19 ਮਾਰਚ ਨੂੰ Snapchat ਨੇ Google, LinkedIn, Meta, Microsoft ਅਤੇ TikTok ਨਾਲ ਮਿਲ ਕੇ EU ਦੀ ਈ-ਪਰਦੇਦਾਰੀ ਦੀ ਛੂਟ ਨੂੰ ਵਧਾਉਣ ਲਈ ਮੰਗ ਕੀਤੀ।

ਤਕਨਾਲੋਜੀ ਕੰਪਨੀਆਂ ਵਜੋਂ ਅਸੀਂ ਬੱਚਿਆਂ ਨੂੰ ਜਿਨਸੀ ਸ਼ੋਸ਼ਣ ਤੋਂ ਬਚਾਉਣ ਵਾਸਤੇ ਨਾਬਾਲਗਾਂ ਦੀ ਲਗਾਤਾਰ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ EU ਦੀਆਂ ਗੱਲਾਂਬਾਤਾਂ ਵਿੱਚ ਨਾਕਾਮੀ ਬਾਰੇ ਗੰਭੀਰ ਚਿੰਤਾ ਜਤਾਉਂਦੇ ਹਾਂ। 2021 ਤੋਂ ਲਾਗੂ ਈ-ਪਰਦੇਦਾਰੀ ਦੀ ਛੂਟ ਦੇ ਕਾਨੂੰਨੀ ਅਧਾਰ ਨੂੰ 3 ਅਪ੍ਰੈਲ ਨੂੰ ਖਤਮ ਹੋਣ ਦੇਣਾ ਲਾਪਰਵਾਹੀ ਹੈ। ਇਸ ਨੂੰ ਵਧਾਇਆ ਜਾਣਾ ਚਾਹੀਦਾ ਹੈ।

ਕਾਰਵਾਈ ਕਰਨ ਵਿੱਚ ਅਸਫਲ ਰਹਿਣ ਨਾਲ ਕਾਨੂੰਨੀ ਸਪੱਸ਼ਟਤਾ ਘੱਟ ਹੋ ਜਾਵੇਗੀ ਜਿਸਨੇ ਲਗਭਗ 20 ਸਾਲਾਂ ਤੋਂ ਕੰਪਨੀਆਂ ਨੂੰ ਅੰਤਰ-ਨਿੱਜੀ ਸੰਚਾਰ ਸੇਵਾਵਾਂ ਵਿੱਚ ਆਪਣੇ ਹਿਸਾਬ ਨਾਲ ਜਾਣੀ-ਪਛਾਣੀ ਬੱਚਿਆਂ ਦੇ ਜਿਨਸੀ ਸ਼ੋਸ਼ਣ ਦੀ ਸਮੱਗਰੀ (CSAM) ਦਾ ਪਤਾ ਲਗਾਉਣ ਅਤੇ ਰਿਪੋਰਟ ਕਰਨ ਦੇ ਯੋਗ ਬਣਾਇਆ ਹੈ, ਜਿਸ ਨਾਲ ਯੂਰਪ ਅਤੇ ਦੁਨੀਆ ਭਰ ਦੇ ਬੱਚਿਆਂ ਨੂੰ ਪਹਿਲਾਂ ਨਾਲੋਂ ਘੱਟ ਸੁਰੱਖਿਆ ਮਿਲੇਗੀ।

ਹੈਸ਼ ਮਿਲਾਨ ਰਾਹੀਂ CSAM ਦੀ ਆਪਣੇ ਹਿਸਾਬ ਨਾਲ ਪਛਾਣ ਕਾਨੂੰਨੀ ਅਮਲੀਕਰਨ ਜਾਂਚਾਂ ਲਈ ਕੇਂਦਰੀ ਸਥਾਪਤ ਔਜ਼ਾਰ ਹੈ, ਕਿਉਂਕਿ ਇਹ ਬੱਚਿਆਂ ਨਾਲ ਚੱਲ ਰਹੇ ਮਾੜੇ ਸਲੂਕ ਦੀ ਪਛਾਣ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਬਹੁਤ ਹੀ ਨੁਕਸਾਨਦੇਹ ਅਤੇ ਗੈਰ-ਕਾਨੂੰਨੀ ਸਮੱਗਰੀ ਦੇ ਪ੍ਰਸਾਰ ਨੂੰ ਰੋਕਦਾ ਹੈ। 

ਲੰਬੇ ਸਮੇਂ ਤੋਂ ਚੱਲ ਰਿਹਾ ਉਦਯੋਗ-ਵਿਆਪਕ ਹੈਸ਼ ਮਿਲਾਨ ਜਾਣੀ-ਪਛਾਣੀ CSAM ਦੀ ਪਛਾਣ ਕਰਨ ਲਈ ਨਾ ਉਲਟਾਉਣ ਯੋਗ ਡਿਜ਼ੀਟਲ ਫਿੰਗਰਪ੍ਰਿੰਟਿੰਗ ਦੀ ਵਰਤੋਂ ਕਰਦਾ ਹੈ। ਇਨ੍ਹਾਂ ਵਿਲੱਖਣ ਹੈਸ਼ਾਂ ਨੂੰ ਪਹਿਲਾਂ ਪਛਾਣ ਕੀਤੀ ਗਈ ਸਮੱਗਰੀ ਦੇ ਸੁਰੱਖਿਅਤ ਡੇਟਾਬੇਸ ਨਾਲ ਮਿਲਾ ਕੇ ਪ੍ਰਣਾਲੀ ਪਰਦੇਦਾਰੀ ਸਿਧਾਂਤਾਂ ਦੀ ਪਾਲਣਾ ਕਰਦੇ ਹੋਏ ਉੱਚ-ਸ਼ੁੱਧਤਾ ਵਾਲੀ ਪਛਾਣ ਨੂੰ ਯਕੀਨੀ ਬਣਾਉਂਦੀ ਹੈ। 

ਇਸ ਗੰਭੀਰ ਸਮੱਗਰੀ ਦੀ ਪਛਾਣ ਵਿੱਚ ਰੁਕਾਵਟ ਪੈਦਾ ਕਰਨਾ ਉਦਯੋਗ ਲਈ ਬੱਚਿਆਂ ਦੀ ਸੁਰੱਖਿਆ ਕਰਨ ਵਾਲੇ ਔਜ਼ਾਰਾਂ ਨੂੰ ਘਟਾਉਂਦਾ ਹੈ ਅਤੇ ਇਸ ਘਿਣਾਉਣੇ ਅਪਰਾਧ ਦੇ ਪੀੜਤਾਂ ਦੀ ਸਹਾਇਤਾ ਕਰਨ ਵਿੱਚ ਅਸਫਲ ਹੋਣ ਦਾ ਖਤਰਾ ਪੈਦਾ ਕਰਦਾ ਹੈ। 

ਅਸੀਂ ਯੂਰਪ ਵਿੱਚ ਕਾਨੂੰਨ ਬਣਾਉਣ ਵਾਲਿਆਂ ਨੂੰ ਅੰਤਰ-ਨਿੱਜੀ ਸੰਚਾਰ ਸੇਵਾਵਾਂ ਵਿੱਚ ਆਪਣੇ ਹਿਸਾਬ ਨਾਲ CSAM ਪਛਾਣ ਲਈ ਅੱਗੇ ਦੇ ਤਰੀਕੇ ਬਾਰੇ ਜਲਦੀ ਸਹਿਮਤ ਹੋਣ ਅਤੇ ਨਾਬਾਲਗਾਂ ਦੀ ਸੁਰੱਖਿਆ ਕਰਨ ਲਈ ਸਥਾਪਤ ਔਜ਼ਾਰਾਂ ਨੂੰ ਜਾਰੀ ਰੱਖਣ ਦੇ ਯੋਗ ਬਣਾਉਣ ਦੀ ਅਪੀਲ ਕਰਦੇ ਹਾਂ।  ਅਜਿਹਾ ਕਰਨ ਵਿੱਚ ਅਸਫਲ ਰਹਿਣਾ ਲਾਪਰਵਾਹੀ ਹੋਵੇਗੀ।