వేధింపు మరియు బుల్లియింగ్

మా వేధింపు మరియు బెదిరింపు విధానాల యొక్క ఉల్లంఘనలు, ఒక సాధారణ వ్యక్తి భావోద్వేగ ఇబ్బందులను అనుభవించడానికి కారణం కాగల ఏదైనా అవాంఛిత ప్రవర్తనను కలిగి ఉంటాయి. మేము ఈ క్రిందివాటిని నిషేధిస్తాము: 

• శారీరక స్వరూపం, వ్యక్తిత్వం, మేథస్సు లేదా వ్యక్తిగత గుణాల ఆధారంగా వ్యక్తిని దూకుడు లేదా అసహ్యమైన పేరుతో పిలవడంతో సహా వ్యక్తిని అపహాస్యం చేసే, కించపరిచే లేదా అవమానించే, వివక్షకు గురి చేసే, లేదా చిన్నచూపు చూసే కంటెంట్‌ను పోస్ట్ చేయడం.

• అనామకంగా బెదిరింపు లేదా వ్యక్తులను కించపరిచేందుకు అంకితమైన అకౌంట్లతో సహా పుకార్లను వ్యాప్తి చేయడం. 

• హింస, మరణం లేదా విషాద బాధితులను ఎగతాళి చేయడం లేదా మరొక పక్షం పట్ల హింస, మరణం లేదా విషాదాన్ని కోరుకోవడం.

• ఆ వ్యక్తిపై వేధింపులను ప్రోత్సహించడంతో పాటు వ్యక్తిగత లేదా గుర్తింపు సమాచారాన్ని పంచుకోవడం ద్వారా మరొక వ్యక్తిపై వేధింపును ఆహ్వానించడం (ఉదా., “డాక్స్క్స్‌యింగ్”).

• అవమానించాలనే ఉద్దేశ్యంతో మరొక వ్యక్తి యొక్క తారుమారు చేయబడిన చిత్రాలను (AI- జనరేటెడ్, డిజిటల్, తారుమారు చేయబడిన, ఇలస్ట్రేటెడ్ చిత్రాలను (కార్టూన్లు లేదా సవరించబడిన స్టికర్లు వంటివి) పంచుకోవడం. 

• గతంలో బ్లాక్ చేయబడిన లేదా సంప్రదించవద్దని కోరిన తరువాత ఒకరిని సంప్రదించడానికి కొత్త అకౌంట్ ఉపయోగించడంతో సహా పదేపదే, అవాంఛిత సంప్రదింపు చేయడం.

అటువంటి కంటెంట్‌లో వివక్ష, వేధింపులు లేదా హింస చేరి ఉండని లేదా హాని కలిగించకుండా ఉండే 18 ఏళ్ళు లేదా అంతకంటే ఎక్కువ వయస్సు గల పబ్లిక్ వ్యక్తులపై వ్యాఖ్యానం మరియు విమర్శలకు Snap అనుమతిస్తుంది.

వాడుకదారులు ఇతరుల వ్యక్తిగత గోప్యతను గౌరవిస్తారని మేము ఆశిస్తున్నాము. Snap ఈ క్రిందివాటిని నిషేధిస్తుంది:

• మరొక వ్యక్తి యొక్క ప్రైవేట్ లేదా వ్యక్తిగతంగా గుర్తించదగిన సమాచారం (PII) పంచుకోవడం.

• స్క్రీన్‌షాట్‌లు లేదా ప్రైవేట్ చిత్రాలు లేదా సంభాషణల రికార్డింగ్‌లతో సహా ప్రైవేట్ కంటెంట్‌ను పంచుకోవడం.

• మైనర్లు, ఇళ్ళు లేని వ్యక్తులు, క్షీణించిన మానసిక సామర్థ్యం గల వ్యక్తులు మరియు మెడికల్ సదుపాయం, నర్సింగ్ హోమ్, లేదా సహాయతా జీవన వసతిలో ఉన్నవారితో సహా తమ కంటెంట్ సంగ్రహించబడటానికి లేదా పంచుకోవడానికి సమ్మతి ఇవ్వలేని నిస్సహాయ వ్యక్తులను కలిగి ఉన్న కంటెంట్‌ను పంచుకోవడం.

వేధింపు మరియు బెదిరింపును మేము నిషేధిస్తాము. Snapchat వాడకం మా వాడుకదారులకు సురక్షితమనిపించాలని మేము కోరుకుంటాము. ఒకవేళ ఎప్పుడైనా మీకు అసౌకర్యంగా అనిపిస్తే, మాకు ఒక నివేదికను పంపి ఎదుటి యూజర్ ని బ్లాక్ చేయడానికి దయచేసి వెనుకాడకండి–– ఈ ఫీచర్లు మీ భద్రత కోసమే అందించబడ్డాయి. మా Here for You పోర్టల్ ద్వారా, బెదిరింపు మరియు వేధింపును గుర్తించి మరియు పరిష్కరించడంలో సహాయపడేందుకు గాను వాడుకదారులు ఇన్-యాప్ వనరులు మరియు సమాచారానికి ప్రాప్యత కలిగి ఉండేలా చూసుకోవడంలో మేము సహాయపడతాము. Snapchat పై ఏదైనా ఉల్లంఘన ప్రవర్తన యొక్క నివేదనను సులభతరం చేయడానికి కూడా మేము సాధనాలను అందిస్తాము.

దయచేసి ప్రజల హుందాతనం మరియు గోప్యతను పరిగణించండి–– వారు అసౌకర్యం వ్యక్తం చేస్తే, వారి సరిహద్దులను గౌరవించండి. ఒకవేళ వారు తమ గురించి కంటెంట్ తొలగించమని మిమ్మల్ని అడిగితే, దయచేసి అలా చేయండి, మరియు సాధారణంగా అనుమతి లేకుండా వ్యక్తుల చిత్రాలు లేదా వారి సమాచారం పంచుకోవడం మానండి.