਉਦੇਸ਼ਪੂਰਨ ਮੁਲਾਂਕਣ ਦੇਣ ਦੀ ਬਜਾਏ ਚਿੰਤਾਜਨਕ ਸੁਰਖੀਆਂ ਤਿਆਰ ਕਰਨ ਲਈ ਬਣਾਈ ਜਾਪਦੀ ਹੈ। ਰਿਪੋਰਟ ਕਿਸ਼ੋਰਾਂ ਲਈ Snap ਵੱਲੋਂ ਲਾਗੂ ਕੀਤੇ ਵਿਆਪਕ ਸੁਰੱਖਿਆ ਉਪਾਵਾਂ ਨੂੰ ਵੱਡੇ ਪੱਧਰ 'ਤੇ ਨਜ਼ਰਅੰਦਾਜ਼ ਕਰਦੇ ਹੋਏ ਛੋਟੇ ਅਤੇ ਗੈਰ-ਉਦਾਹਰਨ ਨਮੂਨੇ ਤੋਂ ਵਿਆਪਕ ਦਾਅਵਿਆਂ ਦਾ ਅੰਦਾਜ਼ਾ ਲਗਾਉਂਦੀ ਹੈ।

“ਹਕੀਕਤ ਇਹ ਹੈ ਕਿ ਕੋਈ ਵੀ ਇਕੋ ਸੁਰੱਖਿਆ ਵਿਸ਼ੇਸ਼ਤਾ ਜਾਂ ਨੀਤੀ ਆਨਲਾਈਨ ਜਾਂ ਅਸਲ ਜ਼ਿੰਦਗੀ ਵਿੱਚ ਹਰ ਸੰਭਾਵੀ ਜੋਖਮ ਨੂੰ ਖਤਮ ਨਹੀਂ ਕਰ ਸਕਦੀ ਅਤੇ ਕੋਈ ਵੀ ਪਲੇਟਫ਼ਾਰਮ ਉਨ੍ਹਾਂ ਬੁਰੇ ਲੋਕਾਂ ਤੋਂ ਮੁਕਤ ਨਹੀਂ ਹੈ ਜੋ ਗੈਰ-ਕਾਨੂੰਨੀ ਸਰਗਰਮੀ ਲਈ ਤਕਨਾਲੋਜੀ ਦੀ ਦੁਰਵਰਤੋਂ ਕਰਨਾ ਚਾਹੁੰਦੇ ਹਨ। ਇਹੀ ਕਾਰਨ ਹੈ ਕਿ ਅਸੀਂ ਵਿਕਸਿਤ ਹੋ ਰਹੇ ਖਤਰਿਆਂ ਦਾ ਮੁਕਾਬਲਾ ਕਰਨ ਲਈ ਆਪਣੀਆਂ ਰਣਨੀਤੀਆਂ ਨੂੰ ਲਗਾਤਾਰ ਢਾਲਦੇ ਹਾਂ, ਨਵੇਂ ਸੁਰੱਖਿਆ ਉਪਾਵਾਂ ਵਿੱਚ ਨਿਵੇਸ਼ ਕਰਦੇ ਹਾਂ ਅਤੇ ਸੁਰੱਖਿਆ ਮਾਹਰਾਂ, ਕਾਨੂੰਨੀ ਅਮਲੀਕਰਨ, ਮਾਪਿਆਂ ਅਤੇ ਨੀਤੀ ਨਿਰਮਾਤਾਵਾਂ ਨਾਲ ਮਿਲ ਕੇ ਕੰਮ ਕਰਦੇ ਹਾਂ। ਅਸੀਂ ਆਪਣੀਆਂ ਸੁਰੱਖਿਆਵਾਂ ਨੂੰ ਮਜ਼ਬੂਤ ਕਰਨ ਅਤੇ ਸਾਰੇ Snapchatters ਨੂੰ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰਨ ਲਈ ਵਚਨਬੱਧ ਹਾਂ।” – Snap ਕੰਪਨੀ ਦਾ ਬੁਲਾਰਾ

ਸੇਵਾ ਵਿਖੇ:  The Heat Initiative, ParentsTogether Action, 

ਕਿਸ਼ੋਰਾਂ ਦੀ ਆਨਲਾਈਨ ਸੁਰੱਖਿਆ ਕਰਨਾ ਬਹੁਤ ਜ਼ਿਆਦਾ ਕੰਮ ਹੈ। ਇਸ ਲਈ ਕਿਸੇ ਸੀਮਿਤ ਅਭਿਆਸ ਤੋਂ ਕੱਢੀਆਂ ਅੰਦਰੂਨੀ-ਝਾਤਾਂ ਅਤੇ ਪੂਰੀ ਪ੍ਰਣਾਲੀ ਬਾਰੇ ਸਿੱਟੇ ਕੱਢਣ ਵਿੱਚ ਫ਼ਰਕ ਕਰਨ ਲਈ ਬਾਰੀਕੀ, ਸ਼ੁੱਧਤਾ ਅਤੇ ਅਨੁਸ਼ਾਸਨ ਦੀ ਲੋੜ ਹੈ। ਤੁਹਾਡੀ ਨਵੀਂ ਰਿਪੋਰਟ ਉਸ ਮਿਆਰ ਨੂੰ ਪੂਰਾ ਨਹੀਂ ਕਰਦੀ ਹੈ।

ਅਸੀਂ ਪਹਿਲਾਂ ਵਿਧੀ ਦੀਆਂ ਕਮੀਆਂ ਨੂੰ ਉਜਾਗਰ ਕਰਨਾ ਚਾਹੁੰਦੇ ਹਾਂ। ਤੁਹਾਡੇ ਖੋਜਕਰਤਾਵਾਂ ਨੇ ਸਪੱਸ਼ਟ ਤੌਰ 'ਤੇ “13 ਸਾਲ ਦੇ ਬੱਚਿਆਂ” ਲਈ ਰਜਿਸਟਰਡ ਬਹੁਤ ਹੀ ਘੱਟ ਗਿਣਤੀ ਵਿੱਚ ਜਾਂਚ ਖਾਤੇ ਬਣਾਏ, ਸਾਫ਼ ਮੰਨੇ ਜਾਣ ਵਾਲੇ ਡਿਵਾਈਸਾਂ ਦੀ ਵਰਤੋਂ ਕੀਤੀ, Snapchat ਵੱਲੋਂ ਸਿਫ਼ਾਰਸ਼ ਕੀਤੇ 50 ਰਚਨਾਕਾਰ ਖਾਤਿਆਂ ਨੂੰ ਫ਼ਾਲੋ ਕੀਤਾ, ਸਪੱਸ਼ਟ ਤੌਰ 'ਤੇ ਸੰਵੇਦਨਸ਼ੀਲ ਵਿਸ਼ਿਆਂ ਦੀਆਂ ਉਦਾਹਰਨਾਂ ਦੀ ਭਾਲ ਕੀਤੀ ਅਤੇ ਫਿਰ ਦੋ ਮੁੱਖ ਜਾਂਚ ਖਾਤਿਆਂ 'ਤੇ ਵੇਖਣ ਦੇ ਲਗਭਗ 12 ਘੰਟਿਆਂ ਤੋਂ ਵਿਆਪਕ ਨਤੀਜੇ ਕੱਢੇ। ਇਹ ਅਭਿਆਸ ਸੰਭਾਵੀ ਮਾਮਲਿਆਂ ਵਿੱਚ ਚਿੰਤਾਵਾਂ ਨੂੰ ਸਾਹਮਣੇ ਲਿਆਉਣ ਲਈ ਤਿਆਰ ਕੀਤੀ ਸੀਮਿਤ ਜਾਂਚ ਵਜੋਂ ਲਾਭਦਾਇਕ ਹੋ ਸਕਦਾ ਹੈ। ਇਹ Snapchat 'ਤੇ ਆਮ ਕਰਕੇ ਕਿਸ਼ੋਰਾਂ ਦੇ ਤਜ਼ਰਬੇ ਜਾਂ ਨੌਜਵਾਨਾਂ ਦੀ ਆਨਲਾਈਨ ਸੁਰੱਖਿਆ ਕਰਨ ਵਿੱਚ ਮਦਦ ਕਰਨ ਵਾਲੀ ਕੰਪਨੀ ਵਜੋਂ Snap ਦੀ ਗੰਭੀਰਤਾ ਬਾਰੇ ਵਿਆਪਕ ਦਾਅਵਿਆਂ ਲਈ ਠੋਸ ਆਧਾਰ ਨਹੀਂ ਹੈ।

ਰਿਪੋਰਟ ਦਾ ਆਪਣਾ ਮੁਲਾਂਕਣ ਢਾਂਚਾ ਵੀ ਅਸਧਾਰਨ ਤੌਰ 'ਤੇ ਵਿਆਪਕ ਹੈ। ਇਹ “ਅਸੁਰੱਖਿਅਤ ਸਮੱਗਰੀ” ਨੂੰ ਪਰਿਭਾਸ਼ਿਤ ਕਰਦੀ ਹੈ ਤਾਂ ਜੋ ਕਈ ਜੋਖਮਾਂ ਨੂੰ ਸ਼ਾਮਲ ਕੀਤਾ ਜਾ ਸਕੇ: ਜਿਨਸੀ ਅਤੇ ਨਸ਼ੀਲੇ ਪਦਾਰਥਾਂ ਦੀ ਸਮੱਗਰੀ, ਹਿੰਸਾ ਅਤੇ ਸਵੈ-ਨੁਕਸਾਨ ਦੇ ਹਵਾਲਿਆਂ ਤੋਂ ਲੈ ਕੇ ਸਰੀਰਕ ਸ਼ਰਮਿੰਦਗੀ, ਪਲਾਸਟਿਕ ਸਰਜਰੀ, ਖਤਰਨਾਕ ਚੁਣੌਤੀਆਂ, ਨਸਲਵਾਦ, ਕੱਟੜਪੰਥੀ ਅਤੇ ਨਫ਼ਰਤ ਭਰੇ ਭਾਸ਼ਣ ਤੱਕ। ਅਸਲ ਵਿੱਚ ਇਹਨਾਂ ਵਿੱਚੋਂ ਜ਼ਿਆਦਾਤਰ ਸ਼੍ਰੇਣੀਆਂ Snapchat ਦੀਆਂ ਭਾਈਚਾਰਕ ਸੇਧਾਂ ਦੀ ਉਲੰਘਣਾ ਕਰਦੀਆਂ ਹਨ। ਪਰ ਜਿਵੇਂ ਕਿ ਅਸੀਂ ਹੇਠਾਂ ਅੱਗੇ ਦੱਸਦੇ ਹਾਂ, ਸਾਰੀਆਂ ਉਲੰਘਣਾਵਾਂ ਵਿੱਚ ਇਕੋ ਜਿਹੇ ਦਰਜੇ ਦੀ ਗੰਭੀਰਤਾ ਨਹੀਂ ਹੁੰਦੀ ਜਾਂ ਇਕੋ ਜਿਹੇ ਪੱਧਰ ਦੇ ਅਮਲੀਕਰਨ ਦੀ ਲੋੜ ਨਹੀਂ ਹੁੰਦੀ। ਉਲੰਘਣਾ ਦੀ ਕਿਸਮ ਦੇ ਅਧਾਰ 'ਤੇ Snap ਕਿਸੇ ਵਰਤੋਂਕਾਰ ਦੀ ਸਮੱਗਰੀ, ਖਾਤੇ ਅਤੇ/ਜਾਂ ਡਿਵਾਈਸ ਦੇ ਵਿਰੁੱਧ ਕਾਰਵਾਈ ਕਰ ਸਕਦਾ ਹੈ ਅਤੇ ਢੁਕਵਾਂ ਹੋਣ 'ਤੇ ਅਪਰਾਧੀਆਂ ਦੀ ਕਾਨੂੰਨੀ ਅਮਲੀਕਰਨ ਨੂੰ ਸਰਗਰਮੀ ਨਾਲ ਰਿਪੋਰਟ ਕਰ ਸਕਦਾ ਹੈ। 

ਜਦੋਂ ਅਜਿਹੀਆਂ ਵਿਆਪਕ ਸਮੱਗਰੀ ਸ਼੍ਰੇਣੀਆਂ ਨੂੰ ਇੱਕੋ ਸੁਰਖੀ ਵਿੱਚ ਸਮੇਟ ਦਿੱਤਾ ਜਾਂਦਾ ਹੈ, ਤਾਂ ਨਤੀਜਾ ਸਪਸ਼ਟਤਾ ਨਾਲੋਂ ਜ਼ਿਆਦਾ ਘੜਮੱਸ ਹੁੰਦਾ ਹੈ। ਸ਼ਾਇਦ ਇਹ ਧਿਆਨ ਖਿੱਚਣ ਲਈ ਤਿਆਰ ਕੀਤੀ ਹੋਵੇ, ਪਰ ਇਹ ਮਾਪਿਆਂ, ਨੀਤੀ ਨਿਰਮਾਤਾਵਾਂ ਜਾਂ ਪਲੇਟਫਾਰਮਾਂ ਨੂੰ ਅਨੁਸਾਰੀ ਗੰਭੀਰਤਾ, ਜੋਖ਼ਮਾਂ ਦੇ ਰਸਤਿਆਂ ਜਾਂ ਸੰਭਾਵੀ ਨੁਕਸਾਨ ਨੂੰ ਘਟਾਉਣ ਦੀ ਸਭ ਤੋਂ ਵੱਧ ਸੰਭਾਵਨਾ ਵਾਲੀਆਂ ਦਖਲਅੰਦਾਜ਼ੀਆਂ ਨੂੰ ਸਮਝਣ ਵਿੱਚ ਮਦਦ ਨਹੀਂ ਕਰਦੀ।

ਤੁਹਾਡੀ ਰਿਪੋਰਟ ਅੱਗੇ ਸਵੀਕਾਰ ਕਰਦੀ ਹੈ ਕਿ ਸਮੇਂ ਦੇ ਨਾਲ ਅਤੇ ਖੋਜਕਰਤਾਵਾਂ ਵੱਲੋਂ ਸਪੱਸ਼ਟ ਤੌਰ 'ਤੇ ਸੁਝਾਏ ਰਚਨਾਕਾਰਾਂ ਨੂੰ ਫ਼ਾਲੋ ਕਰਨ ਅਤੇ ਸੰਵੇਦਨਸ਼ੀਲ ਸ਼ਬਦਾਂ ਦੀ ਭਾਲ ਕਰਨ ਤੋਂ ਬਾਅਦ ਸਿਫ਼ਾਰਸ਼ਾਂ ਦੇ ਨਮੂਨੇ ਬਦਲ ਗਏ। ਫਿਰ ਵੀ ਇਹ “739 ਅਸੁਰੱਖਿਅਤ ਵੀਡੀਓਜ਼” ਵਰਗੇ ਅੰਕੜੇ ਪੇਸ਼ ਕਰਦੀ ਹੈ ਅਤੇ 18 ਸਾਲ ਤੋਂ ਘੱਟ ਉਮਰ ਦੇ ਹਰੇਕ ਲਈ ਐਲਗੋਰਿਦਮ ਸਿਫ਼ਾਰਸ਼ਾਂ ਨੂੰ ਖਤਮ ਕਰਨ ਵਰਗੇ ਸਿੱਧੇ ਅਤੇ ਬਹੁਤ ਜ਼ਿਆਦਾ ਦੰਡਕਾਰੀ ਉਪਾਵਾਂ ਦੀ ਸਿਫ਼ਾਰਸ਼ ਕਰਦੀ ਹੈ। ਜੇਕਰ ਅਭਿਆਸ ਨੂੰ ਸੀਮਿਤ ਹੋਣ ਲਈ ਤਿਆਰ ਕੀਤਾ ਗਿਆ ਸੀ, ਤਾਂ ਇਸ ਨੂੰ ਉਸ ਅਨੁਸਾਰ ਦਰਸਾਇਆ ਜਾਣਾ ਚਾਹੀਦਾ ਸੀ। ਇਸ ਦੀ ਬਜਾਏ ਰਿਪੋਰਟ ਵਾਰ-ਵਾਰ ਸੀਮਿਤ ਤਜ਼ਰਬੇ ਤੋਂ ਲੈ ਕੇ ਸਮੁੱਚੇ ਤੌਰ 'ਤੇ Snapchat ਅਤੇ ਇਸ ਦੇ ਵਰਤੋਂਕਾਰਾਂ ਬਾਰੇ ਵਿਆਪਕ, ਬਿਆਨਬਾਜ਼ੀ ਵਾਲੇ ਸਿੱਟਿਆਂ ਵੱਲ ਵਧਦੀ ਹੈ।

ਇਹ ਭੁੱਲ ਮਾਇਨੇ ਰੱਖਦੀ ਹੈ ਕਿਉਂਕਿ ਜੋਖਮ ਅਤੇ ਨੁਕਸਾਨ ਇਕੋ ਚੀਜ਼ ਨਹੀਂ ਹਨ। ਦੋਵੇਂ ਗੰਭੀਰਤਾ ਨਾਲ ਧਿਆਨ ਦੇਣ ਦੇ ਹੱਕਦਾਰ ਹਨ, ਪਰ ਹਰੇਕ ਦਾ ਸਾਹਮਣਾ ਕਰਨ ਦਾ ਨਤੀਜਾ ਇਕੋ ਜਿਹਾ ਨਹੀਂ ਹੁੰਦਾ ਅਤੇ ਹਰੇਕ ਤਜ਼ਰਬਾ ਇਕੋ ਨੀਤੀ ਨੁਸਖ਼ੇ ਨੂੰ ਜਾਇਜ਼ ਨਹੀਂ ਠਹਿਰਾਉਂਦਾ। ਜ਼ਿੰਮੇਵਾਰ ਵਿਸ਼ਲੇਸ਼ਣ ਨੂੰ ਉਨ੍ਹਾਂ ਭੇਦਾਂ ਨੂੰ ਸੁਰੱਖਿਅਤ ਰੱਖਣਾ ਚਾਹੀਦਾ ਹੈ, ਨਾ ਕਿ ਉਨ੍ਹਾਂ ਨੂੰ ਪ੍ਰਭਾਵ ਲਈ ਨਜ਼ਰਅੰਦਾਜ਼ ਕਰਨਾ ਚਾਹੀਦਾ ਹੈ।

ਇਸ ਵਿੱਚੋਂ ਕੁਝ ਵੀ ਇਹ ਸੁਝਾਅ ਦੇਣ ਲਈ ਨਹੀਂ ਹੈ ਕਿ Snap ਕਿਸ਼ੋਰਾਂ ਦੀ ਸੁਰੱਖਿਆ ਦੀਆਂ ਚਿੰਤਾਵਾਂ ਨੂੰ ਹਲਕੇ ਤੌਰ 'ਤੇ ਦੇਖਦਾ ਹੈ। ਅਸੀਂ ਅਜਿਹਾ ਨਹੀਂ ਕਰਦੇ। ਦਰਅਸਲ ਸੁਰੱਖਿਆ ਅਤੇ ਤੰਦਰੁਸਤੀ ਸਾਡੇ ਕੰਮ ਦਾ ਮੁੱਖ ਹਿੱਸਾ ਹਨ। ਅੰਦਰੂਨੀ ਤੌਰ 'ਤੇ ਸਾਡਾ ਪਲੇਟਫ਼ਾਰਮ ਸੁਰੱਖਿਆ ਉਦੇਸ਼ ਅਜਿਹੇ ਤਰੀਕਿਆਂ ਨਾਲ Snapchat ਭਾਈਚਾਰੇ ਖਾਸ ਕਰਕੇ ਕਿਸ਼ੋਰਾਂ ਦੀ ਸੁਰੱਖਿਆ ਅਤੇ ਤੰਦਰੁਸਤੀ ਨੂੰ ਉਤਸ਼ਾਹਿਤ ਕਰਨਾ ਅਤੇ ਸਹਿਯੋਗ ਦੇਣਾ ਹੈ ਜਿਸ ਵਿੱਚ ਸੁਰੱਖਿਆ ਦੇ ਸੁਮੇਲ ਵਾਲਾ ਉਤਪਾਦ ਡਿਜ਼ਾਈਨ ਹੋਵੇ ਜਿਸ ਵਿੱਚ ਤਕਨਾਲੋਜੀ, ਮਜ਼ਬੂਤ ਨੀਤੀਆਂ, ਸੰਚਾਲਨ ਮੁਹਾਰਤ, ਉਦਯੋਗ ਅਤੇ ਸਾਂਝਾ-ਖੇਤਰ ਸਹਿਯੋਗ, ਪ੍ਰਭਾਵੀ ਵਿਧਾਨ ਅਤੇ ਜਾਗਰੂਕਤਾ-ਮੁਹਿੰਮਾਂ ਅਤੇ ਸਿੱਖਿਆ ਹੋਵੇ। ਇਹ ਨਾਹਰਾ ਨਹੀਂ ਹੈ। ਇਹ ਉਹ ਢਾਂਚਾ ਹੈ ਜਿਸ ਦੇ ਤਹਿਤ Snap ਵਿੱਚ ਕਈ ਟੀਮਾਂ ਹਰ ਦਿਨ ਚੀਜ਼ਾਂ ਬਣਾਉਂਦੀਆਂ ਹਨ, ਲਾਗੂ ਕਰਦੀਆਂ ਹਨ, ਸਿੱਖਿਆ ਦਿੰਦੀਆਂ ਹਨ ਅਤੇ ਉਸ ਅਨੁਸਾਰ ਢਲਦੀਆਂ ਹਨ। ਇਹੀ ਕਾਰਨ ਹੈ ਕਿ ਅਸੀਂ ਸਾਡੇ ਨਾਲ ਇੱਕੋ ਸਮੇਂ ਵਿਰੋਧੀ ਸੋਸ਼ਲ ਮੀਡੀਆ ਅਤੇ ਪ੍ਰੈਸ ਦੀ ਸ਼ਮੂਲੀਅਤ ਦੇ ਬਾਵਜੂਦ ਤੁਹਾਡੀਆਂ ਸੰਸਥਾਵਾਂ ਨਾਲ ਖੁੱਲ੍ਹ ਕੇ ਅਤੇ ਸਹਿਯੋਗੀ ਤੌਰ 'ਤੇ ਜੁੜਨ ਦੀ ਕੋਸ਼ਿਸ਼ ਕੀਤੀ। 

Snapchat ਨੂੰ ਵੱਖਰੇ ਤਰੀਕੇ ਨਾਲ ਬਣਾਇਆ ਸੀ, ਸਿੱਧੇ ਕੈਮਰੇ 'ਤੇ ਖੁੱਲ੍ਹਦੀ ਹੈ, ਖੁੱਲ੍ਹੀ ਫੀਡ ਲਈ ਨਹੀਂ। ਉਹ ਅੰਤਰ ਮਹੱਤਵਪੂਰਨ ਹੈ। ਅਸੀਂ ਮੁੱਖ ਪਰਦੇਦਾਰੀ ਅਤੇ ਸੁਰੱਖਿਆ ਸੈਟਿੰਗਾਂ ਨੂੰ ਕਿਸ਼ੋਰਾਂ ਲਈ ਵਧੇਰੇ ਸਖਤ ਮਿਆਰਾਂ ਅਨੁਸਾਰ ਸੈੱਟ ਕਰਦੇ ਹਾਂ। ਅਸੀਂ ਉਨ੍ਹਾਂ ਲੋਕਾਂ ਦਰਮਿਆਨ ਸਿੱਧੇ ਸੁਨੇਹਾ ਭੇਜਣ ਨਹੀਂ ਦਿੰਦੇ ਜੋ ਆਪਸੀ ਤੌਰ 'ਤੇ ਮਨਜ਼ੂਰ ਦੋਸਤ ਨਹੀਂ ਹਨ ਜਾਂ ਪਹਿਲਾਂ ਹੀ ਇੱਕ ਦੂਜੇ ਦੀ ਸੰਪਰਕ ਬੁੱਕ ਵਿੱਚ ਨਹੀਂ ਹਨ, ਅਤੇ ਹੋਰ ਪਲੇਟਫ਼ਾਰਮ ਕਾਰਜਸ਼ੀਲਤਾ ਦੇ ਸੰਬੰਧ ਵਿੱਚ ਕਿਸ਼ੋਰਾਂ ਲਈ ਸਾਡੇ ਕੋਲ ਵਾਧੂ ਸੁਰੱਖਿਆ ਉਪਾਅ ਹਨ। ਇਹ ਅਰਥਪੂਰਨ ਢਾਂਚਾ ਵਿਕਲਪ ਹਨ, ਖਾਸ ਕਰਕੇ ਅਜਿਹੇ ਮਾਹੌਲ ਵਿੱਚ ਜਿੱਥੇ ਅਣਚਾਹਿਆ ਸੰਪਰਕ ਅੱਜ ਨੌਜਵਾਨਾਂ ਦੇ ਆਨਲਾਈਨ ਸਾਹਮਣੇ ਆਉਣ ਵਾਲੇ ਸਭ ਤੋਂ ਆਮ ਜੋਖਮਾਂ ਵਿੱਚੋਂ ਇੱਕ ਬਣਿਆ ਹੋਇਆ ਹੈ। ¹

ਅਸੀਂ ਆਪਣੇ ਛੋਟੇ ਕਿਸ਼ੋਰਾਂ ਲਈ ਤਜ਼ਰਬੇ ਨੂੰ ਵੀ ਸੁਧਾਰਨਾ ਜਾਰੀ ਰੱਖਿਆ ਹੈ। ਉਦਾਹਰਨ ਲਈ 13 ਤੋਂ 15 ਸਾਲ ਦੀ ਉਮਰ ਦੇ Snapchatters ਹੁਣ ਸਪੌਟਲਾਈਟ ਵੀਡੀਓਜ਼ ਬਣਾ ਸਕਦੇ, ਸੁਰੱਖਿਅਤ ਕਰ ਸਕਦੇ ਹਨ ਅਤੇ ਸਿਰਫ਼ ਆਪਸੀ ਤੌਰ 'ਤੇ ਸਵੀਕਾਰ ਕੀਤੇ ਦੋਸਤਾਂ ਨੂੰ ਹੀ ਦਿਖਾਈ ਦੇਣ ਵਾਲੀ ਸਮਰਪਿਤ ਜਗ੍ਹਾ ਵਿੱਚ ਸਾਂਝੇ ਕਰ ਸਕਦੇ ਹਨ। ਕੋਈ ਜਨਤਕ ਫ਼ਾਲੋਅਰ ਨਹੀਂ। ਮਨਪਸੰਦ ਹੋਣ ਦੀ ਕੋਈ ਗਿਣਤੀ ਨਹੀਂ। ਉਸ ਉਮਰ ਲੜੀ ਲਈ ਕੋਈ ਜਨਤਕ ਵੰਡ ਨਹੀਂ ਹੈ। ਇਹ ਉਸ ਕੰਪਨੀ ਦੇ ਉਲਟ ਹੈ ਜੋ ਉਮਰ-ਢੁੱਕਵੇਂ ਡਿਜ਼ਾਈਨ ਪ੍ਰਤੀ ਬੇਪਰਵਾਹ ਹੁੰਦੀ ਹੈ।

ਮਾਪਿਆਂ ਅਤੇ ਦੇਖਭਾਲ ਕਰਨ ਵਾਲਿਆਂ ਲਈ ਪਰਿਵਾਰ ਕੇਂਦਰ ਕਿਸ਼ੋਰਾਂ ਨੂੰ ਉਨ੍ਹਾਂ ਦੀਆਂ ਸਮੁੱਚੀਆਂ ਗੱਲਾਂਬਾਤਾਂ ਦੀ ਪਰਦੇਦਾਰੀ ਨੂੰ ਛੱਡਣ ਲਈ ਮਜ਼ਬੂਰ ਕੀਤੇ ਬਿਨਾਂ ਅਰਥਪੂਰਨ ਦ੍ਰਿਸ਼ਟਤਾ ਦਿੰਦਾ ਹੈ। ਇਹ ਭਰੋਸੇਯੋਗ ਬਾਲਗਾਂ ਨੂੰ ਆਪਣੇ ਕਿਸ਼ੋਰ ਦੇ ਦੋਸਤਾਂ ਦੀ ਸੂਚੀ ਦੇਖਣ, ਉਨ੍ਹਾਂ ਨੇ ਹਾਲ ਹੀ ਵਿੱਚ ਕਿਨ੍ਹਾਂ ਨਾਲ ਗੱਲਬਾਤ ਕੀਤੀ, ਨਾਲ ਹੀ ਟਿਕਾਣਾ-ਸਾਂਝਾਕਰਨ ਦੀਆਂ ਸੈਟਿੰਗਾਂ ਦੇਖਣ; ਸਮੱਗਰੀ 'ਤੇ ਵਧੇਰੇ ਸਖਤ ਪਾਬੰਦੀਆਂ ਲਗਾਉਣ ਅਤੇ ਕੁਝ ਕਨੈਕਸ਼ਨਾਂ ਦੇ ਦੁਆਲੇ ਵਾਧੂ ਸੰਦਰਭ ਪ੍ਰਾਪਤ ਕਰਨ ਦਿੰਦਾ ਹੈ। ਹਾਲ ਹੀ ਵਿੱਚ ਅਸੀਂ ਪਰਿਵਾਰਾਂ ਨੂੰ ਆਨਲਾਈਨ ਸੁਰੱਖਿਅਤ ਰਹਿਣ ਬਾਰੇ ਬਿਹਤਰ ਤੌਰ 'ਤੇ ਜਾਣਕਾਰੀ ਭਰਪੂਰ ਗੱਲਾਂਬਾਤਾਂ ਕਰਨ ਵਿੱਚ ਮਦਦ ਲਈ Snapchat ਦੇ ਕੁਝ ਹਿੱਸਿਆਂ ਵਿੱਚ ਬਿਤਾਏ ਸਮੇਂ ਅਤੇ ਹੋਰ ਨਵੇਂ ਸੰਕੇਤਾਂ ਲਈ ਦ੍ਰਿਸ਼ਟਤਾ ਵੀ ਸ਼ਾਮਲ ਕੀਤੀ ਹੈ।

ਅਸੀਂ ਸ਼ੱਕੀ ਅਨਸਰਾਂ ਦਾ ਕਿਸ਼ੋਰਾਂ ਨਾਲ ਜੁੜਨਾ ਸੀਮਿਤ ਕਰਕੇ ਉਨ੍ਹਾਂ ਦਾ ਕਿਸ਼ੋਰਾਂ ਤੱਕ ਪਹੁੰਚਣਾ ਵੀ ਵਧੇਰੇ ਮੁਸ਼ਕਲ ਬਣਾ ਦਿੱਤਾ ਹੈ। ਜਦੋਂ ਲੱਗਦਾ ਹੈ ਕਿ ਕੋਈ ਅਜਿਹਾ ਇਨਸਾਨ ਕਿਸੇ ਕਿਸ਼ੋਰ ਨਾਲ ਜੁੜਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਜੋ ਉਸਦੇ ਮੌਜੂਦਾ ਦਾਇਰੇ ਤੋਂ ਬਾਹਰ ਹੈ, ਤਾਂ ਅਸੀਂ ਐਪ-ਅੰਦਰ ਚੇਤਾਵਨੀਆਂ ਦਿੰਦੇ ਹਾਂ ਅਤੇ ਕਿਸ਼ੋਰ ਸਾਡੇ ਔਜ਼ਾਰਾਂ ਦੀ ਸਰਗਰਮੀ ਨਾਲ ਵਰਤੋਂ ਅਣਜਾਣੇ ਸੰਪਰਕਾਂ ਨੂੰ ਨਜ਼ਰਅੰਦਾਜ਼ ਕਰਨ, ਬਲੌਕ ਕਰਨ ਅਤੇ ਰਿਪੋਰਟ ਕਰਨ ਲਈ ਕਰਦੇ ਹਨ।

ਜਿਨਸੀ ਸ਼ੋਸ਼ਣ ਅਤੇ ਜਿਨਸੀ ਜਬਰੀ ਵਸੂਲੀ ਦਾ ਮੁਕਾਬਲਾ ਕਰਨ ਦੇ ਸਾਡੇ ਕੰਮ ਬਾਰੇ ਵੀ ਇਹੀ ਗੱਲ ਸੱਚ ਹੈ। Snap ਸਰਗਰਮ ਪਛਾਣ ਤਕਨਾਲੋਜੀ ਦੀ ਵਰਤੋਂ ਕਰਦਾ ਹੈ, ਜਿਸ ਵਿੱਚ ਹੈਸ਼-ਮਿਲਾਨ ਦੇ ਔਜ਼ਾਰ ਜਿਵੇਂ ਕਿ PhotoDNA, Google ਦਾ CSAI Match ਅਤੇ Google ਦਾ ਸਮੱਗਰੀ ਸੁਰੱਖਿਆ API ਦੇ ਨਾਲ-ਨਾਲ ਮਾੜੇ ਅਨਸਰਾਂ ਦੀ ਦੂਜਿਆਂ ਨੂੰ ਨਿਸ਼ਾਨਾ ਬਣਾਉਣ ਤੋਂ ਪਹਿਲਾਂ ਪਛਾਣ ਕਰਨ ਲਈ ਮਲਕੀਅਤ ਸੰਕੇਤ-ਅਧਾਰਿਤ ਪਛਾਣ ਸ਼ਾਮਲ ਹੈ। ਅਸੀਂ ਪ੍ਰਮੁੱਖ ਸਾਂਝਾ-ਖੇਤਰ ਅਤੇ ਸਾਂਝਾ-ਉਦਯੋਗ ਪਹਿਲਕਦਮੀਆਂ ਵਿੱਚ ਵੀ ਹਿੱਸਾ ਲੈਂਦੇ ਹਾਂ, ਜਿਸ ਵਿੱਚ ਤਕਨਾਲੋਜੀ ਗੱਠਜੋੜ ਦਾ Lantern ਪ੍ਰੋਜੈਕਟ, ਲਾਪਤਾ ਅਤੇ ਸ਼ੋਸ਼ਣ ਕੀਤੇ ਬੱਚਿਆਂ ਲਈ ਰਾਸ਼ਟਰੀ ਕੇਂਦਰ (NCMEC) ਤੋਂ Take It Down, Internet Watch Foundation ਅਤੇ Childline ਦਾ Report Remove ਪ੍ਰੋਗਰਾਮ, ਯੂਕੇ ਵਿੱਚ ਸਿੱਖਣ ਲਈ ਦੱਖਣ-ਪੱਛਮੀ ਗਰਿੱਡ ਤੋਂ StopNCII, ਅੱਤਵਾਦ ਦਾ ਮੁਕਾਬਲਾ ਕਰਨ ਲਈ ਗਲੋਬਲ ਇੰਟਰਨੈੱਟ ਫੋਰਮ ਦੇ ਵੱਖ-ਵੱਖ ਯਤਨ ਅਤੇ ਖੁਦਕੁਸ਼ੀ ਅਤੇ ਖੁਦ ਦੇ ਨੁਕਸਾਨ ਨੂੰ ਰੋਕਣ 'ਤੇ ਧਿਆਨ ਦੇਣ ਲਈ Thrive ਸ਼ਾਮਲ ਹਨ। 2026 ਦੇ ਪਹਿਲੇ ਹਿੱਸੇ ਵਿੱਚ Snap ਵਿਸ਼ਵ ਪੱਧਰ 'ਤੇ ਲਗਭਗ 220 ਪ੍ਰਤੀ ਦਿਨ ਜਾਂ ਲਗਭਗ 6,600 ਪ੍ਰਤੀ ਮਹੀਨੇ ਦੀਆਂ ਸ਼ੱਕੀ ਜਿਨਸੀ ਜਬਰੀ ਵਸੂਲੀ ਦੀਆਂ ਘਟਨਾਵਾਂ ਦੇ ਵਿਰੁੱਧ ਕਾਰਵਾਈ ਕਰਦਾ ਰਿਹਾ ਹੈ। ਨਿਰੰਤਰ ਨਿਵੇਸ਼ ਇਹ ਹੁੰਦਾ ਹੈ।

ਅਸੀਂ ਸਿਰਫ਼ ਅਮਲੀਕਰਨ ਵਿੱਚ ਹੀ ਨਹੀਂ, ਸਿੱਖਿਆ ਵਿੱਚ ਵੀ ਨਿਵੇਸ਼ ਕਰ ਰਹੇ ਹਾਂ। ਸਾਡਾ ਜਨਤਕ ਆਨਲਾਈਨ ਸੁਰੱਖਿਆ ਸਿੱਖਿਆ ਪ੍ਰੋਗਰਾਮ, “ਕੁੰਜੀਆਂ” ਬਾਹਰਲੇ ਮਾਹਰਾਂ ਅਤੇ ਸੰਸਥਾਵਾਂ ਨਾਲ ਬਣਾਇਆ ਗਿਆ ਸੀ, ਜਿਨ੍ਹਾਂ ਵਿੱਚ Common Sense Media, ਪਰਿਵਾਰ ਆਨਲਾਈਨ ਸੁਰੱਖਿਆ ਸੰਸਥਾ (FOSI), Thorn, ਸਾਈਬਰ-ਧੌਂਸਪੁਣਾ ਖੋਜ ਕੇਂਦਰ ਅਤੇ Song for Charlie ਸ਼ਾਮਲ ਹਨ ਅਤੇ ਡਿਜੀਟਲ ਤੰਦਰੁਸਤੀ ਲਈ Snap ਦੀਆਂ ਵੱਖ-ਵੱਖ ਗਲੋਬਲ ਕਿਸ਼ੋਰ ਕੌਂਸਲਾਂ ਅਤੇ ਸਾਡੇ ਅੰਤਰਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਬੋਰਡ ਦੇ ਮੈਂਬਰਾਂ ਵੱਲੋਂ ਸਮੀਖਿਆ ਕੀਤੀ ਗਈ ਸੀ। ਇਹ ਕਿਸੇ ਵੀ ਪਲੇਟਫ਼ਾਰਮ, ਸੇਵਾ ਜਾਂ ਐਪ 'ਤੇ ਕਿਸ਼ੋਰਾਂ ਸਾਹਮਣੇ ਆਉਣ ਵਾਲੇ ਚਾਰ ਗੰਭੀਰ ਜੋਖਮਾਂ ਨੂੰ ਹੱਲ ਕਰਦਾ ਹੈ: ਧੌਂਸਪੁਣਾ, ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਸਰਗਰਮੀ, ਨੰਗੀਆਂ ਅਤੇ ਨਿੱਜੀ ਤਸਵੀਰਾਂ ਅਤੇ ਜਿਨਸੀ ਜਬਰੀ ਵਸੂਲੀ। ਇਹ ਸਿਰਫ਼ Snapchat ਵਰਤੋਂਕਾਰਾਂ ਲਈ ਹੀ ਨਹੀਂ ਸਗੋਂ ਸਾਰਿਆਂ ਲਈ ਉਪਲਬਧ ਹੈ, ਕਿਉਂਕਿ ਡਿਜੀਟਲ ਸੁਰੱਖਿਆ ਸਾਖਰਤਾ ਪਲੇਟਫਾਰਮ-ਬੱਝੀ ਨਹੀਂ ਹੋਣੀ ਚਾਹੀਦੀ।

ਵਧੇਰੇ ਵਿਆਪਕ ਤੌਰ 'ਤੇ Snap ਨੇ ਇਸ ਬਹਿਸ ਵਿੱਚ ਸਬੂਤ ਦੇਣ ਦੀ ਕੋਸ਼ਿਸ਼ ਕੀਤੀ ਨਾ ਕਿ “ਘਬਰਾਹਟ” ਵਿਖਾਈ। ਸਾਡਾ ਡਿਜੀਟਲ ਤੰਦਰੁਸਤੀ ਸੂਚਕਾਂਕ ਇਕੱਲੇ Snapchat 'ਤੇ ਹੀ ਨਹੀਂ ਸਗੋਂ ਵਿਆਪਕ ਆਨਲਾਈਨ ਮਾਹੌਲ ਵਿੱਚ ਨੌਜਵਾਨਾਂ ਦੇ ਤਜ਼ਰਬਿਆਂ ਮੁਤਾਬਕ ਜਾਣਕਾਰੀ ਦੇਣ ਲਈ ਸਾਂਝਾ-ਪਲੇਟਫਾਰਮ ਖੋਜ ਹੈ। ਹੁਣ ਤੱਕ ਜਾਰੀ ਕੀਤੀਆਂ ਪੰਜ ਵਿੱਚੋਂ ਚਾਰ ਖੋਜਾਂ ਵਿੱਚ ਸਮੁੱਚਾ DWBI ਅੰਕ 62 ਤੋਂ 64 ਹੋ ਗਿਆ ਹੈ ² (ਚਾਰ ਸਾਲਾਂ ਤੋਂ ਵੱਧ ਸਮੇਂ ਵਿੱਚ) ਛੇ ਦੇਸ਼ਾਂ ਵਿੱਚ 13 ਤੋਂ 24 ਸਾਲ ਦੇ ਨੌਜਵਾਨਾਂ ਦਾ ਆਨਲਾਈਨ ਜੋਖਮ ਦੀ ਰਿਪੋਰਟ ਕਰਨਾ 2022 ਵਿੱਚ 76% ਤੋਂ ਵਧ ਕੇ 2025 ਵਿੱਚ 81% ਹੋ ਗਿਆ। ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਆਨਲਾਈਨ ਮਾਹੌਲ ਸਮੱਸਿਆਵਾਂ ਤੋਂ ਰਹਿਤ ਹੈ। ਇਸਦਾ ਮਤਲਬ ਹੈ ਕਿ ਵਿਆਪਕ ਤੌਰ 'ਤੇ ਗਿਰਾਵਟ ਦੇ ਸਰਲ ਬਿਰਤਾਂਤ ਸਬੂਤ ਨਾਲ ਸਾਬਤ ਨਹੀਂ ਹੁੰਦੇ। ਇਸਦਾ ਇਹ ਵੀ ਮਤਲਬ ਹੈ ਕਿ ਨੀਤੀ ਨਿਰਮਾਤਾਵਾਂ ਅਤੇ ਹਿਮਾਇਤੀਆਂ ਨੂੰ ਡਰ ਨੂੰ ਵਿਸ਼ਲੇਸ਼ਣ ਵਜੋਂ ਮੰਨਣਾ ਬੰਦ ਕਰਨਾ ਚਾਹੀਦਾ ਹੈ ਅਤੇ ਸਹਾਇਤਾ, ਲਚਕੀਲੇਪਣ, ਡਿਜ਼ਾਈਨ ਦੀ ਗੁਣਵੱਤਾ ਅਤੇ ਵਧੇਰੇ ਲੋਕਾਂ ਨੂੰ ਆਨਲਾਈਨ ਪ੍ਰਫੁੱਲਤ ਹੋਣ ਵਿੱਚ ਮਦਦ ਕਰਨ ਬਾਰੇ ਬਿਹਤਰ ਸਵਾਲ ਪੁੱਛਣਾ ਸ਼ੁਰੂ ਕਰਨਾ ਚਾਹੀਦਾ ਹੈ।

ਉਹੀ ਖੋਜ ਜੋ ਸਾਰੇ ਪਲੇਟਫਾਰਮਾਂ, ਸੇਵਾਵਾਂ ਅਤੇ ਡਿਵਾਈਸਾਂ ਬਾਰੇ ਦੱਸਦੀ ਹੈ ਪਰ Snapchat 'ਤੇ ਕੋਈ ਖਾਸ ਧਿਆਨ ਨਹੀਂ ਦਿੰਦੀ ਹੈ, ਉਸ ਨੇ ਇਹ ਵੀ ਦਰਸਾਇਆ ਹੈ ਕਿ ਡਿਜੀਟਲ ਤੰਦਰੁਸਤੀ ਉਦੋਂ ਜ਼ਿਆਦਾ ਕਾਰਗਰ ਹੁੰਦੀ ਹੈ ਜਦੋਂ ਕਿਸ਼ੋਰਾਂ ਦੇ ਆਲੇ ਦੁਆਲੇ ਉਨ੍ਹਾਂ ਦੀ ਸਹਾਇਤਾ ਲਈ ਵਧੇਰੇ ਸਹਾਇਤਾ ਸਹੂਲਤਾਂ ਹੁੰਦੀਆਂ ਹਨ ਅਤੇ ਇਹ ਕਿ ਆਨਲਾਈਨ ਜੋਖਮ ਦਾ ਸਾਹਮਣਾ ਕਰਨ ਤੋਂ ਬਾਅਦ ਵਧੇਰੇ ਨੌਜਵਾਨ ਮਦਦ ਲਈ ਪਹੁੰਚ ਕਰਦੇ ਹਨ। ਦੂਜੇ ਸ਼ਬਦਾਂ ਵਿੱਚ ਇਸਦਾ ਮਤਲਬ ਇਹ ਨਹੀਂ ਕਿ ਮੁੱਦੇ ਨੂੰ ਇੱਕ ਹੋਰ ਚਿੰਤਾਜਨਕ ਸੁਰਖੀ ਵਿੱਚ ਬਦਲ ਦਿੱਤਾ ਜਾਵੇ। ਇਹ ਨੌਜਵਾਨਾਂ ਦੇ ਦੁਆਲੇ ਬਿਹਤਰ ਉਤਪਾਦ, ਬਿਹਤਰ ਰਿਪੋਰਟਿੰਗ ਪ੍ਰਣਾਲੀਆਂ, ਬਿਹਤਰ ਸਾਖਰਤਾ ਅਤੇ ਬਿਹਤਰ ਸਹਾਇਤਾ ਬਣਾਉਣ ਲਈ ਹੈ। ਇਹ ਵਧੇਰੇ ਹੌਲੀ ਕੰਮ ਹੈ। ਇਹ ਵਧੇਰੇ ਮਿਹਨਤ ਹੈ। ਇਹ ਵਧੇਰੇ ਇਮਾਨਦਾਰ ਵੀ ਹੈ ਅਤੇ ਕਿਸੇ ਚੀਜ਼ ਵਿੱਚ ਫਰਕ ਪੈਦਾ ਕਰਨ ਦੀ ਜ਼ਿਆਦਾ ਸੰਭਾਵਨਾ ਹੈ।

ਅਤੇ ਕੰਮ ਤੋਂ ਮਾਪਣ ਯੋਗ ਨਤੀਜੇ ਮਿਲ ਰਹੇ ਹਨ। Snap ਦਾ ਡੇਟਾ ਗੰਭੀਰ-ਨੁਕਸਾਨ ਵਾਲੇ ਦ੍ਰਿਸ਼ਾਂ ਬਾਰੇ ਅਰਥਪੂਰਨ ਤਰੱਕੀ ਦਰਸਾਉਂਦਾ ਹੈ: ਦਸੰਬਰ 2025 ਤੋਂ ਜੂਨ 2026 ਤੱਕ ਅਸੀਂ ਵਿਸ਼ਵ ਪੱਧਰ 'ਤੇ ਗੰਭੀਰ ਨੁਕਸਾਨ ਦੇ ਦ੍ਰਿਸ਼ਾਂ ਨੂੰ ਲਗਭਗ 71% ਤੱਕ ਘਟਦਾ ਦੇਖਿਆ ਹੈ, ³ ਜਿਸਦੇ ਨਾਲ-ਨਾਲ ਜਨਤਕ ਕਹਾਣੀਆਂ ਦੇ ਉਦਾਹਰਨ ਨਮੂਨੇ ਵਿੱਚ ਗੰਭੀਰ-ਨੁਕਸਾਨ ਕਰਨ ਵਾਲੀ ਸਮੱਗਰੀ ਦੀ ਮੁੱਢਲੀ ਹੋਂਦ ਵਿੱਚ ਲਗਭਗ 63% ਦੀ ਕਮੀ ਹੋਈ। ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਕੰਮ ਖਤਮ ਹੋ ਗਿਆ ਹੈ। ਇਸਦਾ ਮਤਲਬ ਹੈ ਕਿ ਗੰਭੀਰ ਸੁਰੱਖਿਆ ਚੁਣੌਤੀਆਂ ਲਈ ਸਹੀ ਪ੍ਰਤਿਕਿਰਿਆ ਪ੍ਰਣਾਲੀਆਂ ਨੂੰ ਬਿਹਤਰ ਬਣਾਉਂਦੇ ਰਹਿਣਾ ਹੈ, ਨਾ ਕਿ ਇਹ ਦਿਖਾਵਾ ਕਰਨਾ ਕਿ ਸੀਮਿਤ ਤਜ਼ਰਬਾ ਹਕੀਕਤ ਨੂੰ ਦਰਸਾਉਂਦਾ ਹੈ।

ਕਿਸ਼ੋਰਾਂ ਦੀ ਬਿਹਤਰ ਸੁਰੱਖਿਆ ਕਰਨ ਵਿੱਚ ਮਦਦ ਕਰਨ ਲਈ Heat Initiative ਅਤੇ ParentsTogether Action ਨੂੰ ਉਨ੍ਹਾਂ ਦੇ ਜਨਤਕ ਦਾਅਵਿਆਂ ਬਾਰੇ ਉਹੀ ਅਨੁਸ਼ਾਸਨ ਲਿਆਉਣਾ ਚਾਹੀਦਾ ਹੈ ਜੋ ਉਹ ਪਲੇਟਫਾਰਮਾਂ ਤੋਂ ਮੰਗਦੇ ਹਨ। ਇਸਦਾ ਮਤਲਬ ਹੈ ਕਿ ਜਾਂਚ ਦੇ ਤਰੀਕਿਆਂ ਅਤੇ ਵਿਧੀ ਵਾਲੀਆਂ ਸੀਮਾਵਾਂ ਬਾਰੇ ਇਮਾਨਦਾਰ ਹੋਣਾ। ਇਸਦਾ ਮਤਲਬ ਹੈ ਜੋਖਮ ਅਤੇ ਨੁਕਸਾਨ ਵਿੱਚ ਫ਼਼ਰਕ ਕਰਨਾ। ਇਸਦਾ ਮਤਲਬ ਹੈ ਡਿਜ਼ਾਈਨ ਵਿਕਲਪਾਂ ਅਤੇ ਸੁਰੱਖਿਆ ਨਿਵੇਸ਼ਾਂ ਨੂੰ ਸਵੀਕਾਰ ਕਰਨਾ ਜੋ ਤਰਜੀਹ ਦਿੱਤੇ ਬਿਰਤਾਂਤ ਨੂੰ ਗੁੰਝਲਦਾਰ ਬਣਾਉਂਦੇ ਹਨ। ਅਤੇ ਇਸਦਾ ਮਤਲਬ ਹੈ ਕਿ ਵਿਅੰਗ-ਚਿੱਤਰਨ ਨੂੰ ਜਵਾਬਦੇਹੀ ਵਜੋਂ ਮੰਨਣ ਦੀ ਬਜਾਏ ਆਨਲਾਈਨ ਸੰਭਾਵੀ ਨੁਕਸਾਨ ਨੂੰ ਘਟਾਉਣ ਦਾ ਮੁਸ਼ਕਲ ਕੰਮ ਕਰਨ ਵਾਲੀਆਂ ਕੰਪਨੀਆਂ, ਮਾਹਰਾਂ, ਮਾਪਿਆਂ ਅਤੇ ਨੌਜਵਾਨਾਂ ਨਾਲ ਰਚਨਾਤਮਕ ਤਰੀਕੇ ਨਾਲ ਜੁੜਨਾ।

ਅਸੀਂ ਸੰਪੂਰਨਤਾ ਦਾ ਦਾਅਵਾ ਨਹੀਂ ਕਰ ਰਹੇ ਹਾਂ। ਕਿਸੇ ਵੀ ਜ਼ਿੰਮੇਵਾਰ ਕੰਪਨੀ ਨੂੰ ਅਜਿਹਾ ਨਹੀਂ ਕਰਨਾ ਚਾਹੀਦਾ। ਪਰ ਅਸੀਂ ਗੰਭੀਰਤਾ, ਲਗਾਤਾਰ ਯਤਨ ਅਤੇ ਸੁਧਾਰ ਕਰਦੇ ਰਹਿਣ ਦੀ ਇੱਛਾ ਦਾ ਦਾਅਵਾ ਕਰ ਰਹੇ ਹਾਂ। ਇਸ ਪੱਖੋਂ Snap ਦਾ ਰਿਕਾਰਡ ਅਸਲ, ਮਹੱਤਵਪੂਰਨ ਅਤੇ ਨਿਰੰਤਰ ਹੈ।

ਤਹਿ ਦਿਲੋਂ,

Snap ਟੀਮ