துன்புறுத்தல் மற்றும் தொந்தரவளித்தல்

எங்களின் துன்புறுத்தல் மற்றும் கொடுமைப்படுத்துதல் கொள்கைகளின் மீறல்களில், ஒரு சாமானியனுக்கு மன உளைச்சல் ஏற்படக்கூடிய தேவையற்ற நடத்தையும் அடங்கும். இதில் அவமதிப்பு, பிற பயனர்களை அச்சுறுத்துவது அல்லது அவமானப்படுத்துவது மற்றும் ஒருவரை சங்கடப்படுத்தும் அல்லது அவமானப்படுத்தும் நோக்கத்தில் செய்யப்பட்டும் எந்த நடத்தையும் அடங்கும்.

இந்த விதிகள் அனைத்து வகையான பாலியல் துன்புறுத்தல்களையும் தடை செய்கின்றன. தேவையற்ற பாலியில் நோக்குடன் முன்னெடுத்தல், கிராஃபிக் மற்றும் கோரப்படாத உள்ளடக்கத்தைப் பகிர்தல் அல்லது பிற பயனர்களுக்கு ஆபாசமான கோரிக்கைகள் அல்லது அழைப்புகளை அனுப்புதல் ஆகியவை இதில் அடங்கும். அனுமதியின்றி எடுக்கப்பட்ட அல்லது பகிரப்பட்ட பாலியல் புகைப்படங்கள் அல்லது வீடியோக்கள், அத்துடன் "பழிவாங்கும் நோக்கத்துடன் கூடிய ஆபாசங்கள்" அல்லது தனிநபர்களின் அந்தரங்கப் படங்களை அல்லது வீடியோக்களை பகிரவோ, சுரண்டவோ அல்லது அம்பலப்படுத்தவோ அச்சுறுத்தும் நடத்தை உட்பட, ஒப்புதல் இல்லாத அந்தரங்கப் புகைப்படங்களைப் (NCII) பகிர்வதை நாங்கள் துளியும் சகித்துக் கொள்வதில்லை.

இந்த விதிகளின் படி ஒருவருக்கொருவர் மற்றவரின் தனிப்பட்ட தனியுரிமையை மதிப்பதும் அடங்கும். இந்த கொள்கைகளை மீறுவதைக் கையாள உதவ, பயனர்கள் அனுமதி இல்லாமல் மக்களின் புகைப்படங்கள் அல்லது வீடியோக்களை எடுக்கக் கூடாது, மேலும் அவர்களின் வீட்டு முகவரி, பிறந்த தேதி, தொலைபேசி எண்கள் போன்ற பிற நபர்களைப் பற்றிய தனிப்பட்ட தகவல்களைப் பகிர்வதைத் தவிர்க்க வேண்டும். யாரேனும் ஒரு படத்தையோ அல்லது அவர்களைப் பற்றிய தகவலையோ அகற்றும்படி உங்களிடம் கேட்டால், தயவுசெய்து அப்படியே செய்யுங்கள்!

இந்த விதிகளின் மீறல்களை பயனர்கள் அனுபவித்தாலோ அல்லது பார்த்தலோ அதை புகாரளிக்க அவர்களை ஊக்குவிக்கிறோம். Snapchat ஐப் பயன்படுத்தி ஒவ்வொரு பயனரும் பாதுகாப்பாகவும் வசதியாகவும் இருப்பதை உறுதிசெய்வதை எங்கள் மதிப்பாய்வுக் குழுக்கள் நோக்கமாகக் கொண்டுள்ளன, மேலும் மோசமான நடத்தையைப் புகாரளிப்பதன் மூலம், பயனர்கள் அந்த குறிக்கோளை முன்னேற்ற உதவலாம்.

Snapchat பயனர்கள் தங்களை வெளிப்படுத்திக் கொள்ள ஒரு பாதுகாப்பான சமூகத்தை பேணுவதே எங்கள் நோக்கம், மேலும் எந்த வகையிலும் தொந்தரவளித்தல் மற்றும் கொடுமைப்படுத்துதலை சகித்துக் கொள்ள மாட்டோம். தொந்தரவளித்தல் மற்றும் கொடுமைப்படுத்துதல் பல வடிவங்களில் வருகின்றன, மேலும் எங்கள் தளத்தைப் பயன்படுத்தும் போது எங்கள் பயனர்கள் எப்படி உணருகிறார்கள் என்பதைப் பற்றிய மனசாட்சியுடன் இருக்க வேண்டும் என்பதே எங்கள் அணுகுமுறை.

பிறரின் கண்ணியம் மற்றும் தனியுரிமை குறித்து அக்கறை கொள்ளவும் -- அவர்கள் அசௌகரியமாக உணரவுதை வெளிப்படுத்தினால் அவர்களின் உணர்வுகளை மதிக்கவும், அவர்களைப் பற்றிய உள்ளடக்கத்தை நீக்குமாறு கோரினால், அவ்வாறே செய்யவும்; மேலும் ஒருவரின் அனுமதியின்றி அவரின் புகைபடங்கள் அல்லது தகவலைப் பகிர்வதைத் தவிர்க்கவும். நீங்கள் எப்போதாவது சங்கடமாக உணர்ந்தால் எங்களுக்கு புகாரை அனுப்ப மற்றும் அந்தப் பயனரை தடைசெய்யத் தயங்காதீர்கள். இந்த அம்சங்கள் உங்கள் பாதுகாப்பிற்காகவே வழங்கப்பட்டுள்ளன.

தீங்கிழைக்கும் உள்ளடக்கம் அல்லது நடத்தைக்கு தீர்வு காணும் திறனை மேம்படுத்த, எங்கள் கொள்கைகளின் செயல்பாட்டைத் தொடர்ந்து மதிப்பாராய்வு செய்வதில் நாங்கள் உறுதியாக உள்ளோம். பயனர் அறிக்கைகள் எங்கள் அணுகுமுறையை தெரிவிக்க உதவும்போது, இந்த இலக்குகளை பொறுப்புடன் முன்னெடுத்துச் செல்வதை உறுதி செய்ய பாதுகாப்பு சமூகத்தின் பல்வேறு தலைவர்களுடன் இணைந்து பணியாற்றுவதில் நாங்கள் அர்ப்பணிப்புடன் இருக்கிறோம். எங்கள் பாதுகாப்பு முயற்சிகள் பற்றிய கூடுதல் தகவலுக்கு, values.snap.com/news. ஐப் பார்வையிடவும்.