Tulad ng pakikipag-usap sa isang tao nang harapan o sa telepono, maipapahayag mo ang anumang nasa isip mo kapag nakipag-usap sa mga Snap at Chat — nang hindi awtomatikong nagpapanatili ng permanenteng record ng lahat ng sinabi mo.

Siyempre, pwede mong piliin na i-save ang Snap bago mo ito i-send, at pwedeng mag-screenshot ang makakatanggap nito. Pwede ka ring mag-save ng message sa Chat. I-tap mo lang ito. Pinadali ng Snapchat ang pag-save ng mga importanteng bagay, nang hindi naaantala ng ibang mga bagay.

Ang pagse-save ng mga Snap ay idinisenyo ng isinasaalang-alang ang privacy. Ikaw ang may kontrol kung maaaring i-save ang iyong mga Snap sa loob ng Snapchat. I-set ang oras ng Snap sa walang limitasyon para maaaring ma-save ang isang Snap. Maaari mong palaging tanggalin ang anumang message na iyong na-send, kasama na ang mga Snap na na-save sa Chat. Pindutin lang nang matagal para i-unsave. Kapag i-save mo ang isang Snap, bago o pagkatapos itong ipasa, ito'y maaring maging bahagi ng iyong Memories. Kapag ang isang Snap na iyong pinadala ay sinave ng iyong kaibigan, maari itong maging bahagi ng kanilang Memories. Para sa higit pang detalye tungkol sa Memories, sumagguni sa seksyong Memories sa ibaba.

Gamit ang Voice at Video Chat, magagawa mong kumustahin ang iyong Friends. Kung gusto mo lang mag-iwan ng voice message, kami ang bahala, pindutin lang nang matagal ang mikropono para mag-record ng Voice Note. Pwedi ring gumamit ang mga Snapchatter ng aming Voice Note transcription na feature na nagpapahintulot sa amin na lumikha at magbigay ng mga transkripsyon ng Voice Chats para maaari itong mabasa.

Ang mga Snap at Chat ay pribado at kusang nabubura, kasama ang Voice at Video Chats sa pagitan mo at ng iyong mga kaibigan — ibig sabihin, hindi namin sinisiyasat ang nilalaman nito upang i-personalize ang iyong karanasan, gumawa ng mga rekomendasyon, o ipakita sa iyo ang mga ad. Ibig sabihin, hindi namin alam kung ano ang iyong mga Chats o Snaps maliban sa mga limitadong pagkakataon na may kaugnay sa kaligtasan (tulad ng kung mayroon kaming natanggap na ulat ng nilalaman na itinuturing na lumalabag sa aming Community Guidelines, o para makatulong sa pag-iwas sa mga spammer na magpapadala sa iyo ng malware o anumang nakakapinsalang nilalaman) o maliban na lang kung ikaw mismo ang humiling (halimbawa, kung ang iyong gagamitin ang aming feature na Voice Chat Transcription).

Ang Snapchat for Web ay nagbibigay-daan na maranasan ang Snapchat app mula sa kaginhawaan ng iyong kompyuter. Para magsimula, mag-sign in lang gamit ang iyong mga credential sa Snapchat. Pagkatapos mag sign-in, maaari kaming magpadala ng push notification sa iyong Snapchat app, para lang masigurado na ikaw nga talaga ito.

Kapag nagagamit mo na ito, mapapansin mong katulad na katulad ng Snapchat for Web ang karanasan sa Snapchat app, pero may ilang pagkakaibang gusto namin na malaman mo. Halimbawa, kung may tinatawagan ka sa Snapchat for Web, magkakaroon ka lang ng access sa piling set ng Lenses, at posibleng hindi lahat ng creative tools ay magagamit mo. Makakaasa kang marami pang pagbabagong darating, at tingnan ang mga resource sa ibaba para matuto pa!

May iba't ibang uri ng Story sa Snapchat na nagpapahintulot sa iyong ibahagi ang iyong mga sandali sa iyong ninanais na audience. Sa kasalukuyan, nag-aalok kami ng sumusunod na mga uri ng Story:

Karamihan sa mga Stories at natatakdang i-delete pagkatapos ng 24 na oras malibang kung babaguhin mo ang mga setting, i-save ang Story sa iyong Public Profile, o ise-save mo ito o ng isang Friend sa Chat. Sa sandaling nag-post ka ng Story, maaaring makipag-ugnayan sa mga ito ang iyong Mga Kaibigan at iba pa. Halimbawa, maaari nilang gamitin ang parehong Lens na ginamit mo, o i-remix ang Snap, o i-share sa mga kaibigan at iba pa.

Tandaan: kahit sinuman ay maaaring kumuha ng screenshot o magrekord ng isang Story!

Pinadadali ng Profiles na mahanap ang impormasyon at features sa Snapchat na lubos mong pinahahalagahan. Mayroong iba't ibang uri ng Profile sa Snapchat, kabilang ang My Profile, Friendship Profiles, Group Profiles, at Public Profiles.

Sa My Profile itinatampok ang iyong impormasyon sa Snapchat, tulad ng iyong Bitmoji, lokasyon sa Map, impormasyon ng kaibigan, at higit pa. Ang Friendship Profile ay natatangi sa bawat pagkakaibigan, dito mo makikita ang mga na-save mong mga Snap at Chat, impormasyon sa Snapchat ng iyong kaibigan tulad ng Bitmoji at lokasyon sa Map (kung ibinabahagi nila ito sayo), at dito mo rin magagawang pamahalaan ang inyong pagkakaibigan, at i-report, i-block, o alisin ang kaibigan. Itinatampok sa Group Profiles ang iyong naka-save na Snaps at Mga Chat sa isang Group Chat at ang impormasyon sa Snapchat ng iyong mga kaibigan.

Ang Public Profiles ay nagbibigay-daan sa mga Snapchatter na madiskubre sa Snapchat. Sa karamahihan ng mga rehiyon, kung ikaw ay mahigit sa 18 taong gulang, ikaw ay kwalipikado para sa isang Public Profile. Kapag ginagamit ang iyong Public Profile, maaari mong ipakita ang iyong mga paboritong publikong Stories, Spotlights, Lenses at iba pang impormasyon. Magagawa ng iba pang Snapchatter na mag-follow sa iyong Public Profile. Naka-off ang bilang ng iyong mga follower bilang default, pero puwede mo itong i-on sa Settings kung gusto mo.

Gamit ang Spotlight, magagawa mong tuklasin ang mundo ng Snapchat sa iisang lugar at itinatampok dito ang pinakanakakaaliw na Snaps, sinuman ang lumikha sa mga ito!

Ang mga Snap at Comment na isinumite sa Spotlight ay pampubliko at maaaring ma-share ng ibang mga Snapchatter pareho sa loob at labas ng Snap o kahit na 'Remix' ang Spotlight Snaps. Halimbawa, maaari nilang kunin ang iyong nakakatawang sayaw na Snap at magdagdag ng reaksyon dito. Ang iyong Profile ang lugar kung saan mo makokontrol at makikita ang buod ng Spotlight Snaps na iyong isinumite. Maaari mo ring gawing paborito ang mga Spotlight na nilalaman, at kapag ginawa mo ito, idaragdag namin ang mga ito sa iyong listahan ng mga paborito para ma-personalize ang karanasan mo sa Spotlight.

Sa pagtuklas at pagkuha mo ng nilalaman sa Spotlight, gagawin naming naka-personalize ang karanasan mo sa Spotlight at magpapakita kami sa iyo ng mas marami pang mga nilalaman na sa tingin namin ay magugustuhan mo. Halimbawa, kung hindi mo mapigilang manood ng mga dance challenge, magpapakita kami sa iyo ng mas marami pang Spotlight na mga nilalaman na may kaugnayan sa sayaw. Maaari rin naming ipaalam sa iyong mga kaibigan na ikaw ay nag-share, nagrekomenda, o nagkomento sa isang Spotlight Snap.

Kapag nagsumite ka ng mga Snap sa Spotlight, hinihiling namin sa iyo na sumunod sa aming Mga Alituntunin ng Komunidad, Mga Tuntunin ng Spotlight at Mga Alituntunin sa Spotlight. Ang iyong mga isinusumiteng Spotlight ay itatago sa aming mga server hanggang sa iyong pagbura sa kanila at maaaring makita sa Snapchat sa mahabang panahon. Kung gusto mong mag-alis ng Snap na isinumite mo sa Spotlight, magagawa mo ito sa pamamagitan ng pagpunta sa iyong Profile.

Pinapadali ng Memories na balikan ang Snaps na na-save mo at pwede mo pang i-edit at ipadalang muli ang mga ito! Isinasama namin ang mahika ng Snapchat sa nilalaman na nai-save sa Memories (kasama na ang mga nilalaman sa camera roll ng iyong device, kung binigyan mo kami ng access dito) upang mas mapersonalize ang iyong karanasan. Ginagawa namin ito sa pamamagitan ng pagdaragdag ng mga label batay sa nilalaman, upang madali mong mahahanap ito, at upang ipaalam sa amin kung anong uri ng nilalaman ang nasa iyong interes sa gayon maaari naming ipakita ang katulad na nilalaman sa Memories o iba pang bahagi ng aming Serbisyo, tulad ng Spotlight. Halimbawa kung marami kang nai-save na mga Snap ng iyong aso sa Memories, maaari naming makilala na may aso at ipasadya ang iyong karanasan sa pamamagitan ng pagpapakita sa iyo ng Spotlight Snaps o mga ad tungkol sa pinakacute na laruan ng aso!

Maaari rin kaming magmungkahi ng mga paraan kung paano mag-share ng iyong Memories at nilalaman ng camera roll sa mga kaibigan na may bagong twist — tulad ng isang masayang Lens! — ngunit ikaw ang magpapasya kung kailan at saan ito ibabahagi. Tutulungan ka rin namin na mag-navigate sa lahat ng iyong Memories, halimbawa sa pamamagitan ng pag-grupo sa kanila batay sa tiyak na oras o lugar para mas mapadali ang paggawa mo ng mga Stories o Spotlight Snaps na nagpapakita sa iyong mga paboriting alaala.

Ang pag-back up ng Memories online ay nakakatulong para hindi mawala ang mga ito, ngunit hindi dapat iyon mangahulugan na kakailanganin mong isakripisyo ang iyong privacy o seguridad. Kaya nga namin ginawa ang "Para Lang Sa 'Kin," na magpapahintulot sa iyong panatilihing ligtas at encrypted, at protektado ang iyong Snaps ng password na pipiliin mo. Sa ganoong paraan, kahit na may magnakaw sa device mo at makapag-log in sa Snapchat, ligtas pa rin ang mga pribadong Snap na iyon. Kapag wala ang password, walang sinuman ang makakakita ng mga bagay na ito pagkatapos nilang mai-save sa My Eyes Only — kasama na kami! Pero mag-ingat, dahil kapag nalimutan mo ang iyong password, wala nang paraan para mabawi ang encrypted Snaps na iyon.

Dagdag pa, sa Memories maaari mong tingnan ang mga portrait na nilikha ng AI kasama ka at iyong mga kaibigan. Ang mga selfie na iyong ini-upload para gumawa ng mga portrait na ito ay ginagamit sa tulong ng generative AI upang lumikha ng bago at natatanging mga larawan mo at ng iyong mga kaibigan.

Naisip mo ba kung paano nagagawang bigyan ka ng mga tenga ng aso o baguhin ang kulay ng iyong buhok sa Lenses?

Ang ilang magic sa likod ng Lenses ay dahil sa “pag-detect ng object.” Ang pag-detect ng object ay isang algorithm na idinisenyo para matulungan ang isang computer na maunawaan sa pangkalahatan kung ano-anong bagay ang nasa isang imahe. Sa ganitong sitwasyon, ipinaaalam nito sa atin na ang ilong ay ilong, o ang mata ay mata.

Subalit, ang pagtukoy sa mga bagay ay hindi katulad ng pagkilala sa iyong mukha. Bagama't masasabi ng Mga Lens kung ano ang mukha o hindi, hindi nila nakikilala ang mga partikular na mukha!

Marami sa aming mga Lenses ay umaasa sa generative AI upang lumikha ng masasayang karanasan at i-transform ang iyong imahe at karanasan sa isang espesyal na bagay.

Ang Snap Kit ay isang hanay ng developer tools na magpapadali sa iyo na magbahagi ng Snaps, Stories, at Bitmojis gamit ang paborito mong apps o mula sa apps at websites tungo sa iyong Snapchat account! Kapag pinili mong kumonekta sa isang app o website, maaari kang mag-review at mag-customize ng impormasyong ibabahagi sa pamamagitan ng Snap Kit. Maaari mo ring tanggalin ang akses ng isang app o website anumang oras sa settings ng Snapchat mismo.

Kung hindi ka nagbukas ng nakakonektang app sa loob ng 90 araw, automatic naming tatanggalin ang access nito, pero kailangan mong makipag-ugnayan sa developer kung may mga tanong ka tungkol sa anumang data na nai-share na.

Ang Spectacles ay mga salaming pang araw na nagrerekord ng iyong mundo, ayon sa iyong perspektibo. Pindutin lang ang button para i-save ang sandali, sa mismong sandali — nang hindi hinahayaang makahadlang ang phone. Partikular naming ginawa ang salaming Spectacles dahil idinisenyo itong gamitin kapag nasa labas ka — naglalakbay ka man o magsisimula lang ng iyong araw.

Sa tuwing kukuha ka ng larawan o video sa Spectacles, iilaw ang mga LED para ipaalam sa mga kaibigan mo na kumukuha ka ng Snap o nagre-record ng video.

Parating sinasabi ng aming Community Guidelines sa Snapchatters na maging maingat at igalang ang privacy ng mga tao — at angkop din ang philosophy na iyon sa Spectacles, maging sa disenyo nito!

Patuloy naming binabago ang Spectacles — ang iba't ibang henerasyon ay mayroong sarili nilang natatangi at nakatutuwang feature. Ang bagong Spectacles ay nagpapatong ng mga Lens sa kapaligiran mo at isinasama ang ilan sa mga feature ng Scan na inilarawan sa ibaba.

Maaari mong i-view at i-edit ang karamihan sa iyong susing impormasyon ng account at privacy settings sa mismong loob ng Snapchat. Ngunit kung gusto mong malaman ang tungkol sa isang bagay na wala sa aming mga app, maaari mong bisitahin ang accounts.snapchat.com, i-click ang 'Aking Data,' at pagkatapos ay i-click ang 'Isumite ang Kahilingan.' Maghahanda kami ng kopya ng impormasyon ng account mo at ipapaalam sa iyo kapag handa mo na itong i-download. Kung gusto mong umalis sa Snapchat nang tuluyan, maaari mo ring burahin ang account mo sa accounts.snapchat.com.

Maaari mong gamitin ang iyong phone para mag-scan ng mga Snapcode at QR code sa pamamagitan ng aming functionality na Scan. Kapag sinimulan mo ang isang scan, makikita mo ang isang link na lilitaw na nagtuturo sa iyo sa inilaang destinasyon ng code.

Ang Snap Map ay ang pinaka-personalized na Map, at nagpapahintulot sa iyo na makita kung saan ka at ang iyong mga kaibigan ay naroon at nanggaling, kung ano ang nagaganap sa iyong paligid, mag save at hanapin ang iyong mga paboritong restaurant at bar, at maging ang makita kung ano ang nangyari sa buong mundo.

Hindi ka lilitaw sa Snap Map ng iyong mga kaibigan hangga't hindi kayo magkaibigan sa parehong direksyon, buksan ang Map sa unang pagkakataon, magbigay ng pahintulot sa lokasyon ng device, at pumili na ibahagi ang iyong lokasyon sa iyong mga kaibigan. Kung hindi mo bubuksan ang app sa loob ng 24 na oras, hindi ka makikita ng friends mo sa Map hanggang sa buksan mo muli ang Snapchat, maliban kung pinili mong i-share ang live location mo sa kanila nang walang katiyakan. Maaari mong palaging i-update ang mga taong binabahagian mo ng location mo sa settings ng Snap Map, o pumunta sa ‘Ghost Mode’ para itago ang location mo mula sa lahat maliban sa mga binabahagian mo ng live location mo. Kung nais mong ihinto ang pag-share ng iyong aktibong lokasyon, may hiwalay na setting para diyan. Maaari ka rin naming paalalahanan kapag naiwanan mong gumagana ang pagsi-share ng lokasyon nang matagal.

Pwedeng ipakita ang Mga Snap na isinumite sa Snap Map o na lumalabas sa Spotlight na may place tag sa Map — pero hindi lalabas doon ang bawat Snap. Karamihan sa mga Snap sa Mapa ay pinili sa pamamagitan ng isang awtomatikong proseso. Tandaan: Pampublikong Content ang Mga Snap na isinumite sa Snap Map o place-tagged sa Spotlight, at pwedeng lumabas ang Snap mo sa Snapchat kung ibinahagi ito sa Snapchat. Gayundin, pwedeng i-store nang sandali ang mga pagsusumite ng Snap Map at pwedeng makita sa Snapchat sa mahahabang panahon — minsan ay sa loob ng ilang taon. Kung gusto mong magtanggal ng Snap na isinumite mo sa Snap Map o place-tagged sa Spotlight, pwede mong gawin sa pamamagitan ng pagpunta sa profile mo. Maaari ka ring pumili na magsumite sa Snap Map nang hindi iniuugnay ang Snap sa iyong pangalan, at iba pang detalye ng iyong profile.

Kapag tila may nangyayaring kawili-wili, maaaring may lumitaw na Story thumbnail sa Map. Maaring lumabas din ang mga Stories para sa mga Places kapag iyong pinalaki ang tingin sa Mapa. Kadalasan, ang mga ito ay awtomatikong nililikha — habang ang mga Stories para sa pinakamalaking kaganapan ay maaaring tumatanggap ng mas direktang pamamaraan.

Mangyaring maging maingat sa mga Snap na iyong isusumite sa Snap Map at iba pang pampublikong lugar ng Snapchat, dahil maaari nilang ibunyag ang iyong lokasyon. Halimbawa, kung magsumite ka ng isang Snap ng Eiffel Tower sa Snap Map, ang nilalaman ng iyong Snap ay magpapahiwatig na ikaw ay malapit sa Eiffel Tower sa Paris.

Ang mga Lugar sa Snap Map ay nagpapadali ng pakikipag-ugnayan sa mga lokal na negosyo. I-tap lang ang isang Lugar sa Mapa upang matingnan ang listahan ng lugar, o i-tap ang Search sa taas ng Map screen upang makahanap ng isang Lugar. Ang mga Lugar ay nagbibigay ng isang personalized na karanasan sa Map.

Kung makakakita ka ng anumang lumalabag sa aming Community Guidelines, mangyaring umugnay sa amin at i-ulat ito!

Naka-disable bilang default ang pagbabahagi ng eksakto mong location sa Snapchat, tulad ng data ng GPS. Kung mag-opt-in ka sa pagbabahagi ng location, makakapag-alok kami sa iyo ng ilang produkto at serbisyong magpapahusay sa karanasan mo. Halimbawa, gumagana lang ang ilang Geofilters at Lenses batay sa kung nasaan ka o kung ano ang nangyayari sa paligid mo. Kung i-enable mo ang pagbabahagi ng location, maipapakita namin ang location mo sa Map sa friends na pipiliin mo, at maipapakita sa iyo kung ano ang kalapit na maaaring interesado ka. Kapag naka-on ang pagbabahagi ng location, maaari ka ring humingi ng mga rekomendasyon sa kalapit na lugar habang nakikipag-chat sa My AI. Tinutulungan din kami ng impormasyon ng location na malaman kung ano ang gusto mong makita — para makita ng mga tao sa France ang content mula sa mga French publisher, French na ad, at iba pa.

Nagso-store kami ng mga location ng GPS nang ilang sandali para makatulong na pahusayin ang Map at iba pang mga tampok, at para tumpak na ipakita ang mga lugar na mas may kaugnayan sa iyo. Halimbawa, maaari naming i-store ang ilan sa mga lokasyong pinakamadalas mong binibisita para makapagpakita kami sa iyo ng mas akmang Search content o mai-update ang aktibidad ng iyong Bitmoji sa Mapa. Maaari rin kaming mag-imbak ng impormasyon ng lokasyon ng mga Snap na ise-save mo sa Memories o isumite sa Stories, Spotlight, o Snap Map para i-personalize ang iyong karanasan.

Sa bagong Spectacles, maaaring mangailangan ng data ng lokasyon ang ilang feature para gumana nang maayos. Maaari kaming gumamit ng data mula sa ilang pagkukunan para makakuha ng mas eksaktong representasyon ng iyong lokasyon. Halimbawa, kung hindi makukuha ang huling lokasyon ng iyong mga salamin, maaari kaming umasa sa paggamit ng Snapchat sa GPS ng device mo para mag-alok ng mga feature na nakabatay sa lokasyon.

Maaari mo pa ring magamit ang Snapchat at Spectacles kahit na hindi mo paganahin ang mga pahintulot sa lokasyon sa settings ng device mo, ngunit marami sa mga feature na ito ang hindi gagana nang maayos (o hindi talaga!) nang wala ito. Minsan, maaari pa rin kaming maghinuha ng tantiyang location tulad ng bansa o lungsod, batay sa isang IP address — pero hindi perpekto iyon.

Gamit ang Cameos, magagawa mong maging bida ng mga sarili mong maikli at naglu-loop na video na maipapadala mo sa friends sa Chat. Para i-enable ang Cameos, mag-selfie lang para mailagay ka sa mga nakakatuwang eksena. Hindi kami gumagamit ng facial recognition software. Sa halip, hinahati-hati ng Cameos ang hugis ng iyong mukha at buhok para mailagay ka sa mga eksena at matiyak na ma-o-optimize ang Cameos.

Pwede mong palitan at i-delete at pwede mong pagbawalan ang iba na gamitin ang selfie mo sa two-person na Cameos sa settings ng Snapchat mo.