تخلیق کار کے لیے مونیٹائزیشن پالیسی

انفرادی تخلیق کار یہاں مزید معلومات حاصل کر سکتے ہیں:

Snapchat پر پیسہ کمانے کا طریقہ سیکھیں 

تنظیمات، جیسے معتبر خبری ادارے یا دیگر میڈیا کمپنیاں، یہاں معلومات حاصل کر سکتی ہیں:

Snapchat شوز | مواد کے شراکت دار

Snap کی مواد کی ٹیم (تخلیق کاروں یا پارٹنرز) کے اکاؤنٹس کا جامع جائزہ لیتی ہے۔ ایسے مواد کی اشاعت کے رجحان کی شناخت کے لیے جو مونیٹائزیشن کی اہلیت کے معیارات پر پورا نہیں اترتا، ہم انسانی اور الگورتھمک نگرانی کا امتزاج استعمال کرتے ہیں۔ ہم یوزرز، برانڈز اور دیگر اسٹیک ہولڈرز کی آراء بھی سنتے ہیں۔ اگر آپ کا اکاؤنٹ ان پالیسیوں پر عمل کرنے میں ناکام رہتا ہے، تو آپ ادائیگی کے لیے نااہل ہو سکتے ہیں۔
ہم مخصوص مواد کے ساتھ اشتہارات کی نمائش کو بھی ختم کر سکتے ہیں، اور مونیٹائزیشن پروگرام میں آپ کی شرکت کو معطل یا مستقل طور پر منسوخ کر سکتے ہیں۔

مزید نفاذ کی تفصیلات Snap کی مونیٹائزیشن کی شرائط اور Spotlight کی شرائط میں مل سکتی ہیں، جو اہل اکاؤنٹس کے لیے دستیاب ہیں۔

ہم مسلسل، اعلی معیار کے مواد کی تخلیق پر انعام دینا چاہتے ہیں۔ آپ تجویز کیے جانے کی اہلیت کیلئے مواد کی ہدایات پڑھنے کے لیے کچھ وقت نکال کر مواد کی کوالٹی کے حوالے سے ہمارے معیار کو سمجھ سکتے ہیں۔ اگر آپ بنیادی طور پر یا بار بار ایسا مواد شائع کرتے جو کے "تجویز کے قابل نہیں"، تو اس بات کا امکان ہے کہ آپ Snapchat پر مواد کی مونیٹائزیشن کے لیے اچھے امیدوار نہیں ہیں۔

تجویز کیے جانے کی اہلیت کیلئے مواد کی ہدایات کی مسلسل پیروی کرنے کے علاوہ، مونیٹائز کردہ اکاؤنٹس کو مستقل طور پر اصلیت اور صداقت کا مظاہرہ کرنا چاہیے۔

قابلِ مونیٹائز :

آپ ایسا منفرد و دلچسپ مواد شائع کرتے ہیں جو آپ یا آپ کے ادارے کا تخلیق کردہ ہو۔ کسی اور کا مواد پوسٹ کرنے پر آپ کو اس میں قیمتی، تبدیلی انگیز پہلو شامل کرنا ضروری ہے۔ مواد میں قابل قدر اور تبدیلی انگیز پہلو شامل کرنے کے لیے، آپ کو اصل اور نمایاں تبصرے، تنقید، مؤثر ترامیم، تجزیہ، تعلیمی یا تفریحی قدر شامل کرنا ضروری ہے، جیسے:

• کسی ویڈیو پر ردعمل ظاہر کرنا (مثلاً، کسی اسپورٹس کے ری پلے میں خود کمنٹری کرنا)

  • آپ کا چہرہ واضح نظر آنا ضروری ہے۔

  • ویڈیو میں آپ بولتے ہوئے نظر آئیں۔ اشارہ کرنا یا سر ہلانا بولنے کے زمرے میں نہیں۔

  • آپ کا ردعمل دوبارہ پوسٹ کردہ مواد سے متعلق یا جواب میں ہونا چاہیئے۔

  • آڈیو کا مواد سے متعلقہ ہونا ضروری ہے۔

• جائزوں کے تناظر میں کلپس کا استعمال (مثلاً، کسی مووی کے بارے میں بات کرتے ہوئے اس کے اہم مناظر دکھانا)

• تخلیقی انداز میں فوٹیج میں ترمیم (مثلاً، شادی کے دس بہترین کیکس کا مجموعہ، جسے الٹی گنتی کے انداز میں مرتب کیا گیا ہو، جس میں سیاق و سباق، تبصرے اور/یا تخلیقی عناصر شامل کیے گئے ہوں)

• سوشل میڈیا کی کلپس دکھانا جب مواد کو 1) اصل تخلیق کار سے مناسب طور پر منسوب کیا گیا ہو، اور 2) موجودہ خبر سازی کے قابل واقعات، رجحانات، یا عوامی گفتگو سے متعلق اصل تبصرے کے ساتھ پیش کیا جائے)

آپ کا مستند مواد شائع کرنا جو سنیپ چیٹرز
اور مشتہرین کا اعتماد قائم کرے۔ آپ گمراہ نہیں کرتے۔ آپ کے ٹائلز یا تعارف ایسی توقعات قائم کرتے ہیں جو آپ کے باقی مواد میں بخوبی پورے ہوتے ہیں۔

ناقابلِ مونیٹائز:

یہ اس مواد کی ایک محدود فہرست ہے جو ناقابلِ مونیٹائز ہے۔ مثالیں بمشول مگر بلا تحدید:

آپ بنیادی طور پر یا بار بار ایسا غیر اصل مواد شائع کرتے ہیں جسے آپ نے خود تخلیق نہیں کیا اور جس میں کوئی بامعنی تبدیلی نہیں کی گئی، جیسے:

• ٹی وی شوز، موویز، میوزک ویڈیوز کے بغیر تبدیل کیے گئے کلپس یا کلپس کا مجموعہ

• دیگر لوگوں کی سوشل میڈیا پوسٹس دوبارہ اپ لوڈ

آپ بار بار ایک جیسا مواد پوسٹ کرتے ہیں، جیسے اپنے ہی مواد کو بار بار دوبارہ پوسٹ کرنا یا ایسا مواد جو ناظرین کی تفریح یا آگاہی کے بجائے ویوز کو فروغ دینے کے لیے ڈیزائن کیا گیا ہو، جیسے:

• ایک ہی ٹائل کی تصویر کا بار بار استعمال

• ایک ہی یا اسی طرح کے مواد کو بار بار پوسٹ کرنا اور اسے نئے مواد کے طور پر پیش کرنا

• نہایت معمولی فرق والی Snaps پوسٹ کرنا، جیسے بار بار تحریری اقتباسات پر سر ہلانا یا اشارہ کرنا۔

آپ بار بار ایسا غیر مستند مواد شائع کرتے ہیں جو لوگوں کو گمراہ کرتا ہے (چاہے مواد سیاست، صحت، یا المناک واقعات جیسا "سنگین" نہ بھی ہو)۔ مشغولیت کا فریب گمراہ کن ہے کیونکہ یہ ایسی توقعات قائم کرتا ہے جو کبھی پوری نہیں ہوتیں، جیسے:

• ایک غیر متعلقہ ٹائل کی تصویر (مثلاً، کسی ایسی مشہور شخصیت کی تصویر جس کا باقی کہانی میں کہیں ذکر نہ ہو)

• ایک حیران کن ٹائل یا تصاویر (مثلاً، ایسی تصاویر جو پہلی نظر میں جنسی اعضاء سے مشابہ ہوں) 

• ایک بے بنیاد افواہ (مثلاً، یہ بے بنیاد قیاس آرائی کہ کوئی اداکار آئندہ فلم میں کوئی مخصوص کردار ادا کرے گا)

• ماضی کے واقعات کو موجودہ واقعات بنا کر پیش کرنا (مثلاً، کسی مشہور شخصیت کی برسوں پرانی گرفتاری کو بریکنگ نیوز بنانا)

• گمراہ کن طور پر ترمیم کردہ میڈیا (مثلاً، کسی کے جسم یا چہرے کی تصویر میں ایسی ترمیم جو بڑی تبدیلی ظاہر کرے، یا سانپ کی تصویر میں اس طرح ترمیم کہ وہ بس جتنا بڑا دکھائی دے وغیرہ)

• "ردعمل" پر مبنی ایسا مواد جس میں واقعی کوئی ردعمل شامل نہ ہو، ردعمل شدہ ویڈیو سے متعلق نہ ہو، یا جس میں ردعمل کو چھپانے کی کوشش کی گئی ہو