துன்புறுத்தல் மற்றும் தொந்தரவளித்தல்

எங்களின் துன்புறுத்தல் மற்றும் கொடுமைப்படுத்துதல் கொள்கைகளின் மீறல்களில், ஒரு சாமானியனுக்கு மன உளைச்சல் ஏற்படக்கூடிய தேவையற்ற நடத்தையும் அடங்கும். இந்த விதிகளின் படி ஒருவருக்கொருவர் மற்றவரின் தனிப்பட்ட தனியுரிமையை மதிப்பதும் அடங்கும். இந்த விதிகளின் மீறல்களில் பின்வருவன அடங்கும்:

• தவறான வார்த்தைகள், அச்சுறுத்தல்கள் அல்லது இலக்கை அவமானப்படுத்தும், சங்கடப்படுத்தும் அல்லது இழிவுபடுத்தும் ஏதேனும் நடத்தை.  

• மற்றொரு நபரின் தனிப்பட்ட தகவல்களையும் — குளியலறை, படுக்கையறை, ஆடை மாற்றும் அறை, மருத்துவ வசதி அல்லது உதவி வாழ்க்கை வசதி போன்ற — தனிப்பட்ட இடங்களில் உள்ள நபர்களின் Snapகளையும் அவர்களின் அனுமதி அல்லது ஒப்புதல் இல்லாமல் பகிர்ந்துகொள்ளுதல்.  

விதிமீறல்களைத் தவிர்க்க உதவ, Snapchat பயனர்கள் பிறரின் அனுமதியின்றி அவர்களின் புகைப்படங்கள் அல்லது வீடியோக்கள் எடுக்க வேண்டாம் என்றும், அவர்களின் வீட்டு முகவரி, பிறந்த தேதி, தொலைபேசி எண்கள் போன்ற பிறர் பற்றிய தனிப்பட்ட தகவல்களைப் பகிர்வதைத் தவிர்க்கவும் நாங்கள் ஊக்குவிக்கிறோம். உங்களை யாரேனும் Snapchat-இல் தடை செய்தால், வேறு கணக்கிலிருந்து அவர்களைத் தொடர்பு கொள்ள முயற்சிக்க வேண்டாம். உங்கள் Snap-இல் சித்தரிக்கப்பட்ட யாராவது அதை அகற்றச் சொன்னால், தயவுசெய்து அகற்றுங்கள்! மற்றவர்களின் தனியுரிமை உரிமைகளுக்கு மதிப்பளியுங்கள். 

இந்த விதிகளின் மீறல்களை பயனர்கள் அனுபவித்தாலோ அல்லது பார்த்தலோ அதை புகாரளிக்க அவர்களை ஊக்குவிக்கிறோம். Snapchat ஐப் பயன்படுத்தி ஒவ்வொரு பயனரும் பாதுகாப்பாகவும் வசதியாகவும் இருப்பதை உறுதிசெய்வதை எங்கள் மதிப்பாய்வுக் குழுக்கள் நோக்கமாகக் கொண்டுள்ளன, மேலும் மோசமான நடத்தையைப் புகாரளிப்பதன் மூலம், பயனர்கள் அந்த குறிக்கோளை முன்னேற்ற உதவலாம்.

எந்தவொரு துன்புறுத்தலையும் அல்லது மிரட்டலையும் நாங்கள் பொறுத்துக்கொள்ள மாட்டோம். Snapchat-ஐப் பயன்படுத்தும் போது எங்கள் பயனர்கள் பாதுகாப்பாக உணர வேண்டும் என்று நாங்கள் விரும்புகிறோம். நீங்கள் எப்போதாவது சங்கடமாக உணர்ந்தால் தயவுசெய்து எங்களுக்கு புகாரை அனுப்ப மற்றும் அந்தப் பயனரை தடைசெய்யத் தயங்காதீர்கள். இந்த அம்சங்கள் உங்கள் பாதுகாப்பிற்காகவே வழங்கப்பட்டுள்ளன. எங்களின் Here for You போர்டல் மூலம், கொடுமைப்படுத்துதல் மற்றும் தொந்தரவளித்தலைக் கண்டறிய உதவும் செயலியின் உள் உள்ள வளங்கள் மற்றும் தகவல்களுக்கான அணுகலை பயனர்கள் பெறுவதை உறுதி செய்கிறோம். Snapchat-இல் எந்தவொரு மீறல் நடத்தையையும் எளிதாகப் புகாரளிக்க உதவும் கருவிகளையும் நாங்கள் வழங்குகிறோம்.

தயவுசெய்து மக்களின் கண்ணியம் மற்றும் தனியுரிமை குறித்து அக்கறை கொள்ளுங்கள். அவர்கள் அசௌகரியத்தை வெளிப்படுத்தினால் அவர்களின் எல்லைகளை மதிக்கவும். அவர்கள் உங்களைப் பற்றிய உள்ளடக்கத்தை அகற்றுமாறு கேட்டால், தயவுசெய்து அப்படியே செய்யுங்கள், பொதுவாக அவர்களின் அனுமதியின்றி அவர்களின் படங்கள் அல்லது தகவல்களைப் பகிர்வதைத் தவிர்க்கவும்.