ہراسانگی اور غنڈہ گردی

ہماری ہراسانگی اور غنڈہ گردی کی پالیسیوں کی خلاف ورزیوں میں کوئی بھی ناپسندیدہ رویہ شامل ہے جو کسی عام شخص کو جذباتی تکلیف پہنچا سکتا ہے۔ ہم درج ذیل سے منع کرتے ہیں:

• ایسا مواد پوسٹ کرنا جو کسی شخص کے جسمانی خدوخال، شخصیت، ذہانت یا ذاتی خصوصیات کی بنیاد پر مذاق اُڑائے، شرمندہ کرے، تحقیر کرے، بدنام کرے یا اس کی تذلیل کرے، بشمول جارحانہ یا فحش نام لے کر پکارنا۔

• افواہیں پھیلانا، بشمول گمنام طور پر غنڈہ گردی یا افراد کی تذلیل کے لیے مخصوص اکاؤنٹس۔

• تشدد، موت یا سانحے کے متاثرین کا مذاق اُڑانا یا کسی دوسرے فریق کے لیے تشدد، موت یا سانحے کی خواہش کرنا۔

• کسی اور شخص کو ہراسانگی کا نشانہ بنانے کے لیے اس کی ذاتی یا شناختی معلومات شیئر کرنا اور اس کے ساتھ ہراسانگی کی ترغیب دینا (مثلاً "ڈاکسنگ")۔

• کسی دوسرے شخص کی تذلیل کے مقصد سے بگڑی ہوئی تصاویر شیئر کرنا، چاہے وہ AI سے تیار کردہ، ڈیجیٹل طور پر بنائی گئی، ترمیم شدہ یا مصورانہ تصاویر ہوں (جیسے کارٹون یا ایڈیٹ شدہ اسٹیکرز)۔

• متواتر، ناپسندیدہ رابطہ کرنا، بشمول نئے اکاؤنٹ کے ذریعے کسی ایسے شخص سے رابطہ کرنا جس نے پہلے آپ کو بلاک کیا ہو یا رابطہ نہ کرنے کو کہا ہو۔

Snap 18 سال یا اس سے زیادہ عمر کی عوامی شخصیات پر تبصرے اور تنقید کی اجازت دیتا ہے، بشرطیکہ اس مواد میں امتیاز، ہراسانگی یا تشدد اور نقصان کی ترغیب شامل نہ ہو۔ 

ہم توقع کرتے ہیں کہ صارفین دوسروں کی ذاتی پرائیویسی کا احترام کریں۔ Snap درج ذیل سے منع کرتا ہے:

• کسی اور شخص کی نجی یا ذاتی طور پر قابل شناخت معلومات (PII) شیئر کرنا۔ 

• نجی مواد شیئر کرنا، بشمول نجی تصاویر یا گفتگو کے اسکرین شاٹس یا ریکارڈنگز۔ 

• زد پذیر افراد پر مشتمل مواد شیئر کرنا جو اپنے مواد کو کیپچر یا شیئر کرنے کی اجازت دینے کے قابل نہ ہوں، اس میں نابالغ بچے، بے گھر افراد، ذہنی صلاحیت میں کمی رکھنے والے افراد، اور طبی سہولت، نرسنگ ہوم یا معاون رہائش گاہ میں موجود افراد شامل ہیں۔

ہم ہراسانگی و غنڈہ گردی کے خلاف ہیں۔ ہم چاہتے ہیں کہ Snapchat پر صارفین محفوظ محسوس کریں۔ اگر آپ کو کبھی بھی تکلیف محسوس ہو، تو براہ کرم ہمیں رپورٹ بھیجنے اور دیگر صارفین کو بلاک کرنے میں ہچکچاہٹ نہ کریں—یہ فیچرز آپ کے تحفظ کے لیے ہیں۔ Here for You پورٹل کے ‌ذریعے، ہم یقینی بناتے ہیں کہ صارفین کی ایپ کے اندر ریسورسز و معلومات تک رسائی ہو تاکہ غنڈہ گردی و ہراسانگی کو پہچانا اور نمٹا جائے۔ ہم وہ ٹولز مہیا کرتے ہیں جو Snapchat پر خلاف ورزی والے رویے کی رپورٹنگ کو آسان بناتے ہیں۔

براہ کرم لوگوں کی عزت و رازداری کا خیال رکھیں––اگر وہ ناگواری کا اظہار کریں، تو ان کی حدود کا احترام کریں۔ اگر وہ آپ سے اپنے متعلق مواد ہٹانے کو کہیں، تو براہ کرم ایسا کریں اور عام طور پر لوگوں کی اجازت کے بغیر تصاویر یا ان کے بارے میں معلومات شیئر کرنے سے گریز کریں۔