ਸਾਡੇ ਭਾਈਚਾਰੇ ਨੂੰ ਵਧੇਰੇ ਸੁਰੱਖਿਅਤ ਬਣਾਉਣ ਲਈ ਸਾਡੇ ਕੰਮ ਦਾ ਇੱਕ ਮਹੱਤਵਪੂਰਨ ਹਿੱਸਾ ਜਾਂਚਾਂ ਵਿੱਚ ਸਹਾਇਤਾ ਕਰਨ ਲਈ ਜਾਣਕਾਰੀ ਦੀਆਂ ਜਾਇਜ਼ ਬੇਨਤੀਆਂ ਨੂੰ ਪੂਰਾ ਕਰਨ ਲਈ ਕਾਨੂੰਨ ਲਾਗੂ ਕਰਨ ਵਾਲੀਆਂ ਅਤੇ ਸਰਕਾਰੀ ਏਜੰਸੀਆਂ ਨਾਲ ਸਹਿਯੋਗ ਕਰਨਾ ਹੈ। ਅਸੀਂ ਕਿਸੇ ਵੀ ਅਜਿਹੀ ਸਥਿਤੀ ਦੀ ਸਰਗਰਮੀ ਨਾਲ ਜਾਣਕਾਰੀ ਦੇਣ ਲਈ ਵੀ ਕੰਮ ਕਰਦੇ ਹਾਂ ਜਿਸ ਵਿੱਚ ਜਾਨ ਜਾਂ ਸਰੀਰਕ ਨੁਕਸਾਨ ਨਾਲ ਸੰਬੰਧਿਤ ਜੋਖਮ ਸ਼ਾਮਲ ਹੋ ਸਕਦੇ ਹਨ।

ਹਾਲਾਂਕਿ Snapchat 'ਤੇ ਸਮੱਗਰੀ ਨੂੰ ਆਮ ਤੌਰ 'ਤੇ ਇੱਕ ਮਿਆਦ ਬਾਅਦ ਪੂਰਵ-ਨਿਰਧਾਰਤ ਤੌਰ 'ਤੇ ਹਟਾ ਦਿੱਤਾ ਜਾਂਦਾ ਹੈ, ਪਰ ਅਸੀਂ ਲਾਗੂ ਕਾਨੂੰਨ ਦੇ ਅਨੁਸਾਰ ਡੇਟਾ ਨੂੰ ਸੁਰੱਖਿਅਤ ਰੱਖਣ ਅਤੇ ਸਰਕਾਰੀ ਏਜੰਸੀਆਂ ਨੂੰ ਖਾਤੇ ਦੀ ਜਾਣਕਾਰੀ ਦੇਣ ਲਈ ਕੰਮ ਕਰਦੇ ਹਾਂ। ਇੱਕ ਵਾਰ ਜਦੋਂ ਸਾਨੂੰ Snapchat ਖਾਤੇ ਦੇ ਰਿਕਾਰਡਾਂ ਲਈ ਕੋਈ ਕਾਨੂੰਨੀ ਬੇਨਤੀ ਮਿਲਦੀ ਹੈ ਅਤੇ ਉਸ ਦੀ ਵੈਧਤਾ ਸਥਾਪਿਤ ਕਰ ਲੈਂਦੇ ਹਾਂ — ਜੋ ਇਹ ਤਸਦੀਕ ਕਰਨ ਵਿੱਚ ਮਹੱਤਵਪੂਰਨ ਹੈ ਕਿ ਬੇਨਤੀ ਕਿਸੇ ਵੈਧ ਕਾਨੂੰਨੀ ਅਮਲੀਕਰਨ ਜਾਂ ਸਰਕਾਰੀ ਏਜੰਸੀ ਵੱਲੋਂ ਕੀਤੀ ਗਈ ਹੈ ਅਤੇ ਕਿਸੇ ਬੁਰੇ ਵਿਅਕਤੀ ਵੱਲੋਂ ਨਹੀਂ ਕੀਤੀ ਗਈ — ਤਾਂ ਫਿਰ ਅਸੀਂ ਲਾਗੂ ਕਾਨੂੰਨ ਅਤੇ ਪਰਦੇਦਾਰੀ ਦੀਆਂ ਜ਼ਰੂਰਤਾਂ ਦੇ ਅਨੁਸਾਰ ਜਵਾਬ ਦਿੰਦੇ ਹਾਂ।

ਹੇਠਾਂ ਦਿੱਤੇ ਚਾਰਟ ਕਾਨੂੰਨ ਲਾਗੂ ਕਰਨ ਵਾਲੀਆਂ ਅਤੇ ਸਰਕਾਰੀ ਏਜੰਸੀਆਂ ਤੋਂ ਸਾਡੇ ਵੱਲੋਂ ਸਵੀਕਾਰ ਕੀਤੀਆਂ ਜਾਣ ਵਾਲੀਆਂ ਬੇਨਤੀਆਂ ਦੀਆਂ ਕਿਸਮਾਂ ਦਾ ਵੇਰਵਾ ਦਿੰਦੇ ਹਨ, ਜਿਸ ਵਿੱਚ ਅਦਾਲਤੀ ਪੇਸ਼ੀ ਦੇ ਹੁਕਮ ਅਤੇ ਹਾਜ਼ਰੀ ਦੇ ਹੁਕਮ, ਅਦਾਲਤੀ ਹੁਕਮ, ਤਲਾਸ਼ੀ ਵਾਰੰਟ ਅਤੇ ਸੰਕਟਕਾਲੀਨ ਖੁਲਾਸਾ ਬੇਨਤੀਆਂ ਸ਼ਾਮਲ ਹਨ।

ਜਿਨ੍ਹਾਂ ਬੇਨਤੀਆਂ ਲਈ ਕੁਝ ਡੇਟਾ ਤਿਆਰ ਕੀਤਾ ਗਿਆ ਸੀ, ਉਸ ਪ੍ਰਕਾਸ਼ਨ ਦੀ ਤਾਰੀਖ ਤੱਕ ਉਨ੍ਹਾਂ ਬੇਨਤੀਆਂ ਦੇ ਫ਼ੀਸਦ ਦੀ ਗਣਨਾ ਉਸ ਰਿਪੋਰਟਿੰਗ ਮਿਆਦ ਦੌਰਾਨ ਪ੍ਰਾਪਤ ਹੋਈਆਂ ਬੇਨਤੀਆਂ ਦੇ ਅਧਾਰ 'ਤੇ ਕੀਤੀ ਗਈ ਹੈ। ਕਦੇ-ਕਦਾਈ ਅਜਿਹੀਆਂ ਸਥਿਤੀਆਂ ਵਿੱਚ ਜਿੱਥੇ ਕਿਸੇ ਬੇਨਤੀ ਵਿੱਚ ਕੋਈ ਕਮੀ ਪਾਈ ਗਈ ਹੋਵੇ — ਜਿਸ ਕਾਰਨ Snap ਨੇ ਡਾਟਾ ਤਿਆਰ ਨਹੀਂ ਕੀਤਾ — ਅਤੇ ਬਾਅਦ ਵਿੱਚ ਕਾਨੂੰਨੀ ਅਮਲੀਕਰਨ ਨੇ ਪਾਰਦਰਸ਼ਤਾ ਰਿਪੋਰਟ ਦੇ ਪ੍ਰਕਾਸ਼ਿਤ ਹੋਣ ਤੋਂ ਬਾਅਦ ਸੋਧੀ ਹੋਈ ਅਤੇ ਵੈਧ ਬੇਨਤੀ ਜਮ੍ਹਾਂ ਕਰਵਾਈ, ਤਾਂ ਬਾਅਦ ਵਿੱਚ ਤਿਆਰ ਕੀਤਾ ਡਾਟਾ ਮੂਲ ਜਾਂ ਅਗਲੀਆਂ ਰਿਪੋਰਟਿੰਗ ਮਿਆਦਾਂ ਵਿੱਚ ਦਰਸਾਇਆ ਨਹੀਂ ਜਾਵੇਗਾ।

ਇਹ ਭਾਗ ਯੂ.ਐੱਸ. ਦੀਆਂ ਸਰਕਾਰੀ ਸੰਸਥਾਵਾਂ ਤੋਂ ਵਰਤੋਂਕਾਰ ਦੀ ਜਾਣਕਾਰੀ ਲਈ ਬੇਨਤੀਆਂ ਨਾਲ ਸੰਬੰਧਿਤ ਹੈ, ਜੋ ਸਾਡੇ ਵੱਲੋਂ ਸਮਰਥਨ ਕੀਤੀਆਂ ਜਾਂਦੀਆਂ ਬੇਨਤੀਆਂ ਦੀਆਂ ਕਿਸਮਾਂ ਮੁਤਾਬਕ ਵੰਡੀਆਂ ਜਾਂਦੀਆਂ ਹਨ।

ਇਹ ਭਾਗ ਸੰਯੁਕਤ ਰਾਜ ਤੋਂ ਬਾਹਰ ਦੀਆਂ ਸਰਕਾਰੀ ਸੰਸਥਾਵਾਂ ਤੋਂ ਵਰਤੋਂਕਾਰ ਦੀ ਜਾਣਕਾਰੀ ਲਈ ਬੇਨਤੀਆਂ ਨਾਲ ਸੰਬੰਧਿਤ ਹੈ।

* "ਨਿਰਧਾਰਤ ਖਾਤੇ" ਵਰਤੋਂਕਾਰ ਜਾਣਕਾਰੀ ਦੀ ਬੇਨਤੀ ਕਰਨ ਵੇਲੇ ਕਾਨੂੰਨੀ ਅਮਲੀਕਰਨ ਵੱਲੋਂ ਕਾਨੂੰਨੀ ਪ੍ਰਕਿਰਿਆ ਵਿੱਚ ਦਰਸਾਏ ਵਿਲੱਖਣ ਖਾਤਿਆਂ ਦੀ ਗਿਣਤੀ ਨੂੰ ਦਰਸਾਉਂਦੇ ਹਨ। ਇਸ ਤਰ੍ਹਾਂ ਜਿੱਥੇ ਕਿਸੇ ਕਾਨੂੰਨੀ ਬੇਨਤੀ ਵਿੱਚ ਕਈ ਪਛਾਣਕਰਤਾ ਕਿਸੇ ਇੱਕਲੇ ਖਾਤੇ ਦੀ ਪਛਾਣ ਕਰਦੇ ਹਨ, ਉਹਨਾਂ ਨੂੰ ਉਪਰੋਕਤ ਸਾਰਣੀਆਂ ਵਿੱਚ ਇੱਕ “ਨਿਰਧਾਰਤ ਖਾਤੇ” ਦੇ ਤੌਰ 'ਤੇ ਗਿਣਿਆ ਜਾਂਦਾ ਹੈ। ਅਜਿਹੇ ਮਾਮਲਿਆਂ ਵਿੱਚ ਜਿੱਥੇ ਕਈ ਬੇਨਤੀਆਂ ਵਿੱਚ ਇੱਕ ਵਿਲੱਖਣ ਖਾਤੇ ਨੂੰ ਨਿਰਧਾਰਤ ਕੀਤਾ ਗਿਆ ਹੈ, ਹਰੇਕ ਬੇਨਤੀ ਨੂੰ ਇੱਕ ਵੱਖਰੇ "ਨਿਰਧਾਰਤ ਖਾਤੇ" ਦੇ ਤੌਰ 'ਤੇ ਗਿਣਿਆ ਜਾਂਦਾ ਹੈ।

ਇਹ ਭਾਗ ਉਸ ਸਰਕਾਰ ਅਤੇ ਯੂ.ਐਸ. ਸਰਕਾਰ ਦੇ ਵਿਚਕਾਰ ਹੋਏ ਦੁਵੱਲੇ ਡੇਟਾ ਪਹੁੰਚ ਸਮਝੌਤੇ ਅਨੁਸਾਰ ਸੰਯੁਕਤ ਰਾਜ ਤੋਂ ਬਾਹਰ ਦੀਆਂ ਸਰਕਾਰੀ ਸੰਸਥਾਵਾਂ ਵੱਲੋਂ ਵਰਤੋਂਕਾਰ ਜਾਣਕਾਰੀ ਲਈ ਕੀਤੀਆਂ ਬੇਨਤੀਆਂ ਨਾਲ ਸੰਬੰਧਿਤ ਹੈ। ਕਾਨੂੰਨੀ ਜ਼ਰੂਰਤਾਂ ਅਨੁਸਾਰ ਅਸੀਂ ਇਸ ਡੇਟਾ ਦਾ 500 ਸ਼੍ਰੇਣੀਆਂ ਦੀ ਲੜੀ ਵਿੱਚ ਖੁਲਾਸਾ ਕਰਦੇ ਹਾਂ।

* ਉਸ ਸੀਮਾ ਤੱਕ ਕਿ ਜਿੱਥੇ Snap ਨੂੰ ਯੂਐੱਸ-ਯੂਕੇ ਦੇ ਡੇਟਾ ਪਹੁੰਚ ਸਮਝੌਤੇ ਦੇ ਅਨੁਸਾਰ ਯੂਨਾਈਟਿਡ ਕਿੰਗਡਮ ਤੋਂ ਜਾਂਚ ਸ਼ਕਤੀਆਂ ਐਕਟ ਤਹਿਤ ਬੇਨਤੀਆਂ ਪ੍ਰਾਪਤ ਹੋਈਆਂ ਹਨ, ਅਜਿਹੀਆਂ ਕਿਸੇ ਵੀ ਬੇਨਤੀਆਂ 'ਤੇ ਰਿਪੋਰਟ ਕਰਨ ਵਿੱਚ ਦੇਰੀ ਕੀਤੀ ਜਾਵੇਗੀ ਅਤੇ ਉਸ ਕਾਨੂੰਨ ਦੀਆਂ ਲਾਗੂ ਜ਼ਰੂਰਤਾਂ ਦੇ ਅਨੁਸਾਰ ਹੋਵੇਗੀ। ਵਧੇਰੇ ਜਾਣਕਾਰੀ ਲਈ ਕਿਰਪਾ ਕਰਕੇ ਇਹ ਵੇਖੋ: https://www.ipco.org.uk/publications/annual-reports/. 

** Snap 'ਤੇ ਯੂਐੱਸ-ਆਸਟ੍ਰੇਲੀਆ ਦੇ ਡੇਟਾ ਪਹੁੰਚ ਸਮਝੌਤੇ ਤਹਿਤ ਸਿਵਾਏ ਇਸ 6-ਮਹੀਨੇ ਦੀ ਰਿਪੋਰਟਿੰਗ ਮਿਆਦ ਵਿੱਚ ਪ੍ਰਾਪਤ ਹੋਈਆਂ ਬੇਨਤੀਆਂ ਦੀ ਕੁੱਲ ਗਿਣਤੀ ਤੋਂ ਇਲਾਵਾ ਪ੍ਰਾਪਤ ਹੋਈਆਂ ਬੇਨਤੀਆਂ ਸੰਬੰਧੀ ਕਿਸੇ ਵੀ ਹੋਰ ਜਾਣਕਾਰੀ ਨੂੰ ਪ੍ਰਕਾਸ਼ਿਤ ਕਰਨ 'ਤੇ ਪਾਬੰਦੀ ਹੈ।

ਇਹ ਭਾਗ ਯੂ.ਐੱਸ. ਦੀ ਰਾਸ਼ਟਰੀ ਸੁਰੱਖਿਆ ਕਾਨੂੰਨੀ ਪ੍ਰਕਿਰਿਆ ਅਨੁਸਾਰ ਵਰਤੋਂਕਾਰ ਜਾਣਕਾਰੀ ਦੀਆਂ ਬੇਨਤੀਆਂ ਨਾਲ ਸੰਬੰਧਿਤ ਹੈ। ਹੇਠ ਲਿਖਿਆਂ ਵਿੱਚ ਰਾਸ਼ਟਰੀ ਸੁਰੱਖਿਆ ਪੱਤਰ (NSLs) ਅਤੇ ਵਿਦੇਸ਼ੀ ਖੁਫੀਆ ਨਿਗਰਾਨੀ (FISA) ਦੇ ਅਦਾਲਤ ਦੇ ਆਦੇਸ਼/ਨਿਰਦੇਸ਼ ਸ਼ਾਮਲ ਹਨ।  ਅਸੀਂ ਇਸ ਡੇਟਾ ਦਾ 250 ਸ਼੍ਰੇਣੀਆਂ ਦੀ ਲੜੀ ਵਿੱਚ ਖੁਲਾਸਾ ਕਰਦੇ ਹਾਂ।

ਇਹ ਭਾਗ ਕਿਸੇ ਸਰਕਾਰੀ ਸੰਸਥਾ ਵੱਲੋਂ ਅਜਿਹੀ ਸਮੱਗਰੀ ਅਤੇ ਖਾਤਿਆਂ ਨੂੰ ਹਟਾਉਣ ਦੀਆਂ ਮੰਗਾਂ ਨਾਲ ਸੰਬੰਧਿਤ ਹੈ ਜੋ ਸਾਡੀਆਂ ਸੇਵਾ ਦੀਆਂ ਮਦਾਂ ਜਾਂ ਭਾਈਚਾਰਕ ਸੇਧਾਂ ਦੇ ਤਹਿਤ ਆਗਿਆਯੋਗ ਹੁੰਦੀਆਂ ਸਨ।

ਧਿਆਨ ਦਿਓ: ਉਪਰੋਕਤ ਮਾਪਕ ਸਰਕਾਰੀ ਅਧਿਕਾਰੀਆਂ ਤੋਂ ਪ੍ਰਾਪਤ ਹੋਏ ਵੈਧ ਕਾਨੂੰਨੀ ਆਦੇਸ਼ਾਂ ਨਾਲ ਸੰਬੰਧਿਤ ਹਨ, ਜਿਸ ਲਈ Snap ਨੂੰ ਅਜਿਹੀ ਸਮੱਗਰੀ ਅਤੇ / ਜਾਂ ਖਾਤੇ(ਖਾਤਿਆਂ) ਨੂੰ ਹਟਾਉਣ ਦੀ ਲੋੜ ਹੁੰਦੀ ਹੈ ਜੋ ਸਾਡੀਆਂ ਨੀਤੀਆਂ ਦੀ ਉਲੰਘਣਾ ਨਹੀਂ ਕਰਦੇ ਹਨ। ਇਹਨਾਂ ਮਾਪਕਾਂ ਵਿੱਚ ਇਹ ਸ਼ਾਮਲ ਨਹੀਂ ਹਨ: (i) ਅਜਿਹੀ ਸਮੱਗਰੀ ਅਤੇ / ਜਾਂ ਖਾਤਿਆਂ ਨੂੰ ਹਟਾਉਣ ਦੀਆਂ ਬੇਨਤੀਆਂ ਜੋ ਵੈਧ ਕਾਨੂੰਨੀ ਆਦੇਸ਼ ਨਹੀਂ ਹਨ ਅਤੇ (ii) ਅਜਿਹੀ ਸਮੱਗਰੀ ਅਤੇ / ਜਾਂ ਖਾਤਿਆਂ ਨੂੰ ਨਿਸ਼ਾਨਾ ਬਣਾਉਣ ਦੀਆਂ ਬੇਨਤੀਆਂ ਅਤੇ ਆਦੇਸ਼ ਜਿਨ੍ਹਾਂ ਬਾਰੇ ਅਸੀਂ ਤੈਅ ਕਰਦੇ ਹਾਂ ਕਿ ਉਹ ਸਾਡੀਆਂ ਨੀਤੀਆਂ ਦੀ ਉਲੰਘਣਾ ਕਰਦੇ ਹਨ। 

ਇਹ ਸ਼੍ਰੇਣੀ ਕਥਿਤ ਤੌਰ 'ਤੇ ਕਾਪੀਰਾਈਟ ਦੀ ਉਲੰਘਣਾ ਕਰਨ ਵਾਲੀ ਸਮੱਗਰੀ ਨੂੰ ਹਟਾਉਣ ਦੀ ਕਿਸੇ ਵੀ ਜਾਇਜ਼ ਬੇਨਤੀ ਨੂੰ ਦਰਸਾਉਂਦੀ ਹੈ।

ਇਹ ਸ਼੍ਰੇਣੀ ਕਥਿਤ ਤੌਰ 'ਤੇ ਕਿਸੇ ਵਪਾਰਕ ਚਿੰਨ੍ਹ ਦੀ ਉਲੰਘਣਾ ਕਰਨ ਵਾਲੀ ਸਮੱਗਰੀ ਨੂੰ ਹਟਾਉਣ ਦੀ ਕਿਸੇ ਵੀ ਜਾਇਜ਼ ਬੇਨਤੀ ਨੂੰ ਦਰਸਾਉਂਦੀ ਹੈ।