Snap Jagħżel Adolexxenti għall-Kunsilli għall-Benessri Diġitali fl-Ewropa u l-Awstralja
26 ta' Ġunju, 2025
Għandna pjaċir inħabbru li għażilna l-membri tal-Kunsilli l-ġodda ta' Snap għall-Benessri Diġitali (CDWB) fl-Ewropa u l-Awstralja. Nistennew bil-ħerqa li naħdmu maż-żewġ gruppi ta' adolexxenti biex nisimgħu l-perspettivi tagħhom dwar il-ħajja diġitali tagħhom illum u t-tamiet u l-ideali tagħhom għal esperjenzi online aktar pożittivi u sodisfaċenti.
Bdejna dan il-programm bis-CDWB inawgurali tagħna għall-adolexxenti fl-Istati Uniti fl-2024. Matul is-sena li għaddiet, involvejna lil dan il-grupp dinamiku ta' adolexxenti, kif ukoll lill-membri tal-familja tagħhom, f'varjetà ta' suġġetti relatati mal-benessri u s-sikurezza. Barra minn hekk, dawn l-adolexxenti setgħu jisfruttaw dan il-programm biex leħinhom jinstema' f'diskussjonijiet pubbliċi rilevanti, u huma u l-familji tagħhom saru ambaxxaturi tas-sikurezza fil-komunitajiet lokali tagħhom. Pereżempju, fil-Jum għal Internet Aktar Sikur, il-membri tas-CDWB tal-Istati Uniti ħadmu mal-Family Online Safety Institute fuq serje ta'vidjows qosrali jispjegaw l-aħjar prattiki tagħhom għan-navigazzjoni fid-dinja diġitali kemm għall-adolexxenti kif ukoll għall-ġenituri.
Abbażi tas-suċċess tal-programm pilota tal-Istati Uniti, aħnaħabbarnal-kunsilli “aħwa” tagħna għall-adolexxenti fl-Awstralja u l-Ewropa fil-bidu tal-2025. Minn mindu saret din it-tħabbira, irċevejna mijiet ta' applikazzjonijiet, li kienu jinkludu sottomissjonijiet dwar ir-relazzjonijiet tal-applikanti mat-telefowns tagħhom, eżempji ta' bidliet li jixtiequ jaraw fil-pjattaformi li jużaw, u l-aspettattivi tagħhom għall-parteċipazzjoni fil-kunsill. Filwaqt li l-għażla kemm tal-gruppi Ewropej kif ukoll dawk Awstraljani kienet sfida minħabba l-ħafna kandidati impressjonanti li smajna mingħandhom, aħna eċċitati ħafna dwar il-gruppi diversi li għażilna li għandhom firxa ta' esperjenzi u ideat.
Lill-applikanti li ma ntgħażlux din is-sena, jekk jogħġobkom kunu afu li napprezzaw ħafna l-ħin u l-isforz li ddedikajtu għall-applikazzjonijiet tagħkom. Nittamaw li tibqgħu involuti fil-promozzjoni ta' mġiba tajba online, u li tikkunsidraw li tapplikaw fil-futur jew tipparteċipaw fi programmi simili oħra.
Hawn taħt hawn siltiet minn uħud mill-applikazzjonijiet tal-membri magħżula, li jirriflettu dak li jittamaw li jiksbu mill-parteċipazzjoni fil-programm (editjati ħafif):
“[Il-parteċipazzjoni f'dan il-programm] tkun tfisser li jkolli l-opportunità li nwessa' l-opinjonijiet tiegħi u naħdem flimkien ma' żgħażagħ minn madwar l-Ewropa kollha li jimpurtahom, daqsi, mis-sikurezza u l-esperjenzi taż-żgħażagħ. Ikun ifisser li jkolli l-vuċi u l-opportunità li ntejjeb l-esperjenzi tal-adolexxenti online.” - Żagħżugħ/a ta' 14-il sena (ir-Renju Unit)
“Bħala adolexxent/a interessat/a f'dak kollu relatat mat-teknoloġija, nemmen li l-midja soċjali hija mod tajjeb ħafna biex tgħinna niffjorixxu u niġbru l-ispirazzjoni u l-informazzjoni. Biex inkun onest/a, verament nixtieq ngħin fl-ispazju diġitali.” Żagħżugħ/a ta' 14-il sena (Wallaroo, l-Awstralja)
Nittama li nintgħażel biex ngħin naqsam il-perspettivi tiegħi u ngħin biex nespandi l-għarfien tiegħi stess... Naħseb li se jkun mod tajjeb ħafna biex inxerred l-għarfien dwar is-sikurezza u l-midja soċjali.” - Żagħżugħ/a ta' 14-il sena (l-Iżvezja)
Ħafna mill-applikanti qalu li kienu eċċitati b'mod speċjali li jitgħallmu minn oħrajn, b'adolexxent/a Franċiż/a jsemmi/ssemmi x-xewqa li jisma'/tisma' “perspettivi differenti dwar l-istess kwistjonijiet globali.”Oħrajn kienu partikolarment ħerqana għan-natura kollaborattiva tal-programm b'adolexxent/a Awstraljan/a jgħid/tgħid li ried/riedet ikun/tkun parti mill-programm biex “niżviluppa/tiżviluppa ħiliet ewlenin bħax-xogħol f'tim, u s-soluzzjoni tal-problemi”u adolexxent/a Awstraljan/a ieħor/oħra qal/qalet, “Din hija l-opportunità tiegħi biex nikber!”B'mod ġenerali, l-applikazzjonijiet tal-adolexxenti wrew li huma eċċitati li jkollhom vuċi f'dawk li jħossu li huma konverżazzjonijiet iddominati mill-adulti. Kif qal membru Pollakk tal-Kunsill: “L-età ma tantx tgħodd, jekk ma jkollokx ideat.”
Minn mindu għażilna l-gruppi l-ġodda tagħna, kellna telefonati virtwali tal-bidu, u fil-ġimgħat li ġejjin, se nkunu qed niltaqgħu għal summits fiżiċi f'Amsterdam u Sydney. Fis-summits, se jkollna diskussjonijiet fi gruppi żgħar u tal-kunsill sħiħ dwar diversi suġġetti ta' sikurezza u benessri online, “kors għall-ġenituri” separat għall-gwardjani u l-kumpanji, sessjonijiet interattivi ma' kelliema mistiedna, kif ukoll xi attivitajiet divertenti (tista' titgħallem aktar dwar is-summit tas-CDWB tal-Istati Uniti tal-2024 tagħnahawn). Nittamaw li noffru lill-adolexxenti opportunitajiet biex japprofondixxu l-għarfien tagħhom dwar kwistjonijiet ta' sikurezza online u ċittadinanza diġitali, itejbu l-ħiliet tagħhom ta' tmexxija u promozzjoni, jikbru bħala plejers tat-tim u konsulenti bejn il-pari, u jiksbu għarfien dwar mogħdijiet ta' karriera possibbli f'kumpanija tat-teknoloġija globali. Se naqsmu regolarment l-għarfien u l-ideat tal-kunsill dwar kif iż-żgħażagħ jistgħu jersqu lejn l-ispazji online, billi nużaw strateġiji li jippromwovu s-sikurezza u benessri diġitali aktar b'saħħtu.
Prosit lill-membri magħżula tagħna, u grazzi mill-ġdid lil kull min issottometta applikazzjoni. Awguri għal programm ta' suċċess u produttiv għall-Kunsilli l-ġodda tagħna għall-Benessri Diġitali fl-Ewropa u l-Awstralja!
- Viraj Doshi, Kap tas-Sikurezza tal-Pjattaforma