دھمکیاں، تشدد اور نقصان

ہم درج ذیل سے منع کرتے ہیں:

• خود کو نقصان پہنچانے کی ترغیب، فروغ، یا سراہنا بشمول خود کو زخمی، مجروح، خودکشی کرنا، یا غذائی عوارض۔ 

• خود کو نقصان پہنچانے یا خودکشی کرنے کے طریقے بتانا (بشمول شدید ڈائٹنگ) یا ان کی وضاحت کرنا۔ 

• پرتشدد یا دھمکی آمیز رویے کی ترغیب یا اس میں ملوث ہونا، بشمول ایسا مواد جو کسی شخص، لوگوں کے گروپ کو سنگین جسمانی یا جذباتی نقصان یا املاک کو نقصان پہنچانے کے ارادے کا اظہار کرے۔ جہاں مواد انسانی جان یا تحفظ کے لیے حقیقی اور فوری خطرے کی نشاندہی کرے, ہماری ٹیمز قانون نافذ کرنے والی ایجنسیز کو الرٹ کر سکتی ہیں تاکہ وہ مداخلت کیلیے تیار ہوں۔

• قانون ہاتھ میں لینا۔ اس میں مناسب قانونی عمل سے باہر افراد یا کمیونٹیز کو خوفزدہ یا ان کے خلاف جسمانی کارروائی کرنے کی مربوط کوششیں شامل ہیں۔ 

• خطرناک رویے کی ترغیب، تشہیر، اس کے طریقے بتانا، یا اس میں ملوث ہونا۔ اس میں ایسی سرگرمیوں میں مشغول ہونا شامل ہے جو سنگین نقصان یا چوٹ کا باعث بن سکتی ہیں، جیسے کہ انتہائی خطرے کے چیلنجز، اسٹنٹس، لاپرواہی سے ڈرائیونگ، یا ایسا کوئی اور طرز عمل جو ایسا کرنے والے شخص، کسی اور یا عوام کے لیے خطرے کا باعث ہو۔ 

• جسمانی طور پر نقصان دہ مادے کھانے، انجیکشن لگانے، سانس کے ذریعے لینے یا کسی اور طریقے سے خود استعمال کرنے کی ترغیب، یا مادوں کو اتنی مقدار میں استعمال کرنا جو جسم کو نقصان پہنچا سکے۔

• مواد جو تشدد یا نقصان دہ رویے کو انسانوں یا جانوروں کے خلاف بڑھاوا یا اس کی ترغیب کا خطرہ بنے۔ 

• بلا وجہ یا صریح تشدد، بشمول جانوروں کے ساتھ بدسلوکی۔

خطرات، تشدد اور نقصان سے نمٹنے کے لیے ہمارا طریقہ کار حالات کے مطابق ترتیب دیا جاتا ہے۔ جب بات خود کو لاحق خطرات کی ہو، تو ہماری ٹیمز بذریعہ حفاظتی ریسورسز معاونت کے بہترین ذرائع کی نشاندہی کرتی ہیں۔ جہاں دوسروں کو خطرے کا سامنا ہے، ہم پالیسیز کے نفاذ اور جہاں مناسب نہیں ہے وہاں قانون نافذ کرنے والے اداروں کو شامل کر کے محفوظ نتائج کے لیے کوشش کرتے ہیں۔

اپنی کمیونٹی کے تحفظ اور فلاح و بہبود کی معاونت کے لیے اپنا حصہ ڈالنا ہماری کمپنی کی اولین ترجیح ہے۔