• ಭಯೋತ್ಪಾದನಾ ಸಂಘಟನೆಗಳು, ಹಿಂಸಾತ್ಮಕ ತೀವ್ರವಾದಗಳು ಮತ್ತು ದ್ವೇಷದ ಗುಂಪುಗಳನ್ನು ನಮ್ಮ ವೇದಿಕೆ ಬಳಸದಂತೆ ನಿಷೇಧಿಸಲಾಗಿದೆ. ಉಗ್ರವಾದ ಹಿಂಸಾತ್ಮಕ ಅಥವಾ ಭಯೋತ್ಪಾದನೆಯನ್ನು ಪ್ರತಿಪಾದಿಸುವ ಅಥವಾ ಉತ್ತೇಜಿಸುವ ವಿಷಯದ ಬಗ್ಗೆ ನಾವು ಸಹಿಷ್ಣುತೆಯನ್ನು ಹೊಂದಿಲ್ಲ.

• ದ್ವೇಷ ಭಾಷಣ ಅಥವಾ ಅವಹೇಳನಕಾರಿ, ಅಪಮಾನಜನಕ ಅಥವಾ ಜನಾಂಗ, ಬಣ್ಣ, ಜಾತಿ, ಜನಾಂಗೀಯತೆ, ರಾಷ್ಟ್ರೀಯ ಮೂಲ, ಧಾರ್ಮಿಕತೆ, ಲೈಂಗಿಕ ಅಭಿರುಚಿ, ಲಿಂಗ ಗುರುತು, ವೈಕಲ್ಯ, ಅಥವಾ ಪರಿಣಿತ ಸ್ಥಿತಿ, ಸಾಮಾಜಿಕ-ಆರ್ಥಿಕ ಸ್ಥಿತಿ, ವಯಸ್ಸು, ತೂಕ ಅಥವಾ ಗರ್ಭಾವಸ್ಥೆ ಸ್ಥಿತಿ ಆಧರಿಸಿ ತಾರತಮ್ಯ ಅಥವಾ ಹಿಂಸೆಯನ್ನು ಉತ್ತೇಜಿಸುವ ವಿಷಯವನ್ನು ನಿಷೇಧಿಸಲಾಗಿದೆ.

ಭಯೋತ್ಪಾದನೆ ಅಥವಾ ಹಿಂಸಾತ್ಮಕ ಉಗ್ರವಾದವನ್ನು ಬೆಂಬಲಿಸುವ ದ್ವೇಷಮಯ ವಿಷಯ ಮತ್ತು ಚಟುವಟಿಕೆಗಳಿಗೆ Snapchat ನಲ್ಲಿ ಜಾಗವಿಲ್ಲ. Snapchatter ಗಳ ಸುರಕ್ಷತೆಯನ್ನು ಬೆಂಬಲಿಸುವ ಮತ್ತು ಆದ್ಯತೆಗೊಳಿಸುವ ಹಾಗೂ ಹಿಂಸೆ ಹಾಗೂ ತಾರತಮ್ಯದಿಂದ ಸಮುದಾಯಗಳನ್ನು ರಕ್ಷಿಸುವ ವಾತಾವರಣವನ್ನು ಸೃಷ್ಟಿಸಲು ನಮ್ಮ ನೀತಿಗಳು ಕಾರ್ಯನಿರ್ವಹಿಸುತ್ತವೆ. 

ದ್ವೇಷ ಭಾಷಣೆ ಅಥವಾ ದ್ವೇಷದ ಸಂಕೇತಗಳು ಸೇರಿದಂತೆ, ದ್ವೇಷಮಯ ನಡವಳಿಕೆಯಲ್ಲಿ ತೊಡಗುವುದು ಎಂದಿಗೂ ಸ್ವೀಕಾರಾರ್ಹವಲ್ಲ. ಭಯೋತ್ಪಾದನೆ ಅಥವಾ ಹಿಂಸಾತ್ಮಕ ತೀವ್ರವಾದವನ್ನು ಬೆಂಬಲಿಸುವ ಅಥವಾ ಅವುಗಳನ್ನು ಪ್ರತಿಪಾದಿಸುವ ಚಟುವಟಿಕೆಗಳನ್ನು ಅದೇ ರೀತಿಯಲ್ಲಿ ನಿಷೇಧಿಸಲಾಗಿದೆ ಮತ್ತು ಅವಶ್ಯಕ ಎನಿಸಿದಲ್ಲಿ, ಕಾನೂನು ಜಾರಿ ಸಂಸ್ಥೆಗಳಿಗೆ ವರದಿ ಮಾಡಬಹುದು. 

ಈ ನೀತಿಗಳನ್ನು ಜವಾಬ್ದಾರಿಯುತವಾಗಿ ಜಾರಿಗೊಳಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳುವುದಕ್ಕೆ ನೆರವಾಗಲು, ನಮ್ಮ ತಂಡಗಳು ತಜ್ಞರೊಂದಿಗೆ ಮತ್ತು ನಾಗರಿಕ ಹಕ್ಕುಗಳ ಸಂಘಟನೆಗಳು, ಮಾನವ ಹಕ್ಕುಗಳ ತಜ್ಞರು, ಕಾನೂನು ಜಾರಿ ಸಂಸ್ಥೆಗಳು, ಸರ್ಕಾರೇತರ ಸಂಸ್ಥೆಗಳು ಮತ್ತು ಸುರಕ್ಷತಾ ಪ್ರತಿಪಾದಕರ ಕೆಲಸವನ್ನು ಸಮಾಲೋಚಿಸುತ್ತವೆ. ನಾವು ನಿರಂತರವಾಗಿ ಕಲಿಯುತ್ತಿದ್ದೇವೆ ಮತ್ತು ನಮ್ಮ ಉತ್ಪನ್ನಗಳು ಮತ್ತು ನೀತಿಗಳು Snapchatter ಗಳನ್ನು ಸುರಕ್ಷಿತವಾಗಿ ಇರಿಸಲು ಕಾರ್ಯನಿರ್ವಹಿಸುತ್ತವೆ ಎಂದು ಖಚಿತಪಡಿಸಿಕೊಳ್ಳಲು ಅಗತ್ಯವಿರುವಲ್ಲಿ ಮಾಪನ ಮಾಡುತ್ತೇವೆ. ನಮಗೆ ನೆರವು ಪಡೆದುಕೊಳ್ಳಲು, ಭಯೋತ್ಪಾದನೆ ಮತ್ತು ಹಿಂಸಾತ್ಮಕ ಉಗ್ರವಾದದ ವಿರುದ್ಧದ ನಮ್ಮ ನೀತಿಗಳನ್ನು ಉಲ್ಲಂಘಿಸಬಹುದಾದ ಯಾವುದೇ ದ್ವೇಷಮಯ ವಿಷಯ ಅಥವಾ ಚಟುವಟಿಕೆಯನ್ನು ತಕ್ಷಣವೇ ವರದಿ ಮಾಡಲು ನಾವು ಬಳಕೆದಾರರನ್ನು ಪ್ರೋತ್ಸಾಹಿಸುತ್ತೇವೆ. 

ನಮ್ಮ ಉತ್ಪನ್ನಗಳನ್ನು ಬಳಸುವಾಗ Snapchatter ಗಳು ಸುರಕ್ಷಿತ ಮತ್ತು ಗೌರವಾನ್ವಿತ ಭಾವನೆಯನ್ನು ಹೊಂದಬೇಕು. ಜನಾಂಗ, ಬಣ್ಣ, ಜಾತಿ, ಕುಲ, ರಾಷ್ಟ್ರೀಯ ಮೂಲ, ಧರ್ಮ, ಲೈಂಗಿಕ ಒಲವು, ಲಿಂಗ, ಲಿಂಗ ಗುರುತು, ವೈಕಲ್ಯ, ಪರಿಣಿತ ಸ್ಥಿತಿ, ವಲಸಿಗ ಸ್ಥಿತಿ, ಸಾಮಾಜಿಕ-ಆರ್ಥಿಕ ಸ್ಥಿತಿ, ವಯಸ್ಸು, ತೂಕ ಅಥವಾ ಗರ್ಭಾವಸ್ಥೆಯ ಸ್ಥಿತಿಯ ಆಧಾರದಲ್ಲಿ ಒಬ್ಬ ವ್ಯಕ್ತಿ ಅಥವಾ ವ್ಯಕ್ತಿಗಳ ಗುಂಪನ್ನು ಕೀಳಾಗಿ ಕಾಣುವ ಅಥವಾ ಅವರ ಬಗ್ಗೆ ತಾರತಮ್ಯಕ್ಕೆ ಪ್ರಚೋದನೆ ನೀಡುವುದನ್ನು ಒಳಗೊಂಡ ದ್ವೇಷ ಭಾಷಣವನ್ನು ನಮ್ಮ ದ್ವೇಷಪೂರಿತ ವಿಷಯದ ವಿರುದ್ಧದ ನೀತಿಗಳು ನಿಷೇಧಿಸುತ್ತವೆ. ಈ ನಿಯಮಗಳು, ಜನಾಂಗೀಯ, ಕುಲ, ಸ್ತ್ರೀದ್ವೇಷದ ಅಥವಾ ಸಲಿಂಗಭೀತಿಯ ನಿಂದೆಗಳು; ಸಂರಕ್ಷಿತ ಗುಂಪನ್ನು ಅಪಹಾಸ್ಯ ಮಾಡುವ ಅಥವಾ ಅವರ ವಿರುದ್ಧ ತಾರತಮ್ಯಕ್ಕೆ ಕರೆ ನೀಡುವ ಮೀಮ್‌ಗಳು; ಮತ್ತು ಉದ್ದೇಶಪೂರ್ವಕವಾಗಿ ಲಿಂಗಪರಿವರ್ತಿತರನ್ನು ಅವರ ಮೂಲ ಹೆಸರಿನಿಂದ ಕರೆಯುವ ಅಥವಾ ಲಿಂಗವನ್ನು ತಪ್ಪಾಗಿ ಸಂಬೋಧಿಸುವಂತಹ ಸ್ವರೂಪದ ಯಾವುದೇ ನಿಂದನೆಯ ಬಳಕೆಯನ್ನು ನಿಷೇಧಿಸುತ್ತವೆ. ದ್ವೇಷ ಭಾಷಣವು ಮಾನವರ ದೌರ್ಜನ್ಯಗಳ ಸಂಚುಕೋರರ ವೈಭವೀಕರಣಕ್ಕೂ--ಅಥವಾ ಸಂತ್ರಸ್ತರ ಅವಹೇಳನಕ್ಕೂ ವಿಸ್ತರಿಸುತ್ತದೆ (ಉದಾಹರಣೆಗೆ ನರಮೇಧ, ವರ್ಣಬೇಧ ನೀತಿ ಅಥವಾ ಗುಲಾಮಗಿರಿ). ಇತರ ನಿಷೇಧಿತ ದ್ವೇಷಮಯ ಕಂಟೆಂಟ್‌ನಲ್ಲಿ ದ್ವೇಷದ ಸಂಕೇತಗಳ ಬಳಕೆ, ಅಂದರೆ ಇತರರ ವಿರುದ್ಧ ದ್ವೇಷ ಅಥವಾ ತಾರತಮ್ಯವನ್ನು ಪ್ರತಿನಿಧಿಸುವ ಉದ್ದೇಶ ಹೊಂದಿರುವ ಯಾವುದೇ ಚಿತ್ರಣ ಸೇರಿದೆ. 

ಭಯೋತ್ಪಾದನೆ ಮತ್ತು ಹಿಂಸಾತ್ಮಕ ಉಗ್ರವಾದದ ವಿರುದ್ಧದ ನಮ್ಮ ನಿಷೇಧಗಳು ಭಯೋತ್ಪಾದನೆ ಅಥವಾ ಇತರ ಹಿಂಸೆ, ಸೈದ್ಧಾಂತಿಕ ಗುರಿಗಳ ಸಾಧನೆಗಾಗಿ ವ್ಯಕ್ತಿಗಳು ಅಥವಾ ಸಮೂಹಗಳು ಮಾಡಿದ ಅಪರಾಧ ಕೃತ್ಯಗಳನ್ನು ಪ್ರಚಾರ ಮಾಡುವ ಎಲ್ಲ ವಿಷಯಗಳಿಗೂ ವಿಸ್ತರಿಸುತ್ತದೆ. ಈ ನಿಯಮಗಳು ವಿದೇಶಿ ಭಯೋತ್ಪಾದನೆ ಸಂಘಟನೆಗಳು ಅಥವಾ ತೀವ್ರವಾದ ದ್ವೇಷದ ಗುಂಪುಗಳನ್ನು--ವಿಶ್ವಾಸಾರ್ಹ, ತೃತೀಯ-ಪಕ್ಷದ ತಜ್ಞರು ನಿಯೋಜಿಸಿರುವಂತೆ--ಹಾಗೂ ಅಂತಹ ಸಂಘಟನೆಗಳು ಅಥವಾ ಹಿಂಸಾತ್ಮಕ ಉಗ್ರವಾದಿ ಚಟುವಟಿಕೆಗಳಿಗೆ ನೇಮಕಾತಿಯನ್ನು ಪ್ರಚಾರ ಮಾಡುವ ಅಥವಾ ಬೆಂಬಲಿಸುವ ಯಾವುದೇ ವಿಷಯವನ್ನು ಸಹ ಈ ನಿಯಮಗಳು ನಿಷೇಧಿಸುತ್ತವೆ. 

ಭಯೋತ್ಪಾದನೆ ಅಥವಾ ಹಿಂಸಾತ್ಮಕ ತೀವ್ರವಾದವನ್ನು ಬೆಂಬಲಿಸುವ ದ್ವೇಷಮಯ ವಿಷಯ ಅಥವಾ ಚಟುವಟಿಕೆಗಳನ್ನು ನೇರವಾಗಿ ವರದಿ ಮಾಡಲು ನಮ್ಮ ಆ್ಯಪ್‌ನಲ್ಲಿನ ಟೂಲ್ ಬಳಕೆದಾರರಿಗೆ ಅವಕಾಶ ಕಲ್ಪಿಸುತ್ತದೆ. ಸ್ಪಾಟ್‌ಲೈಟ್ ಮತ್ತು Discover ನಂತಹ ನಮ್ಮ ಅಧಿಕ ವ್ಯಾಪ್ತಿಯ ವೇದಿಕೆಗಳಲ್ಲಿ, ಈ ನಿಯಮಗಳನ್ನು ಉಲ್ಲಂಘಿಸಬಹುದಾದ ಯಾವುದೇ ವಿಷಯವನ್ನು ಮಾಡರೇಟ್ ಮಾಡಲು ನಾವು ಸಕ್ರಿಯ ವಿಧಾನವನ್ನು ತೆಗೆದುಕೊಳ್ಳುತ್ತೇವೆ. ಅದಾಗ್ಯೂ, ಈ ವೇದಿಕೆಗಳಲ್ಲಿ ನಿಮಗೆ ಕಾಣಿಸುವ ಯಾವುದೇ ಹಾನಿಕಾರಕ ವಿಷಯವನ್ನು ವರದಿ ಮಾಡುವಂತೆ ಬಳಕೆದಾರರನ್ನು ನಾವು ಪ್ರೋತ್ಸಾಹಿಸುತ್ತೇವೆ--ಇದು ಈ ವೇದಿಕೆಗಳನ್ನು ಸುರಕ್ಷಿತವಾಗಿರಿಸಲು ನಮ್ಮ ಪ್ರಕ್ರಿಯೆಗಳಲ್ಲಿನ ಯಾವುದೇ ದೋಷಗಳ ಕುರಿತು ನಮಗೆ ಎಚ್ಚರಿಕೆ ನೀಡಲು ನೆರವಾಗುತ್ತದೆ.

ದ್ವೇಷಮಯ ವಿಷಯವನ್ನು ವರದಿ ಮಾಡಿದಾಗ, ನಮ್ಮ ತಂಡಗಳು ಯಾವುದೇ ಉಲ್ಲಂಘಟನೆಯ ವಿಷಯವನ್ನು ತೆಗೆದುಹಾಕುತ್ತದೆ ಮತ್ತು ಪುನರಾರ್ತಿತ ಅಥವಾ ಅತಿಶಯವಾಗಿ ಉಲ್ಲಂಘನೆಯಲ್ಲಿ ತೊಡಗುವ ಬಳಕೆದಾರರ ಖಾತೆ ಪ್ರವೇಶವನ್ನು ಲಾಕ್ ಮಾಡಲಾಗುತ್ತದೆ. ಒಂದು ಹೆಚ್ಚುವರಿ ಕ್ರಮವಾಗಿ, ನಿಮಗೆ ಅಸುರಕ್ಷಿತ ಅಥವಾ ಅಹಿತಕರ ಎನ್ನಿಸುವಂತೆ ಮಾಡುವ ಯಾವುದೇ ಬಳಕೆದಾರರನ್ನು ನಿರ್ಬಂಧಿಸುವಂತೆ ನಾವು Snapchatter ಗಳನ್ನು ಪ್ರೋತ್ಸಾಹಿಸುತ್ತೇವೆ.

ಭಯೋತ್ಪಾದಕ ಚಟುವಟಿಕೆಗಳು ಅಥವಾ ಹಿಂಸಾತ್ಮಕ ತೀವ್ರವಾದಲ್ಲಿ ತೊಡಗುವ ಬಳಕೆದಾರರು ತಮ್ಮ ಖಾತೆ ಸವಲತ್ತುಗಳನ್ನು ಕಳೆದುಕೊಳ್ಳುತ್ತಾರೆ. ಇದರ ಜೊತೆಗೆ, ಈ ನೀತಿಗಳ ಉಲ್ಲಂಘನೆಗಳಿಗೆ ಸಂಬಂಧಿಸಿದ ಕೆಲವು ಮಾಹಿತಿಯನ್ನು ಕಾನೂನು ಜಾರಿ ಸಂಸ್ಥೆಗೆ ವರದಿ ಮಾಡಬಹುದು. ಕಾನೂನು ಜಾರಿ ಸಂಸ್ಥೆಗಳೊಂದಿಗೆ Snapchat ಹೇಗೆ ಜವಾಬ್ದಾರಿಯುತವಾಗಿ ತೊಡಗಿಕೊಳ್ಳುತ್ತದೆ ಎನ್ನುವ ಕುರಿತು ಹೆಚ್ಚಿನ ಮಾಹಿತಿಗಾಗಿ, Snap ನ ಗೌಪ್ಯತೆ ಮತ್ತು ಸುರಕ್ಷತಾ ಕೇಂದ್ರಕ್ಕೆ ಭೇಟಿ ನೀಡಿ.

Snapchat ನಲ್ಲಿ ನಾವು ದ್ವೇಷಮಯ ವಿಷಯ, ಭಯೋತ್ಪಾದನೆ ಅಥವಾ ಹಿಂಸಾತ್ಮಕ ತೀವ್ರವಾದವನ್ನು ಸಹಿಸುವುದಿಲ್ಲ. ನಮ್ಮ ನೀತಿಗಳು ಮತ್ತು ನಮ್ಮ ಉತ್ಪನ್ನ ವಿನ್ಯಾಸ ಎರಡರ ಮೂಲಕ, Snapchatter ಗಳ ಸುರಕ್ಷತೆಯನ್ನು ಬೆಂಬಲಿಸುವ ಮತ್ತು ಆದ್ಯತೆಗೊಳಿಸುವ ವಾತಾವರಣವನ್ನು ನಿರ್ವಹಿಸಲು ನಾವು ಶ್ರದ್ಧೆಯಿಂದ ಕಾರ್ಯನಿರ್ವಹಿಸುತ್ತೇವೆ. 

ನಮ್ಮ ನೀತಿಗಳನ್ನು ಉಲ್ಲಂಘಿಸುವ ಯಾವುದೇ ವಿಷಯವನ್ನು ವರದಿ ಮಾಡುವ ಮೂಲಕ ನಮ್ಮ ಸಮುದಾಯವನ್ನು ರಕ್ಷಿಸಲು ಬಳಕೆದಾರರು ನಮಗೆ ಸಹಾಯ ಮಾಡಬಹುದು. ನಮ್ಮ ಸುರಕ್ಷತಾ ಗುರಿಗಳನ್ನು ಜವಾಬ್ದಾರಿಯುತವಾಗಿ ಮುನ್ನಡೆಸುತ್ತಿದ್ದೇವೆ ಎಂದು ಖಚಿತಪಡಿಸಿಕೊಳ್ಳಲು ಸುರಕ್ಷತಾ ಸಮುದಾಯದಾದ್ಯಂತದ ವೈವಿಧ್ಯಮಯ ನಾಯಕರೊಂದಿಗೆ ಕಾರ್ಯನಿರ್ವಹಿಸಲು ಕೂಡ ನಾವು ಬದ್ಧರಾಗಿದ್ದೇವೆ. ನಮ್ಮ ಸುರಕ್ಷತಾ ಪ್ರಯತ್ನಗಳ ಕುರಿತು ಇನ್ನಷ್ಟು ಮಾಹಿತಿಗಾಗಿ, ದಯವಿಟ್ಟು ನಮ್ಮ ಸುರಕ್ಷತಾ ಕೇಂದ್ರಕ್ಕೆ ಭೇಟಿ ನೀಡಿ.